|
|
 احكموا بالحق بيني وبين أمي الحاجة امنة هباني !
|
قبل شهور طويلة كانت مهاتفة طويلة مع الوالدة الحنونة مشبعة بالونسة حول احوال الاهل وقدسالتها في اثناء الونسة عن اشخاص محددين من اسرتنا من ( الكيزان) هل يا تري تبدلت احوالهم وبانت عليهم ( جضوم وهدوم ) الحرام وتطاولوا في البنيان واكثروا من اكل التفاح والبرتكان وتسابقوا على النسوان وصاروا مثل اقرانهم في دات الملة السارقة المجرمة.....غضبت جدا علي تهكمي منهم كما غضبت من قبل من بعض كتاباتي السابقة والتى لم تخرج عن كونها مناصحات لهم لم تجد قبولا من الاهل والاصحاب!
ــــــــــــــــــــــــــــــــــــــــــــــ
قالت الحاجة: يا ولدي مالك ومالهم المساكين اهلك ديل لا فيهم واحد بقي رئيس ولا وزير ولا مدير ولا سفير!
قلت لها: يا امي ما فى فرق بين كوز كبير وكوز صغير البسرق والمابسرق والبكتل والما بكتل كلهم واحد طالما لي هسع قاعدين في مركب واحدة وبدافعوا عن بعض والمصيبة لي هسع ناسنا ديل ما فيهم زول مرق من الملة المجرمة دي بموقف علني و مشرف زي ما حصل عند كتير من الكيزان صححوا مواقفهم الا ناسنا ديل لابدين وساكتين وده معناهو يا امي متواطئين ومشاركين حتى لو بالصمت!
قالت الحاجة: يا ولدي بطل البتسوي فيهو ده.. دحين انت شفتهم بسرقوا؟
قلت لها: ابدا يا والدة
قالت: طيب مالك يا ولدي ما تبهت الناس ساكت بالكلام
قلت لها: دحين يا امي خليني النسالك سؤال
قالت: اها اسعل
قلت : دحين يا امي الله الخلقنا ده شافوهو بالعين؟
قالت : استغفر الله لا...................
قلت: وطيب الخلوق دي كيفن امنت بيهو؟
قالت: حكمتو بالغة
قلت: اها نحن الله ادانا العقل وادانا شي من حكمتو
قالت: كيفن يا وليدي
قلت:ادانا العقل ده شان نربط فيهو العمة ولاشان نستعملو ونعرف بيهو الحق من الباطل وبيهو عرفنا مخلوقات الله وبعدين عرفنا خلق الله !
قالت: ونعم بالله
قلت: اها الكيزان ديل ابدا ما في فرق بيناتهم واجرامهم وفسادهم وسرقاتهم كل الدنيا خابراها الا النضيف فيهم لمن اعرف بالتجربة الصاح من الغلط بخليهم والكيزان ديل يا امي هسع ليهم اكتر من عشرين سنة معقولة وليداتنا وبنياتنا المعاهم ديل ما اقدروا اميزوا الصاح من الغلط بعد السنين دي كلها بعد ما انفضح فساد الحيكومة واجرامها وبان الحرام علي اهلها والعالم كلوعارف .....اها يا امي حتى شيخهم يسن عمر الامام اتكلم عن فسادهم وشيخهم صادق عبدالماجد برضواتكلم عن فسادهم و دكتورخليل شال البندقية وقعد اكاتل فيهم وشيخهم الدجال الترابي اها عامل بعارض فيهم وكتيرين لسع بكتبوا وندمانين شديد على ايامهم القضوها في العفن ده... بس المصيبة وليداتنا وبنياتنا لي هسع قاعدين ومسردبين وساكتين والنبي (ص) قال : والساكت عن الحق شيطان اخرس وقال كمان : والله لو سرقت فاطمة بنت محمد لقطعت يدها؟
قالت: يا وليدى الجاب زمن النبي هسع شنو خلينا في زمنا ده والله يا ولدي وليداتنا ديل مساكين ساكت تراهم مجاملين اهلهم في الافراح والبكيات وبساعدوا الناس والله ما عندهم شدايد ولسع لا عندهم عمارات ولا شركات وحتى العندو شركة تلقاها شركة عفينة و صغيرونة ؟
قلت لها: بس برضو ده ما بحلهم وما بعفيهم قدام ربنا بعد ما يموتوا و الموت حق وحيسالوهم في القبر وقدام الله عن كل صغيرة وكبيرة.... اها اقولوا لربنا والله جماعتناغشونا وما كنا عارفين...............دحين ده بحلهم!؟
قالت: الله غفور رحيم يا وليدي ورحمتو واسعة وباب التوبة مفتوح
قلت لها: ونعم بالله يل امي لكن ربنا يا امي عادل ما بنسي عبادو المظلومين وما بخلي الظالمين وناسنا ديل لسع ساكتين على الجرائم وعلي الفساد والسرقات والسكات زاتوا على الحرام حرام.. دي كم وعشرين سنة يا امي ده لو حمار يا امي كان فهم وانهدى!
