|
Re: الكائن الدرامي محمد السني دفع الله عضواً جديداً (Re: محمد سنى دفع الله)
|
مسعود اخوي لمن ندهت نص الليل كلتوم بت شاوودا ربها..اعطاها في الفجرية ولدا اسمر زي طين قيفة بحر أبيض لونو. مع انو القطينة كلها رمله، وامو لونه قمحي..شالو ابوه عثمان ود القبه فرحان لي شيخو. وقال سميه أبوي الشيخ: فتح الشيخ كتاب الله وقرأء(الذين أخرجوا من ديارهم بغير حق الأ أن يقولوا ربنا الله ولولا دفع الله الناس بعضهم ببعض لهدمت صوامع وبيع وصلوات ومساجد يذكر فيها اسم الله كثيرا ولينصرن الله من ينصره ان الله لقوى عزيز))40 سورةالحج.. وصاح الشيخ سميناك دفع الله ...كان ممكن اكون نصروالله اعلم ..لكن يا اخوي مسعود كان أبي ناصرا للحق واخو اخوان وكان صديقنا وعلمنا مشاهدة السينما قبل ما ندخل المدرسة وعرفنا انو الهنود الحمر هم اصحاب امريكاوايه معنى الصداقة كان بحب ناصر وزعيمو الازهري وصديقوسعدالدين فوزي وبحب الغنا وكل الفنون والرياضة وناس القوم سافر ليهم واخد الطريق في كركوج في مسيد الشيخ الشريف كان صديقي ...
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: محمد سنى دفع الله)
|
تماضر شيخ الدين بائعوا الجرائد يهدونك السلام بائعوا الفل يهدونك عطر الياسمين دايما على البال ومعاك بت زروق بتخيلك قادلة في شوارع امريكا البرنيطة على راسك والمسدسات اتنين والمنديل يهبهب على رقبتك والحصان الكميت واقف وراك حصان مشترياه من دلالة بوليس السواري الزمان يعني حصان قديم وفيهو رقع تشيلي رقعة انفس اطيرزي بالونة في يد ولد صغير نجاضة ابكي الليل والنهار موقف ناس الحي للصباح خلى عيونم حمرا زي الشطة الشطة البياكل فيها فار سكران مع قرنتية قرنتية الكرهت القرنتي وعاشرت الفيران الفيران البقوا شفوت وجاكسوا الكدايس الكدايس الفي الكدارات محلوجة خلت كورتنا ديمة مغلوبة وخلتني فطيت سطر وامكن سطرين اقابض في الهوا ونفسي مكتوم من الكدايس والقرنتي صحتني احلام من ال الحلم قمت قفلت التلاجة وركبت العجلة ورميت ليك البورد ده اوع اكون عوقك ...مازلنا اتنين نتقاسم الهوا والهوى والسكن بس انا البدفع وكداااا..
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: محمد سنى دفع الله)
|
تماضر شيخ الدين بائعوا الجرائد يهدونك السلام بائعوا الفل يهدونك عطر الياسمين دايما على البال ومعاك بت زروق بتخيلك قادلة في شوارع امريكا البرنيطة على راسك والمسدسات اتنين والمنديل يهبهب على رقبتك والحصان الكميت واقف وراك حصان مشترياه من دلالة بوليس السواري الزمان يعني حصان قديم وفيهو رقع تشيلي رقعة انفس اطيرزي بالونة في يد ولد صغير نجاضة ابكي الليل والنهار موقف ناس الحي للصباح خلى عيونم حمرا زي الشطة الشطة البياكل فيها فار سكران مع قرنتية قرنتية الكرهت القرنتي وعاشرت الفيران الفيران البقوا شفوت وجاكسوا الكدايس الكدايس الفي الكدارات محلوجة خلت كورتنا ديمة مغلوبة وخلتني فطيت سطر وامكن سطرين اقابض في الهوا ونفسي مكتوم من الكدايس والقرنتي صحتني احلام من ال الحلم قمت قفلت التلاجة وركبت العجلة ورميت ليك البورد ده اوع اكون عوقك ...مازلنا اتنين نتقاسم الهوا والهوى والسكن بس انا البدفع وكداااا..
