،، نــجـــااااااضــه ،،،،،

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
التحالف الديمقراطي بأمريكا يقيم ندوة بعنوان آفاق التغيير ما بعد هبة يناير 2018
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-10-2018, 05:51 PM الصفحة الرئيسية

مكتبة محمد سنى دفع الله(محمد سنى دفع الله)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
30-12-2007, 09:26 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    منصور المفتاح
    يايها الأديب الفاهم
    طبعا لمن كنت صغير
    شكلك من ادبك وشكلك الهادي
    وطولة بالك
    وحكمتك
    واضح جدا
    انك كنت
    نجااااضة لامن غلط
    ظاهر عليك من الأطفال الكانو بوقفو الفريق على فد رجل
    وما خالي طيرة في الهوا ما صيدتها
    ولا حيوان ما سكيتو
    ولا بني ادم ما دقيتو
    بالله ما تحرمنا من ذكرياتك البديعة والغنية بالمواقف
    ادينا شوية كل الأجيال الجديدة تستفيد وتعتير
    من طفولتك النجاااضه
    نجضناااااااااا
                   |Articles |News |مقالات |بيانات

30-12-2007, 09:39 AM

مجدي عبدالرحيم فضل
<aمجدي عبدالرحيم فضل
تاريخ التسجيل: 11-03-2007
مجموع المشاركات: 8840

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    الفنان الجميل محمد السني دفع الله

    كل عام وأنت بكل الخير البتقدموا لينا من مسرح حقيقي ما هو خيال والتحية عبرك لكل الأطفال الحلوين والنجاض أشكال ياربي شكل كل أطفال السودان بالجمال البيشبهنا ودمت ياعزيزي بألف خير.

    ،،،،أبوقصى،،،،
                   |Articles |News |مقالات |بيانات

30-12-2007, 09:46 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: مجدي عبدالرحيم فضل)

    سنسوني !!!

    سلامات يا جميل ,,,

    كل عام وأنت بالف خير ,,,

    بصراحة نجاضة ون وتو عجبوني شديد .. ممكن تلفهم لي في ورقة ولا ترسلهم لي في إيميل ؟؟؟

    سلم لي عليهم لغاية ما يصلو !!!
                   |Articles |News |مقالات |بيانات

30-12-2007, 09:55 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: عواطف ادريس اسماعيل)

    ود السني العزيز جدا

    ممكن تدخلني في حكاية النجاضة بس عشان في الاول افهم الحكاية شنو وبعد داك نركب المركب لو سمحتو لينا.

    مع ودي.
                   |Articles |News |مقالات |بيانات

30-12-2007, 10:28 AM

سيد محمد احمد سيدنا
<aسيد محمد احمد سيدنا
تاريخ التسجيل: 21-11-2005
مجموع المشاركات: 1249

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)


    الاخ العزيز محمد السنى


    كل عام وانت بخير وربنا يحقق امانيكم


    وصلتنى الرساله مع الاخ الحاج حامد وقلت


    كدى اشوف واحد من بوستاتك واهنئك بالعيد بحثت


    لقيت العنوان دا وفكرتكم بتنجضوا الشيه على


    ضفاف قطر لكن سارجع اشوف الموضوع فى الصفخة


    الاولى وبعدين نشارك فى التنجيض .


    تحياتــــى وشكرى على السؤال


    اخوك / ســــيد محمد احمد
                   |Articles |News |مقالات |بيانات

30-12-2007, 09:18 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: سيد محمد احمد سيدنا)

    سيدنا
    ابو السيد
    التحايا والأعياد كلها افراح ممتدة في عمرك
    لك الحب والمودة
    وربنا اكفيك شر النجااااضه
    ومنتظرين مساهمتك
    مودتي
                   |Articles |News |مقالات |بيانات

30-12-2007, 07:53 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)

    ماشاءالله
    ذاك الشبل من ذاك الأسد
    واولادك زينة
    ارجع للصفحة الأولى وانت تعرف النجاااضه
    بعدين انت معانا في العيد يعني ما شفت النجاااضات
    الكانوا بنجضوووفينا على نار هادئه
    ولا شنو ؟؟
    المهم بعد ما تشوف الصفحة الأولى
    لينا كلام
                   |Articles |News |مقالات |بيانات

30-12-2007, 03:07 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: عواطف ادريس اسماعيل)

    شكرا للدلع
    وسنسوني وسناسن مقبولة منك
    واسامي الدله بتاعتي
    عملتها شخصيات كرتونية
    سناسن وسنوسني
    يعني تاكيدك للأسماء خلامي احافظ عليها
    ونجااااضه واختو طالما عجبوك
    يلا اكتبي لينا نجاااضاتكم البشبهوهم
    ومنتطرين
    مودتي

    يا عطوةةفه
                   |Articles |News |مقالات |بيانات

30-12-2007, 12:03 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: مجدي عبدالرحيم فضل)

    مجدي ابوقصي
    لكالتحايا العطرة
    والود النقي
    نحن اتربينا على الواقعية والطبيعية
    والواقعية الأشتراكية والواقعية السحرية
    وهسي بقينا في زمن السريالية
    لو قالو ليك البحصل لينا ده كنت بتتوقعوا
    طبعا لا وابدا لالالا
    مهما ساقك الخيال ومهما كانت عندك قدرة على التحليل
    ما بتوقع البحصل شنو
    زمن سريالي مش ؟؟
    اها ده من النجااااض النحن فيهو
    ويا ما في الدنيا من
    نجاااااااضه
    مودتي ومحبتي

                   |Articles |News |مقالات |بيانات

31-12-2007, 09:29 AM

الفاتح الجنيد
<aالفاتح الجنيد
تاريخ التسجيل: 19-08-2007
مجموع المشاركات: 1003

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    الفنان السنى
    تحية وعيدية

    نجاض الشُفِّع عرفناهو
    بى قرصة ، بى تِحِمِّرة ، تقوم تمرق تفوت ، بى كروه ، بتتحل منو ...
    لكن البخارجك شنو من نجاض الكبار ...
    يلم فيك واحد فى السوق وانت مستعجل ، والا بعد صلاة الجمعة فى الحراية بتاعة الساعة 2 ديك يقوم يوقفك وهاك يارغى وانت تتململ ،،، تسوى مم مم مم
    والا يجيك فى البيت فى الزمن الضايع ، والا يمسكك فى التلفون يهريك بى نضمى كلوا لُقاط
    يمرق من موضوع ويدخل فى التانى على طول قبل ما تجر نفسك
    والغريب يبدأ ليك فى الاول يقول ليك : ياخى ما أكون ازعجتك !!
    وعلى طول يدخل فى المواضيع قبل ما ترد عليه بظرف ( لا ياخى العفو )

    أها ده ما أخير منو نجاض الصغار !!!
                   |Articles |News |مقالات |بيانات

31-12-2007, 02:21 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: الفاتح الجنيد)

    الفاتح الجنيد
    نجااااااضه
    بتاعك وكبير ده اخير منو النجاااضات الصغار
    مقدور عليهو
    تقول اممم لمممم وتسمع
    لمن انتهي
    اممم امممم امممم
    والله اخير منها النجاااضات الصغار
    دي ما نجااااضه دي ثقاله عديل
    لكن بقول ليك حافظ على الأدب
    وطولة البال
    اديك العافية
                   |Articles |News |مقالات |بيانات

09-01-2008, 09:53 AM

مامون أحمد إبراهيم
<aمامون أحمد إبراهيم
تاريخ التسجيل: 25-02-2007
مجموع المشاركات: 5234

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    Quote: طبعا لمن كنت صغير
    شكلك من ادبك وشكلك الهادي
    وطولة بالك
    وحكمتك
    واضح جدا
    انك كنت
    نجااااضة لامن غلط
    ظاهر عليك من الأطفال الكانو بوقفو الفريق على فد رجل
    وما خالي طيرة في الهوا ما صيدتها
    ولا حيوان ما سكيتو
    ولا بني ادم ما دقيتو

    والله ياالسنى دى بالغت فيها , لكن ما نجضتو نجاض !

    قرون ضوئيه , زى ماقال جنى !
                   |Articles |News |مقالات |بيانات

30-12-2007, 03:17 PM

محمد عثمان

تاريخ التسجيل: 10-11-2006
مجموع المشاركات: 6488

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    ما بطال نتنجض معااااكم..!!

    كل سنة و انت طيب اخ محمد سنى
                   |Articles |News |مقالات |بيانات

30-12-2007, 04:06 PM

عادل التجانى
<aعادل التجانى
تاريخ التسجيل: 08-04-2007
مجموع المشاركات: 2154

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد عثمان)

    في احتفالية نجوم الهيلا هوبا بمركز أصدقاء البيئة
    جاء الناس من كل حدب وصوب يستمتعوا بنجوم الهيلاهوبا وجلسوا في رواقه شديده منتظرين النكات والقفشات الجميله وفجأه

    شفت ليكم شافع نجاضه وطبعاً جرت العادة ألا يذكر اسم (النجاضات) ولكنه واحد من ثلاثة نجّاضات في الدوحة .. ظل يجري من أول الصالة مروراً بالمسرح وطلوعه والنزول منه وبعد شوية جاب معاه شوية شفع وبدأت الضجة .. أنا ما شفت شافع زي دا نجض ليكم ناس الهيلاهوبا .. والغريبة عندما طلبت من أمه أن تهتم بيهو قالت لي بكل بساطه (خليهو ياخد راحتو) .. وبعد شويه جلد ليهو شافع جلد تمام .. فالتفت لها وقلت ليها يا مدام ولدك ده بالغ (ضرب ود الناس) تعرفوا قالت لي شنو ؟

    قالت لي كلم ود الناس عشان يضربوا زي ما ضربو

    اتحيرت يا جماعه والحقيقه أنا ما عارف حتى الآن النجاضة الولد ولا أمه ؟؟

    أفتوني

    (عدل بواسطة عادل التجانى on 30-12-2007, 04:12 PM)

                   |Articles |News |مقالات |بيانات

30-12-2007, 06:37 PM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: عادل التجانى)

    حبيبنا السنى
    كل سنة وأنت طيب
    وعيدك والنجاضات وأمهم بخير

    ضحكتنى ياخ ولزيزة تلقى البوست وهو عمران

    زكرتى واحد صاحبنا ضابط جيش سابق عندو ولدو بتلاتة نجاضات من عينتك دى
    مسميه هادم اللذات

    يوم فى مناسبة عامة لقيتو قاعد وجمبو ولدو منتهى الهدوء
    قلت ليه الراجل الليلة هادئ .. قال لى بكون بعمل تقدير موقف قبل ما يتحرك

    كل سنة وأنت بألف خير
                   |Articles |News |مقالات |بيانات

31-12-2007, 06:57 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: رأفت ميلاد)

    ضحكت لمن اهتز كرشي
    وتخلخلت اضراسي
    وصف واقعي يارأفت
    ياباهي عامك سعيد
    لكن النجااااضه ما عندك
    قلت لي بعمل تقدير موقف
    ده مانجاااااضه دياشي وفي هو
    جيينات دياشية
    ده النوع هجوموكاسح وفعلا بكون هدام ملاذات
    ده بعوث خراب لي درجة ابوه معترف بي قوة التدميرية
    وساميهو هادم اللاذات يعني ده عندو قوة تدميرية
    لايوجد بعدها فرح وده من اقسى انواع النجااااضات
    بعدين زي ما شايف ابوه زاتو نجاااضه زيو ماسكو
    لكن الساعةالبحس انو عليهو اطلاقو الى الحرب بطلقو
    وده بخلي ابوه نجاضتة صواريخ
    يعني قاعدة اطلاق بشرية
    وده الأب النجااااضه والله يارأفت تعبت من
    النجاااض
    نجضنا انت
    صحي الدياشي مرتو اعلى منو بي رتبة
    وولدهم النجاااضة بي رتبتين ؟؟؟
    جاوب سريع بي مقالة !!!
                   |Articles |News |مقالات |بيانات

28-01-2008, 12:09 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    جاين انا ونجاااضه
    ومعانا ضحية
    وكيكي
    الرجاء استقبلونا
                   |Articles |News |مقالات |بيانات

31-12-2007, 05:35 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: عادل التجانى)

    ماذا نقول
    لك اخي عادل التجاني
    كيف نفتيك وانت قلت انه واحد من تلاته نجااااضات
    في الدوحة
    ودي مسألة معقدة جدا
    نقوم نفتي اجي نجاااضاتك ده انجضنا صباح ومسا
    بعداك نبقى في اليخارجنا
    لكن قلت كان كيف ؟؟؟
                   |Articles |News |مقالات |بيانات

31-12-2007, 05:58 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد عثمان)

    محمد عثمان
    التحية والمودة وكل سنة وانت بالف خير
    وعام سعيد وعمر مديد
    اتنجض مع النجااااااضات
                   |Articles |News |مقالات |بيانات

31-12-2007, 05:47 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    يا سنسنة
    انت لمن أبو { نجاضة } و { نجاضة توو }
    ضبك متلبس
    عملت شنو ؟

    تلقاك جبت إحلام شاهد








    زور
                   |Articles |News |مقالات |بيانات

31-12-2007, 05:49 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    Quote: النجاااضه
    ضحية
    انت زاتك ما نجااااضه


    والله أنت ماعارف الناس ديل نجاضتهم منو
    عامل عيونك المحوصات ديل
    يا سنسنة
                   |Articles |News |مقالات |بيانات

31-12-2007, 08:14 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: أبو ساندرا)

    منو العيونو محوصات
    منو؟؟
    ابو ساندرا
    منو ؟؟
                   |Articles |News |مقالات |بيانات

31-12-2007, 05:52 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    كتب عادل التجاني
    Quote: اتحيرت يا جماعه والحقيقه أنا ما عارف حتى الآن النجاضة الولد ولا أمه ؟؟


    أممممممك
    ثم
    أمك

    أو

    أم التيجاني
    واللا أنت ولدك الكبير إسمو منو
                   |Articles |News |مقالات |بيانات

31-12-2007, 06:21 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: أبو ساندرا)


    السني أخوي
    يادوب رجعت للصفحة الأولي وفهمت ويا ما في الدنيا دي في نجاضات جائزة نوبل عليهم شوية.

    ابدأ معاكم بالنجاضة " مجتبي " رغم انو انا نيابة عنه بشكرك علي وصفك ليه بالزين .وهو اذا عايز يشكرك امكن يبتسم ليك بسمة خفيفة كدا لانه حيفتكر انك ما جبت جديد عنه.

    مجتبي في اولي ابتدائي

    أمس أمه بتذاكر ليه لزوم الامتحانات الايامات دي ( طبعا أخوك برا الموضوع ) . الدرس كان عن العادات الحسنة والعادات السيئة.

    عن العادات السيئة جايبين صورة واحد بيدخن. قال لامه دا عندو عادة سيئة زي أبوي .

