|
|
 Re: (Re: Tragie Mustafa)
|
Quote: ولاني اعرف معزة الام جيدا
لذا كتبت لكم عمن ضرب السفير السوداني بفلادلفيا
لان الحكومه اعتقلت امه التي كانت امرأه مثل هذه السيده
التي تبدو الطيبه في عينها و الكبرياء معا.
وتم تزين شعرها لها صلعه امعانا في المهانه لان ابنها
أدلى بشهادته عن ما حدث لهم بدرافور في الاعلام الامريكي.
ليآتي سفير منافق ويقول له انه كاذب وان درافور بخير....
وبكل وفائه لامه كان لابد ان يلقنه درسا.
|
العزيزة تراجي
أولاً أحترم خياراتك فيما تفعلين ..
ودائماً أجاهر بكرهي للساسة والسياسة
وعدم إيماني بأن في الأمر خير أياً من كان على رأس دولتنا ...
أما ردود أفعالنا فإن كان مرجعيتنا فيها الأخلاق
فالسن بالسن إلا من عفا
وإن كانت دينية
فالسن بالسن إلا من عفا
وإن وصل الأمر إلى حلاقة رأس أمي ...
فسأحلق رقبة من يفعل ذلك ...
ما نراه على وجه حبوبتنا صاحبة الصورة
هي تقاطيع أي أم هناك ..
في دارفور أو أروما
في مروي أو الديم
عانت ما عانت في التربية والحياة
واكتسى وجهها الحزن والرأفة والفرح والإبتسامة والحنان ... الخ
والموضوع أعمق وليست الصورة إلا عنوان له
فمن سمح لنفسه ولزبانيته أن يفعل ما يدخل الجوع والقلق والألم لأي أم
أولى به أن يذهب إلى الجحيم .
وكلهم فعلوا ذلك ... منذ تاريخ دولتنا
وبالتالي فلا احترام لهم لدينا ... سواءً كانوا يحملون لافتات دين أو دنيا
والأمر هنا لا يحتاج لتسجيل موقف كما تطلبين دائماً 
فالشينة مرفوضة ....
وأردد معك سيدتي :
Quote: ومعا من اجل كرامة كل الامهات
ففي امهات غيرنا نكرم امهاتنا. |
| |
 
|
|
|
|
|
|
|
|
Re: (Re: عمران حسن صالح)
|
التحيه لك اخي عمران
Quote: وإن وصل الأمر إلى حلاقة رأس أمي ...
فسأحلق رقبة من يفعل ذلك ... |
والله يا عمران حكى لي هذا الشاب ان امه عندما اخبرته بذا لم يقوى على النوم
لمدة تسعه ايام تخيل...وهو يبكي ويفكر اي هوان ادخل فيه امه؟؟؟
وبعدها هجر امه واخته مدينة الفاشر ليحيوا في المخيمات بالحدود التشاديه
لانها قالت له عيشة المخيمات اكرم لي مما رايته بزنازين الآمن.
Quote: ومعا من اجل كرامة كل الامهات
ففي امهات غيرنا نكرم امهاتنا. |
| |
|
|
|
|
|
|
|
|
|
Re: (Re: Tragie Mustafa)
|
ومعا من اجل كرامة كل الامهات
ففي امهات غيرنا نكرم امهاتنا.
تراجي
ديل شاحدة ربي يعذبهم زي ما عذبوا الناس
وينفي من قلوبهم الامان زي ما نفوا الناس وطردوهم
الله ينتقم منهم
ديل قلوبهم من حجر ديل كان عندهم قلوب
الله يستر الحال ويرد غربتنا
ايمان
| |
|
|
|
|
|
|
|
|
|
Re: صورة بروفايل إيمان صالح ....!!!!!!!! (Re: عمر الفاروق)
|
Quote: غايتو يا الشوايقة حركاتكم " الأرعة " دي أصلو ما بتخلّوها ..
الواحد منكم يسافر يخلّي أمّو طفشطاشر سنة يضرب هوا المكيفات ورغد العيش وفي النهاية يكتب ليها :
ياااااااااا يمة رسلي لي عفوك ينجيني من جور الزمان
|
والله يا عمر حاولت أضحك معاك ...
واعتبرها مزحة ..
بس غلبني ...
وخايف تكون بس رديت على العنوان ..
| |
|
|
|
|
|
|
|
|
|
Re: صورة بروفايل إيمان صالح ....!!!!!!!! (Re: Amir Omer)
|
صباح الخير/عمران
كلامي البهناك ده شايفو حيرك !!
مع اني قلت أمرق من البوست وقررت ما أرجع ليهو تاني لأنو بفتش الناس الكبار الزينا كدي ، لكنني لم استطع.
(الصورة) دي ياعمران (صورة أم كل واحد مننا) عشان كدي قدرتها على الجذب لا تقاوم وانتو زدتوها بالمداخلات (المشجونة) دي.
