|
Re: رسالة خاصة في نافذة عامة ... للأخ محمد السني دفع الله (Re: محمد سنى دفع الله)
|
اخي محمد السني سلامات وكل سنه وانتم بخير
تحضرني ذكريات فرقة الاصدقاء وبداياتها واتذكر زيارة لكم لمدني ولمنزلنا ومعرفتكم لاخي المسرحي سيف احمد كرار بفرقة المكي المسرحية آنذاك اخي سيف مؤلف مطبوع وقد الف مسرحية للاطفال بعنوان السجين الصغير فازت بالجائزة الاولى في مهرجان الثقافة الثاني على ما اظن ومازالت حبيسة الاضابير اذا هنالك اي امكانية للتعاون في جعل هذا العمل يرى النور الرجاء مكاتبتي على الايميل [email protected] شكرا
اخوك جمال كرار
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Amir Omer)
|
التحايا والأشواق معليش والله يا جماعة موعوك وعكة شديدة نزلة برد الله لا وراكم!
المهم يا نادر لا مكنة لا جربوكس .. والله قدر ما حاولت ارفع الأغنية بتجيني الرسالة دي "One or more files failed to upload. The reasons returned are: Bad file type : mp3" يلا وريني بعد كدا أعمل شنو ولا أسأل لي ناس كوستاوي صحبك عشان يفهموني الحل شنو وليك علي أرفع الأغنية طوالي. السني ما تكلفتنا ... عايزين توثيق تاريخي يا زعيم
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: نادر السوداني)
|
دة يا امير لحن جميل خلاني اتعاطف معاة ولقيتني قاعد اكتب في الموسيقي وخليت الشقل الشقال فيهو الغنية دي كلمات منو؟ لو قدرتة ترسل الغنية / تراك العود فقط عشان ابني عليهو الموسيقي المصاحبة من ايقاع وهارموني ولزم كمنجات وخلفيات موسيقية وبعد كدة برسل ليك الفايل عشان تسجل الغناء مع الموسيقي وترسل لي تراك الغناء الجديد عشان المكس // واضح الغنية في ميزان ثلاثي وريني السرعة حقتة كم // يمكن تعجبك علي الطريقة النادرية ها ها ها وبرضو منتظرين الكناجيل الانجليزي ها ها ها
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: نادر السوداني)
|
الحبيب نادر
شكراً ليك يا جميل كونك تكون عايز تعمل الشغل دا عندك فدي شهادة أفتخر بيها انا لكن للأسف يا حبيب أنا ما بعرف موضوع التراكات دي كيف بفصلوها! عشان كدا وطالما كتبت الموسيقى تقوم أنت تعمل الموسيقى بالشكل الأنت عايزه وترسلها لي وأنا ح أركب ليك الصوت عليها وأرسلها ليك تعمل فيها الإيفكت والحركات التانية! بالمناسبة أنا ما عارف ح أنزل صوتي كيف وأرسلو ليك كيف .. لازم تفهمني الحاجات دي بتتعمل كيف. أحسن طريقة يا نادر أنا أشوف الأغنية الأصلية وارسلها ليك وأنت تعمل الشغل الأنت عايزه وبعد كدا ترسلها لي أنزل عليها الصوت (طبعا بعد ما توريني أنزل الصوت وين) ... أكيد طبعا ح تعجبني على الطريقة النادرية دون شك. الملحن ما متأكد منو لكن بالتأكيد العلامة الموصلي ح يورينا ليهو لو جا ماري بجاي اما كاتب الأغنية على ما اعتقد هو عزمي أحمد خليل. تابع إيميلك عشان ح ارسل ليك الأغنية هناك.
