Sudaneseonline Biggest Loser

حفل دعم الجالية السودانية بمنطقة واشنطن الكبري بالفنان عمر احساس
سارة عبد الباقي الخضر ...فى الذكرى الخامسة لاستشهادك ...دمك دين علينا
هزاع عز الدين جعفر....لك التحية و الانحناء فى الذكرى الخامسة لاستشهادك
د.صلاح مدثر السنهوري....فى الذكرى الخامسة لاستشهدك ارقد مرتاح...ولن نترك السفاح
علم الدين هارون عيسى عبد الرحمن....فى الذكرى الخامسة لاستشهادك تارك فى رقابنا
بابكر النور حمد...فى الذكرى الخامسة لاستشهادك.....لن ننساك
وفاء محمد عبد الرحيم عبد الباقي...فى الذكرى الخامسة لاستشهادك.....دمك لن يذهب هدراً
محمد آدم على ابراهيم...فى الذكرى الخامسة لاستشهادك.....ودعطا لن نتركك ولو طال الزمن
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-09-2018, 03:18 AM الصفحة الرئيسية

مكتبة النصرى أمين(النصرى أمين & Elnasri Amin)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
31-03-2012, 06:08 PM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    سلام يا لوزرس
    اسفين للغياب و كل ربع و انتو طيبين
    الزنقة ... الزنقة .... الزنقة
    جايييكم بتقرير مُفَصَّلَ
    انتظرونا
    Catch you later
                   |Articles |News |مقالات |بيانات

01-04-2012, 05:40 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    السلام عليكم يا جماعة الليلة من الصباح (كيف تكون الليلة و من الصباح؟) المهم الليلة وزنت و النقصان تسعة أرطال يعني وزني الآن 190 رطل و نقصت 30 رطل من ما بديت.
    مشغول شوية أول ما أفضى حأعمل التضريبات الكانت اقترحتها سمارت حول نسبة النقصان من الوزن و كدا.
                   |Articles |News |مقالات |بيانات

01-04-2012, 08:49 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    Quote: السلام عليكم يا جماعة الليلة من الصباح (كيف تكون الليلة و من الصباح؟) المهم الليلة وزنت و النقصان تسعة أرطال يعني وزني الآن 190 رطل و نقصت 30 رطل من ما بديت.


    براااافو العوض دا شغل نضيف ......
    9 أرطال فى الشهر التانى مظبوط خالص بعدين 190 كيلو انجاز والله العاقبة عندنا...
    البقية لابدييين وين؟؟؟؟؟؟؟؟
    فى انتظار المفاجأت من الجماعة المختفية....
    أول المرة أحرق 950 فى يوم وحد حصلت الليلة دى الجية من الجم وفرحانة ب ال 950 كاليرز....
    مريوم قو لوزر...
    حكمنا غيب وتعال تلقانا خسرانين ارطال... ترن ترننننن.
                   |Articles |News |مقالات |بيانات

01-04-2012, 11:47 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    كنت بعد فى الايام عد عشان الشهر الزفت الاسمو مارس ده يتخارج...
    اسوا شهر على الاطلاق .....


    الحمدلله انتهى وحنقلب الصفحة ......

    الاداء كان سئ جدا فى الشهر ده ..كم مرة فكرت افرتك الشغلانه
    من شدة الاحباط .....


    احسن حاجة فى الشغلانه دى انو الزول ممكن يلغى الفات ويبدا يحسب من جديد وينسى الفات

    اليوم الاول من ابريل......والحساب ولد .....
                   |Articles |News |مقالات |بيانات

02-04-2012, 06:26 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    العوض، ما شاء الله تبارك الله... عيني بارده والله ما شاء الله، أرقام تفتح النفس .. عشان كده انا قمته بدري الليلة ومشيت عملته رياضتي..

    نجاة، الاخبار شنو؟ والله ما شاء الله عليك! اشرحي لينا عن رياضتك، قاعده تجري زي العوض؟


    النصري، انا لما انت لبدته كده عرفتتتتتك المعنويات نازله... انا لما يجيني احباط زي ده بفكر انه البديل شنو؟ يعني لو انا قررت اسيب القصة دي وارجع اجوط... البديل اني حأكون زهجانه من نفسي... بالتالي ما حأكون سعيدة... بقوم أواصل.. وعادة لما اشوف تحسن في الوزن بديني دفعه اسبوع لقدام... كويس انك قررت تبدأ تاني.. الدنيا ربيع والجو جو تفاءل... فتفاءل وان شاء الله الامور تمشي تمام.. اتذكر فرحتك لما تنزل من الtreadmill وانت خلصته الtarget بتاعك... بعدين ياخ لازم قروش الtreadmill الجديدة دي تحللهم! ومنتظرين الصورة... والله انا قاعده انسى اصوّر ليك حقتي...

    بالمناسبة عايزه اسألك.. عندي اخوي الاصغر منّي بحضّر في British Columbia... وعايزاه يجيني زيارة في السعودية، قبل أقل من سنة قدّم زيارة عادية رفضوها ليه... حسي محاولين بي عمره... عايز يقدّم عن طريق السفارة، لكن ما عارفه كنت شايفاك بتتكلم عن وكالات وكده... مازن عنده PR، لسه ما عمل جواز.. تفتكر يقدّم عن طريق السفارة السعودية ولا عن طريق وكالة... وعادة القصة دي بتاخد كم اسبوع كده؟ برضه لو القصة عن طريق وكالات احسن اديني عناوين او اسماء عشان اكسب الزمن.. وشكرا مقدماً....


    غباشي... والله شايفه في اكتساح حاصل ليك... ما عجبني ليك يا زميل! لكن في حبببببببة شماته كده
                   |Articles |News |مقالات |بيانات

02-04-2012, 06:33 AM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Quote: بالمناسبة عايزه اسألك.. عندي اخوي الاصغر منّي بحضّر في British Columbia... وعايزاه يجيني زيارة في السعودية، قبل أقل من سنة قدّم زيارة عادية رفضوها ليه... حسي محاولين بي عمره... عايز يقدّم عن طريق السفارة، لكن ما عارفه كنت شايفاك بتتكلم عن وكالات وكده... مازن عنده PR، لسه ما عمل جواز.. تفتكر يقدّم عن طريق السفارة السعودية ولا عن طريق وكالة... وعادة القصة دي بتاخد كم اسبوع كده؟ برضه لو القصة عن طريق وكالات احسن اديني عناوين او اسماء عشان اكسب الزمن.. وشكرا مقدماً....

    سلام يا مريم. شكرا ليك على التشجيع. هسع الساعة عندنا قريب اتناشر بالليل... بالإضافة للمعلومات الحيديك ليها النصري أنا حأديك برضه شوية معلومات إن شاء الله بكرة الصباح.
                   |Articles |News |مقالات |بيانات

02-04-2012, 06:15 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    Quote: نجاة، الاخبار شنو؟ والله ما شاء الله عليك! اشرحي لينا عن رياضتك، قاعده تجري زي العوض؟

    مريوم شكرا للتشجيع ورفع المعنويات للجميع.....
    انا ما قاعدة اجرى والجرى دا ما حقى برضو.....
    قاعدة اعمل التريدميل اب يعن اوصلو 12 وانزل شوية بالتدريج من الهل لحدي ما اصل 350 آب والسرعة ثابتة 3 بوين 3 ما اكتر يعنى لما اخلص 45 دقيقة بكون حرقته 450 . بنزل للاستبس دى 30 دقيقة بتحرق ليك 300 بعد داك لو عندى حيل بحول لمكنة تانية بتحرق 100 كالريز فى 12 دقيقة ح انزل ليك صور المكنات البستعملة كل يوم.


    Gymstairstepper.jpg Hosting at Sudaneseonline.com


    treadmill.jpg Hosting at Sudaneseonline.com
                   |Articles |News |مقالات |بيانات

02-04-2012, 06:20 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    سلام يا مريم
    بالنسبة لزيارة أخوك فهمت من كلامك إنه قدم مباشرة للسفارة للزيارة و تقريبا شبه مستحيل إنهم يدوا تأشيرة بالطريقة دي. الإجراء إنكم تقدموا ليه للزيارة من السعودية في وزارة الخارجية بعداك بعد ما يرسلوا ليكم الموافقة ترسلوها ليه و هو يقدم للسفارة و لازم التقديم يكون عن طريق وكالة معتمدة عند السفارة السعودية (العمرة نفس الحكاية لازم يقدم عن طريق وكالة). في تقديري أحسن تقدموا ليه للزيارة إذا عايزنه يقدر يزوركم لأنه تأشيرة العمرة قد تقيد حركته داخل المملكة. ما أظن طلب الزيارة يكون مشكلة. دعواتي لكم بالتوفيق.
                   |Articles |News |مقالات |بيانات

03-04-2012, 03:15 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    سلام يا شباب
    ان شاء الله كلكم بخير وعافية.....


    --------------------------

    حسب تجربتى يا مريم مع السفارة السعودية بشوف انو موضوع تاشيرة شقيقك لازم
    تجهزو ليها من بدرى ,,على الاقل تلاته شهور .....

    السفارة السعودية فى اتوا عندها اغرب نظام بتاع تاشيرات ......
    السفارة لا تتعامل مباشرة مع الجمهور ..بل لديها وكالات تقوم بتحصيل
    المستندات (من جواز وشهادات الخ)... بعد ان تتاكد الوكالة ان الاوراق مكتملة
    تقوم بارسالها الى السفارة ...فى حالة ان السفارة تريد مستندات اضافية تقوم
    بالاتصال بالوكالة وبدورها تقوم الوكالة بالاتصال بمقدم الطلب ,,,,,
    حاولت مرة ان اتصل بالسفارة مباشرة مستفسرا عن طلب تاشيرتى ...بعد مجهود
    ومحاولات كثيرة استطعت الحديث مع الموظفة المسوؤلة (اظن اسمها منى ومن لهجتها اظنها من
    منطقة الشام) .... كانت حادة اللهجة لم يعجبها اتصالى التلفونى بالرغم من محاولاتى
    المستميتة بان اكون لطيف اثناء حديثى معها الا انها كانت تردد اكتر من مرة بان على
    ان اتعامل مع الوكالة وان لا اتصل بالسفارة ......
    غالبا المعلومات الفوق دى كلها عارفاها لكن الشئ الجديد هو انه اتضح لى ان هناك شئ
    يدور بين الحكومتين السعودية والكندية بخصوص موضوع التاشيرات ...
    حسب المعلومات الوصلتنى ان الخلاف بدا عندما اصرت الحكومة الكندية على تاخير تاشيرات
    الطلبة السعوديين واحتجاز جوازاتهم لشهور طويلة ورفض عدد كبير من الطلبات ...
    الحكومة السعودية كرد فعلا بدات التعامل بالمثل ...تاخير لكل طلبات التاشيرة ورفض
    العديد منها .....
    نصحنى بعض الاخوان ان احرك الواسطة واطلب من احدى الشخصيات النافذة فى السعودية ان
    تتصل بالسفارة وتطلب الاسراع باصدار التاشيرة لكن احد الاخوان نصحنى بعدم فعل ذلك
    لان العاملين فى السفارة حيعتبرو خطوة كهذه استفذاذية ويقوم بتاخير الطلب كرد فعل





    ان شاء الله ما اكون طولت







    -----------
    الحاجة الوحيدة الماشة صاح معاى هو عدم تناول السكر
                   |Articles |News |مقالات |بيانات

04-04-2012, 05:33 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    انتو انا براي ولا البوست ده زاد ليه زي اربعة صفحات في يوم!!!! بسم الله!

    النصري والعوض ألف ألف ألف شكر على المعلومات المفصلة.. وبالجد ساعدوتني... ان شاء الله انا حأعمل في الاتجاهين، حاقدم لي زيارة من هنا وفي نفس الوقت هو من هناك يقدم لعمره... ونشوف البحصل... العمره ممكن تاخد زمن، لكن الزيارة ممكن من هنا يطلع قرار في تلاته يوم.... دعواتكم...

    امس جابوا لي كيكة بتاعت جزر معاها فروستنج بي فوق، والله ما اخواني ما قدرته اقاوم!!! الفروستنج بتاع جبنه... وانا ضعيفة امام الحاجة دي... لكن الليله العقاب دبل مدة الرياضة... كان اتعظ!
                   |Articles |News |مقالات |بيانات

04-04-2012, 05:51 AM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلام مرة تانية
    و مبروك يا العوض , خليفة العبد لله في البوست

    طبعاً مزنووق فوق العادة و بقيت اليوم كلو قاعد في الجامعة (بعد مرات بمرق الساعة 3 صباحاً)
    ده غير اني كنت عيان لي زي اسبوع و برضو عيان بدون راحة

    الرياضة متذبذبة لكن ملتزم ببرنامج الاكل (مافي خرمجة)
    برغم الالتزام في الاكل زدت 800 جرام في اسبوعين , 500 جرام في الاسبوع الكنت عيان فيهو و 300 في البعديهو
    الزيادة الاولى عشان كنت باخد في ادوية و زدت كمية الاكل شوية , اما الزيادة التانية بسبب الجيم , كنت بشيل حديد (مع اني ما بحب اكتِّر منو)

    و زي ما قال النصري مارس شهر الكوارث ... وزني النقصتو خلال شهر مارس رجع في الاسبوعين الاتكلمت عليهم ديل
    محصلة شهر مارس = يا مولاي كما خلقتني من ناحية فقدان الوزن
    و العووض يستحق نجومية شهر مارس بجدارة .... صفقة للعوض
    الكلام ده كلو كان لحدي الاسبوع الفات ... و بالتحديد يوم الاربعاء (لأني بوزن كل اربعاء)

    نجي للتحدي
    ما كان في اي اخبار عنو خلال شهر مارس , كارين قالت عايزة تعمل شوية suspense
    لكن الليلة كان يوم المفاجاءآت لانو رسلت الريبورت بتاع الفترة الفاتت

    أخوكم اساساً الشهر ما كان محرز معاهو , لكن كنت عايز اعرف قبل كدة عشان اخطط للفترة الجاية
    بالخصوص خطتي ضد توني (منافستي في التحدي) لانها كملت فترة التحدي و بعد ده بقت راجية النتيجة
    انا طبعاً بخلص بعديها بي تلات اسابيع , عشان كدة كنت داير اشوف الحاصل شنو و اخت خطة ما تخرش المية
    الليلة بس عرفت و انا بقى فاضل لي اسبوعين

    Quote: غباشي... والله شايفه في اكتساح حاصل ليك... ما عجبني ليك يا زميل! لكن في حبببببببة شماته كده

    مريم ... كدة برضو ؟
    لكن بيني و بينك هو اكتساح بالمزيكا
    حليل لما الكيلوهات كان بتنزل كشلو (على قول النصري)
    خلاص اديتيني المعاش المبكر ؟ حسستيني باني المفروض أقوم اردد بيت الشعر بتاع العقَّاد
    اصبح السفح ملعباً للنسور فأغضبي يا ذرا الجبال و ثوري
    اتخيلت نفسي مع ناس النصري و امير و محمد طحنية
    لكن الفيك اتعرفت .... احسن استغيث بحكمنا الهمام
    وا أسمارتاااااه ... وا أسمارتاااااه
    مريم بتشمت و تشمِّت العزال فيني
    بعد دا كلوا .... اصلو ما خسارة في العوض , لو كان النصري كان زعلت




    خلو بالكم لسة ما وريتكم المفاجآت
                   |Articles |News |مقالات |بيانات

04-04-2012, 12:22 PM

Ammir Mohamed

تاريخ التسجيل: 14-02-2007
مجموع المشاركات: 494

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    السلام عليكم يا لووزرس

    مشتاقين والله ...

    لكن والله أفحمتوني!! معقولة بس نفسكم طويل كدة !! ياخي أنا قايل البوست ده مشى الخور زماااااان! كرهتونا الرياضة ذاتو!


    Quote: امير؟ تكون بقيت دفار هسي.