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: محمد سنى دفع الله)
|
الشفاف بدرالدين الصافى السنى
والله فرحان جدا , فرح بمبى.......برتقالى.......بنفسج... ومعطر كمان بعبير ايام مزجت فيها اللذة بالألم . كانت لذيــــــــــــــــــــــــــــذة بقفشات السنى وأريحية دكتور مسعود , كرم أخى الأكبر الذى لن أنساه رغم جفائى له الد كتور محمد زين ورفقة ود الفكى. ومؤلمةلحد الهستيريا بنوبات البكاء والوقوف على أطلال الفنان الولى مصطفى سيد أحمد أسأل الله أن يذكره مع الصديقين. جميلة هى الصد فة لأنها دوما معبأة بالدهشة, تلك الدوامة التى تجعلنا نقف قى منتصف الزمن لبرهة ثم تحتضر لنحضر نحن لكن فى زمن آخر, عندما تأ خذنا الدوامة الى قاع الذ كريات ومستقر البال. شكرا للذ كرى لأنها كثيرا ما نفضت عنا غبار التوتر والخوف ودوما يرافقها الحنين سعدت كثيرا بدرالدين الأمير بزيارة معرض زهورك اليانع دوما . لن أنساك أبدا محمد زين أخا كريم وناصحا أمين ولم أنس ايمانك ولا عزتك ولا بكريك. اهلا بالسنى دفع الله خفيف الروح والظل والدم الا الجسد الذى صار غير ذلك ليحمل قلبا أكبر وآسف لتأخيرى كل الردود اللازمة لظروف اكاديمية شغلتنى عنكم.
الى لقاء.
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: عاصم الطيب قرشى)
|
عاصم الطيب قرشي ياايها الصوفي الذي اخترق وهج الموسيقى ورقص على حافة اللهب ودار بين الدراويش يردد التهليل في صفاءونغم مريح .عاصم هل قابلت اسماعيل صاحب الربابة ومشيت حافيا تحت غنائه ورقصت رقصة الطقص المدوزن بوهج الشفق ام اخذتك اغنيات البوشمن وتماهيت مع نفس الصحراء واسلمت اشرعتك لريح المدارات الثلاثية..اغانيك معجونةبطمي النيلين وحليب ابقار الدينكا والبقاره اغانيك بشربه الماشي والجاي والطاشي والمتبهدل والامنو اهلوا والعايش في جلدو والصاحي في حلمو...مشتاقين ليك ولي غناك وللموسيقى .....
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: صلاح شعيب)
|
الاستاذ الكبير محمد السني لك التحية وانت اهل لعكس وجه السودان المشرق في كل محفل تشارك فيه كنا قد تناقشنا في احد المرات عن دعوة توجه الي كل مبدعي بلادي في الخارج الي عمل لجنة لدراسة امكانية المساهمة في توفير المناخ الصحي المناسب لعودتهم الطوعية لانوا كما قيل اعطني مسرحا اعطيك ودولة فيه ممثلين كبار فيها سياسين كبار كما قال الاستاذ المرحوم الفكي عبد الرحمن في لقائه المشهور مع البلابل دعونا نفتح هذا الملف بالنقاش الموضوعي وياخو السني مـطعم مرغني هندسة اكلنا فيه لمن شبعنا وكما قال مرغني جيتونا يوم البلاش ونسيتونا يوم المعاش وذلك بعد افـطاره المشهور في عيد الفطر المبارك
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: بدر الدين الأمير)
|
الشفاف بدرالدين الصافى السنى
