Sudaneseonline Biggest Loser

حفل دعم الجالية السودانية بمنطقة واشنطن الكبري بالفنان عمر احساس
سارة عبد الباقي الخضر ...فى الذكرى الخامسة لاستشهادك ...دمك دين علينا
هزاع عز الدين جعفر....لك التحية و الانحناء فى الذكرى الخامسة لاستشهادك
د.صلاح مدثر السنهوري....فى الذكرى الخامسة لاستشهدك ارقد مرتاح...ولن نترك السفاح
علم الدين هارون عيسى عبد الرحمن....فى الذكرى الخامسة لاستشهادك تارك فى رقابنا
بابكر النور حمد...فى الذكرى الخامسة لاستشهادك.....لن ننساك
وفاء محمد عبد الرحيم عبد الباقي...فى الذكرى الخامسة لاستشهادك.....دمك لن يذهب هدراً
محمد آدم على ابراهيم...فى الذكرى الخامسة لاستشهادك.....ودعطا لن نتركك ولو طال الزمن
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-09-2018, 05:29 PM الصفحة الرئيسية

مكتبة النصرى أمين(النصرى أمين & Elnasri Amin)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
21-05-2012, 07:45 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    Thats what vaccation for

    الجملة دى قالها لى مديرى المباشر لمن اشتكيت ليهو انو اجازتى
    السنوية كانت السبب وراء ضياع مجهودى الكبير لانقاص الوزن .........

    الان وصلت لى قناعة جديدة ان اجازة نهاية الاسبوع (سبت واحد) هى
    monster صغير يبلع كل مجهود الاسبوع ...
    لاحظت من قبل ان اداء بتاعى يضعف يومى السبت والاحد ...
    اليوم الاثنين 21 مايو عطلة رسمية فى كل كندا يسمونها
    يوم فكتوريا ....
    سبت احد اتنين ..اداء صفر ...رياضة صفر ...معنويات صفر.....
    ---------------------------

    شكرا يا شباب على التهنئة ..ربنا يحفظكم ويسدد خطاكم
    ويديكم الصحة والعافية وراحة البال (والمال)

    ------------------------

    مرحب بمحمد طحنية
    للاسف كان عندك 60 يوم تستانف الاسم ده لكنك فشلت فى المثول
    امام قاضى الجنايات ...بعد ده ما عندك اى حل سوى ان تطرح
    الامر امام الجمعية العمومية...

    لى عودة (خاصة للكايت بتاع اسمارت الابا يطير)

                   |Articles |News |مقالات |بيانات

21-05-2012, 08:10 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    عاد يا النصري انا اتلومتا معاك. كل سنة و انت طيب يا اخي. السنة الجاية ضعيييف و في أتم صحة و عافية
                   |Articles |News |مقالات |بيانات

21-05-2012, 08:32 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    الله يبارك فيكم يا سمارت ونجاة... دخلته فيها الملابس بتاعت محمود بتاعت المدرسة، لكن ياخ التنشيف ده بياخد زمن طويل جداً... ولا انا لسه ما فاهمه الموضوع كويس!


    قلت اجدد إلتزامي ... باقي الدقايق حقتي قسّمتها بحيث اني اخلّص يوم الثلاثاء الجاي ان شاء الله... عشان اوقف رياضة وقت كافي قبل الوزن (قلت لييييكم انا والرياضة ما بننفع).... الجدول كالتالي:

    بكره، حأعمل 45 دقيقة
    الاربعاء 40 دقيقة
    الخميس 60 دقيقة
    الجمعة 60 دقيقة
    السبت 45 دقيقة
    الاحد 45 دقيقة
    الاثنين 45 دقيقة
    الثلاثاء 45 دقيقة

    المجموع 385

    لو الله هوّن حأخلص كده الدقايق بتاعتي كلها قبل نهاية الشهر....








    GO LOOOOOOOOOOOOSERS!


    يا اخوانا ود الصايم وين.... وامير بتاع احلام اليقظة وينه؟
                   |Articles |News |مقالات |بيانات

21-05-2012, 11:02 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    عاد يا اسمارت اتلومتى لون السواد
    كيف ما بتباركى لى عيد ميلادى الخمسين؟
    زى ماقالت خالة القلب ما بتغاز ليك .....


    -----------------
    انت يا مريم فى بلدكم الساخنة دى محتاجة لنشافة ليشنو (بلهجة شايقية)

    اعملى لىك حبل غسيل فى البلكونة وشرى الهدوم ..العوض حيجيك يقول لى شر
    الهدوم فى الحبل ب 800 كالوريز ....

    بالجد كده ...
    انتو ما محتاجين نشافة ...بتقلدو فينا نحن المحرومين من السخانة



    ___

    لى عودة قبل نهاية اليوم
                   |Articles |News |مقالات |بيانات

21-05-2012, 11:55 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    نرجع لموضوع الكايت.....
    لى زى دكشماية سنة بحلم وبتمنى حاجة واحدة لم تتحقق ابدا..
    فصل الصيف عندنا قصير جدا (حوالى شهرين) ناس البلد هنا بستمتعوا
    بيهو جدا جدا ونادر جدا تلقى زول كندى بلبت زينا كده فى البيوت ...
    بحكم عملى بكون لافى فى الشوارع ..بشوف الميادين الخضراء والملاعب
    والبلد كلها عبارة عن حديقة كبيرة ...بشوف الناس فى الحدائق دى
    بلعبو كل انواع اللعبات ....

    نحن السودانيين لمن يكون فى برنامج فى البارك البرنامج بكون
    ناكل الدجاج واللحم المشوى ونتونس شوية واحتمال حبة كوتشينة
    وكل زول يتخارج .....
    عشان كده بتجنب امشى برامج السودانيين فى الصيف .....
    الحاجة البتمناها من سنين طويلة انو يكون عندنا برنامج رياضى ثابت
    كل اسبوع ..نلعب فيهو كرة قدم او كرة طائرة ...
    اما امنيتى الكبرى فهى لعب البيسبول ..فانا اشاهد هذه اللعبة يوميا على
    التلفزيونن واعرف كل قوانينها وتاريخها....اليوم قضيت زمن طويل ابحث فى الانترنت
    عن معدات اللعبة من عصايات وخوذ وكرات ..للاسف اسعارها مرتفعة شوية....

    السنة الفاتت عملت اتصالات وحجزت قاعة للعب الكرة الطائرة على ارضية
    رملية لكن للاسف فشلت فى جمع عشرة او 12 شخص للمشاركة...
    قبل سنوات كنت واحد الاصدقاء نلعب التنس على ملاعب البلدية وهى لعبة
    شاقة جدا جدا استفدت منها كثيرا ولكن فقدت ذلك الصديق بسبب ظروف السفر..

    نواصل
                   |Articles |News |مقالات |بيانات

22-05-2012, 07:02 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    النصري ازيك

    احنا في الدمام، علي ساحل الخليج العربي، صيفنا فيه نسبة الرطوبة مبالغ فيها، الملابس ما بتنشف، وشتانا بارد (ما زي حقكم)، درجة الحرارة بتصل صفر، وبرضه الملابس ما بتنشف... زي الايام دي، جونا حلو، الملابس بتنشف، لكن الجو ده بستمر فترة قليلة جداً من السنة، علي الاكتر، شهرين....

    ماشه انوم، بجيكم بعدين
                   |Articles |News |مقالات |بيانات

22-05-2012, 07:27 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    ازيكم يا لوزرزس...

    جيت راجعة منتهية! يومي كان صعب جداً.... عملته 45 دقيقة قبيل بطلوع الروح ... من صحيت من النوم كنت فترانه... خلصته ال45 دقيقة بصعوبة، لكن المهم انتهت... مشيت الجامعة اديت محاضرتي .. وجيت راجعة محمود عنده صاحبته في المدرسة اسمها زينه، عندها عيدميلادها بكره... اخدته هو ولولو ومشينا اشترينا هدية لي زينة.. مشينا بالكرعين لانه نادر كان عنده اجتماع... ما مشوار بعيد، لكن المشوار بعد الرياضة ووقفته المحاضرة اتشاف لي بعيييييييد.. جيت داخله حسي دي..





    385 دقيقة - 45 دقيقة = 340 دقيقة



    نشوفكم بكره... عندي تصحيح...
                   |Articles |News |مقالات |بيانات

22-05-2012, 09:11 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    السلام عليكم يا جماعة
    وزنت الللية و النتيجة زي ما متوقعها ما بنفس معدلات الشهور الفاتت. و دي حتكون نتيجتي الحأشارك بيها في المسابقة لأني كدا تميت واحد و تلاتين يوم. حأواصل في برنامجي لغاية نهاية الشهر إن شاء الله و بعدها تبدا المرحلة الأصعب و هي المحافظة على الوزن الجديد.
                   |Articles |News |مقالات |بيانات

23-05-2012, 02:52 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    بعد توقف ثلاثة ايام رجعت للرياضة
    عملت تلاتين دقيقة (وشوية) حرقت فيهم 410 كالريز..
    ان شاء الله من بكرة نرجع لساعة كاملة بدلا من نصف ساعة...
    ---------------

    ياسر ..بقترح عليك تواصل معانا الاسبوع الفضل ده...
    عشان بس خاطر اطفال المايقوما حاول انزل ليك رطل او رطلين زيادة فى
    الثمانية يوم الجايات ديل..
                   |Articles |News |مقالات |بيانات

23-05-2012, 05:10 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    ازيكم يا شباب
    العوض، ورينا النتيجة شنو... وما تخليها تحبطك... انت براك قلت انه جسم الانسان بتعود على الرياضة بعد فترة وبتبقى ما بتأثر فيه... برضه استمرارك بي كالوريز شويه في اليوم عنده نفس التأثير... انت لو وصلت للوزن العايزه... بعد ده حقو تفكر في خيارات المحافظة...

    الليلة عملته ساعة، كنت مخططة أعمل 40 دقيقة... لكن قلت حمودي حيكون مافيش طول اليوم.. ولولو عندها نومه نص النهار ... خططته اني اعمل نص ساعة اول ما اصحى قبل الفطور، وبعداك اكون خلصته الغدا بتاعي وغسيل الملابس والنظافة .. وبعداك اعمل نص ساعة تانية بعد ما محمود يمشي... وهذا ما حدث...



    حأستمر على الجدول بتاعنا... حتى لو لقيت طريقة انتهيت منّه بدري يكون احسن.. عشان اقعد وقت كافي قبل ما اقيس وزني... ويكون تأثير الرياضة راح... لانه عارفه اني اثناء الرياضة، ميزاني بيدي ارقام كده قاطعها من راسه....

    340 دقيقة - 60 دقيقة = 280 دقيقة
                   |Articles |News |مقالات |بيانات

23-05-2012, 07:22 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    امبارح شافع عمره عشرة سنين ضرب جرس الباب
    قال لى بقطع النجيلة بدولارين وسايق المكنة التحت دى


    قلت لى نجيلتى دى دايرة خمسة ساعات بمكنتك دى .....

    اليوم لمن جيت من الشغل لاحظت النجيلة شكلها كدى حتجيب لى غرامة مدنكلة من ضباط البلدية,,
    اشتغلت فيها اكثر من ساعة وظبطتها تمام التمام....
    وكدى نعتبر دى رياضة اليوم
                   |Articles |News |مقالات |بيانات

23-05-2012, 07:33 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    يا جماعة حالتي صعبة. أصعب من حالة النصري شهر اربعة. :)

    و كل يوم اصحي الصباح ارفع التلفون ألاقي مريم خانوم عاملا ليها ساعة او نص ساعة. لا قادره اتريض و لا قادره اكل اكل كويس.
                   |Articles |News |مقالات |بيانات

23-05-2012, 09:42 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    غايتو يا اسمارت ما عارف اقول ليك شنو

    الحفرة الوقعت فيها انا قعدت 3 شهور اعافر عشان اطلع منها...

    مشكلتك دلوقتى التوقيت ...

    لازم تطلعى فورا عشان اطفال المايقوما ..بعد داك انزلى تحت
    فى الحفرة وشيلى معاك مخدة ومرتبة واخدى راحتك ..شهرين تلاته
                   |Articles |News |مقالات |بيانات

23-05-2012, 10:28 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلام للجميع
    نزولا على رغبة مريم حأوريكم نتيجتي... نقصت تاني حوالي أربعة أرطال زيادة يعني النقصان في الشهر كله زي ستة أرطال. النتيجة ما سيئة شديد خصوصا إذا ختيت في بالي إنه الأربعة أرطال دي خسرتها في عشرة أيام في حين إنه العشرين يوم القبلها خسرت فيها رطلين بس.
    فعلا يا النصري أنا مقرر أتم الشهر دا إن شاء الله. المحتاج ليه هسع إني أبدا التخطيط لكيفية المحافظة بالذات مع الإجازة الجاية دي. عندي خطط للإجازة حأوريكم ليها لما تكتمل بإذن الله. المشكلة إنه المحافظة مع خططي حتكون صعبة شوية لكن ربنا يسهل.
    سمارت أنسي الفات و أخدي الليلة إجازة و أبدي من بكرة.
                   |Articles |News |مقالات |بيانات

23-05-2012, 11:56 PM

ابن النخيل
<aابن النخيل
تاريخ التسجيل: 13-01-2003
مجموع المشاركات: 549

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    سلامات لوزرس.....

    والله احلامنا بدت تتناقص ....وتطلعاتنا بدت تصغر للاسف....

    هسى انا كل امنيتى انه انقص لى اتنين كيلو اخريات فى مواعيد الوزن الجماعى....واذا تحققت الامنية اكون نقصت فى شهر مايو اربعة كيلو

    ناكل فى السلطة والبليلة وحبات طعام ولكن الرياضة ما ماشة تمام

    اكتر رياضة ملتزم بها هى رياضة البطن كل يوم بعمل خمسين مرة مرات بعد الصلاة ومرات وانا راقد فى السرير...غايتو كلو مااتذكر انى ما عملت رياضة اعمل رياضة البطن....

    مشينا فى الويكند بحيرة قريبة لينا قيلنا الجماعة ياكلو فى الطيبات وانا اشرب الشاى المر واكل فى البليلة

    ياالنصرى بى سخانتك دى و رفعت معدل الرياضة لى ساعة انا اعلن انسحابى من المنازلة والان الان


    مع التحية

    ابن النخيل
                   |Articles |News |مقالات |بيانات

24-05-2012, 02:41 AM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: ابن النخيل)

    Quote: يا جماعة حالتي صعبة. أصعب من حالة النصري شهر اربعة.