    الغريب اني بدأت في برنامج الاقلاع قبل ما أسمع كلام زي دا .
    واول الغيث قطرة .
                   |Articles |News |مقالات |بيانات

31-12-2007, 10:25 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: أبو ساندرا)

    ولدو الكبير اسمو سامح
    قصرنا معاك يا بوساندرا
                   |Articles |News |مقالات |بيانات

31-12-2007, 06:16 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: أبو ساندرا)

    في اولاد نجاااضين
    كمان في امهات
    نجاااضات
    والولد ما ببقى تجاااضه
    الا لمن القى امو تجاااضه
    والله اعلم
                   |Articles |News |مقالات |بيانات

31-12-2007, 12:50 PM

طارق عبد اللطيف نقد
<aطارق عبد اللطيف نقد
تاريخ التسجيل: 13-11-2005
مجموع المشاركات: 2301

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    حبيبنا محمد السني
    وكل المداخلين
    كل سنه وانتو طيبين مع زحمة الاعياد
    والله والواحد ما قادر يركز مع ياتو عيد
    الضحية ولا الكريسماس ولا راس السنه ولا الاستقلال
    ولامع النجاضات ديل
    مع انه لفظ النجاضه بي لغة الرندوق تعودنا عليه00 للفتاة ذات القدر من الجمال والكمال
    لكن انا برضو عندي واحد
    مرة مشينا مناسبه عامة داخل قاعة
    يقوم ينزل مني ويجري ويشاكل الشفع وعندماامسكو واقعدو يملا القاعه صراخ
    اضطره افكوا يقوم جاري
    الى ان تعبته وفقدته التركيز وبعد شويه ما لقيتوليك
    تخيل بعد تفحيص وتمحيص وتفتيش تقل لقيتو وين؟؟؟


    لقيتو ليك داخل تحت الكرسي بتاع عازف البنقز
    قال لي ده ولدك فأجبته بالايجاب
    فقال لي الله يعينك ح يطلع 0000000
                   |Articles |News |مقالات |بيانات

31-12-2007, 03:01 PM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: طارق عبد اللطيف نقد)

    ختكم دي

    في نهاية الثمانينات بمدينة الرياض تعرفت بأحد الاخوة الكرام وقام ما قصر وشرفني في البيت ( الشقة ) ومعاه نجاضته ( والذي أصبح منذ الوهلة الأولي نجاضتي وقبل ما يكون ايضا نجاضة أم العيال ) . ,اخوكم كاتنب هذه السطور ما قصر جايب حلاوة شوكولاته من النوع البسيح في درجة 5 تحت الصفر.

    المكان : الصالون وكراسي الجلوس من قماش مستعد يتأثر بهواء النفس.قماش ابيض شديديلمع .
    وهاك يا نجاضة من كرسي لكرسي بالطول والعرض سودانا يهز الأرض وفترة الراحة عندو بشوكولاتة وايدينه اتحننت بيها وابوه عامل فيها شاهد ما شافش حاجة ويلز في طاقيته ( بدون عمة ) وراءو قدام .
    الكراسي أصبحت لوحة تشكيلية .

    الدور بقي عليه وجاه النجاضة وخطف الطاقية وهنا انتصب والد النجاضة وقال ليه جيب الطاقيةدي ما توسخها . الطاقية دي بعشرة ريالات.
    هنا قلت : خليه ياخي الكراسي دي بعشرة ملالين بس ما مشكلة !!!!!!!!
    بالله عليكم افتوني :- البستاهل جائزة نوبل النجاضة ام ابو النجاضة ؟
                   |Articles |News |مقالات |بيانات

31-12-2007, 05:08 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)

    Quote: الدور بقي عليه وجاه النجاضة وخطف الطاقية وهنا انتصب والد النجاضة وقال ليه جيب الطاقيةدي ما توسخها . الطاقية دي بعشرة ريالات.
    هنا قلت : خليه ياخي الكراسي دي بعشرة ملالين بس ما مشكلة !!!!!!!!
    بالله عليكم افتوني :- البستاهل جائزة نوبل النجاضة ام ابو النجاضة ؟


    ما عندنا إلا نقول ليك يامنير :-

    عين ( الأب ) عن كل عيب كليلة *** وعين ( الحضور ) تبدي لك المساويا


    ...


    ..

    (عدل بواسطة صلاح شكوكو on 31-12-2007, 05:13 PM)

                   |Articles |News |مقالات |بيانات

31-12-2007, 05:38 PM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)

    Quote: صحي الدياشي مرتو اعلى منو بي رتبة
    وولدهم النجاااضة بي رتبتين ؟؟؟
    جاوب سريع بي مقالة !!!
    ياخوى كل من الديش ديل
    طبعآ كلهم دبابيرم مقلعة جوة البيت
    عنترياتم علينا نحن بس
                   |Articles |News |مقالات |بيانات

31-12-2007, 06:30 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32520

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: رأفت ميلاد)

    لعالم نجااااضة المرح والملائكي عدنا
    ودوما نحمل صديقنا 0(بنجوس) ذلك الذي وصفناه (بمروحة التربيزة)
    بنجوس في احدي طلعاته النجاضية اتي بامر جلل وسواااها شينة عديل كده..
    في عرس احدي حسان الحي كان تجليد الدلوكة وتوضيبها احدي المهام التي كلفت بها(ام بنجوس)
    واجتهدت في ذلك كل اجتهاد (جلد عجل) ورسمت فيها قلبين ضماهم غرام وعملت بروفة زي مليون مرة
    وبنجوس قاعد يكشف ليها ولعله في سره يقول لها اصبري لي بنجضك نجاض قبورة يا امي....
    في يوم العرس والناس جاهزة موية ونور والزغاريد حدها السماء في ذلك اليوم وقبل بداية الحفل
    كان نجاضة (بنجوس) قد قرر ونفذ (قد الدلوكة)
    لقد (قد)بنجوس الدلوكة يا السني وعملها نملية بس

    ضيع رقيص وشتت زغاريد ودبرس بالحبان والجكس
    ونجض الفريق كلو نجاض بنجوس
                   |Articles |News |مقالات |بيانات

04-01-2008, 04:41 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: عبدالكريم الامين احمد)

    عارف يا كيكي
    بنجوس النجاااضه
    ده ما هادم لذات
    ده مفرتق الخقلات
    ده اصعب وافوى من اي قوة نظام عام ولا خاص
    ده قداد الدلوكة
    المهم نحن متأكدين والفرح مالينا
    انو نجاااضه بتاعك ده
    لامكان له في اي فرقة موسيقية في المستقبل
    مودتي
                   |Articles |News |مقالات |بيانات

01-01-2008, 05:19 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: رأفت ميلاد)

    صلاح شكوكو
    رافت نيلاد
    استعدوا بداية السنة
    وقه عليكم الأختيار
    لتكونو في لجنة النجااااض الأكبر
    راجعوا اقتراح الأستاذ حسن طه
    مودتي
                   |Articles |News |مقالات |بيانات

31-12-2007, 07:03 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: طارق عبد اللطيف نقد)

    طارق عبد الطيف
    النجاااضه بلغة الرندوق
    تعني البت الشديدة
    التي تنجض الناس نجااض
    اما النجاااضة بتاعنا
    فهو من ينجض الناس النجااض الجد
    على نار هادئة
    وكلهم في النجااض بدوخوك واطلعو زيتك
    لكن النجااااضه عندك
    تحياتي وعيد سعيد
    مودتي
                   |Articles |News |مقالات |بيانات

31-12-2007, 06:24 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    العزيز محمد السني
    سنة سعيدة
    وانت والنجاااااااااااض بألف خير


    والله نجااااااااااااض بس حلوين
    هارني هري
                   |Articles |News |مقالات |بيانات

01-01-2008, 07:11 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: طارق جبريل)

    السني واحباب السني

    يا ما في الدنيا دي نجاضين نجاضين بمعني الكلمة حسب توصيف السني وواضح أن التنافس بينهم شديد حسب ما ورد ويرد في هذا البوست خفيف الظل.

    عندي اقتراح وهو: تكوين لجنة برئاسة اكثر من تنجضوا من النضاجين لاختيار أحسن النضاجين للفوز بكاس السودان للنضاجين.

