منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 09-25-2017, 03:25 PM الصفحة الرئيسية

مكتبة هشام هباني(هشام هباني)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

المناضل كمال بشاشا...انت مدعو لندوة كبرى بواشنطون!

09-01-2012, 07:28 PM

هشام هباني
<aهشام هباني
تاريخ التسجيل: 10-31-2003
مجموع المشاركات: 51245

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: ناصر المحسى)

    ولا زلت اريد توضيحا من المناضل الشرس ( الامير الكوشي ) والذي تهابه سلطة القتلة والاجرام كيف سافر الي السودان قبل عام ولم( يعتقل) وذلك علي ضوء المقتبس ادناه من قوله المريب ادناه في خيط متوافر بالمنبر وانا ادري ان الذهاب الي السودان يعد مخاطرة كبري بالنسبة لكثير من المناضلين الناشطين مثلما حدث للناشط الحقوقي عثمان حميدة المدير السابق المنظمة السودانية لمناهضة التعذيب في لندن، وهو سوداني يحمل جنسية اجنبية وبرغم ذلك اعتقل وعذب وايضا اعتقل واهين السوداني الامريكي رضوان داؤود ومعتصم الجبلابي واحمد عبد الله واعلم ايضا ان الاخت تراجي و الاخ احمد سليمان كناشطين لا يستطيعان الذهاب الي السودان لاسباب امنية تتعلق بانشطتهما المعلومة ولكن كيف ذهب سيد مناضلي الهامش وعدو ( الجلابة) رقم واحد في التاريخ السوداني المناضل ( الختري) كمال بشاشا الي السودان وهو الذي يعلم علم اليقين ماذا يكون هنالك في انتظار المناضلين من هذا العيار الثقيل علي وزن ( الامير الكوشي)؟

    Quote: عزيزي القارئ،

    كمال بشاشا هذا، ابن عمي ومن ال بشاشا وان لم اتشرف بلقائيه شخصيا بعد.

    والد كمال هذا، او في ونسة عابرة عارضة، حكي لي، كيف جهاز الامن قام باعتقال ابنه هذا، باعتبارو كمال بشاشا بتاع الاسافير اللي هو شخصي الضعيف بي سبب احدي كتاباتي هنا!

    نعم قامو باعتقال المسكين رغم تاريخو الطويل، كدباب، ياللهول، الي ان اتضح لهم، انو المعني والمقصود كمال بشاشا اخر، فاطلقو سراحه!

    لذا لزم التوضيح.

                   |Articles |News |مقالات |بيانات

09-01-2012, 07:39 PM

هشام هباني
<aهشام هباني
تاريخ التسجيل: 10-31-2003
مجموع المشاركات: 51245

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: هشام هباني)

    وتبدو لي هذه زيارة اخري ( لنج) للوطن في ظل هذه التوترات المعلومة فارجو من المناضل ( الامير الكوشي) تبيان طبيعة هذا الدخول الامن المطمئن لسيد مناضلي الهامش السوداني؟

    Quote:
    الكوز محمد قرشي،

    بشاشا من ما جا من السودان ما تم خمسة يوم!

    الخميس الفات ده انا كنت حايم في شوارع بحري، ولكن حقيقة لله بي مرشد لاني بطش لا انكر هذا!

    بيني او بينك في بحري لقيت لي مظاهرة او تجمع لي اهلنا من الاقاليم، معتصمين طوالي نزلت او خمشتا اقرب لافتة من الراجل او حاولتا ارفعا فوق، لكنو جفل، فرحتا مواصل مشواري.

    الموضوع ما موضوع اقامة او غياب مادي، والا فاين يقيم البشير او بقية طاقم نظام القتلة؟

    نعم بنمشي بلدنا او نزور اهنا بي هدوء او دون جلبة او ضوضاء، لانو دي حياتي الخاصة اللتي لاتخص اي مخلوق اخر، او ده الاصل في التعامل.



    من داخل الوطن - النجيضة في حكاية الثورة القادمة !!
                   |Articles |News |مقالات |بيانات

09-01-2012, 09:03 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: هشام هباني)

    Quote: سلام... باى بااااااااااااى
    ما بدري يا "هليفة"
    ههههههههههه
    قلت كدا احسن ؟ ... يا زول انا ذاتي قلت كدا كفاك
    ودا درس ليك ما اظنك تنساهو ولو إنو جاء متاخر شوية
    "تاني شُنقِر بانجتا .. اوكينا ؟!!"

    _____________________
    ود هباني الأرنب ..
    ياخ حاول أن تتحلى بأخلاق الفرسان ...
    بشاشا دا قدم إستقالتو من المنبر دا وحسب ما سمعنا بكري سحب باسويردو
    تاني ما ظنيتو يكتب هنا .. الزول دا رشاك هنا قدامنا لمن طرشت وما قدرت تعمل ليهو اي شي..
    أنا عارف الموضوع دا مؤثر فيك شديد وماكل معاك جنبة ... غايتو لو داير شورتي ما عندك حل
    الا تشيل عكازك وتتكاملو في أريزونا وتكبعو هناك وأهو ود خالتك صديق مهدي ممكن يساعدك
    غير كدا ما تجي تفلقنا وتزعجنا بشلاليتك القاعد تفكها في الهواء دي .. وانت لو راجل صحي خش لينا على السلطان الجسور دينق دا
    وياريت تقدر تطلع منو إدانة زي ما طلبنا منك قبل كدا .. ولو عملت كدا صدقني بعترف بيك .. وممكن نعفيك من تاريخك الاسود في ليبيا !!
    يلا يا معلم رش الفارة خلينا نستمتع
                   |Articles |News |مقالات |بيانات

09-01-2012, 09:24 PM

MAHJOOP ALI
<aMAHJOOP ALI
تاريخ التسجيل: 05-19-2004
مجموع المشاركات: 3543

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: عبدالوهاب علي الحاج)

    ياهباني
    بشاشا لايملك الامكانية للرد عليك (قسرا او طوعا ) الله اعلم باسرار المنبر
    ممكن تعقب علي المداخلة ادناه : -

