...وإصطكّينا بين حشود المُصطكّين...

مرحبا Guest
اخر زيارك لك: 03-28-2024, 06:04 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة النصرى أمين(النصرى أمين & Elnasri Amin)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-28-2008, 01:09 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
...وإصطكّينا بين حشود المُصطكّين...

    البلد كلها مُصطكيه..

    حكومه ما عارفه بالظبط بتعمل فى شنو؟

    ناس الحركه الشعبيه شغالين يبنوا فى "بلدهم" وبقزقزو فى الشمال

    احزاب معارضه فى عالم تانى

    حركات دارفور اختلط الحابل بالنابل

    .شعب حيران ومستسلم ومصطكى شر الاصطكاكه..



    بعدين يا مرتضى حكاية نرجع السودان دى ... نعيش ونشتغل ... انساها خالص ...
    احتمال نرجع بعدييييييييييين لمن العيال يكبرو وننزل المعاش ونصبح رواكيب ساكت لا بتودى لا بتجيب..

    وده فى حد ذاته احساس مؤلم لعدم استطاعتنا خدمة البلد الربتنا وعلمتنا "بالمجان"

    البلد اصبحت غريبه وعجيبه والاحساس بالغربه و فقدان "الكَمسترى" بينك وبين الناس يلازمك طوال فتره وجودك ..

    الشئ المدهش انك تحتاج لوسيط سودانى لقضاء احتياجاتك...

    مثلا....

    اذا اردت شراء فاكهه عليك بالاستعانه بخبير محلى لاتمام البيعه غير ذلك سيقوم البايع بمحاولة غشك واستنكاحك

    واذا لاقدر الله واحتجت لاكمال خدمه عند احدى الاجهزه الحكوميه فعليك بتجهيزمبالغ محترمه لرشوه المسئوليين فهم ايضا عندهم عيال عايزين يربوهم زيك (حسب وجهة نظرهم)

    البلد ماشه بسياسه "القلِع" وكل واحد وشطارته فيها.. حتى المرور وزى ماقال شهاب انو حركه المرور فى السودان تقوم على نظريه فريده اسمها "الحِته الفاضيه" فكل سائق سياره او ركشه او لورى له الحق فى دخول وامتلاك تلك "الحته الفاضيه" اذا سبق الاخرين فى استحوازها ....

    البلد عجيبه يا صديقى العزيز .الامل ضعيف ويكاد يكون معدوم لبناء امه حديثه لان اهم مكونات البناء هو العامل البشرى وهو معدوم تماما ومعظم الوظائف يتم التعيين فيها بالعلاقات الخاصه والولاء الحزبى


    الجيل الجديد نشا وترعرع تحت ظل مبادئ "القلع" و" الحته الفاضيه" من المستحيل الاعتماد عليه فى عملية البناء..
    امبارح قمت بقراءة احدى الصحف المحليه واستوقفنى حديث لعلى عثمان محمد طه يخاطب فيه شباب المؤتمر الوطنى ويطلب منهم ان يكونو قدوه لباقى الشباب ..بصراحه لم اتمالك نفسى من ابتسامه "شامته"

    عشان كده طوالى تلقانى بفكر فى مستقبل السودان ومنو الببنيهو!

    نحنا مرقنا (واكون اكثر شجاعه واقول زقنا) مثلنا مثل الملايين فعلو نفس الشئ .اتخارجوا.. مما ترك البلد فى ايدى الجهله ومعدومى الخبره والموهبه(من النوع الذى يؤمن باهمية دراسة الجدول (
    Feasibility Study )

    منو الببنى البلد دى يا صديقى؟ منو؟ منو؟

    دعنى احلم شويه..

    انا اتولى وزاره التربيه وتاخد انت وزاره الماليه و الصناعه والتجاره(كلهم مع بعض)

    اول حاجه حاعملها انا تخصيص ربع ميزانية الدوله للتربيه والتعليم وجعل التعليم الحكومى اكثر جازبيه من التعليم الخاص..

    لمن كنت فى مدرسة بيت المال الاوليه فى السبعينيات كان يجلس فى نفس الكنبه ابناء الاثرياء والفقراء بدون تمييز..ابناء حى الملازميين الراقى (حينها) وابناء حى القماير الفقير فى نفس الفصل يتشاركون كتاب المطارعه ويتبادلون مجلات ميكى وبطوط وتان تان

    الان اختلفت الصوره تماما ...قامت الدوله..بقصد وتعمد... ببناء سور عملاق بين ابناء الجيل الواحد فالاغنياء لهم مدارسهم الخاصه والفقراء ليهم الله والمدارس الحكوميه البائسه ......

    هذا السور العملاق ستظهر اثاره فى المستقبل القريب فى جيل لا يعرف التسامح والاخاء وحب الخير للغير .وقد لا اكون متشائما اذا قلت ان الكراهيه والمراره ستتولد عند معظم ضحايا الفاقد التربوى


    وانت اول حاجه(اتوقعك تعملها) تدير اقتصاد البلد زى ادارتك للميز بتاعنا داك

    (هل تزكر الصودا C & C

    كل قرش داخل او مارق من ميزانية الدوله تكون عارف قصته شنو

    وعليك الله بالمره شوف لى عساكر المرور ديل ودفاترهم الما بتخلص دى



    للحديث بقيه والصور جايه
                  

01-28-2008, 01:57 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10754

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    النصرى امين؟
    زمن من كتاباتك الشفافة
    ومن حديثك المليان
    حمد لله على سلامتك
    ومرحبا بك بيننا
    وما تطول الغيبة

    الموضوع الذى طرحته جدير بالاهتمام
    خاصة التعليم
    فلقد درسنا مجانا
    وكنا كما تفضلت نجلس بنات وزراء وبنات مساكين جنبا الى جنب
    بالعكس كان من يدخل الى المدارس الخاصة يكون خجلا من مواجهة اقرانه
    من الذين يدرسون فى مدارس الحكومة
    الان كل شئ اختلف
    بل اختل
    وشاب البلاد ما شابها من انهيارات طالت كل مرفق

    مرة تانية الف مرحب بيك حبيبنا
                  

01-28-2008, 04:00 PM

kamal ali
<akamal ali
تاريخ التسجيل: 06-21-2007
مجموع المشاركات: 362

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)


    النصرى
    ـــــــــ

    فى البدايه اسمع القصه دى وبعدين نتسالم :

    الهادى الضلالى قبل كم سنه عمل عملية عيون كبيره كاد ان يفقد بصره فيها ولكن

    الله لطف , بعد خروجه من المستشفى تقاطر عليه كل اهل ام درمان من جميع الاتجاهات

    ( ليتحمدلوا) له السلامه ,, وكان ايامها صلاح ادريس قد بدأ فى الظهور مستخدما المشاهير

    من الفنانين ولعيبة الكوره ونجوم المجتمع فى تحقيق ذلك , ولم تكن تربطه اى صله

    بالهادى الضلالى ولايعرفه حتى ,, ولكن عندما سمع بعملية الهادى الضلالى ارسل له مبلغ

    عشره مليون جنيه مع غازى سليمان , مؤازرة له فى محنته ونوعا من الدعايه التى كان

    يسعى اليها ,, المهم اخونا الهادى طبق المبلغ الذى كان حينها مبلغا كبيرا , وكان

    وقتها لم يسمع بصلاح ادريس ,, وبعد ان تعافى بدأ يبحث ويسأل عن هذا الرجل الذى نفحه

    بهذا المبلغ الكبير دون سابق معرفه ,, ومرت حوالى سته اشهر دون ان يستطيع مقابلته .

    وفى يوم ونحن بمقابر احمد شرفى لدفن رجل البر والاحسان ابراهيم طلب ظهر صلاح ادريس

    وقمت بتنبيه الهادى الضلالى وارشاده للمكان الذى يقف فيه صلاح ادريس فما كان من الهادى

    الا وان ذهب مسرعا وعانقه قائلا يأخى سيدنا موسى قابل ربو فى اربعين يوم , انا سته

    شهور ماقادر الم فيك .. وانفجر الحاضرين ضحكا بالرغم من وجودهم فى المقابر .

    معليش سقت هذه المقدمه الطويله فعلا لاننى مستغرب لوجودى بالمنبر قرابة السته اشهر

    وماللامى فيك , وحتى انك ماظهرت الا اليوم ,, عسى المانع خير ,,

    علمت من كتابتك انك زى الكنت فى السودان , والغريبه انا جاى من السودان قبل ثلاثه

    اسابيع ,, ولم اسمع بوجودك ,, لكن كما قلت السودان بقى بلد العجايب ,,, كيف المدام

    والوليدات ,,

    شـايفك بتوزع فى الوزارات فبالله انا عاوز فقط وزارة البترول , عشان تشوف بعدين وزارتك

    بتاعة التربيه والتعليم دى حتكون كيف ,, ومش حارجع ليك زمن بيت المال الابتدائيه

    وبس ده انا حأخلى ليكم المدارس كلها وادى سيدنا وطقت وحنتوب ,,,

    تحياتى وتقبل سلام الاخ عادل والمصيبه انو بقى مدمن سودانيز اون لاين بالرغم من

    تحذيرك له ,, تحياتى ,,,
                  

01-28-2008, 04:25 PM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    النصري آمين
    كيفنك يا اخوي
    و الله سالين عنك كثير وافتكرناك اتجمدته في البرتا.
    بركه الانت طيب.


    وكمان زي ما قالوا الاخوة شكلك جاي مغبون من السودان
    ربنا يعينك بلد زيارتها لم تعد تورث الا الغبن.




    فكرتك جميلة وكلنا معك فيها دعنا نتخيل الكفآت المشردة
    دي رجعت وكيف ستستطيع تقديم البلد؟؟!!


    عارف يا النصري يا اخوي رغم احزان الهجرة ...لكن لها محاسن يعني خبرات خرافيه
    اكتسبها السودانين بالمهاجر فقط نتمنى ان تتاح لهم فرصة العوة لبناء بلادهم.


    ومعك سنتابع.
                  

01-28-2008, 07:48 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: Tragie Mustafa)

    النصرى امين؟
    زمن من كتاباتك الشفافة
    ومن حديثك المليان
    حمد لله على سلامتك
    ومرحبا بك بيننا
    وما تطول الغيبة



    شنو يا ولد قنالك الحاصل وإنت عامل كشيف المهم نعناعى



    منصور
                  

01-28-2008, 10:07 PM

kamal ali
<akamal ali
تاريخ التسجيل: 06-21-2007
مجموع المشاركات: 362

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: munswor almophtah)



    منصور والنصرى !!!!!

    نصبت عيناى لكم شركا فعز تصيدكما ,,,

    معقوله ( سيدالرايحه يفتش خشم البقره ) منبركم هذا مراح كامل ولكنه مراح يحفل

    بكنوز من نوع اخر ,

    النصرى
    ـــــــــــ

    موضوعك اثار شجونى , كما اثار حزنى , شجون على الايام الخوالى وان روحك الجميله

    مازالت وان اكتست بما شاب الوطن من احن ومحن , لماذا لم تجعل طريقك عبر الدوحه هذه

    المره ,,,

    منصور
    ـــــــــ

    تابعت بشغف مساديرك ,, اخر لقاء لنا كان قبل عشرين عاما بالتمام والكمال , لكنك

    موجود فى القلب ومنقوش فى الذاكره ,صورة بروفايلك نفس منصور بتاع اولى ثانوى محمد

    حسين . ( يعنى كنت مقرش ) ؟ بطل استهبال وورينا ماذا فعل الزمان بك . ( عادل سالم )
                  

01-28-2008, 11:36 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: kamal ali)

    العزيز عادل سالم ياخ كيف حالك وأشواقنا لك محيط يا رجل ويا لها من زلزلة ذرت بنا فى أصقاع الدنيا أيدى سبأ ومازالت الأرواح تحن إلى بعضها على الرغم من لقيانا فى خواتيم الثمانيين إلا أن صورتك فى زهنى هى تلك وأنت تدير محلا بالمحطه الوسطى وأظنها أموال كمال آنئذ ويا ليتك أحسنت إستثمارها وظللت فى ذلك الوطن مواكبا لواقعته ووالله يا عادل هنا فى كندا وطبعا كندا تلاجه يا رجل ولكن للسنين فعلها بيدأ أنك ستتعرف على دون أدنى تفكير وليس بين الصورة فرق كبير لا بل أكثر شبابيه ياخ عرفت منذ أمد من النور الزين ومعتصم كباشى بإقامتك بالدوحه وحثيتهم لمدى بأسباب الوصول إليك ولكنهم أبوا يا عزيز لظرفهم وطبعا لمحتك فى الإحتفاء بالشاعر فضيلى وكنتم من أشبعه أنسا وودا وتمنى وأثنى عليكم ثناء من يعرف الفضل يا أهله وكنت أتابع دوما أخبارك ومن منابع شتى وهل كمال هذا هو كمال سالم أم أنك تكتب بذاك الإسم ولكن الصوره شبيهه بك غير أنها ليست لك الحمد لله الذى زوى لنا الأرض حتى نرى بعضنا بعضا ومن مختلف مناحيها ولكى نتواصل يا ظريف هذا إيميلى
    [email protected] وسأسلمك ما تبقى من أسباب النفوذ إلى

