|
|
 Re: ســـــميناها شـــــتاتــ ،،،، (Re: محمد سنى دفع الله)
|
Quote: الفنان ضحية ...............رئيس الفرقة كويس عندك
انــا...................... الأمين العام كويس عندك
كده فهمت حاجة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
والاقوى منو .. الرئيس ولا الامين ؟!!
يعنى المن حقو يرسل التزاكر ويرفد ويعين منو يافردة ؟!!!!!!!!!!!!
| |
 
|
|
|
|
|
|
|
|
Re: ســـــميناها شـــــتاتــ ،،،، (Re: نادية عثمان)
|
السنى اراك ليس من شيعتى هنا وهناك 00000تشيعنى تبجيلا لهم ولى
عماد يامرود الجامح من الافعال وليس الفعل لماذا تركت الحصان وحيدا
ضحية فى كل مرة تراودنى فكرة ترك هذا المقام للعجزة والمسنين وهم يتغزلون
فى ماضى صورهم اوتصورهم للواقع بتاعنا لكن مداخلاتك تجددينى كنبات العوير
ضحية لو مابتعرف نبات العوير كلمنى على الرقم 00000
ود رملية نيفين متابعة مداخلاتك بتسأل عن غيابك
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: بدر الدين الأمير)
|
نادية..مالك ياخي عاوزة مدير حملتك الانتخابية بتاعك يطلع من علبو!!!
ياخي دي بتشبه القمر البتاوق من السماء..ذاتتتتتتو...
لكن بعد ده ما همانا..مادام جبكس معانا....
...وصديقي ود رملية سلم عليها في الاصانصير بتاع ناس بدر الدين لي الليلة راقد سلطة
وبتمسح بيدو..وببكي...
..مديرنا..وكبيرنا الذي علمنا السحر..مرة قالت ليهو(يااستاذ محمد_يااستاذذ محمد )
لي الليلة مخلوع..وبتلفت!!!
ياخي كدي خلينا..من الكلام بتاع نوفين وخليني اركز في موضوع الانتخابات..لانو
سيرتها بتعمل لي رجفة..وبعرق كمان!!!!!
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عبدالكريم الامين احمد)
|
Quote: ود رملية نيفين متابعة مداخلاتك بتسأل عن غيابك
|
,والله..يابدر انت ناوي تجيب اجل ودرملية ده!!!
ياخي الزول ده يقوم يصدق نلفاهو بكرة في مشتشفي الرميلة!!!!!
ونبقي نقول ماشين لود رملية في طواري الرميلة,,,
بالمناسبة ما سالت من كمبو الري ياخي!!!!!!!!!!!!!
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عشة بت فاطنة)
|
كيكى
هاتفنى ودرملية قال هاتفه ضحية مستنجدا به وخايف عليك
من رؤية نيفين لانك لاتحتمل الصدمات وانت صاحب مسؤليات
وذاكرتك البصرية لم تتجاوز بنابر الكنابى وقال لو انتم مصرين على رؤيته لنفين
يجب تاهيلك نفسيا لرؤية نيفين وكان الاتفاق على يتولى تاهيلك الاخت الصديقة المعالجة
النفسية الدكتورة موزة المالكى وقد اعترض ود رملية خوفا على الدكتورة موزة من الصدمة
حين رؤية كيكى
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: بدر الدين الأمير)
|
ودالأمير متين بتجينا ولاعايز تشوف العرض
عشة بت فاطنة كنا في البروفةانت وينك؟؟؟؟؟؟؟؟؟؟؟؟؟؟؟؟
اليوم ود رملية خط خطوته الاولى نحو المجد
وانضم للفرقة الفتى ســـامح محي الدين واحد من نجوم مسرح الشباب في قطر
وانت يامخرج يازول ياسمح اسماعيل
الاطفال لهم الحب لكن انت بتتكلم عن ياتو اطفال ؟؟؟؟؟؟؟؟؟؟؟؟
وعندنا مشروع لأطفال بلادي في المهجر والغربة
انتظرونا
مع الحب
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: بدر الدين الأمير)
|
ودالأمير متين بتجينا ولاعايز تشوف العرض
عشة بت فاطنة كنا في البروفةانت وينك؟؟؟؟؟؟؟؟؟؟؟؟؟؟؟؟
اليوم ود رملية خط خطوته الاولى نحو المجد
وانضم للفرقة الفتى ســـامح محي الدين واحد من نجوم مسرح الشباب في قطر
وانت يامخرج يازول ياسمح اسماعيل
الاطفال لهم الحب لكن انت بتتكلم عن ياتو اطفال ؟؟؟؟؟؟؟؟؟؟؟؟
وعندنا مشروع لأطفال بلادي في المهجر والغربة
انتظرونا
مع الحب
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
***
ياعيشة ..يابت فاطنة..