والله فرحان جدا , فرح بمبى.......برتقالى.......بنفسج... ومعطر كمان بعبير ايام مزجت فيها اللذة بالألم . كانت لذيــــــــــــــــــــــــــــذة بقفشات السنى وأريحية دكتور مسعود , كرم أخى الأكبر الذى لن أنساه رغم جفائى له الد كتور محمد زين ورفقة ود الفكى. ومؤلمةلحد الهستيريا بنوبات البكاء والوقوف على أطلال الفنان الولى مصطفى سيد أحمد أشأل الله أن يذكره مع الصديقين. *جميلة هى الصد فة لأنها دوما معبأة بالدهشة, تلك الدوامة التى تجعلنا نقف قى منتصف الزمن لبرهة ثم تحتضر لنحضر نحن لكن فى زمن آخر, عندما تأ خذنا الدوامة الى قاع الذ كريات ومستقر البال. *شكرا للذ كرى لأنها كثيرا ما نفضت عنا غبار التوتر والخوف ودوما يرافقها الحنين *سعدت كثيرا بدرالدين الأمير بزيارة معرض زهورك اليانع دوما . *لن أنساك أبدا محمد زين أخا كريم وناصحا أمين ولم أنس ايمانك ولا عزتك ولا بكريك. *اهلا بالسنى دفع الله خفيف الروح والظل والدم الا الجسد الذى صار غير ذلك ليحمل قلبا أكبر وآسف لتأخيرى كل الردود اللازمة لظروف اكاديمية شغلتنى عنكم.
الى لقاء.
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: عاصم الطيب قرشى)
|
الطيب اسماعيل لك المحبة والاصدقاء كما هم في غاية الجمال والانبساط فيهم العرس مرتين وفيهم الشيب وماعايب وابداعهم متواصل الارهاب والكباب محطة هامة في حياتي اول فيلم مثلته هو السلطان كردوس انتاج فرنسي مع تلفزيون السودان اخراج الشفيع ابراهيم ثم عرس الزين وبعدة حب في الثلاجه والارهاب والكباب هناك مقولة هامة في الفن (( لايوجد دور صغير ودور كبير وانما هناك ممثلين صغار وممثلين كبار)))في نفس الوقت الذي مثلت فيه الفيلم كنت بطل مسرحية (على ابواب تونس )))في دور ابو زيد الهلالي السينما فن وصناعة بتدخله بدور صفحه وبتنتهي ببطوله وانت شفت المثلوا في الفيلم معاي كلهم اليوم نجوم وانا كنت موعود بادوار في بقية الافلام ولكن حصل الحصل والله اجازبي السبب وتعال ياسمعة منو القال الدور ما كان مسمع؟؟؟والدراما السودانية قادمة بقوة بس محتاجه لي فلوس وتجارب متواصلة وناس بتفهم وين نحن جمهورنا الحقيقي
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: بدر الدين الأمير)
|
g
أستاذنا الرائع الفنان محمد السنى دفع الله
أحييك و أشكرك عى إهتمامك ،،، و أشكرك على معلوماتك المفيدة ،،
نعم الإرهاب و الكباب ضم مجموعة من الممثلين الذين أصبحوا نجوما و يشار إليهم بالبنان ،، جاء حديثى السابق لأنك ليس أقل منهم قامة و لذلك توقعت أن يكون دورك فى الفيلم أكبر من الذى كان ،، فأنت فنان أثق جدا فى قدراته التمثيلية و بالتأكيد لو أتيحت لك الفرصة لتفجرت موهبتك بصورة أكبر و لعرف المشاهد العربى الإمكانيات المهولة التى يمتلكها الممثل السودانى و بالتالى سيكون ذلك دافع كبير جدا للدراما السودانية و الممثل السودانى ،،،
أستاذنا السنى ،،،
