لــمــن ، كـنـا صـغـار

مرحبا Guest
اخر زيارك لك: 03-19-2024, 03:43 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة محمد سنى دفع الله(محمد سنى دفع الله)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-20-2006, 11:18 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
لــمــن ، كـنـا صـغـار

    ســبـعـه قـطـع صغيرة
    ســوداء مـن فـحم
    ســبـعـه حـبـات
    ذهبية مـن قـمـح
    وسن مـكـسـورة
    تحملـها يدي الصغيرة
    للشـمـس هـديـة
    ومـعـاها غنـانا
    ياعين الشمس ياشموسه
    هاك سن الحمار
    ادينا سـن الغزال
    ولكم قـنـوعـه
    هـي الشـمـس
    تبيع لناضيها
    بالـفـحـم والـقـمـح..


                  

12-20-2006, 11:26 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    لمن كنا صغار كان لي حبوبة اسمها سنوده كانت مليانه حكايات تحجيناأحاجي مليانه بالسرد الجميل والغناء البديع وكان أجمل ايام الحجى زمن المطر والدنيا خريف وبرق ورعد واعاصير وزيفهومنها حبيت الونسة ولمن كبرت شوية وقبل ادخل المدرسة دخلت السينما واتعلمت في اصحابي
    حكاية احكي ليهم الفيلم واليوم البكون ماشفت فيلم بألف ليهم فيلم مدنكل وبتمشي الحكاية وبنبسطوا من الفيلم الوهمي اكتر من الفيلم التم عرضو ..
    ومن وقتها بحب الحجى ..
    انتوا كنتواكيف ؟؟ وبتحبوا شنو ؟؟ في الزمن الزمان !!
    لـــمـــن كنــــتـــــــوا صغار.....
                  

12-20-2006, 11:53 PM

Soumeta
<aSoumeta
تاريخ التسجيل: 10-17-2002
مجموع المشاركات: 1733

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    امـــــــــي حكاية و تشهي في الحكوات كما كل الحبوبات،،
    بعد المغرب و بعد ما الناس تفرش السراير و ترشرش الحيشان و الجو يبقي رايق،،
    بتسحب ارقد جمبها،،
    وبما إني كنت الحفيدة الوحيدة،،
    كل الحكاوي لي،، كل يوم قصة جديدة،،
    و كان ما جديدة ياها زاتها حقت اول امبارح،،،
    لكن إحساسها جديد،،
    و إنفعالي معاها مختلف،،
    حسن البي ضربة كتل سبعة،،
    فاطنة أخت محمد أب الصوت الجرس النقار،،
    لملك الطرد ولدو عشان بحبو زي الملح،،
    و قصص و قصص و حكاوي ،،
    اتوسدها و و انوم حداها،،
    اهااااا لمن تكون مافي،،، بتلح ماما،،
    و حكاويها اظنها ما كانت بتبقي لي زي امي،،
    ف بقعد ابشتن ليها في شكل السحاب،،
    و ارسم ليها في السما،،
    و ابني البيوت و هي يا حليلا تتابع معاي،،
    و عندنا جيرانا حيطتم بلدية،،
    يلا الشقوق دي انا ما عملت منها مداين و ناس،،
    و لما يجي دور القصة،، بصر إلا تقرا لي جاك و حبة الفاصوليا،،
    او قصص سالي فوحمر،،
    غير كدة ما بديها فرصة،،
    يلا لمن كبرت شوية و صار لأمي احفاد غيري،،
    يا زووول الكلام ده كان صعب خلاس،، تحديداً وكت القصة،،
    سلوان تستلم يمينها و نجوان شمالها،،
    و لا مكان لي إلا السرير التاني،، و اسمع نفس الحكاوي،،
    برضو انوم،، و امان العالم يسكنني،،
                  

12-21-2006, 00:00 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Soumeta)

    سووميتـــا
    امان العالم كلو معاك
    وتتوسدي الفال الحسن
    وتصحي تبشتني سحاب العلم كلوا
    ياسلام على الحكاية
    منتظرين حكاويك
    وأجمل ايام صغرتك
    وانت مازلت في عينينا
    لسه صغيره
    رغم عقلك الكبير وقلبك الأخضر
    نومي مليانه بالأحلام
    مودتي
                  

12-21-2006, 05:13 AM

عامر تيتاوى
<aعامر تيتاوى
تاريخ التسجيل: 01-14-2006
مجموع المشاركات: 3328

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    سونينا

    لمن كنا صغار يوم الوقفة بنوم بدرى
    عشان العيد يجى بسرعة ونلبس الجديد
    ونلم العيدية ونمشى شارع النيل
                  

12-21-2006, 07:47 AM

Nana


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    السني ازيك

    انت عارف ياالسني لمن كنت صغيرة كنت بحب لعبة كمبلت

    بفرح لمن ازوغ من كورة الشراب وامشي ارص البلاط فوق بعض ،، واطير من الفرح لمن اصرخ

    واقول كمبلت

    وعشان كنت اصغر واحدة في اخواني كانو بيحموني العبها معاهم ،، يعني لعبتها مره او

    مرتين ،، تخيل يا السني لحد هسة لو قلت لي نفسك في شنو اقول ليك العب كمبلت

    اما الحكاوي دي بالكوم وكانت تخصص عمتي الله يرحمها ،، ولو ما لقيت زول يحكي لي حكاية

    قبل النوم ،، تصدق كنت بحكي لنفسي براي ،، اعيد في الحكاوي القديمة بصياغ جديد على

    مزاجي اكون انا البطلة فيه

    يا حليل زمن الطفولة ياالسني ،،، يا ليتها تعود
                  

12-23-2006, 01:26 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Nana)

    شكرا بكري ابوبكر

    وليك على تاني من اول السنة نأرشف مواضيعنا

    يل ياشباب وياعجائز تعالوا علينا جاي
    ورونا لمن كنتوا ضغار
    يلا ياجميلات وباحلوات
    ورونا لمن كنتن صغار
    مرحب بيكم في

    لــــمــــن كــنـــا صــغـــــــــار
                  

12-23-2006, 01:35 PM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22503

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    ولما كنا صغار كنا بنلعب في المدرسه بعـد انتهاء الحصص..

    أنا النحله وانت الدبور..

    ثم تتسخ قمصاننا البيضاء الصغيرة من العرق والتراب بعـد وقوعناعلي الأرض..
    فكثير ما كان حجم النحله أكبر من حجم الدبور!

    مني
                  

12-23-2006, 01:48 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Nana)

    عارف ياتيتاوي العادهدي الحكومة زاتها ماسكة فيها
    البلد ما انضفوها الا لمن اجي العيد بتاع الله والرسول يا العيد بتاعون
    تلقى البلد قشوها ورشوها والناس قشت وسعفت ورشو الحوش وقشو قدام البيت
    مع انو في كان تفتيش كل سبت وتلات وفي حصة تدبير منزلي
    ياسلام على الطفولة والعيد والطوطحانية هسي بقت الأرجوحة
    يسلام لمن نمشي السينما والحلواني ووالملاهي
    وتحياتي ياتيتو
                  

12-23-2006, 01:48 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Nana)

    عارف ياتيتاوي العادهدي الحكومة زاتها ماسكة فيها
    البلد ما انضفوها الا لمن اجي العيد بتاع الله والرسول يا العيد بتاعون
    تلقى البلد قشوها ورشوها والناس قشت وسعفت ورشو الحوش وقشو قدام البيت
    مع انو في كان تفتيش كل سبت وتلات وفي حصة تدبير منزلي
    ياسلام على الطفولة والعيد والطوطحانية هسي بقت الأرجوحة
    يسلام لمن نمشي السينما والحلواني ووالملاهي
    وتحياتي ياتيتو
                  

12-23-2006, 02:04 PM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    تتذكر يا سني ..
    الجدادة والثعلب ..
    لمن الجدادة قالت للثعلب هيا نزرع
    قال الثعلب الجدادة ما بزرع
    قامت الجدادة قالت ليه في ستين
    بس بعدين ما تقول لي أديني
    زرعت الجدادة الفول وحدها
    كبر الزرع
    قامت الجدادة قالت للثعلب يلا
    ساعدني يا أخ شان نحصد
    قام الثعلب قال للجدادة
    ما بحصد ..
    قامت الجدادة قالت ليه في ستين
    بعدين ما تجي تفتح خشمك دا
    وتقول لي أديني معاك
    قامت الجدادة حصدت الفول وحدها
    بعدين الجدادة لمن قامت تطبخ الفول
    أبت تقول للثعلب تعال شد معاي الفول
    في النار .. نأنو شد الفول ساهل
    قامت الدجاجة شدت الفول براها
    قام الثعلب شم ريحة الفول
    قام قال للجدادة اللللللللللللللللله
    ريحة الفول دي سمحة خلاس
    قامت الجدادة سكتت وما نضمت معاه
    كسحة يعني ..
                  

12-23-2006, 02:11 PM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: humida)

    طبعا يا سني .. بعد داك ..الثعلب بقا يتحكحك جنب الجدادة ..
    وداير يظارف ..في النهاية قال ليها عليك الله أديني معاك ..
    قامت الجدادة قالت ليه ما بديك ..
    قام الثعلب شتت ..
    نألو ما زرع وحصد معاها..

    بس دا ما المهم ..
    تتذكر عمك سعدالله لمن مشى الحج .. قام حرس الجداد لكلبه جركاس
    قام جركاس نام .. قام الثعلب اكل الجداد
    قام سعد الله جاء من الحج .. قام سأل جركاس
    قام جركاس حلف ما أكل الجداد ..
    قام سعد الله قال ليهو والله كان .. قرضت المصحف دا قريض
    ياك ماكله ماكله
    قام جركاس بكى
    قام سعد الله نادى الثعلب .. الثعلب حلف بي دينه .. ما أكله

    قاموا مشوا بير سعد الله
    قام الكلب قال .. أنا كان أكلته
    هو هو هو
    يرميني الله
    هو هو هو
    في بير سعد الله
    نط البير سماحة الحبة ما جاته
    قام الثعلب جاء قال أنا كان
    أكلته هي هي هي
    يرميني الله
    هي هي هي
    في بير سعد الله
    فرترب وقع في البير


    نأنو أكل الجداد ..
                  

12-23-2006, 02:15 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: humida)

    ناهد
    التحية والمودة

    يازوله شنو الجابرك على التعب كومبليته حتى واحده
    ياخي دي انا ماكنت بلعيه
    لعبه بتاعة شقاوة
    انا عارفك حبوبة ووناسة كدي
    انطلقي المساحة كلها مفتوحه ليك
    ونسينا وحجينا
    وذكريات الطفولة
    وشكرا على المرور والدعم المن غير حدود
                  

12-23-2006, 02:21 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    humida
    نالو المانع خير
    قطعت الإرسال وعاودت تاني
    لكن الحكاية عندك والونسة ليك
    الظاهر عليك ثعلب كبير وما بتخلي جداده حايمة في الحلة
    واصل ياظريف البوست بوستك
    والجداده بتاعتك ياهي الجداده القالت الفول فولي وحدي وسوف اكله وحدي ؟
    نالو مافي زول ساعده !!
    مودتي ومنتظرين
    ياسيد الحجى
                  

01-16-2007, 12:23 PM

حاتم محمد محمد صالح

تاريخ التسجيل: 01-09-2007
مجموع المشاركات: 300

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Nana)

    عزيزى السن كما انت دائما رائع , لا يفوتك الجمال و لا يتخطاك قيد لحظة او شعور, احساسى بك يستديم و ايامى بك تستنير و انا اراك تسترقص روبرت زولنزيما . اتذكر انك كنت و ما زالت طائرا مملؤ بالفرح و الحبور و الزجل اللامنتهى , فى عروض الدبلوم و كل ما هو جميل و صادق , تتكاثف ذكرياتك و اهازيج شعورك الراقى بفرح الطفولة و البراءة و سكون النفس و تصالحها مع نفسههههههههها.
    كم احبك..و اتوق الى رؤويتك بالطبع.
    ححححححححححححححااااااااااااااتتتتتتتتتتتتمممممممممم مممممممممممحححححححححححححممممممممممممددددددد ممممممممممممممحححححححححممممممممددددددددددددددددد صصصصصصصصصصصصصااااااااااااااالللللللللللللللحححححححححححح
                  

03-01-2007, 11:48 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10754

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـارشة بت عبدالله (Re: حاتم محمد محمد صالح)

    فليغفر لى السنى فى هذه اللحظة لكنى اشتاق هذا الولد الشقى حاتم، لكم اتعبنى انك لم تعد موجودا فى الاماكن التى طالما احببتها لكنى شهقت بالبكاء لحظة ان رايت اسمك ممهورا هاهنا فى هذا البيت الذى بناه السنى ودعانا الى دخوله بيت نعرفه ونعرف حكاياته ايهاالولد الشقى كيف اولادك؟ وسعاد ،الان انام مرتاحة انى فى الحد الادنى لاننى كنت معكما انت والسنى ،اعود الان الى حكايات الصبامتذكر يالسنى يوم فى الدوحة قابلنا شاب كان يقول لك :لو ماحجا الحبوبات كان الغربة كتلتنا فعرفت كم نحن مربوطين الى تلك الحكايات منذ الصبا وحتى الان ، لكم كنت مولعة بحكايات زينباية بت الشرتاى التى كانت تجئ الى الاجازة مع خالتى من الضعين حيث كانت متزوجة من العمدة مادبو عليهما الرحمة وكانت تحكى لنا اضان دحش وحكايات اخرى من تراث المنطقة ، احيانا احس انها تؤلف لنا القصص لكنها لم تكن لانها لم تطالع كليلة ودمنةبالقطع ولا شهدت الف ليلة وليلة لكم تلك الحكايا ما تزال ناضرة فى الذاكرة ، وكذا حين ارقد الى حجر حبوبة نفيسة وتحكى لى عن ود النمير او محمد الشاطر تلك القصص التى طالعناها بعد ذلك فى احجيات الدكتور عبد الطيب عليه الرحمة لا اعرف من اين تجئ اولئك النساء الجميلات بتلك الحكايا ؟من الذى يوحيها لهن ؟من الذى علم حبوبة عاشة بت عبدالله تلك الحكايات التى كانت تسحبنا الى دهاليز بربر وتحكيها لنا حين نبادر بقولنا ان الليل قد جاء ويكون النهار فى منتصفهلكنها مسكينة تصدقنا بخاصة تصدقنى على نحو خاص ، كنت الحفيدة التى لم تلدها لها ابنه ولا ولد، لكنها كانت تحبنى كحفيدة ، حبوبة عائشة بت عبدالله كانت تعانى من التخلف العقلى والناس ياخذونها هكذا ، لكنى لم اكن افعل كنت احبها لانها كانت تحكى لى حكايا لم يكتبها احد سواها احببتها لهذا السبب وما زلت لعمرى رحمها الله كانت تمثل عندى كثير اشياء حين نمشى لبربر وكنا صغارا انئذ اجرجرها للحكايا وتفعل تخبنى من الليل فى ظلمات الدهاليز الخالية فى مدينة بربر لكم احب تلك المدينة ، المهم سنى حبيبى قالوا لى السكرى هداك خلى بالك من نفسك ، وامشى فى الخط بتاع المحافظة لانو العمال ما حيكسبوا الانتخابات المهم لك الحب ابدا ايها الجميل ، وبالمناسبة مما شفت البوست دا وروحى مشحتفة غايتو كتر خير عزوزة دخلتنا البوست
                  

12-23-2006, 02:22 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    السني والاعزاء ... الواحد في الزمن دة كيف يتذكر انو كان صغير ؟؟ هذا مجهود عقلي صعب في زمان تحجب مصاعب ايامه كل ما قبله؟ لكم التحية ....

    (عدل بواسطة abubakr on 12-23-2006, 02:23 PM)

                  

12-23-2006, 02:27 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: abubakr)

    النحلة ام عسلا شهي
    والدبور البزن في اضان الظالم
    منى عوض خوجلي
    تحياتي وامنياتي
    وعام سعيد وعمر مديد
    والمديدة المدوره اليوم كلو لي الضيوف
    والحبان والأهل
    اول حاجة ماحكيتي لينا سفرتك للبللد
    تاني حاجه وده الأهم
    انت حتبقي حبوبه
    شنو الحضرتيهو من الحكايات واغاني الهدهدة
    واصلي معانا حجاية تحت التجربة
                  

12-23-2006, 02:28 PM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: abubakr)

    Quote:
    humida
    نالو المانع خير
    قطعت الإرسال وعاودت تاني

    ايام سوار الدهب يا سني ..
    المواصلات رقدت هبطرش ..
    اها كان الواحد ينتظر لمن تجي حافلة سمحة وفيها مسجل ..
    بنفس الفهم .. كنت منتظر بوست ذي البوست بتاعك دا ..
    فترنا من ناس قتل وضرب وهرب .. ويا ايها الاوغاد ..
    وذي ما قالوا ..
    الفات الفات .. في إيدينوا سبعة لفّات
    والجبّة.. وقعت في البير
    وصاحبها.. واحد خنزير ..!
    والهون .. ضربت تلفون
    والعسكر .. واقف طابور
    يا جماعة، سلّوا القنبور
    يا جماعة، سلّوا القنبور
    يا جماعة، سلّوا القنبور
    يا جماعة، سلّوا القنبور ..!!



    والله يا سني .. جاتني رغبة شديدة اقوم انطط في المكتب ..!!
                  

12-23-2006, 02:42 PM

ابو جهينة
<aابو جهينة
تاريخ التسجيل: 05-20-2003
مجموع المشاركات: 22443

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: humida)

    محمد السني

    كيفنك ؟

    Quote: لمن كنا صغار كان لي حبوبة اسمها سنوده


    إنت مش قايل لي بي عضمة لسانك إنك ما كنت صغير و إنك ولدوك بي سنونك ؟

    بجيك بي حجوة ..
    أصبر لغاية ما أكْرب الشربوت دة و بجيك
                  

12-25-2006, 10:53 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: ابو جهينة)

    ابو جهينةسيد الأسم والمثل
    الشربوت مابنفعكم لو مارسلتولينا منو!!
    ياخوي راجين الحجوة
    وراجين اخونا محمد عبد الجليل
    وتمبس
    ومعتصم دفع الله
    زكل حلوين الرياض
                  

12-25-2006, 10:49 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: humida)

    ماتقوم تنطط الراجيها شنو
    ياخوى ياحميدا
    بجيك زمن ماتقدر تحك ظهرك
    وبعدين تغال الصور ماظهرت
    شوف لينا حل
    وعليك الله بان وعليك الأمان
    انا اخر مرة جات مطرة في الدوحة
    ولاكضبت نزلت الشارع ورقصت ولعبت تحت المطر
    لقولو مجنون المهم اتمتعت
                  

12-23-2006, 02:42 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: abubakr)

    اعصر مخك وابعد كل الجو القاتم من حولك
    بنفتح ليك طريق اخضر وجميل
    نهايتو طفولة سعيدة ادينا ليها جاي
    فلت شنو يا ابو الصديق
                  

12-23-2006, 02:42 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: abubakr)

    اعصر مخك وابعد كل الجو القاتم من حولك
    بنفتح ليك طريق اخضر وجميل
    نهايتو طفولة سعيدة ادينا ليها جاي
    فلت شنو يا ابو الصديق
                  

12-23-2006, 02:45 PM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    Quote: اعصر مخك وابعد كل الجو القاتم من حولك

    ما عارف ليه بتديني احساسك انك بتبيع في ليمون ..
                  

12-23-2006, 04:31 PM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: humida)

    الأخ/ حميده
    صباحك زي صباح العيد
    أتمنى أن تكون مبسوط حيث أنت
    والله يا حميده بنفكر أنا وشله من أصحابي وأولاد دفعتي أن نرفع قضية ضد مدرسة العزبه (2) ببحري لأنهم دقسونا ودرسونا إنو الخروف ضبح مسعود وطلع الخروف المسكين إرهابي وكتال كتله ، بعدين ليه بيسألو في نفس الدرس بيقولو ليك أبوك موجود الدود فوق العود. وقد فسر خبراء علم النفس هذا السبب وأرجعوه إلى أن الواحد لمن يكون مفلس وفي زول داير منو قروش وهو لابد في البيت نظام نايم وصاحب القروش جا ودق الباب يطلع ليهو الولد الصغير ويقول ليهو أبوي قال ليك نايم ، وهنا طبعاً صدق الأطفال ولو كذبوا لبراءتهم.
    محمد إبني سألني سؤال خلاني أكفر بي المرحلة الإبتدائية قال لي يا أبوي هو الخروف ما عندو أصابعين في يدينو عشان يمسك السكين يعني حا يضبح مسعود كيف وحاولت أجهجه السؤال وقلت ليهو أحمد شاه مسعود قال لي لا مسعود برزاني.
    ما علينا بس حكاية الدجاجة الصغيرة الحمراء والثعلب الفضي دي أكبر إشاعه تصور دجاجه أو قل جداده تلعب مع فوكس يا أخي بس معقول والله دي إلا تكون دجاجة مدرعة أو مصفحة ، وطبعاً الثعلب طلع مقلب وفي ديلو سبع لفات نو فوت جدادة زي دي وكان ممكن يقول ليها خلاص تعالي نزرع الفول ويديها في الأنكل ويشنكل ليها ويلحسها ويشوف ليهو جدادة تانية كمان ، هسي الثعلب إلا تشوفو في الأنيمال بلانيت والجدادة إلا في شواية بالمناسبه لو جيت السودان يا حميده عازمك جداد عند السراج في المنطقة الصناعية بكوبر جداد مليان دخاخين عربات ومصانع والناس فيهو أكثر من زحمة سوق سعد قشرة يوم الوقفة وبعد ده كلو طاعم لمن تحلف وتقول جداد الخلا حلو حلا ، مش راجل المرا ، المهم يا حميده لو عاوز تتضامن مع دفعتي وترفع دعوى ضد وزارة التربية والتعليم ومدرسة العزبة (2) فأرجو أن تحدد موقفك وتنضم إلينا وعندنا محامي خطير قال لينا بتكسبو القضية بكل سهولة ، وقبل كده كسب قضية طه القرشي ضد ناظر المدرسة الذي إتهم طه بالهروب من الدروس وإنو تلميذ فاشل وإسمو مسجل خطر في دفتر العياده كل يوم وجنو وجن الإجازات المرضيه وفي النهاية طه القرشي بقي لاعب كورة قدر الليلة وباكر وإحترف في فريق ..... وعندو معجبين وبوكس دبل قبين وفيلا وكنتين وعماره دورين والقروش من كترتها ما عارف يوديها وين.
    بس طبعاً طه القرشي أحسن من بتول ، نفسي أعرف بتول دي بعد درس العصر بتمشي وين ، الأستاذ شابكنا بتول تعود من المدرسة عند الغروب لمن جابت لينا المشروع الحضاري وعرس الكورة...
                  

12-26-2006, 08:42 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: almulaomar)

    آلـــمــــو
    انت الوداك تسأل ولدك شنو وتفلسف عليهو
    ياخي ديل مفتحين وعارفين كل شئ
    وكل شئ دي حط تحتها الف خط
    قال الخروف ضبح مسعود
    ورينا اخبار القضية ايه ؟؟
    لو كسبتوها خلونا نحضر معاكم الكرامة
    منتظرين زيارتك تاني
                  

12-23-2006, 02:46 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: abubakr)

    اعصر مخك وافتح طريق اخضر
    تلقى في نهايتو بداية طفولتك اعزل لينا العايزو
    وادينا ليهو وابهجنا عليك ماتحب
    قاوم الإحباط بالذكريات
    ومودتي
                  

12-23-2006, 02:46 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: abubakr)

    اعصر مخك وافتح طريق اخضر
    تلقى في نهايتو بداية طفولتك اعزل لينا العايزو
    وادينا ليهو وابهجنا عليك ماتحب
    قاوم الإحباط بالذكريات
    ومودتي
                  

12-23-2006, 03:36 PM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)


                  

12-23-2006, 05:48 PM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: humida)



    لمن كنا صغار ..
    طفولتنا يا محمد السني !

    إلى اليوم أذكر طفولتي بكل سعادة وحب ،
    وأعتقد أن ما فيها من حلاوة وطلاوة ونداوة
    هو ما يجعلني متماسكاً إلى الآن ومصراً على
    صنفرة هذه الحياة ..
    حين أذكر طفولتي أذكر أصدقاء عيونهم ملونة
    وكمية من العجلات والآيس كريم والبطاطس المحمرة
    كما أذكر رفقاء والدي من كل الجنسيات :
    عراقيين وألمان وسودانيين وشيوعيين وهيبيز
    وقوميين عرب ومحبي موسيقى ..
    حين أسحب ذاكرتي للوراء أبصر ألواناً جميلة
    ومغامرات موحية ..

    قبل سنوات ، شعرت فجأة أني كبرت ، فجلست
    لكتابة خطوط عريضة لما أعرفه عن نفسي ..
    أسميت الكتابة هذه "سيرة" ، كتبتهافي قعدة
    وحدة وفي ظروف عجيبه ..

    خليني أقتطف ليك منها حاجات ..


    طيب ؟





    أعود بعد الفاصل .