سلام عليك ..
نحن بالاكتر..
زورينا في منزلنا الاسفيرى ..
www.yazoal.com
ممكن يكون ليه لفرقتى شتات اوضة وبرندة..
كيف حال شتات 2 ..???
اما عن شتات الاخرى ..
- غالبا ما يكونوا في معية خيسوس إله الطعام-
Quote:
عشة بت فاطنة كنا في البروفةانت وينك؟؟؟؟؟؟؟؟؟؟؟؟؟؟؟؟ |
آآه قالوا الشتاتى بيقضى يومو برف ..
Quote: الاطفال لهم الحب لكن انت بتتكلم عن ياتو اطفال ؟؟؟؟؟؟؟؟؟؟؟؟
|
مع الحب اطفال العالم الثالث ..
اين ما وجدوا..
Quote: وعندنا مشروع لأطفال بلادي في المهجر والغربة
انتظرونا |
نحن فى الانتظار لابنكل ولابنمل ..
الامضاء/ ايوب ..
****
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: sumah)
|
قالو الشتاتي بقضى يوم ببرف
صدقت البروفات الجميلة جدا مانحســـد انفسنا
ومعانا الأســـتاذ عبدالرحيم الشبلي المؤلف والمخرج
ونمد الايادي لللأســـــتاذ يحي العوضي بالرغم من مشاغله
ليكون معنا في الشتات
وزي نا قال الاستاذ الشبلي
لازم ما نستعجل على العرض لان التجربة لازم تنجض على نار هادئة
تحياتي يازول ياسمح
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عبدالكريم الامين احمد)
|
احممممممممممممممم
جيناك..يا ودروملية..وبدر الدين..وضحية..
يا بتاعين الشمارات والموامرات..
جاي تعبان من البروفة..لكن ما بخليكم..يا صهاينة.,,يا بني قريظة
..الدكتورة المالكي..التقيتها في يوم ود الحاوي..
وتناقشنا نقاش ثقافي سوداني خليجي 14
واقترحت الاستفادة من السرد القصصي في العلاج النفسي..
واتفقنا ان اكتب لها حكاية
نيفين..التي طارت ستطير عصافرها!!!
وحكايةودرملية المصلبط في المسرح والابداع
وحكاية بدر الدين المتامر الاممي..والمتجمجر الدولي...والمتفندق الرغيفي
وحكاية ضحية الكتبو ناس صحيفة الراية فتحية
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عبدالكريم الامين احمد)
|
ود رملية يا رملتنا الدقاقة
نصيحة اخوك الصغير او ابنك الاكبر ان لاتغضب كيكى خلال 48 ساعة القادمة
يا كل الاحباب هنا اتحدى كيكى فى ان يقول السر شنو
عماد عبدالله عشان تخرج منها سالم رسالة غفرانك كلمة تقدير عن الملك ضحية
وايضا خلال نفس الزمن والتوقيت وله حا افتووووووووووو
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عبدالكريم الامين احمد)
|
سلامات
وعوافي
نؤمن علي مقال العراب ..
ونقول اننا ما نكنه (للمدعو) كيكي هو الكثير من المحبة..فهو صديقي الذي يتمشي في نعيم الذاكرة .. تلك التي (دسيت) في محرابها (قلقي - واشواقي - ونزيه محبتي- وصور الاصدقاء وحبيبة رشيقة تتجول في دمي كفراشات الربيع )...
ولكن ثمة امر (يشلهت) منامي ..
هل هناك غنايم .. وان كانت ..تري من الذي استولي علي اكبرها ..
تراني قاعد ومنتظر غير اني اخاف عليكم جميعا من هجمات خالنا(فيصل) ..وهذا الوغد الجميل عماد فكلاهما لايؤتمن علي شمار ..
