الـفـنُّ يـُـفـقـِـرُ..و..الإبـداع ُ قـتـّــالُ..

مرحبا Guest
اخر زيارك لك: 03-19-2024, 10:05 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة الطيب بشير الطيب آل خلف الله(الطيب بشير)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-17-2008, 04:45 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الـفـنُّ يـُـفـقـِـرُ..و..الإبـداع ُ قـتـّــالُ..

    .
    أي نعم..
    و دعني أستثني (بعض) المغـنّين ..
    لكن رعاة الفــن الحقيقيين في السودان..أهل ذلك الوجع الحرّاق..القابضين على جمر خلق الفرح..من شعراء و ممثلين و كـُتـّـاب و مذيعين و موسيقيين، ملحنين و عازفين، و مغنيين خارج الـ(بعض)المشار اليه بعاليه..
    كلّ هؤلاء يحترفون (مباصرة) المعاناة..يتقاسمون الفقر و التعفـّـف..و رفض الإنكسار..
    يدخل الواحد منهم الكافيتيريا، البائسة، ملتمسآ الأنس قبل الطعام..و يرفض في شمم دعوات يعلم مسبقآ صدق أصحابها..و يعتذر بأن (سبقناكم) و تنطق ملامح وجهه المرهق بأن كذبت يا صادق الإحساس و لكن قبلناها منك..
    يمرّ عليهم، مرور اللئام، "زملاؤهم" الذين وجدوا طرقآ للتوازن المادي..
    بعضهم يمتهن المناسبات ..للواحد منهم أغنية أو قصيدة أو لحن لكل مناسبة ..يشترك الواحد منهم في التعداد و التطعيم و السلام و الحرب و الجهاد و الخفاض و المشاط و تجميل الخرطوم و الكباري و المجاري..و تصبح وجوههم مألوفة بشباك (معاوية)..و هو صرّاف الإذاعة الشهير..
    الواحد منهم مثل الترزي يفصل العمل الفني بالتعليمات..و يقبض الثمن!!
    قبل أن أعود..
    حدثونا، بلا أسماء، عنهم..
    أنتم تعرفونهم..
    هل صحيح ما زعمه عنوان البوست؟؟
    الـفـنّ يـُـفـقـِـرُ..و..الإبـداع ُ قـتـّــالُ..
    .
                  

04-17-2008, 05:23 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    هذا ما كان من أمر الفن الذي يـُـفـقـِـرُ
    أما الشق الثاني من عنوان البوست
    فيحكي عن شفافية المبدعين في بلاد فقيرة أو ظالمة
    قبل عقد من الزمان..قالت إبنة الشاعر الراحل عبد الله الشيخ البشير في ندوة إشراقة التجاني يوسف بشير أن أباها الراحل، عليه من الله شآبيب الرحمات، كان يعود من الشارع باكيآ مغمومآ ..و بسؤاله يتضح أنه رأى طفلآ يأكل من القمامة!! لم يحتمل المنظر و ليس لديه طعام لجيوش المشردين..فشاركهم بدمعة من حـُـرّ إحســاسـه و من حـَـرّ دواخله الصادقة..
    هؤلاء المبدعون يصعب عليهم قبول أشكال الغبن التي يمتحن بها الشعب السوداني كل يوم..
    فمنهم من قضى نحبه..
    و منهم من ينتظر..
                  

04-17-2008, 06:31 PM

حليمة محمد عبد الرحمن
<aحليمة محمد عبد الرحمن
تاريخ التسجيل: 11-02-2006
مجموع المشاركات: 4052

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    Quote: الـفـنُّ يـُـفـقـِـرُ


    1/3

    الطيب يا قريبي ...

    عساك والاسرة بألف خير...


    دعنى اسرد لك هذه الواقعة.. فتأملها..

    ذهبت حماتي بابنتها التي تمتلك صوتا جميلا، الى فنانة مشهورة جداَ..

    لتأخذ رأيها في ابنتها وتوجهها التوجيه السليم في درب الفن، خاصة وان

    الصغيرة، موهوبة جداَ في الفنون الجميلة التي ورثتها عن ابيها الفنان..

    فما كان من تلك الفنانة الشهيرة، الا ان قالت لها..

    نصيحة لوجه الله.. خلي بنتك تشوف ليها نشاط تاني غير الفن...

    قراية توكلها عيش في المستقبل...

    ليه؟ كان التساؤل المضطرب من ام البنت .. واردفت: لقد سمعتك باذني

    هاتين تمتدحين الفنون والعاملين فيها، وفهمت من مدحك الجانب المادي..

    خاصة انك تطرقت الى اشياء فهمت منها ان اولي الامر يرعون ويراعون

    الفنون والمشتغلين بها...

    فما كان من تلك الفنانة الا ان قالت لها: اسمعي دا كلام اعلام ساكت..

    اخدى نصيحتي ليك.. بلاش الفنون...

    جال في خاطري والد تلك الطفلة الفنانة (الرسامة) وكيف انه الحائز على شهادات

    اكاديمية من امهات اكاديميات الفنون العالمية، حينما عجز عن توفير لقمة العيش، لان الناس اضربت

    كثيرا عن الفنون.. دخل السوق وعمل (فوالا)...لانه ببساطة اصبحت للفن مافيا..نجاح الفرد

    في ذلك (الكار) رهين بالدوران في ساقيتها..

    ولكي اكون اكثر دقة.. عمل ذلك الرجل محاسبا في المطعم الشعبي الذي افتتحه هو وزوجته في السوق العربي

    فاصبح ملتقي لاهل الفنون، الذي لا يأكلون ولا يدفعون.. (يشبعونك) ونسة جميلة، عميقة و(معسمة) بالفكر.

    ثم يدفعونك لاحقا الى هجر المهنة هي الاخرى والبحث عن اسباب اخرى للقمة العيش، وربما حسد

    احدهم اصحاب محلات ود عماري.. التي لم تبور بضاعتها يوماَ، ولا تحتاج الى توفر معينات الحفظ والتبريد..

    هجر هو الاخر المهنة.. ولكن قبل ذلك عمل على تفعيل الجانب الفني في مطعمه، فاستغل اغطية

    زجاجات المشروبات الغازية ، فصنع منها اشكالا ورسومات رائعة، تحكي واقع حاله الذي يعيشه، وزين بها

    ارجل الطرابيز في مطعمه.. وعلق كذلك بعض لوحات طلابه المميزة..فكان الزبون في انتظار (الطلبية)،

    يطالع اللوحات التشكيلية الرائعة ايضا..

    في مطعمة قابلت العديد من اهل الطرب ، والنقاد ، والفنانين التشكيليين والادباء..

    بجيك راجعة يا ابو البشير.. لسع عندي حكايتين..

    فتك بعافية..

    مودتي...

    حليمة
                  

04-17-2008, 06:58 PM

ابو جهينة
<aابو جهينة
تاريخ التسجيل: 05-20-2003
مجموع المشاركات: 22443

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: حليمة محمد عبد الرحمن)

    عزيزي أبو بشير الطيب

    سلام و شوق لرؤياك

    أما بعد

    Quote: يدخل الواحد منهم الكافيتيريا، البائسة، ملتمسآ الأنس قبل الطعام..و يرفض في شمم دعوات يعلم مسبقآ صدق أصحابها..و يعتذر بأن (سبقناكم) و تنطق ملامح وجهه المرهق بأن كذبت يا صادق الإحساس و لكن قبلناها منك..


    أما الآن .. فإن أناساً على هذه الشاكلة فقد صاروا مثل ( لبن العصافير و العنقاء و الغول ) ... يعني قلة تعد على أصابع اليدين في كل ألف ...

    فالفن الآن يعود بنا القهقرى لأيام مقولة : ( يا كَفَر يا وتر ) ... و لا أقيس بالسودان فقط .. بل قس على هذه الصارقيلات المتلولات يملأن الفضاء ضجيجاً و لولوة ...
    الفن يفقر الفنان ذي القيم الراسخة في روحه .. الفنان الذي إختلطتْ القيم بفنه فصارت في بوتقة واحدة لا تنفصم عراها و لا يمكنه أن يفصل إحداها عن الأخرى .. هذا يفتقر و يتألم للفقر و الفقراء ..وهذا النوع يموت و يحيا فقيرا .. و لكنه فنان ..

    و الإبداع بالفعل قتال .. فهو يجز روح الإنسان جزاً و يقتطع منها راحته و هدوء باله .. و بالتالي صحته ..

    يعطيك العافية ...
                  

04-17-2008, 07:12 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: ابو جهينة)


    يا سعادتك ..
    يمسيك بالخير .