    رايكم دام فضلكم ،،،
                   |Articles |News |مقالات |بيانات

01-01-2008, 10:10 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: طارق جبريل)

    طارق جبريل
    النجاااض الأكبر
    نفرش ليك الورد والبساط الأحمر
    ونرش عليك عطر ياسمين
    وبعد الراحة وادوخك ضل الشاتي
    وفي عز الإسترخاء
    ندخل ليك نجااااضه
    وتقول واااااااااي
    نهريك تاني
    ونتمنى ليك تكون معاهم بألف خير
                   |Articles |News |مقالات |بيانات

01-01-2008, 01:20 PM

بابكر الزاكي

تاريخ التسجيل: 27-12-2007
مجموع المشاركات: 349

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    السلام الفنان السني كل عام وانت بخير
    كدي اوك حاجه رسل لينا نجاصه عشان تنجص خروف العيد الباقي نصه لسع انتو تعبانيين من النجاصيين ونحن مشتاقيين ليهم
    بوستك دا ذكرني صديق نجاص بشكل عجيب كنا ساكنيين مع بعض في دبي كل ليله بينجض فينا من بعد العشاء الي ان تشرق الشمس
    في ليله من ليالي النجض العامره في واحد من الساكنيين معنا عنده معاينه للعمل تاني يوم الصباح بدري وكان لازوم ينوم كويس عسان يكون مركز بس صاحبنا النجاض ما اداه طريقه والعندوه معاينه خجلان يقول للنجا ض اسكت عشان انوم وحاول ينوم وضع المخده علي اضانه ما في فايده نام علي بطنه اتكرفس برضوا ماكو فايده حوالي الساعه تلاته صباحا افتكرنا الزول العندو معاينه نام لانه رقد من الساعه11 فسمع من الكلام الدائر انه النجاض دا بكره حا ينوم مع واحد اسمه حمزه اقلب علي الحيطه وقال والله بكره حمزه زي الوقت دا عيونه بتكون موره جنس وريم وانفجرت الغرفه من الضحك حتي الصباح
    مع ودي
                   |Articles |News |مقالات |بيانات

01-01-2008, 07:18 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: بابكر الزاكي)

    بابكر الزاكي
    زاكية دنيتك
    وليك المودة
    وعامك زي العسل
    بعدين زولك ده
    عندو قوة ثلاثية
    ده
    براية زايد نجاااضه
    لكن منجطكم نجاااض قبورة
    ده السكن معاهو مخاطرة مخفوفة بالسهر والحمى
    لك الموده وعامك سعيد
                   |Articles |News |مقالات |بيانات

01-01-2008, 07:44 PM

معتصم ود الجمام
<aمعتصم ود الجمام
تاريخ التسجيل: 22-04-2003
مجموع المشاركات: 3261

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)


    السني
    نجااااااااااااااضات البورد كيف ؟
    على وزن زكريا العجب كيف ؟
                   |Articles |News |مقالات |بيانات

02-01-2008, 05:01 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: معتصم ود الجمام)

    نجاااااضات البورد
    ديل لينا زمن
    بنجي ي جنب بوستاتوم
    وبنزوغ
    ما بنقدر على نجاضوم
    ديل نجاااضم كده
                   |Articles |News |مقالات |بيانات

01-01-2008, 11:17 PM

Alsa7afa_30
<aAlsa7afa_30
تاريخ التسجيل: 06-02-2003
مجموع المشاركات: 6618

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)


                   |Articles |News |مقالات |بيانات

02-01-2008, 07:31 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: Alsa7afa_30)

    حسام
    ود الص7افة
    الراقي
    ياود ياعسل
    كل المنى ليك بعام سعيد
    وعمر مديد
    ودايما بتختار من الموسيقى
    مايطرب الوجدان
    ويغذي العقول
    وينشط الذاكرة
    اختيارك نور ايامنا الماضية
    من اصحاب اصحاب
    الى ايام اطفال الديجتال
    لك مودتي
    وشكري وتقديري
    واحترامي
    ياحسام
    يا صديقي
                   |Articles |News |مقالات |بيانات

02-01-2008, 09:09 AM

الفاتح الجنيد
<aالفاتح الجنيد
تاريخ التسجيل: 19-08-2007
مجموع المشاركات: 1003

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    Quote: الفاتح الجنيد
    نجااااااضه
    بتاعك وكبير ده اخير منو النجاااضات الصغار
    مقدور عليهو
    تقول اممم لمممم وتسمع
    لمن انتهي
    اممم امممم امممم
    والله اخير منها النجاااضات الصغار
    دي ما نجااااضه دي ثقاله عديل
    لكن بقول ليك حافظ على الأدب
    وطولة البال
    اديك العافية


    تعرف ياود السنى

    مره واحد نجاضه مسكنى ليك فى التلفون ،،،
    وانا جيعان يادوب ختو لى صينية الغدا قدامى الساعة 3 الضهر
    الراجل ده عذبنى عذاب قبورة
    وانا اسوى إممم إممم إممم
    ومرات :
    ياسلاااام
    بالله !!!
    ياخى مامعقول ؟؟؟
    مرة قلت ليهو : والله جميل ...
    قام قال لى : جميل شنو ؟
    أقول ليك اشتريت هدوم العيد للوليدات قمت نسيت الكيس فى التاكسى تقول لى جميل !!!
                   |Articles |News |مقالات |بيانات

02-01-2008, 01:25 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: الفاتح الجنيد)

    الفاتح الجنيد
    ياخي انت راجل من درجة فارس
    ياخي انت الإستحملتو
    فرسان بس الواجهو فرسان عدييل
    ياخي ده نجاااضة وبراي وثقالتو منو وفيهو
    ده بتمتع بصفات فريدة غلا (بالغين) ما تجتمع الا في بغل عديل
    ده ما هجين من الثقالة والنجاااضه
    زي هجانة البغال غال ثم من غال الثقيل ده
    ده اتمنى المولى الكيم ما يجمعني بيهو
    لادنيا ولا اخره
    واليوم البتعرف فيهو عليك واقابلك وبعد السلام والمحنة
    بلبسك نوط الرجالة والصبر الجميل
    بعد داك بتعرفني على النجاااضه ده من بعيد عشان اتحاشاهو
    مودتي
                   |Articles |News |مقالات |بيانات

02-01-2008, 02:55 PM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)


    السني واحباب السني

    احكي ليكم القصة دي وهي واحدة من قصص التنجيض علي نار مولعة نار قدر ما تحاول تطفيها تولع تاني .

    كل المشاهير من السياسيين والفنانيين والادباء والرياضيين وأساتذة الجامعات والوزراء الخ الخ الخ اقرباه رجالا ونساءا . وديل لازم يكونوا من كبار المشهورين المعروفين( انا خايف ود السني يكون قريبه كمان ) . وهاك يا تنجيض:



    واحد اخونا من ابطال النجاضة الجد نجض ليك واحد من اخوانا نجاضة جد :

    - دكتور احمد ياخي دكتور الفزياء المعروف دا ود خالتي ز
    - علي .... لاعب الكورة المشهور دا ابوه ود عم ابوي .
    - وزير الاذاعة.. دا امه بتبقي لحبوبتي اختها لكن ما شقيقتها من ام تانية.
    - مفتش الأراضي دا مش قريبي وبس لكين برضو صاحبي ولو عندك اي حاجة في الاراضي نمشي ليه سوا ويحل مشكلتك طوالي نحن واقفين.
    - دكتورة عشة استاذة البيطرة والقانون دي فظيعة جنها شكل ومرة اتشاكلت مع واحدة زمياتها دكتورة برضو وبس الناس انبسطوا واتلموا عشان يشوفو شكل الدكاترة كيف . والله دكتورة عشةدي لو ما قريبتي ما أزورها اصلو في بيتها.
    - قريت كتاب " النجاضة هم احسن ناس " ؟ دا المؤلفه يبقي لاخوي ود عمته ويبقي لي انا ود جدي .
    - امبارح حضرت ليك مسرحية " نجاضة " ودي مؤلفها ومخرجها وكاتب السيناريو ليها وموزعهاوممثلها واحد اسمه ود السني . ابيضاني كدا لانه حبوبته سورية وضعيف كدا التقول ما بياكل دا قريبي بس من بعيد .لكن راجل فنان فنان.

    وهاك يا نجاضة من النوع دا .

    اخونا المستمع في النهاية قال ليه :

    اسمع شفت الراجل الراكب الجمل في القرش الاحمر داك . قال ايو شفته.