كونوا بقدر الترقب والانتظار ..واكون ..
فتكن عافية ..
بالمناسبة اعتزر عن غيابي السابق لظروف (ق ـاهرة) ..
مودتي ..
وعبركم احيي الجمال اينما تنزل ..
فقط لانه لاتحده الجغرافيا ولاتضاريس المكان ولا تكبح جماحه مسيولوجيات التاريخ كونه هو القديم المتجدد ..
ثم احيي اللون الخمري اين ما كان .. واحيي نظرات (الرقراق) الفاتنة فهي (تبث) في شاشاتي قشعريرة فريدة ..
ولنيفين مورس تمام الحنين ..
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: يوسف سعد)
|
يوسف ياسعدنابيك
وانت سليل الفنون والدك الدكتور سعد يوسف عميد كلية الدراما والموسيقى
ووالدتك الفنانة والمنتجة سوسن دفع الله وخالك الضخم محمد السنى دفع الله
وليس مستغربا فى ان تتقبلنا هذا القبول الحسن طبعا فى البداية انت تحدثت
عن اندادك فى السن انا ومحمد عبدالرحمن ثم تحدثت عن أنداد والدك ناس عماد وخالو فيصل
وباقى كبار السن يالك من يوسف وحكيم
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عبدالكريم الامين احمد)
|
يوسف مايا..
( و مايا ليست الحسناء مايا يزبك .. فتلك أبعد من لحس كوعه , لكنه أحدث برامج الأبعاد الثلاثية المتحركة و الذي قطع فيه يوسف سعد يوسف أشواطا ) .
يا ابني الجميل ..
كيف بتكبروا بالسرعة دي ؟؟؟ .. كيف بتفورو الدم الإتجلط جوانا لمن تحكوا عن آمالكم و أحلامكم و تفاؤلكم ببكره ؟؟
( وَلَمَّا بَلَغَ أَشُدَّهُ آتَيْنَاهُ حُكْمًا وَعِلْمًا وَكَذَلِكَ نَجْزِي الْمُحْسِنِينَ )
هابشاك النار السمحة !!! شيل شيلتك .
هبشت خالك قبالك .. و أبوك و أمك .. شايفهم سمحين كيف .. ؟؟ لكن راكبين إعصار من القلق و الفن و الجن الأحمر .. وده سر سماحتهم .. فأبشر .
يا مفرح .. بي شوفك البراهو .. و فهمك النجيض .. و أحلامك السما .
المنى لك بما تقاعست إرادتنا عن لحاقه من سوامق الأحلام ..
و الشموس كلها في الغد لك ..
قالوا .. ( الولد خال ) ..
وخالك ده ما زول ..
ده حالة وجدانية تمشي بين الناس ..
يذهب الظمأ و يبل العروق .. و يثبت أجرنا في حبه .
( يُوسُفُ أَيُّهَا الصِّدِّيقُ )
.. بلدا إنت و جيلك صباحاتها , ما بتجيها عوجة .
و .. ما تدق الباب .. أدخل .
.. إبن و صديق و فنان .
مودتي لك و ..
شكرا لأنك يوسف .
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: Emad Abdulla)
|
ياهلا ومرحب يوسف سعد يوسف ..
لااقول اضافة فهو اصلا موجود وكائن بيننا
منذ ليلة الخور الشهيرة ..يمشى بيننا بالجمال
والحب ...يوسف مبدع وابن مبدعين ..
وخاله يتنفس الفن ويحيا به ..لذلك كما قال
عماد (الكتاب)( الود مهبوش ) ..مسه جن من
الابداع والتميز ..لذلك (انداح ) بيننا بهدوء
وبأناقة ...
الف مرحب (يوسف مايا ) والدار دارك ..
وسعداء نحن بأنضمامك (المؤقت ) لبورداب الدوحة ..
وان كنا نتمنى ان يكون دائم ...(ويحرم ) على بورداب
الخرطوم كل هذا الابداع ..
ودى
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: طيفور)
|
سلامات
وعوافي
يوسف سعد ..
يا لبهاء المنبر ..
ياولد من ريحة الجنة حبابك مليون حنين ومحبة ...
