11:32 AM Feb, 09 2016 سودانيز اون لاين طارق جبريل-المغرب مكتبتى رابط مختصرواحدة شديدة من الحلة.. شديدة لمن بهناك قالت لي عوض كريمة: ما شوفت يا عوض امبارح ما جانا لص - ايواااااا هو بالله عندكم اسمه لص - آآآي يا عووضة ياخ وتلب من الحيطة صدق - بالللله يعني لصكم بتلب من الحيطة زي الحرامي حقنا.. أها سرق شنو - والله ما عارفة بس بابا قال الخزنة ما هبشها وماما دهبها في - ايواااا... طيب سوا شنو اصلو اللص دة.. ما يكون جاء كلكلك ونطة بالحيطة تاني - يخسي عليك.. يكلكلني شنو ياخ كنت موتة - إنت تموتي... وكت إنت تموتي ود جبرين دة لي شنو يعيش تمامة بشر يعني - ياخ خجلتني يا عووضة ما تقول كدة تاني.. - «عووضة» وابوي قالوا ضابح لي سخلة في سمايتي.. المهم يعني ما شال حاجة اللص السمح دة - لكن انا ما شوفته يا عوووضة سمح ولا شين ياخ - لا أنا بكون شوفته عنده عضلات مدردمة كدة وعنده حاجات زي لُقمة الفتريتة مقلوظة بي وراء - لكن الفتريتة دي موش بيدوها السواسيو الصغيرة - «السواسيو الصغيرة»... سمح.. إنت عارفة نحن ذاته مرة جانا لص لكن ما زي حقكم بشوش كدة - صحي يا عوووووضة.. طلعت عيونها وخشمها فاتح وسنونها مرصوصات زي لبن كابو في التلاجة - آآآي ياخ جاء ناطي وتلب برااااااحا كدة - انت شوفته... ختت ايدها في صدرها وقالت وااااااااو - «وااااااو» عشان شوفته... ياخ انا شوفت جنس حاجات - اها وعمل شنو يا عووووضة - دخل الاوض كلها ما لقى حاجة وجاء قلب السفنجات كلها مربوطة بي دبارة وفيها مسمار من تحت. .- وشالها يا عوووضة- سفنجات مربوطة بي دبارة يشيلها.. المهم.. لقى «حُقة» حبوبتي بتاعة الصعوط أخد ليه سفة ونطة رجع الشارع... - عووووووووضة وانت كنت صاحي - آآآي ياخ - وليه ما قبضتوهو تودوهو النقطة - النقطة... هي لكن هو ما شال حاجة - برضو ياخ عشان ناس الشرطة يادبوهو - والله انا دة الما مأدب - خلاص يا عووووضة كمل لي الحكاية بعدين ماما اشرت لي سمح - الحكاية... سمح وهي ماشة عوض كريمة قبل علي وقال لي: يا ود جبرين... عمرك شوفت ليك قزازة ميرندا فيها شرايين دم.. هههههههههههههههههههههههههههههههههههههه
(عدل بواسطة طارق جبريل on 02-09-2016, 12:34 PM) (عدل بواسطة طارق جبريل on 02-09-2016, 12:37 PM)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة