|
|
 حوار سريع مع squeegee (مشرد يمسح قزاز العربات فى الاشارة الحمراء)
|
امبارح استخدمت كل مهاراتى السايكلوجية لكسر الحاجز وصنع جو فرايحى
مع احد المشردين فى مدينة كالقرى البرتا كندا ....
يسمون هذا النوع من المشردين squeegee لانه ينظف زجاج العربات فى
الاشارة الحمراء على امل ان يحصل على "شوية فكه" من سائق السيارة..
بدات حديثى مؤكدا اننى مقدر العمل الشاق الذى يمتهنه ...
بعدها بدات فى الاسئلة
كيف الشغل اليوم ؟
قال كويس ومابطال
قلت ليهو معليش من السؤال الطفيلى لكن بتعمل كم من
الشغلانه دى ؟
قال لى مرات برجع البيت ب 400 دولار ..
نططت عيونى كم؟؟؟
قال 400 دولار ..
قلت ليهو مستحيل ...
قال لي فى جو زى ده ما برجع البيت باقل من 200 دولار ...
قلت ليهو مستحيل !!!!!
قال لى مبتسما الاشارة الحمراء انا بمسح فيها 3 عربات ...
قلت ليهو كويس ...
قال لى على الاقل فى واحد من التلاته سواقين بدفع ..
قلت ليهو اوكى ...
قال لى الاشارة الحمراء زمنها حوالى دقيقتين...
قلت صاح ..
قال لى فى كم اشارة حمراء فى الساعة؟
قلت زى بليون
ضحك وقال ما قلت ليك ...
اضاف انو بشترى جالون بتاع منظف الزجاج washer flued
قلت ليهو اكبر مبلغ استلمه كم ؟
قال 100 دولار عندما نظفت الثلج الجامد من قزاز احدى العربات ودرجة الحرارة
كانت 30 تحت الصفر ...
الصورة من قووقل
قصة
|
|
 
|
|
|
|
|
|
|
|
Re: حوار سريع مع squeegee (مشرد يمسح قزاز العربات فى الاشارة الحمراء) (Re: فخرالدين عوض حسن)
|
الفرق يا فخرى انو الناس ديل فى السودان مجبورين على كده
وتقريبا لم يترك لهم خيار اخر ..... المعايش جبارة وكل واحد
مضطر يوفر لقمة العيش لنفسه ولاسرته ....
ناسنا الهنا ديل ما مجبورين ...هى خيارات اختاروها بانفسهم..
لديهم بدائل كثيرة و مصادر للدخل والحياة الكريمة لكنهم
اختارو حريتهم وعدم تقيدهم بشروط المجتمع ....
تحدثت مرة مع احد المسئولين فى احدى مراكز المشردين ..قال لى
ان بعضهم لا يرغب فى السكن فى بيت ويستقر ويفضل التنقل والمبيت
فى الشارع .... قال لى انهم حاولو تسكنين بعضهم فى شقق مفروشة ودفع
كل الفواتير ولكن الطبع يغلب على التطبع ......
طبعا ده لا يقلل من اهمية عامل المخدرات والعنف المنزلى ....
| |
|
|
|
|
|
|
| |
يسرى معتصم
احمد معتصم الطيب
فخرالدين عوض حسن
فيس بوك
تويتر
انستقرام
يوتيوب
بنتيريست