    حكمنا والله عين حسودة ما عاوزاك تكونى رهيفة عملات حبوبتى .. ياخ دى مشكلة بتزول بس تيك يت إيزى...
    Quote: لازم تطلعى فورا عشان اطفال المايقوما ..بعد داك انزلى تحت
    فى الحفرة وشيلى معاك مخدة ومرتبة واخدى راحتك ..شهرين تلاته

    النصرى والله ضحكتنى لما قهقهتا...
    لكن المفروض تدعمه وتخفف عليها ياخ.
    Quote: الوزن الجماعى....واذا تحققت الامنية اكون نقصت فى شهر مايو اربعة كيلو...ح

    بالتوفيق يا ابن النخيل
                   |Articles |News |مقالات |بيانات

24-05-2012, 08:55 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    سمارت...

    غايته احنا مستمرين... لو اديتيني يوم بكره كمان، بفوتك... بكلمات أخرى، اقعدي في الحفرة لبكره بس... (وش شرير)

    ألف مبروك الأربعة ارطال يا العوض... اي خسارة مرحب بيها... ورينا خططك في المحافظة عشان نستفيد منها، رغم انه لو انت حتستمر في قصة حساب الكالوريز دي، حتكون المحافظة اسهل بالنسبة ليك... لانه في مواقع كتير بتحسب ليك عدد الكالوريز المناسب حسب نشاطك عشان تخسر وزن، او تحافظ على وزنك او تزيد وزن.... ممكن تجربها وبعد تتعود انك تعرف الكمية البتناسبك، توقّف

    ابن النخيل، النقصان الشديد بتاع البداية ده عادة بجي بعده ركود، خاصة لو انت ما شديت الهمّة... كويس انك محافظ في الاكل، انا لفترة طويلة كنت محافظة في الاكل وما بتريض، وكنت بنقص وزن برضه... لكن بعداك حسيت انه بقى في بطء في نقصان الوزن عشان كده بديت الرياضة... كدي حاول معانا في التحدي، الشهر فضل فيه سبعة ايام... حاول اتريض فيهم...


    كراعي اتزلظت من المشي بتاع امس.. عشان كده ما قدرته امشي الليلة.. لبسته الجزمة بالقوّة، لكن ما كنت قادره امشي بيها... فقررت اني انط حبل.. وفعلا نطيب 500 نطة .. خلال ربع ساعة... جبت الشعب كله وخليتهم يعدّوا لي... قسمناهم لاستراحه بعد كل خمسين نطه... اظرف شي... نادر لما نصل لي 40 ... يقوم يقول fouuuuuurty... انا في المسافة دي اكون نطيت لي تلاته نطات، بعداك يتم 41، 42... وممكن اثناء النط يعاين لي لولو تكون عملت ليها حركة، ويجي يواصل من وين ما وقف.. محمود لما يعد لي يقعد في نص العد يضحك مع ابوه... اها لما لقيتهم بشروا فيني كده، بقيت اعد برااااي... تميت ال500 نطه.. نط الحبل من الرياضات البتحرق كالوريز كتير في وقت قليل.. يعني الزول لو نط لمدة دقيقة متواصلة، ممكن يحرق 11 كالوري... بس طبعا صعب شديد انه الزول يكمل دقيقة كاملة... المسألة محتاجه تدريب ... المهم انا تميت ال500 في ربع ساعة ... ما عارفه نحسبها كيف في حساب الدقايق.. لكن اعتقد حأحسبها نص ساعة مشي..



    يبقى الحساب



    280 دقيقة - 30 دقيقة= 250 دقيقة...
                   |Articles |News |مقالات |بيانات

25-05-2012, 01:10 AM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    السلام عليكم يا اهلنا
    جئتكم اليوم بالخبر اليقين و لقب عالمي جديد للعبد لله
    حيث تم بالامس اعلان نتائج التحدي بمدينتنا بنص الايميل المرسل ادناه
    Quote: Well it’s been a long time but there is a clear winner of the challenge. Congratulations to Ahmed!

    1st Ahmed 15.53%
    2nd Toni 13.71%
    3rd Adrienne 9.27%
    4th Jo 7.85%

    Ahmed has won a 3 month membership with AM I Fit training, 1 massage and Usana liver support. Total value $400
    Thanks to all who participated, keep on pursuing your weightloss goals.







    والآن يسرني ان افتح باب استقبال التهاني من اصدقائي و حلفائي و طلابي وكل من يحب ان يهنئني من المعسكر الغربي (ما تتحسسوا ) , الباب مفتوح للجميع
    حارجع ليكم تاني
                   |Articles |News |مقالات |بيانات

25-05-2012, 01:34 AM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    مليار مبروك يا غباشي و رفعت راسنا والله قدام الناس. فوز مستحق جدا كدا بقيت فايز جوة وسدانيزأونلاين و براها.
                   |Articles |News |مقالات |بيانات

25-05-2012, 02:28 AM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    الف الف مبروك يا غباشي.
    رافع رأسنا دائماً ان شاء الله.
    يا اخوي ما بنقدر ننافسك احنا. انت عابر قارات.
    ما شاء الله. عيني بااااااارده.
                   |Articles |News |مقالات |بيانات

25-05-2012, 07:53 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    أنا ما بعترف بالنتيجة دي، اول شي احمد منو! انت موش اسمك غباشي! تاني شي، 400$ دولار اشتراك ومساج نقاسمك فيهم كيف!؟ بعدين أنا برجّع فضل الفوز ده (بعد نتأكد منه)، لطريقتي السلبية في التشجيع، يعني لو ما لقيت زول زيي يستفزك ويغيظك كان زماااااان رجعت لبسكويتك!



    ياخ والله الف مبروك، وتستاهل الفوز... وبركة الخميت النصارى ديل... اكسح امسح قشو!!

    علي سيرة الslogan بتاعك، قريت اخر مداخلة لابن النخيل!؟ (وش شمتااااان فيك)
                   |Articles |News |مقالات |بيانات

25-05-2012, 03:24 PM

ابن النخيل
<aابن النخيل
تاريخ التسجيل: 13-01-2003
مجموع المشاركات: 549

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    سلامات لوزرس......

    يا اختنا مريم الخيل الاصيلة تجى فى اللفة....بعدين انا اليومين ديل منتظم فى الرياضة اي نعم الزمن ماطويل لكن سوف يصل ساعة لمان اتم سنة فى البرنامج دا زى اخونا النصرى....

    مبروك يا كوتشى العزيز غباشى...لا تاخذنك بهم رحمة.....كان هنا كان هناك
    وانا على الدرب سائرون

    اختنا اسمارت شايفا سكنت المصاطب بقت مشجعة...

    انتو ما عارفين المفاجاة الكبيرة حاتخيكم من النصرى...

    اختنا نجاة لازم تقللى من المناسبات السعيدة شوية....اختنا نجاة دى قالت ماتفوت مناسبة سعيدة كلو كلو

    تحياتى
                   |Articles |News |مقالات |بيانات

25-05-2012, 04:54 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: ابن النخيل)

    هههههههههههههه... بالله انا اتفلسف، ويجي ابن النخيل يضرب سمارت ونجاة... حسي ديل عملوا ليك شنو ياخ...


    انا الليلة اعاني حالة ركود رياضي... ونعسانه من صباح الرحمن... غايته، لازال الليل طفلاً يحبوا.. احتمال احنس نفسي اعمل لي 700 نطة بي الحبل بعد شويه... لانه طبعا كراعي لسه مظلوطه... لو عملتها بجي احسبها شغل ساعة...


    صفقوا لي عليكن الله... لو جيت قلته اني عملته ال700، دايره من كل واحد فيكم 10 صفقات بالله...

                   |Articles |News |مقالات |بيانات

25-05-2012, 05:18 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    امبارح حصلت حاجة غريبة جدا خلتنى ازازى اليوم كله...
    لحظتها لو جابو لى كباية سمن بشربها دون ان يرجف لى جفن


    اتوقعو قصة من النوع ابوكديس.

    حتى ذلك اللقاء نقول للخريج غباشى مبروك ال 400 دولار وبكده
    انا رفعت يدى من ديونك لاطفال المايقوما .......
                   |Articles |News |مقالات |بيانات

25-05-2012, 06:55 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلام يا النصري منتظرين قصصك ياخي.
                   |Articles |News |مقالات |بيانات

25-05-2012, 06:57 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    جيت راجعه... عملته 1000 نطته في 24 دقيقة... انجاز تاريخي... دبّلته الرقم بتاع امس.. وقللته المدة... لاحظته اني خلصته ال500 الاولى في 12 دقيقة تقريباً... وزي ما قلنا ده بحساب ساعة... بحساب الكالوريز حسب الموقع ده http://www.exrx.net/Calculators/Calories.html انا حرقته 351 كالوري... والله اكبر والعزة للسودان....



    250 دقيقة - 60 دقيقة= 190 دقيقة



    برضه، حسب تحالف كاودا، الليلة فته سمارت لأول مره مما بدينا.....


    اها يا سمارت... bring it on!



    التعديل لتغيير كلمة كتبت بالخطأ

    (عدل بواسطة مريم بنت الحسين on 25-05-2012, 07:16 PM)

                   |Articles |News |مقالات |بيانات

25-05-2012, 07:03 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    تمام يا مريم شكلك حتكوني منافسة خطيرة المرة دي. بالتوفيق إن شاء الله.
                   |Articles |News |مقالات |بيانات

25-05-2012, 07:34 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    عايز ألتزم بكتابة تقاريري حتى نهاية الفترة إن شاء الله. دا حيكون التقرير قبل الأخير و آخر واحد حأكتبه بعد نهاية الشهر لو ربنا سهل بعدا داك حأتابع معاكم في المحافظة. التقرير لكل تلاتة يوم مع بعض و حتلاحظوا في بعض التدهور في الرياضة:

    الخميس 10/5 لغاية السبت 12/5 المتوسط لليوم الواحد كالتالي:
    عدد الكالوريز الاتناولتها 1636 كالوري.
    رياضة حوالي 20 دقيقة حرقت 297 كالوري (في يومين ما اتريضت فيهم).
    الصافي فقدان 748 كالوري.

    الأحد 13/5 لغاية التلاتا 15/5 المتوسط لليوم الواحد كالتالي:
    عدد الكالوريز الاتناولتها 1620 كالوري.
    رياضة حوالي 30 دقيقة حرقت 435 كالوري (في يوم ما اتريضت فيه).
    الصافي فقدان 881 كالوري.

    الأربعاء 16/5 لغاية الجمعة 18/5 المتوسط لليوم الواحد كالتالي:
    عدد الكالوريز الاتناولتها 1633 كالوري.
    رياضة حوالي 17 دقيقة حرقت 247 كالوري (في يومين ما اتريضت فيهم).
    الصافي فقدان 695 كالوري.

    السبت 19/5 لغاية الاتنين 21/5 المتوسط لليوم الواحد كالتالي:
    عدد الكالوريز الاتناولتها 1655 كالوري.
    رياضة حوالي 82 دقيقة حرقت 427 كالوري (في يومين ما اتريضت فيهم لكن كويت و اتمشيت حسبتها بدل الرياضة).
    الصافي فقدان 760 كالوري.

    التلاتا 22/5 لغاية الخميس 24/5:
    عدد الكالوريز الاتناولتها 1523 كالوري.
    رياضة حوالي 72 دقيقة حرقت 397 كالوري (في يومين ما اتريضت فيهم لكن كويت و حسبتها بدل الرياضة).
    الصافي فقدان 861 كالوري.
    نيتي إني إن شاء الله حألتزم بالرياضة في الأيام الجاية دي.
                   |Articles |News |مقالات |بيانات

25-05-2012, 08:31 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    ركلسه اسبوع و انهزمتا شر هزيمة من مريم
    انا ( علي قول النصري) في القاع. قاع القاع.
    i hit rock bottom
    من كل النواحي. لياقتي ما حصل كانت كعبه كده. و وزني ما حصل وصل أرقام ذي دي.

    لكن ذي ما قلتا. ده القاع. و ان شاء الله ما يكون في اكعب من كده.

    مريوم، مع انك صحبتي و أختي و حبيبة البي. لكن انسي.
    استمتتعي بانك فايتني اليوم. لانها ما ح تكرر. أبدا.



    ------------
    الله يقدرني علي الكلام ده :(
                   |Articles |News |مقالات |بيانات

25-05-2012, 11:25 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    القصة دى احتمال يفهمونا ناس امريكا الشمالية (كندا وامريكا)
    اما ناس الاقاليم ناس مريم وغباشى الله يعلم تقع ليهم ......

    امبارح مشيت بنك جديد لفتح حساب جديد لانو البنك بتاعى عامل
    لى نفسيات..ما بدورهم ولا بدورونى من كترة المشاكل ,,,مع انى زول
    ما بتاع مشاكل لكن عندى حساسية شديدة من موظفى الخدمات (حكومية او خاصة)

    المهم موظف البنك ظريف جدا ..اتنوسنا فى البيسبيل ومواضيع اخرى....
    طلبت منه يراجع ال credit report بتاعى عند ناس credit beaureau
    تم ذلك ...قال لى عندك collection مع شركة التلفون الفلانية بغرامة
    الالف دولار ....قلت ليهو عمرى ما كان عندى حساب مع الشركة دى ....قال
    لى المبلغ لم يدفع عشان كده قاعد فى الفايل بتاعك وعامل دمار شديد....
    طبعا مرحلة اى فايل يصل وضعية ال collection معناتها المستهلك رفض
    يدفع الديون العليه وتمت مطاردته من احدى الشركات المتخصصة فى تحصيل
    الديون الهالكة ونتيجة لذلك تتناقص امكانية حصوله على ديون اخرى.....

    قلت للموظف مستحيل البحصل ده .. هذه الشركة عمرى ما اتعاملت معاها
    ولم يكن بينى وبينهم اى مراسلات اوفواتير...
    نصحنى بالاتصال بالشركة المحصلة واستبيان الامر...
    فعلت ذلك .... علمت من الموظف ان هناك شخص ما انتحل شخصيتى وعمل على فتح
    حساب مع شركة التلفون وزاق بعد داك ...نصحنى ان اتصل بشركة التلفون
    واقناعهم بان الامر تزوير وانتحال الشخصية..
    اتصلت بشركة التلفونات وحاولت اقناعهم بذلك وبدوا معى تحقيق

    نواصل
                   |Articles |News |مقالات |بيانات

25-05-2012, 11:54 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    كفاره يا النصري يا اخي ده ح يكون برناااامج.
    لكن انت غلطان، مفروض تشوف الكردت اسكور بتاعك كل شهرين تلاته. .
    ذكرتني، انا لي زماااان ما شفته.

