|
|
 فوز المريخ ببطولة الدوري من غير هزيمة الهلال لا طعم له.
|
فوز المريخ ببطولة الدوري من غير هزيمة الهلال لا طعم له.
فرح المريخاب بتعادل المريخ مع الهلال في مباراته النهائية لكأس السودان بعد ان تفوق على نده التقليدي الهلال بفارق بسيط من النقاط. ولكن في الحقيقة يا مريخاب الفوز ده لا طعم له والتعادل مع الرشاشات انا بعتبرو هزيمة عديل. علشان كده انا بقول الفوز بالبطولة دي ما عندو اي طعم. كنا بنتوقع نتيجة 2/صفر على الاقل ويقوم الهلال يغير المدرب.
__________________________________________
الرشاشات يمتنعون.
دينق.
|
|
 
|
|
|
|
|
|
|
 Re: فوز المريخ ببطولة الدوري من غير هزيمة الهلال لا طعم له. (Re: Deng)
|
أخـــوي ديــنق
يســعد صبــاحــك بكل خيــــر ،،،
تعرف يادينــــق أول مرة في حيــاتي ما افـــرح لبطولـــة يحققها المـريـــخ ... فعلاً البطولـــة كنــا نتمنــــى بـــان تــــأتي كما كنـــا نشـتهي بس الله غالـــب والجماعــــة غايتــــو نفعتهم مقـــبرتهم لان أولادنــــا كانــــوا بعلبــــوا علـى الواقـــف خـوفـــا من الاصـابــات ... وموعدنــــا معـــهم في كـأس الســـودان إنشــــاء الله .... والنصــر لنا بإذن الرحمن ...
| |
|
|
|
|
|
|
|
|
|
Re: فوز المريخ ببطولة الدوري من غير هزيمة الهلال لا طعم له. (Re: Deng)
|
دينق
ما قايلك من الصهاينة والله ..
عندي صحبي صهيوني زيك كدا
قال لي كان نفسو المريخ يغلب الهلال واحد صفر
والقون يجي في الدقيقة 89
ويكون مشكوك في امرو ، يعني من تسلل ولا بي الايد
المهم
عشان شنو ؟؟
عشان الهلالاب يحسو انم اتظلموا
شفت ليك حقد زي دا
بس برضو بنقول ليكم
لولا التحكيم ما كان طلعتو درون
وكان علي البطولة ياها عادتها
سنة ليكم
وخمسسسسسسسسسسسسسة سنين لينا
| |
|
|
|
|
|
|
|
|
|
Re: فوز المريخ ببطولة الدوري من غير هزيمة الهلال لا طعم له. (Re: اسامه خليفه)
|
التحية لك أخي دينق ولبقية الأخوة المتداخلين
لقد إستوقفني وأدهشني جدا تصريح للمدرب الديبة لجريدة قون اليوم قال فيه "انه رفض جملة وتفصيلا ما اثير من بعض الاقطاب والشخصيات الاعتماد علي الاناطين لحسم نتيجة مباراة القمة"، ومثار دهشتي هو أنني كنت أعتبر الإتهامات المتبادلة بين جمهور فريقي القمة عن قيام الفريق الآخر بمثل هذه الممارسات الجاهلة ما هو إلا ضرب من المناكفة والمكايدات التي عادة ماتحدث بينهما، ولم يدر بخلدي مطلقا أن يأتينا من يؤكد بوجود أقطاب في نادي كبير مثل الهلال يفكرون ويؤمنون بمثل هذه الممارسات الغريبة عن الرياضة..
التصريح العجيب للمدرب الديبة تجدونه علي الرابط http://goansport.net/article/id/13041
| Quote: لا اعتقد ان هذا الطعم ستحققونه قريبا فالهلال مرعب والدليل خمسه سنوات متواصله .. |
صدقنا وآمنا يا أسامة انو هلالكم ده مرعب! مش كده وبس .. ده الرعب ذاتو.. بس مين يقنع أقطاب الهلال وبعض شخصياته الهامة بأن الهلال مرعب ولايحتاج للإعتماد علي الأناطين لحسم مباراة القمة؟
| |
|
|
|
|
|
|
|
|
 Re: فوز المريخ ببطولة الدوري من غير هزيمة الهلال لا طعم له. (Re: ناذر محمد الخليفة)
|
يا ناذر دينج دا نحن عارفين من زمان إنّو هلالابي "مندس" ولا يشبه الصفوة بأي حال
لن تنطلي علينا مثل ألاعيب هذا "المندس"
شوف كمان ما بفرّق بين كأس الممتاز وكأس السودان
المريخ العظيم دا يوم 7\8 طمبلكو وإخوانه ما فاز ب 1\ صفر دولي كبير
يعني الكأس دا عند المريخ طعمه عسل جبل أصلي
والمندسين ينفقعو
وراكم والزمن طويل
سنكشف كل الهلالاب المندسين ولن نرحمهم ونفضحهم أمام العالمين والمريخاب الشرفاء
أحترم جداً من يقول أنا هلالابي
عديييييييييييييييل كدا
يلا بلا لمّة
كيف يا ناذر؟
| |
|
|
|
|
|
|
|
|
|
Re: فوز المريخ ببطولة الدوري من غير هزيمة الهلال لا طعم له. (Re: Deng)
|
| Quote: تعرف يادينــــق أول مرة في حيــاتي ما افـــرح لبطولـــة يحققها المـريـــخ ... فعلاً البطولـــة كنــا نتمنــــى بـــان تــــأتي كما كنـــا نشـتهي بس الله غالـــب والجماعــــة غايتــــو نفعتهم مقـــبرتهم لان أولادنــــا كانــــوا بعلبــــوا علـى الواقـــف خـوفـــا من الاصـابــات ... وموعدنــــا معـــهم في كـأس الســـودان إنشــــاء الله .... والنصــر لنا بإذن الرحمن ... |
اخونا عماد محمود.