اللهم احفظ امهاتنا
وأدينا رضائهن دنيا وآخرى
| |
|
|
|
|
|
|
|
|
|
Re: Ahmed Yousif Abu Harira (Re: Ahmed Yousif Abu Harira)
|
| Quote: (الصورة) دي ياعمران (صورة أم كل واحد مننا) عشان كدي قدرتها على الجذب لا تقاوم |
أستاذنا / أبو حريرة
ربما مشاعر الكلمات أحياناً لا توصف حقيقة المشاعر
ولكن صدقني أنا في أزمة عاطفية حقيقة قصاد ما مثلته لي هذه الصورة
هي ليست حيرة بل تضامن معاك في هروبك
خاصةً أنني تمنيت لو لم أفتح هذا البوست
للحالة النفسية المضطربة التي أمر بها ألان ..
ولما فعلته بكل هؤلاء الأحباب ...
ياخي صدقني
كمية المحبة التي نحملها لهؤلاء
هم نفسهم لن يطيقوها إن وصلناها كما هي ....!!!!!!
أكيد فاهمني ...!!!
| |
|
|
|
|
|
|
|
|
|
Re: إيمان صالح (Re: إيمان صالح)
|
Quote: خلاص كلمتك انا
قلت ليك تبيع البوست؟
|
خليني من أبيع البوست
حبوبتي دي كلمينا عنها شوية ..
ومني هدية (توب الكرب) .. في أقرب إجازة .... لا تسألي متى !!!!
بس أديني عنوانه وين !!!!!!!!
...
قومي أمشي شوفي بصلتك ديك حرقت
أبيعو في عينك !!!!!!!!
| |
|
|
|
|
|
|
|
|
|
Re: إيمان صالح (Re: عمران حسن صالح)
|
وحاة النبي
بتصدقني؟
لما شفتك رافع البوست
قلت بيكون رد على كلام البيع
وكان لقيته سائلني من ادفع كم
بقول ليه برسل ليك توب الحاجة
خلعتني يا ود الناس
اها قلت لي اقرب اجازة متين؟
بصلة في عينك
انا في الجامعة
الاجازة من بعد بكرة
باكر اخر يوم
ربنا عفانا
ايمان
| |
|
|
|
|
|
|
|
|
|
Re: صورة بروفايل إيمان صالح ....!!!!!!!! (Re: عمران حسن صالح)
|
الاخت ايمان صالح :
يا زولة مداخلتك دي انا ما فهمتها لكن للضمان كده وعشان كل قرد فينا يركب شجرتو انا كنت بداعب في عمران بحكم إنو شايقي وموضوعكم ده عن شنو لي شنو وفي شنو وبي كم انا ما فارزو ولا جايب خبروا وما قريت فيهو سطر ....
بالمناسبة والله الصورة حقت منو انا ما عارفها ..
تخريمة :
يا ابو محمد قول بسم الله وطول بالك الطريق قدامك طويل جهز جواباتك والعجلة والريالات عشان انا ماشي قريب كان ربنا هوون ..
| |
|
|
|
|
|
|
|
|
|
Re: عمر الفاروق (Re: عمر الفاروق)
|
ود الفاروق ..........
| Quote: يا ابو محمد قول بسم الله وطول بالك الطريق قدامك طويل جهز جواباتك والعجلة والريالات عشان انا ماشي قريب كان ربنا هوون .. |
ريالات في عينك ...
لو فيك فايدة أمشي ود نوباوي (ش الدومة ) جيب لي الود ده معاك ..
أمو خليها (تريِح) شوية ....
| |
|
|
|
|
|
|
|
|
|
Re: صورة بروفايل إيمان صالح ....!!!!!!!! (Re: عمر الفاروق)
|
عمر الفاروق
الموضوع ما داير ليه فهم
الموضوع بسيط
انت قلت ما معناه الناس قاعدة ضاربة المكيفات
وتجي تكتب مشتاقة لأهلها
فانا سالتك
بحكم معرفتي انك في السعودية
سالتك اذا انت برضو ما بعيد من الاهل
واتمنيت الله يرد غربتنا جميعنا
بس
يلا اطلع شجرتك
ايمان
| |
|
|
|
|
|
|
|
|
|
Re: صورة بروفايل إيمان صالح ....!!!!!!!! (Re: عمران حسن صالح)
|
Quote: عارف ياعمران ؟؟
التوب ده فيو ريحة حميمة شديد
الغريبة إنها مابتروح خالس
أنا معاي واحد ليهو سبعة سنين
لو تصدقني مازلتا أشم فيهو ريحتها الطيبة
الله إخلي أمهاتنا وحبوباتنا
ديل الغوالي |
سلام يا عمران وكل الرائعين المعاك هنا سلام... بوست ملهم وفنان وبشبهك.
| |
|
|
|
|
|
|
|
|
|
Re: صورة بروفايل إيمان صالح ....!!!!!!!! (Re: عمران حسن صالح)
|
ايمان صالح :
Quote: عمر الفاروق
الموضوع ما داير ليه فهم
الموضوع بسيط
انت قلت ما معناه الناس قاعدة ضاربة المكيفات
وتجي تكتب مشتاقة لأهلها |
أول شي انا ما قلت الناس انا حددت الشوايقة تحديداً لأنهم اكتر ناس مشهورين بي الكتابة عن الأم خصوصاً المتغربين منهم ..