                  

12-23-2006, 08:03 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: طلال عفيفي)

    طلال .. عندما تذهب سنوات كثيرة من عمرنا نكون قد قضينها كدا او عملا او لا شئ في بعض منها نكتشف ان في دواخلنا مخزون هائل من اشياء كثيرة فيها بعض من ابداع-في مجمله ادبا او فنا او عملا او حتي مواقف وذكريات الخ- او ما يفيد غيرنا ولكننا لم نخرجها من صوامع مخازننالضيق في العمر او لاننا لا نملك موهبة ان نكتب او نرسم ..الخ والسعيد هو من حاول ان يخرجها للناس قبل ان يذهب والاسعد من يملك الموهبة مثلك وهو ما زال صغيرا .. ان الشراكة في المعرفة فضيلة .. ان تشرك غيرك فيما تعرفه او تبدعه فضيلة ... الشحيح هو الذي لا يشارك غيره فيما يعرف وليس فيما يملك من مال ومادة ....عندما نذهب تستفيد الطبيعة من بقايانا المادية اما ما هو في عقلنا وذاكرتنا يذهب لحظة فراق الروح الجسد وهكذا يذهب هباء ... انت كوكتيل من الابداع والموهبة ولكنك مقل في طرح ما عندك .. .. اخرج ما عندك فهو جد جميل ونحن في زمان كثر فيه القبيح نحتاج الي كل جميل ..
    اكسب فضيلة ان تشركنا فيما عندك من ابداع....

    لك مودتي
    ابوبكر
                  

12-25-2006, 06:18 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: abubakr)

    ابوبكر شفته الحكاية سهلة كيف
    ليك المحبة والمودة وانداح لينا اكتر
    انت الظاهر عليك حبوبة عجوز
    يلا احكي لينا
    لك التحية الخالصة والتقدير
                  

12-23-2006, 06:03 PM

nourelhadi awad

تاريخ التسجيل: 10-24-2006
مجموع المشاركات: 1111

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    مبروووووووووووووووك
    يادوبك شفت البوست
    قطعا سأعود
    تحياتي
                  

12-23-2006, 06:21 PM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    الفن الجميل محمد سني دفع الله وجميع الأخوة المتداخلين
    لمن كنا صغار وكنا بنسمع قصص الحبوبات ما كان كلام نسوان كبار ما عندهن شغله وما عارفات يعملن شنو بالعكس ده كان نوع من أنواع التربية المعروفة بأدب وثقافة الطفل وتنمية وتطوير العملية الإبداعية والتفكير الإبداعي لدي الطفل.
    يعني حبوبتك لمن تحكي ليك حجوة فاطنه السمحة وتقعد تقلد ليك في شخوص الرواية بأسلوب مسرحي رائع تجعلك غير قادر على التفكير في أى شئ خارج نص الحجوة تارة بتغيير صوتها وتارة بتغيير حركاتها ده كلام ما ساكت يعني – إنتو تعالو يعني شنو كلام وساكت ما هو يا كلام يا ساكت – ما عليكم الحبوبة يا عالم ما ساهله أبداً وبخاصة أولئك الحبوبات المشلخات الداقات شلاليفن البغنو ليهن جلسن يا حلاتن.
                  

12-23-2006, 07:05 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    سلامات يا السني

    زمااااان قبل كم سنة
    السنجك اظن فتح بوست عنوان حاجة زي ( تماضر واهل العوض ومنو كدا ما عارفة بيلعبو في الحلة )
    وحاولنا في الوست دا نوثق للألعاب الاطفال واغانيها ، البوست دا مدفون في الارشيف حامشي انكتو واجي
    لكن قبل ما امشي عايزة اقول ليك ولزوار / زائرات بوستك

    انه اجمل شئ في طفولتنا كان الخريف ، فهو بالضبط اختصار طفولتنا

    شد البليلة في الشجرة القدام الحلة
    ناس حبوبة بت رضينا وخالتي زينب
    ونحن نشد في جوقة جميلة

    قوطر قوطر ... يا التحت الشجر .. ويا ابو فاطمة هوي تجيب المطر
    ساعود للحكي عن المطر والطفولة وبعد ان احضر البوست

    تحية بدعاشها
                  

12-23-2006, 09:06 PM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: الجندرية)



    في عام 1976 ، وُلِدت ..

    طفل عادي ولكن خديج . سبعة أشهر هي التي قضيتها في بطن أمي ،
    لأنزح بعدها صوب العالم ، مسببا إرهاقا لا حد له لوالدي .. بدءاً
    بأمراض الطفولة الستة والربو ، مرورا بمراهقة صعبة ( تخللها
    تدخين " البنقو" والانتماء لجماعات متطرفة ) ،انتهاء بفشل حاد
    في المجالات الأكاديمية ، وما صاحبها من أحزان اجتماعية ..

    لست أكذب ، لو قلت أني كنت فتى طيب الذكر و واعدا بشأن
    مجيد ، سوى أنها الدنيا وتصاريفها !!
    وأعتقد الآن ، غير جازم، أن صاحب نبي الله " موسى" لو كان التقاني
    لقتلني مجنبا القوم رهقا لا حد له ..

    توافرت في تربيتي كل صنوف حسن النية ، أقل ما أذكره عنها شبه شديد
    بتربية الأمراء : عز وافر ، سفر وسباحة وركوب للخيل ، حفظ للقرآن
    وللشعر،و لغة أجنبية ( لا أعرف الآن لو كانت الألمانية أو العربية !! )..

    وجدانيا :
    تنافست عدة أعراق في تكويني :
    عرق حلبي ، وعرق نوبي ، وعرق عربي صحراوي ..
    سوى أن ليس لي اهتماما عميقا بالأمر هذا ، فجدي أما أن يكون " نوح "
    أو " آدم " أو ، في أسوأ الأحوال ، خلية من الخلايا التي حدثنا عنها " داروين " ...



    لم أسعد بأن تكون لي جدة .. فـ"آمنة " توفيت باكرا تاركة وراءها صورة فوتوغرافية
    وحيدة تحكي القليل عن امرأة وسيمة الملامح طيبة العينين ... أما" فاطمة " فقد رحلت
    قبل إتمامي طفولتي ، ململمة معها ما تبقى من رطانة نوبية وثياب سود ارتدتها طوال
    الوقت ورائحة البطاطس المحمرالذي كانت تصنعه لي حبا وكرامة، بموتها فقدت جدتي الوحيدة
    وفقدت العائلة آخر الناطقين باللغة النوبية , وأصبح البيت الكبير مرتعا للهجات عربية
    عدة ! رحمها الله .
    كان وجه " فاطمة " من فرط صبرها وحزنها، صارما صرامة لم تحسسها طفولتنا الباكرة .
    وأذكر الآن كثيرا أغانيها الراطنة وكأن دف مخفي يتجول في أنحاء المنزل .
    أطول امرأة مرت على بصري ( يرى بعض المحققين في تاريخنا العائلي أني ورثته عنها )،
    وسوادهاكان فاحما .... أخذت عنه تلك السمرة التي أتسكع بها الآن وسط العواصم .
    عماتي ، زينب على وجه الخصوص ، سددن الخانة ، فأسبغن علي ذلك الحنان " الفاطمي "
    فكن يقبلنني طوال الوقت ، لكن دون أغاني وأقراط مذهبة تتدلى من الأذن على شكل هلال !
    كذا ما كان بحوزة طفولتي جد .. فجداي توفيا عن أعمار صغيرة ، تاركين أرملتين وعدد
    لا بأس به من الأيتام !
    الا انه وفي " حلة خوجلي " , شرق النيل السوداني , كان بانتظاري رجل في نفس قامة
    الأجداد :
    "حسن شرف " عليه السلام .
    اشتبك مع عائلتي في نسب متشابك ؛
    عشنا في منزله أوائل عودة العائلة المقدسة من ألمانياالعام:
    1982 .
    أفتش له في ذاكرتي عن شيء غير جلبابه الأبيض ، فلا أجد !
    كان له سريره الليلي في الحوش على مقربة من شجرة الليمون .
    وغرفة يتناول فيها شاي الصباح بالخبز المستدير والحليب .
    ومصحف مخطوط ...
    وخط مفتوح : يصل بينه وبين السماء .

    قدس الله ضريحه .


    ما لا أعرف مناسبته ، لكني أود حكايته ، أني تعلمت ركوب الدراجات
    باكرا ، الأمر الذي أفضى في الأخير إلى علاقة حميمة مع التجوال ( تجوال
    بين البلاد والمدن والأفكار وقلوب البنات ).
    اذو لم أعهد نفسي على استقرار ، الأمر الذي جعل حياتي عجيبة وغير مبررة
    للآخرين (ولي في أحيان عدة !)..
    كنت أركب الدراجة والصبا في بواكره لا ألوي على شيء، سوى أني أذكر تماما
    كيف كانت الدراجة تسحبني عبر الهواء الطلق إلي عوالم مدهشةوجذلة في تلك
    القرية الألمانية التي تشبه أحلام الصغار بشكل ناجز ، في ألمانيا رأيت بعيني
    حقول القمح الذهبية ممتدة على مدى البصر خلفها شمس على وشك الغروب. كثيرا
    ما تركت دراجتي على طرف الحقل راكضا فيه باحثا عن مسكن الشمس …
    لأعرف بعدها بأعوام أن عنوانها:الساعة الثانية ظهرا / جمهورية السودان الديمقراطية !


    حين أنظر لصوري ، التي غالبا ما كان يلتقطها والدي( في عادة كف عنها فيما بعد) ،
    أرى وجهاجميلا و عيون فيها من الكحل الكثير ، ذلك الكحل الذي ورثته عن أبي في حياته ،
    وهو ما ساهم في مرور حياتي العاطفية دون عقبات تذكر .
    هذه العيون تعاني الآن من خلل طفيف في وظيفتها الأساسية، ألا وهي الإبصار، وهو ما أرجعه
    البعض لعين أصابت مستودع الكحل ، أما أمي فتستغل الموضوع كسند قانوني ضد الخمر ،
    إلا أني أرى أن المسألة تتعلق تعلقاً عاديا بالسن والنصيب .

    على ذكر مسألة العيون ، فأعشق في البنات ، ضمن ما أعشق ، تلك العيون الناطقة
    بلغات العالم السرية ، تلك القادرة على خلق تماس مبدأي ، عيون قد تلهيك عن جسد بأكمله .


    أبي سوداني ، يعود أصله إلى أقوام حطت طيورهم قبل قرون على شباك الوطن.
    أمي نوبية مصرية ينحدر نسبها لصانع المراكب نوح ( والذي أصبح نبيا شهيرا فيما بعد )..

    ولدت في هامبورج اثر لقاء بينهما في السبعينيات لم يتح لي معرفة تفاصيله .
    لذا أجدني حفيا تجاه العالم كله ، بخطوط طوله وعرضه وأديانه وخزعبلاته وآمال أبنائه
    البشر بكل تعرجاتها التي تميل غالبا نحو الخير . ( أو هذا ما أظن ) .



    ________________
    مقتطفات من كتابة إسمها
    سيره ..
                  

12-24-2006, 10:28 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: طلال عفيفي)

    السني ..

    أنا داخل برااااااحه ..
    و ما بقدر على النقرشة اللذيذة دي ..
    قبل ما أتخارج - و برضو برااااحه -
    عليكم الله .. أدخلوا هنا - بسلامٍ آمنين -
    أسمعوا سيمفونية طلال دي .. و أحمدوا ربكم :

    باقي ال " سيره " (1+2 +3 )!!!

    و هنيئا مريئا ..
                  