    أقعد إنت نكّت في الجروح و حُكّها أحبان البلد .. حِبِنْ حِبِنْ
    Quote: و يرفض في شمم دعوات يعلم مسبقآ صدق أصحابها.. و يعتذر بأن ( سبقناكم ) و تنطق ملامح وجهه المرهق بأن كذبت يا صادق الإحساس
    الله لا يوجعك يا الطيب .. زي ما وجعتني الصورة ..
    و وجعتني بلداً عزيزها الأذل ..
    و لحمُ الضأنِ تأكله الـ ...............
    إنّا لله .



    أبو البشير ..
    هبشك الما ضرّاك ..
    قول يامين .


                  

04-21-2008, 12:37 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: Emad Abdulla)

    ألف أهلآ بالفنان العزيز عماد عبدالله
    وحشة و شوق يا "مان"..
    Quote: الله لا يوجعك يا الطيب .. زي ما وجعتني الصورة ..
    و وجعتني بلداً عزيزها الأذل ..
    و لحمُ الضأنِ تأكله الـ ...............
    إنّا لله .

    نعم بكل أسى يا عماد
    هذا حال بلدنا
    و الفنانون، برغم كل شيء، يتقطّـعـون ذوقآ و يضوعون عطرآ طيبآ جرّاء احتراقهم اليومي..
    للحاقدين اللحم و لنا العظم...
    و سنبدع الدنيا الجديدة وفق ما نهوى
    أليس الصبح بقريب؟؟..
    تحية يا سعادتك
    و تقديري عميق
    .
                  

04-21-2008, 12:29 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: ابو جهينة)

    Quote: الإبداع بالفعل قتال .. فهو يجز روح الإنسان جزاً و يقتطع منها راحته و هدوء باله .. و بالتالي صحته ..

    مرحبتين يا أبا جهينة
    قف تأمـل
    كلامك سمح
    و نحن في "الداخــل" نتواصل معهم يوميآ..ترى الفقر و الإباء يتقاسمان هامةً عالية..نسألأ بغباء المهاجرين..ياخ انا شايف الراجل دة لكن.....و يأتيك التعريف ياخ دة مافلان شاعر أغنية....و...و....أو دة الموسيقي فلان ملحـّـن أغنية ....و..و.....و...
    تلحظ أن البنطلون يتكافأ في شرف النظافة مع القلب و... الجيب!!

    أدعُ لهم يا أبا جهينة..و هل نملك غيرالدعاء

    ..
                  

04-21-2008, 12:20 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: حليمة محمد عبد الرحمن)

    .
    العزيزة حليمة..قريبتي العظيمة

    كيف حالك و الأهــل

    بعتذر ليك و المتداخلين الكرام بذات موضوع البوست..و هو (الجري) وراء الكسب في السودان
    و نواصل ردود على الجميع
    كلامك في الصميم ..و الوصية لاجتناب الفن كـ(سبّـوبـة) للرزق ورد في وصايا كثيرين
    منهم والد المصري المبدع (علاء الدين الأسواني)..
    يـُـنسب للأديب الشاب أنه قال لوالده (أنا كملت الثانوية العامة و عاوز أتفرغ للفـن)
    قيل إن أباه نصحه (إذن تضرّ نفسك و الفــن)..إبحث عن تأمين أكل عيشك (بعيدآ عن الفــن)..
    و تمتع بممارسة الفن بلا اشتراط عليه أن يكون عائلآ لك.."أو كما قال"..
    المعلوم أن الأسواني الشاب طبيب..

    منتظرين بشوق عظيم القصتين الأخريين
    فتعالـَـي..

    تقديري

    .
                  