مودتي يا جميل
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: نادر السوداني)
|
هاهاهاهاها والله يا نادر بالغت معاي عديل الكنجالات دي قبيل موضوعها إتحسم ياخ! لكن بيني وبينك نوع شغلك دا ما في كنجالات زاتو بتساويه! اها الكنجالات دي عايزة كاش ولا شيك ولا تحويل على الحساب؟ شفت الكلام الما خمج ... معاها خيارات كمان راجع أيميلك عشان الأغنية الأصلية بصوت حمد الريّح
___ الظروف كلمات: عزمي أحمد خليل
الظروف يا حلوة دايما ** بعيون حلوة بتجيبنا يارضت بريدنا ليها ** ولاّ صبح الهم حبيبنا == كنا قبلك يا حليوة ** في دروب ما فيها إلفة لا الصباح زاور دروبنا** لا قليبنا القالوا مرفأ ولما حنّ الليل علينا ** ولعينيك جابتنا صدفة ما غريبة علينا شوفتك ** زي زمان بيناتنا عِرفة == الزمن تاريه برضو ** بقساوتو بيصفى مرة جابني ليك من غير إرادة ** وصحى في أعماقي ذكرى زي عيون في خيالي ديمة ** هسى ليها بحاول أطرى وفي عينيك الليلة دُبت ** وما بهم لو أشقى بكرة == العيون العاجبا سيدا ** نحن برضو بنشتهيها والضفاير الحاضنة ليلنا ** شايلة ضي أفراحنا فيها هاك قليبي وعز ريدو ** والعيون ما تكسفيها ولو خطاك بخلت علينا ** نحن بشوقنا بنجيها
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Alsa7afa_30)
|
الاخ السني الله يديه العافية تواصلت ابداعاته خلال ايام العيد المبارك مع اطفالنا الاعزاء .
تاكدت من شئ واحد وهو عشق السني لهؤلاء الاطفال عشقا يفوق عشق جميل لبثينة .
شكرا لك اخي السني ونحن في انتظار المسرحية مع اعياد الاستقلال.
تخريمة :
أيضا استمتع الجميع مع فرقة هيلاهوب بالنادي الأهلي رغم البرد القارس.
شكرا لهم .
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Amir Omer)
|
أمير سلامات ..
Quote: إنت من شباب الهند شكلك كدا! فعلاً يا حبيب أكرم عمر هو أخوي معقولة قدرت تستشف الحاجة دي من الصوت؟ |
و الله جمعت الحاجات كلها مع بعض ، الصوت + الصورة + الأسم
أنا من خريجي مدراس 2000-2006 ..
مع انو لا يوجد معرفة شخصية بيني و الفنان أكرم عمر ، لكنه أمتعنا كثيراً في أيام خلت ..و دائماً أتذكره وهو يغني (حمام الوادي يا راحل) فيبكي و يبكي معه أغلب الحضور ..
له و لك التحية ..
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Alsa7afa_30)
|
Quote: دائماً أتذكره وهو يغني (حمام الوادي يا راحل) فيبكي و يبكي معه أغلب الحضور .. |
حسام الجميل سلامات
سعيد أنا بهذا التلاقي الروحي الجميل (صوت+صورة+أسم) بيني وبين أكرم! أكرم رجل شفيف وحنيّن بدرجة تفوق الخيال ، ويغني بإحساسه فيعطي الكلمات واللحن بٌعداً أعمق! لا أنسى أنني تعلمت الجقلرة في العود عندما كنت أعزف معه ولا يستطيع أن يكمل الأغنية لبكائه(فأضطر للجقلرة) في المقاطع الحنينة زي (مفارق خضرة النيلين) مع أعطاء نبرة حزاينية على اللحن في جملة (النيلين) في أغنية حمام الوادي! فرصة سعيد أنا ألتقيك هنا ، وتحياتك وصلت فعلياُ لأكرم!
لك من الود ما تشتهيه يا صديقي أمير عمر
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Nola)
|
نولا جاية بعد الهنا بي سنة؟ وبعدين ما عاجبك الملف النزلو نادر دا ولا دا نظام حقد وكدا؟ شوفي ليك طريقة معالجة صوتية للإيفكت وأعملي معالجة للعود لأنه شغال بسماعة واحدة .. زي ما عمل نادر وبعدين تعالي تنزليه تاني ولا أقول ليك ... أنتظري الصفحة تقلب!
شكراً يا حبوبة
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Amir Omer)
|
أحبائي أمير ، نادر ، السني وجميع محبي البوست
بأجمل العبارات ... وأرق الكلمات ... وأعذب الحروف
نهنئكم بعيد الأضحى المبارك ... ونسأل الله أن يتقبل منا ومنكم صالح الأعمال ...