12-24-2006, 11:15 AM

رأفت ميلاد
<aرأفت ميلاد
تاريخ التسجيل: 04-03-2006
مجموع المشاركات: 7655

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Emad Abdulla)

    الروس الروس
    حباب التيوس

    ديل يانا نحنا يامحمد سنى

    الزول لما يقرا طفولة الناس ديل
    يلقى طفولتو متوحشـة باخى

    حرينا وسما بشير وأم الحفر

    وبعيدين صيد الدباس بالنبلة أم لستك أحمر
    صناعتا سلاح فتاك متقن . تضحك على نبل أولاد الخرتوم

    وصيد السـمك من الترعة
    ومطاردة الجراد
    وصيد الطير بالشبكة

    وقبيض الدبايب فى عز الهجيرة وهم نايمين فى الكتر
    أمى الله يرحمها تجرى تفل منى أبواب البيت
    وتعاين بالنملية ما تفتح الباب إلا تتأكد ما جايب ليك مصيبة
    أبو القنفد ولا ورل

    تعرف يا السنى نقير الكرعين من الشوك ودخول الكتر
    الدكتور هنا قايلو مرض جلدى

    حليل الجزيرة

    طفولة شقية بس كانت جميلة

    تحياتى

                  

12-26-2006, 10:41 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: رأفت ميلاد)

    رأفت ميلاد
    ايها الصديق في البلاد البعيدة
    ذكرتني ايام الترعة وكيف لقطنا البلهارسيا
    كيف كان مشوارنا من الدرجةالتانية لحجدي الدوار الجنب نادي السبق
    مسافة طويلة لطفولتنا الشقية
    وأخوك كان من اولاد الراحات
    نمشي نعوم وخوفنا مناولاد تحت اجو ادقونا واشيلو ا
    ملابسنا ونمشي البيت عريانين كما ولدتنا اماهتنا
    ودي حكاية عايزة ليها شرح عشان ما ندخل في سايقة قضائية
    ومحاكم شايف ناس الملا عمر رافعين قضية في وزارة التربية والتعليم
    لكن الحكاية فيها ام بارونة وهناك وجدنا من جلدونا
    ومباريات الكورة بينا واولاد 114 والحلة الجديدة
    والصحبة والمدرسة ومكتبة عيسى ومجلات الأطفال سمير وميكي والوطواط وسوبر مان
    والقائمة تطول
    والذكريات
    يارافت ليك المحبة
                  

12-26-2006, 10:30 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Emad Abdulla)

    انت ماطوالي داخل براحة
    والنقرشة انت سيدا
    راجينك تجي تنقرش على اوتار احاسيسنا
    وتدخل مملكة الذاكرة وتصحي جميل القصص والحجى
    ياعماد وينك
    ليك المحبة
                  

12-26-2006, 09:13 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: طلال عفيفي)

    طـلأل
    ياصديقي الرائع
    تابع طفولتي
    وفصل من كتاب
    مــدنــي اســـــكوب
    بحكي فيهو عن طفولتي والسينما
    محبتي الخالصة
                  

12-26-2006, 08:57 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: الجندرية)

    الجندرية
    كل عام وتراث
    بالف خير وعافية
    والتحية لكل من حولكم
    وين الحكايات الجميلة عن الزمن الأجمل
    الطفولة
    مزيد من النجاحات والتوفيق
    ومني خاص المودة
                  

12-24-2006, 11:52 AM

محمد عبدالله هارون

تاريخ التسجيل: 07-14-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    السني الجميل ...

    لما كنت صغير ،،، أول مرة اركب الباخرة من دنقلا لكريمة ، وأول مرة اركب قطر من كريمة للخرطوم ،، أول مرة أشوف كهرباء في بحري مساءً... ثلاث صدمات حضارية ،،،، والمصيبة لما جاء خالي في الليل بسيارته ،،، كنت مستغرب جدا لان السيارة منورة بدون سلوك كهرباء ...


    سأعود
                  

12-26-2006, 10:47 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد عبدالله هارون)

    محمد هارون
    انشاء الله العقدة اتفكت
    والصدمة الحضارية زالت
    لكن صدمتك تجنن
    انت دخلت البيت وكان طافي
    ما حكيت لينا الغرف المنورة من غير سلك
    والله حكايتك مدهشة للحد البعيد واصل معنا ولك المودة
                  

12-24-2006, 12:42 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    العزيز محمد السني
    الأعزاء المتداخلين

    المخزون من الطفولة هائل .... ويحتاج بعض الإستفزاز عشان يطلع ...
    لكن أحلى الذكريات لما كانت الوالدة تحكي لينا حكاوي غاية في الإتقان ... وطبعاً بعد كام ليلة بينضب معينها .. بس إحنا ما بنشبع ... وبعد ما مرينا على كل ذخيرتها القصصية أصبحنا نختار الحكاية التي ستحكيها لنا ونصر عليها!!! "يا ولد أمبارح واول البارح ما حكيتا ليكم" .... (عايزينها تاني يا أمي) ... وتقوم تحكي تاني وتالت ورابع ... وما بتذكر يوم شفتها إتضجرت أو إتمردت على حكاوي مكررة.

    ألعاب الأطفال وما أدراك ما أهازيج الأطفال ..... بعد أن صار عندي أطفال .. بدأت إجترار بعض الأهازيج .. ولدهشتي إستمتع بها أطفالي أيما استمتاع .. حتى إبني الذي لم يتجاوز عامه الثاني يعرف لعبة الفات فات (ويصر أن نلعب معاهو) ... ويعرف أيضاً أهزوجة (((كو كو كو ... مين في الباب .. أنا العريبي .... عايز أيه .... عايز غنمي .... غنمك مافي ... في .. مافي ... ويبدأ ينادي: سعوووود .. مييع ... مسعوود ... ميع . ثم يرقص: الصوت صوت غنمي ... كضاب يا عربي))) .. ولكني أقر بأن ما أقوم به مع أولادي يحتاج لمجهود جبار حتى يزاحم قنوات الأطفال الكثيرة والمغرية.

    سؤال برئ يا محمد السني:
    لمن كنا صغار؟؟؟؟؟ إنت بي جدك؟ تصدق أنا أصلو ما كنت قايلك كنت صغير
                  

12-26-2006, 11:25 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد أبوالعزائم أبوالريش)

    ابو الريش
    التحية والتقدير
    ياخوي شككتني في نفسي
    لمن ماعرفت انا كنت صغير ولانطيت من الروضة للثانوي
    المهم انمت
    صغرتك كلها كبها لينا هنا
    ودمت ودام صفانا
                  

12-24-2006, 12:59 PM

omer abdelsalam
<aomer abdelsalam
تاريخ التسجيل: 04-07-2006
مجموع المشاركات: 3478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    عزيزنا / محمد السني
    لما كنا صغار .. حفظنا :
    دجاجي يلقط الحب ويجري وهو فرحان
    ولما كبرنا .. اتانا الرعب والخوف من ( دجاجي ) وهو يلتقط ( إنفلونزا الطيور ) !!!
    لما كنا صغار .. حفظنا :
    علمي انت رجائي انت عنوان الولائي
    لونك الأزرق نيل لونك الأخضر زرع
    لونك الاصفر ارض يفدتيه الأوفياء
    ولما كبرنا ..اصبح للعلم الوان اخرى ..ولاندري في ظل البراكين المشتعلة في البلاد
    جنوبا وغربا وشرقا ... هل لازال في علمنا رجاء .. وولاء !!!!!
                  

12-24-2006, 04:45 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: omer abdelsalam)

    الأعزاء والأحبة
    أصابتني وعكة صحية بدأت انفلونزا
    وانتهت اليوم بوجع ضروس
    وسوف ارد عليكم بعد ان استجمع قوتي
    دعواتكم
    زمان لمن كنا صغار
    واجينا مرض حبة ندلع ونفتح خشمنا للبيبسي والجبنة ليه ماعارف
    وبعدين واحد في اخوانك اعاين ليك شديد كده واقول ليه جايبين ليه حاجة باردة ؟
    يعني نظام حسادة
    عشان البارد بطفي الحمى ، دي حبوبةبتجاوب
    ولابقتنعوا اجوا اتلصقوا لمن اشربو معاك والكزوك عشان تطلب تاني
    هسي انا عايز بيبسي وجبنة ولو ترفع لي الضغط
    مودتي
                  

12-26-2006, 11:31 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: omer abdelsalam)

    عبد السلام
    فتحت جرح بي كلامك عن العلم السوداني
    انا كنت عامل بوست عن علمي انت رجائي
    وطبعا نحن مطالبين بالعلم الأصلي ارجع ارفرف على السارية من جديد
    شكرا لك وفي انتظار ذكرياتك والطفولة
                  

12-24-2006, 05:02 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8529

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    ي
    ا

    ف
    ن
    ا
    ن

    إزيك وكيف الحال

    أنا طفولتى كانت تعيسة

    يمكن عشان كنت "ويحيد"
    وما زلت

    يا ربى يكون الإسم ده هو السبب؟

    ما صاحبت زول غير الخريف والمطر والبحر
                  

12-26-2006, 04:32 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: أبوذر بابكر)

    أبوذر
    الحبيب عاشق الخريف
    والمطر
    والبحر
    طفولتك اتعس من طفولة
    صعاليك الخلا؟؟
    طالما صاحبت الخريف والمطر والبحر
    عايز بي صحيتنا شنو ؟
    نحن المقطعين من المحنة
    معقول نكون احن من المطر
    ولاارق من نسمة الخريف
    ولا بنملك جديد موج النهر
    ياخوي تعال بي طفولتك
    التعسة وخلينا نبكي
    ناس تحب المآسي
                  

12-26-2006, 04:32 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: أبوذر بابكر)

    أبوذر
    الحبيب عاشق الخريف
    والمطر
    والبحر
    طفولتك اتعس من طفولة
    صعاليك الخلا؟؟
    طالما صاحبت الخريف والمطر والبحر
    عايز بي صحيتنا شنو ؟
    نحن المقطعين من المحنة
    معقول نكون احن من المطر
    ولاارق من نسمة الخريف
    ولا بنملك جديد موج النهر
    ياخوي تعال بي طفولتك
    التعسة وخلينا نبكي
    ناس تحب المآسي
                  

12-24-2006, 09:21 PM

عبد العظيم أرباب

تاريخ التسجيل: 11-21-2005
مجموع المشاركات: 143

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    لا ادري لماذا خطر ببالي الفنانة والشاعرة والاذاعية والدكتورة عفاف الصادق حمد النيل
    كنت قد شاهدت سهرة تلفزيونية من وقت الديمقراطية والناس طيبين وكان السهرة تتحدث عن ( الهدهدة ) تفتكر يامحمد السني ( هدهدوك ) ؟
    ياريت لو نبدا من الهدهده
    ونتظر منك هدهدات حبوباتنا
    ممكن طبعا تغش من سوسن دفع الله .
                  

12-25-2006, 09:51 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: عبد العظيم أرباب)

    تتصور يا عبدالعظيم بتذكر البرنامج ده كويس، وكانت مشاركة فيهو تماضر شيخ الدين لو كانت (سامعانا) هسي، حتى كانت شايلا ليها لعبة (بت أم لعاب) وبتهدهد فيها.

    أحلى الهدهدات:
    طبوح .. يا طبوح
    كلب العرب مضبوح
    ستو تبكي وتنوح
    قالت لو يا ولدي
    كان شفت الزردي ________ (ما تسألوني يعني شنو)

    سكينك الخوسة
    في الأرض مدسوسة

    جاني علي الكرار
    كراني من الضل
    خلى مصراني يكر

    يا طالع الشدرة
    جيب لي معاك بقرة
    حلاّبة العشرة
    تحلب تعشيني
    بي كورة الصيني
    والكورة إنكسرت
    مين البربيني

    طلعت بيت الله
    لقيت حبيب الله
    قاعدلو في بنبر
    قدامو حمام أخدر
    يلقملو في سكر
    قال لي إتفضل
    قلت لو ما بقدر
    يا ريتني كان ضقتو
    حتى النبي زرتو

    رايكم شنو في الذاكرة دي؟؟
                  

12-25-2006, 11:59 AM

عبدالغني كرم الله بشير
<aعبدالغني كرم الله بشير
تاريخ التسجيل: 12-06-2005
مجموع المشاركات: 1082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد أبوالعزائم أبوالريش)


    أول شي، كنت راكب لي حصان، ولافي البيت كلو، حصان من خرطوش موية مقدود، ثم يستحيل الخرطوش إلى سيارة، تيت تيت تييييييييييييييييييييت!! ثم احيله كموسى إلي ثعبان اسك به اختي محاسن، وهي قابضة بيديها على حلاوة لكوم، وقد صنعت شنب من السكر حول فمها السعيد بالحلوى، ثم اقذف بالبشاك للشارع، فالوقت ثمين، لا يمكن ان نضيعه حتى أصل للباب البعيد، وما اوسع حيشاننا، وما أنضرها... فأثار الموج الساكن، بفعل المقشاشة، يزينها حتى الاركان القصية، وداخل الزريبة، عوالمنا المفضلة، حيث المعزة، والدجاجة، والنعجة، والشتلات... لنا فيها مانشاء، جنة ماثلة..

    وحين تضع امي الصينية، للفطور، نواصل اللعب، وهل يأبق الإنسان من ملك ربه، نتقاذف بالطعاطم، وارفع اللقمة عالية، فوقي، ثم تهوي نحو فمي، أو جضومي، أو حتى رقبتي، لا شي يهم، وأمي (لا تضج ولا تثور)، ثم أدس شطة لأختي محاس، كي تبكي وتضحك معا، كل شي ممكن...