04-18-2008, 12:25 PM

مصدق مصطفى حسين


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    العزيز الطيب بشير
    تحيات عاطرات
    Quote: الـفـنُّ يـُـفـقـِـرُ..و..الإبـداع ُ قـتـّــالُ
    نعم ...
    هو كذلك ... خاصه فى بلدى الحبيب ، للأسف ...
    و أنا فى السنه الثانيه ثانوى عالى (حينذاك ) توجهت لمخرج كبير جدا (سنا و إسما )،
    قلت له بالحرف الواحد: أنا سأجلس لإمتحان الشهاده السنه القادمه و لا أريد أن
    أكون طبيبا و لا مهندسا و لا ضابطا و لا و لا .... ألخ ،
    فقط أريد أن أكون مخرجا تلفزيونيا أو سينمائيا ، و أنا قادما إليك من مدنى فقط لأجل هذا الأمر
    و أريد منك التوجيه .. ماذا أفعل و إلى أين أتجه ؟؟؟
    كان رده حاسما .. قويا .. قاتلا ، قال لى : يا ابنى الحكايه دى صعبه جدا
    و ما أظنك تقدر عليها ..
    أنا درّسونى أهلى فى بريطانيا لأنو وضعنا المادى كويس !!
    والله العظيم هذا ما قاله لى و بالحرف الواحد ، طرقت أبوابا كثيره بعد ذلك
    و كانت نفس الإجابه و لكن أكثر دوبلوماسية و ( حنيه ) من صاحبنا المخرج الكبير .
    آسف للإطاله و لكن رغم مضى السنين فما زالت الذكرى تهلكنى .


    سأعود ثانية .... فالموضوع حقا يستحق الكلام و الفضفضه .
                  

04-18-2008, 07:27 PM

Adil Al Badawi

تاريخ التسجيل: 07-27-2005
مجموع المشاركات: 1143

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: مصدق مصطفى حسين)

    سلامات يا أبو البشير

    يكاد حسن موسى يلخّص موضوع بوستك هذا في قوله: "ربما كان من الأقوم لنا أن نتأمل في هذا النوع من فنون الأفارقة الذي لا يحفل به الأوروبيون كثيرا: فن البقاء على قيد الحياة."

    وكدت أشارك حسن موسى هذا الرأي بالكليّة لكنّ وردي قطّع لي الراي في راسي حين قطع لينا الشك باليقين في أن فن الانعتاق من قيد الحياء أدعى للتأمّل.

    ومن لم يفتقر بالفن ولم يقتل بالابداع ولم يحدِّث نفسه بالانعتاق، مات على أي حال وبواحد من ألف سبب أو يزيد بسودان تزيدون وترذلون.
                  

04-22-2008, 01:41 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: Adil Al Badawi)

    .
    مرحبتين عادل البدوي

    Quote: فن البقاء على قيد الحياة

    برأيي أن الغرب يعرف هذا الفن أيضآ!!
    ذلك أن طاحونة الراسمال تنتج بانتظام مشردين و جائعين و حفاة وعراة..يتوسل بعضهم بنغمات الكمنجة ليستدر منك دولارآ أو مجزوء الدولار..فن البقاء على قيد الحياة شاهد العصر على ظلم الإنسان لأخيه الإنسان..
    و لكني أتمنى لفناني السودان حياة كريمة من هنا و إلى أن يقتلهم الإبداع..و لا أقبل لهم أن يحملوا هم الخلق الجمالي و هم ثمن أجرة الدار و أغراض البقالة و سيجائر قوول و نظرات الدائنين!!

    .
                  

04-21-2008, 03:51 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: مصدق مصطفى حسين)

    التشكيلي الرائع مصدق مصطفى حسين
    أحد أهم دعامات الكاريكاتير في البورد و الوطــن
    لا تزال بالخاطر إبداعاتك عن "جوطاتنا" على الكي بورد
    و أنتم تقتاتون هذا الفــن و تتعاطونه..استصحبوا معكم نصائح الذين اكتووا بنيرانه..شوف زي المقهى بتاع أصحاب حليمة قريبتي دة..معاناة تدفعكم لمزيد من النزف الإبداع النزف..و هي علاقة لا أدري تبادلية أم تسابقية..
                  

04-21-2008, 04:55 PM

عز الدين عثمان

تاريخ التسجيل: 06-23-2005
مجموع المشاركات: 411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    ولكنه يا الطيب فقر فى المعنى الذى قاله الراحل محمد عبد الحى، على ما أظن أنه قال:الشعر فقر، والفقر إشراق، والإشراق معرفة لا تدرك إلا بين النطع والسيف. أنا معك فى ألمك ومع عماد يؤلمه حكك أحبان البلد. إلا أن الفنانين: فقارى، ولكن غنايا بهذا الغمام.أترانا نعزيهم من حيث نقتلهم؟ .مودتى
                  

04-21-2008, 05:52 PM

عادل التجانى
<aعادل التجانى
تاريخ التسجيل: 04-08-2007
مجموع المشاركات: 2154

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: عز الدين عثمان)