    لك التحايا وطبعا هاشم على بأميركا وعادل الجاك أبونضارات كذلك
    ولكم عظيم السلام


    منصور
                  

01-29-2008, 01:09 AM

Elbagir Osman
<aElbagir Osman
تاريخ التسجيل: 07-22-2003
مجموع المشاركات: 21469

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: munswor almophtah)

    النصري

    البركة في الشوفة

    وصفك
    عميق
    ودقيق


    و

    واصل


    الباقر
                  

01-29-2008, 07:22 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: Elbagir Osman)

    الاعزاء
    سلمى
    كمال سالم
    تراجى
    منصور
    الباقر
    شكرا لمروركم الكريم
    ساعود للتعقيب على مداخلاتكم
    بس خلونى ابل شوقى للبلد الحنينه دى......

    النصرى من مدينه وادمدنى

    (عدل بواسطة النصرى أمين on 02-11-2008, 12:42 PM)

                  

01-30-2008, 05:44 AM

heba Elmahi
<aheba Elmahi
تاريخ التسجيل: 01-21-2008
مجموع المشاركات: 1508

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    اخوي النصري المغبون مالها البلد ما كويسة و في امان الله بس ساي انتوا دايرين تشيلوا حس الحيكومة دي ? ماك سمعت خطبة المسعول داك للشعب السوداني ، أها كدي اسمعها عشان ما تقطع في الحكومة ساي
    المجلس الوطني في اجازة ( خطاب للشعب السوداني )
                  

01-31-2008, 09:32 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: heba Elmahi)

    الاخت هبه الماحى
    مرحب بيك فى البورد..
    انا ما عارفك شايته على وين وللاسف لم استطع فتح اللنك المصاحب لمداخلتك لضيق الوقت
    ان شاء الله اجيك صادى



    امدرمان

    (عدل بواسطة النصرى أمين on 01-31-2008, 09:34 PM)

                  

01-28-2008, 04:32 PM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)
                  

01-30-2008, 01:26 AM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: Tragie Mustafa)

    -
                  

02-01-2008, 01:16 AM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    اما هذا الجزء يا النصري يا اخوي من كتاباتك فلم يترك لي سوى الدموع لانه الحقيقية:
    Quote:
    لمن كنت فى مدرسة بيت المال الاوليه فى السبعينيات كان يجلس فى نفس الكنبه ابناء الاثرياء والفقراء بدون تمييز..ابناء حى الملازميين الراقى (حينها) وابناء حى القماير الفقير فى نفس الفصل يتشاركون كتاب المطارعه ويتبادلون مجلات ميكى وبطوط وتان تان
    Quote: يا لها من ايام؟؟؟ندفع عمرنا وترجع ثاني.


    Quote: الان اختلفت الصوره تماما ...قامت الدوله..بقصد وتعمد... ببناء سور عملاق بين ابناء الجيل الواحد فالاغنياء لهم مدارسهم الخاصه والفقراء ليهم الله والمدارس الحكوميه البائسه ......

    هذا السور العملاق ستظهر اثاره فى المستقبل القريب فى جيل لا يعرف التسامح والاخاء وحب الخير للغير .وقد لا اكون متشائما اذا قلت ان الكراهيه والمراره ستتولد عند معظم ضحايا الفاقد التربوى

    بالله لم تقل الا الحق وويلنا يومها من نتائج التباين الطبقي المؤلم.

    تخريمه:

    سامحني يا النصري قفلت البوست بلا قصد.


                  

02-01-2008, 03:29 AM

عزالدين محمد عثمان
<aعزالدين محمد عثمان
تاريخ التسجيل: 07-13-2006
مجموع المشاركات: 1268

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    سلام يالنصري
    ليك وحشه ..كيف الاولادعساكم
    بخير من 40 تحت الصفر بتاعة البرتا
    يعني بي كلاامك ده ما امشي السودان
    ولا شنو؟؟
    عندي فكره اسلم على الاهل باقي طولنا
    ومنها جايينكم في البرتا حضروا حالكم..
    تحياتنا لناس سانت كاثرينز الزمان
    ولكم مودتي
    عزالدين
                  

02-01-2008, 03:49 AM

Tariq Mohamed Osman

تاريخ التسجيل: 03-23-2007
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    النصرى
    سلام

    دى ذى ماقال
    القدال
    شمله كنيزة
    هى تلاتية
    وقدها
    رباعى
                  

02-01-2008, 06:06 AM

Saifeldin Gibreel
<aSaifeldin Gibreel
تاريخ التسجيل: 03-25-2004
مجموع المشاركات: 4084

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: Tariq Mohamed Osman)

    1000 مليون مرحب بالنصري امين... وفى انتظار انطباعاتك عن البلد...
                  