وكــــــــــــل عـــــــــــام وأنـــــــتـــــــم بــــخـــــيــــــر ...
و كل الامنيات الطيبة بعام جديد سعيد يرفرف عليكم جميعا بالسلام و الصحة و العافية
و ان يتم تحقيق كل احلامكم و أمنيـاتكم.
لأول مرة أعرف أن السني أحسن من يحسن الزوغان من البردالقارس فقد بحثت عنه في ليلة حفل فرقة الهيلاهوب بالنادي الأهلي ولم أجده وكان البرد من النوع البنزل فجأة و البيدخل العظم خاصة الحفل كان في مكان مكشوف . غايتو الفرقة شوية نستنا البرد.
أخي أمير يوم أمس الاثنين فقط سلمت رأسي للحلاق في زمن خطأ وعند حلاق خطأ من النوع البمسك راسك ساعة كاملة والبمشي المقص في الهواء ودا كله في طقس يعتبر جليدي بالنسبة للخليج.
وعذرا للانقطاع وانت عارف زحمة العيد وكل عام والجميع بخير.
ودمتم،،
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: حسن طه محمد)
|
الحبيب حسن طه
Quote: يوم أمس الاثنين فقط سلمت رأسي للحلاق في زمن خطأ وعند حلاق خطأ من النوع البمسك راسك ساعة كاملة والبمشي المقص في الهواء ودا كله في طقس يعتبر جليدي بالنسبة للخليج |
نعيماً ... عارف عشان موضوع الزمن الخطأ والحلاق الأخطأ منو دي أنا فكرت في القصة بتاعتي دي .. لا حلاق لا مقص في الهواء ماشاء الله شايف برامجكم مليانة ورابة شديد ... السني صاحبنا على ما يبدو كبير الزواغيين من كل الكوارث الطبيعية ولو متابع البوست من أول كنت سمعت كلام أستاذة سلمي لما حكت لينا أنه السني ساب القاهرة عشان الزلزال .. وهسي ح يسيب ليكم الدوحة مادام الموضوع جاب ليهو جليد ... على قول السني(تحسبوا لعب) هاهاها الراجل دا لو عايزين تحافظوا عليه دفوه شديد .. وجيبوا ناس الهيلاهوب ديل في صالة مغلقة وفيها دفايات تسخن بالواحد
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Amir Omer)
|
اول مرة تحصل تسجيلين في وقت واحد عاملين كونتربوينت عجيب انا قلت نادر عمل شغل فوق شغل امير لكن لقيت نولا دابية صاحية ومنزلة تراكاتا فوق الغنى النزل من زمان لكن زيادة الخير خيرين وانا دستوري نازل في الولد العندو صلعة اقفل ياحبيب الصوت النزلتو نولا وتلقى في اغنية واحدة شوفته الفهم مساء الخيل يا سكسوني
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: محمد سنى دفع الله)
|
السني يا صديقي مادام الموضوع بقى فيه تسجيلات وجقلرات نادرية عايز منك خدمة .. المصطلحات الكبار كبار بتاعت كونتربوينت والحاجات البقولوها الفنانين في اللقاءات وبخلعوا بيها المساكين الزينا ديل أنا عايزك تدرسني ليها عديل كدا .. عشان بعد كدا الواحد يعيش الدور صاح
على فكرة البت نولا دي بتهرش منك عديل .. مع أني حاولت أقنعها ليك بأنك صديق الطفولة والأطفال وعملت ليها دعوة لبوست ،، نــجـــااااااضــه ،،،،، عشان تشوف المهم يا سيدي البت دي قالت زمان أنت كنت بتخوفها في القصر وكانوا بيحاموا ليها ناس أمير عبدالله ومحمد نعيم سعد ويخارجوها من براثنك
الفنان السكسوني
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Amir Omer)
|
طفشت لينا الذكريات بعدين انت وأكرم ما تعملو ثنائي رفاعه ولا اقوليك تيمان الغربة ولا اقوليك صلع برزارس دي بالنجليزي يامرسي ونولا الحبوبة ماله هارشه مني كنت بقلع قروش فطورة في القصر انا عمري ما كنت نجاااضة قول ليها تعالي زورينا عند اولاد النجاااضات بعدين انت في بلد العلم والنور ولا ديم باريس المهم النور والموسيقى ما عندكم لانو مابدرس بدون كنجالات ادي نادر كنجالاتو الكنجلالالالالالالالالالات