    دفار نصاح هو!! يا سمارت أنا كنت تمام جدا وأموري بدت تظبط بس الحصل إنو جبت حماتي تقعد مع معانا شوية.. وبعديها جا أخو المدام وزوجته وعيالهم شرفونا زي أسبوع تمام كدة ...بعدين حماتي دي أحرف مرة سودانية على وجه الكرة الأرضية والفضاء الخارجي بتظبط عضة سودانية ... وهاك يا الإنشراح ... شي ملاح روب وشي ملاح أحمر وشي سجق مشوي ومبوخ (مبوخ دي طبعا صعبة عليك!) وشي بامية مفروكة ورز باللبن بالمكسرات ... أنا بقيت أجري البيت جري بعد الشغل وفي الطريق أتناول الكسرة والخبز الفرنسي البخلي الواحد يريل! ... وأول حاجة بعملها بدخل المطبخ أشوف الجديد شنو أطلع أصلي وأرجع جري للغدا وأبدا أكورك .. الغدا اتأخر ليه!! بعد كدة ممكن تتخيلي كم كيلو!! حماتي العسل سافرت يوم السبت ورجع البيت صاني زي أول مشيت أشوف حصيلة الشهر ده شنو! لقيت إنو أنا الكيلوهات النزلتها كلها رجعت تاني! بس ما زعلان لأنو كانت فترة بطينية ممتعة جدا!

    المهم رجعت الجيم تاني من يوم الاتنين وقفلت خشمي شوية وبديت من سكواير ون ومقرر قبل يوم 20 إبريل أكون نقصت لي على الأقل 7 كيلو...

    Quote: يا اخوانا امير ده حي؟ اتذكرته لما خطر على بالي اني عملته رياضة متأخر الليله ويمكن ما اقدر انوم...


    النايمة ليها شنو انتي يا مريوم بوزنك ده !! بتنومي مما اتولدتي حصل شنو! نقصي وزنك ده كرهتيناليك سنتين شغالة زي البورصة يوم تنزلي ويوم تطلعي! .. مشتاقين والله.

    وين ابتهال رفيقة دربي في الخستكة الرجيمية!

    غباشي ده خلاص أنا رفعت ليه القزاز لو نقص 100 كيلو ما بشتغل بيه .. خلوني مع حبيبنا النصري

    مرحب مرة تانية بي نجاة وبقية الشباب الطموح :)

    برجع ليك أكيد قبل الكريسماس!

    تحياتي

    أمير
                   |Articles |News |مقالات |بيانات

04-04-2012, 12:59 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Ammir Mohamed)

    غباشي شفته، نقتنا نفعت.. ياخ ما ممكن، خليك زي البشر يعني... تنقص فترة وتثبت فترة وتخستك فترة.. جننتنا بي ارقامك البتتلولح ديك... حسي انت لابد كده أكيد جاي بي مصيبة.. الرسول ما تشرنا كتير عليك الله....بالمناسبة، الحكم بقت طابور خامس... وبتكون شاماك وشايفاك عشرة عشرة حسي... نهائي ما تحاول تكسب حليف...

    الليلة خلصت العقاب بتاعي... وزدت مدة الرياضة.. طبعا اصلا اليوم ضارب، صحيت من النوم بي صداع نصفي! اتخيلوا زول نايم في امان الله يصحى الساعة 3 صباحاً عشان عنده صداع! يعني الصداع هو الصحّاني! ما كفاية الاولاد!

    اها زدت مدة الرياضة عقاباً على كيكة الجزر... والليلة لقيت ليها مخارجه من البيت... هي كبيرة شديد! جابتها لي واحده صاحبتنا سعودية... ياخ حاجه كده النوع البخلي الزول يريل! حالتي شربته معاها شاي من غير سكّر!

    الصداع النصفي من طرق التخلص منه انه الزول يمشي شديد لما يعرق... الطريقة ما دايما بتنجح لكن بتساعد... لانه هو زاتو سببه ما معروف! فعلا المشية ساعدتني كتير وخفّ خالص... بعد كم ساعة كده حآخد الاولاد ماشه الحديقة مع واحده صاحبتي حامل في شهورها الاخيرة... فحأمشي معاها شوية.. طبعا مشي الحوامل البراحه داك، لكن برضه كويس ما كعب... والاولاد حيلعبوا.... ويغيروا جو... الليلة القراية ضاربة ومافي امل تستعدل نهائي! قلت أطمجها! بالله قرّبته اتحنن عشان اتم الناقصة!

    أمير، والله من كتابتك كده شكلك بقيت سمييييييييين... بالله حتى النيشان الكنت بتنشيه للناس بقى خفيف! ياخ ما ممكن كده يعني! بالغته والله... رجعت المربّع الاول، يازول مافي عوجه.. البركة في المتعة... والله حماتك من وصفك ساي شهّيتني آكل من يدها!...لكن شكلها زوله عسل.. الله يخليها ليكم...


    يلا النمشي عامله لي فطاير شايلاها الحديقة، عايزه اقطّع كمية من التفاح عشان ما اتشوبر واكل من الفطاير!... حالة صعبة...
                   |Articles |News |مقالات |بيانات

04-04-2012, 01:14 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    يا خوانا البوست ده موش كان 8 صفحات؟ بقى 12 كيف؟؟؟!
                   |Articles |News |مقالات |بيانات

04-04-2012, 01:26 PM

حمد فتح الرحمن
<aحمد فتح الرحمن
تاريخ التسجيل: 01-06-2005
مجموع المشاركات: 1996

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    سلام يا شباب
    بعد 4 شهور من الغياب عن البوست و توقف 3 شهور عن الرياضة عدا طلوع و نزول السلم و الحوامة لقيت نفسي رجعت من حيث توقفت
    دي كانت البداية

    Quote: الوزن 88 كيلو
    الطول 182 سم
    العمر 38
    البتاع الختتو اسمارت دا ( You have a BMI of 26.31. ) اعلى من المعدل العادي

    وامس وزنت نفسي لقيت نفس البيانات اعلاه مع تغير خفيف في العمر زاد نصف سنة :)
    من اسبوع غيرت نظام الاكل تماما و غيرت برنامج المشي من المغرب للصباح قبل الدوام عايز احاول احقق الهدف بتاعي و اصل لوزن 84
                   |Articles |News |مقالات |بيانات

04-04-2012, 03:07 PM

Farahat Sayed
<aFarahat Sayed
تاريخ التسجيل: 24-04-2005
مجموع المشاركات: 592

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: حمد فتح الرحمن)

    ازيكم يا لوزززززر

    والله انا متابع البوست بتاعكم ده من الله لي الله

    بوست لذيذ يشهي الزول يكون سمين عشان يكون من ناسو
                   |Articles |News |مقالات |بيانات

04-04-2012, 03:18 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: حمد فتح الرحمن)

    هههههه نفس القصة عملته كليك على الصفحة رقم 8 جاتنى صفحة قديمة من زمن غباشى والكيلوهات الحمراء البتدور.. قلت بسم الله ومشيت عدل على صفحة 12 المهم بكون حوش بكرى صفحاتو كشت هههه.
    والله مبسوطين بعودة الغائين ومرحب بيكم بس حاولوا حصلوا المولد أبو 30 رطل خسارة........
    الرياضة ماشة كويس بقت 5 أيام فى الاسبوع مع زيادة عدد الكاليرز يوم السبت يوم الوزن فى انتظارو مع شوية استعداد....
                   |Articles |News |مقالات |بيانات

04-04-2012, 04:56 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    امير شخصيا؟؟؟؟؟
    ما خاتية عليك مريم، كورتك فكت، حتى لسانك قصر و ادغلب مع السمن ( ادغلب دى بتعرفها؟) .
    قلت لي ما شغال بغباشي؟؟؟ دى زاتها من علامات الدغلبة ( ميتة القلب)

    غباشي، صرااااحة؟؟؟ ما ح اقدر أتعاطف معاك بعد كده.
    انا عاملة ذي السياسة الامريكية، ما عندنا ادلوجيات، هي المصالح فقط. (؛

    النصري، ما تزعل ساى. يا اخي انا من ماقلت راجعه للرياضة ( قبل أسبوعين ) اتريضت مرة وااااحده و ( احم احم ) وزنى زاد 2 رطل.
    اها ...... ما هانت عليك مصيبتك؟؟؟؟

    مريم، و الله انت زولة خطرة. ما شاء الله تبارك الله.
    يا اخي موضوع الالتزام بالرياضة مع بيبي ده صعب شدييييييييد
    امس روحي صعبت علي. مشيت اشتريت فستنان ( المقاس بتاع قبل الحادث - علي رأى حماك محمد طحنية ^_^) و علقته في مكان ظاهر عشان يحمسني. لو ما خجلانه من الضيوف كنت علقته في باب التلاجة.

    العوض، ما شاء الله تبارك الله. عيني باااارده. بغرتنى عديل كده.
    انجاز و الله.
    مفروض نعلن انك الفائز لهذا الشهر دون منازع.



    نجاة، السلالم دى اصلي ما بقدر عليها. مره كان ح يجيني هارت أتاك منها.
    شكلو الموضوع تعويده.
    ما شاء الله برنامجك محترم جداً


    حمد فتح الرحمن، وينك يا اخي؟؟؟ كويس انك لسه متزكرنا


    و منو ده اللي جاء قال متمنى وزنه يكون زايد عشان يتريض معانا ده؟؟؟؟ not cool , man
    Just kidding
    الف مرحب بيك اخ فرحات.
                   |Articles |News |مقالات |بيانات

06-04-2012, 11:23 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    اتلومتوا والله... البوست ده انا رجعت ليه اربعة صفحات ورا!
                   |Articles |News |مقالات |بيانات

06-04-2012, 03:24 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Quote: و منو ده اللي جاء قال متمنى وزنه يكون زايد عشان يتريض معانا ده؟؟؟؟ not cool , man
    Just kidding
    الف مرحب بيك اخ فرحات.


    حكمنا والله ضحكتنى لدرجة قف تأمل ههههه
    اتخيلى فرحاات دا ابو العيال عملات حبوبة...
    والله الحق يقال اكبر مشجع للبرنامج بتاعى دا...
    بعدين نقطع معاك انا محرووووقة منو شديد عشان اصلو ما بسمن كلو كلو وياكل كل شي ...وما حصل زاد رطل واااااحد .
                   |Articles |News |مقالات |بيانات

06-04-2012, 05:31 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    مرحب باخونا فرحات. خلاص سماح لو من طرف نجاة. (:
    Quote: بعدين نقطع معاك انا محرووووقة منو شديد عشان اصلو ما بسمن كلو كلو وياكل كل شي ...وما حصل زاد رطل واااااحد .

    Welcome to the club
    Club الزوجات اللي أزواجهم ما بيزيدوا

    غايتوا ان اتصلّتا علي زوجي و خليتوا يزيد ذي حوالي 60 رطل كده بعد الزواج طوالي ( كان هيكل عظمي).فجاءة لاحظ لروحيو و بقي بس ما بيشرب صودا، نقص منهم حوالي 20 رطل و وصل لوزن مثالي لطوله.
    الان بياكل اي شيء علي مزاجه و ما بيزيد. و انا اشرب موية القي روحي زدتا.
                   |Articles |News |مقالات |بيانات

06-04-2012, 05:05 PM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    السلام عليكم يا جماعة ....
    و اسفين مرة تانية للتطويل .... لكن و الله مشغول شديد

    نجي للمفاجآت ..
    لما كارين ما رسلت حاجة ... قررت ابدا الخطة بتاعاتي على اعتبار انو الفرق بيني و بين كان 2 كيلو
    دا لو ما زاد كمان ... المهم ختيت برنامج صارم (ما تجويع) أهم حاجة فيه الالتزام بمواعيد الوجبات و لازم يكونوا 3 وجبات
    و ختيت مبدئياً اربعة ايام جيم و اتوكلت

    المهم كارين زادت الطين بلة و قامت زادت الـ suspense و عملت كالاتي
    رسلت الريبورت فيه الناس كلها ,
    اول مفاجأة انو في ستة انفار انسحبوا (احنا بدينا 18 نفر)
    تاني حاجة من واقع الفروقات الناس المعانا ورا شديد
    الحكاية كلها بقت بيني و بين توني ...
    المفاجأة التانية انو لا انا و لا توني نتائجنا ما نزلت !!!!!

    المفاجأة التالتة اني بعد اسبوع من خطتي الاستراتيجية لاكتساح توني (بغض النظر عن النتائج)
    وزنت اول امبارح و لقيت


    Quote: غباشي ده خلاص أنا رفعت ليه القزاز لو نقص 100 كيلو ما بشتغل بيه .. خلوني مع حبيبنا النصري
    أمير يا حبيبنا ... غايتو جنس حسادة

    Quote: غباشي شفته، نقتنا نفعت.. ياخ ما ممكن، خليك زي البشر يعني... تنقص فترة وتثبت فترة وتخستك فترة.. جننتنا بي ارقامك البتتلولح ديك... حسي انت لابد كده أكيد جاي بي مصيبة.. الرسول ما تشرنا كتير عليك الله....
    بالمناسبة، الحكم بقت طابور خامس... وبتكون شاماك وشايفاك عشرة عشرة حسي... نهائي ما تحاول تكسب حليف...
    و الله يا مريم الشهر الفات دا كان ما كويس معاي كلو كلو ... و اسمارت احبطتني

    Quote: غباشي، صرااااحة؟؟؟ ما ح اقدر أتعاطف معاك بعد كده.
    انا عاملة ذي السياسة الامريكية، ما عندنا ادلوجيات، هي المصالح فقط. (؛
    Thou too, Brutus?
                   |Articles |News |مقالات |بيانات

06-04-2012, 06:05 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    يا اخوانا شوفو لى حل للمشكلة الواقعة فيها دى ....
    هناك قوى خفية (شيطانية) تمنعنى من الرجوع للروتين بتاع ال6 الفاتو...
    ما قادر ارجع .......

    شاعر وكانه فى قوتين بداخلى بتصارعو (وبتكاتلو كمان)
    القوة الاولى (وهى التى اتعاطف معها) تقول لى امسح اكسح اضغط
    ما تتنازل ....كن كما تريد ان تكون ...تشجعنى على الالتزام والانضباط
    تدفعنى دفعا للرياضة .....

    القوة التانية وهى المنتصرة (والتى اكرهها ايما كره)...شغالة تحبيط وتكسيل
    وكسير لمجادفى .......
    لمن اجى امشى اتريض تقول لى "كدى اجلها لبعدين للسبب الفلانى " وبمناسبة كلها
    اسباب مخستكة الواحد يخجل يزكرها ...يعنى عذر اسمارت بتاع البطاريات داك ممكن
    يدينى اجازة 3 شهور من الرياضة .....


    المهم قوى الخير والفضيلة مازالت موجودة لكن ضعيفة جدا .....فلاحتها بس فى السكر
    والرغيف الابيض (بالاضافة للبسكويت والكيك والدونت) غير كده بقت زى الحزب الاتحادى
    الاصل ...لا بودى لا بجيب ,,,,,



    خلاصة الكلام ...انا بصراحة محتاجة حاجة توقد من جديد شرارة الحماس والتحدى والاصرار
    والالتزام .......

    محتاج اطلع من الحفرة الواقع فيها ......
    محتاج شئ يغير ال mindset


    محتاج ل support group


    محتاج لشئ يستفذنى ويخلينى اقوم بثورة ,,,,


    i really need your help guys

    (عدل بواسطة النصرى أمين on 06-04-2012, 06:10 PM)

                   |Articles |News |مقالات |بيانات

06-04-2012, 06:55 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    غباشي، نهائي ما وقتك ياخ... عان النصري ده مجهجه كيف! غايته بارك الله فيك انك ما لولحتهن لينا!

    النصري... دي down-cycle، ما تشتغل بيها كتير... بس انت اعمل حسابك في اكلك... وشويه شويه ارجع للرياضة... انت اعتقد دخلتك خوفه من وجود التريدميل في البيت... بقيت حاسي انك مضطر تتريض يومي... او كل ما يتوفر ليك وقت... وانه ما عندك الاعذار القديمة.... تابع الوزن بتاعك بانتظام (ده بحفّزك)، برضه تابع البوست ما تنقطع منّه... الانقطاع من البوست بخليك disconnected... وبتفقد الدعم البوفره... لاحظ انه امير ملاحات وحمد 2 كيلو الاتنين لما انقطعوا جاطوا الامور... على سيرة حمد، حسي حمد ده الزول يقول ليه شنو بناءا على الارقام الخاتيها دي!

    فرحات، مرحب بيك من طرف حبيبتنا نجاة... وشكرا على متابعتك لينا وتشجيعك...