    Quote:
    Quote: .فالشعارات التي تكرس القبلية والعشائرية والجهوية والتي تقسم المناضلين الي ( مهمش وجلابي) وهذا ناشط دارفوري وهذا ناشط نوبي اونوباوي وهذا ناشط بيجاوي ولا يوجد بينهم ناشط ( سوداني) كلها شعارات متخلفة تخدم اعداء الشعب لانهم يسعون لتكريسها وترسيخها لضرب المشروع الوطني السوداني عبر سياسة( فرق تسد) فدارفور للسودانيين وكردفان للسودانيين والشرق للسودانيين وجبال النوبة للسودانيين والشمال للسودانيين والوسط للسودانيين واي دعوة غير هذه فانها دعوة خائنة للوطنية السودانية التي رسختها الثورة المهدية التي وحدت كل اثنيات وجهات السودان في جبهة وطنية واحدة في مواجهة الاحتلال وصهرت السودان الحديث اثنيا حتي صرنا نري كل اثنيات السودان متعايشة في بقاع شتي من الوطن السوداني الكبير وهو ذات الطريق الذي سلكه الشهيد البطل علي عبد اللطيف الذي رفض القبلية واصر علي ( السودانية) ومن بعده كان الشهيد جون قرنق مناديا بوحدة السودان الجديد علي اسس وطنية عادلة للجميع بلا تفرقة بسبب العرق او الدين وهو مشروع وطني طموح وللاسف اجهضه الانفصاليون في الشمال قبل الجنوب ومن ثم باركه الانفصاليون في الجنوب لمارب ذاتية لا علاقة لها بمصلحة الوطن في الشطرين!
    اواصل

    الاخ هشام هباني :
    سلام واحترام
    يااخي انت اعلنت علي الملاء الانتماء للجبهة الثورية .... جبهة تعني تحالف عريض ، ينطوي تحت لواءها تنظيمات قومية وحركات ثورية ونقابات وتنظيمات جماهيرية وفئوية
    لان العمل الجبهوي لايستثني الناس بسبب انتمائهم القومي او الاثني او المناطقي او الفكري او النقابي او الفئوي ، والجبهة الثورية ليست مهدية جديدة تسعي لصهر وتذويب التعدد السوداني
    في قالب واحد ديني او اثني ، الجبهة الثورية كما هو مطروح في ادبياتها ، وممارستها للعمل العام الذي توج بتكوين الجبهة ، تري في التعدد نعمة لا نغمة وفي التنوع اضافة لا خصم ، ولاتعلي من شان
    ديانة محددة او تصطفي عرق او قبيلة .... (فالوطنية السودانية ) التي لاتراعي التنوع ولا تصون الخصوصية هي شمولية بالدرب العديل ..... وهنا مطلوب من اعضاء الجبهة الثورية حملة بطاقات العضوية
    الموثقة افادتنا ( لان البعض يري ان منظمومات العمل العام ملك حر للاعضاء فقط ) هل مشروع الجبهة الثورية امتداد للوطنية السودانية المزعومة للدولة المهدية الدينية ؟ وماهي فوارق مشروع الجبهة الثورية
    عن فكرة حفيد الامام المهدي (صاحب الجلد والراس الصادق المهدي ) ؟
    وسؤال اخير ياهشام .... هل هشام هباني اول من انتسب للجبهة الثورية لذلك استحق ان ينال تقدير واشادة خاصة واحتفالية ممهورة بقلم ممثل الحركة الشعبية في امريكا ؟ ام هو اخر عضو انتسب وتم قفل باب العضوية بعده لذلك استحق هذا الشرف ؟ مع ان هشام هباني لايحتاج تزكيه فهو معارض للنظام بشراسة قبل ميلاد الجبهة الثورية ، هل اصطفاء هشام هباني دون غيره من من التزم بالجبهة الثورية ، شان خاص
    يخص تنظيم واحد دون بقية تنظيمات الجبهة الثورية العريضة ؟ وهل الاحتفاء بهشام هباني (ممثل في اعلي سلطة جبهجية ثورية في امريكا ) مؤشر للعودة لاساليب وطرائق الاستقطاب القديمة المازوؤمة التي تري
    في الزعامات الزمنية والروحية حالة خاصة تقتضي التميز والتلطف دون سائر اقوام السودان ، فالسلطة اليوم تصطفي قلة بمنصب مساعد الرئيس وتصب حمم الانتيوف وسلاح التجويع والاعتقال والتعذيب علي
    عموم اهل السودان
                   |Articles |News |مقالات |بيانات

09-01-2012, 11:22 PM

هشام هباني
<aهشام هباني
تاريخ التسجيل: 10-31-2003
مجموع المشاركات: 51245

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: MAHJOOP ALI)