ضحكت وقالت: يا وليدي ما عندك منطق!
قلت لها: والله يا امي شفت الكيزان السغار البتقولوا عليهم مساكين ديل ديل هم ظاااتهم سبب البلوي ديل يا امي زي الجراثيم والجراثيم دي ما بتنشاف بالعين لكنها هي البتسوي اي مرض وهي سبب كل الامراض لانها مجتمعة بتدينا اشكال والوان من امراض.... لكن في النهاية بنقول المريض والله كتلو السرطان وواحد كتلو التايفويد وواحد كتلتو الملاريا وواحد كتلو مرض الكبد لكن لو عارفة الحقيقة المرحوم كتلتو الجراثيم!
ضحكت امي وقالت: يا وليدي ما عندك منطق اكون التكسي ده يا ربي لحس مخك ونحن موعارفين خلينا نرسل ليك محاية شان تداويك من الهضربة البتسوي فيها دي وانت هسع دخلتني في اضافري مع اهلي بسبب كلامك عن اهلك... هسع دحين يا وليدي في زول غيرك متلح اهلو في( الداهي) البتكتب فيهو ده.. حرام عليك البتسوي فيهم وخليهم الله بحاسبهم الله اهديك.
انتهي الحوار
اريد حكما عادلا بيني وبين امي الحاجة امنة على خلفية هدا الحوار العفوي حول امور عامة تخصنا جميعا
|
|
 
|
|
|
|
|
|
|
 Re: احكموا بالحق بيني وبين أمي الحاجة امنة هباني ! (Re: munswor almophtah)
|
تعرف يا هشام كان عندنا رجل خلوق وديين كان متدلى يسقى
بصلو لاقوهو جماعة الخروج فى سبيل الله ماشين شندى الراجل
ربط حمارتو وركب فى سبيل الله أها أخوهو جاء وحل الحماره
وذهب ليسقى له البصل فختم فوقه رجل ساخر قالو خبارك
بتقرع فى موية فلان دا قالوا والله فلان دا خارج فى سبيل
الله فقال الساخر حرم خارج دحين يا صاحبى فى النواحى ديك
إنت خارج ومربت
وقل يالزبير إبن العوام
ولك السلام
منصور
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: Ridhaa)
|
عزيزنا رضا
تحياتي
انت عارف انا رافض امشي بلدي بالجواز الامريكي وحالف ما امشي الا بالسوداني حقي المصادر ظاااااطو!
ولو بتقدر تقلعو وتجيبوا انا بوعدك في اقل من شهر تلقاني في نص الخرطوم!
اما بخصوص تواجدي داخل الوطن فانا مسكون بهدا الوطن في داخلي وانا اليوم داخل الوطن الام اكثر من الجديد و
اكثر من كثيرين داخله لا يعلمون عنه شيئا!
تحياتي وربنا يخلي ليك الوالدة
| |
|
|
|
|
|
|
|
|
|
Re: ! (Re: ترهاقا)
|
Quote:
ضحكت وقالت: يا وليدي ما عندك منطق!
|
Quote:
احكموا بالحق بيني وبين أمي الحاجة امنة هباني |
محكمة:-
اقيف على حيلك يا متهم...
حكم على المتهم حضوريا بعدم إدخال الحاجة آمنة هباني في ضفورها
وإدخال المتهم إلى المنطقة الصناعية لسمكرة وبوهية منطقه المعوج
التفريق ما بين المتهم وطاكسيه ...
محكمة:-
| |
|
|
|
|
|
|
|
|
|
Re: ! (Re: المسافر)
|
Quote: محكمة:-
اقيف على حيلك يا متهم...
حكم على المتهم حضوريا بعدم إدخال الحاجة آمنة هباني في ضفورها
وإدخال المتهم إلى المنطقة الصناعية لسمكرة وبوهية منطقه المعوج
التفريق ما بين المتهم وطاكسيه ...
محكمة:- |
انا قبلان بالحكم بس البقنع الطاكسي منو!
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: ترهاقا)
|
يا هشام
مسكاقنا
خليك من النضال وما أدراكما الكفاح حتى التاكسي توقف منو شوية وشوفة الوالدة بالدنيا وما فيها .
نثني الحبيب رضا ونشد من أزر ترهاقا في دعوتك بالسفر إن شاء الله بالجواز الواق الواقي .
والحكم بينك وبين الوالدة (طال عمرها) أن تطيعها وتطيعها وتطيعها وتنال رضاها لتنال رضى الله .
وبعدين يا هشام مشكلتنا في السودان ومنذ الأستقلال أن كل المناضلين (إلا من رحم ربي) وعلى مختلف توجاهاتهم السياسية ما أن وصلوا إلى مبتغاهم
عييييييييييييييييييييك أنسى كل واحد جاري لمصلحتو الشخصية أوالحزبية .
وخير دليل وضع البشر في السودان منذ الأستقلال ، لا تقول لي كيزان ولا حاجة كلهم واحد ( الهدف الكرسي)
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: ولياب)
|
Quote: وبعدين يا هشام مشكلتنا في السودان ومنذ الأستقلال أن كل المناضلين (إلا من رحم ربي) وعلى مختلف توجاهاتهم السياسية ما أن وصلوا إلى مبتغاهم
عييييييييييييييييييييك أنسى كل واحد جاري لمصلحتو الشخصية أوالحزبية .
|
العزيز ولياب
طيب ما تورونا يا حبيب درب المصلحة الشخصية ده بي وين عشان نتفك من الحديدة السجمانة دي
خلاص قرفنا عيشة الغربة دي!
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: هشام هباني)
|
Quote: ولو بتقدر تقلعو وتجيبوا انا بوعدك في اقل من شهر تلقاني في نص الخرطوم!
|
الأخ هشام هباني
سلام ...
قصة حجز جوازك كانت قصة مؤلمة .....لكن لرد مظلمتك المطلوب شنو لرد
حقوقك كاملة واسترداد جوازك المسلوب بدون وجه حق ....
المنبر أصبح مقروء لكل ناس الحكومة ....سوف نقيف معك وقفة رجل واحد
فلاتتردد فهذا حقك فلاتتركه حتى وان اختلفت مع الحكومة ...
تحياتي .
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: Ridhaa)
|
عزيزنا رضا
الموضوع ساهل جدا وادا اردت المساعدة ساعطيك اسم ضابط الجوازات وايضا اسم مسئول الامن وايضا اسم القنصل وايضا اسم السفير
وايضا تاريخ المصادرة والمكان.... فعليهم ارسال الجواز المصادر الى مكان اقامتي باميريكا وعاوز معاه بعد داك اعتدار من المجرم بكري حسن صالح وزير الداخليه حينها وهو من امر بمصادرة الجواز حسب اقوال ضابط الجوازات... وحينها سادهب بالجواز القديم لاستخراج جواز سوداني جديد من سفارتنا بواشنطون وحينها ستجدني في قلب الخرطوم قدلة يا مولاي حافي حالق!