    قال ليه : ببقي ليك شنو!!!!!!!!!!
                   |Articles |News |مقالات |بيانات

03-01-2008, 09:01 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)

    والله لوطلع بعرفو تبقى مصيبة
    عارف عندنا واحد نجاااضه
    كان لمن اصل البيت
    بكتب اسم الفنانين المشاهير
    على باب البيت
    حضرت ولم اجدكم
    محمد الأمين
    وينك الشوق فاض بي
    ابوعركي البخيت
    ونسى انو قدر ما اتحرفن ما قدر اغير خطو
    خطو كان بفضحو دايما وابدا ......
    مرة قاعدين في لمة قرايبنا وفي غرفة النسوان متلمات نسوان العائلة
    واثناء ماهم في عز مجلسهم العامر دلت أم نجااااضة
    والجو اتكهرب طوالي مشيت لي زوجتي وهمست ليها :
    الدخلت دي ام نجاااضه اعملي حسابك من ولدها قبلها واعملي حسابك منها لانها مابترضى في وريث عرش النجاااضات وفعلا لمت نوبه واضايرت في طرف العنقريب وعدت الثواني والدقائف ولم يحدث شئ وتكهرب الجو عندي يعني حأطلع ىكذاب في نظر زوجتي ونقال كلام ونمام بعد الكلا م القلتو في نجااضه اجي احرجني بالصورة دي شدة ما توترت لمن قربت احرشو لكن قبل ما يبلل العرق جسدي نسمع ليك صرخه من بت صغيرة صرخة انتفض من سماعها كل الأباء الذين خلفوا بنات وجري على الصالة جنب غرفة النسوان
    وطبعا انا الوحيد الماجريت طوالي رفعت يدي الى السماء حامدا ربي اني ما طلعت كذاب نجاااضه اشتغل
    وركضت ....
    وجدنا العم مختار يحمل بنته وهي تبكي ويقلب فيها وهي تبكي والدموع تنهمر والبت تتنهف وكل واحد من اخوان العم مختار اشيل البت واقلبها وحكمة ربنا البت مافيها ولا خدشه ولاضربة انا زاتودخلني الأحباط بعد سمعت كلام العم لالامافي حاجة الظاهر عضته حشرة وتفرقوا الناس والصغيرة تبكي ولفيت راحع
    معاهم على الصالون ونظرت الى غرفة النسوان نظرة سريعة ، لمحة ، وهالني وجهه زوجتي محمر ومصفر
    على شويةبيج مع طفيان في لمعة القمح، ثم برقت عيونها بريقا اعرفه جيدا يعني انها تحمل في داخلها كلاما ولن تقدر على فتو وتوغوشت وبقى عقلي يودي ويجيب ...
    المهم بعد طلعنا وتفرق الجمع وركبنا السيارة عائدين الى البيت انا متوجس من تأنيب زوجتي لي بأنني كذاب اشر وفتان نمام زنيم ، لكن فتحت خشمه فالت ::
    كلامك طلع صاح ده ما نجاااضه ده قتال قتله
    صحت بكل ما املك من صوتYYYYYYYYYeeeessssssssssss شنو الحصل
    انت فاكر البت دي الصرخت عضته حشرة
    طبعا لالا وابدا لالالالا
    دي كان قاعد جنبها نجاااضه وبلعب معاها وانا براقب فيهم انا قاعده قصادهم الوحيدة الفي الغرفة الشايفاهم بقية النسوان مشغولين في الونسة ومابقدروا اشوفوا الفي الصالة اها الولد ده قال للبت اديني لعبه شايلها في يدها البت رفضت وما عارفة الظاهر انو القاعد قدامه ده نجاااضه المدمر ..اها قالت لالامن هناوالطامة نزلت عليها من هنا،،
    بس اشوف ليك نجااضه وقف على حيلو واتلفت يمين وشمال ورفع يدو ونزله زي السوط زيييط على وش البت
    سكتت مهجومة لحظة وبعد استوعبت الألم هاك ياصرخة اها قام نجاااضه وجا داخل وبراءة الأطفال في عيونو وقعد جنب امو زي الماسوى شي الوقت الت بقلبو فيها فوق وتحت كان معصور على امو بعد العم مختار رجع البت لي امها الشالتها في حنان البت نعاين لي نجاضه بي حرقةوعيونة مليانه دموع اها قامت ام نجاااضه قالت لي ولدها العب مع اختك خليها تبطل بكا لمن رفع راسو اعاين ليها اشاحت بوجهها بعيدا عنه امها قالت ليها ما تخجلي من اخوك دي حركات البنات الصغار
    قلت ليها في سري خجل شنو.. دي خايفة من الحشرة العضتها..
    وانا نمت سعيد ذاك اليوم لاني طلعت في نظر زوجتي رجل صادق لايكذب ولا بنجر من خيالي المفتوح
    قصص وشخصيات من الأحلام بل من الواقع
    نجاااااااضه واااقع عدييييييييل ...

    (عدل بواسطة محمد سنى دفع الله on 03-01-2008, 01:44 PM)

                   |Articles |News |مقالات |بيانات

03-01-2008, 01:44 PM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    سني اخوي
    اول حاجة حمدا لله الف انك ما طلعت كضاب وكان ممكن تطلع كذلك بدون اي ذنب تكون قد جنيته .

    بعدين تفتكر انو ام النجاضة البي تطلب من نجاضتهايلعب مع شهيدة النجاضة ما عارفاه ؟ اجزم جزما ناضجا وليس نياوانضج من النجاضة ذاته انهابتكون عارفاه زي جوع بطنها بس عايزة تتاشطر علي الباقين لكن قول ليها دورك مكشوف العبي غيرها.

    وقلوبنا مع الشهيدة لانها بتكون لي هسه بتهلوس بيه.
                   |Articles |News |مقالات |بيانات

04-01-2008, 08:26 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)

    انا براجع في المواقف
    وضح لي جليا انو اي نجاااضه
    وراه ام نجااااضه
    وعلى هذا الأساس
    لابد ان نراجع ورا كل نجااااضه
    المؤثرات التي صنعت لنا نجاااضه
    فلنحلل
    مودتي
                   |Articles |News |مقالات |بيانات

07-01-2008, 09:01 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    السني اخوي

    صباحكم خير

    وسعال : ليه دايما التيمان الصغار واحد بيكون نجاضة جد وواحد منضوج ؟؟
                   |Articles |News |مقالات |بيانات

07-01-2008, 10:34 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)

    تخيل الحكاية دي فيها كتير من الصاح
    عندنا في المدرسة تلاته توائم
    وكلهم بتنطبق عليهم نظريتك في التوافق النجاااضي
    كل تيمان واحد حبرتجي ونجاااضه والتاني هادي الطبع حسن الأخلاق
    ليه مش عارف ؟
    لكن كده ندور نقد تحليلي
    وتنظير سايكولجي في ما ورا النفس البشرية وانقسام البويضة
    وتعدد الجينات في الخلية الواحدة
    شوفت النجاااض ده كيف ؟؟
                   |Articles |News |مقالات |بيانات

07-01-2008, 02:25 PM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)


    السني

    والله كل ما أقرأ البوست دا وأقرأ كل المداخلات الفيه بما فيها مداخلاتي المتواضعة أضحك واقل شئ اتبسم .

    خايف اليشوفني يقول الزول دا مالو . بقيت عامل زي السايقين العربات بينضمو ويرفعو يدينهم وما معاهم زول تاني كانهم مجانين . بس الموبايل بكون مختفي وما ظاهر .

    صح ولا ما غلط؟؟؟
                   |Articles |News |مقالات |بيانات

09-01-2008, 06:11 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)


    ود السني الفنان الراقي اللي ما نجاض

    تعرف فكرت كتير في حكاية النجاضة دي وكما تعرف وتعلم النجاضة ليس في الأطفال فقط.

    لازم في كل مجال تلقي ليك نجاضة ينضجك نضيج.

    وزير نجاضة
    لاعب كورة نجاضة
    فنان نجاضة ( واظنك يا السني تعرف منهم وعنهم الكثير . منتظرين منك أمثلة ) .
    في العمل تلقي نجاضة بمعني الكلمة .
    في الحي تلقي واحد مكره الناس ولو شافوه من بعيد يخلو ليه الشارع .