    حكمنا الهُمام... اخبار الخبيز شنو؟
                   |Articles |News |مقالات |بيانات

06-04-2012, 10:07 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    غباشي عاد ما بالغتا معنا!!!!!!!
    هسي يعنى انت و زولتك المنافسة الاساسية ما عارفين أرقام بعض، صح؟
    اها النتائج النهائية متين؟؟؟؟ بالمناسبة موضوع غباشي ده شكلو فيه قروش. ما ممكن يكون متحمس ساى كده ( عشان القي عذر لروحى)


    مريم الخبيز تمام. امس دى مشيت لصحبتى ( ما عاطلة عاد) و خبزنا داك يا المنيين. غايتو اختا راحتى امس. لكن من اليوم وعدتا روحى بقطعة وااااحده في اليوم.

    النصري، ما تنهزم لليأس يا النصرى
    You can do it
    الناس العملوها ديل احسن منك؟؟؟؟؟
    بعدين انت لما تنزل وزنك ح تحمى روحك من الضغط و السكرى و الكلسترول. انت لسه أولادك صغار و مفروض تتريض عشان تقدر بعدين ( بإذن الله و فضله) تستمتع بحياتك معاهم.
    الناس يا النصري ما بتعاين الزول السمين بانه زول بيحب الاكل بس. الناس بتفكر فى الزول السمين بانه زول ما عندوا عزيمة.
    فى كتاب عن العادات و كيفية التخلص من العادات ال ما كويسه. اول ما اخلصه ح اجى أحكيه ليك.
    ما تستسلم يا النصري.
    انا اللى عندى أطفال فى يدى و ما بنوم باليل او النهار ما استسلمتا و لو لقيت ربع ساعة بقيت اطلع فى المكنة بتاعتى.
                   |Articles |News |مقالات |بيانات

07-04-2012, 00:22 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    يامريم down-cycle بعرفها وكنت بمر بيها عادى .. تدقشنى وادقشها...
    لكن الحاجة البمر بيها دى اكبر من كده ..... من شهر سبتمبر لم تمر على فترة كهذه
    قرابة الشهرين وانا داون تو ماى نيز....وكلما احاول اجد تفسير للوضع ده اصاب باحباط..
    بس الشئ المتاكد منه وزى ماقلتى ان التريدميل فى البيت كان سبب اساسى فى الاحباط الحاصل ده....
    لمن اشتريت المكنه افتكرت انو المشاكل اتحلت وانو وجود التريدميل فى البيت حيخلينى اتريض يوميا
    ولساعات طويلة ....الحصل العكس تماما ....لم اتريض فيها سوى 3 مرات فقط.. وكلما اغيب اكتر
    الرجوع يبقى اصعب ....

    برضو سبب رئيسى ومهم جدا انى لسه فى المنافسه ولم ارفع الراية ....انى بتابع البوست بانتظام
    ولا تفوتنى كلمة واحدة ...لولا البوست ده والاخوة والاخوات المشاركين والقراء لكنت رفعت الراية من بدرى...
    مشكلتى فى تصفح البوست البط الشديد فى فتح الصفحة ...احيانا بمشى اعمل شاى واجى ولسه الصفحة بتحمل....
    مرات يكون عندى رغبة فى كتابة شئ لكن البط الشديد يشجعنى الغى الفكرة واتخارج
                   |Articles |News |مقالات |بيانات

07-04-2012, 01:47 AM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلام يا النصري
    عارف إنت في مداخلة سابقة قلت حاجة مفيدة جدا إنه أحسن حاجة في الموضوع دا إنك في أي لحظة ممكن تبدا الحكاية من الأول و دي نصيحتي ليك... أنسى الشهر الفات دا و ما تفكر فيه و تخليه يشعرك بالإحباط واعتبر نفسك بادي من الأول. بالنسبة للتريدميل الفي البيت يتخيل أكتر حاجة محبطة و ممكن تدبرس بالزول إنه يؤجل استعمالها. بصراحة لغاية هسع الرياضة عندي زي الواجب التقيل بكون بفكر فيها لغاية ما أعملها لكن في نفس الوقت أول ما أبدا فيها بجيني حماس يعني مرات أكون مكسل أقول أعمل تلاتة كيلو مثلا و أبدا أزيد فيها شوية شوية لغاية ما أعمل لي سبعة كيلو حتى بقوا ناس البيت ما بصدقوني لمن أقول داير أتريض لي تلت ساعة ولا حاجة و يقولوا لي كان ما كملت ساعة ما بتجي. و طبعا الأجمل من دا كله الإحساس العجيب بالراحة و الرضا عن النفس البجي للواحد لمن يكمل الرياضة عشان كدا متني أقدر أعمل رياضتي في الصباح قبل ما أمشي الشغل لأنه باقي اليوم بكون كأنه في هم كبير جدا اتشال مني.
                   |Articles |News |مقالات |بيانات

07-04-2012, 06:06 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    ازيكم يا لوزرز....

    انا زاتي احساسي انه موضوع غباشي ده فيه قروش يا سمارت، عشان كده احنا عندنا شبهة ملك.... يعني ساي مكاواة لينا بمشي يتريض زيادة!

    يا اخوانا ماسكني صداع نصفي من تلاته يوم موقف حالي تماماً .. غايته الشي الكويس اني بتريض لانه الرياضة بتخففه، لكن اي شي تاني في حياتي جايط وواقف!
                   |Articles |News |مقالات |بيانات

07-04-2012, 11:14 AM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Quote: بالمناسبة موضوع غباشي ده شكلو فيه قروش. ما ممكن يكون متحمس ساى كده ( عشان القي عذر لروحى)


    Quote: نا زاتي احساسي انه موضوع غباشي ده فيه قروش يا سمارت، عشان كده احنا عندنا شبهة ملك.... يعني ساي مكاواة لينا بمشي يتريض زيادة!


    انا ما عارف الجوائز حتكون شنو ؟ لكن بصراحة التحدي بتاع 2010 كان فيهو ضحاكات
    بالنسبة لي لو الحكاية طلع فيها قروش زي ديك و العبد لله فاز بالتحدي مالو ما بناباها (وعز الطلب كمان) ... لكن انا في قرارة نفسي (ركزوا على قرارة نفسي دي) المسألة مسألة انتقام و اثبات ذات
    Yes, I am taking revenge in my own way لانو المرة الفاتت اكلوني حنك ساكت


    يا جماعة دا نداء من العبد لله لكافة اللوزرس الموجودين اطلب منكم الدعم و المؤازرة في الاسبوعين الجايين ديل
    لانو بصراحة لو واصلتوا معاي كدة و ربنا قدر لي و فزت بالتحدي ما ترجوني غايتو ..... الا البوست دا يتأرشف
    عشان كدة شجعوني تفاديا للوقوع في دائرة الانتقام
    العوض و نجاة ... انتو برة الكلام الفي اخر سطرين

    الليلة مشيت حضرت Rugby match في استادنا

    (عدل بواسطة غباشي on 07-04-2012, 11:20 AM)

                   |Articles |News |مقالات |بيانات

07-04-2012, 03:16 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    غباشي... غايته كان في ضحّاكات، طالبينننننننننننك، ونهائي ما بنخليهن ليك... حسي كان ما احنا، عندك منو تتمنظر عليه وتعمل خطير... يا زول تدينا بدل اذى نفسي عديل كده!

    عملته الرياضة على الرغم الصداع الفظيع! على امل انه يخف شويه... حأمرق مع الاولاد نتمشى شويه.. منها تغيير جو (لانه اخلاقي في نخرتي، واعتقد معذورة! اربعة ايام صداع! دي وين دي!).... ومنها عايزه اشتري شويه حاجات لمحمود...

    نراكم لاحقاً
                   |Articles |News |مقالات |بيانات

07-04-2012, 03:36 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    بالمناسبة يا اخوانا... انا الليله كان الوزن بتاعي وللاسبوع الثاني على التوالي ثابتين ثاباتين!!!انا اصلا عندي ضد وكج مع الرياضة، مما انتظم فيها وزني بثبت، لكن انا قررت انتظم فيها لمدة شهر واشوف اخرتها شنو! يا انا يا هي!

    هي تعود على الرياضة!
                   |Articles |News |مقالات |بيانات

07-04-2012, 04:10 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    والله يا اسمارت ما عارف الخلل وين!!
    قدرما فكرت وفكرت ما قدرت اعرف السبب وراء التدهور الفظيع البعيشو......
    قبل اسبوعين كنت بسمع فى الراديو لقاء مع احد الكتاب عنده اصدارة جديدة عن
    التخســـيس والعادات السيئة,,,
    حكى فقال,,,,,,
    انو فى المكتب عنده عادة بايخة جدا وماقادر يتخلص منها ...هى انه يمشى لتلاجة الموية
    وياكل قطعة بسكويت cookie ..... فكر وفكر وفكر ....جرب كل البدائل وما اشتغلت ....جرب
    ياكل تفاحة.....جرب يتمشى حول المبنى ......
    اتضح ليهو فى النهاية ان سبب ادمان البسكويت ليس البسكويت فى حد زاته بل الوقفة
    والدردشة حول تلاجة الموية ...

    انا بالنسبة لى بحاول دائما افكر ليه بعمل كده !! ليه كل العذاب ليه كل الشجن على قولة زيدان ..
    شخصيا وطول عمرى حكاية الوزن الزائد دى ما بتسبب لى ارق ..ما شغالة بيها كتير ,,احتمال لانى
    ما بهتم كتير بمظهرى.... يعنى لو اتوفرت الظروف انى اظهر بمظهر كويس مابطال,,,ولو ما اتوفرت الظروف
    ممكن جدا اتعولق ولا اهتم .....قبل فترة اشتريت بنطلون dry clean غالى جدا ...نسيت و بقيت اغسلو
    بالغسالة .....

    اذن لم يبقى لى دافع غير الصحة والحفاظ عليهاخاصة السنة الخمسينية على الابواب ,,,

    انا محتاج لحوافز تانية غير الصحة .. محتاج لثورة .......
    فكرت اعمل التزام هنا امامكم جميعا ...مثلا ان اتريض يوميا لمدة 15 دقيقة (لمدة اسبوع مثلا)
    وفى كل مرة اجيب الدليل على ذلك (صورة مثلا)
                   |Articles |News |مقالات |بيانات

07-04-2012, 04:40 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    والله يا ياسر ما قادر ابدا من جديد...كل مرة اقول خلاص حابدا العصر او بكرة...
    يمر اليوم وما اعمل اى شئ...
    الغريب فى الامر انو ما عندى اى موضوع...اشتغل ال7 ساعات وارجع البيت ومااطلع منه
    الا تانى يوم ....

    فعلا كلام صاح لو الزول قدر يطلع التريدميل الباقى ساهل ..لكن البطلعنا شنو!!

    والله العظيم وكتابه الكريم انا اشتقت لذلك الشعور العجيب بعد كل رياضة ....
    شعور كدة يخليك تشعر براحة واطمئنان غريب .....
    شعور بالرضا عن النفس

    لذة غريبة وانا بمسح العرق من جبينى ,,,,,


    قررت فى الوقت الحاضر انى ما اعمل اى مواعيد للرياضة حتى اكفى نفسى شر تانيب الضمير..
    قاعدين منتظرين البركان ينفجر (زى انتفاضة السودان)
                   |Articles |News |مقالات |بيانات

07-04-2012, 08:17 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    لا كان شبهته روحك بي انتفاضة السودان، فابشري بطول سلامة يا التريدميل!

    ايه رأيك، اعتقد احسن حاجه حتنفع معاك انك تحدد وقت يومي للرياضة... وابدا بي تارغت بسيط زي القلته ده، 15 دقيقه... ولما ترجع تبقى ليك عادة زيد الوقت... لما تخلي الوقت فضفاض كده حيمر اليوم وما حتتريض...



    سؤال، ياسر منو؟




    جيت من مرقتي مع الاولاد.. جينا تعبانين تعب شديد، مشينا مشوار بعيد جدا... الاولاد هديلك اتجدعو كل واحد في سرير، وانا من شدة التعب ما قادره انوم..
                   |Articles |News |مقالات |بيانات

08-04-2012, 04:22 AM

Ammir Mohamed

تاريخ التسجيل: 14-02-2007
مجموع المشاركات: 494

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلام يا حلوين

    أخوكم رجع وزي ما قلت ليكم من هنا لحدي يوم 20 لازم أنقص سبعة كيلو!

    أمبارح هرولت بسرعة 8.5 لمدة 40 دقيقة قربت أموت! بس الإحساس كويس والليلة عندنا دافوري مولع!


    النصري بطل حنكشة! الموضوع ده ما تركز معاه شديد ياخي خليها حسب التساهيل بس راقب وزنك لو لقيت الموضوع مستحمي .. فك البيرك! أنا مثلا عادي ممكن أقيف شهرين ثلاثة وأرجع تاني برضو حسب التساهيل ..كلها يومين تلاتة وبتسلك.

    يا جماعة وين ابتهال هانم (كديسة المطعم)!

    غباشي انت الميزان بتاعك ده فيه مشكلة ياخوي !! انت ما عندك شغلة غير الرياضة ولا شنو .. عالم فاضية!!! يا زول أها بس من طرف اللسان (مبروك)!

    تحياتي

    أمير
                   |Articles |News |مقالات |بيانات

08-04-2012, 06:00 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Ammir Mohamed)

    Quote: اخوكم رجع وزي ما قلت ليكم من هنا لحدي يوم 20 لازم أنقص سبعة كيلو!


    يا امير، اول ما شطح نطح! سبعة كيلو كيف في اقل من اسبوعين، حتى لو سبعة رطل كتيره! خت ليك اهداف معقولة وممكنه...

    Quote: أمبارح هرولت بسرعة 8.5 لمدة 40 دقيقة قربت أموت! بس الإحساس كويس والليلة عندنا دافوري مولع!


    والله يا شباب تعقّدوا الواحد بي السرعات البتصلوا ليها دي! انا اقصى حاجه وصلتها 6 كيلو/ساعة... لاني لسه بمشي ما بجري وما اظني اجري زاتو... ولحدي حسي ما مقتنعه انه بعد ستة ده يعتبر لسه مشي!!!
                   |Articles |News |مقالات |بيانات

08-04-2012, 06:46 AM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Quote: سؤال، ياسر منو؟

    صحي يا النصري ياسر دا منو؟ ملاحظ ليك في كم مداخلة شابكنا يا ياسر يا ياسر:).
    ياسر دا أنا يا مريم... العوض دا الاسم الأخير أو اسم العائلة زي ما بقولوا و أنا اخترته هنا. طبعا ناس كتيرين ما عارفين اسمي منو و قبل كدا واحد من زملاء البورد زول ضكران جدا و بحب الأدب الشعبي و الظاهر كان معجب جدا باسمي دا و رسل لي رسالة لمن رديت عليه و وقعت بياسر شعرت بيه زي الاتخذل فيني كدا و قال لي بالله اسمك ياسر و أنا زمني دا كله قايل اسمك العوض؟
    طولت ما نشرت تقاريري اليومية.. حأحاول أكتبها ليكم في اليومين الجايات إن شاء الله. لكن الليلة عملت لي إنجاز لأول مرة قدرت أجري لي خمسة كيلو و زيادة بصورة متواصلة (حوالي 3.2 ميل)... جري عديل كدا حتى بتعريف سمارت. جريت بسرعة تتراوح بين 8.1 كيلو في الساعة (5 ميل في الساعة) و 10 كيلو في الساعة (6.2 ميل في الساعة).
    مرحب بيك من جديد يا أمير و في انتظار مغامراتك.
                   |Articles |News |مقالات |بيانات

08-04-2012, 07:19 AM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    Quote: أخوكم رجع وزي ما قلت ليكم من هنا لحدي يوم 20 لازم أنقص سبعة كيلو!
    امير زي ما قالت مريم Take it easy

    Quote: غباشي انت الميزان بتاعك ده فيه مشكلة ياخوي !! انت ما عندك شغلة غير الرياضة ولا شنو .. عالم فاضية!!! يا زول أها بس من طرف اللسان (مبروك)!
    فيك الخير يا امير .... تصدق انا الايام دي لو قدرت امشي الجيم تلات مرات و لمدة نص ساعة بس اكون ما قصرت ... انا مشغول شديد الايام دي

    Quote: والله يا شباب تعقّدوا الواحد بي السرعات البتصلوا ليها دي! انا اقصى حاجه وصلتها 6 كيلو/ساعة... لاني لسه بمشي ما بجري وما اظني اجري زاتو... ولحدي حسي ما مقتنعه انه بعد ستة ده يعتبر لسه مشي!!!
    مريم ... العبد بالله ببدا المشي بي 6.5 كيلو/ساعة..... دي كان ايام الرياضة الجد
                   |Articles |News |مقالات |بيانات

08-04-2012, 07:41 AM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    كامل التضامن مع النصري في مأزقه الحالي.
    العبد لله كخبير استراتيجي بنصحه بالرجوع للجيم ...
    مشوار الجيم حيفرض عليك تمشيهو خصوصاً الدنيا عندكم صيف هسي وخت في بالك انو رمضان جاي
    و معروف انو في رمضان الناس اوزانها بتزيد
    عشان كدة اعمل خطة انك لحدي رمضان الجاي انك تكون عوَّضت الراح منك
    غير كدة شهر تسعه الجاي (بعد نهاية رمضان) حتكون مرت سنة على برنامجك الفتحته بيهو البوست دا, عشان كدة Be careful
    استغل فترة الصيف دي يا النصري
                   |Articles |News |مقالات |بيانات

08-04-2012, 07:54 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    غباشي.. ياخ م تستفزني... شنو يعني بتبدا بي 6!!! انا بديت اشك انه الmachine بتاعتي دي سرعتها زيادة عن اللزوم! بالجد والله... ما ممكن! انا زوله وزني زايد صحي، لكن fit وما خمله! ياخ انا بتسابق مع ولدي العمره ستة سنين (ولدي والله جراي وزول sporty كده).. وبنافسه بضراوة وبفوز عليه مرّات... ده غير اني بعمل Yoga من زمان... لا لا.. انا بالجد بديت اشك في الmachine بتاعتي!...

