يوم فى الغربة ماشي براى وشاقي الحّـى لقيت وحيدة زى أمي ترضع فى وليدها صبّي ويعصر فى ضريعها شديد .. يناتل فوقه يصرخ وّى وجيتها قريب ..لقيتو ضريعها ضرع أمي داري غزير أظنو لبّي *** وقفت شوية وأتملت فوقها كتير لقيت فى وشيشها أغرب شئ !! عيــون أمي وقت ما تغوص جفون الليل .. تفتش لي وفى حدقاتو تلقاني .أحفظ فيهو أشعاري ويدمدم بقصيدة لّي وأشــوف فى قمره وش أمي *** وأشوف دمعاتها فى شلاخها جاريات لي بقيت كن شفتو بادي هلال .. تجرى الدمعة فى عيني وأتذكر دمـوع أمي يقالدوني يوادعوني يشابن لي وتنقص دمعة من شلاخها ..ترقد لي فوق خدّي *** مافي أحن من أمي أجيها صغير .. أجيها كبير تفلينى ،، وتقردن لي تحجينى وتوسوس لى : تكبر لى يا ولـدي ,اشوفك ضاوي مثل الضّي تحجيني وتشيل كبري واشوف اولادك يفرحوا بّي احجيهم الوليهم ينومواالعافية فوق إيدّي *** يوم أسمع كلامك داك يوم اسمع كلامك داك أحس العبرة تخنقني وتحسي جوابي فى عينّي واقع فوق حضنك الدافئ .. وأسلم ليكِ فوق رأسك وأضمكِ إنت بين إيدي وأحقق ليك أمنيتك مهما تقسي تصعب لي أوديك مكــة .. ألفين مره ..كن الألف يبقي شوي *** وكن كــبرك!!؟ أساهر الليل اشيلك بين أيدي وتكبر لي ..تحضري عروسي واولادي ويفخروا بيك ..متل ما كنت تفخري بي ولو ما الدنيا فوقها شويه اكاما ما الدنيا فوقها شوية متل أمي أكان القمري يبقي حدّي ويعيش الناس ضلام فى ضلام يفتشـوا شمعة بس للضّي *** شمعة بتفني زى أمي عشان نورها يفضل حي أكان ماجيتها من بطنك ! أكان ما جيتها من بطنك أكان الدنيا حتى الأخرة ضاقت بّي عشانك إنتِ يا أمي وعشان بأبوك متسمي وأبوك العارفو ما زول نّي عشانك أنتِ قلبي كبير وضيو كتير وماخد من شمعتك ضي *** بـنــده الله إنتِ تعيشي يا أمي وكل الباقي خلي علّي عشانك إنتِ وعشان ما إنتِ نور عيني تشيخي تعيشي بيناتنا وأشوفك غيمة ماشه علّي غيمة بتقصد المحتاج ..وفضلة خيرك يبقي هو حيّ وخيرك يغشي كل الناس .. من الماشي بالعكــاز لى عند البيحبي حبّي *** وأشوفك فى عيون الناس عبيراً صافي جاي نقّي أحس نسامه فى جوفي ،، تخش بسهولة فى رئتيي شعري القلتو يمه حزين شعري القلتو يمه حزين وكله مآسـي مرت بّي *** إلا غناك يا أمي زفرة ونبضه نبضه وزفره زفره ونبضه.. فى دمي وبسمه عريضه فى شفتي .. .
رحم الله الاستاذة/ ليلي المغربي فهى من جعلنى احفظ هذه التحفة ...
03-20-2004, 08:34 PM
سجيمان سجيمان
تاريخ التسجيل: 10-03-2002
مجموع المشاركات: 14875
تبلدينا لك التحية هذه القصيدة للشاعر مصطفى عبدالماجد المامور.وهو شاعر مبدع كتب كثيرا من الروائع.وفيما يبدو لي انه قد ترك الشعر وهمه وجرى وراء المعايش. من قصائده الرائعات التي كتبها قصيدة (سوزان).وهي من اشهر القصائد الدارجة(كدة صاح) في فترة الثمانينيات.وفيها يقول: سوزي الرقة والجبروت مجازر دم في عين جالوت وسوزي الملكة حتشبسوت واه لو ترضى حتشبسوت تشيل من صوتا حبة صوت تبثو اذاعة امدرمان -------------------
03-20-2004, 09:12 PM
Ahmed Elmardi Ahmed Elmardi
تاريخ التسجيل: 01-14-2004
مجموع المشاركات: 1663
والله ريحتنى جنس راحه نا شخصياً لى 10 سنوات بدور فى اسمو والله مصطفي المامور ما ساهل والله يديك العافية بس سوزان دى ما تحاول تشوتها لينا .. قصدى تنشرها الناس دى هنا فهمل للدارجي صعب خلااص
لك الود
03-20-2004, 09:41 PM
ASAAD IBRAHIM ASAAD IBRAHIM
تاريخ التسجيل: 11-26-2003
مجموع المشاركات: 3920
أمين يا رب والله الليلة الصباح حلفت كسر رقبه 2004 ما تمشى فينى والله اخوك حلف ليها قسم ووعدا .. بس بعد ما قفلت الخط بقيت افكر فى صيام 3 ايام .. غايتو الامهات ديل مرات بعصرن فى الشوك
وكل عام وجميع الامهات بالف خير
لك الود يا مضلم ..