    بين الأصدقاء تلقي واحد بجيب ليك التنجيض جاهز علي ورق سولفان.

    وهكذا يعني المسألة ما مقتصرة علي حبايبنا الأطفال .
    بعدين النجاضة دي أنواع . والمسألةفيها تخصص .

    وفيهم من حملة الدكتوراة والماجستير وحتي الأمي . يعني المسألة لامة .

    كان عندنا في الحي واحد نجاضة في السلام . يديك سلام مليون مرة .

    مرة كنا ثلاث واقفين ومندمجين في ونسة ومعنا احد الفنانين المشهورين ( الله يرحمه ).

    أتي أحد النجاضات ماري وسلم.
    رددنا عليه التحية باحسن منها .
    ذهب ثم رجع وسلم . رددنا التحية بأحسن منها .
    أتي راجعا للمرة الثالثة وسلم .

    وفي كل مرة الونسة يقطعها بالسلام.

    هنا ناداه الفنان وساله : تعرفني ؟ قال : لا . بتعرف دا ؟ قال : لا . بتعرف دا ؟ قال : لا

    هنا قال له الفنان : طيب بتسلم مالك ؟؟
                   |Articles |News |مقالات |بيانات

09-01-2008, 08:16 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)

    طبعا بهت الذي كفر وما ردعليكم
    وده جزء من التنجيييض على نار هادية
    في نجاااضات كبار
    قطع شك
    لكن عايزين نخليهم
    لي فهم
    خاصة الوزرا
    مرة في وزير كان ماسك المحليات
    بعدين ودوه التجارة
    بعدين شؤون الولايات
    عارف ده يوم في نشرة 3
    عينوه وزير للبيئةتخيل
    الساعة الرابعة بعد فيرد ساعة
    كان بتكلم عن البيئة وعن التصحر والحزام الأخضر
    والحيوانات والبشر
    ونجضنا على نار صحية خالية من الدخان
    حفاظا على البيئة
                   |Articles |News |مقالات |بيانات

09-01-2008, 01:40 PM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    التيمان كانوا نجاضات معانا في المدرسة
    أول شيء شبة تعاريف بس .. لاحدي ما واحد
    جاهو رمد ربيعي (هو سموهو رمد ربيع ليه
    يا السنى - ونحنا عندنا ربيع في السودان؟)
    فرزناهو بيهو من تومو وسميناهـو
    التوم الاعمى، لكين ستات الفطور ما بقدرن
    يفرزنهن لأنها كبار وحنينات. فطور أربعة
    سنين ما فيهن واحد دفع قرش لفطور يتدينوا
    وطول السنة تلقا الحجة واقفة والله دا ما
    أنا ده التوم التاني، لكين تتخيل يا
    السني لما كبروا بقوا مساكين خلاس، أكعب
    حاجة النجااااضة البتجي مع الكبر في
    العمر وأكعب منها نجاااااضة الزول
    البلقاليهو وظيفة تفرض على الناس يصبروا
    عليهو .. أكان وزير والله مدير .. يعني
    لو رئيس في الشغل بحب ينكت ونكتو بايخة
    ما برفع دغتك؟
                   |Articles |News |مقالات |بيانات

09-01-2008, 02:02 PM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: Mohamed Abdelgaleel)


    في نجاضة كمان من نوع تاني . ينجض ليك جسمك .

    النوع دا من النجاضين اللي دايما بتكلم بايديه.

    لو حصل وقعدت جنبه وهو بيتكلم يقوم يمسك يدينك عشان هو يتكلم وانت ما تتكلم واثناء ما هو بيتكلم يجر يدينك ويحاول يثبتم عشان ما تزح من حنبه. يعني استماع اجباري.

    طبعا النوع دا من النجاضين ما سمع بحاجة اسمها : حسن الاستماع .

    نجاضي الحديث موجودين في كل مجتمع .بس فيهم واحدين ينضجوك من غير مسك يدين وافتكر دا أرحم.

    زمان كان عندي نضاجة من النوع البينضج وهو ماسك اليدين ومهمة الهروب منه كانت مستحيلة .الله يطراه بالخير .

    يلا احكوا لينا عن نجاضين النضم ودام فضلكم .
                   |Articles |News |مقالات |بيانات

10-01-2008, 07:22 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: Mohamed Abdelgaleel)

    الصديق الغالي
    مو
    ندلعك شوية
    يا جماعة انا قاصد محمد عبد الجليل
    مووو
    ما تقول لي موو كده !!
    عارف في قانو التنجيض
    دايما النجاااضه بكون شفت وقليل ادب ولمن اكبر
    الغنماية تشيل التحلية بتاعتو
    اما بخصوص الربيع
    فكان في انت عارف الجو الأوربي كان عندنا بعدين بقى بزح بزح لمن وصل اوربا من عمايلنا
    اهو الربيع ده كان في لحدي اعلان الأستقلال في سنة 52
    بعدين قام طلع مع الأنجليز
    عشان كده الرمد الطبيعي والربيعي اتغير
    لي الرمد النييلي
    او عمى الأنهار ده لانو ما عندنا ربيع
    شوفت النجااااض ده كيف ؟؟
    القال ليك أسألني منو ؟
    ديل كوم براهم
    خاصة البكون قاعد في شباك
    والناس بي برة بتقدم ليهو الأوراق
    اعاين فيها واقول ليك ليها ما ختمتها في نيالا ؟؟
    لا ختمناها
    لالاالختم ةما ظاهر ارجع نيالا اختمه وتعال
    بعدين الشمس تكون حااااره والراجل الماسك الورقة راسو بكون سخن
    بعاين بي هنا ولي فوق وتحت
    وبمشي طوالي بكلم نقسو
    والناس بعد يومين اقولوا ليك ياخي البلد دي بقى فيها مجانينين كتار
    ما عارفين ديل منجضين بث ...لالا كده أسألني دابل؟؟
    اها النجااضين بتاعنك الكبار
                   |Articles |News |مقالات |بيانات

13-01-2008, 10:17 AM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    Quote: فكان في انت عارف الجو الأوربي كان عندنا بعدين بقى بزح بزح لمن وصل اوربا من عمايلنا


    أولا شكرا على التثقيف الصحي يا السنى
    ولنرضى بالقدر المر طالما ربيعنا
    شالو قطر عجيب

    Quote: خاصة البكون قاعد في شباك
    والناس بي برة بتقدم ليهو الأوراق
    اعاين فيها واقول ليك ليها ما ختمتها في نيالا ؟؟
    لا ختمناها
    لالاالختم ةما ظاهر ارجع نيالا اختمه وتعال


    والله يا السني مرة مشيت اطلع تصديق وشايل الجواز ،
    والنهار حار ومعاي أولادي، لما فيني ظابت نجاضة قال لي
    جيب البطاقة، واتمسكنت واتظاهرت بالمرض والمولنه وضيق
    ذات الوقت وقلت ليهو والله البطاقة في البيت، وقال لي:
    البيت وين؟ قال: البيت وين؟ قلت: في النوبه شمال وادي سيدنا
    قال لي: أمش جيبو وتعال: قلت ليهو: والله انا مسافر
    السعودية بكره يا أخوي ساعدني قال لي: لا، محلك قريب
    وتمشي تجيبه وتجي، قلت ليهو: ياخي انا صدقت معاك، كان
    ممكن اقول ليك بيتنا في نيالا ، قال لي: والقال ليك
    ما تكضب منو، يالله أمش جيب البطاقة، ما مشيت المهم
    المشكلة أنحلت لكين عرفت ليه فات الربيع وفضل الرمد
                   |Articles |News |مقالات |بيانات

16-01-2008, 06:36 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: Mohamed Abdelgaleel)