السودان بلد ينتشر فيه الأثرياء ، تجدهم قد ملآوا الفضاءات الوسيعة خاصة تلك التى تحيط بالمبدعين ،،، و لكن نجد الغالبية منهم إتجهوا للصرف و الإستثمار فى محيط كرة القدم ، و بالتأكيد أنت شاهد على الأرقام الفلكية التى صارت توزع على نجوم الكراتين التى يصنعها إعلامنا ،،، أستاذ السنى لماذا يحجم هؤلاء الأثرياء من الدخول فى عالم الإنتاج الدرامى ؟ و هل العيب فى الدراما السودانية و إفتقارها للنصوص و الأعمال ؟ أم أن الممثل السودانى غير مشجع للإستثمار لإنخفاض مؤشرات نجاح أعماله ؟
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: الطيب اسماعيل)
|
نادية عثمان مختار معاك بلقيس وسوسن والقاهره ة وليلها الجميل لكن للاسف امي كانت بي عافية لو كنتي قابلتيها في صحتها كان تشوفي الونسه ومحاكاة خلق الله ..طبعا بعد ماشفت الزوايا الجميلة في بيتك الانيق والثياب الماخمج الظهرتي بيها في النيل الازرق متأكد انو قطيعتكم في مجيهه وسامحتكم واتحفينا بالشعر الحنين وسلام
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: محمد سنى دفع الله)
|
يا بدرالدين ود الحلاوين يااحلى من العنكوليب في الخريف يا ود عكاشه والله بحضر في الردود المدنكلة وتحياتي للوالدامينياتبي له بالصحه والعافيه بالمناسبه انا بأذن الله الاسبوع الاول من السنه الجديده في السودان وتوقعوا ردودي وخليكم في الصف الدور على ود شعيب وسن قلمك في القاهرة ورينا ابداعاتك
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: lana mahdi)
|
صلاح شعيب فرحت بي حروفك ورجعت لي زمنا عجيب انت وهاشم وبينا الشجرة الوريفة نيمة الاستاذ هاشم والحوارات والمشاكل والهموم والصحف والمقالات والجري لي نص الليل تعب جميل وصدق في المقصد والمعنى والتوجه الصحبة يا ود شعيب الصحبه الصاح ياسلام رجعتني لي زمن مشغول بيه الايام دي وساكني حنين اهرس في العظام وجا ت حروفك ومعاها الذكريات اصلو في بلاد الغربة قدر ماتقعد ما تلقى عندك ذكريات دوام في دوام وشغله في الفاضي وجري زي المكنات حتى الامثال اتغيرت ((اليد الواحده بقت بتصفق والوحوش ما بتجري بتركض المكنات وزمان الحرامي بغطي دقنو حسي بقى ما بغطي شي ولمن خلاص اخجل بغطي..لا لا مادقنو.. بغطي جكسسسسسا ..ياخوي اه اه فتحت في العصب سكه للسهر مالك يا ودشعيب بادي بي نمرة اربعة ..ز
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: الطيب اسماعيل)
|
Quote: اختي منى خوجلي شكرا لترحيبك بالانجليزي ونقول رديت ليك بالانجيليزى امنياتي واحترامي |
إزيـك أخـي اسـتاذ السـني..
قـررت ان ارحـب بك بطـريقـة افضـل واعتـذر لأني لم افعـل ذلك في مسـاهمتي السـابقة بسبب رغـبتي في الترحـيب بك وبسـرعـة بينما طـباعـتي العربية ضـعيفـة وتستغرق وقت طـويـل... أنـا متأكـدة انه وجـودك هنـا سـيهـدينـا فـرح مستمـر ويثري عقـولنـا وأرواحنـا بكل جميـل..