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: محمد سنى دفع الله)
|
الكنجلا لا لا لا لا ت ....... واللة يا السني دة موضوع عاوز ليو بوست براو كيف يطور الفنان من ادواتة الفنية ونحن نعلم ما يحتاجة من دروس وكتب وآلات موسيقية وهوة تحت رحمة المطرب اللزي يحدد لة اجرة ويفرض علية المشاركة في حفلاتة بدون اجر وعندما يطالب بحقوقة المادية يطلعو زول مادي ويشيلو حسو عشان كدة العازف في السودان ما قادر يتطور ويواكب ما يدور حولة في العالم كما نجد المطربين انتفخت جيوبهم بالكنجلات ويا ريت هذة الكنجلات صرفت لتطوير الفن السوداني يصرفون اموالهم في شراء البيوت والشقق والعربات الفارهة كنت اتمني ان اجد كبار فناني السودان يمتلكون استوديوهات خاص بهم وشركات انتاج تدعم فنهم وهم يوفرون دخل سابت للموسيقي اللزي من غيرة لم يكن الفنان فلان الفلاني اسمحو لي ان ارحب بنولا الحبوبة وكل سنة والجميع بخير يا نولا وجود فايلين بيعمل تشويش في السمع ارجو ان يسحب واحد منهم ولك كل التقديرلما بزلتية من جهد
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: محمد سنى دفع الله)
|
مافي حاجة طفشناها يا صديقي ... دي ونسة جانبية بين الفواصل ساكت يا حبيب! إنت ما سمعت الفنان الذري بقول: ليه بنهرب من مصيرنا ولا الباشكاتب بقول: وين ح نهرب منو وين؟ سيك سيك معلق فيك يا السني ياخوي! أما الكنجالاااااااااات دا موضوع دسم جدا ممكن بعد ما تخلص من أسئلتك دي نعمل لينا مجموعة أسئلة لنادر نخليه يتفشى فيهم .. ها ها ها
نولا أنتظرها لمن تجي تحكي ليك برااااااها قصر شنو عليك الله البتخشو نولا دي .. غايتو إلا يكون قصر الشوق لو هدام
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Amir Omer)
|
[ نعمل لينا مجموعة اسئلة لنادرنخلية يتفشي فيهم ] مالك يا حبة عاوز تجيب لي الهوي انا كدة كويس كافي ..... تم الباقي براك يعني حمدة في بطنة ها ها ها انا حسة ماشي عندي عداد امريكاني / لزوم الكريسمس وكدة وبرجع ليك بكرة ................ازا كان لينا عمر السني واصل عشان ما نطلع من فكرة البوست جقلرة ==== لو فايل نولا ما نسحب لحد بكرة انا بسحب فايلي .........................اة ميري كريسمس لي قدام النلحق الكنجالات الماخمج ..... سلام
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Alsa7afa_30)
|
أمير الأمير
شفت المقلب.
الحفلة الاولي لناس الهيلاهوب اللي حضرناها كانت في الهواء الطلق اقصد البرد الطلق وأخوك خم العائلة ومشينا ضحك من جهة وبرد من جهة . الحفلة التانية قالوا حتكون في الصالة المغلقة .
الحفلة التالتة حتكون في مركز اصدقاء البيئة في صالة مغلقة ودي مؤكد حنكتلها خاصة حيكون السني هو مقدم الحفل. شوف يا امير أخوك السني شديد ( بتشديد الدال )كيف نظم الحكاية في صالة مغلقة .
عزانا انه هو مقدم الحفل .
شكرا للاخ عادل التيجاني والاخوة منظمي الحفلة ولأصدقاء البيئة جميعا.
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Amir Omer)
|
الاعزاء نادر وامير
اخوكم السني والله مشغول شديد ويوم الخميس كان هلالا ( وهو هلالابي قاطع ) مكتمل والهلال عندما يكتمل يصبح بدرا فكان اختياره من أهل المنتدي لتقديم حفل الهيلاهوب موفقا.
