.. . عضو طرح _ عن قصد او بلا قصد _ ان نسبة الانحراف الاخلاقى قد تصل فى السودان الى 75% .. تباينت الاراء .. واختلفت الرؤى والافكار عقدت المحاكم .. ووالادانات .. واشتد الدفاع انبثق .. من الحوار مسؤولية الناشط فى الحقوق الانسانية ودور المناديين بحقوق المرأة .. شمل الحوار بعض المهاترات .. الفردية .. ولكن الحوار سار فى المسار الصحيح .. راى البعض انها ( محرقة ) لقتل العضو وراى الاخر انها محاسبة لوضع الامور فى مسارها الصحيح ..
فجاء الرقيب وقص الشريط .. وانتهى الحوار فى موضوعين كالعادة .. بلا نتائج او حتى توصيات وملخصات ..
----------------
انا شايف يا بكرى بقيت تمارس الدكتاورية فى اسواء صورها بل اصبحت فى مهب الريح .. ما يرسل لك شخص رسالة بمسح وحذف موضوع الا تنفذ .. ما هكذا تورد الابل .. عليك بالاطلاع على الحوار فأن رأيت انه يستحق الحذف فأفعل فانت الامر الناهى ولم لم يكن فدع الاخو ة يمارسون حقهم فى طرح افكارهم وارائهم ولكن هذا الاسلوب ارى ان يتوقف ..
وارجو انك ما تجى تمسح البوست دا .. من غير ما تفهم وجه نظرى واراء الاخرين ورأيك انت ايضا
مع الشكر؛
07-22-2010, 10:10 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
عارف مثل هذا الاجراء يا بكرى .. يجعل الاعضاء اللجوء الى طرق او وسائل اخرى لمواصلة الحوار وبدل الموضوع .. يبقى فى الحوش السودانى تلاقانا نشرنا غسلينا ال###### للعالم كله ..
انا مقص بكرى دا بعرفو لى 10 سنوات والموضوعين ديل انا بقرا ءفيهم حتى الساعة 1 صباحا بتوقيت السودان شفت الملاسنات ( الفردية) وشفت الفكرة الاساسية وشفت اراء البعض فى حقوق المراة ..
------------
لعلمكاهم بوستيين ما واحد .. الاول من تيسير النورانى والثانى اعتذار من تراجى ابوطالب وبالله تانى ما تتسبب لينا فى اى حذف ممكن ..
07-22-2010, 10:41 AM
حاتم كاهن حاتم كاهن
تاريخ التسجيل: 04-24-2010
مجموع المشاركات: 548
والله يا تبلدينا أنا دي أول مرة أتعرف فيها على مخبر (الخور).. وإتفاجأت حبة وبعد داك إستغفرت وقلت ياخي أنا مالي ومالهم بوردهم يسوو فيهو الدايرنو ..
بس سألت نفسي سؤال .. هل أي واحد من البوستين ، أكان بتاع تراجي أكان بتاع تيسير راح يوصلنا لي نتيجة (عقلانية) للأسف لأ .. كان والله فضلنا نتعافر فيهو لحدي ما نزهج .. نظرية أختها ليك وتختها لي دي الرائجة هنا .. عشان كده المنطق بيروح في روح التصفيات الحاصل ده .. والدكتاتورية مش في بكري .. اللي ممكن رأي (وهو سيد الشي) إنو القصة ماشه في مزالق خطيرة .. الدكتاتورية مالية ناس كتار هنا .. بيفترضوا إنو رؤيتهم لي كل شي (بكرر لي كل شي ) هي الرؤية الشريفة وما سواها فهو باطل .. والله قال بي قولك كان عارضت بتبقى يا إما عندك رؤية مسبقة في صاحب الراي .. يا بيناتكم تار .. يا فيك شبهة كوزنة .. طيب أنا الجيت أول أمبارح ده .. البعرفني منو ؟ مافي جيت قلت كلام لحدي هسي بفتكر إنو موضوعي .. إتحسبت بعديهو طوالي على إني من زمرة المهولاتية والدايرين يفرغو الموضوع من محتواه ويحوروهو ..
بورديكم ده فيهو محن يا أخوي ..