    الصديق محجوب

    تحياتي


    ان انتمائي الي الجبهة الثورية كان معلنا وكانا انحيازا الي الجبهة كسياق وطني شعبي عريض اري انه يمكن صهره و تطويره كي يكون حزب الشعب السوداني الاعرض في الساحة الوطنية والذي يمكن ان يقوم بعبء كبير في عملية التغيير الوطني القادم لان القوي التي تشكلها هي قوي شعبية لم تطرح رسميا في العلن للشعب بانها قوي جهوية او قبلية بل طرحت من نفسها قوي قومية مفتوحة لكل اهل البلاد وهو امر لا غبار عليه والدليل علي ذلك هو توافر كثير من السودانيين في عضويتها من مختلف انحاء السودان تجدهم اعضاء ناشطين في الحركة الشعبية وفي حركة تحرير السودان وفي حركة العدل والمساواة والنماذج والشواهد كثيرة.... ويكفي ان اختنا تراجي مصطفي من ( انديكم) وهي عضوة في حركة تحرير السودان جناح ( مني اركوي) وايضا تجد اخونا ( سيف عوج الدرب) من النيل الابيض وهو عضو بحركة العدل والمساواة واما الحركة الشعبية لها القدح المعلي في هذا الامر حيث تجد عضويتها متوافرة من كل انحاء السودان وهو امر مطمئن جدا علي ان الحس الوطني هو الغالب علي توجهات هذه الحركات... واما كونها منطلقة من جغرافيا بعينها وغالبية عضويتها من قبائل بعينها لهو امر طبيعي لا ينفي قوميتها لطالما ترفع شعارات قومية لان ظروف النشأة ولاسباب اجتماعية وامنية هي التي تطبع تلكم الحركات بصبغة من ذلكم الواقع لان الاستقطاب لاي حركة سياسية من الطبيعي يبدأ بالاقربين سواء من الاهل او من المكان ومن ثم تنتشر الفكرة وهي تتجاوز ظرفية المكان الي افاق الوطن الاعرض... وبالتاكيد من طبيعة النفس البشرية المليئة بالتعقيدات والاراء والمفاهيم والتطلعات متوقع ان تصطرع تيارات داخل تلكم الحركات الفتية في بداياتها فمنهم من يحاول ان يحجمها في جغرافيا نشأتها لتلبي مطالب تلكم الجغرافيا وربما تلكم الاثنية التي انطلقت منها وتيارات وطنية اخري تري انهم اوسع من هذه النظرة الجهوية والعشائرية وللاسف لا زال هذا الواقع معاشا داخل تلكم الحركات ولكن القوي الوطنية الحية فيها تسعي لاخراجها من هذه المطبات القاتلة لتوجهاتها الوطنية والتي ايضا لعب النظام الاجرامي بمكر في توريطها اكثر في هذه المطبات من خلال تعزيز وصفها بهذه الصفات التي تنفر منها الشارع باعتبارها حركات جهوية وعشائرية حتي لا تجد السند الشعبي السوداني الداعم لها وللاسف صدق الشارع بانها حركات دارفورية وانها جهوية عنصرية بسبب هذه السطوة لبعض القبليين والجهويين فيها هذا بالاضافة الي بروز ناشطين مدافعين عنها في الداخل والخارج وسموا انفسهم بهذه الصفة الجهوية وبالفعل نجح اوغاد السلطة في الخرطوم في اختراقهم من هذه الثغرات ونجحوا في حصرهم تحت تسمية( حركات دارفور) ومن خلالها صاروا يغازلونهم للتحاور والمفاوضات الثنائية بل اقاموا لهم منبرا مفتوحا الي الان في الدوحة للتفاوض معها كحركات جهوية مطلبية وكأن اقصي طموحهم هو تطوير اقليم دارفور وهو امر ضرب مصداقية توجهاتها الوطنية المعلنة وبالتالي عزلوها من الشارع السوداني وقد راينا ذلك في العملية البطولية التي قامت بها حركة العدل والمساواة في قلب العاصمة وقد نجحت في مهمتها عسكريا ولكنها رسبت سياسيا ولم تجد من يستجب لها ويؤيدها في الخرطوم لان الجميع صار مصدقا انها حركة جهوية عنصرية حسب ما اشاع اوغاد السلطة حولها وساعدهم في ذلك غلبة التيار الجهوي والاثني الغالب علي التيار القومي فيها..
    ان قيام الجبهة الثورية يعتبر انتصارا كاسحا للتيار القومي في تلكم الحركات حيث وعت الدرس وقد تجاوزت مطبات تلكم المرحلة الحرجة السابقة الي افاق الوطنية الناشدة التغيير الشامل لكل الوطن لانه لا انصلاح لكل ارجاء الوطن واهله الا في سياق الحل الوطني الشامل اي ( بالجملة) واما حلول ( القطاعي) اثبتت فشلها وسقط معها تجارها وسماسرتها في جوف تلكم الصفقات القذرة وصاروا للاسف جزءا من النظام المتهالك وهو فرز حقيقي اثبت نجاح التيار الوطني الملتزم بالاطروحات الاساسية التي نادت ولا زالت تنادي بتحرير شعب السودان وليس شعب دارفوراوكردفان وهو ذات التوجه المهدوي لتحرير السودان في بداية التكوين القومي الذي اتي بجدك البطل ( دقنة) من اقاصي شرق السودان ليس لتحرير البجا بل لتحرير السودان واتي بالنجومي وابو قرجة والنور عنقرة من شمال السودان وابو عنجة والتعايشي وادم ام دبالو وعلي دينار من غرب السودان وعلي ود حلو من وسط السودان و ماكان ( المهدي) صاحب المشروع ناشطا دنقلاويا او مقاتلا جهويا لتحرير ( دنقلا العرضي) من الاحتلال بل كان وطنيا يمثل كل السودان ولذلك انتصر لمصلحة شعب السودان بوطنية مبسطة انجز بها تحرير كل السودان وفي زمن قياسي من غير هزيمة في مواجهة اشرس جيوش الاستعمار بينما نحن اليوم جميعنا لقرابة ربع قرن من الزمان بتعليمنا ووعينا واحزابنا ومنظماتنا ونشطائنا عاجزون ان نحرر انفسنا من مجرد بلطجية ولصوص. واعزي الامر الي سقوط المشروع الوطني من وعينا وانهزامنا الي اجندات الاوغاد التي اوقعتنا في شراك الجهوية والقبلية الي درجة ان صرنا نبشر بها ونستميت من اجلها ودونها خرط القتاد!


    مودتي

    (عدل بواسطة هشام هباني on 09-01-2012, 11:27 PM)

                   |Articles |News |مقالات |بيانات

09-01-2012, 11:40 PM

فقيرى جاويش طه
<aفقيرى جاويش طه
تاريخ التسجيل: 06-17-2011
مجموع المشاركات: 4118

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: هشام هباني)