وهو مشغول أيضا ببروفات المسرحية التي سيقدمها مع أعياد الاستقلال المجيد.
فرفقا بصاحبي وما تطلعوه برا الخط وركزوا علي المسرحية الجاية .
لكم المودة الخالصة.
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Amir Omer)
|
سنة حلوة جميلة ياجميل عثمان محي الدين ايها الشاب الباهي الف تحية نضرة ولمهند الملك الف التبريكات هو من الملوك ونحن رعية وانت معانا برضو رعية بالرغم من انك أمير اديتني النزلة عبر الأسيفير اتمنى ان تكون الرحلة موفقة وغنيتو لمن وصلتو فرمالات الزمن الجميل اغاني الندامة ويا حمامة مع السلامة الصور بديعة ومدهشة وذكرتنا ايام جميلة تجياتي لعثمان ومهند ومودتي
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Amir Omer)
|
العزيز أمير الأمير
مع اطلالة العام الجديد لكم تحياتي وامنياتي الصادقة بالصحة والسعادة وتحقيق المراد خاصا وعاما.
قرأت كلماتك المفعمة بالجمال وصدق الاحساس الخارجة من دواخلكم بتلقائية محببة عن الاخ عثمان محي الدين الذي آمل ان تجمعني به الايام في زمن جميل قادم ان شاء الله.
حقا سررت كثيرا ان يوجد بيننا من يحمل مثل هذه الصفات الجميلة في زمن اصبح وجود مثلهم نادرا للاسف الشديد.
هذا الشخص الجميل هو اضافة لود السني الجميل.
والحياة تكون جميلة بوجود مثل هؤلاء الجميلين والـــــلـــــه يـــكـــتـــر مـــنـــهــــم.
مع مودتي الخالصة وتحياتي لصديقكم محي الدين وكذلك للفنان مهند الملك.
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Amir Omer)
|
الاعزاء السني وامير طبعا وبلاشك ابو عركي فنان بقامة الوطن وتجدني سعيد بوجودة الزاهي في امريكا الشمالية كما اتمني لة حفلات ناجحة واقامة سعيدة بيننا
جقلرة ==== تعرف يا امير اولاد بمبة المزيكاتية بيقولو للكنجالات // اوبيج // وعندهم مثل مشهور بيقول // ابجني تجدني // فالكنجالات هي سر من اسرار نجاح الموسيقي وبة يستطيع ان يطور من ادواتة الفنية ان كانت // كتب او دروس او آلة موسيقية تساعدة في توصيل فنة يعني كنجالات .... ك......ربات ..... ك .......ها ها ها وبعدين بيني وبينك مافي احلي من اكنجالات الامريكاني واموت في اليورو ها ها ها يلا سلام مربع لفناني امريكا والسودان
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: نادر السوداني)
|
صباحاتك ورد يا نادر
بالله هي السياسة زاتها في كنجالات؟؟ وأنا أقوووول الجماعة مكنكشين في الكرسي دا مالهم هاها غايتو كنجلني تجدني دي قلبت فيها هوبة ... يعني كان ما أوبيجتك ما أجدك يعني ولا شنو؟ خلاص خلص لينا الشغل وخلينا نشوفه قبل ما تنشغل مع عركي وتنسانا لا نلم فيك لا نلم في الاوبيج والبوست وين ما تنزلوا اخوك معاك محكررررر
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: محمد سنى دفع الله)
|
السني يا حبيب مشتاقين والله الحفلة كانت رابة وناس كارديف ديل ناس فنانين بالفطرة الكنجالات المرة دي ما كان في ليها طريقة عشان الحفلة كانت مجاملة لصديق قديم لعثمان محي الدين! لكن ما تقول لنادر عشان ما يشيل حالي هههههههه طبعا أنت عارف الصوت كان كيف ، فأخوك كان خايف من ناس البيض والطماطم ديل لكن الزعيم عثمان محي الدين اتفنن لي بشوية (قرض) مع عصير كدا أنا زاتي ما عارفوا شنو .. لونو زي الفراولة وطعمه أناناس على برتقان وبعد مرات مرات كدا بديك طعم جوافة بالليمون أها قمنا مشينا الحفلة لقيت الصوت بدا يفتح براهووو طبعاً عمك عثمان غير لي السلالم كلها ونزلها لحدي ما الصوت سخن بعد داك قال لي أفتح يا معلم شغل معلمين كباااااااار يا عمك