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: Ridhaa)
|
خلطك لي حديثك مع امك بالسياسة زكرني بيت ابونا الشيخ البرعي عليه رحمة الله حين قال:
ثم احترم شيخك ووالدك وامك
والحاكم(العادل) وخالك وعمك
ودحين يا يا هباني الله انعم عليك بي قبيلة تهز وترز واولاد عمك الكيزان اقرب ليك من البعاد المتفق معاهم سياسيا،،،،،،،،
اصل امك يا هباني ولمن تقيف علي باب بيتا مرِّغ خديك في عتباته وتحت رجليها فإن الجنة تحت اقدام الامهات
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: Ridhaa)
|
عزيزي القاريء
قد يسال سائل عن سر اقحام الخاص في العام متمثلا في ايراد هباني لحوار بينه وبين والدته الحاجة امنة في منبر عام
وارد على المتسائل الافتراضي: اننا في سودان اليوم مختلط فينا الخاص بالعام الى درجة يصعب فض الاشتباك بينهما الا بوعي وطني حقيقي وهو عملة نادرة جدا في هده اللحظات الحاسمات من تاريخ وطننا حيث طغت جيوش عواطفنا على اصوات ضمائرنا وعقولنا بل اصبحت مجندة في صف من يستغلها ضدنا الا وهم اعداء الشعب ( الكيزان) الدين يحتمون بهده العواطف السادجة التي نحملها لنحميهم بها ضد انفسنا على حساب حقوقنا وهو قمة الاستلاب ان تدافع عن جلادك بعاطفتك وليس لصالحك بل لصالحه ولصالح اجندته حتى صارت عواطفنا اشبه بحصان طروادة الدي ينفد منه اعداؤنا للغدر والفتك بنا. وهكدا تغلغل هدا السرطان في خلايا مجتمع السودان يفتك بنا ممزقا نسيجنا الاجتماعي ومدمرا منظوماتنا الاخلاقية والقيمية ومخربا لكل جميل فينا وقد اودي بنا الي حالة تخلف كارثية بشعة صرنا للاسف اليوم بسببها ونحن في عز الالفية الثالثة وبكل ثمرات عصرنا ممثلة في علمنا وثقافتنا وسياستنا ومسهلات حياتنا اكثر تخلفا من اجدادنا ما قبل حوالي 130 عاما حينما استعادوا الخرطوم من المحتل الاجنبي بوعي وطني جمعي تكون في زمن قياسي لا يتجاوز عمره الاربعة اعوام وجسدوا خلالها بؤرة انصهار الوعي الوطني الحديث وكان دلك في زمان متخلف جدا ادا ماقورن براهننا المعطوب ونحن اليوم فيه بلا استحياء وبكل تحضرنا ووعينا السياسي المزعوم وبكل فخر نعلي رايات القبيلة والجهة والحزب والزعيم فوق راية الوطن اي درجة صار فيها السوداني بن الوسط اوالشمال قد ينفعل متعاطفا مع اطفال بغداد وغزة اكثر من انفعاله في داخل بيته مع اطفاله في دارفور وجبال النوبة وجنوب النيل الازرق وجنوب السودان سابقا وللاسف كل دلك تم بفعل فاعل كلكم تعرفونه وهوقصد بهده الجريمة النكراء ان يدمر نسيج وعينا الوطني ليسود من بوابة تمزقناوتفرقنا ليرث الوطن الكوز( العربي والافريقي والاسيوي والاوروبي) لانهم في عقيدة هؤلاء الاوباش اقرب اليهم من بني وطنهم حيث لا تعني لهم الوطنية شيء ولدلك قرروا ضربها ليرثوا الوطن لصالح مشروعهم الاحتلالي الشيطاني الكبير!
