|
|
 Re: مداخلة عن يمهل ولا يهمل وأختيار الرؤساء (شوقي بدري واخرين ... اخوالبنا (Re: Abo Amna)
|
الاخوه ابوامنه و تاج السر
شكرا علي البوست . كما كنت اقول دائما في ناس كتار بقولو هم اصحاب شوقي بدري لكن عبدالرحمن عبد الحميد عثمان ده انا صاحبو. بس شبهينا و اتلاقينا التعيس و خايب الرجا . عندنا قاسم مشترك اعظم بعزقة المال و نقعد نتمحن . و ليس له منزل في السودان و انا ما عندي ترتاره.
في السبعينات عبدالرحمن كان عندو بيت من اجعص البيوت في الدنمارك باعو و مشه السعوديه الليله براحه بجيب تلاته مليون دولار . كان متعاقد مع الدنماركيين البنو و ادارو مستشفي الجذام ، دخله كان 45 الف ريال في الشهر و زوجته انقر و هي طبيبه من النوع البكتب كتب الطب كانت تعمل معه و برضو مفلسين . بالمناسبه عبدالرحمن عنده اربعه او خمسه تخصصات .
من الاجابات لماذا نحكم نحن بأسوأ البشر ، كيف يعاني عبدالرحمن عبدالحميد و شوقي بدري و كثير من السودانيين من الازمات الماليه و المطبات و الحياه الغير المنظمه و لماذا لا نزال نبحث عن راحة البال ناهيك عن راحة الجسد . و انا اعرف مئات السودانيين الذين عملوا و كدوا في السودان و بلاد الغربه و ماتوا بدون ان يمتلكوا منزلا يقام لهم فيه عزاء .ينقصنا النظام و الانضباط و حسن الاداره . و علي كل حال سأعود باسهاب الي هذا الموضوع .
شوقي
|
|
 
|
|
|
|
shawgi badri
فيس بوك
تويتر
انستقرام
يوتيوب
بنتيريست