    ربنا يعينك في الموضوع ده.
                   |Articles |News |مقالات |بيانات

26-05-2012, 00:59 AM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    والله ربنا يعينك يا النصري... في النهاية طبعا حتقدر تقنعهم إن شاء الله لكن بعد تعب شوية. كان لكلكوا هددهم بإنك تشتكيهم لأنهم ما عملوا الخطوات اللازمة للتأكد من شخصية الزول دا. قبل كدا ناس الفيزا اتصلوا بي قالوا لي اشتريت ليك كمبيوتر بواسطة الإنترنت؟ قلت ليهم لا قالوا لي في زول اشترى كمبيوتر و لغوا الكرت طوالي و رسلوا لي واحد جديد. واحد صاحبنا برضه جاه كشف الحساب لقى فيه تذكرة سفر عديل كدا و ألذ حاجة تذكرة داخلية في الهند اتصل بناس الشركة لغوا القيمة من حسابه و غيروا ليه الكرت.
                   |Articles |News |مقالات |بيانات

26-05-2012, 00:50 AM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    Quote: اختنا نجاة لازم تقللى من المناسبات السعيدة شوية....اختنا نجاة دى قالت ماتفوت مناسبة سعيدة كلو كلو

    اوووو اخونا ابن النخيل كيف الكمونية برضو دى مناسبة سعيدة فى القائمة بتاعتى تسلم ....
    حكمنا ترجعى بالسلامة قريبآ....
    مريوم شنو سويتيها لينا نط حبل هههه والله إنجاز اخير من قعاد ساكت ...
    النصرى القصص دى كتيرة خالص ياخى انحنا حصلت لينا وطلع من دلربتاع عربات اديناهو معلوماتنا لشغل مشي شال قرض من البنك بتاعنا لكن اتلحقت سريع واتحلت المهم ح تتعرف بس تابع احرص لحل الموضوع دا عشان ماتجيك ضربة كبيرة.
                   |Articles |News |مقالات |بيانات

26-05-2012, 10:18 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    Quote: القصة دى احتمال يفهمونا ناس امريكا الشمالية (كندا وامريكا)
    اما ناس الاقاليم ناس مريم وغباشى الله يعلم تقع ليهم ......


    النصري ياخ احنا ما اهل العوض للدرجة دي... يعني بنعرف الcredit cards واهمية تاريخك الائتماني في انك تقدر تاخد قروض جديدة او مجرد انك تئتمن انك تاخد كاردز... صحي ناس السودان لسه بحتفلوا لما يفتتحوا ليهم ATM جديدة، لكن احنى ارقى حبّة... ... الله يعينك... ومشكلة الidentity theft عندكم كتيره!!! شوف حسي من ضمن اربعة في امريكا وكندا، تلاته حصلت ليهم! احنا هنا البيروقراطية بتصعّب على الزول سيد الشي زاااااتو انه غرضوا، خلي زول يكون مزيّف كمان! ... بابا دايماً بتكلم عن انه الانظمة في الدول الغربية منبية على اساس انه الانسان صادق حتى يثبت العكس... وبسبب الحاجه دي، بعض السودانيين وبعض الناس من دول العالم الثالث، استغلوا ثغرات زي دي في النظم الغربية لما هاجروا ليها.. كان بحكي لينا انه الباكستانيين كانوا في بريطانيا زمان اكتر ناس حرامية... والمشكلة بسرقوك باسم الدين! في امريكا السودانيين قالوا الواحد يعمل انه منفصل عن مرته عشان ياخدوا well fair اعلى... طبعا الواحد ما بعمم.. زمان كان عندنا دكتور بتكلم عن انه amazon.com في بداياته كان ممكن يشحن من غير ما يتأكد من وصول الpayment، وانه بسبب القصة دي، في اكتر من زول من جامعتنا (في الاردن) انهم يشتروا كتب وتتشحن ليهم وبعد فترة تصل خطابات للجامعة بتسأل عن الناس ديل لانه ما دفعوا! قال انه امازون محتاج يغير معاييره شويه عشان ينطلق عالمياً...


    قبل سنتين تقريبا ظهرت عصابة في الامارات بتسرق الارقام بتاعت الATM وتفضي الحسابات... انا كنت في اجازة الفترة ديك وسحبت قروش من هناك... بعد فترة جيت السعودية وفتحت حسابي لقيته فاااااضي... هو ما كان فيه قروش كتيرة لانه انا بحوّل قروشي كلها لاسترليني.. بخلي لي شي بسيط بالريال عشان لو احتجت اشتري شي .. المهم كان فيه زي 1500 ريال... لما مشيت الstatement لقيته انها اتسحبت من سوبرماركت في بريطانيا... قدمت شكوى للبنك ورجعوهم لي.. وغيّروا لي الcard.. لكن بعدها بكم شهر تقريبا طبقت كل البنوك تدابير احترازاية شديدة... بقينا لو عايز تدخل حسابك بتاع البنك، برسل لي رسالة للموبايل في رقم سري (بالاضافة لرقمك الاصلي) حتى تقدر تدخل...

    كفارة يا النصري...


    نجاة.. ادي بن النخيل ده في راسه عليك الله..


    يا شباب.. فضل للشهر اربعة ايام، واعتقد اني حأوقف الرياضة بعد ده... دي فرصتك تفوتيني يا سمارت... ما عايزه اتمقلب في الوزن النهائي.. رح اخفف من الاكل كالعادة.. ونشوف يوم 1 يونيو...



    قو لوزرز
                   |Articles |News |مقالات |بيانات

26-05-2012, 01:01 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    نجاة... كدي امشي نطي ليك عشرة نطات وتعالي وريني رأيك ... وبالمره اقري الكلام ده عن نط الحبل... ده من الرياضات البتحرق كالوريز كتيره جداً.. لانه ما ساهله...

    http://www.webmd.com/fitness-exercise/guide/s...-doesnt-skip-workout

    لو لاحظتي الملاكمين بنطوا حبل كتير... لانه بقوي عضلات الكرعين... وعضلة القلب كمان... وبزيد من احتمالك... يعني لما تنطي حبل وتتعودي عليه وترجعي للجري، حتلقي روحك قادره تجري اكتر من العادة.. كدي جربي وارجعي وريني رايك
                   |Articles |News |مقالات |بيانات

26-05-2012, 01:52 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    كنت عايزه اسألكم عن الميزان البقيس الbody fat... سمعتوا بيه؟ حد جرّبه؟ اعتقد ممكن يكون اكثر دقة من الميزان البقيس الوزن ساي.... ادونا feedback بالله

    معليش بريكتم الليله!
                   |Articles |News |مقالات |بيانات

26-05-2012, 05:11 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    اول سؤال رماهو فى وشى موظف البنك وموظف شركة التحصيل
    وموظف شركة التلفونات هو هل اتعرضت لسرقة محفظتك او فقدتها
    او هل اتعرضت لجريمة انتحال الشخصية ..
    اجابتى كانت نعم ولكن ذلك حصل قبل خمسة سنوات والتفاصيل فى
    البوست ده من 2008

    انتحال الشخصيه ...الجد جد

    بصراحة بعد تلك الحادثة كنت حذر جدا لكن مع مرور الزمن
    ولم يحدث شئ فكيت اللعب ...

    طيب يبقى السؤال كيف تسمح شركة التلفونات ان تصل الفاتورة لمثل
    هذه المبالغ الكبيرة قبل ان تتدخل وتوقف الخدمة ....


    البحصل انو الشركة تعرض للزبون الجديد تلفون مجانى مثل اى فون ٤ مجانا
    مقابل ان يلتزم معهم بعقد لمدة تلاته سنوات ..... قيمة التلفون تصل 600 او 700 دولار
    (مضافة اليها الضرائب)
    بعد شهر واحد فقط يختفى الزبون (المجرم) تاركا خلفه فاتورة شهر تلفون تصل
    300 دولار بالاضافة لقيمة التلفون

    معظم عقودات التلفونات تتم عبر التلفون حيث يقدم الزبون
    معلومات مثل الاسم ..تاريخ الميلاد ..رقم الضمان الاجتماعى ....
    تقوم الشركة بمقارنة هذه المعلومات ومطابقتها بالفايل فى Credit beaureau
    وتتم الموافقة بعد ذلك....

    يعنى باختصار شركات التلفونات اسهل الضحايا بالنسبة للمجرمين
    بس العائد قليل مقارنة بباقى انواع الجرائم المنظمة


    اى مستهلك يمكنه ان يحمى نفسه من جرائم انتحال الشخصية عن طريق الاتصال ب Credit beaureau
    ويطلب منهم ان تكون وضعية ملفه هى Consumer Statement


    معناها اى طلب من اى نوع يجب مراجعة صاحب الملف شخصيا بالتلفون للتاكد
    من قانونية الطلب

    وده الشى الحاعمله انا بعد الانتهاء من تبرئة نفسى من الفاتورة









    (بالمناسبة معلوماتى عن الامر لاننى اشتغلت سنوات فى احدى شركات الائتمان
    كنت فى قسم استلام طلبات ال credit card الجديدة ..تحليلها و الموافقة او الرفض لكل طلب)
                   |Articles |News |مقالات |بيانات

26-05-2012, 05:22 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    و الله يا النصري و مريم قصص انتحال الشخصية دي لي ذي قصص افلام الرعب. بخاف جد جد.

    مريم، استناك اربعة يوم؟؟؟؟ رايك شنو؟ ؛)
    اصلا انا ما باين لي طلعة من الضحضيرة اللي انا فيها دى.
                   |Articles |News |مقالات |بيانات

26-05-2012, 07:40 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    لوزرس سلام يغشاكم......
    Quote: ا شباب.. فضل للشهر اربعة ايام، واعتقد اني حأوقف الرياضة بعد ده... دي فرصتك تفوتيني يا سمارت... ما عايزه اتمقلب في الوزن النهائي.. رح اخفف من الاكل كالعادة.. ونشوف يوم 1 يونيو...

    الليلة عرفت السر بتاع لما تتريضى كتير وما تنزلى اى وزن...
    طبعا الاسبوعين الفاتو كنت بمشى الجم 5 مرات فى الاسبوع الواحد مشيت وزنت مافى اى خسارة اتكلمت مع واحدة شغالة فى البرنامج دا وقلت ليها دى اكتر اسبوعين امشيت فيهم الجم طوالى فتحت الدرج وطلعت ليها شريط قياس بال inches لقتنى نازلة 10 inches وقالت لى كل ما تتريض اكتر بتظر فى ال shape اكتر من الوزن وكدى ح اركز على المشى للجم واهم شي الشكل الخارجى ..
    عشان كدا يامريم بتكونى نازلة إنشس اكتر لما تتريضى اكتر.

    )( نجاة... كدي امشي نطي ليك عشرة نطات وتعالي وريني رأيك ... وبالمره اقري الكلام ده عن نط الحبل... ده من الرياضات البتحرق.)
    والله كلامك صاح يا مريوم صعبة شدييييد ومفيدة خالص ممكن نكسر بيهو الروتين بتاع المكنات الكل يوم دا تسلمى و كيب يت اب.

    (كنت عايزه اسألكم عن الميزان البقيس الbody fat... سمعتوا بيه؟ حد جرّبه؟ اعتقد ممكن يكون اكثر دقة من الميزان البقيس الوزن ساي.... ادونا feedback بالله)
    مريوم تجدين الاجابة عندى انا طبعا متابعة مع برنامج LA Weight LOSS دا بستعملوا ميزان فيهو مقاس الbody fat كلو فى جهاز واحد موصل مع الكمبيوتر بيظهر ليك فى الشاشة عدد الارطال وكمية الفات الخسرانة او الزائدة بالنسبة لزيادة بتظهر الارقام حمراء يعنى فى زيادة انا بكون طالعة فى الجهاز وعينى فى الشاشة ....

    شكرآ النصري فعلا عوستة عواسة فى الاقتباس ودا سبب التعديل بعد التنبيه...

    (عدل بواسطة Nagat Sid Ahmed Elshiekh on 26-05-2012, 09:09 PM)

                   |Articles |News |مقالات |بيانات

26-05-2012, 08:21 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    يا نجاة لازمى تعدلى مداخلتك الاخيرة لانها قفلت البوست
    الحاجة دى بتحصل لمن العضو يقتبس الاقتباس




    --------



    موضوع الوزن والقياس ده انا اتاكدت منه تماما
    لانو وزنى ثابت ولم يتغير لكن ملاحظ البنطلون الجديد
    الفرحان بيهو مقاس ٤٢ اصبح مالص وبقيت كل مرة ارفعه لفوق
    احتمال كبير جدا احتاج لحزامى التاريخى داك

    -----------

    تعرفى يا اسمارت ,,مشكلة القعاد فى القاع انو الزول بجيهو
    احساس انو مافى مخرج نهائئ للحالة دى .....

    غايتو انا بنصحك تقعدى تونسينا زى ما كنت انا بعمل وخليك
    involved فى النقاش لانو ما معروف الانتفاضة بتاعتك حتحصل متين
                   |Articles |News |مقالات |بيانات

26-05-2012, 08:53 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    اونسكم.... ليه لا؟؟
    طيب أعصابي باظت المره الفاتت من الطيارة اللي ابت تطير
    اليوم صحيت الصباح سقت الأولاد و مشينا بارك كبييير. لعبوا شويه و بعدها رجعنا العجلات للعربية و طالعنا ( شنو غيرها؟) الطيارة
    بتذكر أني لما كنت صغيرة كان عندى كايت و كنا بطيرها براي ذي العجب
    المهم بعد محاولات و فتيش في يوتيوب و جري و قطع نفس طارت الكايت
    انجاز و الله.
    طارت و وقعت و طارت و وقعت ذي مليون مره كده و بعدها الحبل بتاعها اتشربك في كدارة القرد ابو 3 سنوات
    فرتقته من الحبل، قال تعبان و عاوز يرجع البيت.
    رجعنا البيت.

    مبسوطين الايام دى. لكن اجازتى خلاص فضل ليها شهر و شوية و ارجع تاني للبري بتاع الشغل:(
                   |Articles |News |مقالات |بيانات

26-05-2012, 09:06 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    تعرفي يا نجاة، صدقاً لكلامك ده، من شويه مشيت لجارتي معاها امها، الام شافتني قبل اسبوعين تقريباً في حفلة الشاي العملتها ديك لو بتتذكري... اها امها قامت قالت لي، ضعفتي! من يومي الشفتك داك ضعفتي شديييييييييييييييييد... والله فرحته بشكل...