    للجميع أقول! في هذا البوست!
    أوجعتموني جلداً ورجماً!؟
    من ناصر المحسي وبشاشا وحتي منّان..
    من فضلكم.. أوقفوا هذا النوع من الحوار الدامي!
    وطن الأمة السودانية وقد تم سرقتها من قبل عصابة "إسلاماوية" وليسوا بسودانيين ولا إسلامين.
    مجموعة قراصنة ومرابين..
    وبدلاً من مواجتهم نتقاتل فيما بيننا في الفارغة!!!!!!.
    نعم في الفارغة...
    يا جماعة الخير...
    بوصلة النضال ... في مواجهة النظام الآثم الحرامي والمرتشي والقتلة .
    لا وقت للعراك السئ للغاية وبكل التفاصيل المحزنة .. وكما تتري...
    من فضلكم تعانقوا ... ووجهوا سهامكم في صدر النظام الآثم.
    ناصر المحسي موقفك من نور الدين لا نعاضده ولا نؤيده أبداً....
    لأن نوري جليلة جهده مشكور ..
    لجهده الكبير ميدانياً هو وأسرته وكافة النوبيين و سائر إبناء الأمة لسودانية في مواجهة مظالم النظام الأثم ....
    عبر مسيراتهم ضد مذابح الإبادة الجماعية في دارفور الي جانب جهدهم ضد مذبحة بورت سودان و كدنتكار...ونيالا..الخ
    في كلمة :
    نعادي نظام الخرطوم الظالم المجرم ونقاومه ونتصالح مع كافة اصوات الحق المناضل في مواجته.
    هل وصلت الرسالة؟؟؟؟؟!!
                   |Articles |News |مقالات |بيانات

09-02-2012, 02:38 AM

هشام هباني
<aهشام هباني
تاريخ التسجيل: 10-31-2003
مجموع المشاركات: 51245

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: هشام هباني)

    الاخت العزيزة رمانة

    تحياتي مرة اخري

    نسيت ان أتطرق لاستنكارك واستهجانك محاولة البعض وانا واحد منهم في رفع سقف الشفافية والصراحة الي اعلي مدي وهم يتجاوزون بوعيهم الوطني تلكم العواطف الاجتماعية الهدامة التي تربطهم بآخرين متورطين مع نظام القتل والاجرام ينبغي علينا ان نفضحهم والا نجعلهم يحتمون بهذه الوشائج والاواصر المتخلفة كي تحميهم من الانتقاد والمساءلات بحكم ارتباطهم بعصبة مجرمة لم تعر اهل البلاد اي اهتمام لا في ارواحهم ولا في أموالهم بل استباحت قتلهم وتعذيبهم وتشريدهم ونهبهم واحيانا اغتصابهم ..فكيف بالله سنرحم من لم يرحمنا ولم يقدس وشيجة ذات القربي التي تجمعنا به.... وهذا يا اختي هو التحدي الحقيقي الذي ينبغي ان نخوضه حتي نثبت اننا صادقون في مبادئنا ولا نجامل علي حساب الحق والحقيقة....فإذا اعطي اخونا ( بشاشا) نفسه الحق في انتقاد اخرين معه في ذات الخندق علي الملأ لدرجة التشهير بهم وتبخيس نضالهم كان من باب اولي ايضا ان يهاجم بذات الحقانية اعداء الشعب الحقيقيين بما فيهم بعض من اهله المتنفذين امام الملأ حتي يثبت مبدئية وحدة معاييره وعدله في احكامه وغير ذلك فانه يمارس النفاق لان فاقد الشئ لا يعطيه.
     
                   |Articles |News |مقالات |بيانات

09-02-2012, 03:57 AM

هشام هباني
<aهشام هباني
تاريخ التسجيل: 10-31-2003
مجموع المشاركات: 51245

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: هشام هباني)

    الاخ كمال بشاشا

    النضال التزام اخلاقي انساني قبل ان يكون امرا سياسيا وقضية كونك تستقيل عنه بسبب معركة اسفيرية بينك وبين اخر كنت انت من من بدأ الاساءة اليه واصفا اياه بكلمة ( مثلي) اي تعني في العربية ( ########) وهي اساءة بالغة وكان من الطبيعي ان يشن عليك ذلك الهجوم البشع من ذات المعيار ولوكنت مكانه ل( ردمتك ردما) اشر وابشع منه ولكن حمدا لله جاءت اساءتك الي وانت من بادرني بالاساءة اخف وطأة من الذي طال( الموقوف) اخانا محمد يس الخليفة... وكان من العدل ان توقف رسميا مثله لانك من ابتدأ الاساءة ولذلك استقالتك لا تمثل موقفا مبدئيا من الموقع والذي اعتقد انه جاملك وظلم الاخر بل توضح ضمور وعيك النضالي وانت تعتقد في هذا الموقع الاسفيري وكأنه ديوانا حكوميا او صحيفة رسمية تعمل فيها بالتعيين وبمقابل بينما في الحقيقة انت عضو عادي تمارس نشاطا عاما اتاحه لك هذا الموقع من غير ان توقع عقد عمل معه ولا يعرفك الناس خارجه وهو الامر الذي يعني انك ستقلع عن العمل النضالي للتفرغ ل( البزنس) كما ( تكسح) دائما عند اللزوم لاني اعرف انك لا تمارس نشاطا عاما اخر غير هذا الذي تمارسه من خلال هذا النفاج الاسفيري ولكني موقن انك ستعود قريبا كالمعتاد بعد الانتهاء من مأمورية ( البزنس) والتي ستحرم بسببها ملايين المهمشين سيفتقدون صوتهم الاعلي ( الامير الكوشي بشاشا)!
    اخي بشاشا