    اسمع.. كنت عايزه اسألك عن الcompression suite، ادينا الشمار بتاعها كاملاً عليك الله.. اليوم داك ختيت الصورة وقلت انها مهمة ومشيت ما اديتنا اي معلومة مفيدة.. انا عامله تجربة الايام دي عن الموضوع ده بس اول شي وريني خبرتك معاها وبعداك بحكي ليكم تجربتي...

    ياسر! والله بالغته في الاسم ده!... لا لا... ما بنفع معانا.. خلينا في العوض اخير... سمارت رأيك شنو؟

    نجاة.. عوووووووووووك.. الاخبار شنو يوم السبت الفات؟

    ابتهال! اجي يا بت امي! سمعتي ولا جابو ليك؟


    النصري test 1 2 3 حوّل!
                   |Articles |News |مقالات |بيانات

09-04-2012, 03:26 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Quote: النصري test 1 2 3 حوّل!


    النصرى فى محنة يا مريم..
    مصطكى اصطكاكة العدو ......

    تقريبا انا عايش فترة بتاعت توهان...
    ما قادر احدد اتجاهى ....
    فى حالة انتظار ...
    انتظار شنو؟
    والله العظيم ماعارف ...
    اهو منتظر وبس .....

    عندى ود اختى لمن ولدوهو ابوهو سماهو على الشيخ دفع الله الصائم..
    لحسن الحظ عند تسجيل الاسم فى السجلات قام خت محمد قبل دفع الله فى شهادة الميلاد ....
    طلع منها باعجوبة.....
    حسى اسم العوض ما لايق شديد لزول شباب ورياضة زى ياسر (طبعا انا شفت صوره فى الفيس بوك)
    لو كان عوض حاف كان تكون لزيزة شوية ..لكن الالف واللام بقت الزول عمره 85 سنة ...
                   |Articles |News |مقالات |بيانات

09-04-2012, 04:21 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    اها يا اخوانا انا قررت اونسكم ,,,
    الداير موية ..نجيبا ليهو ...

    نبدا بدى


    قالو فى واحد زى كده... قرر ينزل وزنه....
    اها يوم زوجته جات داخلة البيت لقتو خاتى ليهو صحن ضخم جدا بحجم الطشت بتاع خضروات..
    قالت ليهو ده شنو ياراجل ده..
    قال ليها ....دى خضارات ساكت ...قش بس ..ما بتسمن..
    قالت ليهو ::انت قايل الفيل بياكل شنو؟





    ------------------------

    الشكر للاخ عضو المنبر على سرالختم على النكتة
                   |Articles |News |مقالات |بيانات

09-04-2012, 04:47 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلام يا جماعة
    أمس غايته يوم عجيب... ربنا يغفر لينا ساي. اليوم كان ماشي عادي مشينا اتعشينا في مطعم. أكلت و لمن جيت راجع البيت و مليت اللوق بتاعي لقيت نتيجة اليوم إني أكلت 2460 كالوري. و علي العلي ما اتريضت لكن كويت لي ساعتين (مبالغة يا النصري مش كدا؟) و بكدا لأول مره من ما بديت البرنامج دا تكون نتيجة اليوم كالوريز بالزايد حيث كان فائض الكالوريز حوالي 72 كالوري. أتمنى أقدر أكفر عن الموضوع دا خلال أسبوع عشرة يوم كدا.
    ما ندمان على الحصل لأنه العشا كان على شرف وداع أخوي (خلاص الراجل جاييكم في ألبرتا يا النصري) لكن حيفرق معانا فرقة شديدة بالذات مع الأولاد.
    غايته الدرس الطلعت بيه إنه الواحد ما يستهون أكل المطاعم دا. مع إني من ما بديت مشيت مطاعم كم مرة و منها بوفيهات لكن كنت بعمل حسابي. أمس طلبنا مع بعض كم حاجة كدا أصلا ما كنت قايل الكالوريز بتاعتها عالية كدا. مع إنه ناس المطعم عندهم وجبات أقل من خمسمية كالوري لكن قلت آكل عادي بعد ما رجعت البيت و خشيت الويبسايت بتاعهم و شفت كمية الكالوريز الفي وجباتهم لمن اتخلعت.
                   |Articles |News |مقالات |بيانات

09-04-2012, 06:30 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    Quote: لا كان شبهته روحك بي انتفاضة السودان، فابشري بطول سلامة يا التريدميل!


    Quote: قالو فى واحد زى كده... قرر ينزل وزنه....
    اها يوم زوجته جات داخلة البيت لقتو خاتى ليهو صحن ضخم جدا بحجم الطشت بتاع خضروات..
    قالت ليهو ده شنو ياراجل ده..
    قال ليها ....دى خضارات ساكت ...قش بس ..ما بتسمن..
    قالت ليهو ::انت قايل الفيل بياكل شنو؟

    مبااالغة

    مريوم.....ياسر ده انا من زمان عارفه اسمه ياسر, بس ما متزكره من و اى بوست.

    العوض بالغ اخوك يا اخى يرحل منكم!!!!! الغربة صعبة شديد و مهم الاطفال يكون حولهم اهل. انا بحنس في اخو زوجى انه يرحل جنبنا مع انه لسه ما معرس. لما يعرس و يجيب اولاد, اولادى ح يبنبسطوا شديد. ايوه عاوزاه يرحل جنبنا لمصالحنا
    النصري رسل لى رقم تلفونك....كل يوم بضرب ليك مواعيد الرياضة....او خلى العوض يضرب ليك....بدل ما كمان ادفع قروش مكالمة عالمية*
    ___________________________________--
    * ايوه يا امير..كمان جبارة
    ا

    (عدل بواسطة smart_ana2001 on 09-04-2012, 08:01 PM)

                   |Articles |News |مقالات |بيانات

09-04-2012, 08:08 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    Quote: النصري رسل لى رقم تلفونك....كل يوم بضرب ليك مواعيد الرياضة....او خلى العوض يضرب ليك....بدل ما كمان ادفع قروش مكالمة عالمية*


    اها وانت يا السمحة.... اضرب ليك انا؟



    العوض، انت قاصدني بالموشّح الفوق ده موش! يعني عايز تكاويني موش! بالله زعلان ليك في 72 كالوري كأول غلط من تلاته شهور! والله انت perfectionist لما مبالغة زاتو! لكن غايته المكوه بتكون جيّهتها تمام.. حاكم الناس الزيك بظبّطوا اي شي يمسكوه... ماشاء الله تبارك الله الله يخفظك هووووووووووي ما تقول مريم سحرتني...


    انا الليلة عملته الرياضة، لولو عملت لي موشّح في الدقيقة العشرين ابت تسكت كله كله! اضطريت اوقّف... وانا اصلا صاحية تعبانه وزيتي طالع... لكن بالقوّة دفّرته روحي وعملته الرياضة... طبعا انا بعمل الرياضة تلاته مرات في الاسبوع... بكره مافي... يا النصري كدي حاول الطريقة دي... لما يكون عندك يوم ايوه ويوم لأ، بتتحمّس لما تتذكر انك بكره ما حتتريض... بالتالي بكون الهم أقل...

    نفسي ارجع لليوجا او البلاتيز يا جماعة، لكن خاااااايفة اقوم اعوّق كتفي تاني وابقى في البحلّني... !
                   |Articles |News |مقالات |بيانات

10-04-2012, 05:07 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Quote: اها وانت يا السمحة.... اضرب ليك انا؟


    انا بحالتى دى لو ضرب لى اوباما شخصيا ما ينفع*
    بالجد يا مريم ما فى زمن. ما لاقيه زمن اتريض.

    ابدى ارجعى لرياضتك بس حبة حبة
    _________________________________________________
    *شغال يضرب للناس ساااى . قبل فترة طالبه جامعية شتمها مزيع من المتشديدن, قوم يا اوباما اضرب ليها حنسها
                   |Articles |News |مقالات |بيانات

10-04-2012, 08:13 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    Quote: انا بحالتى دى لو ضرب لى اوباما شخصيا ما ينفع*


    النبي كان ضرب ليك خلي يضرب لي... معنوياتي تحت الارض... غايته الميزان ده كان ما استعدل واداني رقم حلو يوم السبت الجاي ببكي بدموعي عديل كده!
                   |Articles |News |مقالات |بيانات

10-04-2012, 09:38 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    السلام عليكم يا جماعة
    نبدا بمريم... معليش يا مريم عارف الكلام الحأقوله دا ما فايت عليك لكن لأنه قبل كدا اللخبطة دي حصلت لي قلت أنبهك إمكن تكون حاصلة ليك... راجعي الوحدة بتاعة التريدميل إمكن تكون شغالة بالميل ما بالكيلو. والله يا مريم أنا ما بيرفكشنست لكن عارف روحي نفسي ما طويل عشان كدا داير أحقق نتايج في أيام الحماس دي و بعدها بتبقى حكاية المحافظة أسهل من تخفيض الوزن. بعدين السبعين كالوري دي مش زيادة في الأكل دي صافي الزيادة في الكالوريز في اليوم كله... يعني وزن مكتسب. الزيادة في الأكل كانت أكتر من تسعمية كالوري... مش حاجة بتزعل بالله! بعدين يا مريم إنت و سمارت و نجاة و ابتهال و كل الأخوات ما شاء الله عليكم مع العناية بالبيت و الأطفال و إمكن كمان شغل برة البيت و المجاملات أي حاجة تعملوها إضافية دي أشبه بالبطولة لكن نحن ما عندنا عذر كبير.
    أها يا غباشي النتيجة النهائية متين؟ في انتظار البشريات و نصيبنا في الجائزة.
    يلا يا النصري طمنا إنه العقدة اتحلت و رجعت للمنافسة. إقتراح سمارت دا أنا ما عندي مانع حدد لي وقت أنا بتعهد أتصل يوميا أذكرك. جادي والله. بالنسبة لاسم العوض دا لمن ولدوا فاطمة بتي و قلت عايز أسميها فاطمة واحدة قريبتنا قالت لي عليك الله هسع بت صغيرة زي دي يكون اسمها فاطمة العوض على الأقل كان تشوف للبت اسم عصري كدا يصلح العوض دي شوية:). طبعا حكاية إنه الاسم دا اسم ناس كبار دي مسألة انطباعية لكن اسم فاطمة دا جميل شديد. والله زولتك بتاعة الفيل دي رباطابية بس.
    والله يا سمارت فرق معانا فرقة شديدة هو لسع ما متزوج لكن المشكلة مدينتنا صغيرة و الواحد ما بلقى فيها كل العايزه بالذات إنه لسع محتاج يأهل نفسه عشان يشتغل في مجاله. أمس علي بالليل لمن شاف أوضة عمه فاضية بقى يحنن و شبكنا آي مس عمو محمد مع إنه دا يادوب أول يوم ليه. فعلا وجود زول من الأهل قريب في الغربة حاجة جميلة شديد يعني في السنة القعدها معانا دي تشعري الأولاد كانوا مبسوطين بصورة ما عادية. سمارت ما تشيلي هم من عدم الرياضة أعملي زي أخوك و أحسبي البيبي ستنق بألف كالوري في اليوم.
                   |Articles |News |مقالات |بيانات

11-04-2012, 06:08 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    الله يجبر بي خاطرك يا العوض والله.. ما قصّرته... كدي النمشي اشوف الآلة بتاعتي، رغم اني مااااااااااا اظن خاصة انه احنا هنا كله بالكيلو... لكن النتأكد للضمان كده!

    والله ما طالباكم حليفة، لكن الليلة دي مفروض اعمل رياضتي... وعندي عزومة ناس جايني عشا... وبالمغرب عندي امتحان حقّي في الجامعة لازم احضره لانه امتحاني يعني مافي زول يغطّي بدلي... وصاحية من الساعة 4:30 صباحاً لسبب بايخ جداً مافي داعي نقوله!... وعندي تحضير مهم لازم اجهّزه قبل بكره!.... ولازم اقضي لي على الاقل ساعه في اليوم ألعب مع محمود ولدي (ذنبه شنو!)... والله ما عارفه ارتبها كيف دي الليلة.. ومن حسي راسي زانّي وواجعني من الصحية البدري...

    بمناسبة الاسماء... نادر زوجي حيّرني عديل كده في اسمه ده!... يعني لو انا اشتغلته بي نظرية الاسم قديم وجديد يمكن كان ما لقيت لأولادي اسماء... هو اقترح اغير اسمه لعبدالفضيل... لكن في النهاية احنا الاتنين حبينا نكرّم ناس عزاز علينا باسماء اولادنا.. ولدي محمود على الاستاذ محمود محمد طه، وبتّي ليلى على حبوبتها ام ابوها الله يرحمها... محمود ولدي في المدرسة هنا اسمه محمود عبّاس (اسم جدّه)... عنده استاذته ظريفه كده كانت بتقول ليه "ابو مازن" هههههههههه..... انا واخواني كلنا اسماءنا بحرف الميم، وكانت صدفة بحته! ,... انا والدتي سمّتني على السيدة مريم العذراء لاعجابها بشخصيتها وبقوّتها واعجابها بالاسم نفسه... مازن اخوي سمّاه الموظّف بتاع المستشفى البعمل شهادات الميلاد (ابوي كان زهجان وقال لي سمّيه اي شي خخخخخ)... مروان اخوي سمّاه والدي على د.مروان حامد الرشيد، ناس آداب الخرطوم ممكن يكونوا بعرفوه... صديق والدي شديد ... واخوي الصغير محمود على الاستاذ محمود... الله يخلي ليك فاطمة وعلي ان شاء الله... وبالمناسبة الاسمين لايقين على بعض جداً... بس لو جيت السعودية حيفتكروك شيعي... طبعا انا اسمي هنا مخلي الناس يفهموا كده برضه... اسم مريم عند الشيعة كتير... وطبعا جدّي الحسين... مافي اي فرقه! رغم انه احنا زي ما بقول الاستاذ، زي الشيعة في محبتنا لآل النبي...

    سمارت... الله يديك العافية وما تتضايقي.. شويه شويه الامور بتتصلّح... I promise..

    النصري عووووووك!

    غباشي، منتظره اجابتك على سؤالي...
                   |Articles |News |مقالات |بيانات

11-04-2012, 07:37 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    لاحولا ,,,نص ساعة كاملة عشان اصل للبوست ده واعمل المداخلة دى,,,
    كان ما الكلام حارقنى وواقف لى فى حلقى كنت قبيل اتخارجت ...


    الليلة اتزكرت ليكم محمد طحنية ...هل تزكرونه؟ انهم زميلكم الذى انسحب
    من المنافسة بسبب علبة طحنية......