    ولا أدري إلى الأن، لم كنت بحب المشي بالخلف، وراء وراء، حين ارسل للدكان، كنت أمشي وراء وراء، حتى أصل، ويتحول الصحن إلى دركسون، وفمي إلى بوري يصيح في شارع خالي، وملي بالناس في خيالي، ،

    وللحق لم يتعبني شي، كتصور الإطلاق، ونهاية الأرض، والله، كنت أخاف من الذهاب إلى الأفق، كي لا أسقط من هاوية الارض (المربعة)، وهناك قد انزلق وأقع في هاوية لاحد، مطلقة، وكنت اتصور إن الملك العباسي، وامنا حواء لا تزال تهوي في بئر لا قرار له.. أما تصور الله، فقد كنت اتصور انه كبير، أكبر من الجمل، وأكبر من البيت، واكبر من البحر، ثم يجري خيالي لأكبر، فأجد مساحة أخرى، ثم أكبر، وأجد مساحة أخرى، وهكذا، حتى أخاف من تصوري، ثم اتغطى بالملاءة، والتهم بعض البلحات،...

    دقيقة.. هكذا كنت أقول لأختي، كنا نحاول معرفة (فترة الدقيقة)، بدون النظر للساعة، نحددها بالعد الداخلي، وثم صرنا نحددها بالصمت، ...

    حين ارسلتني امي لجلب الزيت، لعمل بيض بالطوة، واعطتني الجركانة الصغيرة، كانت جركانة عصير، ثم تحولت للزيت، زي الجرائد، حين تتحول إلى ضلفة النملية، جريت بالجركانة، وكنت اضربها بكوع رجلي، وهي تحدث صوت احبه، كما احب كل الاصوات، بلا فرز، سوى صوت حصة التسميع (كالعادة)، فجريت للدكان، وفي عودتي مررت بالخور، والكبرى، فنزلت كي امر تحت الماسورة الكبيرة، كما تمر الماء، وليس كما يمر الناس فوق الجسر، وفجأة أطلقت ساقاي للريح، حين طاردتني كلبة والدة يادوب، أما الزيت، والجركانة فعلمها عند الله، وحين حكيت الحكاية لأمي، لم تسألني عن الزيت والجركانة، فقد أكتفت بفرحة شديدة (من سلامتي من الكلب)، وهكذا حالها مع كل شقاوتي، تركز اهتامها على (صحتي وسلامتي)، وبس!!

    وللجركانة، ونسيانها حكايات وحكايات، مرة صارت الجركانة، قائمة لمعلب الكرة، حين لم نجد طوبة للقائم الاخر، ونسيت كعادتي الزيت، والطوة والملاح، ففطلوع البدر ما يغنيك عن زحل، ثم إن اللعب أهم من الأكل والشراب (و للحق أنا اتناول الطعام كي ألعب)، يعني حلينا مشكلة (نأكل لنعيش أم نعيش لنأكل)، بل نعيش لنعلب، ونطير، ونغني، ونحلق... كما تشاء غرائزنا، ورغباتنا المتواصلة..

    ولم اتذكر بأني مرسل للزيت إلا حين ارتطمت كرة الشراب (وبالأدق شراب استاذ فائز) بالقائم، بالجركانة..

    كنا ننتعارك، أختي وأنا، في من يمثل دور (عنتر وعبلة)، كانت اختي تود تثميل دور عنتر لأنه الأقوى، ولأنها اكبر مني، وكنت احب تمثل دوره، والسيف بيدي، وبصراحة (القصبة بيدي)، وكنا نطارد الأعداء حتى يدخلوا (التكل)، أو الزريبة، بعيدا عنا، بعيدا جدا..

    يالسني... مالك ومال الطفولة، جرت القلم بما جرى...

    (عدل بواسطة عبدالغني كرم الله بشير on 12-25-2006, 12:35 PM)

                  

12-26-2006, 05:12 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: عبدالغني كرم الله بشير)

    عبد الغني كرم الله
    ما انضرها من ذاكرة وما أجمل الحجوة
    حفظك الرحمن ورعاك
    لكل طفل جنونه الخاص
    قلت ماعارف ليه كنت بتمشي بالخلف
    انا لمن ارسلوني
    بتكلم مع شحصيات عديدة وبضحك على نكت بايخة واشوح بيدي
    وحينما ارحع البيت تودعني الشخصيات عند الباب وترجع تتلاشى في الهوا
    التفت اليها واقول
    خليكم هنا الهواماشيلكم بعيد
    واسمع من خلفي الجملة الحبيبة الى نفسي من حبوبتي
    الجن بداوة كعب الإندراوه
    وفيما بعد عرفت انو الإندراوه حاجة بطالةخالص
    واصل معنا الحجوة
                  

12-26-2006, 04:42 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: عبد العظيم أرباب)

    عبد العظيم ارباب
    التحية
    الهدهده
    من اجمل اغاني الأطفال
    وفي كل بلاد العالم
    هي واغنية العروس
    نفس الكلمات نفس المعنى
    الأمل والتفاؤل
    النوم النوم
    النوم تعال
    بكريك بالدوم
    النوم تعال
    عبد العظيم
    نمت ولاشنو
    نام
    يعني لو غنيته
    انوم الفاتحين البوست كلهم
                  

12-26-2006, 05:03 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: عبد العظيم أرباب)

    ابو الريش
    شنو مابتعرف الزردي
    عامل لي فيها برئ
    الزردي البزرد الناس وكمان الزردي حقكم معاه سكينة
    قال شنو ماتسألوني
    بعادين ماتلخبط لينا اغاني الألعاب مع اغاني الهدهده
    وتعال عايز تذوغ من دلوقت
    الواجب بحتم عليك تدينا اغاني وهدهدات واهازيج لعبات
                  

12-25-2006, 01:14 PM

خالدة البدوي
<aخالدة البدوي
تاريخ التسجيل: 03-05-2006
مجموع المشاركات: 1816

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    لمن كنت صغيرة بلعب في التراب
    مما لبستني الجزمة والشراب
    مشيت للافندي اداني كتاب
    قال لي اكتب عربي
    كتبت حساب ،،

    لك التحية محمد السني

    لي عودة

    لحجيتكم ما بجيتكم

    دمت
                  

12-26-2006, 05:19 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: خالدة البدوي)

    خالدة بدوي
    التحية والمودة الخالصة ياناس الرياض
    لسة طعم الشاي والونسة الظريفة في احساسنا
    بديتي الغنا الظريف يلا عليك بيه
    عايزينك تتحفينا بغنى الاطفال
    واغاني لعبات البنات خاصة من روندس الى بريلا بريلا بريليلا
    وبعداك تجينا للحجى
    وتكوني ما قصرتي تب
    ليك المودة وكل عام وانت بخير
    وعام مجيد
                  

12-25-2006, 01:18 PM

bushra suleiman
<abushra suleiman
تاريخ التسجيل: 05-27-2003
مجموع المشاركات: 2627

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    الحبيب ودالسنى
    سلامات يا فنان

    كل ما نعلمه عن طفولتنا ..
    أنا كنا رائعين ..
    نخفي في نظرتنا سعادة غامرة ..
    نطلق مع ضحكاتنا .. كلمات بريئة .. تعني أننا نحب الحياة ..
    كنا ننظر إلى الكبار .. فنتعجب قائلين " لماذا هم غاضبون ؟؟"
    كنا نرى في وجوههم ما لا نفهمه ..

    الآن...
    نحن كبرنا .. وصرنا نفك إشارات التعجب الطفولية .. بحالات من الفهم العميق للحياة ..
    أظننا سنكتفي الآن بمراقبة طفولة صغارنا .. ونظراتهم .. وضحكاتهم .. وأسئلتهم الكثيرة ..
    ولن نردد سوى ذلك الجواب " غدا عندما تكبرون ستعرفون " .. سيحملقون فينا لبرهة ..
    ثم سيعودون للعب مرة أخرى .. وقد نسوا أسئلتهم ..

    كلماتك ..
    هي تمرد ذلك الطفل في داخلك ..
    ونقمته على عمرك الماضي ..

    وكلماتك ..
    هي ما سيجعل الطفل في داخلك .. يستريح لأنك تكلمت عنه ..
    وهذا سيعني له أنك لم تـــنساه ..
                  

12-26-2006, 05:26 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: bushra suleiman)

    بشرى سليمان
    الشاعر الرهيف والفنان الرقيق
    ياخي فلسفة الموضوع وخليتو نشوفو بي عين تانية
    لمن قلت معقول انا بعمل في حاجة سمحه قدر ده ؟
    يلا معانا كيف بديت الشعر ومنو الأثر فيك في الطفولة
    خلاك تحب الحروف
    وكيف حال الولاد معاك خاصة الامورتين الكانو ا لسه صغار
    بقو عرايس
    زمن واقفة بينا المحبة ومسافة الغربة
    المودة وراجين الأجوبة والطفولة الشعر
                  

12-25-2006, 01:33 PM

ghariba
<aghariba
تاريخ التسجيل: 03-09-2002
مجموع المشاركات: 13231

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    الغالي محمد
    لن اتحدث عن صفحة الطفولة البيضاء مسهباً ولكن ادع لك صورتي
    وصورة شقيقي الأصغر مجدي ( الذي يعمل حاليا بجدة ) -
    وعموما الطفولة هي مرحلة النقاء والصفاء ولكني اتذكر طيور وعصافير في الجو
    والجو مغيم ( جو الابيض - كردفان )
    واتذكر حنان من أختي المرحومة علوية
    واتذكر زملاء طفولة في حينا المعاصر ومنهم عوض و اسامة وعمر .. الخ
    وطبعا الاهل د. خالد وكامل ....الخ


    صلاح حسن غريبة - الرياض
                  

12-26-2006, 05:38 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: ghariba)

    الغالي صلاح غريبه
    يسلام على الصورة
    ياخي مسالة الصور في بوست زي ده
    بتخلي البوست ليه طعم ونكهة
    شكرا للصورة وأهم شئ فيها الأزياء
    القميص ابو تلات زراير مش عارف الحكمة من عمل تلات زراير ليه؟؟
    والردى ابوجيب محدد الإطار والحذاء الشدة وكان الفيرلون موضة طالعة في بلد الجلد فيهو
    أرخص من الموية
    شكرا للصورة وذكرتني لبسات منسية طلعت دلوقتي مع قصصه
    شكرا غريبة
    مودتي
                  

12-25-2006, 02:13 PM

بكري الصايغ

تاريخ التسجيل: 11-16-2005
مجموع المشاركات: 19331

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    لـمـا كنت " زغنتـوتي " فـي سـنوات الاربعينيات، وعـدوني آهلي كان
    حفظـت القـرآن وجـدول الضـرب كلة " لـحـد جـدول 12 "، وقدرت احـفظ كـمان
    اللغـةالنـوبيـة " الرطانـة " يشـتروا لـي " عـجـلة " رالي "، ونـجـحت فـي
    امـتحان الـحسـاب وجـدول الضـرب كـلة، وفـي العربي والاناشـيـد و" في القـولـد التقيـت بالصـديق " و " صــة ياكـنار " وكـمان " عازة في هـواك "
    ووجـدت صـعوبة فـي حـفـظ السور القـرآنية خـصـوصآ وان القرآن كان فـية
    اسـماء لاشــياء غيـر مـوجـودة فـي حلفا فـي الوقت داك!!!، وكـنت اقـرآ
    سـورة " التيـن " عـلي انـهـا " والـطـيـن والـزيت وطول سنيـن!!!"
    واشــتـروا لي " حـمـار "

    راجـــع لك ياســنـي!!!
                  