    ده النجاااض البعلمك الكضب
    يا أخوي محمد عبد الجليل
    ديل ناس انجضوووووك لمن تكفر
    انا ديل بفتكر ناس كويسين
    لانو بي صبرنا ليهم بنخش الجنة
    قلت لي كان ممكن تقول ليهو بيتنا في نيالا
    عارف كان رد عليك
    قال ليك : بنتظرك امشي وتعال تلقانا نحن يانا نحن
    مع الأعتذار للأغنية
    مودتي
                   |Articles |News |مقالات |بيانات

09-01-2008, 04:27 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    Quote: صلاح شكوكو
    رافت lيلاد
    استعدوا بداية السنة
    وقع عليكم الأختيار
    لتكونو في لجنة النجااااض الأكبر
    راجعوا اقتراح الأستاذ حسن طه
    مودتي


    جاهزين ياريس .. بس أدونا راس الخيط
    وراجعين نعاين أخونا حسن طه إقترح شنو ؟؟

    بس لغاية أوبتنا للموضوع هاكم (( النجيض )) الجد .. جد

    -------
    إسمه ( فاروق ) وجد دجاجة ( ميتة ) في ( الكوشة )
    ولأن أمه في ( زيارة ) للمستشفى تحركت نوازع كامنة
    لديه فأخذ الدجاجة من ( مكبها ) وحملها الى البيت
    وأشعل نارا فحمية .. وسخن بها ماءا وأخذ ( يظعمط )
    شعرها وهو مستمتع تماما كما تفعل أمه ..
    ثم نظف الإحشاء ( ولا أدري ) كيف إستقام له هذا لكن
    المهم أنه فعل ذلك .. ثم أتى بــ( طوة ) وضع عليها
    زيتا ثم بهر الدجاجة بما أتيح له .... ثم ( صلاها )
    بالنار على الزيت ( حسب رويته ) ..

    وقدمها الى المرحومة (( جليلة )) مرفقا معها كذبة
    تاريخية بأن أمه أرسلته بها إهداءا إليهم ..

    أكلت جليلة وأسرتها الدجاجة رغم أنهم لم يعتادوا على إهداء
    كهذا لكنهم وكحال المناطق الشعبية المتشعبة( يهدون الخير
    ويأتيهم ) فقد إلتقت الوهراء بأمه لتشكرها على المائدة الطيبة .. وكانت المفاجأة حينما بدت الحيرة على الأم التي نادت ( فاروقا )
    وسألته بنبرة تحقيق عن القصة ؟؟
    سردها وكأنه يستدعي من أحشاء ( جليلة ) كل ما تبقى فيها
    من أثر تلك الوليمة التي أكلت بنهم كبير وهاهي تستدعى من
    قاع وجودها بذات النهم الأول ..
    ------
    لا أدري كم كان عمره وقتئذ ولكنه في أواسط المرحلةالإبتدائية

    (( فاروق )) الذي كان نجاضة أهله وجيرانه .. أصبح شابا ظريفا وديعا
    وكلما ترائى لي وجهه أتذكر القصة وأترحم على جارتنا ( جليلة )
    تلك المرأة الجليلة التي ترحمت عليها الطيبة وهي تفارقها
    فقد كانت واحة ظليلة ونفسا مطمئنة زاكية وراضية مرضية ..

    -----------
    ويبدو أنني مع آخرين تعشش الصورة في ذاكرتهم لن ننساها لفاروق أبدا
    ----------

    ..
    ..

    (عدل بواسطة صلاح شكوكو on 10-01-2008, 07:09 AM)

                   |Articles |News |مقالات |بيانات

10-01-2008, 06:18 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: صلاح شكوكو)

    قوية يا صلاح شكوكو ودا حنضعه في قائمة النجاضين الأكثر نجاضة لانه في النهاية حتكون في جائزة نوبل للنجاضة .

    وسيقام الحفل في السويد وسيتم دعوة اكثر رؤساء البلاد تنجيضا لشعوبهم ولشعوب الأرض لتشريف هذا الحفل.
                   |Articles |News |مقالات |بيانات

13-01-2008, 08:59 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: صلاح شكوكو)

    صلاح شكوكو
    المحية والمودة
    شايفك اليام دي مشغول في بوستات
    ما حتجيب ليك غير ضغط الدم
    ياخوي تعال راجع لينا هنا
    نكون اللجنة النصوص عليها
    اعادة وترتيب البيت السوداني
    لانو ياخوي ونحن بنحتفل
    ظهرت ظواهر عايزة اعادة
    نظر منها السودانيين الوحيدين في الشعوب
    البجو لي اي مناسبة متاخرين
    وبقيفو برة الباب لمن المناسبة تقرب تنتهي
    تاني حاجة بيجوبو اولادهم لمناسبات البتخص الكبار
    والمناسبات البتخص الصغار ما بجو
    الاولاد بجو بلقوا روحهم غرباء في مناسبة الكبار
    فما بكون ليهم دور ولا حد مهتم فيهم
    اعملو شنو غير انجضوووا الناس وهنا بكون الدور عليهم
    كبير والتنجيض على نار هادية
                   |Articles |News |مقالات |بيانات

13-01-2008, 10:05 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    في حفل الجاليةالسودانية
    بأعياد الأستقلال واثناء الناس في الحفل
    ظهر طفل نجاااضه نجض الحفلة لي درجة
    مقدمة الحفل الفنانة الرقيقة رندا حاتم طلعت من طورة
    وامسكت يالشافع النجااااضه
    وصرخت في الحفلة ده ولدمنو ؟؟
    ياجماعة الطفل بشير اهلو اجو اسوقوه
    وطبعا اهلو كانو مرتاحين منو شوية
    يعني يالعربي عدييل زاغو منو
    نادت الطفل بشير معتز
    وهنا ما كان من زوجة معتز القريش التالته
    ان قالت معتز ما تشوف ولدك
    قال ليها انا ماعندي ولد اسمو بشير
    قالت امكن تكون متزوج الرابعة ونحن ما عارفين
    سؤال الحلقة منو النجاااضة في ديل ؟؟؟؟
                   |Articles |News |مقالات |بيانات

13-01-2008, 10:26 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    يا خوانا سؤال : هل النجاضة أحيانا بيكون ليه الحق القانوني في التنجيض ؟؟


    يعني : هل في تنجيض قانوني و آخر غير قانوني ؟؟

    بعدما أقرأ الاجابة ، حأحكي ليكم القصة .
                   |Articles |News |مقالات |بيانات

15-01-2008, 06:51 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)

    طبعا في تنجيض قانوني
    وده من حق الطفل
    انو انجض اهلوا شوية
    يعني حاجة كده بتكون ظريقة
    لكن اي نجاضه ليهو مساحة حرة
    العب فيها وفقا للقانون
    ما ميزيد عن ذالك
    يصبح خارج القانون وهنا بتيقى في مشكلة
    وبعدين الفرق شعرة بين النجاااضة وقلة الأدب
    يعني الطفل النجااااضة ما شرط اكون قليل ادب
    ممكن اكون نجاااضه بس
    لكن القليل ادب ده كوم تاني
    وده مشكلتو كبيرة
    النجاااضه لمن اكبر بستعدل ومرات ببقى هادي جدا
    لكن قليل الأدب عمرو ماببقى مؤدب
    ببقى مدلع زيادة وقليل ادب كتيييييييير
    والله اعلم

                   |Articles |News |مقالات |بيانات

15-01-2008, 09:37 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    التنجيض القانوني

    اليكم القصة

    في اجازتي الماضية بدأت في اجراءات ترخيص عربتي بعد أن دفعت جماركها من دم القلب ، وذهبت لمكتب الترخيص وأحمل معي كل الأوراق والمستندات الخاصة بانهاء الترخيص عسي ان استمتع قليلا فيما تبقي من الاجازة القصيرة.

    هنا بدأ التنجيض علي أصوله .

    مررت علي كل الشبابيك اللازمة ( أحيانا تجد الموظف المختص وفي كثير من الأحيان لا تجده وأحسنهم من يكون خارج مكتبه يستمتع بالونسة مع بعض زملائه او معارفه القادمين لنفس الموقع لغرض او بدون غرض.)