    جيت من الشغل جعان مدروخ ...ما شايف قدامى من الجوع ....
    دخلت المطبخ ...بكابس فى الرفوف ....شفت لى علبة طحنية ....
    اتمطقت فى سرى وقلت ليها يا حليل ايام زمان ....
    فجاة لاحظت فى العلبة مكتوب خالية من السكر بالانجليزى وبالعربى..
    جرى مشيت جبت نضارة القراية ...بالمناسبة تدهور النظر بدا قبل شهور وبقيت
    اطشش فى قراية الجرايد .....جبت النضارة ورفعت العلبة فى الشباك ورفعت الستارة
    على اساس اللحظات القادمة مصيرية وتحدد مستقبل انسان ....
    قريت المحتويات سمسم ومحلول التراتيتول (ولا حاجة كدة ما متزكرة) الكالرويز 210 والسكر صفر
    ضقت الطحنية ..والله حلوة حلا .....الذ من الطحنية العادية

    والله دورت فيها تدويرة ....محروم لى 7 شهور ...
    اكلت نص العلبة والبحصل يحصل ......
                   |Articles |News |مقالات |بيانات

12-04-2012, 07:26 AM

Ammir Mohamed

تاريخ التسجيل: 14-02-2007
مجموع المشاركات: 494

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلامات يا حلوين

    طبعا يوم الأحد مشيت لعبت دافوري سودانيين ضد توانسة الحارس غايتو شوية كدة كان كسر لي ساقي المهم الحمد لله ربنا لطف وطلعت رضوض خفيفة وتلاتة شلخات كدة !! الألم كان مزعج شديد فضلت صاحي الليل كله ومشيت الشغل من غير ما أنوم ..رجعت البيت نمت بعد ما اتغديت غدا خفيف على أساس إني أصحى أودي الولد الكلاس بتاع الكارتيه صحيت الساعة 23:40!! وفضلت صاحي لليوم التاني .. ونفس الشي حصل معاي يوم الاتنين والثلاثاء برجع أنوم وأصحى نص الليل .. غياتو أمبارح بالقوة فضلت صاحي لحدي ما أذن العشا وقبل ما يكمل الأذان كنت صليت واتوجهت للسرير (حلفاوي وكدة!) اليوم استعدل والليلة وبكرة وبعد بكرة جيم تقيل!!

    النصري الطحنية دي بتجيب كسافتك!! أحسن ليك تستعدل معانا وتبطل دلع!

    العوض ربنا يجمعك بي أخوك دائما في ساعات الخير ويحفظ ليك العيال.

    الحمد لله أنا عامل كنترول على الأكل يعني موقف خبز وزيت وسكر مدور مشاوي وسلطات مغلب المدام معاي بس في السلطات دي زي الفيل بتاع النصري! ياخي والله الواحد ما عارف ليه بركز مع الأكل ده كدة !!


    جيبو لي ابتهال دي إنشاء الله تدردقوها ! شوفوها بتكون متضهبة ليها في مطعم!

    مريوم ياخي انتي ما تركزي مع الرياضة دي شديد كدة أعملي البتقدري عليه يا شيعية انتي!

    سمارت انتي ما عندك الماجيك جاك!! والله الاتصال عن طريقه واضح أكتر من التلفون العادي جربيه عشان بتماشى مع سياسة البخل بتاعتك!

    تحياتي
    أمير
                   |Articles |News |مقالات |بيانات

12-04-2012, 11:57 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Ammir Mohamed)

    والله يا امير الرياضة كرّهتني روحي زاتو! ياخ مما ابدا أتريض وزني بقيف (توج)، ما بقل نهائي.. والحاجه دي بتغيظني لاني بلاحظ اثرها في شكلي العام، يعني يظهر علي طوالي لو بتريض.. والناس تبدا تعلّق لي اني قاعده انقص... لكن في نفس الوقت تلقى الرقم زي ما هو... وماااااااااااا قادره اقنع نفسي انه الرقم ما مهم، والمهم الشكل والمعنويات!.... غايته حأوزن يوم السبت ده، لقيت الرقم نزل بالحُسنى خلاص.. ما نزل.. حأقوم اخلي الرياضة اسبوع ايوه واسبوع لأ... خاصة اني لاحظته حاجه مهمة ومشكلة! اني لما اعمل رياضة ممكن اسامح نفسي واخستك... في حين انه لما ما اعمل رياضة، ما بسامح نفسي نهائي وبكون ملتزمه تماماً بكل حاجه... عشان كده عشان اجمع الحُسنيين .... رياضة اسبوع تظبط الشكل العام، وضغطته في موضوع الاكل اسبوع عشان تنقص الرقم... كنت عايزه اعمل زي العوض وما اشوف الميزان الا مره في الشهر، لكن ماااااااااااااااااا بقدر! اغشّكم يعني!

    العوض والنصري، مازن قدّم عن طريق السفارة مباشرة (غريبه موش!)، او هي القنصلية بتاعهم في فانكوفر، قالوا ليه انه الوقت الهو محدده للprocessing حيتضارب مع وقتك المخطط تسافر فيه، عشان كده بننصحك تقدم وقت تاني! حأحاول اقدم ليه من هنا... وfingers crossed!


    ابتهال دي زمان انا كنت بلقاها في الفيسبوك حايمه، حسي بعد وقّفته الaccount بتاعي بقيت ما بلم فيها... سمارت ما عندك توهه دي في الفيسبوك؟
                   |Articles |News |مقالات |بيانات

12-04-2012, 03:17 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    حصلوا يا جماعة، النصري jumped off the wagon
    طحنية عديل كده ؟؟؟ امس ابو الأولاد مشي دكان العرب جاب لينا انجيرا و فول. شكله كان جاي من الشغل جعان قام جاب علبة طحنية من النوع المظبط.
    المساء بعد العشاء و الأولاد ناموا( و اثناء ما احنا بنتشاكل في الرموتكنترول) اتزكرنا الطحنية. المهم، بعد نقاش و جدال حول الnutrition facts في الطحنية كل زول أخد ليه نص ملعقة.
    مع أني ما بحب الطحنية لكن دبرستا، ما معقول الزول يكون حياته كلها بيقيس و يراقب في الأكل.
    جدودنا القدماء بختهم، الواحد كل يوم في اسد او نمر بيديه سكة جامدة يجري فيها و بعدها يرجع البيت ( قصدي الكهف) و يأكل كل التلاجة. ما في واحد فيكم يجي يقول لي ما كان في طحنية الزمن داك.

    مريوم، ما شايفاها ابتهال. لكن بحاول افتشها.
    انا عندي أزمة عزيمة الايام دي عشان كده ما ح افتي في اي شيء. لكن غايتو وصيتي انك ما توفقي رياضة.
    حتي لو وزنك ما نزل نزول سريع، علي المدي الطويل افضل لصحتك و جسمك.

    العوض، ربنا يوفق أخوك و يجمعكم في ساعة خير.

    امير، شايفه موضوع المجك جاك ده منتشر. لكن احنا لازمنا خط تلفون عادي في البيت عشان السكيروتي سيستم. ايوه عشان احرس المليون دولار اللي خاتها تحت المخدة(:

    نجاة ذاتها اختفت
                   |Articles |News |مقالات |بيانات

12-04-2012, 03:57 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    Quote: انا عندي أزمة عزيمة الايام دي عشان كده ما ح افتي في اي شيء. لكن غايتو وصيتي انك ما توفقي رياضة.
    حتي لو وزنك ما نزل نزول سريع، علي المدي الطويل افضل لصحتك و جسمك.


    شوفي، انا عارفه روحي كويس جداً... لو ما شفته ارقام احسن، حأقوم أخلي البرنامج كله، واجي ابكي ليكم هنا.. واغنّي "عدّوني!"... اخير اشوف حل وسط... الرياضة بتظهر نقصان الوزن بصورة واضحة بالنسبة لي، وعدم الرياضة بخليني اضغط نفسي الاكل وعزيمتي بتكون قوية جداً في الحالة دي... اها لحدي السبت، مافي تحسّن طوالي بنمشي للplan بتاعت week-off and week-on....

    عليك الله امير بقول انت بخيله!... مشششششم.... ما عرفك نهائي والله!... وكيّه في الحلفاوي...


    تحياتي
                   |Articles |News |مقالات |بيانات

12-04-2012, 10:11 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    اخبار حلوه، سمعته من اكتر من زول تعليقات اني ضعفته شديد... منهم مامتي...



    ثانيا، بقيت اطلع في الملابس القديمه وافشر، الليله لبسته اسكيرت اشتريته قبل ما اتزوج وما لبسته كتير


    ثالثا، حأجيكم بكره بنتائج تجربتي الكتبته عنها قبل كم يوم
                   |Articles |News |مقالات |بيانات

12-04-2012, 11:48 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Quote: نجاة ذاتها اختفت


    لووووزرس سلاااااام..............

    حكمنا والله متابعة وبفتح البوست كل يوم000000
    بعد السلام للجميع 0000000
    يامريوم انا اقري وز يو 100% لما اتريض كتير النتيجة ما تمام والعكس !!!!!!!
    الاسبوع الفات الرياضة 5 ايام فى الاسبوع والخسارة بوينت 2 من الرطل00000
    الليلة انا حصلتة النصري بس مع زيادة رياضة00000

    عيد ميلاد ولدى الليلة وديك يا الطورتة وقطعة قدرالضربة معاها كباية شاى هممممم مبالغة ~~~~
    بس مشيت الجم وعملته 200 كالريز زيادة لزوووم الطورتة 0000
    ح اوزن يوم السبت القادم0000000
                   |Articles |News |مقالات |بيانات

13-04-2012, 06:25 AM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    يا لوزرس ازيكم وحشتوني وحشتوني

    اختكم مشغووووووولة ومزرووووورة
    بس افضى بجي اشجع من طرف ,,,

    مرات بلقى لي فرص اتاوق ...لكن ما بقدر اكتب ....

    المهم الحمد لله ماشين تمام .....العوض ماشاء الله عليك ...والبقية الماشا بوزتف ...

    لكن يا النصري الحالة دي عادي بتجي في القراية في الشغل لكن بتروح ... قول بسم الله والعن الشيطان وابدأ الباقي بمشي اهم شي البداية

    مريم .. اسمارت ...غباشي ...نجاة ...والناس الرجعوا ... انا دايرة دعوات كاربات بالله ...بالجد والله .. ادعو لي ...

    لو فضيت شوية كدة ...بتواصل

    احلى بوست والله ...
    ياريت لو كل قروب عندهم اهتمام مشترك يعملوا نت ويرك زي دا ويشجعوا بعض ....القروب مهم ياخ

    سلام لوزرس الى حين فرصة
                   |Articles |News |مقالات |بيانات

14-04-2012, 00:23 AM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: القلب النابض)

    ازيكم ؟؟؟
    مريوم, الله يجبر بخاطرك. الحلفاوى ده تلاقيه بقي قندرانى هسي موش دفار بس.

    قلب, وينك؟؟ دى شغلة جامده ذى شغلة غباشي
    العوض, الاخبار؟؟

    النصري, لسه مدبرس؟؟؟؟
    انا كنت ذيك لحدى امس باليل. لكن خلاص بعد كده انا ح اكون جاده.
    ************************************************************


    ده التقرير بتاع امس. عض شديد, لكن اتريضت و حرقت حوالى 337 سعر حرارى.
    لقيت انى احسن حاجه اجبر روحى على الرياضة. و لما الرياضة تستقر نشوف موضوع الاكل

    photo6.JPG Hosting at Sudaneseonline.com


    امس كانت 337 كالوريز...ح ابدا ازيد كل يوم حوالى 50 لحدى ما اصل 1000 كالوريز في اليوم
                   |Articles |News |مقالات |بيانات

14-04-2012, 04:50 AM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    سلام يا جماعة
    البورد ما بفتح معاي بالساهل
    المهم ... اخر الاخبار
    فقدت 600 جرام بس و لسة ما عارف موقعي وين بالنسبة لي توني
    غايتو لو هي كانت شغالة بنفس معدلي ده معناها انا اتصيَّعت لانو انا محتاج افقد على الاقل 2 كيلو عشان اتساوى معاها , ما عارف ليه عندي احساس اني فتَّها (مجرد احساس)

    عملت خطة زيادة عشان انقص اكتر من كيلو الاسبوع الجاي
    الخطة زي ما عارف يا العوض .. هي غشة الجسم
    بما اني كنت ماشي كويس و ما لخبت , شكلو الجسم بدأ يعمل prevention attitude , خصوصاً بعد الـ 2.5 كبلو الفقدتهم الاسبوع القبل الفات
    المهم عشان ادقِّس الجسم و انشِّط الميتابليزم قمت أكلت Oat coockies و بعد كم ساعة كدة ضربت لي Delux Shake فاهم لمن بيغادي
    وواصلت شغلي عادي , تاني يوم مشيت الجيم عااااااادي و رجعت للدايت لحدي ما نشوف موضوعي مع توني
    و الله انا بقيت خايف يجي واحد من الناس الكانو ورا و يجي يختها لينا انا و توني :)
    غايتو الاسبوع الجاي حيحسم الامور لانو آخر اسبوع لي لكن لازم ننتظر لحدي اخر الشهر لانو في ناس مدتهم لسة ما انتهت

    الغريبة .... ما شايف اي مظهر من مظاهر التشجيع و المؤازرة ... غايتو ما ترجوني لو أملي اتحقق
    عندكم لحدي يوم الاتنين تحددوا موقفكم ... يا تعلنوا مساندتكم للعبد لله يا كمان otherwise الما بيشجعني ما بشجعوا و حأبقى من الدّ اعدائه

    النصري ... شايفك ماشي كويس في مشروع الـ relapse غايتو انا تاني ما حأتكلم معاك في موضوع الدايت لكن كلامي معاك حيكون شهر 9 الجاي ان شاء الله لو ربنا احيانا , عشان نشوف انت انجزت شنو خلال السنة المرت
    و حأزكرك بكل احلامك الوردية و حشاش بي دقنو الانت كنت بتعمل فيها هنا دي (طبعاً انت حتكون هدف استراتيجي في حملاتي الانتقامية) , غايتو بتمنى لحدي اليوم داك تكون استعدلت , Deal?

    ابتهال نفس الشي

    نجاة good on you

    مريم ... البتاعة انا كنت خاتي لينك معاها فيها اللكلام كلو Read this

    اسمارت (الحليف المنشق) ... لحدي يوم الاتنين و بعديهو ان شاء الله حيكون في بروتوكول جديد للتعامل بيناتنا

    أمير ...
    غايتو أنا تأكد لي رسميا انو كورة القدم اسوأ لعبة من حيث الممارسة
    لينا شهرين بنعلب دافوري صغير هنا و لحدي الان عندي تلات ضربات .. و احدة في كوع اليد و التانية في قدمي تحت و التالتة في ركبتي
    و شكلي حأمشي لـ Therapist لانو من فترة لفترة بيوجعوني خصوصاً لما أمشي الجيم
    ده غير اني بقيت كلو يوم الصباح اصحي شبه عندي شلل أطفال لانو ما بقدر اضغط على قدمي
    مالو الجيم دا عيبوا لي ... تتمرن براك باحترام و تتخارج مش كورة و دافوري وواحد يبرشمك بالكورة و التاني يشلّت فيك
    المرة الفاتت لعب معانا شافع عمرو زي 15 سنة و الله عزبنا عزاب بي كدارتو ... شي قريض و شي عِفّيص دا غير الشلاليت
    طبعا كلنا أكبر منو و ما قادرين نقول ليهو تلت التلاتة كم , خايفين نتكلم معاهو نقوم نلبس في تهمة child abuse


    تسلمي يا القلب النابض و بالتوفيق في مسعاك

    الموقع بطئ شديد من عندي .... و اخووكم مزنووووق
                   |Articles |News |مقالات |بيانات

14-04-2012, 01:43 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    عليك النبي شوف غباشي وسغالته! خاتي لي paper عشان اقراها! هو انا ناقصة قراية... انت قايل الناس بتتقلب ضدك ليه! تستاهل... غايته غير مدربتك الحنكتها ديك ان شاء الله مافي زول يشجّعك... انا قلت ليك اكتب عن تجربتك معاهم... لانك كنت مصر عليهم شديد...

    Quote: امس كانت 337 كالوريز...ح ابدا ازيد كل يوم حوالى 50 لحدى ما اصل 1000 كالوريز في اليوم

    اخد منّك كم دقيقة وبي كم سرعة يا سمارت... عشان اعرف آخر الآلة بتاعتي دي..... هل انا التعبانه ولا هي! بعدين 1000 كالوريز دي بس ذكرتني الtargets بتاعت أمير....