    قبل اسبوع اتممت ثلاثة وعشرين عاما بالتمام خارج الوطن وانا اجوب من منفي الي منفي وفكرت من قبل سنين مرات ومرات من شدة اشتياقي للاهل والاحباب ان اعود اليه ولكن كثيرين من الاهل والاصدقاء حذروني من العودة اليه لاسباب امنية حتى وان كنت احمل الجواز الامريكي واذكر ان اقترح علي بعض الاصدقاء في فترة شراكة الحركة الشعبية في السلطة ان ارجع الي الوطن بضمانة من اصدقائي الكثر في الحركة الشعبية باعتبارها كانت شريكة في السلطة وفي الامن....ولكنهم تراجعوا عن فكرتهم عندما راوا عضو الحركة الشعبية قطاع الشمال المناضل ( عمار نجم الدين) يعتقل ذاك الاعتقال اللئيم والحركة شريكة في الحكم بل راوا بعدها المناضل ياسر عرمان وباقان اموم يعتقلان اثناء مظاهرة مشهورة في الخرطوم...حينها ادركت حقيقة هواجس اصدقائي.... ولكني الان اشعر باني اود العودة بشدة اكثر من قبل وقد حفزتني علي ذلك رحلتك الميمونة الي الوطن قبل عام او عامين ورحلتك الاخيرة قبل شهرين وها قد عدت سالما غانما وانت المناضل الاشهر في كل الاسافير السودانية صاحب الصوت الاعلي ضد كل الجلابة في الحكم وفي المعارضة
    واكثر من يهاجم نظام القتلة بلا رحمة.....فقلت في نفسي اذا كان عراب مهمشي السودان ومناهض جلابة السودان المعارض (الختري) يذهب الي السودان ويعود سالما فمالذي يمنع من هو اقصر منه قامة في النضال اي (التكاسي هباني) من زيارة اهله او صديقي ( الخردة كوستاوي) والذي لم يستطع ان يذهب لعزاء في بيته او الاخت تراجي لا تستطيع ان تذهب لتعزي اهلها في شقيقتها الراحلة والمناضل ( ود عوج الدرب) لا يستطيع ذلك وكذلك اخرين اعرف انهم لا يستطيعون العودة بذات الاسباب...فاتمني ان يوضح لنا ( الامير الكوشي) بكل صراحة الطريقة التي دخل بها السودان مرتين والتقي اهله وقد عاد سالما غانما حتي نتمكن نحن معشر المساكين من الذهاب الي الوطن للقيا الاهل والاصحاب!
                   |Articles |News |مقالات |بيانات

09-02-2012, 05:23 AM

MAHJOOP ALI
<aMAHJOOP ALI
تاريخ التسجيل: 05-19-2004
مجموع المشاركات: 3543

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: هشام هباني)

    الاخ العزيز هشام
    تحيه وسلام

    Quote: نسيت ان أتطرق لاستنكارك واستهجانك محاولة البعض وانا واحد منهم في رفع سقف الشفافية والصراحة الي اعلي مدي وهم يتجاوزون بوعيهم الوطني تلكم العواطف الاجتماعية الهدامة التي تربطهم بآخرين متورطين مع نظام القتل والاجرام ينبغي علينا ان نفضحهم والا نجعلهم يحتمون بهذه الوشائج والاواصر المتخلفة كي تحميهم من الانتقاد والمساءلات بحكم ارتباطهم بعصبة مجرمة لم تعر اهل البلاد اي اهتمام لا في ارواحهم ولا في أموالهم بل استباحت قتلهم وتعذيبهم وتشريدهم ونهبهم واحيانا اغتصابهم ..فكيف بالله سنرحم من لم يرحمنا ولم يقدس وشيجة ذات القربي التي تجمعنا به.... وهذا يا اختي هو التحدي الحقيقي الذي ينبغي ان نخوضه حتي نثبت اننا صادقون في مبادئنا ولا نجامل علي حساب الحق والحقيقة....فإذا اعطي اخونا ( بشاشا) نفسه الحق في انتقاد اخرين معه في ذات الخندق علي الملأ لدرجة التشهير بهم وتبخيس نضالهم كان من باب اولي ايضا ان يهاجم بذات الحقانية اعداء الشعب الحقيقيين بما فيهم بعض من اهله المتنفذين امام الملأ حتي يثبت مبدئية وحدة معاييره وعدله في احكامه وغير ذلك فانه يمارس النفاق لان فاقد الشئ لا يعطيه.

    القاعدة اعلاه حصرية للاخ بشاشا ؟ ام يمكن سحبها لتشمل ممثل الحركة في امريكا ؟
    وهل تستوي خيارات الدباب والعنصر الامني مع رفاهية البقاء في السلك الوظيفي مع طلب اجازة مفتوحة ؟
                   |Articles |News |مقالات |بيانات

09-02-2012, 10:01 AM

هشام هباني
<aهشام هباني
تاريخ التسجيل: 10-31-2003
مجموع المشاركات: 51245

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: MAHJOOP ALI)

    اخونا العزيزمحجوب

    تحياتي

    هذه القاعدة ينبغي ان تنسحب علي الكل بما فيهم انت وانا والاخ انور اذا اثبت منتقدوه ان زوجته تعمل سفيرة في خدمة النظام ولكن من خلال النقاش لم يثبتوا ذلك بكل كانت مجرد اتهامات غير مؤسسة علي ادلة واضحة اذ اتضح انها تعمل في سلطنة عمان وايضا ينبغي ان يحاسب انور علي ادائه الوطني وليس اداء زوجته.... ولكن كان من باب اولي علي الاخ بشاشا وهو دوما الذي يزعم الحقانية ان يبادر الى مثل هذا السلوك الحقاني وخاصة ان لديه بن عم بهذا القدر من الاجرام ولا زال يمارسه ولم نعرف عنه شيئا لولا بوست العوض المسلمي الذي افترعه لاحراج كمال بشاشا....والفائدة الاخري التي استفدناها من خيط العوض تلكم المداخلة التي اعترف فيها بشاشا بصلته بالدباب كمال بشاشا بل ان الاخ بشاشا ادلي بمعلومة اوضح فيها انه مطلوب من قبل السلطات الامنية في السودان الي درجة انه تم القاء القبض علي بن عمه العائد من ماليزيا وهم يحسبون انه ( الامير الكوشي) وهو الامر الذي جعلني اتساءل تساؤلا مشروعا لم يرق حتى اللحظة الى درجة الاتهام وهو كيف سافر قبل شهرين ( الامير الكوشي) المطلوب القبض عليه الي السودان في ذروة ايام المظاهرات ولم يعتقل بل عاد سليما يحكي انه شاهد المظاهرات وشارك في احداها..ومن السهولة ان يرتفع هذا الامر الى درجة الاتهام اذا رفض الاخ بشاشا توضيح هذه النقطة الجوهرية لانها امر مهم حيث ما عدت اثق ابدا في خندق المعارضة بعد الاختراقات العديدة التي تمت فيه من قبل وسقط الكثيرون من هم بالفعل كانوا معارضين حقيقيين معروفين في ميادين القتال والنضال بل فيهم قادة احزاب وليسوا مناضلين اسفيريين... فالانتهازيون والكذبة في الشأن العام كثر ولذلك ينبغي ان نحرص علي فضحهم لان وجودهم في الشأن العام سيؤخر عملية التغيير لطالما يخدمون اجندات السلطة سواء بدعمها المباشر بالمعلومات عن المعارضة او غير المباشر علي شاكلة الذين جل اهتمامهم ليس مواجهة الطغمة بل التشكيك في اخوة الخندق وهم يبخسون نضالهم ويحتقرونهم ويقسمونهم الي ( جلابة ومهمشين) وهو امر يخدم جدا اجندة الطغمة.. وللاسف هذا هو الخط الرسمي الذي يختطه كمال بشاشا ويبشر به بشدة سواء بوعي او من غير وعي ولذلك اصر يا اخي محجوب علي الاخ بشاشا لمصلحته شخصيا ان يأتي للمنبر كي يوضح ملابسات سفره الي السودان حني نثق في اننا بالفعل في خندق وطني واحد كي يطمئن قلبي وايضا ان تصر عليه للاستجابة الي الندوة المقترحة عليه وهي بالنسبة الي معيار حقيقي لجس صدقيته ان كان بالفعل معارضا للطغمة ويحمل هم المهمشين في السودان وهذه ( عيزومة) وطنية لاجل البذل والعطاء ولا ينبغي ان ترفض الا من في قلبه مرض.