مـني عـوض خـوجـلي
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: محمد سنى دفع الله)
|
ود السني أمانه ما اتولمت أنا مداخلتي بايته ليها يومين ماعبرتها مستصغرني ولا كترت المداخلات زغللت عينيك ولا المسكين ضقل
لكن عشان حبك ملامس شغاف القلب وساكن حتى المسام بعذرك
Quote: السني الوضيئ الملهلهبة نارو هيجتو الخلق من الخرتوم لي سنارو الناس البتريدك كل واحد شايل طارو حقيت الشكر ياود العزاز وخيارو من قومة الجهل ناسك في المسرح يجارو زي درويش المديح لمن يسخن طارو ابوشيبة يرحب وعماد والنجدي جارو وبدرالدين يسلم وامو ماتضوق نارو |
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: محمد سنى دفع الله)
|
عبدالرحمن ابو شيبه باخوي الشلاقة تتطير ما تصبر على رزقك انا بردبالدور وطباعتي ابطاء من منى الجزولي والكتبتو انت لو كان شعر انا ماعندي ليه دواية ولو شعر انا ماعندي ليه رقبةياخوي ابو شيبه بعد قريت ابياتك لقيت جنبي ود ضحوية وهبتني نسمه البطانه وخليت عقلي احتار فيك انت بدوي ولا حضري من عندنا ولا من عندهم انا قدر دة كلو كتر خيرك وبقول ليك يابشيبه الشمس خوقت بردن ليالي الدوحه واب شيبه متسلطن اغني حنانه وساب الناس عشانه ....
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: محمد سنى دفع الله)
|
Quote: قدمته أعماله العديدة من خلال الدراما السودانية، وصدقه الفني والأداء الرفيع ، وحضوره ايضاً في الدراما المصرية والسورية والخليجية , أما في دولة قطر فقد أصبحت له قاعدة جماهيريه وتلاميذ. وقبل ذلك فإن السنى المثقف الضليع هو مؤرخ حقيقى للحركة المسرحية فى السودان |
مرحب مرحب:
إلى جانب ذلك فهو كنز وموسوعة في التراث السوداني...
لا أزال أتذكر الأيام التي جمعتنا به في سوريا (أكتوبر-نوفمبر 1995) مع أسرتي الكبيرة (الحبوبة والوالدة لهما الرحمة، وبعض من إخوتي) وأسرتي الصغيرة (نجوى ونبته "فقط آنذاك" مع نهله ووالدتهما)
ألف مرحب...
سيف بشير
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: saif basheer)
|
رسيف بشير المحبة والموده والرحمة والمغفره للمهات السندوا وركزوا وعلموا وربوا ولي بناتك الحلوات الف تحيه ومليون امنيه ىاخي صورتم بالدنيا ربنا أغطيهم من عين العدو والعيون الزي الجمر وسلحهم بالعلم هم وباقي الحلوين والفرسان وعارفك مابتقصر وذكرتنا ايام سوريا الحلوة واخباااااااااركم
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: محمد سنى دفع الله)
|
سلمىالشيخ سلامة بت الشيخ يارايعه ست السربعه لي حدها اخت القلم وعاشقة الجمال وقفت كتير قدام الكتابه ومن وين أبدا من حبك للناس والبلد ولا من معزه السيرتها طول الوقت حاضره ولا من الابيض ولا معهد الموسيقى والدراما ولا النادى الجاد الكنا كل صباح نسربع فيه بدون رقابه وبمناسبة السربعه اسربع ليك سربعه حارقاني مشيت لي جيرانا وليقتم فرحانين جابوا شغاله جديده بعد تعب وقدموها لي دي (عايره) قلت ليهم (عايره وادوها سوط ولا عايرها براها)كيف حالك مع المسارح والمنديات والونسه الظريفه والسربعه مع جعفر سعيد وجمال حسن والناس الظراف وطبعا اتمليتي بالقصص والحكايات الحنشوفه في جالكتب الجديده ونلتقي قريبا
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: بدر الدين الأمير)
|
مرة يا الأمير قاعد في المكتب فجأة جاني الإسم في ذهني كامل ... محمد السني دفع الله .... الكلام ده بالضبط سنة 2003 في بدايتها تقريباً .... صادف في نفس اليوم ألتحقت بدورة تدريبية أقامها المجلس القومي للصحافة بالتعاون مع مرصد الطفل حول إتفاقية حقوق الطفل ... وهناك أثناء التعريف أسمع صوته .... الله الله الله ... ده قصة غريبة الزول ده قبيل أتذكرته ألاقيهو قدامي هنا .... فحكيت له فضحك ... هلا فيك هلا يا محمد السني دفع الله ... ومرحب حبابك أتفضل أدخل البيت يا هو بيتك ...