02-01-2008, 01:04 PM

نصار
<aنصار
تاريخ التسجيل: 09-17-2002
مجموع المشاركات: 11660

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    sorry

    (عدل بواسطة نصار on 02-01-2008, 01:05 PM)

                  

02-01-2008, 01:05 PM

نصار
<aنصار
تاريخ التسجيل: 09-17-2002
مجموع المشاركات: 11660

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    العزيز النصري امين
    حمد الله سلامة و بركة القريناك طيب
    و الله انك في البال لكن البال شارد و محتار
    و انا اليومين دي عندي تلباثي قوية خالص, لا اذكر عزيز غايب الا حضر بشكل او اخر..
    الحالة عايرة لكن بتفتر و تبطل فنجطة
    ح نعمل علي تصريمها و اسراجة و اذا لم تزلل لنا فلعقبنا
    دي اكيدة ما فيها شك
    و العتمة قد بلغت مداها و ما بعدها الا الصبح المنير
    وقع اللحظة ثقيل علي النفس يؤسرها حتي تظن ان لا بعدها و تنسي ما كان قبلها..
                  

02-01-2008, 06:47 PM

AnwarKing
<aAnwarKing
تاريخ التسجيل: 02-05-2003
مجموع المشاركات: 11481

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    على سبيل التحية والاشواق
                  

02-02-2008, 09:54 AM

إسماعيل حميم
<aإسماعيل حميم
تاريخ التسجيل: 07-19-2005
مجموع المشاركات: 2251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: AnwarKing)



    خارج النص:
    يا عم النصري
    يا أخي والله ليك وحشة
    لي فترة كنت غائب من المنبر لمن جيت إتلفت يمين وشمال ما
    شايفك قلت الزول إعتزل ولا شنو ، قربت أفتش عليك بي بوست
    الحمد لله الظهرت

    بس قول لي إنت في البلد البارد ديك ولا معانا؟؟؟
    والله المرة دي لو جيت ورجعت من غير ما نشوفك !!
    تيقى عمله شينة خلاص !!!!

    داخل النص:
    موضوع البلد دي كبيييييير
    مالك علينا وذكريات بيت المال الحنينة
    الله المستعان

    إهداء لحين اللقاء

    الشعب السـوداني بين مطرقة العمالة الأجنبية وسندان البترول



    إسماعسل حميم



    .
                  

02-02-2008, 10:24 PM

Sabri Elshareef

تاريخ التسجيل: 12-30-2004
مجموع المشاركات: 21142

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    النصري ان شاء الله ود اختك يقرا البتكتب فيهو شايفليهو عمارة وكم كوبري وابوهاو يشكر ليهو في البلد وهو مصدق

    خليهو الي الان ما فكه ليهو قروش لا زال في كنف الضيافة يوم بكرة قريب
                  

02-06-2008, 11:43 AM

إسماعيل حميم
<aإسماعيل حميم
تاريخ التسجيل: 07-19-2005
مجموع المشاركات: 2251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: Sabri Elshareef)




    فوق لحدي ما يجي سيد البوست يرد لينا
                  

02-11-2008, 12:03 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    الاخت الكريمه سلمى
    Quote: الان كل شئ اختلف بل اختل
    وشاب البلاد ما شابها من انهيارات طالت كل مرفق


    بعد زيارتى القصيره للوطن اصبحت على قناعه تامه انو لايمكن اصلاح ما افسده الدهر
    وان سنين طويله من الفساد واللامبالاه والكسل والفوضى والاحباط وعدم المسئوليه هدمت كل مقومات
    بناء دولة حديثه "منظمه" وللاسف كل الاجيال القادمه ستسير فى نفس الطريق بسبب سياسة الدوله التعليميه


    شكرا جزيلا لسؤالك عنا

    كل الود والاحترام
                  

02-11-2008, 12:04 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    منصور المفتاح

    خلى الفصاحه وجهز قروش "النعناع"


    15 دولار
                  

02-11-2008, 12:18 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    الصديق العزيز كمال سالم على
    والله مشتاقين
    Quote: تحياتى وتقبل سلام الاخ عادل والمصيبه انو بقى مدمن سودانيز اون لاين
    بالرغم من تحذيرك له


    قول ليهو خم وصر ..بس اوع تأثر على شغلو !!
    سودانيزانلاين تمثل جزء اساسى فى حياة كثير من الاعضاء والقراء وتشغل حيز كبير من تفكيرهم
    وده شئ خطير ولن اتردد من تسميته ب " حالة مرضيه" من نوع جديد ...