    الحبيب الشاعر الفنان / الطيب بشير

    تحياتي يا صديقي لك والأسرة الكريمة

    طولنا منك وعند رجوعك وضعت يدك على الجرح

    بالامس القريب رجعت للسودان بعد (غربه وشوق) نغالب فيهو ويغالبنا
    ووجدت أوضاع الفنانين (صعبة) جداً وقد صدقت في سرد حالهم وهنالك أحوال أكثر مما ذهبت إليه

    المشكلة يا أخي أن هنالك من يحترف (الفن) في السودان
    وفي رأيي أن الاحتراف مشكلة كبيرة في بلدي حيث يضيع المتميزون من الفنانين وسط زحام غير الفنانين الذين فرضتهم الظرون على الساحة الفنية في شتى ضروبها دون تمييز

    اختلط الحابل بالنابل فضاع من يجيد الرمي وبرز من يخطئ الهدف

    ونصيحتي فعلاً ان يبحث الكل عن : عمل يعيش عليه فليس بالفن وحده يحيى الإنسان ، وأن يتمسك بفنه من أجل أن يقدم فناً عسى أن يقود فنان السودان (للاحتراف) يوماً ما

    تحياتي لكل فنان أبي قنوع قادر على تقديم فنه دون انتظار مردود ويبحث عن طريق لإرساء قواعد الفن الجميل حتى يكون (الصباح)

    صديقي بي جنبه كده (أفهمني)

    عادل التجاني
                  

04-23-2008, 04:59 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: عادل التجانى)

    الحبيب الغائب عادل التيجاني
    الكتابة ليك محفوفة بمخافة إهدار الباندويدث في سرد سيرة الشوق
    كما أنني أخشى أن يعلم القاريء و الداني كم أحبك..و أشتاق لصحن فول في دوحتكم و كوب شاي لبن من أم سامح و طفلتي المدللة السينيوريتا..سيأتي خبر الشوق جهرآ و نكون بذا قد خرجنا عن موضوع البوست..لكن هل بالفعل نحن فعلنا؟؟..أنت واحد من الفنانين المهاجرين أو المهجـّـرين..يفتقدك نادي الفنانين و فصول الموسيقى بمركز شباب أم درمان..و جمهورك..و ينعم بك مركز أصدقاء البيئة بالدوحة و الدكتور اللطيف (سيف الحجري) له التحايا..
    Quote: بالامس القريب رجعت للسودان بعد (غربه وشوق) نغالب فيهو ويغالبنا
    ووجدت أوضاع الفنانين (صعبة) جداً وقد صدقت في سرد حالهم وهنالك أحوال أكثر مما ذهبت إليه

    أي نعم و الله يا الحبيب
    أسكتني مثلنا (العارف الحال ما يبقى قـوّال)..
    لكن ما سكت عنه البوست أكثر مما قاله..
    يمازج فنانونا بين الفقر و العفاف في شمم و إباء
    و هل لهم خيار؟؟..الفقر مفروض عليهم من مجتمع ظالم ..و التعفف خيار لا يتنازل عنهم (كل) الفنانين الذين عناهم البوســت..
    و لا عزاء لناس (يلا للتعداد يا زوووول)
    Quote: ونصيحتي فعلاً ان يبحث الكل عن : عمل يعيش عليه فليس بالفن وحده يحيى الإنسان ، وأن يتمسك بفنه من أجل أن يقدم فناً عسى أن يقود فنان السودان (للاحتراف) يوماً ما

    و نصحك في محله
    نتمنى أن تتسهل معاهم القصة
    و يتدخل ناس زين و سودامين و بترول مين و أريبا و غيرو ليساعدوا دولة الجن في واجباتها تجاه الفنانين و المبدعين..ياخ يدوهم وظائف ادارية..علاقات عامة و ما اليه..هم أدرى الناس بهكذا أعمال..
    و ليك في الختام تحايا لحدي ما نتصل ببعض قريب ان شاء الله

    .
                  

04-23-2008, 01:12 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: عز الدين عثمان)

    مرحبتين يا عز الدين عثمان
    و كلامك جميل
    ضروري الإحتراق لتمييز عود الصندل..و لكي نجلي الذهب..لكننا لا نريد أن نحرق (كل) العود

    Quote: الفنانين: فقارى، ولكن غنايا بهذا الغمام.