12-26-2006, 05:43 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: بكري الصايغ)

    بكري الصائغ
    انت راكب الحمار ولاشنو ماجيت
    لحدي الليلة
    ياخوي راجينك
    عارفك بكون عندك طفولة حديد ونار
    ولامن حته غير عطبرة
    التحية والمودة
    وراجينك وطفولة من حلفا الى اتبرة
    وجاهزين سمع وشوف
    محبة وعام جميل
                  

12-25-2006, 06:31 PM

nourelhadi awad

تاريخ التسجيل: 10-24-2006
مجموع المشاركات: 1111

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    الرائع السني
    اذن هي الذكري
    لم نكن بأي حال نختار كيف وأين تكون طفولتنا
    لكنها تبقي أصيلة راسخة..نجترها ونجتر معها الزمن الجميل
    كنت يومهاموقنا ان كل الدنيا هي جزيرة صغيرة ترقد مطمئنة وسط النيل
    اسمها كرني ولااعرف ابدا سر تسميتها هكذا... ويقال ان تسميتها ترجع لي زمن العنج
    وساعود هذه فقط البداية
                  

12-26-2006, 05:51 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: nourelhadi awad)

    نور الهادي
    الفنان الرسمو اجمل من الجمال والحكاوي اجمل منو
    برسم بالكلام زي ما برسم
    وينك وطفولتك الشقى والحكاوي العجائبية
    نحن منتظرين
    يلا تعال شخبط على جدار حلتنا
    وارسم قرية صغيرة وخيران ومدرسة بعيدة بمشوا ليها بالحمير
    وخوف ساكن عقول اطفال لي صور عن الغول وام بعولو والدودو
    تعال نحن في رجاك
    ابقى لي قدام
    خوة ومحبة
                  

12-25-2006, 06:32 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    Quote: واشــتـروا لي " حـمـار "


    يا بكري ذكرتني حمارنا ؟؟ والله كان حمارا ذكيا اذكي من كثيريين قابلتهم منذ ان مات قبل الرحيل مباشرة كمدا ورفضا للتهجيير ...
    وايه الطلعات البرجوازية دي .. رالي .. طوالي ...!!؟مالها الترتارة ولواري الصفيح اهم صناعاتنا الطفولية

    اعيادك سعيدة
                  

12-25-2006, 07:02 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: abubakr)

    أتذكر ..
    كان صباح شلنا نبلنا و نطينا سور المقابر , مقابر فاروق .. عشان نصطاد طير .
    النبلة كان بيعملها لينا ( عوض جني ) : كفر جواني بتاع عجلة , سيخة تتلف في خرم العمود الخرساني جنب بيت ناس مكة الوالي ( ليه بس العمود داك .. ما عارف ) . و حصحاص يتلقط من باقي الخرسانة المكبوبة جنب بيت ناس عمك يونس بعد ما نتلبد عشان نلمها , وللا عمك يونس ممكن ياكلنا لو شافنا .
    مشينا , و لفينا المقابر منتشرين من حيطتها الغربية حذاة المدرسة ,, لغاية شمالها عند القبور المعمولة يالبلاط و الرخام بعيد عن القبور العريانة إلا من شواهد حديد مصدية و مكتوبه بالأصبع فيها أسامي الناس المساكين من سكان الديم .
    كان الصوت بيزيد , صوت كبير خلاص .. ملا المقابر كلها و لسه بيزيد , إتسمرنا في مكاننا ثواني .
    بعدها كان صوت تاني مخيف زي كأنه القيامة قامت و خلاص نُفِخَ في الصور , و الأرض أتهزت و الطير طار و الدنيا بعدها صنت صنه عظيمة خلاص .
    نحنا شفع , في الإبتدائي ..
    كان في دقايق الديم كله هناك عند الحيطة الشرقية للمقابر على شارع الظلط , بين حيطة المقابر و بداية حي العمارات .
    الطيارة وقعت .
    كنا جارين عكس إتجاه الناس , الناس جارية على الطيارة النصها مقلوم و جناحها على البيوت و كفراتا طاروا جوه المقابر , و نحنا الشيطان ساكينا و فارين من هول يوم القيامة الجانا و نحنا يادوب صغار بنصطاد طير في مقابر فاروق .
    اليوم داك إتعشينا ( تونة ) , وحيد أخوي لماها من باقي الحاجات الإتطايرت من الطيارة .
    لغاية قريب , جارنا ( ح ) كان عنده كفر ترتار .. مدور و مدبلغ ما بيشبه تراتير المسلمين , لقاهو جنب قبر مرحوم ديامي , طلع فيهو كفر طيارة و هو ميت في صمة خشمو .
    من يوم داك مافي طيور في مقابر فاروق .
                  

12-26-2006, 06:06 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Emad Abdulla)

    طفولة بائسة ياديامي
    عماد عبدالله
    كل يوم نكتشف فيك حاجة عجيبة
    ياخي تعبان شايل نبلة وماشي معاك الأصدقاء الخطرين عشان تصيدوا طيور غلبانة من مقابر فاروق
    انتوا ماشين لي طيور ولا اشباح ، بالله عليك انا لو صدت طيرة من مقابر فاروق بكون مصدقة دي طيرة .. وكمان اكلتو طيور مقابر فاروق يازول انت بي صحك ؟
    وبعد اكل طير الأشباح ومعاك الفـرسان التلاته طلعتو أسرع من غزلان الغابةواخوف من طيور الجنة
    ياخي غابة الخرطوم الإسمها غابة السنط ما بتعرفوها والله الواحد لمن اعمل برئ ما خايلة عليكم
    ديامي وبرئ ما بتجي ..
    اها احكي لينا الطفولة الحقيقية
    ونحن في انتظار شوارع الديوم والساحة الشعبية والكورة الحاااااارة والشفوت ومرتادي سينما النيلين وسوق القنا وثنائي ديم القنا والله ارحم بدرالدينوالزهور فتحت والله لي من شباب كوريا
    ومحطة الغالي وسمك نص الليل من الأكشاك الصغيرةوالحفلات الخمج والديم وسهر الليل
    وشنو ماعارف عليكالله ماذكرت
    ك حاجات ؟؟
    يلا اكتب هـــــنــــــا
                  

12-25-2006, 07:09 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    Quote: اليوم داك إتعشينا ( تونة )

    متاكد يا عماد انها كانت "تونة " ؟ طيارة واقعة ومقابر ودنقلاوي (سحاحير ناوا) وتقولي تونا ....يا راجل
                  

12-25-2006, 07:40 PM

عبد العظيم أرباب

تاريخ التسجيل: 11-21-2005
مجموع المشاركات: 143

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    ابو الريش
    ذاكرتك ما شاء الله عليها
    لكن في امتحان بسيط
    اتذكرتني ...
    يامحمد ابوالعزائم

    عبد العظيم أرباب

    (عدل بواسطة عبد العظيم أرباب on 12-25-2006, 07:42 PM)

                  

12-26-2006, 09:04 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 22443

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: عبد العظيم أرباب)

    الزول المتخم حباً

    كل مداخلة من مداخلات الأخوة هنا تنفع تكون بوست منفصل ..

    بالله كل واحد فيكم عندو المخزون دة و ما يكتبو إلا بعد أن ينكشو ذاكرتو ؟؟؟

    أكنبو يا أخوانا .. فالكتابة راحة ما بعدها راحة .. و أتحفونا أتحفكم الله بكل جميل ..

    واصلوا
                  

12-26-2006, 11:23 AM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: ابو جهينة)



    الإبن الجميل ، محمد السني ..
    سلامات يا حبيبي ،
    أملا علينا الوقت بحكاياتك ؛
    إحناهنا ومتابعين ..



                  

12-26-2006, 06:14 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: طلال عفيفي)

    الصاحب الوريف
    سلطان العشاق
    تابعنا وفالك طيب
    سوف اختار لكم
    من كتاب فيهو سيرتي
    اتمنى انتراهابقلبك الممراح
                  

12-26-2006, 06:10 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: ابو جهينة)

    ابوجهينة
    وين الحكاية
    يلا واحده من القصص الجميلة
    زين بيها المكان ياجميل
    وين اخوانك ناس الرياض
    في انتظاركم ومعانا المحبة
                  

12-26-2006, 12:25 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    Quote: نفسي أعرف بتول دي بعد درس العصر بتمشي وين ، الأستاذ شابكنا بتول تعود من المدرسة عند الغروب

    شيخنا الملّا بن عمر :
    يا زول بتول دي اظنها متزوجة عرفي ..

    بالله سجلني معاكم في موضوع القضية ضد الجماعة ديل ..
    ياخ زمان درسونا ليك إنو في واحد كسر حاجة في البيت (أظنو صحن صيني) ووتوووشك زولك مشى لي أمو وقال ليها :
    يا أمي لقد كنت ألعب وسقطت الكرة على الطبق فإنكسر..
    فكافأته أمه على صدقه وأمانته بأن أحضرت له كرة أخرى ..

    اها أخوك اليوم داك توووشك شلت ليك الكفر " الموزة " وجري على البرندة ولحدّي أسة بتزكر كان في برواز قزاز مكتوب عليهو "
    إن بعد العسر يسر " ..
    يا زول وزنت ليك الكفر وتوووووووف في البرواز كسرتو ليك ومشيت لي أمي اللي كانت قاعدة معاها جارتنا ..
    قلت ليها :
    يا أمي لقد كسرت البرواز وانا ألعب كرة القدم ..
    فما كان من أمي إلا وقالت :
    "النميتي " ال يسوي ليك شنو ما عارفة ..وترااااااااااااااااااااااااااااااااااااااااح لبعة من النوع ابو كديس في ضهري مسبوقة بي جضيمتين ذهاباً وإياباً ..
    أما الكفر " الموزة " فتم تقشيره بالسكين قشرة قشرة ..

    قلنا ما مشلكة والظاهر الغلط ما من الكتاب ولكن لسوء التنفيذ من العبد لله ..
    أدونا ليك بعد فترة قصة الطالب حسن ..
    وحسن في اثناء سيره وجد رجل أعمى في الطريق فما كان من حسن إلا وإقتاد الرجل من يده حتى أوصله بسط الأمن الشامل ..
    وصل حسن للمدرسة متأخراً وكاد الطابور أن ينصرف فسأله الأستاذ:
    أين أنت يا حسن .. البلد مقلوبة عليك ..
    حكى حسن قصته للأستاذ فطلب الأستاذ من الطلاب في الطابور التصفيق لحسن ..

    اها اخوك ادوهو الدرس ده وما طالبني حليفة بتين تصبح ومشيت جبت ليك عمنا قرشي الأعمى من دغش الرحمن ولففتو ليك مشاويرو كلها ووصلتو كشك العماري الجيد ومنها للمدرسة ..
    لقيت ليك استاذ عبد المنعم واقف بي الخرطوش في الباب ..
    سالني استاذ عبد المنعم :
    وين يا ولد متأخر كده ..المدرسة دي عندك فيها نص؟؟ الطابور ليهو ساعة شغال..

    لالالا يا استاذ بس مشيت وصلت عم قرشي الاعمى الدكان ..

    ايواااااااااااااااااااااا.. عم قرشي !!! اممممممممممممممممممممممممم..
    و طاااااااااااااااااااااااااااااااااااااااااااااااااخ خرطوش من النوع ابو كديس في ضهري ..
    وطييييييييييييييييييييييييخ واحد تاني في كرعيني ..
    والاستاذ يشبكني ليك .. عم قرشي ايواااااااااااااااااااااااااا ... وظيييييييييطك ..
    وانا اكورك والله يااااااااا استاذ .. وحتى اسألو ...
    وجماعتك ناس الطابور يشيلو ويضحكو فيني ..
    قال صفقة قال ..

    ما يئست وقلت امكن عم قرشي ما كان عميان وربما كان عندو قصر نظر أو موية بيضا والغلط مني انا ..

    تاااااااااني ادونا في كتاب المطالعة الشاطر حسن .." الله يقطع حسن " .. وحسن المرة دي بيشيل ليهو طعام وحبوب الذرة ويقيف بيها في الحديقة ..
    فتأتي الطيور وتجلس على كتف حسن وأخرى على رأسه وثالثة تأكل من يديه ..
    حسن يحب الطيور ..

    اخوك ما كضب ومن دغش الرحمن لي طاحونة عم مكّي بعد ما جازفت ليك من الحاج قروش لي ملوة قمح ..
    يا زول جيت ليك في نص الحوش وقريب من شجرة الليمونة والدنيا بقت حر والشمس في نص الراس وخاتي ليك القمح في يديني ومشتتو حولي ومنتظر الطير يجي يرك لي في راسي ..
    يا زول لحدي ما مغربت ولا طيرة ما جاتني ...
    الساعة 7 مسا كانو حاجزين لي في عيادة دكتور يوسف بعد ما الحمّي وصلت 40 درجة وبتاع المعمل كان حدد إنها ملاريا ...
                  

12-26-2006, 01:26 PM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: عمر الفاروق)
                  

12-26-2006, 01:39 PM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد عبدالرحمن)

    Quote: إن بعد العسر يسر "


    تعرف دى تكون الحاجة كتبتها بعد ماولدتك على طول ..والا
    تكونوا كنتو فاتحين برندتكم دى دكان حلاقة ..[/
                  

12-26-2006, 06:21 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: عمر الفاروق)

    عمر الفا روق
    بضحك لمن انشرقت بالضحك
    لوكان حصلت لي حاجة كان عليك لي يوم الدين
    ياخي انت طيب اكتر من حمد جلس
    ومسكين اكتر من هاشم في العيد
    ياخي ده اصلو ما معقول
    ياخي منتظر الطير
    ياريت لوكان في طير الرخ كان شالك وارتاحو منك
    ياخي دي مسكنه ما حصلت لكن عليك الله كان ما واصلت في المسكنة
    وفالك طيب
    وعام سعيد
                  

12-26-2006, 06:24 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    محمد عبد الرحمن
    التحية والتقدير وكل عام وانت بخير
    الود عمر الفاروق بالغ عديلا في المسكنة
    كده سيبو
    واحكي لينا انت
    عن طفولتك
    والخريف والمطر
    والطفولة الحديثة
    معاك لي نص الليل
    وسنة سعيدة
                  

12-26-2006, 06:40 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    Quote: واحكي لينا انت
    عن طفولتك
    والخريف والمطر
    والطفولة الحديثة
    معاك لي نص الليل
    وسنة سعيدة


    والله يا ود السني ما طيب إلا إنت ..
    محمد بتاع مين اللي كان طفل !!!!
    وطفولة شنو ياخ البيعيشا الزول ده !!!
    مش زمان في نوع من الشفع تلقاهو اغبش ولابس ليهو عراقي مشروط وجضومو فيها شقّيق يجي يدق ليكم الباب الساعة تلاتة عصر
    ويقول ليكم قالوا ليكم ادونا تلج !!! أو يداهمكم من الساعة 7 مسا ويصنقر في وش التلفزيون عشان يحضر الدعايات والمسلسل ؟؟
    اها دي ياها طفولة زولك ده ...
                  