    السودان بلد عجيب جدا ....
    برغم الحركه الاقتصاديه المهوله وكمية "القروش" الحايمه فى السودان الا ان البلد فى حاله استسلام
    كامل للاسواق الصينيه الرخيصه التى تفتقد الجوده والسلامه
    يمكننى تشبيه السودان باحد الاصدقاء الذى يقوم بشراء معظم احتياجاته من
    Dollar Store حيث يباع كل شئ بدولار واحد
    حكت لى احدى قريباتى انها طلبت من السباك تركيب "حنفيات" جديده للبيت واشترطت عليه
    شراء اجود الانواع من السوق ولا يهم السعر لانها تعبت من "التصليح" كل مره ..
    برغم ذلك استمرت المشكله ولا ذالت المواسير "تنقط" الى يومنا هذا



                  

02-11-2008, 12:36 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    الاخت الفاضله تراجى
    يسال عنك الخير ...
    اهو قعدنا واستقرينا فى بلدتنا الجميلة الانيقه كالغرى ..
    كنت فى السودان وكانت درجة الحراره حوالى 37 بينما هى فى كالغرى -37
    فرق عجيب حسدنى عليه اصدقاء العمل ....

    Quote: عارف يا النصري يا اخوي رغم احزان الهجرة ...لكن لها محاسن يعني خبرات خرافيه
    اكتسبها السودانين بالمهاجر فقط نتمنى ان تتاح لهم فرصة العوة لبناء بلادهم.


    لو عادت كل الكفاءات للبلد بالتاكيد حيحصل تحسن واضح فى مستوى الخدمات لكن طالما جذور المشكله كما
    هى لن يحدث تطور سليم معافى ..

    الجيل الجاى كان الامل الوحيد .... الاوحد

    الان هذا الجيل فى حالة ضياع كامل و لا يرجى منه الكثير
                  

02-11-2008, 12:40 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    الصديق العزيز مرتضى ساتى بروشستر نيويورك

    الف حمد لله على السلامه ..

    والله اوشكت ان ابكى عند سماعى الخبر ...

    كن بخير
                  

02-11-2008, 10:05 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    الصديق العزيز محمد عثمان ابريش
    شكرا جزيلا لرفع البوست
                  

02-12-2008, 11:48 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    العزيز عزالدين

    يتطلب الذهاب للسودان استراتيجيه صارمه يجب التقيد بها

    اولا ما تشيل قروش فى جيبك (يعنى تمشى طرزان)
    القروش مفروض تمشى لاماكن صرفها الضروريه مثل مساعده الاهل و المحتاجين من المعارف..
    لو فى جيبك 100 مليون حتكمل فى لحظات بدون ان تشعر ..البلد غاليه جدا ..اغلى من كندا ..المائه دولار لا تسوى
    شئ ....

    القاعده الثانيه ...اذا ما عندك الاف مالفه من الدولارات ما تطول الزياره .. يعنى تقعد على قدر قروشك ..
    بصوره عامه تحتاج لحوالى الف دولار للاسبوع .. يعنى الشهر باربع الف دولار .وده المتوسط وربما تحتاج لاكثر من ذلك ...
    لحسن الحظ الناس بدوا يكتشفوا انو ناس كندا مكسرين وما عندهم حاجه مقارنه باخوانا فى امريكا ..انا كنت بقول ليهم احنا
    مهاجرين ولسنا مغتربين (ما عارف اذا كلامى ده مقنع ليهم ولا لا )

    المهم ..
    سافر السودان وتعال راجع بمعنويات جديده ستساعدك كثيرا فى فك طلاسم ولاية البرتا الثريه
    ونحن فى انتظارك

    تحياتى لنا سانت كاشرين ورينا يرفعهم من الخور
                  

02-13-2008, 00:05 AM

Raja
<aRaja
تاريخ التسجيل: 05-19-2002
مجموع المشاركات: 16054

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    النصري يا صديق..

    ألف حمد لله على السلامة..
    يعني لو ما الـ Facebook كان الزول زمااان عمل نشرة :أبحثوا عن.. "

    إن شا الله المقام يطيب ليك وأسرتك في البلد..