ياسلااااااااام يامحمد عبدالرحمن هديتك عذاب ..
يوسف الانسان الجميل يتمشي في ربوعنا بكل اناقته وسحره وروحه المباركة ..
هذا الولد السمح شديد ... صاحبي ياخي صاحبي صحبة جد جد ..
احب وجودك هنا يايوسف احبو جدا جدا ...
فلينزل الله عليك شأبيب رحمته اللطيفة ..
يافردة يامنقرضة ..
يوسف والله مشتاقين ..
بعدين صاحبك الكعب دا قول ليهو العضة شديدة ...
صاحبك ياخي الاسمو كيكي دا ..
مراحب
.......
طيفور ياخي انا زعلان منك شديد لانو لما تغيب الوحد مابيعرفك شديد ولا مكنكش ..
ياخي قول قرب تعال ما تبتعد
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: ودرملية)
|
الاخ الغالى جدا
الفنان محمد السنى
أولا آسف جدا جدا لهذا التباطؤ الغير مقصود
ثانيا والله سعيد جدا بالمولودة شتــــات
إن شاء الله تشتتوها فى كل زمان ومكان وما تشتتكم.
مرة أخرى تقبل سلامى واعتذارى.
أخوكم عاصم
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عاصم الطيب قرشى)
|
اخى المبدع السنى رسالة من استاذنا الجليل يحيى العوض اتشرف بنقلها اليكم :
Quote: الأستاذ الفنان السني
أسعدتني دعوتكم للانضمام إلي " شتات " ....... كنت خارج الدوحة عندما أعلنتم الميلاد ..... " شتاتي " لاتحده حدود .... " يوم ريح نثروه " ...... أسرتي مقيمة في اورويا وأهلي وأحبابي في أفريقيا وأعيش وحدي في آسيا ...!! و "البقجة " دائما جاهزة للترحال والعمر أوغل في ستيناته وتبخرت آمال " طاولة ضل الضحى" العزاء أن نربح بكرامة أو نخسر بكرامة ... !! يشرفني أن أكون معكم ... الأبناء الأعزاء ....
|
| |
|
|
|
|
|
|
|
|
 Re: ســـــميناها شـــــتاتــ ،،،، (Re: محمد سنى دفع الله)
|
استاذ الجمـال والفرحـة السـني...
أتمني من كـل قلبي حضـور ومشاركـة فرقـة شـتات الفنية الرائعـة حـفلنـا المقام بمناسبةبـداية السـنة البـوردية واسباب أخـري...لـن يكتمل الفـرح الا بـكم...
لـكم كـامل التقـدير وفيؤ انتظـار أكـيـدكـم بالحضـور ...
مـني
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: Muna Khugali)
|
منى الغالية
نحن بنحدد في تاريخ العرض واول ما نحدد العرض حيكون اول عمل لينا التذكرة ،،والدعوة ليك ...وبعدين السنة البوردية دي مش عايزة ليها حفلة كاربة
حنخلي تحضيرا عليك اصلك بقيتي حريفة حفلات
تحياتنا لكل الحلوين البوردابية
وكل عام والجميع بخير وعافية
ودي واحترامي
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: Rasha Hatim)
|
رشــا حاتــم
وليك اجمل ســــــــــــــــــــــــــــــــــلام
ومابننســــــــــــــــــــــاك في الســــمـاية
بعدين انا خال عديل كده رغم انو اولاد اخواني واخواتي بقولوا لي
بابا السني
أو السني حاف كــــده
فاكرني قدرهم يارشــا
والجايبنو بي كاميرتو ده كان لازم اجي كده ابوه سعد يوسف المـخرج الدكتور عميد كلية الموسيقى والدراماوامو سوسن دفع الله اختي الفنانة رئيس قسم الأسرة ومخرجة الروائع مثل دكان ود البصيري وطجلة الأسرة في شكلها الحالي والجديد والذي أحدث ثورة في برامج الأسرة ويكفي من برنامجها خرج للوجود د.عمر محمود خالدببرنامجه المميز ( صحه وعافية ) الذي كان فقرة اساسية في مجلة الأسرة .ولاننسى برنامجنا سويا عندما كنت صغيرا تخيلي ياقريبتي وانا خالو عدييييييييييل تفتكري عايزاهو اطلع ايه ؟؟مش شايل كاميرته.. وأزيدك من الشعر بيت هو مشروع مخرج اعلانات وفيديو كليب ا
قولوماشاءالله
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
| Quote: ابوه سعد يوسف المـخرج الدكتور عميد كلية الموسيقى والدراماوامو سوسن دفع الله اختي الفنانة |
خجلة السواد, اودي وشي من الناس وين؟؟؟ ود سوسن؟؟؟؟ باااااالغت خلاص الكلام دة ندفنو هنا, وانا
ح اعمل فيها نقشتو من زمااااان, ود اختي الجانا علي غفلة دة.