    القرار بتاعي حأنفذه من الليلة.. الاسبوع ده مافي رياضة.. ايوه... لقيت الرقم وااااااااقف في حتته!... ما ممكن ياخ، فترته! تلاته اسابيع في نفس الرقم ... والعرق وقومة النفس ديك كلها فوق شنو!

    التجربة العملتها ونجحت هي تجربتي مع tight short... يا جماعة الحاجات دي مهمة شديد اثناء نقصان الوزن والرياضة... التجربة العملتها هي اني قسته محيط الوسط يوم الجمعة الفات، ولمدة اسبوع كنت بلبس tight short خلال اليوم... تقريبا بمعدل اربعة ساعات في اليوم... الشي اللاحظته انه كمية الاكل الباكلها قلّت بسبب الshort، لانه بضغط على المعدة بالتالي ما قاعده احس اني محتاجه اكل كتير... الشي التاني اني لما قسته تاني بعد اسبوع، لقيت اني نقصته 9 سم ... اي والله! موش نتيجة مهمة!!!


    غباشي بطّل الغتاته وتعال قول لينا تجربتك!
                   |Articles |News |مقالات |بيانات

15-04-2012, 04:37 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    المنبر ده الزول لازم يكون لابد ليهو اليوم كله لانه ما بتصلح معانا
    الا لحظات قليلة وبعدها يعصلج .....
                   |Articles |News |مقالات |بيانات

15-04-2012, 06:27 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    مبروك الصفحة الجديدة، والله يجعلها فاتحه خير علينا جميعاً...
    الموضوع المضحك ده لقيته... قلت انقله ليكم


    Quote: Stay Thin With These Off The Wall Dieting Tricks!
    For many of us losing weight and staying thin is not an easy task. That is why most people will try just about anything to lose weight. These dieting tips are a bit out of the ordinary but many of them have been tested, and they really work!



    1. Use your non-dominant hand when eating.



    If you are right handed then try using your fork with your left hand. Using your non-dominant hand while eating forces you to eat more slowly and it makes you focus on holding the fork properly. Since you will be eating at a slower pace your body will be able to properly give you the “full” signal before you overeat.



    2. Put your fork down after every bite, and chew every bite 30 times.



    Putting your fork down between bites is a simple way of slowing down the eating process. Chewing each bite 30 times also slows down eating and also ensures that you will not eat another bite while still having food in your mouth.



    3. Ruin your food; yes I said “ruin your food”.



    When you are out at a restaurant or even at home and you are eating meal and start to feel full, pour ketchup, salt, pepper, or any other food deterrent over the remainder of your meal so that way you will not finish the meal just to finish it.



    4. Brush your teeth when you feel the need to snack, or overeat.



    Brushing your teeth sends your brain the signal that you are not going to be eating for a while, or that you are done eating for the day. Brushing your teeth also helps you to not snack because like most of us know once you brush your teeth you have the minty taste of toothpaste that does not mix well with food or drinks immediately after.



    5. Place your used napkin on top of your plate.



    Many people place there napkin on top of their food when they are done eating, especially if they are dining at a restaurant. This also deters you from finishing your food because the idea of pulling your dirty napkin out of your food and continuing to chow down will gross you out; I know it does for me!



    6. Put a picture of yourself at your heaviest and place it on your refrigerator door.



    Putting the picture of yourself on your fridge will definitely stop you from grabbing that not so healthy snack. The picture is a visual reminder of why you are watching calories in the first place.







    7. Wear tight clothes.



    We all know that when we are wearing tight jeans or tight pants the last thing we want to do is go eat. Wearing tight pants will easily remind you of which foods to eat, and how much. (Plus the bloated belly feeling in tight pants, not so appealing)



    8. Imagine yourself thin.



    Daydreaming about a time when you were thinner or even just imagining how you would look thin is a great motivator. Next time you want to skip a workout, or feel the urge to overeat, think about how great it would feel to fit in your skinny jeans or how great you would look in that bikini.



    9. Use small plates.



    We can place some of our overeating habits on our parents. You know the saying “clean your plate” “finish your food”. As children many of us had parents that were constantly telling us to finish our food if there was food remaining our plates. That is why unconsciously many of us still have the inclination that we are not finished eating until all of our food is gone. Using smaller plates will force you to take less food, and even if you do “finish your food” you will be eating about half of the calories that you would with a larger plate.



    10. Drink water or eat soup before a meal.



    One thing that water and soup have in common is that water is as you know 100% water, and soup is mostly water. Drinking a lot of water or eating soup before a meal tricks your brain into thinking your full even though it is just water weight. Next time you are out to eat order the low calories soup such as minestrone, vegetable or chicken noodle or down a glass of water before eating.


    http://charamia2.hubpages.com/hub/10-Weird-Di...ing-Tricks-That-Work
                   |Articles |News |مقالات |بيانات

16-04-2012, 05:52 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    النصري هوووووووي، انا شايفاك لافي في البورد...
                   |Articles |News |مقالات |بيانات

16-04-2012, 05:24 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    معقولة بس يا غباشي؟؟؟؟؟؟؟إحنا ناس الغربي يا اخي.

    النصري يا مريم حااااااايم ساي بالبوستات و زائغة مننا


    امس عملت 455 كالوريز. اليوم مفروض اصل حوالى 500. ربنا يقدرني.
                   |Articles |News |مقالات |بيانات

16-04-2012, 08:05 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    يا مرا براحه ياخ، ما تشدي شديد كده (غريبه مرا دي لسمارت موش )، انت عارفه طبعا اني بنطلق من منطلقات خالية من الحساده تماماً... وكل ما في الامر هو اني عارفه البير وغطاها... بعدين غباشي ده ما ترخي ليه تقومي تأكدي لأمير نظريته بتاعت البُخل...
    يا سمارت، انا قريت انه جوّكم الايام دي قلب برد... صحي الكلام ده ولا اشاعه ساي؟

    الليلة مشيت اشتريت شتلات اتنين بتاعات نعناع، وتلاته بتاعات زينة فيهم شتلة بتاعت ورده جوري .. وحسي شغاله اشرب شاي اخضر مع النعناع الفريش بمزاااااج...
    منتظمة في اكلي خالص، ما قلت ليكم انا الخستكه بتجيني مع الرياضة! الاسبوع الجاي حأقلب رياضة وحتحصل الجوطه.. نشوف السبت ان شاء الله اكون نقصته بس عشان معنوياتي دي... فترته من شوفة الرقم نفسه قدّامي...

    يلا، عندي زنقة بكره، محاضره دسمه واستعداد لامتحانات.. ده غير التصحيح.. غايته ما بعرف ده كله حأسويه متين!
                   |Articles |News |مقالات |بيانات

17-04-2012, 12:03 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    الليلة الصباح بتوقيت السعودية، تم تكوين تحالف استراتيجي لإطاحة نظام السيطرة الذكورية على النتائج في البوست ده...

    ترقبوا البيان الأول بعد كم ساعة كده...

    سموه انشقاق، سموه تحالف كاودا... المهم...
                   |Articles |News |مقالات |بيانات

17-04-2012, 01:59 PM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Quote: معقولة بس يا غباشي؟؟؟؟؟؟؟إحنا ناس الغربي يا اخي.

    ايوة كدة يا اسمارت ... ده برضو العشم

    Quote: الليلة الصباح بتوقيت السعودية، تم تكوين تحالف استراتيجي لإطاحة نظام السيطرة الذكورية على النتائج في البوست ده...

    مريم
    السيطرة صارت حكراً بفضل مجهودات الذكور و لم تأت بمحض الصدفة و طبقاً لنظرية الـ Fair Play فالمجال مفتوح للجميع و المية تكدب الغطاس

    لكن بصراحة العبد لله حيكون خارج التصفيات لاني حاترقى بحكم انجازاتي العديدة المحلية القارية والدولية .... الواحد زاتو فتر من انعدام الندية

    لولا الملامة كنت بفكر امشي اقزقز مع ناس استراليا او امريكا .... لكن خايف القاهم تعبانين برضو

    العوض مشكلتو جا و انا خلاص متخارج ... و الغريبة انو جاريكم برضو

    و الله انتو اثبتو للجميع انكم قوم تحبون الانقياد

    المرة الوحيدة النصري حاول يستخدم التزوير و الانحياز عشان يجيب نفسو الاول لكن حكمنا آنذاك كان صاحي

    بالنسبة للبتاعة بتاعة الرياضة

    انا طبعاً ما داير اسمِّع ليك الكلام المكتوب في اللينك , لكن كل البعرفوا اني لما اكون لابسها و بتريَّض بيها (زي ما بقول عادل امام) بتجيلي روح معنوية

    لكن بالجد فرق بينها م وبين التي شيرتات العادية ...

    و برضو في حاجة تانية البتاعة دي بتساعد في عمل definition لعضلات الـ upper body و الصدر + biceps و الـtriceps و الضهر و الاكتاف

    و كمان بتحبس العرق

    مريم ما شايف اي مساندة .... اذن لتكن الحرب بيننا ...
                   |Articles |News |مقالات |بيانات

17-04-2012, 08:13 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    و الله يا مريم ممكن يكون كلامك صح. ما فروض اعمل كده لكن خلاص قررت ......يا غرق يا جيت حازما*. عارفاك يامريوم اخى بتدورى لى كل الخير. مريم دى يا جماعة اختى اللى ما ولدتها امى.

    انا و مريم ح نتحالف على كل الذكور فى البوست. و طبعا قاصدين اللعيبة الكبار:ناس العوض و كده. ناس الحمام الميت ناس النصري و امير ديل ما ح نعاين ليهم اصلا. اما و لدنا غباشي فانا برشحه يشتغل حكم بعد كده


    امس عملت اكتر من 500 كلوريز. اليوم ما ح ازيد على ال 500 . بكره ح احاول اعمل 550 . ان شاء الله.
    photo7.JPG Hosting at Sudaneseonline.com

    _______________________________________________________
    *و الكلام للنصري الكسلان الم######ظ.

    (عدل بواسطة smart_ana2001 on 17-04-2012, 08:15 PM)
    (عدل بواسطة smart_ana2001 on 17-04-2012, 08:16 PM)
    (عدل بواسطة smart_ana2001 on 17-04-2012, 08:56 PM)
    (عدل بواسطة smart_ana2001 on 17-04-2012, 09:22 PM)

                   |Articles |News |مقالات |بيانات

17-04-2012, 08:39 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    والله يا اسمارت حظك رهيب

    ثوانى وكنت الحق مداخلتك الشطبتيها دى ....
    دقت فى العراضة ....




    يا مريم انا حايم فى المنبر لانى تائه وفقدت البوصلة....
    ومنتظر الانتفاضة .......
    الشئ الكويس انى لسه محارب السكر لكن شغال رغيف ابيض ودهون...
    امبارح اكلت سجك وقبلها اكلت طحنية غرقانه سكر......
    ان شاء الله افيق من غيبوبتى دى ..ادعو لينا بس
                   |Articles |News |مقالات |بيانات

17-04-2012, 09:08 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    ابدا يا النصري..ما مسحتا شيء. التلفون بس خرف و بقي يكتب من راسه



    ما ح ندعى ليك و لا شيء. عشان نهزمك و نشيل حسك في النهاية. سيد البوست و ما قادر يبطل اكل الطحنية
                   |Articles |News |مقالات |بيانات

18-04-2012, 04:50 AM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    و ختامه مسك يا جماعة ....
    الليلة كان آخر يوم لي في التحدي و مشيت وزنت
    و كانت النتيجة فقدان

    الحمد لله و الشكر لله

    في حاجة تانية هي الاهم

    العبد لله اكتسح توني بالنسبة المئوية 15.53% مقابل 14.29%

    قبيل كان في ملحمة في السنتر و"كارين" من كتر ما فرحانة ما فضل ليها الا (#######) و العياذ بالله
    مشت نادت واحدة اشتغلت جديد في السنتر اسمها "ايما " و دورت ليك فيني شي اطراءآت ... و شي كبير راس
    تشيل و تشكر و تحكي في انجازاتي عبر التاريخ و" ايما" تشيل و تستغرب و تتعجب و في النهاية تتكيف من العبد لله
    غايتو ضقلوا بي جنس ضقيل غايتو ايما دي لو كانت سودانية كانت قالت "حلااااااتو يا ناس"

    طبعا يا جماعة التحدي لسة ما انتهي لانو في ناس لسة حيخلصوا اخر الشهر
    و العبد لله مؤقتاً بقى الـ Champion ما لم تحدث معجزة من واحد من الناس اللسة ما خلصوا ديل

    يا سلااااام ياخ ... الواحد حاسي بانو انجز و الله يا جماعة

    في الفترة الاخيرة قطعتو مع الناس كلها و مع روحي زاتو .. بمشي العزومات و عديل كدة ما بآكل بقعد اتفرج على الناس و هي بتاكل

    ما بشرب صودا, عصير او ما شابه

    ما باكل كيك و حلويات حتى الـ Crackers ما بجامل فيها نهائياً بس فواكه و بالعدد (الكلام دا في بيوت الناس)

    الفترة الفاتت كانت اطول فترة اتمالكت فيها نفسي تجاه الخرمجة بالرغم من بعض الـ ups & downs

    لكن الحكاية دي دايرة قوة تحمل و عزيمة لا تلين او كما قالت ايما و هي تبدى اعجابها بانجاز العبد لله "You have got a will of steel" , طبعاً انا مصدقها

    و الان (و منعاً للبري الكتير) نتقبل التهاني مؤقتاً الى ان يقضي الله امراً كان مفعولا (حتى الاعلان الرسمي للنتايج لابأس بقليل من البهجة )

    سمعونا زغروووطة
                   |Articles |News |مقالات |بيانات

18-04-2012, 05:16 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    Quote: سمعونا زغروووطة

    ياهو الفضل، اخير ليييييييك النصري ده كان قرر الانتقام بقوم يرسل ليك صندوق دايجستف، يزيدك خمسة كيلو...

    على صعيد آخر، والله عجبنا وسرّ بالنا، على الرغم من سغالتك ومكاواتك... ياخ ألف مبروك، وتستاهل والله... اكتر زول ملتزم في الرياضة وما بخرمج خالص ... العوض اكتر زول ملتزم بي منهجه، في توثيق الاكل بتاعه...

    انا صاحية قافله معاي وزهجانه، بجيك بمزاج بعدين...
                   |Articles |News |مقالات |بيانات

18-04-2012, 06:17 AM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    الله يبارك فيك و تسلمي يا مريم

    احنا يومنا قرب يخلص (مواعيد الشغل) لكن انا كالعادة ما بمشي البيت قبل الساعة 10 مساء

    ما قادر اتخلص من الحركة السيئة دي ...
    كل الـ PhD Students المحترمين بيتخارجوا من الساعة 5 مساء
    و انا التقول عندي نص في الجامعة من تصبح لما تمسي بكون متحكر في المكتب
    حتى لما أمشي الجيم بغير في المكتب .... شنطتي معاااااي و مصلايتي معاي
    عندي مصلايتين و احدة في المكتب و التانية في البيت
    ده غير انو المسجد قريب مننا لما اكون ما مزنوق بمشي للضهر و العصر و البقية اذا ربنا هوَّن

    بقيت ما بحب امشي البيت الا للنوم او أكون داير اتكلم مع ناس البيت (غالباً في الويكيند)
    المشكلة انو موضوع القعاد دا بقى ما فارق معاي

    بفطر الساعة 7 في البيت و بجيب معاي غداي و عندي حاجات بختها في تلاجة الـ department
    انا عايش متشرد في نصف الكرة الجنوبي
                   |Articles |News |مقالات |بيانات

18-04-2012, 07:12 AM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    مريومة وسمارت انا حيلكم على النصري ... ضدو من ازرو شوية

    النصري كمان انت ما تشمت العدو والصليح يا خوي اتذكرتك قبيل دعيت ليك الله يسهل ليك امرك . وتمشي كويس ما تخرمج او تزوغ
    خلينا نزعرد ليك ....
    ولا نغني ليك "عجبوني الليلة جو "
    أحكي ليك النكتة بتاعتها .... صاحبتنا واخواتها ماشاء الله عندهم اخ واحد مدللاتنو شديد ..
    مرة قرر يدلل عليهم ... قالو ليهو استحم يا ولد . قال ليهم والله ما تغنو لي عجبوني الليلة جو حنب باب الحمام ما ح استحم ..