بالله قول للجماعة ديل ان اي فوز على الهلال من غير اهداف كثيرة ودراما لا طعم ولا لون له.
دينق
| |
|
|
|
|
|
|
|
|
|
Re: فوز المريخ ببطولة الدوري من غير هزيمة الهلال لا طعم له. (Re: Deng)
|
الأخ العزيز ديــنق
سلام
الفوز على الهلال 1/0 في المرحلة الأولى بإستاد المريخ هو الذي أتى بالكأس..
يعني بالمنطق كدا.. المريخ تحصل على 4 نقاط في اللقائين المباشرين مع الهلال..
والهلال حصل على نقطة واحدة فقط..
فبالتالي التفوق والفوز بكاٍس الممتاز جاء عن طريق الهلال..
ويمكن أن يؤكد المريخ ذلك الفوز بهزيمة الهلال في نهائي كأس السودان..
لأول مرة أعرف أنك الجماهير الصفوة يا دينق.. لأني لم أراك في بوست رياضي..
وحقيقة كل الناس البتكتب برقي في هذا المنبر نكتشف أنهم من جماهير الصفوة..
تحياتي
عبدالعزيز
| |
|
|
|
|
|
|
|
|
|
Re: فوز المريخ ببطولة الدوري من غير هزيمة الهلال لا طعم له. (Re: Deng)
|
Quote: الاخ دينق
احلي شئ في المباراة حتي صافرة الحكم الكل متوقع الكأس ..............
خاصة اللعبة الرأسية من اللاعب كلتشي(المفتري عليه ) في الدقية 90 وقفت قلوب كل اهل المريخ ..
دي كأس بعد خمس سنوات عجاف ........ مبروك للزعيم |
يا واو أها نبقى لي جنس ده يا الله درون؟
دينق
| |
|
|
|
|
|
|
|
|
|
Re: فوز المريخ ببطولة الدوري من غير هزيمة الهلال لا طعم له. (Re: Deng)
|
تعرف كلامك صاح
انا شخصيا كنت متوقع 3-صفر اقل تقديرللمريخ
لانو دا انسب وقت للمريخ يتفوق بوضوح على الهلال
عشان كدا ورغم انو المريخ افضل من الهلال لكن فى خلل فى مكان ما
علىا الجهاز الفنى مراجعة الوضع عشان ما يكون حسرة فى المنافسات الخارجية
لانو لو المريخ ما عمل انجاز افريقى بعد الملايين دى تكون مصيبة .
| |
|
|
|
|
|
|
|
|
|
Re: فوز المريخ ببطولة الدوري من غير هزيمة الهلال لا طعم له. (Re: Deng)
|
Quote: ما قايلك من الصهاينة والله ..
عندي صحبي صهيوني زيك كدا
قال لي كان نفسو المريخ يغلب الهلال واحد صفر
والقون يجي في الدقيقة 89
ويكون مشكوك في امرو ، يعني من تسلل ولا بي الايد
المهم
عشان شنو ؟؟
عشان الهلالاب يحسو انم اتظلموا
شفت ليك حقد زي دا |
الاخ أحمد محمد عثمان.
لا انا كنت بتمنى ان المريخ يفوز 3 صفر علشان الهلال يتفرتق. طرد مدرب,شطب لاعبين الخ...
بعدين أنتو صلاح ادريس ده اليومين ديل شغال شنو?
دينق
| |
|
|
|
|
|
|
|
|
 Re: فوز المريخ ببطولة الدوري من غير هزيمة الهلال لا طعم له. (Re: Deng)
|
اجمل ما في مريخ اليوم هو انه بكل اقتدار بحجـم العشم..
وفي ظـل التفوق الواضح بين نتائج قطـبي القمه هذا الموسم كنا نريد هزيمه عز النهار ,
مدربنا تعامل مع الكره باحترافيه , ولعب باسلوب الفرصتين..
الكاس هدف كان واجب التحقيق وقد كان ..
و مباراه يوم ثلاثين بدون الدوليين ,
و بعدها قمه على نهائي كاس السودان بالدوليين . ودي بتعرف
فائز واحد فقط ..
سلام اخي دينق مريخنا عظـــيم
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
| |
|
|
|
|
|
|
| |
Deng
Ahmed Mohammed Osman
اسامه خليفه
ناذر محمد الخليفة
Frankly
Abdlaziz Eisa
almogira alemam
عصام دهب
معتز جعفر الحسن
عبدالعزيز الفاضلابى
شهاب الفاتح عثمان
فيس بوك
تويتر
انستقرام
يوتيوب
بنتيريست