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: Amir Omer)
|
تشرب ساكت معارف الشربتو شنو؟ غايتو من شطارتي وخبرتي الزول ده شربك شربوت خواجات يعني عمل ليك شوية بيبسي مع فودكا مع جن مع باقي ابري رمضان الفات عشان اضيع عليك الطعم واهوشايفك بقيت لاعارف لاشامي لاضايق وشربت وصوتك فتح من هنا والله لو ادوك توربيني ما تفتح بالسرعة لو معاك جوكرين ما تفتح بالصورة القلتها دي كده راجع الشراب ده وكلمنا لو بقى طبيعي تعال نشيل حق الأختراع بتاعو ونسوقوا في السودان كتار العايزين صوتم افتح شن قولك
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: محمد سنى دفع الله)
|
امير الحسن نادر الجمال الأ صدقاء الحلوين مشتاقين مرت علينا ايام احزان وخفوت لكن عدنا للحياة بزخمها ورونق صبحها البديع عدنا للموسيقى والفن والجمال في الأيام الماضية قدم كورال الدوحة عدد مقدر من الأغنيات الوطنية بقيادة الموسيقار محمد آدم المنصورى الذي قدم عصارة خبرته للفنانين الشباب ونقلهم نقلة نوعية في كيفية تقديم الفن الغنائي الجماعي بحرفية المحترفين وحماسة الهواة فكانت ليلة الدهشة والحماسة والطرب الأصيل .. اعتقد حان الوقت لنتحرك بصورة جادة في كل المنافي لنعمل على نشر فنوننا الموسيقية والدرامية والتشكيلية فتجربة الدوحة تجربة ناجحة جدا قيام اسبوع بالناس الموجودة في كل بلد ممكن بقليل من الحهد والإخلاص ووالتفاني واواتفاق المجموعات مهما كان الختلاف بينهم علينا ان نوحد السودان بالفنون شعارنا ابداع متعدد ومتنوع لـــوطـــــن واحــــــد
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: محمد سنى دفع الله)
|
السني اخوي سلام انت وين ووين الفنان السكسوني اوعة يكون مقمص ومحمبك مننا ها ها ها اتمني ان يكون بخير كنت اتمن ان نواصل في هذة البوست بنفس القوة والحماس اللزي بدأ بة لما اراة من اهمية وانتم توثقون مرحلة مهمة من مراحل تاريخ المسرح والدرامة السودانية اللتي كنتم انتم شاهد عيان وهي ترسم ملامحها علي خشبة المسرح وخلف مكريفون الازاعة وامام كمرات التلفزيون لا تبخل لجيل كامل لم يكون محظوظا كما كنا .......لمعرفة اشياء كثيرة عن هذة النوع من الفن اللذي يعتبر اب لكل الفنون بلا منازع .....................لك مني كل حب وكل الشوق للفنان السكسوني ها ها ها
| |
|
|
|
|
|
|
Re: رسالة خاصة في نافذة عامة ... للأخ محمد السني دفع الله (Re: نادر السوداني)
|
الاخوة العزيزين جدا
تحياتي
عن العزيز ابو عركي أحكي
في نهاية السبعينات وبدار اتحاد الفنانين قابلنا الاستاذ ابو عركي ومعي الاساتذة الشعراء محجوب عباس والتيجاني سعيد والمغفور له باذن الله عمر الطيب الدوش.
جميعنا مفلسين لا نملك حق العشاء.
أصابتنا الفرحة عندما قابلنا أبو عركي الذي منخنا كل ما كان لديه وهو مبلغ جنيهين بالتمام والكمال وكان هذا المبلغ سببا في تناولنا لعشاء فاخر في ذاك اليوم .
ان تحدثتم عن الكرم فتحدثوا عن حاتم الطائي وأبو عركي.
ما أجملها من ذكريات ..
ودمتم .
| |
|
|
|
|
|
|
|