    انا مفكره غايته اشتري الجهاز بتاع قياس الbody fat ده... اعتقد احسن من الوزن العادي... لكن نفسي اعرف بشتغل كيف!!! يعني على اي اساس بقيس الbody fat... كده النمشي ابحبت... يمكن أفهم القصة....

    سمارت... خليك قاااااااااااااعده في دحديرتك دي... اصصصصصصصصصصصصصصصصلك ما تقومي... خلينا نتم الشهر ده.. بعداك نبدا من حيث انتهينا...
                   |Articles |News |مقالات |بيانات

27-05-2012, 10:56 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    الثورة انطلقت! وسمارت قامت من سباتها العميق... وعملت ليها 38 دقيقة في عين العدو



    ياخ ما تنتظريني الاربعة يوم ديل!!
                   |Articles |News |مقالات |بيانات

27-05-2012, 05:22 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    معقول الثورة قامت بالسرعة دى ؟
    ده قاع شنو اصلو ده؟
    الظاهر عليه زى البسبوسة بتاع بوصة فى بوصة.....
                   |Articles |News |مقالات |بيانات

28-05-2012, 07:26 AM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    ازيكم؟
    لسه بعافر عشان اطلع من الحفرة. حفرة بحفر فيها بيدي لفترة سنة كاملة. اها الان المرقه بقت صععععبة. 
    طيب مع أني و لليوم التاني علي التوالي اتريضتا. الأكل لسه ما مظبوط، عشان كده ح اونسكم

    اها يا جماعة ما تقولوا ما عندي موضوع ( انا فعلا مرات بيكون ما عندي موضوع) لكن انا مدبرسه. هاوس، مسلسي المفضل من سنوات  انتهي. و يوم الاتنين الفات حضرتا اخر حلقة فيه. كويس ان النهاية كانت متوقعه. ما عاوزه اخربه لزول ما حضره. لكن ممكن اقول انها كانت نهاية bittersweet 
                   |Articles |News |مقالات |بيانات

28-05-2012, 09:41 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    Quote: اها يا جماعة ما تقولوا ما عندي موضوع ( انا فعلا مرات بيكون ما عندي موضوع) لكن انا مدبرسه. هاوس، مسلسي المفضل من سنوات انتهي. و يوم الاتنين الفات حضرتا اخر حلقة فيه



    تعرفي يا سمارت، من كم يوم كده قريت انه من مسببات الدبريشن انتهاء مسلسل مفضّل... طبعا انا هاوس على قدر ما بستمتع بيه، لكن قاعده انسى مواعيده... طبعا هنا بعرضو السيزونز في فترات متباعدة، عشان كده بنسى...وممكن ينتهي كله وما اشوفه... ده غير انه التلفزيون، الشعب محتلّه.... صحيح عادي بقلعه منهم لما اتذكره، لكن المشكلة اني بنسى....


    الرياضة واقفه طبعا.. ومنتظره يوم الجمعة بفارغ الصبر... قاعده امخمخ ليكم في تحدي جديد الشهر الجاي... طبعا التحدي لنفسي، لكن لو في زول عايز ينضم لي... حبابه...


    حسي عندي تصحيح، حأمشي اخلّصه... وبعدين بجيكم راجعه....


    سمارت... هوووووووي، انا ما وصلني انك اتريضتي الليلة!
                   |Articles |News |مقالات |بيانات

28-05-2012, 05:48 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    وبدأ العد التنازلى

    Code Yellow


    All members should report to the office to update their status before the big day
                   |Articles |News |مقالات |بيانات

29-05-2012, 01:34 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    يا الله..البورد بطئ جدا ...حاولت طوال الصباح فتح البوست
    ولم انجح .....

    رجعت من الدوام التانى لقيت البورد سريع جدا ..

    الحمدلله ...شركة التلفونات قررت سحب الفاتورة واخلاء سبيلى..
    اتصلت بشركة التحصيل وطلبت منهم سحب الفايل ....
    الامور فى طريقها للتسوية..
    الان على ان افكر من وراء العملية الاجرامية وكيفيه مكافحتها...
    فى بالى احد معارفى لا يستبعد ان يكون وراء الامر ....
    ---------------

    بعد غياب اربعة ايام رجعت للرياضة اليوم
    نصف ساعة حرقت فيهم 415 كالوريز
                   |Articles |News |مقالات |بيانات

29-05-2012, 06:27 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    اخر مرة وزنت النقصان كان 2 رطل فقط وبصراحة لا اتوقع المزيد..
    لكن عشان الواحد يبقى عادل مع نفسه لازم يعترف انو النقصان ما حصل
    فى الوزن ولكنه حدث فى المقاس ..
    لذا قررت يوم ختام المنافسة الحالية يوم الجمعة ان اقيس الخصر
    وكل بوصة افقدها سادفع خمسة دولارات ..

    -------------

    لى شهور عديدة بفطر يوميا بشوفان Oat بدعوى انه صحى ويساعد فى تخفيض
    الكولسترول (انا اصلا ما عندى مشكلة فيهو) لكن مع الخمسيناية الوصلناها
    دى كل شى متوقع

    مرات كتيرة بعمل الشوفان فى البيت واحايين اخرى بشتريهو من كافتيريا
    فى الداونتاون ...
    صباح اليوم كنت متاخر شوية ..
    فى الكافتيريا كان امام فى الصف رجل يبدو وكانه مشرد...
    طلب قهوة ...السعر كان حوالى دولارين ....
    قال للعامل
    All I got is 2 dollar Euro

    (لاحظ دولارين يورو دى)

    العامل ويبدو انه من بنقلاديش رفض استلام اليورو..
    الشكلة قامت .....
    الراجل بقول للبايع دى قروش وقروش كويسة كمان...
    البايع يقول ليهو ما بنقبل الا دولار ....
    وانا واقف مصطكى ....
    فى النهاية اضطريت لضيق الزمن ان الغى وجبة الشوفان المحببة لى
    واكتفيت بكباية قهوة و بيقل bagel 12 grain
                   |Articles |News |مقالات |بيانات

30-05-2012, 03:16 AM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    لوزرس سلام ......
    Quote: فى بالى احد معارفى لا يستبعد ان يكون وراء الامر ....
    ---------------

    النصرى تذكر انا قلت ليك حصلت لينا نفس قصتك دى مع الأسف الفاعل من المعارف ....
    بالله الشهر دا عشان فيهو منافسة اتعسم والناس مكسلة وتعبانة ....
    المهم كان عندنا لونق ويك آند والخرمجة حاصلة الا نعمل ذى النصري ... انا المقاسات اخدتها الاسبوع الماضى ..
    يعنى بدلا الارطال بقينا فى البوصة.....
                   |Articles |News |مقالات |بيانات

30-05-2012, 04:06 AM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلام يا جماعة و معليش ما رجعت ليكم (كنت عيان)
    الله يبارك فيكم جميعاً و عقبالكم كلكم , حارد عليكم واحد بس استسمحكم عشان ارد على السيد النصري
    Quote: اما ناس الاقاليم ناس مريم وغباشى الله يعلم تقع ليهم ......

    مريم و عرفناها من الاقاليم انا مدخلني معاها لشنو ؟
    و للا حبيت تصلح الحكاية عشان التريقة ما تجي كلها على مريم؟
    اي نعم انا الزمان جار بي و رماني في اخر الدنيا دي
    و البلد دي بالنسبة للبلد الكنت قاعد فيها قبل الرمية هنا بالجد تعتبر اقليم لكن ما لنفس الدرجة مع اقليم مريم
    ياحليل أيام اسكندنافيا و الحياة الراقية و المرتاحة اللي احسن من مكانك القاعد فيهو حالياً
    زي ما قلت ليكم قبل كدة انا بينطبق على المثل بتاع ارحموا عزيز قوم ذُلَّ ده بالنسبة للهاي كلاس كاتيقوري
    لكن تحصل و تختني في level واحد مع مريم فدي في حد ذاتها المفروض تعتذر عليها
    ايش جاب Dunedin لي الدمام
    ابن النخيل انا اتهزأأت .... وا ابن النخيلاه (انا محتاج دعم و حملة مضادة)

    نرجع لموضوعك الاساسي
    انا طبعا لحدي الان ما شلت Credit Cards لانو حساباتي في البنوك كلها Student account و معفي من اي transaction fees سواء من الـ ATMs او الـ Internet Banking
    كل الكروت الاستعملتها نوعها Debt Cards و انا كدة مرتاح الحاجة الدايرها من النيت بشتريها و كان الله يحب المحسنين
    مما عرف درب الكروت ما حصل شلت لي قروش في جيبي الا في المحلات الما بتقبل الا كاش
    في السويد كانوا بيدوا الطلبة كرت فيزا لكن اسموا Visa Electron و عن طريقه ممكن تشتري من النيت و المحلات و تدفع بيهو الفواتير و ممكن تستعمله في معظم الدول الاوربية خصوصا ناس الشنغن
    انا بديت بالفيزا الكترون و بعد داك حولت لي Visa Debt Card و اشتغل معاي في امانتين الله حتي لما مشيت امريكا (عشان تعرف السويديين ديل ما هينيين)
    حتى بعد داك نفس الكرت اشتغل معاي في البحرين و هونغ كونغ و انا في طريقي الى هذا الاقليم القاعد فيهو الان
    حتى هنا اول ايامي كنت شغال بالفيزا كارد بتاعت السويد و كل الامور كانت تمام و كلوا من حسابي الهناك

    أحكي ليكم شوية عن اقليمنا ده
    اها لما جيت هنا لقيت البلد دي ضاربة (في راي بعد اللي شفتو) و الوضع ما لزيز بيدوك كرت اسمو EFTPOS و دا بس بيسمح ليك تشتري من المحلات لا Internet banking و لا الله قال !!!!!
    غير كدة الا تعمل Credit Visa Card or whatever , ودا زاد صدمتي في البلد دي و اصبحت متأزم جداً و انا قاعد هنا لانو كان في عوامل تانية أثرت على نفسيتي تجاه الاقليم دا
    من أهم تلك العوامل انو البيوت ضاربة و قديمة و مرطبة و البلد باردة السنة كلها (بالمناسبة انا بحب الجو البارد) لكن عشان تقعد متدفي في البيت لازم تكون جاري heat من جهنم مباشرة
    غير كدة عندهم Oil heaters تافـهة جداً المفروض تكون مشغلوا و خاتيهو قصادك و داخل في sleeping bag و فوق ليك بطانية و تحتك electric blanket و بعد دا كلو اذا اي طرف من اطرفك خارج منطقة التغطية الله قال بي قولك
    نسيت اوريكم انو بعد الكلام دا كلو لازم تكون لابس thermal suit و socks وgloves و beanie . وبعد دا كلو حتجيك فاتورة كهربا قدر الضربة

    ما عندهم central heating system و ما عندهم Laundries محترمة (عندي تي شيرتات مفضلة اتشربت في اول محاولة غسيل بغسالاتهم الضاربة دي) و طالما ما ماعندهم غسالات محترمة فبالتالي مافي dryers محترمة as well
    ديل بيشروا الغسيل في حبال عديييييييييييييييييل , طبعا جاني طمام و قربت اطرش لما شفت المنظر .. حبال الغسيل و الهدوم معلقة (إخخخيييييييييييييييييييي على كدة)
    المهم انا بعترف انو السنة الاولي هنا كانت عبارة عن Big relapse حصلت لي من جراء الفرق الشاسع بين مستوى المعيشة في استوكهولم و مستوى المعيشة في Down Under
    و كل الـ evolution pursuits الحصلت ايام اوربا تقهقرت هنا بامتياز و كلو بسبب النمط البيروقراطي و البدائي مقارنة بهناك
    وسبب تاني اقوى من الفاتو اذا اعتبرنا انو الحاجات الفوق دي كلها luxuries واني مستجد نعمة و الما بتشوفوا في السودان بيخلعك
    السبب هو انو المواصلات هنا تافـهة تفـاهة السنين البص بيجي كل نص ساعة و بعد مرات كل ساعة و في الويكيند كل اربعة ساعات في المناطق البعيدة الممكن تفكر تصلها
    و عادي ممكن تتقطع في حتة و يكون عندك خيارين احلاهما مر , اما تدق الكدر و تمشي لما الله يغفر ليك و برضو ما تصل ,
    أو كمان تطلب تاكسي و يعمل منك بيزنيس السنين وفي رواية أخرى (تملّح) hitchhiking وكدة , يعني حتى المناظر الجميلة ما ممكن تستمتع بيها ما لم يكون عندك عربية
    و اي حاجة غالية هنا و ما في خيارات و الاكل كعب و كلو junky و محل ما تقبل تلقى محل بتاع Fish and Ships ونوع من هذا القرف
    و ما يقولوا ليك خرفان نيوزلندية و أبقار نيوزلندية , من ناحية لحوم لحمتهم كلها دهوون و من ناحية البان الحمد لله ما بشرب لبن , باكل نوع واحد بتاع ذبادي دايت أما جبنتهم جررباااااااانة
    غايتو البركة في الرياضة

    خلاصة اولية
    يا النصري ياخ لو داير تدور مريم دي خليك زول دغري و قول ليها يا مريم ياخي انتي قاعدة في حتة متخلفة و مافي داعي تدخلني في الموضوع
    يعني مش عشان تلوي الحقيقة تقوم تجيب سيرتي ؟
    بعدين من كلامك ده ما مريم براها المقصودة مقصودين معاها ناس محمد طحنية و حمد فتح الرحمن وود الصايم وووو
    يا ناس بالله اي زول طرف السوط واصلوا يقول عووك الموضوع دا لازم يبقى قضية راي عام

    خلاصة أخيرة
    بعد الاطلاع على ما قاله النصري و بالاستناد على تقرير البنك , نرى ان النصري طالما ما حيقدر يثبت انو القروش دي هو ما استفاد منها شخصيا و انو الموضوع عبارة عن احتيال وما ادراك
    و لحدي ما يظهر العكس فانت عندك bad credit history
    سامعني يا ناس مشروع المايقوما , بالله شيلو ارطالكم و زحوا منو بعيد

    النصري ياخ استهدى بالله و رجع للبنك قروشو

    حأجيكم تاني
                   |Articles |News |مقالات |بيانات

30-05-2012, 09:30 AM

Mohammed Elhaj
<aMohammed Elhaj
تاريخ التسجيل: 12-12-2004
مجموع المشاركات: 1670

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    يا غباشي مالك معانا ياخ
    1- الطحنية دي غايتو بي طريقتكم دي بتخلوا الواحد يجيب ليهو "صفيحة" طالما خربانة خربانة
    ياخ قلنا اقلعنا عنهااااااااااااااااا
    2- هسي يطلعوكم من أقاليم متخلفة تجي تقول وفلان وفلان انت ما اهو كاتب ليك معلقة عن بلد الخرفان بتاعتك دي
    3- انت النصري دا قاعد/ ساكن في كندا ولا اخترعا؟؟

    هههههه
    يعني نحنا ف شنو وانتو مشكلتكم انو بتنشفوا هدومكم بي الحبل ولا بي الغلاية
    كريدت كارد ودبت كارد وبايبال ونحنا الا نمشي البنك لو عايزين نقح في حسابنا و ATM اقصي قدر من التقنية في البلد ..