03-20-2004, 09:43 PM
ودقاسم ودقاسم
تاريخ التسجيل: 07-07-2003
مجموع المشاركات: 11146
ربنا يخلي ليك الوالدة .. ويديها الصحة والعافية وكل أمهاتنا بالف خير .. كلام خالك ودقاسم دا ما يقع واطة .. صره في كيس وخته تحت المخدة .. وعلى قول دكين .. كلامي دا كلام عرب ساي ..
03-21-2004, 08:38 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22488
شكرا لك فقد جعلت دمعات ساخنة تنزل مني هذا الصباح لتغسل الروح التي لا تنفك تتعلق بذكرى الوالدة رحمها الله رغم السنوات الطوال
( شمعة بتفني زى أمي عشان نورها يفضل حي أكان ماجيتها من بطنك ! أكان ما جيتها من بطنك أكان الدنيا حتى الأخرة ضاقت بّي عشانك إنتِ يا أمي وعشان بأبوك متسمي وأبوك العارفو ما زول نّي )
تسلم أيها العزيز
03-21-2004, 09:06 AM
abuguta abuguta
تاريخ التسجيل: 04-20-2003
مجموع المشاركات: 8276
تبلديا....الله اديك العافية والله لو ما انت وامثالك كان فتحنا للبورد دا شفت المواضيع بقت كيف...كلها احقاد دفينة
عسكرى كان وزير دفاع يوم من الايام زهج قال لازم يحرق مكان ما الرئيس رفض وقال ليه مابوافقك عشان تبيد امة بعد اكثر من 35 سنة تشعللت على البورد ونسبت للاسلامين او الشمالين اها كلام زى دا لا يودى ولا يفيد ...مش احسن منه الناس تكتب شعر وتالف وكمان فوق الامات ياسلااااااااااااااام ربنا يزيدك وكلام ود قاسم عين العقل ولقدام
03-21-2004, 12:34 PM
shiry shiry
تاريخ التسجيل: 07-05-2002
مجموع المشاركات: 3511
ـاحرنا لظروف الصيانة شكرا ليك والللهم امين وجميع الامهات بالف خير موضوع وصية الخال دا ناس كتار شايفهم وصوني والله ما ووقع الكلام للان اظنى بشوت ضفاري وما عارف او فى شبه بينى وبين اساسي يا ربي ؟؟ بجيك بالطريق الصحراوى بالنعش الطاير .. دمت
عزيزنا أبا جهينة اكثر لها من الدعاء ونحن معك وليرحمها الله رحمه واسعة ويتغمدها بواسع رحمته شكرا ليك كتير يا فاضل
دمت
كدى النشوف تانى فى منو فى الصف ؟؟
03-21-2004, 01:04 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
.. . قال حساس قال ليه شايفنى ستلايت . بعدين تعال انت قايلنى جابونى للربا والتلاف والله الصباح بتكلم معاها دمعة تلبت عليك الله الواحد بقي هنا زى شنو زي شنو ..سلك رسيفر
حالنا دى والله بقي بنضم جنس نضم على الطلاق يوم الجمعة سخن بي عديل حسع بقيت اتزاوغ من كتاباتو بقرا بعيون بس ابنكتفو ليك بالصلاة على النبي وبنسقو للشيخ للبرعي خلى يشرب الروب الجد
القائل تكون بت النجومي
لك ولها الود والتقدير
03-21-2004, 03:08 PM
Raja Raja
تاريخ التسجيل: 05-19-2002
مجموع المشاركات: 16054
تبلدينا والله كل ماتجى سيرة الامهات يجى فى بالى التجانى ورائعته امى الله يسلمك والله ماقصر كلو كلو فيها الله يديه العافية ويديهم العمر الطويل والصحة ويغفر للرحلو مننا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سجيمان
فتحي الصديق
Ahmed Elmardi
ASAAD IBRAHIM
ودقاسم
معتصم دفع الله
ابو جهينة
abuguta
shiry
Raja
فيس بوك
تويتر
انستقرام
يوتيوب
بنتيريست