ومن هنا قصدت بهدا الخيط ان افض الاشتباك بين الخاص والعام لتغليب الثاني على الاول وانا احاول بجدهدي المتواضع ان افضح عواطفنا المجندة لصالح اعدائنا لتعمل ضدنا وهم يستغلونها الى اقصي مدي الابتزاز والاستغلال ضدناومن هنا ينبغي ان نوقف هدا النزف العاطفي الخطير لمصلحة المجموع اي ان نزن هده العواطف بميزان الوطنية حتى نوظفها لخدمة الوطن كي نستطيع ان نعلي رايات الحق ولو على انفسنا وفوق اسرنا وعشائرنا وقبائلنا وجهاتنا واحزابنا وهو المطلوب المتسق مع روح الاخلاق والدين لخدمة الوطن كمرحلة اولي ومنه الي سقف الانسانية نهاية المطاف!
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: هشام هباني)
|
Quote:
تعرف ياهشام ماضاع حق وراءه مطالب ...
من الأحسن السفر بجوازك الأمريكي لعدة اعتبارات ...
بالاضافة فرضا انك استلمت جوازك السوداني لو اسمك
مدرج ضمن قوائم ( الحظر ) حتى ولو شطبوا اسمك من
القوائم حا تلاقي مشكلة في المطار يقولوا ليك اسمك
لسع موجود لأنو مافي ترابط في السيستم فبذلك حايكون
في تضييع زمن وتلتة انت في غنى عنها ...وياهو دا حال
السودان من زمان ...
في سبيل الوالدة أتوكل على الله واحتسب أمرك لله وعند
وصولك هناك استلم الجواز ...
بالتوفيق ان شاء الله .
تحياتي وتقديري . |
يا رضا
مشكلة هشام عرضها من سنوات
وما في حد قال ليه أنا بحلها
أنت لو لك يد في حلها أكتب هنا بوضوح أنك سوف تقوم بمساعدته وأنك تعرف الطريق
وأنه يمكنك الوصول إلى ملفاته ...
ولا تحتاج إلا صور الباسبورت
وسوف تستخرج الجواز الجديد
وسوف تنتظره به في قاعة كبار الزوار
في ذلك الوقت سوف يصل إليك ( كالطيور المسافرة بلا جواز سفر )
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: المسافر)
|
هشام يا عمدة ......سلام
يازول ديك ناس لا براعو فيلا إلاء ولا ذمة كان وصلتهم ...
رسل لى امك عمرة واللا حج و قابلها فى ارض الحرمين و شوفها وراضيها
وقبل صاد على وليداتك وتاكسيك، ومنها تكون اصطدت عصفورين بحجر ..
والسودان ده ارجع ليه فى زمناً مو الزمن الاشتر ده كان الله مد فى عمرك،،،
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: صديق الموج)
|
العزيز صديق الموج
تحياتي
والله يا حليل بلدنا وخصوصا الناس البتحمل في الوجدان والخاطرصورة السودان القديم السمح المتسامح وتزداد الحسرات عندما يقارن بالراهن
الكارثي الفاجع حيث البون شاسع والمصيبة ان من تسببوا في هده الكوارث يحملون ايضا تلكم الصورة الزاهية عن القديم الاصلي
وهنا قمة الانحطاط والشرور الا يردعهم الضمير للكف عن مواصلة هدا التخريب الدي صار نهج حياتهم اليومي وهم يعلمون الي اي مال يسوقون الناس الي ما بعد الخراب............انهم كما الانعام بل اضل سبيلا!