    سعيدة بعودتك للمنبر..
                  

02-13-2008, 00:05 AM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    الاخ الكريم الباقر عثمان

    اظن انك فى كندا مثلى..
    لو ذهبت فى زياره للسودان ستشعر بالفرق الشاسع ...
    كل الصفات السيئه ستجدها فى المواطن السودان
    الحل الوحيد هو صناعة جيل جديد سوى وصحى ومنتج ..
    جيل لا يعرف الكسل والتراخى والفوضى وعدم المسئوليه ...
    جيل يعرف النظام ويحترم القانون ويحارب الرشوه والمحسوبيه والفساد ..

    وحسب النظام التعليمى الموجود ليس هناك ضئيل امل فى تحقيق ذلك ..

    السودان مبشر بانهيار اخلاقى وسلوكى فظيع فى السنين القادمه

    ربنا يستر

    كل الود
                  

02-13-2008, 00:10 AM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    الاخت الكريمه هبه الماحى
    دخلت وبمزاج للبوست المرفق لمداخلتك
    وبعد اكمال قراءته اكتشفت انك لست بكاتبته..
    طبعا هنا فى البورد اى زول معروف شايت على وين واكبر فريقين معروفين
    هما مع الحكومه او ضدها ( ومن كتاباتى واضح جدا اننى ضدها)

    اها انت مع منو؟

    شكرا جزيلا على حضورك البهى و اتمنى ليك اقامه طيبه
                  

02-13-2008, 00:23 AM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    الاخ الكريم طارق
    الف مرحب بيك فى ديارنا البوستيه
    شرفت

    Quote: دى ذى ماقال القدال
    شمله كنيزة هى تلاتية وقدها رباعى


    السودان عباره عن لغز غامض يجمع متناقضات عجيبه ...
    مثال ....

    يمتلك احد اقربائ مصنعا فى الخرطوم ...
    اكتشفت ان معظم العمال من بنقلاديش ..
    كانت مفاجاه وعندما ناقشت احدهم حول هذه الامر اقتنعت ان هذا شئ طبييعى ومنطقى ..
    الشئ الذى اثار حفيظتى ان كثير من الشباب يفضل العطاله(البطاله) بدلا من العمل فى هذه المصانع المصانع

    (قريبى فى كندا كان يعمل فى مزرعه لتربيه الصارقيل حتى يتمكن من دفع رسوم الدراسه)

    دى قدها خماسى مش رباعى

    قصه بايظه شديد

    وحالتو ده شباب منتظرنو يبنى الوطن ....
                  

02-13-2008, 00:41 AM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    الاخ العزيز سيف الدين جبريل

    للاسف الزياره كانت قصيره ..كان تركيزى كل الوقت حول الناس كيف يفكرون وكيف يقضون يومهم
    ما هى مشاكلهم الاساسيه وهموهم واحلامهم ....
    اتفق الجميع ان الحياة صارت قاسيه جدا جدا وشبهها احدهم بالطاحونه ...وان الحكومه رفعت يدها تماما عنهم

    مثال ....
    اصبح معظم الناس ينامون فى الغرف بسبب الباعوض الشديد ..وبالتالى يسخدمون المراوح (والمكيفات) وهذا فى حد زاته
    صرف اضافى للطاقه..

    يتفق الجميع ان الباعوض قدر مكتوب ولا يمكن الهروب منه ..وهو جزء اساسى من حياتهم ...لا بد منه
    حالة بتاعت استسلام عجيبه تجاه الباعوض وقد استفادت الجهات المسئوله من هذه الوضعيه وتركت الامر
    كما هو لسنين طوال ...

    الغريب فى الامر اننى حاولت المستحيل لمعرفة اماكن توالد الباعوض حيث لم ارى اى مياه راكده او خيران
    وعند السؤال اجد اجابات مختلفه ..بعضهم يعتقد ان الباعوض يتوالد فى اماكن بعيده ويتنقل حيث يسكن الناس
    البعض يعتقد انه يتوالد فى حفر السايفون و(الادبخانات) ..البعض الاخر يظن انه يتوالد فى خيران تحت الارض

    فى رائئ الشخصى لو صرفت الحكومه جزء بسيط من صرفها البذخى فى محاربة الباعوض لنالت رضا بعض
    الناس (لا اعتقد انها يهما رضاءهم ..يهمها فقط انصياعهم واستسلاههم )
                  

02-13-2008, 00:53 AM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    العزيز نصار
    Quote: و الله انك في البال لكن البال شارد و محتار


    طالما نحن فى بلاد الغربه دى البال حيظل شارد و محتار ....