    كان ذلك في شهر اغسطس وشمسها تلفح الوجه والشبابيك بدون اي مظلات.

    دفعت كل الرسوم المطلوبة ابتداءا من رسم الترخيص وليس انتهاءا بدمغة جريح ورسوم سلام ( طبعا رسوم الحرب انقلبت لرسوم سلام ولا أدري سينقلب لرسوم انفصال أم وحدة ) وكل له شباكه .

    في نهاية اليوم وفي آخر شباك أفاد الموظف بان الاوراق لا تحمل الختم الخاص لضابط الجمارك رغم ان الاوراق تحمل كل اختام الجمارك الأخري من بارزة وغير بارزة .

    ما العمل ؟؟ طلب مني الذهاب لرئاسة الجمارك للحصول علي الختم الميمون للضابط الذي نسي ان يوضع ختمه .

    صباح اليوم التالي ذهبت لرئاسة الجمارك .

    في الطريق استوقفني شرطي مرور وحرر لي ثلاث مخالفات وهي عدم وجود لوحات - عدم وجود استيكر - عدم شراء لوحات مؤقتة .

    حاولت افهامه بانني اقوم باجراءات الترخيص وهذه هي الأوراق وفي نفس الوقت ان جميع هذه المخالفات تعتبر مخالفة واحدة ولكن دون طائل .

    دفعت وامري لله .

    ذهبت للضابط ولم اجده حيث علمت انه ذهب للتعزية في قريب لاحد زملائه وقد يرجع او لا يرجع لمكتبه .

    انتظرت حتي نهاية يوم العمل دون جدوي .


    ثاني يوم رجعت للضابط وبعد طول انتظار حصلت علي ختمه الخاص الميمون مع نهاية الدوام.

    ثالث يوم رجعت لمكتب الترخيص لاكمال الاجراءات ولم أجد الموظف المختص .
    رجعت للمنزل دون جدوي .

    باختصار في رابع يوم حصلت علي الترخيص واللوحات وكأني حصلت علي شهادة الدكتوراة من جامعة هارفارد.

    السؤال يا سني الحبيب : هل في تنجيض اكتر من كدا ؟؟ علما بانه تنجيض قانوني عليك ان تستجيب له دون اعتراض لان الختم الخاص للضابط يجب وضعه بموجب اللوائح.

    يعني التجيض نوعان قانوني وغير قانوني وكذلك من الصغار ومن الكبار !!

    الله لا يوريكم مثل هذا التنجيض !!!!
                   |Articles |News |مقالات |بيانات

16-01-2008, 07:28 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)

    لكن يابو علي ده ما نجضك نجاااض
    عارف زي ديل
    تقول بعزلوهم عزل
    الواحد وشوصاري اون ليهو زي كم سنة كده ما ابتسم
    ولا باس ليهو طفل ولا عيونو ناغمت عيون امو
    ولاحب ليهو جكس
    ده لمن ما القى ول انجضوو
    بنجض روحو
                   |Articles |News |مقالات |بيانات

15-01-2008, 08:59 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    بفتح البوست مابلقى مداخلة عثمان دعيس
    برجع الصفحة الرئسة بلقى مكتوب غثمان دغيس
    ده نجاااض اسيفيري ولا شنو ..؟؟
    افتونا ياناس يا خبرا وين مداخلة الراجل ده وين مشت ؟؟
    نجاااضة
                   |Articles |News |مقالات |بيانات

16-01-2008, 06:14 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    يكون الأخ دقيس عايز يكتب المداخلة قام واحد نجاضة نجضه ومن شدة النجاضة افتكر نفسه كتب المداخلة وارسلها .

    قلوبنا معكم يا دقيس .

    دقيس هل بالقاف ام بالغين ؟

    سؤال تاني:
    هل المهندس احمد دقيس بالمنطقة الشرقية بالسعودية قريبك ام اسم علي اسم ؟
                   |Articles |News |مقالات |بيانات

16-01-2008, 07:02 AM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: حسن طه محمد)

    نوّر الله أيامك يا استاذ السنّي....


    Quote: لمن كنت صغيرة



    ياااااااا لها من فترة !






    كل سنة وانت طيب


    .........
                   |Articles |News |مقالات |بيانات

16-01-2008, 07:47 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: salma subhi)

    سلمى صباحي
    هههههههه
    شفت ليك مداخلة
    زي دي
    سلمى صبحي
    اوع تقول لي انك كنت نجااااضه
    بالمعني بتاع الشقاوة
    ما المعنى بتاع الحلاوة
    واوع تكوني كنت مدلعة
    وجنك بكى وبوقفي البيت على فد رجل
    وتاني حاجة معذرتي وحبل السماح ممدود
    متلوم ما رديت عليك فوق
    لانو استغربت من تكرار الصورة والكلام
    الروووب والأسف لي بكرة
    واحكي لينا يا نجاااضه
                   |Articles |News |مقالات |بيانات

16-01-2008, 08:00 AM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)

    Quote: سلمى صباحي

    استاذ السني
    كيفك....

    هسي بعد المداخلتين ديل يا استاذ السني بقيت بت صباحي..!!
    وتكررت المداخلة....شقاوة

    Quote: اوع تقول لي انك كنت نجااااضه
    بالمعني بتاع الشقاوة
    ما المعنى بتاع الحلاوة


    انت مش لاقيتني وأنا صغيرة مرة....رأيك شنو؟

    Quote: واوع تكوني كنت مدلعة
    وجنك بكى وبوقفي البيت على فد رجل


    هسي بقينا بس شغالين نغير صور البروفايل ولا كمان دي نجاضة ....


    ......
                   |Articles |News |مقالات |بيانات

16-01-2008, 09:02 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: salma subhi)

    سلمى صبحي
    هسي زي الصورة العاملاها دي
    ما بتنجض الناس نجاااض
    يعني يا تحب البت الحلوة دي
    يا تحب الزهوروالورود الأنجليزية
    المختارة بعناية...
    ما حكيتي عن طفولتك
    وضروري جدا تحكي لينا عن اطفالك او اطفال اهلكم النجاااضين
    مع مودتي ..
                   |Articles |News |مقالات |بيانات

16-01-2008, 10:54 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: ،، نــجـــااااااضــه ،،،،، (Re: محمد سنى دفع الله)


    ود السني

    لحدي ما سلمي تحكي ليك عن نواضيجة احكي ليك عن نضاجة كان جارنا .

    النضاجة دا رغم انه كان كبير في السن الا انه من شكله وقصره تقول ولد صغير .

    ما مكتفي بالتنجيض بس زايد عليه قلة الأدب + عامل فيها بلطجي وفتوة .

    يعني تن الله جيض + فتونة + قلة أدب = ؟؟؟؟؟؟؟؟؟؟

    دا كان منجض ليك اولاد الحلةتنجيض ولا أحلي اذا كان أصلا في التنجيض حلاوة.

    النجاضة دا متخصص في لم القروش من اولاد الحلة .

    طلباته كلها منهم اوامر . بكرة تجيب جنيه عشان نشتري فنايل الفريق ( طبعا هو عامل رئيس الفريق ) ولا الله قال قولتك .

    المسكين ما عندو الجنيه ويمشي ينجض امه عشان تديه الجنيه ويجي يسلمه بطيب خاطر للنجاضة .

    في أحد الأيام نجضني انا ذاتي بقلة ادبه .

    مسكته قلت ليه والله تاني أشوفك قدامي او قليت ادبك مع اي واحد من اولاد الحلة امسكك واربطك واربط ابوك ذاتو معاك.

    انا لا كنت حاربطه ولا اربط ابوه .

    ما صدقت انو التهديد بتاعي كان سببا كافيا ان اولاد الحلة ارتاحوا شوية من تنجيضه.

    لكن راحة مؤقتة لانه النجاضة عارف انا مغترب وقال في نفسه كلها ايام ويسافر وبعد داك انضج بمزاج.
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de