|
|
 Re: السودان بين أوهام العروبية وأحلام الأفريكانية - مرة أخرى (Re: إسماعيل وراق)
|
الاخ اسماعيل وراق... شكرا على طرح الموضوع دا لانه في رايي مهم جدا و عايز تفكير ، وتجاوز، و تفكيك مفاهيم...
عايز اشارك ببوست كتبته قبل مدة و بما اني زول كسلان جدا فقمت عملت فيه بعض التعديلات بس و احييك تاني
...اتهرينا يا جماعة بموضوع الهوية دا..والقصة دي حتستمر كتير.. لاننا ببساطة عايزين نحدد هويتنا..ومحاولة التحديد دي بالذات في رايي هي مشكلة..ناس قالوا عربية, وناس قالوا افريقية, وناس قالوا عربية افريقية, و في النهاية كلهم عايزين يحددوا ..لكن كدي نمسك الموضوع من الاول..نحن قاصدين شنو بالهوية؟ هل الهوية دي حاجة مسبقة وثابتة و نهائية قاعدة في مكان ما و نحن عايزين نكتشفها و نشبها (من الشبه) ؟ هل هي بوهية بلون معين , ولا مربع مساحته بتساوي الطول في العرض؟ انا رايي انه نحن البنخلق المفاهيم دي بعدين نقعد نقدس فيها ونختلف حولها ونقعد نتحارب..ولمن ننزل مفهوم الهوية المعلق فوق دا للارض و للحياة العايشنها كل يوم دي حنكتشف انه ما في هوية صافية ، ولا في جنس بشري نقي ، ولا ثقافة منعزلة تماما عن باقي الثقافات (و الانترنت دا كدي خلي علي جنبه حسة)..العرب اتاثروا بالفرس واليونانيين و الافارقة ، والعكس صحيح ..والمسلمين لو فتشنا بنلقاهم اتاثروا بالمسيحيين واليهود و البوذيين و العكس صحيح ..والشرق فيه من الغرب والشمال والجنوب ، وهكذا.. وهويتي هي مزيج من دا كله وعبارة عن توليفة معقدة جدا من تجاربي زايد تجارب الاخرين في حالة تفاعل و تشكل دايم. والقصة جايطة ما عندها حل نهائي و مريح ..وما في زول ضيعنا غير اصحاب الحلول النهائية و النظريات المسبقة. والاخر الانا خلقت منه عدو و غريب هو جزء من تكويني وانا جزء منه..منو الاخر بالنسبة لي هسة , السوداني الاستلم السلطة بالقوة و شردني ولا الخواجة الاحتضني؟ منو الاخر بالنسبة لجنوبي هرب من الحرب للشمال؟جيش الحركة الاتسبب بشكل او باخر في هروبه ولا الشمالي الشغله و اداه فرصة يتعلم؟منو الاخر بالنسبة للمراة السودانية ,الرجل السوداني ولا المراة الاوروبية ؟ منو الاخر بالنسبة للفلسطيني ,السعودي ولا الفرنسي المشى رام الله وعمل درع بشري عشان يحمي عرفات؟ مالو لو فكرنا في مفهوم الهوية بلغة التنوع ولاختلاف و التفاعل و التشكل المستمر لمالانهاية و تعدد الاصوات والوجوه ..مالو لو فكرنا في المشاكل البتهدد البشرية كلها و الهويات كلها زي الفقر والعنف وتغيير المناخ..الخ..وما في مشكلة لو نختلف لانه دا شي طبيعي , لانه انا عارف انه الزول الانا بختلف معاه دا فيه شي مني وانا فيني شي منه..واصلا مافي اختلاف تام ولا في اتفاق تام ,المهم ننفتح على ذواتنا ونكتشفها وننقدا ، وعلى الاخرين ونتحاور..المهم الفعل المستمر على تفكيك القديم والموجود وتجاوزه للجديد، والجديد زاتو طبعا ما نهائي و لا ثابت و محدد انما هو فعل مستمر ومتجدد..كدى نفكر......