12-26-2006, 06:55 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: عمر الفاروق)

    عمر الفاروق
    انت كملت المسكنة كلها في طفولتك الأولى
    وكبرت وبقيت شرانى الشر ادفقك منك مع زيت الفول وانت جاي مدقوق ومبشتن
    عايز تعمللي الولد الصغير ده عقدة
    قلت بجيكم مواعيد المسلسل
    يعني نظام عندكم تلفزيون
    انا ماشي بروفة مسرحية العيد وبجيك نص الليل نشوف عملتوا شنو انت وصاحبك ود عبدرحمن
                  

12-26-2006, 06:55 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: عمر الفاروق)

    عمر الفاروق
    انت كملت المسكنة كلها في طفولتك الأولى
    وكبرت وبقيت شرانى الشر ادفقك منك مع زيت الفول وانت جاي مدقوق ومبشتن
    عايز تعمللي الولد الصغير ده عقدة
    قلت بجيكم مواعيد المسلسل
    يعني نظام عندكم تلفزيون
    انا ماشي بروفة مسرحية العيد وبجيك نص الليل نشوف عملتوا شنو انت وصاحبك ود عبدرحمن
                  

12-26-2006, 10:14 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    اها مشيت وجيت
    ومافي واحد متداخل
    وزولك محمد عبدالرحمن
    وعمر الفاروق
    الاتنين ماليهم وجود
    لحدي ما اصلو
    انا بديهم فرصة للدخول لانو عندي
    ذكريات طويلة
                  

12-26-2006, 10:26 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    لما كنت صغير
    بلعب بالتراب
    ماما لبستني
    الجزمة والشراب

    لكن يا ود أمي
    بعد ما كبرنا والقطر فاتنا
    جانا كلب سنونو صفر حلب الناقة في الشنقاقة
    وبشتن حالنا ومالنا
    وحتي أبوي
    عمي علي بياع الزيت
    ساق مرتو وداها البيت
    الفايدة الوحيدة انا أرتحت من كواريك الشافع الصغير
    مسكين الجوع هرد مصارينو
    وانا برضو
    من شدة انا ما مريوق
    وبايت القوّة
    بدري صحيت من نومي
    مشيت أصبّح علي طبق الكسرة
    كسرة يا أبو علي
    سيد الطاحونة
    والبلد الممكونة
    و الرغيف بالصف
    والأجل في الكف
    والأمل في الرف
    وحدية كف
    ختفت من ود عيننا
    حلم بكرة
    عشم بنوتة بالسترة
    كلام ناساً حنان بالحيل
    و بعد دة يا ود السني
    تقول لي باكر ضوّاي
    يعني في داعي تتوِّر علي المغايس دي
    في زمن السحساحة وعدم الراحة؟؟؟؟؟؟؟


    ...........!!!!!!!!!!!!
                  

12-26-2006, 10:37 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: حبيب نورة)

    حبيب نورة
    الجلسة عندك والتداعي ليك
    وشكرا على ربط الأغاني بهذه الصورة المدهشة
    وبرضو بكرة ضواي
    طالما الحزن بطلع الجواك
    وذاكرتنا حية ونبيلة
    يوم بكر ضواي
    مودتي وخالص المحبة
                  

12-27-2006, 01:16 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    [|purple]مـــــدنـي ســكــوب
    أطفال الريح
    أطفال كنا نجري من بيت إلى بيت كما الرياح، نتســلل من النفاج الذي يتكرر في كل جدار يفصل بين الجيران..
    كأن النفافيج تعلن رفضها للحدود والحواجز التي تعيق الونسة البريئة والأخبار التي تأتي من بعيد..كانت البيوت ، مفتوحة للناس الذين يغذون عقولنا الهشة بالأنس الجميل والحكايات العجيبة الســاحرة ....
    صباح كل يوم، أسمع حكاية جديدة، وكذلك في المساء .. في الصباح تتجمع النسوة ببيتنا ومعهن قصص مسلية عن كل نساء ورجال المدينة ، نساء متعددات الضحكات ، ونحن نلعب بجانبهن اللعبة المفضلة كل صباح ،
    (( بيوت بيوت)) وهي لعبة يلعبها أطفال بلادي عبارة عن عرائس نجمعها من كل مكان، وكل واحدة تعمل لها أمها عروسة تســمى (( بنت أم لعاب )) أو ((بنت أم ليون))لليونة جسمها المصنوع من القماش المحشو بالقطن
    والذي لا يملك واحدة يمكن له أن يستعير زجاج المياه الغازية، أغصان الأشجار ، أي شئ يتحول إلى عروسة ممتعة ، نلعب ونسمع ونسة النساء ، ونستعير كثيرا من حوارهن لشخصياتنا العرائسية ...
    في المساء تهدأ المدينة، ونهجع كما العصافير ، وعلى صوت حبوبة ســنودة . الهادي الحنين . نحلق في عالم
    الخـيـال.. تحـكي لنا احاجي ، عن فاطمةالســمحة وفاطنة الهندل عود الصندل ،وفاطنه القصب الأحمر ،
    وأخضر عزاز،ود النمير ،.. تلون لنا الدنيا بألوان زاهيـة، تعرفنا معنى البطولة والشرف ، وتملكنا مفاتيح مملـكـة
    الجـمـال ....
    طوال أحاجي حبوبة وأنا ساكت ، أتأمل وجها الصبوح ولشد ما يدهشني وأنا أتابع سردها مجموعة الإكسسوارات التي تتزين بها، الزمام الذي على انفها( الآن أصبح موضة انتشرت في كل العالم ) منطلقة من المناطق المدارية ووجه حبوبة ســنودة، كش كش صوت حركة الغوايش الذهبيةمع حركة اياديها، الحجول الفضية وحجل العاج والمحفظة المعلقة على صدرها ..الظلال على الحائط وخيالنا الذي يتراقص مع حركة لهب الفانوس والسرد المعبر الراكض في المدى وأنا صامت ، ليس لأدبي واندماجي ، ولكن لأنني لا أعرف الكلام
    نعم لم أعرف الكلام حتى الثامنة من عمري .لي لغتي الخاصة جدا ، وكلماتي المتفردة ،أسمائي الخاصة ،
    سامية أختي الحبيبة مثلا كنت أناديها كاكاوا وليس هناك علاقة بين الاسمين أعرف ذلك ، والشئ الغريب
    إن سامية لم تحب الكاكاوولا الشيكولاته .. في يوم من الأيام وقعت سامية على بركة من ماء المطروبها طين

    لزج ،فجريت أطلب النجدة ،،وأنا أصيح:
    كاكاوا فري التين
    الترجمة على الشريط سامية في الطين
    واضح انها جملة من ثلاث كلمات من أين جئت بحرف الراء لكلمة في !!! لا أدري,,....
    في يوم من الأيام كما تقول الحكايات ، سمعت النسوة يتحدثن عن السحر والشيطان ..وقادت هذا الحوار أم الحسن الشايقية المشاطة . والتي كانت جالسة على بنبر صغير وسط العنقريب الكبير وتحتها إمرأةجالسة وساكنة لاتشارك في الحديث ،تجدل أم الحسن في شعرها بسرعة ودقة وحديثها لا ينقطع ، والنساء يسمعن في صمت مطبق .. وفي بعض المرات يشاركن بالحديث ، بتأكيد ما قالته أم الحسن أو يضفن عليها حكايات تماثل قصتها
    أم الحسن المشاطة كانت طويلة وممشوقة القوام ، تحمل قفة من السعف حوافها موشاة بقماش أزرق بها عدة المشاط وومنديل ملفوف فيه الودع ، وبعض الأشياء الصغيرة ومتنافرة، دائما ضاحكة وصوتها قوي وصريح
    ومؤثر تلونه عندما تحاكي نساء المدينة الأخريات وهي تحكي قصصهن لا تشتم ولا تعيب تحكي عن التي تمت خطبتهاوالتي تم زفافها بالفي والمافي ، وبخل فلان وكرم ود فلان تحكي عن الناس الفوق والناس التحت، ناس
    حي الراحات والحبو في البلاط والقروا في الراهبات ، وعن ناس قريعتي راحت ،كان يوم أم الحسن الشايقية من أهم أيام حياتنا ....
    لكنها في هذا اليوم تحدثت عن السحر والشيطان وكيف بدأت بعض الظواهر الغريبة تظهر في مدني من رجال يأتون من غرب إفريقيا يسحرون الناس ويعملون اعمالا تفرق بين الزوج وزوجته ليس هذا فحسب ، بل أن هناك بيوتا تسكنها الشياطين !!!
    الشيطان صورة جديدة لذهننا المحدود الأفق في تصور الكبار ، في الوقت الذي يمكن لكلمة نسمعها ان ترتاد خيالات بعيدة ويصبح لها نموذجها الخاص بنا في ذهننا المتألق بالصور . النسوة أجمعن على حكاية حقيقية
    ليست من نسيج خيال حبوبة سنودة .. ولها أبطالها أبطال جدد وشرير لايحمل إسم الغول ..وانما ، الشيطان
    التيتان ! التيتان ! شنو؟؟ ردت سامية :
    لم تعرف ماذا أقصد . الذي اعرفه ان الشيطان سيطر على مخيلتي فأخذت اردد في سري ، التيتان التيتان. واحاول ان ارسم صورة له في ذهني المشوش ... التيتان التيتان ....
    نتابع

    (عدل بواسطة محمد سنى دفع الله on 12-27-2006, 01:23 AM)
    (عدل بواسطة محمد سنى دفع الله on 12-27-2006, 01:25 AM)

                  

12-27-2006, 01:28 AM

Soumeta
<aSoumeta
تاريخ التسجيل: 10-17-2002
مجموع المشاركات: 1733

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    أقرا و أضحك
    أقرا و اضحك،،

    و نطيطة حميدة الفوق ديييييييك،،
    إتحمدتني ولااااااا كظبتها،،


    و الموسيقي التصويرية البتجي في الراس براها ديك،،

    جاااااااااااااااهزة و الرسومات ديك ماااااااااشة،،

    تليبة عماد،، و خرطوش عبد الغني،،

    و سوات فلان و عملات علان،،

    و التفينة الياها،،
                  

12-27-2006, 05:28 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Soumeta)

    حلاوة شوته ..

    صباح الخير يا سني ..
    سهر الجداد ولا نومو .
    الساعة هسه خمسة ونص صباحا ..
    يا النوم تعال .