    يا مؤمن يا مصدق البنات شالن الباغة الماخمج وتعالت اصواتهن "عجبوني الليلة جو" حتى انتهي السيد الامير المنتصر بالله من الحمام على انغام الجواري ....والغريب كل ما يرخو شوية يقول ليهم بطلع بي صابوني ..وهم يشيلو ويغنو "عجبوني الليلة جو ... والصابون كملوا"

    يلا خلاص اسة انت على الرياضة على انغام " عجبوني الليلة جو.... والميزان حيروا"


    يا غباشي مبروك ونحتفظ بالزغرودة الكبرى حتى النهائي ....
    يوووووووووي يوووووي يووووووي تلاتة مرات ...

    نجاة وين ....
                   |Articles |News |مقالات |بيانات

18-04-2012, 11:06 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: القلب النابض)

    Quote: الله يبارك فيك و تسلمي يا مريم

    احنا يومنا قرب يخلص (مواعيد الشغل) لكن انا كالعادة ما بمشي البيت قبل الساعة 10 مساء

    ما قادر اتخلص من الحركة السيئة دي ...
    كل الـ PhD Students المحترمين بيتخارجوا من الساعة 5 مساء
    و انا التقول عندي نص في الجامعة من تصبح لما تمسي بكون متحكر في المكتب
    حتى لما أمشي الجيم بغير في المكتب .... شنطتي معاااااي و مصلايتي معاي
    عندي مصلايتين و احدة في المكتب و التانية في البيت
    ده غير انو المسجد قريب مننا لما اكون ما مزنوق بمشي للضهر و العصر و البقية اذا ربنا هوَّن

    بقيت ما بحب امشي البيت الا للنوم او أكون داير اتكلم مع ناس البيت (غالباً في الويكيند)
    المشكلة انو موضوع القعاد دا بقى ما فارق معاي

    بفطر الساعة 7 في البيت و بجيب معاي غداي و عندي حاجات بختها في تلاجة الـ department
    انا عايش متشرد في نصف الكرة الجنوبي


    كُر عليك.. شكلك زي برنامج مازن اخوي... مازن آخر مرّه لاقيته في الSkype بعد سنتين من الدرشه في Master، طلع لي زي الApe-man! والله جد، كمية من الشعر مبالغ فيها.. انا كوركته، ولولو بتّي جاتها صدمة قعدت تبكي ... بابا من الامارات ومروان من هاملتون/كندا كانوا ما قادرون يسكتوا من الضحك.. لحدي ما مشينا! غايته هو بطلع بجري، فمحافظ على صحته رغم انه ضعيف معصعص، لكن healthy...

    برضه احيانا احسن في الغربة انه الزول يندمج في شغله... بتخفف كتير وبتخلي الزول ما يحس بي انه وحيد... يا زول الله يجيب Mrs غباشي وتلقى سبب للرجعة البيت، او تقوم تخلي البيت كله كله وتبيت في المكتب زي ناس كده حاكم الMrs دي عادة بتكون سلاح ذو حدين...



    يا قلب، انا والله بشجع فيه... لكن سمارت شايفاها قامت عليه.. غايته كدي النشوف، يمكن طريقتها تنفع...

    انت في نجاة ولا في ابتهال.... يا ابتهاااااااااااااال... انت وين؟؟؟؟

    نجاة اسألوا منّها نصفها الآخر.. استاذ فرحات، المدام وين؟
                   |Articles |News |مقالات |بيانات

18-04-2012, 05:38 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    ايييييوووووووي يووووي يوووووويعاد يا ولدنا عجبنا و سر بالنا. الف الف مبروك.
    ان شاء الله رافع راسنا طوالى.
    Quote: او كما قالت ايما و هي تبدى اعجابها بانجاز العبد لله "You have got a will of steel"

    قول ليها الله اكبر عليك.....ما تسحرك

    on ther other hand ...ما تاخد راحتك شديد من بنات الخوجات ديل.....عارفاهم انا حناكات و ظريفات كيف

    Quote: بفطر الساعة 7 في البيت و بجيب معاي غداي و عندي حاجات بختها في تلاجة الـ department
    انا عايش متشرد في نصف الكرة الجنوبي

    اسمع كلام مريوم ده سممممممح
    Quote: يا زول الله يجيب Mrs غباشي وتلقى سبب للرجعة البيت، او تقوم تخلي البيت كله كله وتبيت في المكتب زي ناس كده حاكم الMrs دي عادة بتكون سلاح ذو حدين...

    فى ناس كده انا بعرفهم بعد العرس المشرف على البحث بقى يفتشهم فتيش

    القلب....دى بالتى فيها
    Quote: " عجبوني الليلة جو.... والميزان حيروا"



    مريوم....مازن ده قولى ليه معانا اطفال احنا..براحة علينا.غايتو الاولاد مع القراية بيمعوا جنس عمايل.
    غايتو انا لما كنت اكون مزنوقة فى قراية كنت بقضيها كلها قشرات.

    النصري الحائز على لقب النصري طحنية....وينك؟؟؟
    عاين ناس غباشي خلاص شطبوا..و العوض قرررب. و مريم ماشه تمام رغم الصعاب و الان انا بديت و بقوة. نجاة دى خليها ساى كمان ماشاء الله عليها. اقعد ارجى ابتهال و امير.
                   |Articles |News |مقالات |بيانات

18-04-2012, 07:59 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    Quote: on ther other hand ...ما تاخد راحتك شديد من بنات الخوجات ديل.....عارفاهم انا حناكات و ظريفات كيف


    انا دخلت اؤيد الهرشه دي...
                   |Articles |News |مقالات |بيانات

19-04-2012, 01:53 AM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    ويييييين يا اهلنا 00000000
    انا موجوووودة ومتابعة يا قلب شكرا للسؤال0000
    مريومة يسأل منك الخير انتى وعيالك وابوهم تسلمى......
    حكمنا زيينة وحالف ما يخلينا ماشاءالله عليك انتى شايفة ال 500 ماشة تمام وعملتى بالمثل البقول الخيل الأصيلة بتعمل شنو كدا ماعارفة...... تسلمى وكيب يت اب .....
    غباشى الفين مبرووووك وعقبالنا كلنا ياخى ....
    النصرى طحنية كما قالت حكمنا ياخى الدبرسة الطعامية دى بتحصل المهم تاخد وقتها وترجع تانى تمام التمام بس حدد ليك يوم للبداية الجديدة بعد الخرمجة.....
    اين البقية ؟؟؟؟؟؟؟؟
    ابتهاااااال اين اراضيك ؟؟؟
    العوض الدبرسة حصلت ولا شنو؟؟؟؟؟
                   |Articles |News |مقالات |بيانات

19-04-2012, 06:23 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    اهليييين يا نجاة.....الاخبار؟؟؟
    Quote: المهم تاخد وقتها وترجع تانى تمام التمام بس حدد ليك يوم للبداية الجديدة بعد

    اسمع يا النصري الكلام ده و ختو حلقة فى اظانك.....هسى تقعد كده مع روحك و تقول يوم الاحد ح تكون نهاية الخرمجة..


    انا ماشه كويس فى الرياضة...لكن خرمجة شديده فى الاكل.
    عندى ديب فريزر فى القراش مليان بهارات و ويكه و حجات السودان. بالاضافة لكميات من الكفته و السمك المنظف و مطعم و جهاز للتحمير. و دمعات راجيه بس الخضار عشان تبقى طبايخ فى دقائق. المهم حجات النسوان الشغالات دى.
    مع الكرور ده كلو فى ذى 10 اكياس جبنة مضفرة.الكيس فيه نص كيلو. فتحت الفريزر اجيب كسبره و وقعت عينى على الجبنة المضفرة. و فى اللحظة دى عرفتا انو موضوعى استحما. ممكن تتخيلو الحصل...خاصة لو قلت انى مرقت جبت عيش حااااار و جيت.

    ده ما كان من امر الاكل. انا الرياضة فماشه كويس. امس عملت حوالى ساعة فى ال البتكال. و ده التقرير
    photo8.JPG Hosting at Sudaneseonline.com

    ____________________________________
    مريوم لاحظت قبل شويه انك سالتى عن الجؤ عندنا.
    حقيقى الجؤ خراااااااافى. ربيع بالجد. الشمس مشرقه...و فى نسيم جميل جدا . درجة الحرارة 15 درجةمئوية.ح تصل حوال 27 درجة فى منتصف النهار.

    (عدل بواسطة smart_ana2001 on 19-04-2012, 08:35 PM)

                   |Articles |News |مقالات |بيانات

19-04-2012, 06:34 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    سلامات يا جماعة
    والله أنا قاعد و متابع البوست و البورد لكن زهجة كدا ما قاعد اتداخل كتير إلا كلام كدا أشعر إني لازم أقوله. طبعا لي أكتر من عشرين يوم ما كتبت ليكم تقرير و حيكون كتير عشان كدا حأكتب ليكم متوسط كل أربعة يوم مع بعض... بس عشان أوفي بالتزامي و ما أكون أخليت بيه. قبل التقارير ردود سريعة:

    شكرا يا مريم على إعجابك بأسماء فاطمة و علي. فعلا قبل كدا لاقيت واحد إيراني هنا سألني من أسمائهم لما كلمته قرب يحضني و قعد يقول دي أسماء حلوة جدا. طبعا علي اسم الوالد الله يرحمه و فاطمة اسم الوالدة ربنا يديها الصحة و العافية و يطول في عمرها و يحضرها أفراحهم و أفراح أولادهم إن شاء الله. طبعا تعليقات الناس دي و انتباههم لإنك ضعفتي بترفع المعنويات شديد... عندي واحد معانا في الشغل كان معذبني هو ما شاء الله أظنه أكتر من تلتمية رطل كان فجأة كدا أثناء الونسة يكون بحكي في قصة يقوم يوصف زول يقول ضخم شديد زينا كدا (يعني أنا و هو) طبعا أنا اقتنعت بإني فعلا ضخم. هسع اليوم داك بتونس و بحكي عن ولده قال نحيف زيك كدا والله كيفني كيف. هسع هو ذاته جا سألني عملت شنو و بادي في برنامج غذائي.

    سلام يا النصري ياخي اعتبر نفسك بادي من الأول و قول باسم الله. بالمناسبة الطحنية دي ما كفاية إنه ما فيها سكر يعني الميتين كالوري ديل لو في كمية بسيطة منها (و دا المتوقعه) برضها المفروض تتعامل معاها بحذر شديد.

    سلام يا أمير و مرحب بعودتك. منتظرين تورينا النتايج لكن أنا متفق مع الجماعة القالوا أحسن الهدف يكون معقول.

    سلام يا سمارت... شكرا على الدعوات. فعلا موضوع إنه الزول طوالي يكون براقب في الأكل مزعج لكن اتخيل لي الواحد لمن يكون وزنه مثالي و بتريض ممكن يدي نفسه فرقة كويسة. ما شاء الله يبدو إنك من النوع البجي في النهاية و يكتسح الجماعة و أهدافك طموحة جدا ربنا يقدرك عليها إن شاء الله و على ثقة بإنك قدرها و أكبر.

    سلام للقلب النابض و شكر جزيل على التشجيع و في انتظار إنضمامك للمنافسة.

    سلام يا غباشي مبروك التفوق على توني و عقبال الشهادة الكبيرة زي ما بقولوا. بالنسبة للبتاعة بتاعة الرياضة أنا عندي مشكلة كنت عايز أقولها قبل كدا لكن بصراحة خجلت هسع حأغمض و أحكيها. أول ما بديت الرياضة كنت بعد ما أنتهي بشعر بألم في منطقة الصدر أول افتكرته من المروحة بتاعة التريدميل مع العرق بقيت ما بشغلها و المشكلة استمرت المهم عملت شوية بحث في الإنترنت و لقيت إنه في ناس عندهم مشكلة إنه في حتة في الصدر بتكون حساسة جدا و الاحتكاك مع الملابس بسبب الالم دا و جربت أتريض بدون تي شيرت أو أي حاجة و فعلا اختفى الألم. طبعا الكويس إني بتريض في البيت لكن ما عارف لو قررت يوم أمشي الجم حأعمل شنو. شفت الخواجات ديل بعرفوا للتشجيع كيف... أظني حكيت ليكم كلام دكتورتي لمن كلمتها بموضوع الضغط.

    سلام يا نجاة و كويس طمنتينا عليك... الدبرسة حاصلة لكن الحمد لله ما من الرياضة لغاية هسع مواصل.

    حأرجع بالتقارير و شوية أخبار إن شاء الله.

    أعذروني يا جماعة لو في أي أخطاء في المداخلة دي... طويلة ياخي و ما قادر أراجعها.
                   |Articles |News |مقالات |بيانات

19-04-2012, 07:28 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    سلام تاني دا تقرير العشرين يوم الفاتت كل أربعة أيام مع بعض:

    الجمعة 30/3 لغاية الاتنين 2/4 المتوسط لليوم الواحد كالتالي:
    عدد الكالوريز الاتناولتها 1509 كالوري.
    رياضة حوالي 20 دقيقة حرقت 254 كالوري (في تلاتة يوم ما اتريضت فيهم).
    الصافي فقدان 890 كالوري.

    التلاتا 3/4 لغاية الجمعة 6/4 المتوسط لليوم الواحد كالتالي:
    عدد الكالوريز الاتناولتها 1709 كالوري.
    رياضة حوالي 28 دقيقة حرقت 343 كالوري (في يومين ما اتريضت فيهم).
    الصافي فقدان 765 كالوري.

    السبت 7/4 لغاية التلاتا 10/4 المتوسط لليوم الواحد كالتالي:
    عدد الكالوريز الاتناولتها 1771 كالوري.
    رياضة حوالي 56 دقيقة حرقت 467 كالوري (في يومين ما اتريضت فيهم لكن واحد كويت فيه ساعتين... مبالغة مش يا النصري؟).
    الصافي فقدان 784 كالوري.

    الأربعاء 11/4 لغاية السبت 14/4 المتوسط لليوم الواحد كالتالي:
    عدد الكالوريز الاتناولتها 1771 كالوري.
    رياضة حوالي 46 دقيقة حرقت 601 كالوري (في يوم ما اتريضت فيه).
    الصافي فقدان 1201 كالوري.

    الأحد 15/4 لغاية الأربعاء 18/4:
    عدد الكالوريز الاتناولتها 1479 كالوري.
    رياضة حوالي 56 دقيقة حرقت 775 كالوري.
    الصافي فقدان 1375 كالوري.
                   |Articles |News |مقالات |بيانات

20-04-2012, 04:01 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    يا اخوانا خلو الاستهبال ..لقب طحنية دى ملك خاص للمتنافس المنسحب
    محمد الشيخ (محمد طحنية)

    انا واذا لابد للالقاب فانى افضل النصرى شاى مسيخ لانو شراب
    الشاى من غير سكر اكبر انجاز حققته ...

    لسه فى انتظار الانتفاضة
                   |Articles |News |مقالات |بيانات

20-04-2012, 09:53 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    الناس يا جماعة مالها خلت البوست؟ طيب نحكي ليكم قصة قبل شوية في الشغل قاعد في أمانة الله آكل في جزري زي الغنماية زي ما بقول أمير أو للدقة نقول زي الأرنب جاني واحد قال لي تعال الليلة عيد ميلاد واحد معانا و عاملين ليه كيك. قلت ياخي أنا عامل دايت قال لي تعال شارك و أنا أصلا من البداية كنت ملكلك فما صدقت و قبلت الدعوة. مشيت الكيكة شكلها رهيب... غرفوا قلت ليهم أنا أغرفوا لي قطعة صغيرة جابوها تكون على الأقل فيها أربعمية خمسمية كالوري و مافي طريقة الواحد ما ياكل الكريمة لأنه عاملنها بطريقة كدا طبقات و مخلوطة استلمت صحني و قبل ما أمد يدي عليه واحد قال ليها رهيبة شكلك عاملة فيها كحول قالت ليه آي عاملة فيها شنو كدا ما عارف لكن حبة بس... ختيتها طوالي و حمدت الله الجات منهم و اعتذرت ليهم قلت ليهم شكرا لكن ما ممكن آكل حاجة فيها كحول و بكدا ربنا نجاني و رجعت كملت جزري.
    هسع أنا محتار في الكيك البعملوا فيه مريسة دا... زمان الحاجات الحلوة دي الواحد ما بشيل همها كتير تاني يعني نقعد نسأل في الكيك كمان؟
                   |Articles |News |مقالات |بيانات

20-04-2012, 11:01 PM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    لووول يا العوض انا مرة اشتريت زبادي بالفواكه
    ومشيت البيت ولاني متعودة اقرأ الانقريدينس بتاعة اي حاجة اشتريها القا ليك فيها كحول ....