    و نحن من خلال هذه الكتابة، نريد لهم أن يكونوا غنايا بالغمام و بغيره..صرّة وش سيد البيت نهاية شهر الإيجار لا تشجع على المزيد من الإبداع..و استلاف ثمن الطماطم و الدكوة من صديق يتقاضى ما يعادل مائتي دولار في الشهر، ليس تجربة تسعد بتكرارها، و المبدع اكتوى بنيران الظلم الاجتماعي زمانآ ليس بالهين..

    عاوزينو يرطـّـب شوية
                  

04-23-2008, 01:38 PM

عزيز
<aعزيز
تاريخ التسجيل: 04-12-2002
مجموع المشاركات: 3290

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">


    الحبيب الطيب ود بشير أبو بشير

    مودة كاملة تعرف منابعها..

    هو الوجع والألم بعينه ما قبضت عليه بيدك..

    لي من السوالف والشواهد كثر سأعود لك بها..

    وأسمح لي الآن أن أستشهد بهذا الفنان المقتدر العالم بعلم الموسيقي المجود لفنه

    مثله مكانه السودان يحيا حياة المبدعين من أقرانه بالعالم..

    هجر السودان بعد تخرجه بأمتياز وتفوق من معهد الموسيقي والمسرح

    فحرم منه الساحة الفنية وحرم المستمع من فنه..

    هو عادل الصديق العادل فى فنه الظالم لمعجبيه..

    موده وشوق وسلام كتير لعروستنا وبشير ووالدتهم الفضلي

    عمو عزيز

                  

04-27-2008, 12:22 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: عزيز)


    .
    عمو عزيز يا فنان يا (لزيز)

    و الله ليك وحشة و شوق
    Quote: هو الوجع والألم بعينه ما قبضت عليه بيدك..
    لي من السوالف والشواهد كثر سأعود لك بها..

    أهي مشاركة متواضعة لأوجاع الفنانين بمختلف مداخل النغم و مخارج الألم..
    ننتظر عودتك بالمزيد..
    تحياتي للأولاد..
    و شكرآ على غنوة الفنان عادل...

    .
                  

04-23-2008, 02:57 PM

azhary awad elkareem

تاريخ التسجيل: 09-26-2007
مجموع المشاركات: 1336

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    Quote: معلومات اضافية: في بلادنا يفشـل الساسة و لاعبو كرة القدم، وبرغم ذا هم أهل المال و الشهرة و السلطة، و ينجح المبدعون و الأكاديميون فتملأ شهرتهم الآفاق و يحترمهم كل العالم، لكن لا أحد يحتفي بهم في السودان سوى إخوانهم في الصدق و.. الفقر.



    الطيب إزيك..
    قلت فى البداية أرجع البروفايل عشان أتأكد إنك ياكا الطيب زولنا الزمااااااااااان داك..
    وكانت المفأجاة أن وجدت مداخلة جاهزة كفتنى مغبة أن أكتب..

    يعنى تقدر تقول من دقنو وفتلو..


    لك أشواقى وتحياتى ومحبتى..

    أزهرى/المسلمية
                  

04-27-2008, 03:14 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: azhary awad elkareem)

    .
    بسم الله الرحمن الرحيم

    صديقي أزهرى الطريفي

    ود المسلمية الظريف

    السلام عليكم ورحمة الله وبركاته

    ليك وحشة و شوق..

    بالحـيل...

    هو..الطيب بشير.. زولك القديم..

    أخو البحر و الوجع..

    شكرآ ليك...

    و مرحب بيك

    .
                  

04-27-2008, 03:22 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3353

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    Quote: .الـفـنُّ يـُـفـقـِـرُ..و..الإبـداع ُ قـتـّــالُ

    صح لسانك
                  

04-27-2008, 05:03 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: معاذ حسن)

    .


    مرحبتين يا أخ معاذ حسن

    Quote: صح لسانك


    شكرآ للتأمين و المؤازرة

    .
                  