    مبروك النصر المؤزر يا غباشي اي نعم الشغلانية في بلاد الخرفان لكن ما بطالة برضو
                   |Articles |News |مقالات |بيانات

30-05-2012, 11:38 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Mohammed Elhaj)

    والله يا غباشي ما عارفاك حتدافع عن الthesis بتاعتك كيف!!!! يعني ما بتعرف تقنع ليك ضبانة! شابكنا الدمام! اها احنا بننشف الملابس بي LG Washer/Dryer Combo... غسالة ونشافة مع بعض في حتة واحده... تطلع ليك الهدوم حااااااره... وانقر شنو! جونا ولا بارد ولا شي... بس مكسلين ننشر الهدوم!
    بعدين الموشّح بتاعك ده بدل انك ساكن في بلد تعبان جداً، يعني النصري ما غلط عليك لما لمّاك معاي... اصلا هو غلط علي... احنا راكبين سيارة موديل 2008 (وناويين نغيّرها، حاسين بيها قدمت)... رغم انها عروس جديدة حلاتها... وانت بتتبشتن بي المواصلات والملح... ملح، يااااااي سافاج خالص انتو! ومواصلات... يخييييي، public transportation عديل كده... ياخ انتو مساكين بشكل! ياخ احنا ما قادرين يعملوا نظام زي ده في البلد لانه اي زول عنده عربية في بيته، ده لو ما عربيتين تلاته... بيتك المرطّب ده... تعال شوف بيتنا... حدّادي مدّادي... غرفة المعيشة براااااها لولو بتلعب فيها سك سك مع محمود... ياخ حننتني والله وانت مكرفس بالبرد!... كروتك الفرحان بيها دي، الكاش بقلل النقاش... ولا نامت اعين المفلسين..!

    النصري... ما تشتغل بي البردانين ديل....

    محمد... شايفه تهزيئة غباشي ما وجعت قدر الطحنية... يا جماعة حماي ده كان كترتوها معاه انا بعرفه، بمشي بقع في صفيحة طحنية... تعال نشوف ليه لقب تاني بالله... يكون برسل positive vibs

    نجاة.. اعتقد انا حأعمل زيكم وحأقيس بالانش... انا نقصته كيلو لحدي الان.. لكن متوقعة اكتر... لانه زي ما قلت ليكم بحتاج اقيف كم يوم من الرياضة لحدي ما النقصان الحقيقي يظهر... لكن مدام جبتوا سيرة الانشات.. اعتقد حأكتب ليكم عن موضوع التحدي بتاع الشهر الجاي لانه ده الموضوع الاساسي بتاعه...


    العوض هووووووووي... الغتسان ما كويس معاك... انت يا دوب من المؤلفة قلوبهم... تعال ورينا ايامك ماشه كيف؟


    برجع ليكم بعدين بي شمار التحدي بتاع الشهر الجاي
                   |Articles |News |مقالات |بيانات

30-05-2012, 01:04 PM

Mohammed Elhaj
<aMohammed Elhaj
تاريخ التسجيل: 12-12-2004
مجموع المشاركات: 1670

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    يعني يا مريم خلصتو لينا موضوع الطحنية دا فبها والا و انا راجع بشيل معاي صفيحة طحنية لوزة وصفيحة سعد باللوز واقع فيها انا وليلاي فطور غدا عشا والبوست دا الا اجي خاشيهو ذا بيقست وينر
    لا انذر من اعذر هههه
    بالنسبة لي ناس العالم الاول الما داقين فيهو حجر دغش ديل فراس مالنا سكيلد وركرز يا النصري (بالمناسبة قاعد افكر فيها جاااادي مع الدولار القسم ماهيتنا النص دا فايدك معانا يا النصري عشان نجي نلعب معاك طايرة وتنس و نعمل لينا بزنس كارد مش كريدت كارد هههههه) وبالنسبة للامريكان راس مالنا معاهم لوتري وبوستات الخير خير معين
    في موضوع البنوك السودان طبعا لسة في عصور البنوك المظلمة لو عايز تقح تمشي تقح ليهم في الكاونتر
    البنك الستايل في البلد يعني البيخدم الشركات الكبيرة والجيوب الكبيرة لما خلاص بالغ وعمل موبايل بانكينق مفروض تمشي لغاية البنك عشان تعمل اكسسيس لي حسابك ولو نسيت باسويرد تمشي البنك والموبايل بانكينق العينة دا تشوف بيهو الحاصل شنو بس مافي ترانزاكشنز غير انك تشتري كهربا
    العصور الوسطى بس
                   |Articles |News |مقالات |بيانات

30-05-2012, 01:09 PM

Mohammed Elhaj
<aMohammed Elhaj
تاريخ التسجيل: 12-12-2004
مجموع المشاركات: 1670

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    نسيت اقول ليكم انو الهدوم بمجرد ما تطلع من الغسالة بتكون ناشفة ومكوية


    درجة الحرارة الان 47 ضب
                   |Articles |News |مقالات |بيانات

30-05-2012, 04:20 PM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Mohammed Elhaj)

    Quote: والله يا غباشي ما عارفاك حتدافع عن الthesis بتاعتك كيف!!!! يعني ما بتعرف تقنع ليك ضبانة! شابكنا الدمام! اها احنا بننشف الملابس بي LG Washer/Dryer Combo... غسالة ونشافة مع بعض في حتة واحده... تطلع ليك الهدوم حااااااره... وانقر شنو! جونا ولا بارد ولا شي... بس مكسلين ننشر الهدوم!
    بعدين الموشّح بتاعك ده بدل انك ساكن في بلد تعبان جداً، يعني النصري ما غلط عليك لما لمّاك معاي... اصلا هو غلط علي... احنا راكبين سيارة موديل 2008 (وناويين نغيّرها، حاسين بيها قدمت)... رغم انها عروس جديدة حلاتها... وانت بتتبشتن بي المواصلات والملح... ملح، يااااااي سافاج خالص انتو! ومواصلات... يخييييي، public transportation عديل كده... ياخ انتو مساكين بشكل! ياخ احنا ما قادرين يعملوا نظام زي ده في البلد لانه اي زول عنده عربية في بيته، ده لو ما عربيتين تلاته... بيتك المرطّب ده... تعال شوف بيتنا... حدّادي مدّادي... غرفة المعيشة براااااها لولو بتلعب فيها سك سك مع محمود... ياخ حننتني والله وانت مكرفس بالبرد!... كروتك الفرحان بيها دي، الكاش بقلل النقاش... ولا نامت اعين المفلسين..!


    يا مريم انتي شكلك ما فهمتيني .انا ما داير اقنع زول ... انا مقتنع من اول يوم انو البلد القاعد فيها دي متواضعة جداً خصوصاً اذا ما قورنت بالسويد و كندا ,استراليا الجمبنا دي ما سائلة فينا
    بعدين استخدام المواصلات من عامة الشعب و انتظام المواصلات دا دليل على رقي الدولة مش زي الدول المستهلكة الفيها بيكون اكثر من عربية لكل اسرة (اللهم لا حسد)
    رئيس الوزراء و البرلمانيين و البروفيسورات و اساتذة الجامعة في السويد بيستخدموا المواصلات العامة و الكلام ده برضو في المانيا و فرنسا
    بل في الغريب انو في السويد العربية بتكون وبال على صاحبها من ناحية باركنغ و رسوم المرور بحدود وسط المدينة خلال اليوم و كلو للحد من التلوث و الاحتقان المروري في منتصف و نهاية اليوم
    يا مريم ثقافة المواصلات العامة دي مرحلة لسة بدري و ما اظنها تدخل اقليمكم البدائي في نظر النصري
    في السويد برضو كنت ساكن قريب من الجامعة عشان اوفر قروش المواصلات لانو الوقت داك الظروف كانت صعبة و الترشيد مطلوب
    لكن يوم ما اركب المواصلات دا كان يوم المنى التذكرة بتركبك جميع انواع البصات و القطارات و المترو حتى المراكب
    و عندك حلول متعددة و اكتر من خيار اذا ماشي لاي حتة في حدود استوكهولم
    مثلاً المطار ببص المطار حيكلفك قريب عشرين دولار و يوصلك في اربعين دقيقة , الخيار الاسرع انك تاخد القطر الاكسبريس في تلت ساعة بس بما يعادل اربعين دولار
    اما الارخص هو كرت المواصلات العادي و بتركبي بيهو قطر و من القطر بتركبي بص يوديك المطار و الحكاية بتاخد زي ساعة .... شفتي كيف?
    النصري ممكن يديك فكرة عن اهمية المواصلات العامة في كندا مع اني اشك انها تكون زي بتاعت استوكهولم

    نرجع لمدينتنا تاني
    اول حاجة مدينتنا صغيرة لكن مشرورة على طول الساحل السكان فيها حوالي123,000 منهم 25,000 طلبة
    و عشان صغيرة المواصلات فيها عكس ما هو متوقع ما على قدر كدة و ده السبب في انو يا اما تكون عندك عربية يا كمان اضعف الايمان عجلة لكن موضوع العجلة دا موت احمر لانو البلد mountainous
    و بالمناسبة انا لي سنتين و نص في البلد دي و ركبت مواصلات مرة واحدة لما كنت ما شي منطقة جميله اسمها Otago Peninsula
    و لما وصلت سواق البص حزرني يا اما ارجع معاهو بعد ساعة يا اما حاضطر انتظر اربعة ساعات عشان ارجع بالبص اللي بعديهو و ده الخلاني افكر اذا مافي بص الواحد يعمل شنو
    بعدين انتي ليه جارية لحتة اني بملح؟ اول حاجة انا ساكن قريب للجامعة مسافة 900 m من البيت بتاخد مني زي 8 دقايق عشان اصل المكتب
    يعني ما عندي علاقة بالمواصلات و يا مريم ياخ ربنا يفتحها عليكم من واسع و تركبوا موديل السنة بالسنة ياخي
    لكن انا بالنسبة موضة العربات و الموبايلات ما بهتم بيها يعني انا ما عندي سمارت فون لحدي هسع و ما مفكر اشتريهو الا اذا احتجت ليهو شديييد
    و للعلم انا عندي عربية هنا اشتريتها (شيرنغ مع دكتور صاحبي مغربي) قبل اربعة شهور لكن هسع آلت لملكيتي لانو اشترى واحده تانية.
    العربية بعمل بيها الشوبينغ بتاعي و مرات بجي راجع بيها المكتب بعد المغرب لو عندي شغل متاخر
    و في الويكيند ممكن امشي بيها للمناطق الما قدرت اصلها بالمواصلات , بالمناسبة العربية ماركتها مازدا موديل 1997
    زي دي الخالق الناطق


    كلامي ممكن ما ينطبق مية المية في المدن الكبيرة زي ويلينغتون و اوكلاند لكن في النهاية السيستمم واحد و دي مشكلة العيشة في المدن الصغيرة
    السنة الفاتت اضطريت ادفع اكتر من 250 دولار
    عبارة تذاكر سفر بالبص و الطيارة و في رمضان عشان امشي انترفيو في السفارة الفرنسية في ويلنغنتون عشان كنت مسافر تاهيتي (اجازة) و لازم اخد فيزا
    تخيلوا رسوم الفيزا كم؟ 16 دولار , عليكم الله ما حاجة تزعل؟
    هنا مافي بيوت حدادي مدادي (يجيبو ليها تدفئة من وين؟) و السكن هنا نار النار
    اقل studio room بي 120 دولار في الاسبوع دا غير فاتورة الكهرباء
    انا لي قريب ستة سنوات ساكن في اوضة مساحتها لا تتجاوز الـ 18 متر مربع,
    قبل سنتين كنت ساكن في اوضة مساحتها 8 متر مربع عباة عن قفص دجاج
    ما حاكضب لو قلت ليك الكلام الفوق دا كلوا ما فارق معاي طالما انا ساكن قريب من الجامعة لكن البيكرهني حياتي موضوع البرد البايخ دا و في دي بالجد باعتبرهم متخلفين ...
    زمان كان كرهتي في الدنيا انوم بي شراريب هسع بقت مطلب اساسي عشان كدة بقيت ارجع البيت زول نوم بس
    مع انو البيت الساكن فيهو دا يعتبر ممتاز , لحدي هسي ما شغلت الهيتر و للا كمان اكون اتعودت ؟

    خلاصة اولى
    انا بعتبر مستواي اتدهور من اخر يوم غادرت استوكهولم (25/7/2009) لكن هسي حاسي بيهو بقى في الحضيض لما المدينة الساكن فيها تتختى في level واحد مع مدينة مريم انه الهوان

    خلاصة تانية
    انا هنا طالب بيهمني اسكن كويس و اكل و اشرب كويس عشان انجز و بعد داك الله كريم , و بصراحة كدة سيستم الخواجات دا نافع معاي , و اكيد الوضع حيتحسن فيما بعد اذا كان هنا او elsewhere لكن عاد بوبار المغتربين ما بنسويه

    خلاصة تالتة
    انا ما فرحان بي كروتي دي , لانو الكروت دي بقت عادية لكن و طبعا النصري ما بتفوت عليهو كوني اكون قاعد في البلد دي و ما عندي فكرة عن Credit card و Fraud , الكلام دا انا اتعرضت ليهو عشان الشرح و المعلومات العامة و عشان انتي ما تفرحي , و زي ما قلت ليك النصري لما حس بالدرابة طوالي جاب اسمي عشان يخففها شوية, هسي ما حتردي على النصري يعني؟

    خلاصة اخيرة
    يا محمد طحنية طبعاً الاسم فكاهو فيك النصري و قال خلاص بقى اسمك عشان كدة لازم تشوف اسم على حس الـ Fraud و Bad credit بتاعنو ديل , لازم ترد عليهو
                   |Articles |News |مقالات |بيانات

30-05-2012, 04:40 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    محمد الحاج...
    Quote: (بالمناسبة قاعد افكر فيها جاااادي مع الدولار القسم ماهيتنا النص دا فايدك معانا يا النصري عشان نجي نلعب معاك طايرة وتنس و نعمل لينا بزنس كارد مش كريدت كارد هههههه)


    النديك النجيضة، كندا قفلت تب... إلا تشوف ليك وظيفة غير وظيفتك دي... لانه الكنديين بقوا ما بقبلوا ناس IT بكل تخصصاتهم الدقيقة... بقوا عايزين nurses, cooks, drillers, ...... او انك تكون مخطط تمتلك لي مزرعة وتشتغل في الزراعة، او عندك نية تعمل بيزنس فيه لمحة ثقافية، يعني مثلاً مطعم او اي شي يعزز ملمح ثقافي بمثل بلدك الاصلي... أو الخيار الاخير، تمشي تتعلم فرنسي وتمشي هجرة بي ناس Quebec، ومن هنا تزوغ لمدن البتتكلم انجليزي... يعني فرنسي وزوغه ... انا متااااابعة الموضوع ده طبعا... غايته اقع اللوتري بس ما عندك غيره! ولا شوف استراليا، شروطهم اهون شويه....