    رجعت سألتهم قالوا لي اي فيها كحول ...وما رجعوها لي ...المهم ختيتها ليهم ومشيت لكن زعلت على قريشاتي الضيعتهن .وما كان رخيص ...

    نعم كقير من الكيك الجاهز فيهو منكهات خمرة

    عشان كدة الكلام الصغاااار في الصناديق لازم الزول يقراهو ... انا جايبة لي مكبر مخصوص لقراية الموصفات بتاعة الحاجات الجاهزة ما بتضمن

    يازول الله بيحبك مرقك من الكالوريز الزايدة دي
                   |Articles |News |مقالات |بيانات

21-04-2012, 00:15 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: القلب النابض)

    ياسر عندى قصة مشابهة (حكيتها زى عشرة مرات فى المنبر ده لكن حاحكيها تانى)

    جماعة اصحابى فى امريكا كانو عاملين قعدة رهيبة..
    بعدما ما شربو تمام والسكرة طلعت فى الراس قامو على موضوع
    العشا ..كانو عاملين حلة بتاعت لحم ....
    واحد فيهم اضاف wine عشان الحلة تبقى طاعمة...
    الشكلة قامت ...
    واحد من السكرانين زعل وهاج كيف يضيفو wine للاكل
    لانه ما بياكل حرام ....
    الجماعة حاولو يقنعو بانهم بشرب حرام ...
    كان بيقول ليهم ايوة بشرب خمر لكن ما داير اكل حرام
                   |Articles |News |مقالات |بيانات

21-04-2012, 05:33 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    Quote: ياسر عندى قصة مشابهة (حكيتها زى عشرة مرات فى المنبر ده لكن حاحكيها تانى)

    جماعة اصحابى فى امريكا كانو عاملين قعدة رهيبة..
    بعدما ما شربو تمام والسكرة طلعت فى الراس قامو على موضوع
    العشا ..كانو عاملين حلة بتاعت لحم ....
    واحد فيهم اضاف wine عشان الحلة تبقى طاعمة...
    الشكلة قامت ...
    واحد من السكرانين زعل وهاج كيف يضيفو wine للاكل
    لانه ما بياكل حرام ....
    الجماعة حاولو يقنعو بانهم بشرب حرام ...
    كان بيقول ليهم ايوة بشرب خمر لكن ما داير اكل حرام


    ههههههههههههههههههه، والله ده زول لزيز، غايته يا الخمره طيرت ليه الفضل في المنطق بتاعه، يا اصله هو ما مستوعب الفرق!
    على نفس وزن القصة بتاعتك دي، بابا بحكي أيام البعثه في بريطانيا، قال ليك الواحد يكون صبّاحي في الnightclub، وعنده girlfriend وعامل السبعة وذمتها، يجي يقيف في اللحمة ويتأكد انها حلال!

    العوض والقلب، غايته احنا البرنامج ده نهائي مافي بالنا زاتو، الله يعينكم والله... انا حسيت بالحاجه دي لما سافرت امريكا اربعة يوم، لقيت روحي افتش في الfood labels

    اخبار حلوه... قست الليلة ولقيت روحي ناقصه كيلو ونص.. ما قلت ليكم، الرياضة نهائي ما بتنفع معاي.. غايته ده اسبوع الرياضة، ومن حسي قنعانه من الوزن بتاع يوم السبت الجاي... حأعمل رياضة كل اليوم خلال الاسبوع ده... والاسبوع الجاي اجازه من الرياضة... اصلا جوني ناس يوم الخميس وكلهم علّقوا اني ناقصة وزن، اعتقد اني ناقصة اكتر من الرقم ده، لانه الناس ديل ما طوّلوا منّي...

    وهده الرقم بنطط كمان خخخخخخ
    .
                   |Articles |News |مقالات |بيانات

21-04-2012, 04:39 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    يااخوانا اظن انى وصلت القاع rock bottom
    حان الوقت للقفز لفوق .....

    قربت ان شاء الله ,,,,,
                   |Articles |News |مقالات |بيانات

21-04-2012, 05:08 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    عارف يا العوض في مكتبنا في عمك كبير كده( اولادوا قدري )متخصص ينبهني اذا الأكل فيه كحول او خنزير
    احنا 4 مسلمين من 200 موظف. التلاته الباقين قالوا عمك ما شغال بيهم و ما بينبهم.
    و مع اننا أقلية، لكن و الله ناسنا ظراف جداً و بيعملوا حسابنا في الأكل. خاصة البيتزا. و لما يكون في شراب ( احتفال بمشروع معين) بيجيبوا لينا ابل سايدر.



    يا قلب الزبادي ده بالذات ما تأكليه ساي. اغلب الزبادي فيه جلاتين بتاع الخنزير.

    مريوم، ما شاء الله تبارك الله. عقبالنا يا رب نجي نخت الأرقام البتتراقص دي.
    امس انا بدل ما اتريض مشيت السنما مع صحبتي.

    النصري، خلاص، هانت؟
                   |Articles |News |مقالات |بيانات

21-04-2012, 06:52 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    Quote: . قست الليلة ولقيت روحي ناقصه كيلو ونص.. ما قلت ليكم، الرياضة نهائي ما بتنفع معاي.. غايته ده اسبوع الرياضة، ومن حسي قنعانه من الوزن بتاع يوم السبت الجاي.


    مريوم..... ألفييييين مبروك والله خطييييييره
    انا أقتنعتة بخستكت الرياضة .........
    الليلة السبت مشيت لقيت خسرانة رطل واحد وبس بعد اسبوع من الرياضة العنيفة وأقل يوم عملتة فيه 450 كاليروز......
    لو بتذكروا الاسبوع أبو خمسة رطل ماكان فيه رياضة كل يوم....
    المهم نشوف الاسبوع القادم ....
                   |Articles |News |مقالات |بيانات

23-04-2012, 05:46 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    Quote: مريوم..... ألفييييين مبروك والله خطييييييره
    انا أقتنعتة بخستكت الرياضة .........
    الليلة السبت مشيت لقيت خسرانة رطل واحد وبس بعد اسبوع من الرياضة العنيفة وأقل يوم عملتة فيه 450 كاليروز......
    لو بتذكروا الاسبوع أبو خمسة رطل ماكان فيه رياضة كل يوم....
    المهم نشوف الاسبوع القادم ....


    الله يبارك فيك يا نجاة...

    غايته مافيكم زول سأل من تحالف كاودا! اصللللي ما بكلمكم... بس كده، حردته....

    يا اخوانا ابتهال دي وين!

    غباشي شكله قبض "الضحّاكات" ولبد بيهن.. اصله غتيت...

    امير، what's up؟

    النصري، الربيع العربي ما وصلك؟

    سمارت
                   |Articles |News |مقالات |بيانات

23-04-2012, 06:18 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    نسيت الانتفاضة لكن شاعر ببركان بيغلى
    احتمال ينفجر فى اى لحظة

    hopefully this week
                   |Articles |News |مقالات |بيانات

23-04-2012, 10:41 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    هدي treadmill بتاعتي يا النصري، أخيرا.. وكمان معاها حمودي ولدي... بقى راجل احمد الله، ما شاء الله..



    securedownload14.jpg Hosting at Sudaneseonline.com
                   |Articles |News |مقالات |بيانات

23-04-2012, 11:00 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    سلام يا جماعة... والله نفسي أرد عليكم فردا فردا لكن أنا في كورس في مدينة تانية و حكايتي حكاية. المهم على السريع كدا حصلت حاجة ما متوقعة قررت أوزن قبل ما أسافر للكورس و وزنت يوم السبت متوقع أنزل حوالي ستة أرطال على الكتير لأنه دي تلتين الشهر يادوب و الشهر ذاته ما كان بالإنضباط الإقولوا عليه لقيت نفسي نزلت تسعة أرطال و الحمد لله يعني هسع وزني حوالي 181 رطل يعني أقل من الحد الأعلى للوزن المناسب لطولي بتمنية باوند.
    حأرجع بلدنا يوم الجمعة و حأحاول يوم السبت أرد عليكم كلكم إن شاء الله لكن حأتابع البوست بصورة يومية.
                   |Articles |News |مقالات |بيانات

24-04-2012, 10:03 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    ما شاء الله يا العوض... ألف مبروك ما قلنا ليكم الخرجمة وعدم الرياضة بنفعوا اكتر من الرياضة ما صدقتونا

    الاسبوع ده ماشه تمام في الرياضة... لحدي الان اتريضته كل يوم ن يوم السبت لحدي امبارح... الليله ما حأقدر اتريض، لكن حأعوضها بيوم اضافي في النهاية قبل ما اوقف...

    الاكل كويس! لكن امس قررت اطّع نفسي من ساندوتش بتاع Subway.... اكلته وشربته الشاي الاخضر ورقدته نمته مرتاحة البال!
                   |Articles |News |مقالات |بيانات

24-04-2012, 05:12 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    ما شاء الله على ولدنا حمدوى. ما تسحروه لينا يا لوزرس.

    مريم شفتى اللوزرس ديل بقوا مسيخين كيف؟؟؟ ما فى زول هببنا فى التحالف المقدس بتاعنا.
    المكنة وجيهة..ربنا يجعل ليك فيها الخير

    النصري حشاش بدقنوا....بقيت كم رطل؟؟؟ رجعت لهدوم الشغل القديمة الكبيرة و لا كمان طلبت هدوم جديدة كبيرة؟؟؟؟

    العوض ما شاء الله ما شاء الله. ده مفعول الرياضة و بناء العضلات...لما يكون فى عضلات بتحرق كالوريز اكتر .


    و ين باقى الجكس يا مريم؟؟؟ نجاة وابتهال؟؟؟
                   |Articles |News |مقالات |بيانات

24-04-2012, 06:09 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    ربنا يحفظه ليكم يا مريم وتفرحوا بجديده....
    انتو المكنة دى مغطينها من شنو؟

    -------

    يا اخوانا هذا التزام منى يوم الاتنين 30 مارس هو يوم الانتفاضة ضد
    الحكم الظالم ....هو يوم الثورة ضد الكسل والاحباط واللامبالاة

    الاتنين هو اليوم الذى ساهب فيه هبة رجل واحد
    لاتراجع
    لاتهاون

    30 مارس بداية عهد جديد ....
    اذا لم التزم اوعدكم انى اقطع وشى نهائئ من البوست ومن البورد لمدة
    سنة ......
    البركان يغلى وسينفجر يوم الاتنين
    اعملوا ساتر فالشظى ما يصيبكم ...

    ------
    على مستوى اخر ....
    ودعت البلاك بيرى وداع الطريفى لجمله...
    اشتريت تلفون سامسونغ يعمل باندرويد
    التلفون رهيب والانترنت فيهو غير محدودة,,,,
    بس احتاج لبعض الوقت عشان اقدر اتعود عليه,,,

    اول سؤال ....ليه ما بقرا عربى؟
    لمن افتح البورد بتجى الحروف مشغلبه.....
    الحاجة التانية ...يادوب حنجرب حاجة اسمها apps
                   |Articles |News |مقالات |بيانات

24-04-2012, 09:07 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    Quote: 30 مارس بداية عهد جديد ....


    يا النصري ياخ قدر ما نحاول تصلحها تخرب، 30 مارس ده فات زمااااااااااان، احنا حسي في 30 ابريل... ركّز لينا ياخ ما تبقى لينا زي المعارضة المورمه فشفاشنا دي...
    المكنه مغطينها عشان تفضل جديده اطول وقت ممكن ...لكن انت قايل لولو هانم بتخليها! والله شغاله تسلسل في البلاستيك من غير ما تخاف الله فيهو!


    يا سمارت... ولا تشتغلي بيهم... تحالفنا ده اصلك ما تديهم آخره... انا الليلة مأجزه من الرياضة، لكن يومي كان سغيل خلاص... بكره حأتريض ان شاء الله...


    يا نجاة وابتهال... انتو وين عايزينكم في موضوع مهم....
                   |Articles |News |مقالات |بيانات

24-04-2012, 10:57 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    شفتى يا مريم ناس 30 مارس ديل؟؟؟
    يمكن قاصد السنة الجاية


    Quote: على مستوى اخر ....
    ودعت البلاك بيرى وداع الطريفى لجمله...
    اشتريت تلفون سامسونغ يعمل باندرويد
    التلفون رهيب والانترنت فيهو غير محدودة,,,,
    بس احتاج لبعض الوقت عشان اقدر اتعود عليه,,,

    اول سؤال ....ليه ما بقرا عربى؟
    لمن افتح البورد بتجى الحروف مشغلبه.....
    الحاجة التانية ...يادوب حنجرب حاجة اسمها apps

    مبروك التلفون...لكن ....انا شمتااااانه فيك. احنا ننبح هنا 4 سنوات اى فون اى فون اى فون تجى تشترى اندرويد
    عليك الله اشترتين اندرويد ليه؟؟؟؟
    اكيد ما بيقرا عربى. يقرا عربى ليه؟؟ اى فون هو. ده اندرويد....و الاندرويد ما بيدعم عربى بى وحاتى و وحاتك. و ما تسالنى بيعملوا شنو عشان يخلوه يقرا عربي....
    ما عارفه..لانى ما عندى اندرويد...على العموم ما اظن بتتعمل غير في السودان او الخليج.
    اصحابي اللى اتشالقوا ذيك و جابوا اندرويد اهم حايمين بيه من غير عربي
                   |Articles |News |مقالات |بيانات

24-04-2012, 11:25 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    لوزرس سلامات000000

    حكمنا منورة انا موجودة الكلام ابتهال الا بعد دا نعمل بلاغ فى شرطة نيو جيرسى والمدن المجاورة 00000

    Quote: يا نجاة وابتهال... انتو وين عايزينكم في موضوع مهم....


    وين يا مريومة والله التريدميل عندكم ... والعجب الولد الطالع فيهو الله يخليهم ليك وشكرا للسؤال 0000
                   |Articles |News |مقالات |بيانات

25-04-2012, 05:33 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    Quote: مبروك التلفون...لكن ....انا شمتااااانه فيك. احنا ننبح هنا 4 سنوات اى فون اى فون اى فون تجى تشترى اندرويد
    عليك الله اشترتين اندرويد ليه؟؟؟؟
    اكيد ما بيقرا عربى. يقرا عربى ليه؟؟ اى فون هو. ده اندرويد....و الاندرويد ما بيدعم عربى بى وحاتى و وحاتك. و ما تسالنى بيعملوا شنو عشان يخلوه يقرا عربي....
    ما عارفه..لانى ما عندى اندرويد...على العموم ما اظن بتتعمل غير في السودان او الخليج.
    اصحابي اللى اتشالقوا ذيك و جابوا اندرويد اهم حايمين بيه من غير عربي


    غايته يا النصري وقعت وما سمّيت.. سمارت دي من امس شايفاها قلبت عليك... لقت انه التحانيس ما بتنفع شايفاها شغاله فيك حرب نفسيه... حسي كمان اديتها فرصة في شماته كمان... غايته الله يعينك...

    خلي التسويف، وقوم على treadmill بتاعتك عليك الله ... اعمل ليك ان شاء الله ربع ساعة زي زمان ... ما تأجل لحدي يوم الاتنين (يا قول أمي، انت قايله ما بجي )... كدي سمّي بالرحمن و(انعل) الشيطان وقوم اعمل ليك حسي دي ربع ساعة... غايته الtreadmill دي في زول سحرها ليك، من يوم ما وصلت بيتك والبرنامج بتاعك خرب... كدي ولع ليك لبان بخور!

    دايرينك في موضوع انا وسمارت، بس كدي اول ورينا يا نجاة، عندك iPhone؟


    غايته ابتهال دي، انا شكلي حأخش الفيسبوك دقايق بس اديها لكزه وارجع... !
                   |Articles |News |مقالات |بيانات


[رد على الموضوع] صفحة 10 „‰ 15:   <<  1 2 3 4 5 6 7 8 9 10 11 12 13 14 15  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de