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: Emad Abdulla)
|
عماد عبدالله ياكون ياهرم شنو الحكايه ياجماعه كرهتونا خلاص استعدوا انامارق عليكم وبعلنها بالصوت العالي السلم علي ورحب بينا لحق والمارحب اها القطاعه لا بيني ولابينو لابخت ليهو في كشف ولابرد ليهو الزياره ولابأجرو في عزيزن ليهو ولابحضر ليهو سماية ولابحتواولابجبجب في عرسنا ليهو اها ياجماعه لميناالدفاتر ومارقين ليكم انا جبل الكحل اناالسابو خلو اناالبداقر الكيك في رجالتوانا المابقدر علي زول.....لاني جراي وخواف وبمشي جنب الحيطه وعايز اربي اولادي والي لقاء قريبا على المنبر العام.....
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: بدر الدين الأمير)
|
الحبيب السني صباحك ورد
Quote: كيف الحال والصحافه معاك والمتاعب والجري الماليهو نهاية |
ما أنت عارف يا السني ... الحال ياهو نفس الحال ...
Quote: وخلينا دايما على بالك امكن تلقانا قدامك.. |
دايما في البال والله بنتذكر بيكم زمان جميل مضى ... أصحاب أصحاب وأشياء أخرى تسر الناظرين ... وكمان أشياء أخرى لا تخص العاشقات .... نسمع جديدك إن شاء الله ... ونشوفك بي جاي معانا ...
مع محبتي
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: محمد سنى دفع الله)
|
الريان هكذا يُخيل اليّّّّ السني انسان رويان حلاوة ونداوة كائن استثنائي كل طيبة وحنان وقلب عامر بالمحبة ، اول ما تلتقيك بسمته التي لا تفارق وجهه أبدا حين تفارقه يعم الصمت ويخلو المكان ، أستاذنا الجميل محمد السني عن فنك الدفاق لن أتحدث فالكل يعرف أنك معجون بالفن والجمال . يا سلام يا استاذ أن القلب يطير ليعانق صورتك لكن يا حليل زمن الحنان يايا ,العمارات وقصر الشباب والمسرح القومي وشارع النيل ونسة يقفز لها القلب تحت شجرة ظليلة تحتها زير نديان من فوق ليهو علبة مربوطة أحيانا تكون مقدودة حتى لايحركها أحد, والضحك تصدق يا أستاذ شرايينا اتقفلت من عدم الضحك ، والله الشوق بحر رررررررررررررررررررررررررررررررررر بت فاطنة
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: عشة بت فاطنة)
|
عائشة بت فاطنه عائشه بت المبارك اقول شنو سلالالالالالالالالالام ولي بيرق والاولاد والغربه الماعايزة تنتهى ودايما السؤال عنكم مرة قالوا بقيتي مصورة ومرة مدرسه ومره مغتربه والله لو شفتي الناس بقت جافيه واليوم كلو جاريه والواحد اتكلم معاك مايكمل ليك باقي القصه ولو واقف في الشمس ما يجرك على الضل دابوا ليهم كم سنه استعدلوا الششششششششوق ليكم وربنا ارد غربتكم ونتلم في سودان العزة ولينا تواصل وانا قريب منكم في الدوحه
| |
|
|
|
|
|
|
Re: الكائن الدرامي محمد السني دفع الله عضواً جديداً (Re: فيصل نوبي)
|
Quote: عبدالرحمن ابوشيبه كفايه معقول انا بشبه الراجل الزي القعونجه ده |
كفايه حركة سياسية مناهضة لتوريث الحكم أما عن الشبه فما أسمح منك وزيما قالت حنان بلو بلو آيييييي السمح ولدي ،،، يابا السمح سمح لون القمح سمح ،،، وبركه الجيت بركه الجيت سمح انت وبسكويت ،،، وبدرالدين زي شنات بخيت ،،،، وعماد عبدالله العكليت ،، وأمس بالليل تري تتتيييييييييييييييت
| |
|
|
|
|
|
|
|