    غباشي البرّاي

    عليك الله ساكن ليك في اوضة قدر المخزن بتاع بيتنا وجاي تتفلسف.... يعني حسي كان جيتنا زيارة وفرشنا ليك فيها بنكون ما اتلومنا معاك موش... غايته برد مافيها ههههههههههههه....


    Quote: و زي ما قلت ليك النصري لما حس بالدرابة طوالي جاب اسمي عشان يخففها شوية, هسي ما حتردي على النصري يعني؟

    النصري ارد عليه اقول ليه شنو!؟ كندا بعرفها عامله كيف... لكن بلدكم دي انت براااااك جبتها عوجتها لحدي هنا.. مافي زول سألك.. يعني انت عشان تضربني، كان تكتب حسناتها، لكن انت ما لاقي ليها حسنات زاتو!

    عليك الله في زول يشتري عربية شيرينج! والله دي ما سبقك عليها زول.... كان كده النصري خاتي علي انا دي اللماني معاك في كاتيقوري واحده!
                   |Articles |News |مقالات |بيانات

30-05-2012, 05:11 PM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Quote: لكن بلدكم دي انت براااااك جبتها عوجتها لحدي هنا.. مافي زول سألك.. يعني انت عشان تضربني، كان تكتب حسناتها، لكن انت ما لاقي ليها حسنات زاتو!

    بلدنا لي زول جاي من السودان مباشرة او من اقليمكم ما حتفرق معاهو كتير لكن لو كان زي حالاتي حيدبرس, بعدين لازم يكون في شفافية, دا ما بمنع انو البلد دي في حاجات سمحة

    Quote: عليك الله في زول يشتري عربية شيرينج! والله دي ما سبقك عليها زول.... كان كده النصري خاتي علي انا دي اللماني معاك في كاتيقوري واحده!

    هاهاهاهاهاهها دي كانت مرحلة و بصراحة كدة ما بنقدر على موديلات 2008 , النصري زاتو ما سايق 2008
                   |Articles |News |مقالات |بيانات

30-05-2012, 06:01 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    يا اخوانا عندى كم حاجة داير اقولها (اكتبها)
    لكن حسى مشغول بجهز فى مستندات ابعثها لل Credit Beaureau

    بس داير اقول حاجتين سريع

    الاول جاى من الشغل داير اسال من ثنائى النغم لكن لقيت مريم
    ظهرت ..

    الحاجة التانية اتريضت امبارح الثلاتاء نصف ساعة حرقت 407 كالرويز...

    بجى راجع بعد شوية نشوف قصة غباشى دى اخرها شنو
                   |Articles |News |مقالات |بيانات

30-05-2012, 06:00 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    غباشي و مريم بطلوا شكل.
    الطلبة جننونا^_^

    مريوم وينك ؟ مختفية.

    غباشي، يا اخي حياة الطلبة لذيذه. إحنا لما كنا بنقرا كنا برضو في مدينة صغيرة. اكتر من نص السكان طلبة الجامعة
    كنا بندفع 550 دولار إيجار الشقة. فيها اوضتين و صالة و حمام و مطبخ. الانترنت كانت بسرعة الصاروخ^_^ و من ضمن الاجار. و الكهرباء و الموية و الصرف الصحي و التراش و التلفون ( محلي بس) كله في الاجار.
    الغاز بس كان بتجينا فاتورته. و حقيقي البلد اللي كنا فيها من أبرد المناطق في امريكا. و التلج كان بيبدا من شهر 9 لحدى شهر 4 او خمسة. بس التدفئة كويسه جداً. كان عندى محاضرات الساعة 7 صباحا بطلع من البيت الدنيا ضلللللللمة و برجع بتكون لسه ضلام. ايوه الشقة كانت داخل الجامعة عشان كده كنت برجع البيت بين المحاضرات احصل لي مسلسل او اي شيء في التلفزيون ^_^. مع اننا كنا شوية اسر عربية لكن طالبنا بقناة عربية في الكيبل ( ايوه الكيبل برضو ملح مع الاجار) قاموا عملوا لينا اى أر تى امريكا.
    كان عندنا عربية عمرها ذي 10 سنوات كده. و كورية كمان. و ما بنستعملها الا في الويك اند. ايام الاسبوع المواصلات ملح في كل المدينة. تحوم المدينة كلها في بص نظيييييف و مكندش ملح. بس في الويك اند مافي مواصلات.
    و طبعا ممكن تطلع كريدت كارد و تفتح حساب في البنك و تدفع ضرايب ( لو عندك منحة محترمة و قروشها كتيرة ) ذي اي مواطن امريكي محترم.
    كنا فقرا صحيح لكن كانت ايام جميلة. و برضوا ما كان عندنا اصلا موبايلات عادية موش حتي سمارت. و اثناء ما كنا طلبة ما مشينا السودان و لا حتى مرة واحده. ما عندنا اولاد و ما في زول كان شغال بينا. ^_^ الان الجدود و الحبوبات عاوزين يشوفوا أحفادهم، لازم نمشي كل سنة او اتنين. الزمن داك كنا بنحوم في امريكا. مشينا كالفورنيا، مين، نورث كارولاينا، واشنطن دي سي. ياااااه كانت ايام.
                   |Articles |News |مقالات |بيانات

30-05-2012, 06:00 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    عن الرياضة ؟؟؟.
    ماشه كويس. لكن الاكل، اجاركم الله.
    عشان كده ختمنا الشهر حابيب. ما نقصتا و لا زدتا. احتمال نقصتا حوالى رطل أو اتنين

    (عدل بواسطة smart_ana2001 on 30-05-2012, 06:07 PM)

                   |Articles |News |مقالات |بيانات

30-05-2012, 10:54 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    سمارت... والله لي يومين ما قادره اكتب ليك... مشغولة الشغله العادية.. لكن ما لاقيه كلام اعبّر بيه عن تأثري للموضوع الحكيتي لي عنّه، خاصة انه تصادف في نفس اليوم شفته فيديو حأرسله ليك بعد شويه... حاسه اني محتاجه اعمل شي ...


    النصري... انا كنت مشغوله اول امس شويه كده... لكن امس كنت مدبرسه حبّة... الليلة كمان صحيت زهجانه وعكرانه... لقيت خبر بايخ عن مدرسة محمود ولدي واصلا انا زهجانه منها... زادوا الرسوم بتاعتهم رغم انه الquality في النازل عن السنوات الفاتت... فبقيت لازم ألف على كم مدرسة كده عشان اقرر حأنقله (او ما حأنقله) ... وانا اصلا مدرسته دي تعبته لحدي ما قررته اوديه ليها.. ومغيوظه لانه معاهم من عمره تلاته سنين... عنده اصحابه مما كان في preschool.. وما عايزاه يتغير عليه كتير.. رغم انه محمود زول اجتماعي شديد... وسهل جدا يعمل اصحاب، لكن ما عايزاه يتعرض لتجربتي في التنقّل.. عايزاه يكون عنده ذكرياته في حته واحده ملمومه ويكبر معاها... غايته حأقرر المسألة دي خلال الاسبوع الجاي...


    بالنسبة للشهر الجاي... من حسي النوريكم الخطّة... يوم الجمعة حنقيس الوزن ونشوف نتائج الشهر ده... بعداك انا حسيت اني محتاجه لتمارين بتاعت قوّة شويه... لانه انا بنقص لكن حاسه انه شكلي مفروض يظهر فيه اكتر من كده... قياس الوزن ما اعتقد بكون accurate كفاية... عشان كده نخلي الشهر الجاي كله على الinches... يوم الجمعة من الصباح (1/6) كل زول يقيس بي المتر بتاعه محيط الخصر يختار واحده من اليدين... الكرعين.. الرقبة (ايوه الرقبة)... ويسجل الكلام ده كله.. بعداك انا حأقسم الاسبوع لنوعين من الرياضة، تلاته ايام رياضة aerobics او حاجه تزيد من دقات القلب زي الجري بتاعنا ده، دي طبعا الهدف منها تنقيص الوزن... وتلاته ايام تمارين قوّة، دي بتبني العضلات وبتقويها وبتخلي شكل الجسم واضح فيه النقصان... ودي اثرها بظهر في الinches... اها في نهاية الشهر نقيس ونشوف الفرق كم بين الاتنين... انا حأبدا برنامج اسمه Power90... البرنامج فيه فيديوهات حلوه جداً... نوع بتاعت ايروبيكس اسمها sweat... ونوع بتاعت عضلات اسمها sculpt... ومن كل نوع في مستويين.. مبتدئ ومتقدم... وهي ابداً ما ساهله، لكن مدتها 30 دقيقة بس في اليوم.. وانا جربتها قبل كده، وكانت رائعة... حأشرح ليكم عنها... بالتفصيل... وقبل كده انا كتبته عنها هنا...


    لبكره
                   |Articles |News |مقالات |بيانات

30-05-2012, 11:05 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    سلامات يا جماعة
    مواصل في البرنامج الغذائي بتاعي بصورة معقولة... لي يومين من الرياضة لكن الليلة ناوي أتريض إن شاء الله. الشهر الجاي حأواصل لغاية يوم تمنية و بعدها حتبدا إجازتنا الملامحها خلاص اتضحت تقريبا.
                   |Articles |News |مقالات |بيانات

31-05-2012, 05:47 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    قبلما نجى لابن الهامش (على قولة بشاشا) غباشى
    (هامش دول العالم عشان ما تجيب ليها زعل)


    حصلت
    حاجة هذا الصباح خلتنى مبسوط ٢٤ قيراط ..

    طبعا كل يوم بمشى القراش بسوق البص ,,بعمل فردتين
    وبرجع البص القراش ,,
    اليوم حوالى الساعة الثامنة جاءنى احد الركاب وسلمنى
    تلفون جوال من النوع الغالى ,,قال انه وجده فى احدى المقاعد
    الخلفية فى البص ,,,اضاف ان صاحبه لابد ان يحن جنونه بفقده..
    استلمت التلفون ...اتصلت بالادارة لاعلامهم بالامر..
    الاجراء ان اضعه فى ظرف واسلمه لقسم المفقودات ..اذا لم يطالب
    به صاحبه خلال شهرين يمكننى ان اطالب به ....

    التلفون ضرب ..قررت رفع السماعة .... صوت ولع من الطرف التانى
    قالت انا صاحبه التلفون ..من انت؟
    قلت لها انا سائق البص ..قال الحمدلله لله ساقابل عند رجوعك
    الدوان تاون وحددنا نقطة للقاء...
    يبدو انها لخبتت المكان وانتظرنتى فى المكان الخطا ..
    عندما لم تظهر قررت العودة للقراش وتسليم التلفون لقسم
    المفقودات ..
    فى الطريق للقراش سمعت احدهم يصيح فى الراديو بحثا عنى ..
    اجبت ...قالو لى ان السيدة تريد ان تقابلك لاسترداد التلفون..
    مافى مشكلة ..غيرت خط السير للرجوع للقراش

    ووجدت السيدة تنتظرنى فى احدى قلت ..
    ويبدو عليها الوجوم والجزع ...
    وقفت ...ركبت وهى صارة ..قلت فى سرى البنت دى دايرة تغلطنى ولا شنو
    جهزت نفسى لشكلة ...
    ركبت وجات على مندفعة ..انا قلت الظاهر حتجيب لى بونية ولا شلوت

    اللحظة الحضتنتى والله لمن امنت عديل
    قلدتنى قلدة (طبعا انا قاعد فى كرسينى ) وتقول لى شكرا شكرا ....
    اعترفت ليها انو شخص اخر وجد التلفون وسلمه لى ..

    ادتنى قلدة تانية ومشت ...

    دى اول مرة زول يظهر لى مثل هذا الامتنان ....شعور عجيب لا توازيه
    قروش الدنيا كلها ...

    --
    عندى قصتين صغار تانيين واحدة حصلت امبارح نتيجتها احباط صغيرونى

    (عدل بواسطة النصرى أمين on 31-05-2012, 05:56 PM)

                   |Articles |News |مقالات |بيانات

31-05-2012, 11:18 PM

ابن النخيل
<aابن النخيل
تاريخ التسجيل: 13-01-2003
مجموع المشاركات: 549

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلامات لوزرس....

    شايف القياس بقى بالبوصات....لقيتو الميزان ماشغال ..هههههه

    نشوفكم بكرة

    تحياتى
                   |Articles |News |مقالات |بيانات

01-06-2012, 11:08 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: ابن النخيل)

    ازيكم يا لوزرز...

    الحصيلة النهائية للشهر الفات، نقصان كيلو... رغم اني حاسه اني ناقصة اكتر من كده، لكن اعتقد وزن العضلات مأثر... الليلة حأبدأ في البرنامج بتاعي القلت ليكم عنّه... امس طلعت اشتريت اوزان، واشتريت مرتبة للتمارين... اصلاً عندي اوزان كيلو... اشتريت لي اوزان 2 كيلو..عشان بعد فترة ازيد الاوزان بتاعتي...