مودتي
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: هشام هباني)
|
فالكيزان اي هذه الافة المهووسة والمتاجرة بالدين هم منظومة فكرية واحدة من منبع واحد ولكنها تختلف بنكهات مختلفة حسب مكان ترعرعها حيث كيزان السودان آفة من ضمن هذه المنظومة الشريرة وهم وحدهم الافة التي استطاعت من دون شقيقاتها في الدول المجاورة ان تصل الي السلطة عبر مدخل غير اخلاقي وربما غير شرعي وهي بداية غير موفقة في حق سمعة حركة الاخوان المسلمين ان تصل لاول مرة الي الحكم في بلد ما عبر غدر وخداع ومكر واجرام وفساد وهو انطباع سيئ جدا لدي اي سوداني اليوم وهو ينكوي بنيران اجرامهم وقهرهم وفسادهم عبر حكم ظالم ينسبونه زورا الي الاسلام وهذا المسلك الاجرامي والخداعي للحصول علي السلطة قد فضح هذه الذهنية التامرية والتي يبدو من مسلكها في طريقة وصولها الي السلطة غير واثقة من فكرتها وعقيدتها وايضا غير واثقة من نصر ربها لها وهو قمة عدم الايمان وبالتالي يحق لأي انسان ان يشكك في تدينهم وأخلاقهم علي خلفية هذه الممارسات التي يرفضها الدين والاخلاق.
وفي اعتقادي انهم علي صعيد التنظيم هم منظومة صارمة التنظيم اقرب الي الكيانات الأمنية حيث الولاء للتنظيم فوق الوطن والقبيلة والعشيرة والأسرة ويرتبط الجميع بنسق تكاملي لا فرق بين اي واحد واخر داخل هذه المنظومة الشريرة الا بمقدار في الدور الموكل اليه لادائه في خدمة المنظومة حيث العضو القيادي له دوره الممحدد وتكاليفه المحددة والتي تتكامل مع ادوار اخرين من الكوادر القاعدية لتحقيق الاهداف المحددة وهو نسق تنظيمي مكنهم من التفوق علي جل القوي السياسية الاخري وايضا مكنهم من اختراق مجتمعهم والتجسس عليه في خدمة المنظومة الشربرة والتي اشبه بخلية جرثومية مسببة لمرض فتاك حيث لا يمكن ان نري الجراثيم باعيننا المجردة ولكنا نري اعراض ومظاهر وآثار المرض الذي سببته هذه الجراثيم المجهرية مجتمعة وهكذا الكيزان مثل هذه الجراثيم يعملون بذات النسق الشرير حيث لا فرق بين القاتل المجرم اللص الفاسد الواضح وذاك الاخر ( المهذب المؤدب الصوام الصلاي) لطالما الجميع يخدمون اهدافا مشتركة وبروح تكاملية متحدة قلبا وقالبا وهم يحمون بعضهم فالشرير الواضح منهم يستخدمونه في الترهيب والآخر الافعي بستخدم بقناعه الاخلاقي الكاذب في ترغيب الناس وخداعها وجرهم الي تبني اجندة الاشرار وهؤلاء يستخدمون في اختراق المجتمعات للسيطرة عليها باقنعة التدين الزائف ولذلك في اعتقادي هم الاخطر ويجب علبنا ان نجنب الناس شرورهم والا ينخدعوا بمظاهرهم لانهم القاعدة الاساسية التي تمد الوباء بمزيد من الجراثيم ويحتفظون دوما ب( الرواب) ليضمن استمرار انتاج مزيد من الجراثيم في خدمة هذا السرطان.
| |
|
|
|
|
|
|
|
|
|
Re: احكموا بالحق بيني وبين أمي الحاجة امنة هباني ! (Re: د.يوسف محمد طاهر)
|
سلامات يا دكتور يوسف
وينك يا زول اختفيت كتير ان شاء الله خير وحمدا لله الجابك لينا بالسلامة
والله لولا دعوات اماتنا الطيبات ديل ما اظن تصيبنا بركة في الغربة دي بس يا دكتور نحن ( عطية) لاصق فينا مان تو مان ما مدينا نفس عشان كده التكسي ده لاصق حسكنيت!
فلو في عندكم دواء لعطية ده تكونوا ما قصرتوا تب
تحياتي وسلامي للاسرة
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
munswor almophtah
خالد المحرب
Ridhaa
ترهاقا
المسافر
ولياب
حذيفه ابراهيم الكباشي
صديق الموج
د.يوسف محمد طاهر
فيس بوك
تويتر
انستقرام
يوتيوب
بنتيريست