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
الاستاذ السني وبقية افراد شتات الفنية:
1000 مبروك علي هذا الشتات الذي نرجو ان ان يكون شتاتا
للفن السوداني في شتي النواحي
كل التحايا وفي انتظار بداية العروض
وشوفو لينا التذاكر الاكرامية تذاكر السفر ..
(لكن تذاكر الحفل بندفعها )
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
الصديق الرائع الفنان السني
لك التحية بعد طول غياب
سعدت كثيرا بلقائي بك في هذا المنبر المتميز
وسعدت كثيرا بتكوين فرقة شتات المسرحية
وما تنسى ترسل حق التذاكر تذكرة الطيارة وتذكرة المسرحية
ولا عايزني أجي كداري من الموردة الى المسرح القومي
ايها الرائع
تمنياتي لكم بالنجاح الباهر
وما رايك نعمل تكامل مسرحي بين فرقتنا فرقة المسرح السوداني بالرياض
مع فرقة شتات المسرحية
ونشتت سوا سوا
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عثمان سيد أحمد)
|
عليكم الله هسة كان سألوكم شتات ليه
مشتتينهاعلى روحكم مالكم
دايرين تكونوا لمتين مشتتين
كدى قولوا خير
واسمعوا كلام الجندرية اختى دى
وللا تعالوا كدى نتشاور تانى
اكان درتو الشورة
تخريمة
هنا فى جريدة فى هولندا اسمها .....سنعود....
من سموها دى سبعة سنين
ولى اسة ما عادوا
وللا شنو يا الطاهر تو
((اكان سامعنى))
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: بارعة)
|
ما احلي البروفات..لمن يكون معاها..(زلابية)
وشاي لبن كارب من صناعة صديقتي(شادية)...والبرنسيسة(ماهيتاب)
بالتعاون مع ست الاسم(ساندرا)..باشراف الكاهن الاعظم(ابوساندرا)..
فقد التف الجميع بعد تلك البروفة التي (طلع) فيها السني (زيتنا)..ودعك ليك
ضحية و(ابو جقادوا) والود (سامح)..ففي هذا تعاون السني مع الاستاذ الكبير
(عبدالرحيم الشبلي)
التف الجميع كما البرامكة وتحدثوا في جلسة منظمة ولكنها اتت عفوية..
تحدث الجميع منهم من مدح (الزلابية)..واخريين اكتشفنا ان الكلاب الصباحية
(عضت) ليهم حتات عجيبة لمن (كانوا بمشوا يجيبوا لقيمات الصباح)....
اجمل ما في الامر تلكم الزلابية الوحيدة التي تركها السني لفيصل عباس
حتي ياتي..فاكلها الجميع بانتقام وفرحة لا ياكل (فيصل عباس) غير النيم....
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عثمان سيد أحمد)
|
الرائع محمد سيداحمد
التحية والاحترام
كيف الحال والاحوال
لك الشكر والمودة
كان المنى ان نرسل لك التزكرة ولكن البروفات حتى الان في المرحلة الاولى
وانت سيد العارفينوبعدين انتوا رواد الحركة في الخليج كلو
وكنا ىمتابعين عروضكم في يوم المسرح العالمي ونتمنى ان نتواصل مع بعض من خلال الفرقتين ولك الشكر للدعم والمرور الجميل
وتعال زي ما قلت نشتت شووا
ودي
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
الاستاذ محمد السني
خالص التحايا وعفوا لمداخلتي المتاخرة شديد عموما مبرووك شتاتكم
| Quote: والاغرب من كده اصروا على ان تتجاوز فكره الحبو و(طوالي علموها المشي) |
امنياتي لها بدوام المشي ولتكن من بنات السودان المشياااااااااات
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: ريهان الريح الشاذلي)
|
عشة بت فاطنة كنا في البروفةانت وينك؟؟؟؟؟؟؟؟؟؟؟؟؟؟؟؟
لا لا يا استاذمافي داعي للحندكة
خلاس معزومين تعرض معانا في مسقط وواحجزوا لي دور
انشاء الله اخل الخشبة واتلفت واطلع
ولا اقول المســــــــــــــــــــــــــــــــــــروح
أنا رايحة
ولا اقول هذه خشبة مسرح
أذن انا موجود0دموع مشتتة)
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عشة بت فاطنة)
|
السني
عليك الله دخلوني في الفرقة دي.