    الليلة التمارين هي تمارين الsweat... مدتها 30 دقيقة...


    لبعدين بجيكم راجعه، الليلة يوم مزحوم
                   |Articles |News |مقالات |بيانات

01-06-2012, 04:50 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    سلام يا جماعة
    وزنت اليوم و صراحة الميزان جهجهني... أداني قرايات متذبذبة بين 175 و 170 رطل المهم بالنسبة لموضوع المايقوما حأعتبرها 170 رطل بالنسبة لحساباتي حأعتبرها حاجة في النص كدا يعني زي 173 رطل.
    مبروك الكيلو النقصتيه يا مريم و في انتظار البقية.
                   |Articles |News |مقالات |بيانات

01-06-2012, 10:20 PM

ابن النخيل
<aابن النخيل
تاريخ التسجيل: 13-01-2003
مجموع المشاركات: 549

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    سلامات لوزرس.....

    نقصنا اتنين كيلو فى اخر اسبوعين من شهر مايو ولله الحمد والمنة....


    وزنى الان 93 كيلو....


    العدد الاجمالى منذ ان بدأت معكم 10 كيلو....

    فضل لينا 8 كيلو بعون الله

    بناء على الحساب اعلاه مفروض اصل للوزن المطلوب بنهاية يوليو

    تحياتى
                   |Articles |News |مقالات |بيانات

02-06-2012, 05:06 AM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: ابن النخيل)

    سلام لوزرس ....
    الخسارة غير متوقعة .....
    بارطل وبالبوصة ماعارفين نحسبه كيف....
    3 ارطال و9 بوصات دى حصيلة الشهر كلو !!!!!
    يا اهلنا ناس كاتبة بالكيلو والكيلو اكتر من الرطل وحدوا لينا الصفوف ...
    فى انتظار باقى اللوزرس.
                   |Articles |News |مقالات |بيانات

02-06-2012, 06:33 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    الارقام لا تكذب (ولكنها تتجمل)
    بالرغم من الارقام مخيبة جدا ولاترقى للتوقعات الا ان الاهم
    ان النفسيات ممتازة جدا والشعور بالرضا عن النفس لا يمكن وصفه....
    قبل يومين كنت ااهاظر مع احد الزملاء لتنسابق للجرى للحمام والبصل
    اول يستعمله اول .. فاجانى وقال لى انه وجد العداد ده فى البص ...

    قلت له دى فرصة تقيس الوسط بتاعى ..قال لى ان العداد من المعدن
    وقد لا يكون صحبح مائة فى المائة .... اخذ مقاسى وكانت النتيجة ٤٧ بوصة....
    بعد انتهاء الوردية ذهبت مخصوص لاحد المحلات لشراء عداد يستخدمه الخياطون..

    وعند القياس وجد الخصر 46 ...مفاجاة غير متوقعة .. البنطلون اللابسه مقاسه
    42 وهو الان اصبح واسع جدا وصرت ارفعه كل مرة ...
    ما عارف الحقيقة وين ... الارقام تقول ليس هناك تغيير والواقع يقول
    ان مقاس البنطلون هو 40 .....

    كحل وسط قررت ان النقصان هو بوصة واحدة وهى ما يعادل 5 دولار ...

    بالنسبة للميزان نفس الشئ ....القراءة تقول ان الزيادة طفيفة لكن
    الواقع يقول العكس ...

    قررت مجموع النقصان طوال الشهر 3 ارطال وهى ما يعادل 15 دولار

    المجموع الكلى عشرين دولار
                   |Articles |News |مقالات |بيانات

02-06-2012, 02:59 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    ازيكم يا لوزرز....

    النتائج ما رهيبة، ما عدا نتيجة ابن النخيل لانه يادوبه بادي... الناس وصلت لمرحلة ثبات كده... لكن مافي داعي نتضايق... اهم شي الاستمرارية واننا نواصل في تحدي أجسامنا عشان تنقص زيادة... امس بديت برنامج Power90 وعملته اول عشرة دقايق، جاني اتصال من زولة عزيزة طولته منها شديد.. كان لازم أوقّف.... بعداك انشغلت، لكن بالليل طلعته اتمشيت مع الاولاد.. وعوّضته الوقت الما كمّلته ... الليلة عملته النص ساعة بتاعت الsculpt ومعاها تمارين Abs... الاكل في جغمسه بسيطه كده، بس nothing serious... التركيز الشهر ده على اللإنشات ما على الوزن... لانه الرياضة بتنقص انشات اكتر من الوزن... والميزان ده مخستك انا متأكده، لانه شكلي بقول اني ناقصة لي اقل شي تلاته كيلو... طبعا ببين في الملابس... امس لبسته لي بنطلون، احتجته ألبس معاه حزام...

    يا نجاة، انا نقصته كيلو، يعني رطلين ونص بحسابكم... ونقصته 1 inch خلال الشهر الفات ده... يبقى الtotal 3+1*5.... علي 20 دولار لأطفال المايقوما...
                   |Articles |News |مقالات |بيانات

02-06-2012, 05:49 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    لوزرس شهركم سعيد....
    Quote: يا نجاة، انا نقصته كيلو، يعني رطلين ونص بحسابكم... ونقصته 1 inch خلال الشهر الفات ده... يبقى الtotal 3+1*5.... علي 20 دولار لأطفال المايقوما...

    مبروك يا مريوم الكيلو والانش مكسب كبير فى شهر الثبات العالمى ....
    االنصري اهم شي احساسك بالنقصان مرات الميزان بديك نتائج مختلفة ودى حصلت لى فى يوم واحد جربتة تلاتة ميازين فى اماكن مختلفة والنتيجة مختلفة بفارق 3 ارطال.......
    بعدين فى معلومة قالوها لى ناس البرنامج بتاع LA Weight Loss انو بتفرق كتير مواعيد الوزن من الصباح والضهر والليل وأكيد كلامهم مقنع وعلمى ومجرب ......
    الصباح بقولوا كل المعارك بتاعت التمثيل الغذائى والهضم بتكون انتهت والجسم والوزن الحقيقى اول ماتصحا من النوم توزن ....
    المهم حتى لو مافى اي خسارة او زيادة طفيفية برضو مكسب وح نستمر فى المراقبة من أجل صحتنا ودا يكون شعارنا الدائم...
    عندى إقتراح نواصل كل شهر يكون شهر للمنافسة بالانشس دا تشجيع للرياضة انش واحد فى الشهر مكسب الوزن بالارطال يعلن عنه فى وقت فى الشهر ..... النتيجة النهائية تكون يوم 2 من كل
    شهر.....
    مافى منافسة بالقروش خالص ودى عشان طبيعتنا كا سودانين اى حاجة تدخل فيها قروش معناها مخستكة .....
    لكن نتيجة الشهر الماضى محسوبة بالفكة بتاعتة يعنى انا 3 ارطال و9 انش معناه 12 *5 =60
                   |Articles |News |مقالات |بيانات

02-06-2012, 09:25 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    ياخوانا هوي.... انا قاعده اكل في قراصة بي عسل وقشطة ومعاها كباية شاي مظبوووووطه....

    FYI
                   |Articles |News |مقالات |بيانات

03-06-2012, 04:24 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    فعلا يا نجاة الواحد ما يتاثر بارقام الميزان لانها تكون
    محبطة ومدمرة للمعنويات وبتعمل تشويش للزول ..
    اهم شئ الواحد يركز على الهدف بتاعه ويكون دائما فى حالة
    تقدم للامام حتى لو كان التقدم ده ضئيل جدا .....

    ---
    لغاية دلوقت عشرين دولار من النصرى
    عشرين دولار من مريم
    ستين دولار من نجاة
    المجموع حتى الان مائة دولار
    فى انتظار اسمارت والعوض و ابن النخيل...
                   |Articles |News |مقالات |بيانات

03-06-2012, 05:24 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلام يا النصري
    أنا حأعتبر نفسي نزلت حداشر رطل لغرض حساب تبرعات المايقوما. يعني 55 دولار.
    بالنسبة للمسابقة حأعتبر نفسي نزلت تمنية أرطال. زي ما اقترحت سمارت قبل كدا أحسن حاجة حساب الوزن الناقص بالنسبة المئوية أنا نقصت في الشهر تمنية أرطال يعني حوالي 4.42% من وزني.
                   |Articles |News |مقالات |بيانات

03-06-2012, 05:44 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    ما اظن نقصتا شيء لكن خلوني اقول نقصت حوالي رطلين. :(
    خلينا نقول 10 دولار.


    مفروض اكون جاده شويه.
                   |Articles |News |مقالات |بيانات

03-06-2012, 06:20 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    يا جماعة تصحيح بالنسبة للمسابقة أنا نقصت التمنية أرطال في أربعين يوم لكن في الشهر نقصت ستة أرطال يعني 3.31%. بالنسبة لأطفال المايقوما يظل الرقم كما هو.
                   |Articles |News |مقالات |بيانات

03-06-2012, 07:42 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    النجددددددددددددددددددة... والله يا جماعة بنفقع بالاكل بعد ده.... والله يدي اليوم كله في خشمي... شوفوا ليكم حل!


    يا سمارت، فتشي لينا app زي حق تحالف كاودا داك، عشان اول ما امشي على التلاجة اكلمك...
                   |Articles |News |مقالات |بيانات

03-06-2012, 08:58 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    لوزرس كيفنكم.......
    النصرى دى حقيقة طالما مراقب أكلك وبتتريض دا مكسب كبير جدآ....
    مريوم من امس اكل فى الباسطة عندنا تخريج وسماية فى مدينتنا ...
    قلت لى نفسي المولد دا مرة فى السنة أضربي وأمشي اتريضي ود الحصل.
    يا أهلنا انا عندى طلب ، عاوزة موافقت الجميع ياخى فى بوست مناشدة لشاب عندو لوكيما وحكى معانتو انا عاوزة اتبرع ليهو ب 50 والعشرة تمشى المايقوما عشان شكلو بربى ليهو فى عيال ' البوست دا منزلاهو نجلاء بالفيديو كدى ادخلوا وشوفوه ..... ربنا يديم الصحة والعافية للجميع والله تعاطفتة معاهو لدرجة بعيدة.
                   |Articles |News |مقالات |بيانات

03-06-2012, 09:27 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    55 من العوض
    عشرة دولار من اسمارت

    المجموع الكلى 165 دولار ,,,

    مبلغ معقول جدا .....

    طيب نوصل القروش كيف ?

    انا بقترح كل زول يعمل تحويل رصيد بتاع تلفونات (طبعا بعد كل زول
    يوصل مساهمته السودان)


    غايتو يا نجاة ماعارف اقول ليك شنو ...السودان مليان بالنماذح
    الماساوية .....

    طيب ايه رايكم نوصل القروش دى 165$ لنجلاء سيداحمد ...تشيل 50 دولار لاسرة
    المريض والباقى 115$ توصله لادارة المايقوما
                   |Articles |News |مقالات |بيانات

03-06-2012, 10:51 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلام يا جماعة
    موافق على اقتراح نجاة. بالنسبة للحاجات دي أنا ماشي السودان إن شاء الله خلال الشهر دا. الإجازة القلتها ليكم الشي الأساسي فيها حيكون مشي السودان حنقيف كم يوم في المشية في فرنسا و كم يوم في الرجعة في السعودية إن شاء الله.
                   |Articles |News |مقالات |بيانات

04-06-2012, 03:53 AM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    Quote: موافق على اقتراح نجاة. بالنسبة للحاجات دي أنا ماشي السودان إن شاء الله خلال الشهر دا. الإجازة القلتها ليكم الشي الأساسي فيها حيكون مشي السودان حنقيف كم يوم في المشية في فرنسا و كم يوم في الرجعة في السعودية إن شاء الله.

    شكرا الاخ العوض ...
    النصرى كلام جميل جدآ نرسل القروش وال 50 يدوها للشاب بتدفع ليهو إيجار شهر ...

    تسلموا جميعا وفى ميزان حسناتكم ....
    يا اخوانا عندى مفاجأة ... قابلتة زول مهم شوفتو شوف عين وبسلم عليكم جميعا أنقروا منو؟؟؟؟؟؟؟؟؟؟

    أنقروا منو؟؟؟؟؟؟؟؟؟؟
                   |Articles |News |مقالات |بيانات

04-06-2012, 04:57 AM

ابن النخيل
<aابن النخيل
تاريخ التسجيل: 13-01-2003
مجموع المشاركات: 549

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    سلامات لوزرس....

    شنو قفلتو على موضوع القروش بالسرعة دي.....مشاعل الويكند وا كدا

    طيب انا نزلت 8 كيلو وهى 10 رطل فللمايقوما50 دولار

    تحياتى
                   |Articles |News |مقالات |بيانات

04-06-2012, 06:51 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: ابن النخيل)

    يا ابن النخيل ياخ انت صايط الدنيا بعود..
    ارقامك كلها البتختها فى البوست ده دايرة مراجعة...
    مرات تكون قاصد ارطال وتكتب كيلوهات ومرات العكس..
    انا زاتى كنت زيك كده ملخبت وجايط و مجهجه ناس البوست.....

    Quote: طيب انا نزلت 8 كيلو وهى 10 رطل فللمايقوما50 دولار

    ياخ انت نزلت 8 رطل فقط وليس 8 كيلو
    ال 8 كيلو معناتها 20 رطل ,,,,

    طلع اربعين ونبقى حبايب ....
    ----------

    يا نجاة انا عرفت انتى قابلتى منو؟

    اول حرف من اسمه .....ا ب ت ه ا ل

    صاح؟
                   |Articles |News |مقالات |بيانات

05-06-2012, 02:23 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    Trend

    ملاحظة غريبة .... كل اسبوع الاداء بتاعى جيد جدا فى بداية الاسبوع
    ويبدا يتدهور رويدا رويدا حتى يتوقف تماما نهاية الاسبوع...
    مثلا الاثنين من كل اسبوع الرياضة مضمونه بنسبة 100%
    الثلاثاء 90%
    الاربعاء 80%
    الخميس تصل ل 50%
    الجمعة 20%
    السبت والاحد صفر فى المائة,,,,,
    على كل انا راضى عن الوضع ده لانه على الاقل يضمن لى يومين رياضة كل اسبوع
    على الاقل وباقى الاسبوع الرزق تلاقيط ...

    اليوم اتريضت نصف ساعة حرقت 407 كالوريز..