    مودتي
                   |Articles |News |مقالات |بيانات

09-03-2012, 07:08 AM

هشام هباني
<aهشام هباني
تاريخ التسجيل: 10-31-2003
مجموع المشاركات: 51245

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: ناصر المحسى)

    .
                   |Articles |News |مقالات |بيانات

09-02-2012, 05:17 AM

Zomrawi Alweli
<aZomrawi Alweli
تاريخ التسجيل: 08-04-2007
مجموع المشاركات: 3368

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: احمد الامين احمد)

    تخيلوا هذا البوست
    بدأ بدعوة المناضل كمال بشاشا لندوة كبرى بواشنطون
    وانتهى بشتائم بين نوبيين لا علاقة لهم بهذه الدعوة
    وكأنما تم فتح البوست لكيل الشتائم والسباب للمناضل نوري الدين منان
    مع ان هذا الموضوع نال حظه كثيرا في مناسبات سابقة

    فلا وصلنا الى قبول دعوة باشاشا الى الندوة
    ولا وصلنا الى حل يجمع النوبيين الى كلمة سواء

    اخي ناصر المحسي صدقني انا اتأسف كثيرا عندما تنقل مشاكلك مع نورالدين في كل بوست يشارك فيها نورالدين

    (عدل بواسطة Zomrawi Alweli on 09-02-2012, 06:27 AM)

                   |Articles |News |مقالات |بيانات

09-02-2012, 08:07 AM

ناصر المحسى
<aناصر المحسى
تاريخ التسجيل: 12-30-2009
مجموع المشاركات: 7262

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: Zomrawi Alweli)

    Quote: اخي ناصر المحسي صدقني انا اتأسف كثيرا عندما تنقل مشاكلك مع نورالدين في كل بوست يشارك فيها نورالدين


    بالله ابقى شجاع واترك المجاملة كنت وين لما نورالدين وقف مع الامنجى وشتمو عائلتى فى المنتدى حقك

    ما شئ ضيع النوبة غير المجاملة شوف بالواضح الشغل النوبى ما بيمشى لقادم الا اذا تركنا المجاملة

    وابعدنا الانتهازين

    اصلا اذا عاوزين انتهازين ليقدمو خدمة للعمل النوبى بالمقابل حيبو النصاب مجيدى وادفعو ليه 10000$

    والله يعمل ليكم المستحيل
    ــــــــــــــــ
    للاسف يا زمراوى انت انسان ما تقول الحق

    (عدل بواسطة ناصر المحسى on 09-02-2012, 08:13 AM)

                   |Articles |News |مقالات |بيانات

09-02-2012, 08:41 AM

ناصر المحسى
<aناصر المحسى
تاريخ التسجيل: 12-30-2009
مجموع المشاركات: 7262

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: ناصر المحسى)

    Quote: اخي ناصر المحسي صدقني انا اتأسف كثيرا عندما تنقل مشاكلك مع نورالدين في كل بوست يشارك فيها نورالدين


    للاسف انت احد اسباب ما يحدث فى هذا البوست يا زمراوى

    (عدل بواسطة ناصر المحسى on 09-02-2012, 08:42 AM)

                   |Articles |News |مقالات |بيانات

09-02-2012, 09:11 AM

Zomrawi Alweli
<aZomrawi Alweli
تاريخ التسجيل: 08-04-2007
مجموع المشاركات: 3368

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: ناصر المحسى)

    Quote: للاسف انت احد اسباب ما يحدث فى هذا البوست يا زمراوى

    يا ناصر صدقني ما حاجاريك في المهاترات لاني بحترم أي رأي ويغيظني الاساءة مهما كان مصدرها
    ولا اجامل وعندما يحتد النقاش ولا اجد حلا استعيذ بالله لذا يا اخي ناصر لا تجعلني احد أعداءك فانا احبك في الله مثلما احب غيرك
                   |Articles |News |مقالات |بيانات

09-02-2012, 05:58 PM

هشام هباني
<aهشام هباني
تاريخ التسجيل: 10-31-2003
مجموع المشاركات: 51245

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: ناصر المحسى)

    .
                   |Articles |News |مقالات |بيانات

09-02-2012, 06:56 PM

ناصر المحسى
<aناصر المحسى
تاريخ التسجيل: 12-30-2009
مجموع المشاركات: 7262

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: هشام هباني)

    Quote: .ولا اجامل وعندما يحتد النقاش


    والله يا زمراوى انت مشكلتك فى حياتك ما بتعرف تقول قول الحق

    دائما تتعامل على حسب علاقتك الشخصية على حساب الحق وامثالك

    هم السبب فى عدم تقدم العمل النوبى

    (عدل بواسطة ناصر المحسى on 09-02-2012, 08:09 PM)

                   |Articles |News |مقالات |بيانات

09-02-2012, 08:10 PM

ناصر المحسى
<aناصر المحسى
تاريخ التسجيل: 12-30-2009
مجموع المشاركات: 7262

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: ناصر المحسى)