انا ماحبيت شئ في حياتي أكثر من المسرح. كنت من طلاب تاني دفعة تدخل قسم الدراما في قصر الشباب والأطفال بعد تأسيسه في سبعينات القرن المنصرم. ثم واصلت دارستي فيه لمدة اربع سنوات متتالية. درسني خلالها: جماع، صلاح الحسن حماد، موسى الأمير، عثمان جمال الدين، فادية جنيدابي، عبد المنعم، عبد الرحيم قرني. وغيرهم. وخلال دراستي قمت بالتمثيل والإخراج في عدد من الأعمال التي تبناها القسم.
وفي الجامعة ترأست شعبة المسرح في جمعية التراث والثقافية، حيث قمت باخراج وتمثيل عدد من الأعمال المسرحية أبرزها مسرحية الفرافير لكاتبها يوسف ادريس. وعدد من المسرحيات القصيرة. ولا زالت أواصل نشاطي المسرحي في اليمن من خلال تأليف واخراج عدد من المسرحيات القصيرة للجمعيات الطلابية السودانية في اليمن.
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: تراث)
|
تراث
التحية والتقدير
يعني انت دفعة ناس طارق البحر
نرجو ان تمدنا بالمسرحيات الكتبتها حتى نضيفها الى مكتبة الفرقة
وبعدين اعتبرنفسك عضو واســاســي في الفرقة وســوف نضم اسمك لباقي اعضاء الفرقة وسوف تراه نهاية الاسبوع ..
انا طول الوقت ده فاكرك في السلطنة ليه ظهرت لي في اليمن
ماتنسى ارسال اعمالك حتى نستفيد منها وسوف نقوم بارسال اعمالنا لكم
تقبل سلام الجميع
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
[ اليوم نعلن إجازة لفرقة شــــــتاتـ
ونتمنى السفر الساهل وماهل ومريح ويصل كل من يقصد اهله بيالســـــــــــلامة
اليوم إجازة بعد الإنجاز الذي تم تحقيقه وهو قيام فرقة مسرحية تهز وترز وقطع مرحلة كاملة ومهمة في النص الذي سوف نعرضه في بداية الموسم المسرحي الخاص بالفرقة
بسم الله الرحمن الرحيم
الموسم المسرحي لفرقة شتات
2005ـ2006
الأربعاء الموافق
25/10/6
العرض الخاص
حفل منوعات لمدة ساعة من الزمن
استراحة
العرض المسرحي
شـــــــــــــــتاتـ
الخميس والجمعة العرض مفتوح للجمهور
**********
الخميس 4/1/7
حفل الفرقة بعيد الإستقلال
**********
27 مارس /7
اللإحتفال باليوم العالمي للمسرح
حفل نهاية الموسم المسرحي يحدد تاريخه فيما بعد
والتوفيق من عند الرحمن الرحيم
وبه نستعين][/PURPLE]
| |
|
|
|
|
|
|
| |
عبدالكريم الامين احمد
فيصل عباس
بدر الدين الأمير
sumah
عشة بت فاطنة
محمد سنى دفع الله
Emad Abdulla
ودرملية
يوسف سعد
محمد عبدالرحمن
طيفور
عامر تيتاوى
Muna Khugali
Rasha Hatim
Ehab Eltayeb
عثمان سيد أحمد
بارعة
ahmed khair
ريهان الريح الشاذلي
تراث
فيس بوك
تويتر
انستقرام
يوتيوب
بنتيريست