04-27-2008, 06:58 PM

مؤيد شريف

تاريخ التسجيل: 04-20-2008
مجموع المشاركات: 4052

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    وانا اقرأ موضوعك تذكرت مقولة قالها استاذنا البروفيسور يوسف فضل قال في ناس من الكتاب والباحثين لمن يموتوا الناس بقولوا : خلا لي اولادو مكتبة... ما خلا وراهو حاجه تانيه ..يعني لا حساب بنكي ولا فيلا ولا حاجه ... وانشاء الله نخلي لي اولادنا مكتبات... ولا رايك شنو؟؟؟
                  

04-28-2008, 12:12 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: مؤيد شريف)

    مرحبتين مؤيد شريف
    و الله فكرة البروف جميلة
    Quote: وانشاء الله نخلي لي اولادنا مكتبات... ولا رايك شنو؟؟؟

    بالنسبة للمكتبة..هي أفضل ما تتركه لهم
    لكن ما دام سألتني و سويتها لي في (ضـمـّـتي)..أخير تترك ليهم، مع المكتبة، شيء يقيهم شـرّ سخف الأقربين..أي حاجة تساعدهم في الاهتمام بما في المكتبة..ع شان ما يبيعوها!!

    تسلم...
                  

04-28-2008, 05:43 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    Quote: هؤلاء المبدعون يصعب عليهم قبول أشكال الغبن التي يمتحن بها الشعب السوداني كل يوم..
    فمنهم من قضى نحبه..
    و منهم من ينتظر..
                  

04-29-2008, 12:10 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    Quote: ولكي اكون اكثر دقة.. عمل ذلك الرجل محاسبا في المطعم الشعبي الذي افتتحه هو وزوجته في السوق العربي..فاصبح ملتقي لاهل الفنون، الذي لا يأكلون ولا يدفعون.. (يشبعونك) ونسة جميلة، عميقة و(معسمة) بالفكر.



    Salam Ya Haleema

    I tried to find the place

    would you be so kind and write more details

    either here or in the mail

    I appologize for my readers, writing in English is NOT a choice

    .
                  

04-30-2008, 01:46 PM

حسن الجزولي
<aحسن الجزولي
تاريخ التسجيل: 12-05-2002
مجموع المشاركات: 1241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    ((خلا لي اولادو مكتبة))

    مكتبة الطيب بشير بسودانيس أونلاين مثالآ !
    زيدنا من لغتك الدسمة..
    زاد الله لأولادك.. زادآ
                  

04-30-2008, 07:17 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: حسن الجزولي)

    الله يخليييييك يا دكتور حسن الجزولي يا رائع

    شرفني جدآ دخولك هنا

    أما مكتبتي فرأيك فيها و في لغتي يشجعني

    و دة بس من ذوقك

    تسلم
                  

04-30-2008, 02:45 PM

Azhari Nurelhuda
<aAzhari Nurelhuda
تاريخ التسجيل: 03-01-2007
مجموع المشاركات: 1958

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    إنت يا سعادتك كنت مع الجماعة ديل....
    لأنه ده عرض حال لزول منهم و فيهم...
    و كمان بيتمتع بحس عالي و مرهف جدا...

    الله يديك العافية...
                  

04-30-2008, 07:20 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: Azhari Nurelhuda)

    أنا يا أزهري كنت..و لا زلت ..و سأظـــل معهم
    روحي روح فقير يعشق العفاف.. ضـلّ طريقه لعالم الكفاف
    شكرآ لكلامك اللطيف عن الحسو العافية ليك و لينا يا حبيب
                  

04-30-2008, 02:47 PM

mekki
<amekki
تاريخ التسجيل: 06-15-2003
مجموع المشاركات: 3433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    Quote: ع شان ما يبيعوها!!
    سلامات يا زول يا جميل يا رائع
    طولنا ما شفناك
    ***

    تسلم يا عزيز يا رائع
    والتحيه للفنان الجميل جداعادل الصديق...فعلا صوت مهول ورائع
                  

04-30-2008, 07:24 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: mekki)

    يا مكي يا حبيبنا
    كل الجمال بطرفكم
    لازم أزورك تاني
    و تالت
    شكري العميق
                  

05-05-2008, 04:56 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    .
    Quote: التحيه للفنان الجميل جداعادل الصديق...فعلا صوت مهول ورائع


    A-MEN

    .
                  

05-06-2008, 10:09 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفـنُّ يـُـفـقـِـرُ..و..الإبـداع ُ قـتـّــالُ.. (Re: الطيب بشير)

    .
    Quote: يحترفون (مباصرة) المعاناة..يتقاسمون الفقر و التعفـّـف..و رفض الإنكسار..


    .
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de