    اسف نزلت الصورة بالغلط



    تم التعديل

    (عدل بواسطة ناصر المحسى on 09-02-2012, 08:25 PM)

                   |Articles |News |مقالات |بيانات

09-03-2012, 08:04 AM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: ناصر المحسى)

    نوري جليلة
    هسي زي الفعاليات الصغيرة دي (أنظر الصورة) بتطلع بـ(عداد) برضو ولا ملح ساي ؟
    غايتو لو دفعت النسوان ديل قروش، تكون اول رجل يرتزق من الخفاض الفرعوني،
    لكن شكلك قابض .. لو ما كنت قابض كان النسوان ديل شيلوك الشنط بتاعتهم وشالن اللافتة براهن .
    يا الشنا !!! يمين شنا قُن فوتافي !!

                   |Articles |News |مقالات |بيانات

09-03-2012, 08:25 AM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: عبدالوهاب علي الحاج)

    Quote: المناضل ( ود عوج الدرب) لا يستطيع ذلك
    ههههههههههههههههههههههههههههه
    والله دي قلبت فيها الهوبة عديل يا ود هباني .. كمان جابت ليها نعاج ؟!!
    إنت عارف لو كان كل المناضلين زي سيف مساعد ومصطفى محمود وتراجي وكوستاوي وزيك كدا،
    كان الحكومة دي دفعت لبكري ابوبكر قروش عديل وبقت الراعي الرسمي للبورض .

    _____________
    Quote: وها قد عدت سالما غانما
    عشان أثبت ليك يا هباني إنك مجرد أرنب إسفيري لا أكثر ولا أقل
    وعندك عشرين معيار بتتعامل بيهم
    دينق دا برضو جا الخرطوم واتجدع في أوزون لمن آمن ذاتو .. ليه ما كتبت عنو ؟
    كدي بالله لو انت زول حقاني زي ما بتدعي .. افتح بوست باسم دينق وطالبو بالاعتذار او ادانة مشاركة والده
    في حكومة السفاح نميري ... وزرزرو لينا زي زرزرتك لي بشاشا دي كيف جاء الخرطوم وهو المناضل
    الشرس والسلطان الجسور ولم يعتقل او يحتجز وعاد سالماً غانماً كما جرت عبارتك ... يلا في انتظارك يا حبيب
    قال الراوي : الليلة وين يا عينيا
                   |Articles |News |مقالات |بيانات

09-03-2012, 12:27 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: عبدالوهاب علي الحاج)

    إنت عارف يا ود هباني ليه بشاشا لم تتعرض له الأجهزة الأمني بسوء ؟
    أنا أوريك !! سمبلي لأنو لا يكتب شيئاً مهماً هنا ..ويبدو مضحكاً وراسو فاضي كمان .. وانت برضو وكوستاوي أيضاً .. أما من يبللون جفاف هذا الفضاء بريالتهم من امثال سيف مساعد ود.مصطفى محمود ديل العشرة منهم بقرش في "صواني الخرطوم" والدقة بلاش شايف كيف ؟
    وبعدين ياخ انتو مناضلين شنو البتخافوا من الاعتقال ديل ... كدي عيب لي الاعتقال ولعلمك ما في حاجة بتصلح الـ c.v بتاع المناضل زي الاعتقال ... ياخ لو شفت الحبيب محمد عادل في تجمعات بورداب الخرطوم مزهواً باعتقاله ولمن يقول ليك "انا لمن كنت في المعتقل" يمين يشهيك الأشباح وبيوتهم بيت بيت ، انت قايل شنو ؟
    إنت قايل اكبر مشكلة مواجهة عبدالمنعم "بيجو" شنو ؟ بيجو مؤزم عديل من عدم اعتقالو ولا مرة واحدة .. وانت بتكون عارف السبب طبعاً ههههههههه
    ..
    زمان في التزعينات كان المناضلين بفتشوا للاعتقال فتيش والله .. واحكي ليك القصة الطريفة دي حصلت قدامنا :
    سنة 91 كان عندنا صديق معتقل وكنا بنزوره (د.إشراقة مصطفى +شخصي الضعيف) بشكل راتب كل أسبوع في مباني الجهاز الجنب المطار ... ما كان بسمحوا لينا نقابلوا فقط كانوا بسمحوا لينا نرسل ليهو رسالة في "وريقة" وكان محتوى الرسالة كلام مقتضب كالتالي : (كيف احوالك - زرنا الاهل وهم بخير - طلباتك ؟) وبس !! .. وهو بدوره برد الرسالة بذات الطريقة : ( أنا كويس - مشكورين - أطلب ما يؤكل) وهكذا .. القصة امتدت لي شهور ..
    اتاري في واحد مناضل من طالبي الاعتقال والباحثين عنه بشدة كان مراقبنا وهو أيضاً صديق .. أصر على مرافقتنا في الزيارة القادمة .. ويوم الزيارة وصلنا مباني الجهاز وانتظرنا دورنا .. قلت لمرافقنا الجديد كدي قلمك دا عشان اكتب المذكرة .. قال لي لا خليني انا اكتب المذكرة وفعلا خليتو واقف على الكاونتر ومشيت قعدت جنب اشراقة وصاحبنا شايفو ليك بكتب ساااااي ... شالوا الورقة دخلوها للضابط ، بعد شوية كدا جاء الضابط مارق من المكتب وقال منو الكتب الكلام دا ؟.. فقام صاحبنا بكل فخر وقال ليهو دا أنا .. الضابط قال ليهو تعال جوة لو سمحت .. بعد شوية جانا عسكري قال لينا قوموا شتتوا قمنا شتتنا ونحن في غاية القلق على مصير صاحبنا ..
    رجعنا السوق العربي ومع المغرب كدا اشوف ليك زولي ماشي يحكحك في ضهرو .. ناديتو وقلت ليهو انت كتبت شنو ؟
    قال لي كتبت ليهو : لا تبتئس يا صديقي الجماهير ونبض الجماهير والثورة وبلا بلا بلا ... سألتو اها عملوا ليك شنو ؟
    قال لي جلدوني بسير مروحة وفكوني (طوالي) قلت ليهو انت زعلان عشان جلدوك ولا عشان فكوك طوالي ؟ واستطردت قائلاً : والله قلقتنا عليك وخفنا إعتقالك يطول ..
    قام قال لي : ياخ ديل (## لات) ساي
    ..
    ..
    اها شفت يا معلم الاعتقال دا مهم كيف ؟ الناس كايسنو كواسة ما لامين فيهو .. فهلموا ودا غير انو الايامات دي الناس المرعبين الحكومة هم ابناء الهامش من أهالي دارفور وجبال النوبة .. يعني كلامك وتخوفاتك دي لو قالها عبدالمنعم سليمان بتاع شبق الجلابيات طوالي اقول ليهو كلامك صاح واوعك تجي لكن انت ومن ذكرت لستم سوى هنابيل تفزع بعضها البعض