    اذكر اننى بعد زيارتى الاولى للسودان بعد غياب 14 عاما شعرت بطاقه عجيبه وروح معنويه
    عاليه جدا ..شعرت زى الاتولدت من جديد ..قمت على الفور باستغلال الحاله الغريبه واستنفرت قواى
    واقدمت على خطوات جريئه اجدنى احصد نتائجها الان .....كل ذلك بسبب زياره قصيره للوطن ...

    الان قررت ان لا اغيب اكثر من سنتين لاننى احتاج لوقود يساعدنى على تحريك عجلة الكفاح اليومى
    فى الغربه

    كل الود
                  

02-13-2008, 00:57 AM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    العزيز انور

    الف مرحب بيك


    شكرا على مرورك الكريم ورفع البوست
    لغيابى عن المنبر لفتره طويل لا اعرف اين استقريت
    هل ماذلت فى كوريا ام رجعت للسودان !!



    كل الود
                  

02-14-2008, 02:12 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    اسماعيل حميم ياحبيب

    ما عارف ابدا من وين ..ابدا من الاعتذار او الشكر ...

    اعتذار لاننى لم اتمكن من الاتصال بك اثناء وجودى
    وشكر لحراستك للبوست ....

    الصديق الوحيد الذى تمكنت من ملاقاته هو ياسر سلمان جعفر
    وقد كان لقاءا حارا اوشكت الدموع ان "تترقرر" ...
    اما بقيه الاصدقاء لم اتمكن من الاتصال بهم لضيق الوقت ...


    منى ليك جائزة الصبر الذهبيه لصبركم الخرافى وبقاءكم فى السودان فتره التسعينيات العصيبه
    حيث كان الحكومه زى "كلب الحر" تعضى اى زول و "تسك" اى شئ

    الان اعتقد ان الوضع قد تحسن نسبيا (من ناحيه اقتصاديه) وظهرت كثير من الوظائف الجيده ....

    تحياتى للجميع خاصه اسماعيل حامد
                  

02-14-2008, 03:30 PM

عزالدين محمد عثمان
<aعزالدين محمد عثمان
تاريخ التسجيل: 07-13-2006
مجموع المشاركات: 1268

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    اخي العزيز النصري
    تحياتي لك وللاسره ولجميع اهلنا بي هناك

    شكرا على النصائح واصلا زي ما انت
    عارف ناس سانت كاثرينز مقشطين
    والمصيبه الاكبر اني بدرس في كلية نياغرا
    وما قادر اشتغل ولو ساعه.. ومن الكليه على المطار
    عدل لو ربنا هون..اما البرتا فالامل معقود ان
    تسير الامور كما نشتهي حتى نصلكم..
    ولك مودتي
    عزالدين
                  

02-14-2008, 06:47 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    سلام يا صبرى

    قريبى فعلا شايف الحكومه دى اشتغلت وصلحت البلد وهو معجب جدا بالكبارى والشوارع والعمارات ...

    اديهو شهرين تلاته ونشوفو حيقول شنو لمن يعيش معاناة الناس ..ودور الكبارى والشوارع فى درء المحن
    والامراض التى تصيب البسطاء ....

    مصيره يقتنع ويرجع شارد ويشوف جيرسى سيتى الجنه نفسها

    قروشو قربت تكمل ....كده ننتظر رائه وهو مفلس ...

    تحياتى لناس بهناك
                  

02-14-2008, 06:54 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    سلام يا رجاء

    شكرا للترحيب والسؤال ..

    ال FACEBOOK قادم بقوه وقريبا كل الجماعه البدخلو البورد حيكونو بهناك .....

    وهذه دعوه للجميع للتسجيل فيه على
    http://www.facebook.com

    هو موقع جيد ويمكن ائتمانه على كلمات السر لدخول الهوتميل والياهو وغيرها من المواقع

    مرحب بكل الاصدقاء ويمكن اضافتى ..اسمى هناك
    Elnasri Amin

    my network
    Sudan

    نشوفك بهناك يا رجاء
                  

02-14-2008, 06:55 PM

النصرى أمين

تاريخ التسجيل: 10-17-2005
مجموع المشاركات: 9365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    عزالدين
    نحن فى انتظارك
                  

03-11-2008, 01:26 AM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ...وإصطكّينا بين حشود المُصطكّين... (Re: النصرى أمين)

    فوق....وننتظر البقية.
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de