توفيق زيادة
|
|
 
|
|
|
|
|
| العنوان |
الكاتب |
Date |
| السودان بين أوهام العروبية وأحلام الأفريكانية - مرة أخرى | إسماعيل وراق | 03-19-05, 02:10 AM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-19-05, 02:11 AM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-19-05, 02:15 AM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-19-05, 02:17 AM |
| Re: السودان بين أوهام العروبية وأحلام الأفريكانية - مرة أخرى | ناذر محمد الخليفة | 03-19-05, 06:13 AM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-19-05, 06:20 AM |
 Re: السودان بين أوهام العروبية وأحلام الأفريكانية - مرة أخرى | lana mahdi | 03-19-05, 07:07 AM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-19-05, 07:44 AM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-20-05, 03:13 AM |
| Re: السودان بين أوهام العروبية وأحلام الأفريكانية - مرة أخرى | Alshafea Ibrahim | 03-19-05, 07:35 AM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-19-05, 08:16 AM |
| Re: السودان بين أوهام العروبية وأحلام الأفريكانية - مرة أخرى | ناذر محمد الخليفة | 03-22-05, 07:41 AM |
| Re: السودان بين أوهام العروبية وأحلام الأفريكانية - مرة أخرى | Abdulgadir Dongos | 03-22-05, 08:26 PM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-23-05, 04:25 AM |
| Re: السودان بين أوهام العروبية وأحلام الأفريكانية - مرة أخرى | Abdulgadir Dongos | 03-23-05, 02:14 PM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-22-05, 10:49 PM |
| Re: السودان بين أوهام العروبية وأحلام الأفريكانية - مرة أخرى | aymen | 03-23-05, 03:10 AM |
| Re: السودان بين أوهام العروبية وأحلام الأفريكانية - مرة أخرى | aymen | 03-23-05, 03:59 AM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-23-05, 04:34 AM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-26-05, 02:57 AM |
| Re: السودان بين أوهام العروبية وأحلام الأفريكانية - مرة أخرى | ناذر محمد الخليفة | 03-23-05, 04:45 AM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-24-05, 07:13 AM |
| Re: السودان بين أوهام العروبية وأحلام الأفريكانية - مرة أخرى | SUKA | 03-24-05, 01:25 PM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-30-05, 04:41 AM |
| Re: السودان بين أوهام العروبية وأحلام الأفريكانية - مرة أخرى | SUKA | 03-26-05, 02:13 AM |
| Re: السودان بين أوهام العروبية وأحلام الأفريكانية - مرة أخرى | aymen | 03-26-05, 02:43 PM |
| Re: السودان بين أوهام العروبية وأحلام الأفريكانية - مرة أخرى | Mario Deng | 03-26-05, 07:20 PM |
| Re: السودان بين أوهام العروبية وأحلام الأفريكانية - مرة أخرى | عبدالبارى العجيل | 03-28-05, 11:41 AM |
| Re: السودان بين أوهام العروبية وأحلام الأفريكانية - مرة أخرى | AbuSarah | 03-28-05, 12:26 PM |
| Re: السودان بين أوهام العروبية وأحلام الأفريكانية - مرة أخرى | متوكل بحر | 03-28-05, 04:29 PM |
| Re: السودان بين أوهام العروبية وأحلام الأفريكانية - مرة أخرى | إسماعيل وراق | 03-29-05, 00:42 AM |
| Re: السودان بين أوهام العروبية وأحلام الأفريكانية - مرة أخرى | AbuSarah | 03-30-05, 03:28 AM |
| Re: السودان بين أوهام العروبية وأحلام الأفريكانية - مرة أخرى | أبوالزفت | 03-30-05, 03:42 AM |
|
| |
فيس بوك
تويتر
انستقرام
يوتيوب
بنتيريست