    ------
    العوض انا حارسل ليك العشرين دولار عن طريق الايميل(زى المرة الفاتت)
                   |Articles |News |مقالات |بيانات

05-06-2012, 09:15 AM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    ازيكم يا لوزرز

    امباح كنا مقيلين انا والاولاد عند عمّي... طوّلته منّه شديد... وبالذات من زوجته لي منها مما ولدت لولو... كنت مبسوطه ومتحمسه للمرقه عشان حأسمع تعليقات حلوه ... طبعا اصلا انا مشتاقة ليهم شديد... وفعلا زوجته رفعت لي معنوياتي... من الباب لاحظت الفرق وعلّقت لي.. واليوم كله تسأل فيني عملته شنو.. معنوياتي ارتفعت شديد ... وبشكل عام ما لخبطته في الاكل يوم امس ده... لي يومين من الرياضة، لكن الليلة ناوية ان شاء الله حأتريض الليلة رغم انه يومي زحمه... لأني طالعه الشغل، عندي امتحان بتاع مادة حقتي، لازم امشي احضره... ولما ارجع حيكون عندي تصحيح كمان... لكن حأتريض يعني حأتريض....

    بالنسبة لموضوع القروش، ما عارفه يا النصري عندك paypal ولا لأ... لأنه لو عندك انا ممكن ارسل ليك القروش بالcredit card لحسابك ... وكده يكونوا عندك كلهم.... كدي اكّد لينا النقطة دي عشان لو اتجمعت القروش كلها، بتكون احسن.... اما فيما يخص نعمل شنو، انا موافقة على التقسيمة الكتبتها نجاة... والله يعين الناس، والله في مآسي حاصلة...

    على صعيد آخر... حاجزييييييييييييينكم لما تجوا السعودية.... احنا قاعدين ما مسافرين أي حتّه... عليكون الله ما تجوا تمشوا ساي... ان شاء الله غشوه...


    قو لوزرز....
                   |Articles |News |مقالات |بيانات

05-06-2012, 01:21 PM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Salam all and wish you all are well
    Quote: لأنه لو عندك انا ممكن ارسل ليك القروش بالcredit card لحسابك

    To prove to him that you really have a credit card in use, looool
    Like shdeeeeed, what a proper show off
                   |Articles |News |مقالات |بيانات

05-06-2012, 01:32 PM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: ابن النخيل)

    Quote: طيب انا نزلت 8 كيلو

    Well done Ibn Elnakheel, keep up the good work
    This is going to turn somebody into a nut
                   |Articles |News |مقالات |بيانات

05-06-2012, 03:36 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: غباشي)

    Quote: To prove to him that you really have a credit card in use, looool
    Like shdeeeeed, what a proper show off


    شوفوا الناس المعقّدين بنتبهوا لشنو... غاااااااااايته لكن!
                   |Articles |News |مقالات |بيانات

05-06-2012, 05:12 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    لوزرس سلام .......

    Quote: يا نجاة انا عرفت انتى قابلتى منو؟
    اول حرف من اسمه .....ا ب ت ه ا ل
    صاح؟


    100% صاح يا النصرى قابلتة ابتهال جات لفلادلفيا لوداع صاحبتها .....
    مشكورة سألت منى ومشيت ليها عند صاحبته ....
    زولة ظريفة جدآ ووناسة خالص ......
    شكرآ النصرى للبوست الظريف والمفيد .....
    ابتهال طلعت بتعرف هاجر اختى وزارتنا فى بحرى زماااااان ....
    اتونسنا وشربنا شاى لبن ومعاهو بسبووووسة عاملاها ابتهال شخصيا ههههه.
    وكمان مرسلين ليها ناعم ياالنصرى لمن مهروس اكلنا الناعم برضو ونسينا لبوست خالص....
    المهم بتسلم عليكم وقالت عشان البسبوسة والناعم ما ح تدخل قريب لكن النية موجودة ونتمنى دخولك قريبآ يا ابتهال.
    انا مريضة من امبارح موعوكة شوية ما مشيت الشغل عشان كدا مافى جديد .....
                   |Articles |News |مقالات |بيانات

05-06-2012, 08:53 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    والله يا النصري طلعته حريف!!!
    عليك الله ابتهال بسبوسه كيفها؟ والله الزول اشتاق ليها ولقفشاتها ولطيبة روحها... غايته من حسنات البوست ده انه عرّفني على ناس كتير ما كنت منتبهه ليهم في البورد ...

    ابتهال ياخ اظهري، حتى لو سمنتي تعالي لينا، والله اشتقنا ليك....

    ألف سلامة يا نجاة، ما تشوفي شر ان شاء الله... شرّك مقسّم ....


    عملته رياضة، weight lifting+ ab work... لمدة نص ساعة... غايته القحه ولا صمّت الخشم... مشيت الجامعة الليلة، وقابلته تلاته ناس طولته منهم شديد... التلاته لاحظوا اني نقصته وزن كتير.. فرحته شديد.... وقررت اشد حيلي اكتر عشان اوصل للوزن الانا عايزاه.... انا ما مديه نفسي زمن معيّن... لكن عندي target weight عايزه اصل ليه قبل رمضان... لانه في رمضان احتمال كبير ألاقي أهلي، وعايزه افاجئهم...


    Go Go Go
                   |Articles |News |مقالات |بيانات

05-06-2012, 10:19 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Quote: عملته رياضة، weight lifting+ ab work... لمدة نص ساعة... غايته القحه ولا صمّت الخشم..

    مريوم القحة عندك دا مهم جدآ للشكل العام انتى عارفة عشان كدا الناس الماشافوك من زمن شافوا الفرق كيب يت أب ....
    Quote: ألف سلامة يا نجاة، ما تشوفي شر ان شاء الله... شرّك مقسّم ....

    الله يسلمك من كل شر.
                   |Articles |News |مقالات |بيانات

05-06-2012, 10:20 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: مريم بنت الحسين)

    Quote: عملته رياضة، weight lifting+ ab work... لمدة نص ساعة... غايته القحه ولا صمّت الخشم..

    مريوم القحة عندك دا مهم جدآ للشكل العام انتى عارفة عشان كدا الناس الماشافوك من زمن شافوا الفرق كيب يت أب ....
    Quote: ألف سلامة يا نجاة، ما تشوفي شر ان شاء الله... شرّك مقسّم ....

    الله يسلمك من كل شر.
                   |Articles |News |مقالات |بيانات

06-06-2012, 00:16 AM

ابن النخيل
<aابن النخيل
تاريخ التسجيل: 13-01-2003
مجموع المشاركات: 549

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Nagat Sid Ahmed Elshiekh)

    سلامات لوزرس....

    يا النصرى شكرا للتنبيه لكن هن اربعة كيلو يعنى 9 ارطال

    لكن طالما قلنا 50 دولار اعتبرهم عشرة ارطال وحاندفع 50 دولار

    تحياتى
                   |Articles |News |مقالات |بيانات

06-06-2012, 04:03 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: ابن النخيل)

    يا مريم ..حسابى بتعال البى بال لى منه زى عشرة سنين كده ما استخدمته
    ولو حاولت اعمل ليهو تفعيل حيسالونى اسئلة نكير.....
    بالنسبة لى اسهل احول العشرين دولار لياسر واخلص.....

    ناس امريكا ممكن يجمعوها عند زول واحد (اسمارت ونجاة وابن النخيل)
    اما انتو فى السعودية فالتحويل ساهل للسودان ...

    --------
    الحمدلله اتريضت لليوم الثانى على التوالى نصف ساعة حرقت فيهم ٤٠٧ كالوريز

    --------------
                   |Articles |News |مقالات |بيانات

06-06-2012, 05:04 AM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    النصري انا قروشي قاااعده في السودان.
    بس العوض ( مشكور مقدما) يرسل لي تلفونه في السودان و في زول ح يضرب ليه و يصله في محله ( ان شاء الله ) و يديه القروش.
    قلت ليك قبل كده اخوي رسل لي قروش هدية للأولاد جوه ناس ال أف بي اي. اسمارت دي منو و حكايتها شنو؟ عشان كده ماشه عديل شديد في مواضيع تحويلات القروش.

    راجيه العصابة تنوم عشان امشي اتريض. دعواتكم
                   |Articles |News |مقالات |بيانات

06-06-2012, 05:51 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: smart_ana2001)

    سلامات يا جماعة
    خلاص العد التنازلي للإجازة بدا أو في الحقيقة قرب ينتهي. حنغادر يوم السبت إن شاء الله إلى فرنسا و بعدها إلى السودان. طبعا ما متأكد برنامج الرياضة حيكون كيف في فترة الإجازة لكن مواصل هنا و حيكون آخر يوم للرياضة بكرة و حأوزن نفسي و أحاول ما أزيد أو على الأقل ما أزيد كتير في الشهرين الجايات بإذن الله. قبل ما أسافر حأوزن نفسي و أول ما أجي حأوزن و حأخت خطة للتخلص من أي زيادات في أسرع فرصة إن شاء الله.
    والله يا نجاة أنا برضه خمنت ابتهال... أول فكرت إنك تكوني لاقيتي سمارت لكن لمن قلتي بتسلم عليكم قلت أكيد حتكون ابتهال لأنها مختفية. سلامنا ليها. قلتي لي بسبوسة و ناعم ساكت... بالهنا إن شاء الله.
    مبارك يا ابن النخيل النزول و ربنا يسهل و تصل لهدفك إن شاء الله.
    النصري اللخبتة زي بتاعة ابن النخيل عادية كل ما أرجع لأول البوست و لخبتتنا أضحك. ياخي ما تجيب لينا أخبار يونس شلبي.. الحصل عليه شنو؟
    شفتي يا مريم تعليقات الناس دي بترفع المعنويات كيف؟ الحاجة الوحيدة الما بحبها نظرات الشفقة من بعض الناس و سؤال آر يو أوكي؟ في ناس كدا طوالي ماشين للمصايب الله يكفينا شرهم :). والله أتمنى نقدر نقابلكم في السعودية المشكلة حنصل في رمضان و حنكون في الرياض و منها كم يوم في العمرة و الزيارة و كدا ربنا يسهل إن شاء الله. ما شاء الله برنامجك ماشي تمام.
    غباشي بختك بقيت خريج تجي تضحك و تمشي. إن شاء الله الأمور كلها ماشة تمام.
    سمارت إن شاء الله قدرتي إتريضتي بعد الجماعة ناموا. أول ما أصل السودان برسل ليك تلفوني إن شاء الله و ننسق.
    براجع في المداخلة لقيتها كلها إن شاء الله... دي من الحاجات الاتعودت عليها من الوالدة الله يديها الصحة و العافية ما بتحب أصله الزول يتكلم عن حاجة في المستقبل إلا يقول إن شاء الله... بشعر بيها بتتضايق شديد لمن نعمل كدا فاتعودنا عليها و أظنها عادة كويسة.
                   |Articles |News |مقالات |بيانات

06-06-2012, 06:06 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: Elawad)

    والله ما شاء الله الواحد ما يسحر روحه ...بالرغم من عناد
    الميزان واحباطاته لكن والله المعنويات فى السماء ...ما اظن تانى الزول
    يقع فى الحفرة العميقة ديك لانى اتعلمت من التجارب .....
    اول درس هو مهما تغيب من الرياضة اجد لنفسك العذر واوعدها
    بالرجوع للرياضة فى اقرب فرصة ...
    الدرس التانى خليك متاكد مائة فى المائة انك حتواجهه احباط لانه
    جزء اساسى من الحلقة...
    استعد ليهو واقبله كامر واقع واتعامل معاهو كحالة طارئة حتما حتزول

    ____

    عملت تمارين البطن ,,,,, البنطلون مقاس 42 بقى مالص عديل بقيت ماشى زى
    الامريكان الافارقة الشباب كل شوية ارفعه لفوق
                   |Articles |News |مقالات |بيانات

06-06-2012, 09:14 PM

ابن النخيل
<aابن النخيل
تاريخ التسجيل: 13-01-2003
مجموع المشاركات: 549

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: النصرى أمين)

    سلامات لوزس.....

    والله اختنامريم فى الويكند الفات كنا ماشين لى جماعة اصحابنا بس اشوف ليك العلامة بتاعت واحد يبيع عسل النحل..بس بدون ما اشعر لقيت العربية لفت...لقيتم يصفو فى العسل وا طوالى قلت ليهم عاوز جالون يعنى اربعة لتر
    اها هسى معانا الجالون وفى الويكند ماشين نجيب القشطة وربك يهون....

    يا اختنا نجاة حمدلله على السلامة...وكفارة البيك يزول...

    اخونا النصرى ما معقولة فرحان بى ال 42 واخوك هسى لابس ال 38 يعنى داير ليك سنة ضوئية عشان تصل ال38 دى...

    اخونا العوض تحياتى ...اجازة سعيدة .. لكن لاتحلم بعالم سعيد فى اجازة السودان دى... انا فى اجازتى الفاتت امى الله يديها الصحة والعافية..لمان كنت بقول ليهم كبو ليا نص معلقة فى الشاى...بعد ما يجيبوهو لى تجيب سكرها وتجى تقول لى الشاى المر دا بيقطع قلبك وتصر على اضافة سكر وانا اقوم اجبى بى خاطرها....اها هسى القروش دى تصلك كيف ؟؟؟ رقم حساب... منى اوردر...ولا بى بال..كلمنا...

    يا اخوانا نحن هنا لكى نشجع بعضنا البعض مداخلاتى ارجو ان تفهم فى هذا الصياغ

    تحياتى
                   |Articles |News |مقالات |بيانات

06-06-2012, 10:45 PM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 04-03-2011
مجموع المشاركات: 3222

للتواصل معنا

FaceBook
تويتر Twitter
YouTube


Re: Sudaneseonline Biggest Loser (Re: ابن النخيل)

    لوزرس سلام ....
    Quote: يا اختنا نجاة حمدلله على السلامة...وكفارة البيك يزول...

    شكرا ابن النخيل وما تشوف شر ...
    والله لكن 9 ارطال ما ساهلة تب كيب يت اب.
    Quote: والله يا نجاة أنا برضه خمنت ابتهال... أول فكرت إنك تكوني لاقيتي سمارت لكن لمن قلتي بتسلم عليكم قلت أكيد حتكون ابتهال

    تسلم العوض......
    والله قابلتها واتونسنا ونسة ذى البنعرف بعض من سنين ...
    إجازة سعيدة تمشى وتجي بالسلامة ...
                   |Articles |News |مقالات |بيانات


[رد على الموضوع] صفحة 13 „‰ 15:   <<  1 2 3 4 5 6 7 8 9 10 11 12 13 14 15  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de