    حلاوة شوته مخلوق زي زيك , يادوب عرفت الحكاية دي , قبلها كنت قايلو حاجة بتجي المغرب , تجي من وين ما بعرف , طول عمري بشوف حلاوة شوتة المغرب .
    ناس الحلة كلهم ما شافو حلاوة شوته جاي من ياتو إتجاه ..
    تمغرب الدنيا يجي حلاوة شوته فجأة مارق .
    و يا سني لابس حاجات عجيبة , أي و الله .. طربوش في نهايتو زرزوره حمرا .. الطربوش طويل و ملون , زي حركات طرابيش أعياد الميلاد الهسه , و باقي الهدوم دلاقين و قماش ملون و مشرط , لكن جميل , ألوان .. كل اللابسو ألوان , و شايل كرتونه قاصيها من قدام و عامل ليها سيرين .. سيرين ملفوفات حولها ولابسهم في رقبتو , و الكرتون مغطية بقماش ملون مليون لون .
    و الحلاوة يا السني ..
    الكرتونة ملانة حلاوة عجب : لكوم و كرمله و بسكويت كوكو و حلاوات مدرمة و واحدات طوال .. و كله ملون , الزول كان ملون من راسو لرجلينو ,, و عنده زمبارة ( زمبارة مش زمارة ) .. و يغني و يزمبر و يرقص و يبيع حلاوة و يهزر مع الناس في وكت واحد . زول بيشبه البلياتشو , أو مارق من مدينة البط في مجلة ميكي , ما بيشبه الناس لا شكل لا حركات , مع إنه كبير ,, قدر أبواتنا .
    الأبوات راسيين و عاقلين , و كلامهم كبار كبار و بيمشوا براحه , يلبسوا جلاليب و عراريق و يقعدوا العصر جنب الباب بالكراسي كيمان كيمان يتفرجوا علينا في الفسحة بنلعب عشان يكوركوا و ينهروا كل شوية : يا ولد .. يا إبن الكلب , و بيسفوا صعوط و يأمروا بالمعروف و ينهوا عن المنكر .
    الناس الكبار بايخين و عاملين مققدنها , و محترمين .
    حلاوة شوتة لأ ..
    كان زول لا طفل ولا راجل كبير .
    كان براهو .
    كنت بلبد ورا الناس الكبار : جلابية .. توب .. أي شي يضاريني منو , و أتاوق ليهو و مستمتع و برضو خايف منو ..
    : ( يا فاطنة يا بت دوكة .. أكلتي اللحمة خليتي العضمة في الكنتوشة .. حلاوة شوته حلاوة شوته حلاوة شوته ) ..
    و الزمبرة شغالة , و الرقيص و تتملي الحلة على كبرتها ديك بالخلق , حلاوة شوته في النص , الوحيد الملون , باقي الناس أبيض و بني . و الناس تضحك .. ليه برضو ما عارف .
    و أنا وكلبي جيمو ورا التياب و الجلاليب .
    جيمو جابو لي خالي أحمد من نمرة تلاتة ..
    كلب مدغلب و سمح و صوفو ناعم . أصريت ينوم معاي , بقينا أنا و وحيد و جيمو في عنقريب , أبوي قال خلوهو يعمل العايزو , امي قالت الكلب بيجيب قراد و نجس , كلام أبوي هو المشي .
    أحمم جيمو معاي في الطشت في نص الأوضة , حمامنا كان طشت في نص الأوضة و وجردل و مغرافة للموية , أحمي جيمو أول بعدين أنا , و جيمو ياكل في صحن قديم مطرقع جدعتو امي .. ما ياكل في الأرض . جيمو يشرب معاي شاي المغرب بالعيش .. أطمبس العيشة في الشاي و أكلها و جيمو يعاين لي .. أقوم أديهو آخر قعر عيشة التوستة ( الطوصطة ) المطمبس في الشاي باللبن .
    كانت مغربية ..
    و الدنيا خريف .
    حلاوة شوته و اللمة حولو ..
    شفع و نشوان و رجال , و الدنيا خريف .. بتذكر .
    فسحة حلتنا نصها عايم في الموية و الأطراف جهة البيوت عالية و معمول ليها ردمية و ناشفة ( فسحة حلتنا كانت كبيرة .. اكبر من ميدان عبدالمنعم بتاع المولد كنت شايفها , هسه بقت صغيرة .. صغيرة و شينه و كئيبة و نضيفة , تكون كبرت يا صاحبي و كشت زي جدي , كان طويل و عملاق و عاتي زي حلتنا زمان , رجعت من الغربة في أول زيارة بعد سنين لقيتو كشّ و بقى أبيض و صوته بقى صوت شفع شفع ) .
    أنا شايل جيمو كالعادة ..
    و حلاوة شوته يرقّص الحلة و يبيع و يغني .
    وش حلاوة شوته عجيب .
    وش ضعيف و مليان عضام و نخرتو سنينة ما بتشبه نخرين ناس الحلة , بعدين عرفت إنه الناس قالت الزول ده حبشي .
    إندمجت مع الألوان و الأصوات الملونة الما بتشبه أصوات حلتنا , من ورا الجلاليب و التياب , جيمو نطّ من يدي , جرى على حلاوة شوتة وسط الناس , خفت ألحقو حلاوة شوته يمسكني ( وش ضعيف و مليان عضام و نخرتو سنينة ما بتشبه نخرين ناس الحلة ) قعدت أبكي و أكورك :
    جيمو يا ناس .. جيمو يا ناس .
    الزمبارة و الألوان و الرجة و الجوطة و الرقيص .. و بس .
    ولافي جيمو يا ناس ولا شي .
    و اتحرك كل شي مباري حلاوة شوتة للحلة البعدنا .. حلة الشايقية , و أنا واقف في حتتي بين شجرة ناس معني و طرف البركة الكبيرة الفي نص الحلة , دموع و بكى و مخاخيط .. و خوف .
    ما شفت جيمو تاني .
    و أبيت أطلع أشوف حلاوة شوتة من اليوم داك .
    لغاية إتمسح مع الحاجات الإتمسحت و صغرت .

                  

12-27-2006, 07:33 AM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Emad Abdulla)

    Quote: ايواااااااااااااااااااااا.. عم قرشي !!! اممممممممممممممممممممممممم..
    و طاااااااااااااااااااااااااااااااااااااااااااااااااخ خرطوش من النوع ابو كديس في ضهري ..
    وطييييييييييييييييييييييييخ واحد تاني في كرعيني ..
    والاستاذ يشبكني ليك .. عم قرشي ايواااااااااااااااااااااااااا ... وظيييييييييطك ..
    وانا اكورك والله يااااااااا استاذ .. وحتى اسألو ...
    وجماعتك ناس الطابور يشيلو ويضحكو فيني ..
    قال صفقة قال ..


    ياالسنى ..

    صباح الخير ..

    بالله شوف الفكرة ذاتا فى عمل الخير عند عمر الفاروق ..
    المحرك الاساسى (صفقه ) يعنى كايس ليهو لى صفقه ..لذلك الطفل
    دا لما كبر بقى (فقر) و(نقر ) على قول اهلنا ..

    وبعدين ياالسنى الزول دا مايخمك ..طفولتو كلها حايم فى خور
    ابوعنجة دا .. مافى فرق بينو وبين اى قرموط لافى فى الخور ..
    بالله اناكان عندى زى طفولة الزول دا بجى بحكى بيها ..خلينى
    لما اجيك راجع واحكى ليك عن (اربجى ) مرتع الصبا والحنين
    الاول ..

    ودى
                  

12-27-2006, 04:43 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد عبدالرحمن)

    محمد عبدالرحمن
    ده عنوان بوست
    اربجي مرتع الصبا
    و الحنين الأول
    ياخي ما تخش وسيبك من طفولة عمر الفاروق
    الكلها مع شخصيات كتاب المطالعة
    بالله ورينا الجزيرة في الخريف
    وملاعب الطفولة والكلوروفيل الأخضر
    طبعا ده ناس عمر الفاروق ما سمعوا بيه الا مع معجون سيغنال وامكن ابو صفقة
    والله اقوليكم تعالوا التنين اتجادعوا طفولة
    مزدتي
                  

12-27-2006, 01:52 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Emad Abdulla)

    [purple] وأبيت أطلع أشوف حلاوه شوته من اليوم داك
    لغاية اتمسح معة الحاجات الإتمسحت وصغرت ...
    لكن هي اتمسحت ياصديقي الروحي
    اتمسحت من شوفك البراني
    لكن جواك صاحية عايزة ألوان وزمبارة
    صحيت فينا بتاع الدندرما
    زول عندو ردا عادي وقميص عادي
    وجسم عاتي
    وش اخوف حلة كاملة
    وصفارة ليها صوت
    عجيب الزول العملها جاب صوت فيل صغير ودينا صور احوص
    وحماروحش عضاه حربوية وبهنق واي بس على طريقة الحمير الحشية
    تجمع الأصوات دي تديك صوت صفار عم دندرما
    واله لو راقد العصرية بعد حل الواجب تسمع الصفارة تجري الحلة كلها نتابع الصوت
    زمعانا خوفنا الذيذ من الزول كتال الكتلة ده
    وادينا دندرمة لونها احمروالله لذيذة وطعمة لي هسي في لساني مابروح الا لمن اكل دندرمةالزمنده
    واتحسر مرة على تذوقي الإتغير ومرة على الزمن الإتغير
    وكبرنا عرفنا ليك بايع الدندرمةالسلحفاة تخوفو وعندو قلب بني ادم لكن راميه في البيت بين تلج الدندرمة وشغال بي قلب حمل أطيب خلق الله خوفنا منو العمر كلو . يارب بغفر لينا خوفنا
                  

12-27-2006, 01:52 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Emad Abdulla)

    [purple] وأبيت أطلع أشوف حلاوه شوته من اليوم داك
    لغاية اتمسح معة الحاجات الإتمسحت وصغرت ...
    لكن هي اتمسحت ياصديقي الروحي
    اتمسحت من شوفك البراني
    لكن جواك صاحية عايزة ألوان وزمبارة
    صحيت فينا بتاع الدندرما
    زول عندو ردا عادي وقميص عادي
    وجسم عاتي
    وش اخوف حلة كاملة
    وصفارة ليها صوت
    عجيب الزول العملها جاب صوت فيل صغير ودينا صور احوص
    وحماروحش عضاه حربوية وبهنق واي بس على طريقة الحمير الحشية
    تجمع الأصوات دي تديك صوت صفار عم دندرما
    واله لو راقد العصرية بعد حل الواجب تسمع الصفارة تجري الحلة كلها نتابع الصوت
    زمعانا خوفنا الذيذ من الزول كتال الكتلة ده
    وادينا دندرمة لونها احمروالله لذيذة وطعمة لي هسي في لساني مابروح الا لمن اكل دندرمةالزمنده
    واتحسر مرة على تذوقي الإتغير ومرة على الزمن الإتغير
    وكبرنا عرفنا ليك بايع الدندرمةالسلحفاة تخوفو وعندو قلب بني ادم لكن راميه في البيت بين تلج الدندرمة وشغال بي قلب حمل أطيب خلق الله خوفنا منو العمر كلو . يارب بغفر لينا خوفنا
                  

12-27-2006, 01:21 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: Soumeta)

    ســوميتا
    شنوراقده على الضحك
    والسعادة معاك
    قومي كملي لينا باقي حكاياتك مع امك
    ومع ماما
    وباقي الجيران
    وصحبات المدرسة
    ونحن في رجاك
    العام الجديد ملان بالسعادة الحقيقية
    والنجاحات
    والأمال
    مودتي
                  

12-27-2006, 10:11 AM

nourelhadi awad

تاريخ التسجيل: 10-24-2006
مجموع المشاركات: 1111

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    العزيز جدا وخالس خالس ســـــني )
    سأختزل سنين عمرك وعمري (وهذي أماني) لاحكي بلسان هدوي وسنوي
    لست أدري من أين لهم ان يدلعو طفولتنا بتاء التأنيث ونحن لانثور او نمتنع بل العكس رأسنا يكبر ونحس بشئ من العظمة والرضاء الناعم
    وأكثر مايؤلمني ياالسني أن هنلك اناس سرقت طفولتهم يلعبو بالطلق الفارقة وهم بالتأكيدأسعد ممن تلعب بهم..
    وأطفال الملاجئ وما أدراك ما.... لم ولم يركبوا بساط الريح ولم يتحلقو في الليالي القمرية ليسمعو فنتازيا الجدة
    هي تراجيديا التدافع والزمن الوجع
    عشت في زمن الفطرة وافقي ماتجاوز قط الأفق الذي يحد جزيرتي.... فهي كل الوطن
    حينما يزورنا بين حين واخر خالي الشاب ( موظف يعمل بمدينة عطبرة) يلبس بنطلون الترلين والقميص الكاروهات وقجتة مرتبه بعناية وصندوق البينسون(صنع خصيصا) ونظاراته الشمسية والمنديل الوردي والذي ترسم أطرافه الحريرية مثلث حاد الزاويه يرقد بلطف في جيب البنطلون الأسود الترلين
    وفي جيب قميصه الأبيض _ وهو ما كان يعنيني جدا _ طرادات حمر
    يبدو الخال مختلفا
    من أي كوكب قادم؟
    ونواصل
    التمهيدي( ديوان ملين)
    ابقو معنا
    وياسنوي كون دائما بخير


                  

12-28-2006, 00:24 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: nourelhadi awad)

    محمد عبد الرحمن
    نورالهادي الفنان المتقاعد
    انا في انتظاركم
    عماد عبد الله
    عبد الغني كرم الله
    محمد عبد الجليل
    الإحبة والحنان في انتظاركم
    لمن كنتوا صغار
                  

12-28-2006, 00:46 AM

تراث
<aتراث
تاريخ التسجيل: 11-03-2002
مجموع المشاركات: 1588

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لــمــن ، كـنـا صـغـار (Re: محمد سنى دفع الله)

    السني.. ما تزعل..
    لمن كنا صغار كنا بننتظر نشوفك في التلفزيون ولا في المسرح..
    وفرحنا فرح شديد لمن شفناك في فيلم الارهاب والكباب.. كنا يادوووب شفع صغار.
    ونحن لسه صغار.. انت كيف؟
                  


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de