    ________
    الـ## بارادتي ولا دخل لبكري بذلك .
                   |Articles |News |مقالات |بيانات

09-03-2012, 02:12 PM

هشام هباني
<aهشام هباني
تاريخ التسجيل: 10-31-2003
مجموع المشاركات: 51245

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: عبدالوهاب علي الحاج)

    وهبة يا جقروتة


    السلطان دينق عندما عاد كانت الحركة الشعبية شريكا كامل الدسم في السلطة ومن خلالها وتحت حمايتها اعتقد ايضا قد عادل عبد العاطي الي الوطن
    برغم انه ليس عضوا في الحركة الشعبية بل عاد كثيرون غيره اعرفهم من الاصدقاء من هم ليسوا اعضاء في الحركة الشعبية..
                   |Articles |News |مقالات |بيانات

09-03-2012, 02:18 PM

ناصر المحسى
<aناصر المحسى
تاريخ التسجيل: 12-30-2009
مجموع المشاركات: 7262

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: هشام هباني)

    Quote: السلطان دينق عندما عاد كانت الحركة الشعبية شريكا كامل الدسم في السلطة ومن خلالها وتحت حمايتها اعتقد ايضا قد عادل عبد العاطي الي الوطن


    خلاص يا هشام وبشاشا ممكن يمشى تحت حماية اهلو الكيزان

    من امثال كمال بشاشا وابن الراحل زبير محمد صالح
                   |Articles |News |مقالات |بيانات

09-03-2012, 06:14 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: المناضل كمال بشاشا...انت مدعو لندوة كبرى بواشنطون! (Re: ناصر المحسى)

    Quote: السلطان دينق عندما عاد كانت الحركة الشعبية شريكا كامل الدسم في السلطة
    ودينق علاقتو شنو بالحركة الشعبية ؟
    دينق لمن الرجال كانوا بخشوا الغابة قام جرى السعودية ومنها لأمريكا ... دينق زول انتهازي داير يسرق مجهود الآخرين
    النوع الزي دينق دا من ارذل أصناف البشر .. زي نورالدين منان دا
    ودا غير انو عسكري ما مفروض يمارس أي عمل سياسي انا ما عارف مخوفكم وقاطع قلبكم ليه ؟
    وبعدين صحح معلوماتك ياسر عرمان لم يعتقل .. ياسر عرمان ركب الدفار برغبته ورجالة وبعد ملاواة ..
    انا مش قلت ليك الاعتقال دا الناس بكوسو كواسة ما لاقنو ودا عشان تصدقني بس
    _________________
    Quote: عادل عبد العاطي
    وما عادل براهو ... هسي ناس المنبر ديل في زول مناضل اكتر من صديقنا ياسر طيفور صحبي دا ؟
    لعلمك ياسر دا شال سلاح عديل وهدد امن الدولة وحارب في الشرق شفت كيف ؟ ..
    السنة الفاتت جاء داخل تووووش ومش كدا وبس جا عرس كمان ... شفت ميتة قلب الزول دا ؟
    السيرة بتاعتو دورت من بحري .. الدلاليك مدورة لحدي ما دخلوا الزيداب زووووول قال ليهو انت بتسوي في شنو ماف ..
    وسيبك من ياسر، هشام آدم الملحد الواحد دا ... دا مش شتم الحكومة وبس دا قال الله ذاتو مافي ... وحاااتك يا غالي شفتو بعيني الماشي ياكلها الدود حااايم في الكلاكلات دي، جاء ورجع زول سألو ماف .. وغيرو وغيرو ناس كتار بنلاقيهم ما بنشتغل بيهم ويرجعوا يملوا الدنيا صياح وكواريك
    فياخي ما تفكوها فينا وتقوموا انتو ذاتكم تصدقوها ...
    وبعدين ياخي نحن ذاتنا يا هباني ما دايرنك تعيش لحدي ما يجوا يعتقلوك دايرنك بمجرد خروجك من المطار اكون انا واقف ليك بجالون البنزين والكبريتة وتولع نفسك .. عشان الثورة تشتعل من جديد .. وما دايرك تزعل مني وتقول الجقروتة صحبي دا قنعان مني ابداً والله .. أنا اقترحتك للحريق عشان انت طويل وسمين وبتولع زمن طويل
    وشكلك كدا يا ود هباني درويش وماك عارف المطرة صابة وين ؟ مسكين مفحط بتاكسيك دا وما جايب خبر ..
    الجماعة شغالين لهطي وأهو قدام عينك فضحنا ليك نورالدين "مجان" سمسار القضايا دا .. وما تنسى تراجي دي كمان على اليمين مليانة دهب التقول بت ناس تبيدي
    والباقر موسى الشهير بالباقر "كنجالات" بتاع كندا دا شغال مع الكيزان عديل وقال انا بشتغل مع الشيطان ذاتو لو اداني قروش ..
    فإنت يا اخوي يا تشوف جهة تلهط منها يا كمان تعال للجقروتة صحبك دا جالون البنزين والكبريتة ما يغلوا عليك يا حبيب .
    خخخخخخخخخ
                   |Articles |News |مقالات |بيانات

1 صفحة 2 „‰ 2:   <<  1 2  >>

������� ��������� � ������ �������� �� ������� ������ ������� �� ������ ������ �� ���� �������� ����� ������ ����� ������ �� ������� ��� ���� �� ���� ���� ��� ������

� Copyright 2001-02
Sudanese Online
All rights reserved.




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de