وبما إنك قلتي ما شايقية فالكلام لا يخصك والتعليق لم يشملك ..
اعملي حسابك الموزة ما تزلقك ..
| |
|
|
|
|
|
|
|
|
|
Re: صورة بروفايل إيمان صالح ....!!!!!!!! (Re: عمر الفاروق)
|
حبيبنا عمــــران والصورة
وأختنـــــا إيمان والبروفايل
نحنا السودانيين عيبنا إننا بنحاول نظهر أننا متجهمين .. ولكن تفضحنا مثل تلك الصور .. فتظهر مابنا من رقة وحنان .. كثيراً مانسمع كلمة يازول سيب الجرسة .. لكين الجرســة ضرورة من ضرورات الحياة .. خصوصاً في غربتنا ...
تعرفوا أنا لمن أمشي إجازة .. أصعب حاجة بواجهة لحظة الوداع وأنا راجع عشان كده مابكلم الناس أقول ليهم مسافر متين .. والبسألني بقول ليهو يومين تلاتة .. وقبل السفر بي يوم بجهز شنطتي والصباح بحلف مافي زول يمشي معاي .. بخرج وحدي .. في محاولة لكي لايتحول الوداع إلى مظاهرة وجدانية .. وتسيل فيها الدموع دون بمبـــــــــان ... ولكن دون جدوى .. فالدموع لابد منهــــــــــا .. والعـــــودة لابـد منها طالما السودان ينحدر بقوة.
التحية لكل الأمهات الصابرات ..
التحية لكل الأمات في المناطق المنكوبة .. وأخص أماتنا بدارفور ...
العار والخزي لكل من يتعدى على أم ولايراعــى لضعفهــا وكبر سنها ...
فقد قال صلى الله عليه وسلم ( ليس منا من لم يرحم صغيرنا ويوقر كبيرنا ) ....
عمران ياصديقي .. دم بخير ،
خالد الأرباب
_________
حبيبنا عمر الفاروق المداخل معاها دي إيمان محمد صالح.. ماشروق أبو الناس .. :D
| |
|
|
|
|
|
|
|
|
|
Re: صورة بروفايل إيمان صالح ....!!!!!!!! (Re: شادية الطيب)
|
Quote: ايمان انا بصراحةغرت من الصورة الجميلة دي وقمت نزلت صورة ابوي في البروفايل بتاعي
يعني الآباء الجميلين برضو بنحييهم عبر بوستك الرائع ده |
.
شادية ...
ظااااااااااااااااااهرة كدة شغل جندر وبس !!!!!!!!!
أنا بعت البوست ده يا إيمان وما حاسي ...؟؟؟؟
ما عندي نفس لأية شي كفاية (بشتنة) الحكام الأفارقة دي كمان جاية شادية تزيده بله ....!!!
| |
|
|
|
|
|
|
|
|
|
Re: صورة بروفايل إيمان صالح ....!!!!!!!! (Re: عمران حسن صالح)
|
أنا بعت البوست ده يا إيمان وما حاسي ...؟؟؟؟
اجي يا ولدي
ما حاسي كيفن عاد؟
انت ما قبضت
عمران ياخوي قدم النية البيضاء
عارف انا قريت كلام شادية ده كيفن؟
شادية كتبت
ايمان انا بصراحةغرت من الصورة الجميلة دي وقمت نزلت صورة ابوي في البروفايل بتاعي - يعني الآباء الجميلين برضو بنحييهم عبر بوستك الرائع ده
اها انا قريت كلامها القبل العلامة دي (-) موجه لي انا
ايمان انا بصراحة غرت من الصورة الجميلة دي وقمت نزلت صورة ابوي في البروفايل بتاعي
والبعدالعلامة دي (-) موجه ليك انت
يعني الآباء الجميلين برضو بنحييهم عبر بوستك الرائع ده (يا عمران)
الحكام اريتهم بالفي خلفتهم
ولسه الدورة في اولها
ما تقلق
انا متفائلة
ايمان
| |
|
|
|
|
|
|
| |
عمران حسن صالح
Tragie Mustafa
إيمان صالح
محمد الطيب حسن
عمر الفاروق
Amir Omer
Ahmed Yousif Abu Harira
Khalid Saeed
فيس بوك
تويتر
انستقرام
يوتيوب
بنتيريست