كاهن
07-22-2010, 10:57 AM
tayseer alnworani tayseer alnworani
تاريخ التسجيل: 07-30-2007
مجموع المشاركات: 1500
Quote: لعلمكاهم بوستيين ما واحد .. الاول من تيسير النورانى والثانى اعتذار من تراجى ابوطالب وبالله تانى ما تتسبب لينا فى اى حذف ممكن ..
تبلدينا ازيك رديت الصباح فى البوست وصلت المكتب لقيتومشى الخور واضح فى ناس هنا اساسين وناس فرعيين الاساسين طالبوا بسحب البورد وسيد المنبر وافق لكن لم يفكروا حتى فى احترام حقنا وارسال لرسالة ماسنجر فقط للعلم وليس للقرار انا عرفتوا مشى الخور منك فشكرا ليك .
07-22-2010, 11:04 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 22958
يا تبلدينا يا ولد عمي حذف البورد عمل خير قصد منه بكري إنهاء الحوار البيزنطي بين مجموعة من الحادبين\ت وبعض الغير. كلام تراجي فيهو إساءة كبيرة ولكن جات تبرر عملها بالعذر والمسببات الأقبح من الذنب. عليه نرى أن الخور هو المكان الأفضل لمثل هذه البوستات. وياريت لو يلحِّق الكاتبين الحاجات دي بوستاتهم عشان نرتاح شوية. مثل ما حدث مع رودة مردا سابقاً.
تحياتي لدكتور صهيب.
(العوج راي والعديل راي)
07-22-2010, 03:11 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
Quote: واضح فى ناس هنا اساسين وناس فرعيين الاساسين طالبوا بسحب البورد وسيد المنبر وافق لكن لم يفكروا حتى فى احترام حقنا وارسال لرسالة ماسنجر فقط للعلم وليس للقرار
سلام يا بت بلدى؛ راسلة اعتذار شنو المنتظراها ؟؟ بعدين لعلمك الواسطةوالعلاقة الشخصية بتلعب دور كبير مهما كانت اهمية الموضوع ..
-------------
حسي بالله بوست الناقد سعيد بوكرامى دا زنقتو ما تستاهل الحذف اكتر من 75% :)
07-22-2010, 11:42 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
.. . عارف يا كاهن الخور كان زمااان .. تمشى تلقى مووضعكـ قاعد .. تانى تدور الحوار .. بس الاطلاع من حق الاعضاء فقط حسيبقى ما خور كدا والمحرقة ..
Quote: بس سألت نفسي سؤال .. هل أي واحد من البوستين ، أكان بتاع تراجي أكان بتاع تيسير راح يوصلنا لي نتيجة (عقلانية) للأسف لأ ..
ودا الشئ الاكيد .. بس على الاقل لو استثنيناء الملاسنات الشخصية ممكن نطلع باراء حول حقيقة التدهور الاخلاقى .. احتمال نصل لنسبة عن بائعات الهوى ( الجسد) نعرف اراء من بخارج الحدود باخلاقيات نسائنا .. 0 طبعا هم صاروا منفصلين ن هذا الجسد او الواقع 0
انا شخصيا ارى ان ممارسة حق الحذف لابد ان يكون مؤسس يعنى ما عشان المنبر ملك لشخص تحجر على الاخرين ارائهم وتستلب حق الحوار بكرى معرفتى به منذ سنوات .. ولكننى اراه صار يشتغل بمزاج الاخرين وارائهم مخطئين كانوا او مصيبن ..
------------
غايتو يا كاهن لسه حتشوف العجب العجاب
07-22-2010, 03:25 PM
هاشم نوريت هاشم نوريت
تاريخ التسجيل: 03-23-2004
مجموع المشاركات: 13622
ياتبلدينا البلدينا انت مالك ومال السياسة والنضال وبعدين انت وانا قاعدين فى السهلة لو كان الواحد عندو تلفون بكرى كلللن كللن يابكرى بالله احذف البوست الفلانى والعلانى ويلقوا المساكين مداخلاتهم فى الخور ياخى دى سياسة عليا سيبك منها بالله انت وتروستكى وغيرهم من ابناء كردفان حدثونا عن التراث الكردفانى لى زمن عندى رغبة فى معرفة هذا التراث
07-22-2010, 03:35 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
HAIDER ALZAIN
حاتم كاهن
بدر الدين الأمير
cantona_1
هاشم نوريت
فيس بوك
تويتر
انستقرام
يوتيوب
بنتيريست