|
|
 ابحث عن صاحبة الصورة دي
|
يا شباب الزولة الفي الصورة دي (أقصد الطفلة الشايلنها) جات شبا «البركل»
وقابلت خالتي ستنور أبو دية رحمها الله وسألت من الصورة دي تحديدا
وهي الصورة الوحيدة لوالدتها التي توفيت بعد بضعة شهور من إلتقاط الصورة
بواسطة شقيقي طلحة جبريل والتي نزلت في موضوع عن المنطقة في مجلة المجلة
في الثمانينيات من القرن الماضي..
يعني الاكيد انه الطلفلة دي ما بتعرف عن امها أي حاجة ودي الصورة الوحيدة لي أمها
حسب المعلومات العندي انه الأسرة دي من «الحلب»* الكان بيجوا منطقتنا للعمل
أيام الحصاد حيث يعمل الرجال في صنع المناجل وسنها
والنساء في خدمات البيوت المتنوعة
وأظن أن هذه الأسرة تسمى أسرة "موسى الحلبي"..
فيا ريت لو في زول يقدر يصل للأسرة دي عشان نزودها بالصور..
بالنسبة للصور الأصلية متوفرة وكذلك الافلام من يريدها عليه أن يتصل
على إيميل شقيقي طلحة جبريل:
[email protected]
ــــــــــــــــــ
* الاسم دة كانت متداول في منطقتنا لكنه لم يكن يعني شيئا قدحيا
|
|
 
|
|
|
|
|
|
|
 Re: ابحث عن صاحبة الصورة دي (Re: طارق جبريل)
|
هؤلاء الناس يا أستاذ طارق اجمل ابناء الله فى الارض .
هم (الغجر) , ونحن فى السودان نطلق عليهم اسم (الحلب) وهو اسم ووصف غير صحيح , لان (الحلبى) هو ابن مدينة (حلب) وهى مدينة سورية مشهورة يتم ضربها الان بالمدافع بواسطة الماشى والغاشى .
(الغجر) هم ضد هذه الحضارة الملعونة , فى كل الدنيا لهم نمط متمرد على حياة الاستقرار وسـخـف المدينة .
يعملون فى مهن هامشية بسيطة للغاية , ويرتحلون بكل بساطة من مكان لمكان .
لهم منى الحب والتحية , فهم اجمل ابناء الله فى الارض . . ولو لم اكن حلبياً لوددت ان اكون .
| |
|
|
|
|
|
|
|
|
|
Re: ابحث عن صاحبة الصورة دي (Re: shaheen shaheen)
|
Quote:
هؤلاء الناس يا أستاذ طارق اجمل ابناء الله فى الارض .
هم (الغجر) , ونحن فى السودان نطلق عليهم اسم (الحلب) وهو اسم ووصف غير صحيح , لان (الحلبى) هو ابن مدينة (حلب) وهى مدينة سورية مشهورة يتم ضربها الان بالمدافع بواسطة الماشى والغاشى .
(الغجر) هم ضد هذه الحضارة الملعونة , فى كل الدنيا لهم نمط متمرد على حياة الاستقرار وسـخـف المدينة .
يعملون فى مهن هامشية بسيطة للغاية , ويرتحلون بكل بساطة من مكان لمكان .
لهم منى الحب والتحية , فهم اجمل ابناء الله فى الارض . . ولو لم اكن حلبياً لوددت ان اكون . |
حبيبنا واستاذنا شاهين
كيفنك ابوي
تعرف لمن كنت بمشي قريتنا الوادعة شبا
كنت بحب امشي اتونس معاهم
بحب طريقتهم في الحياة
كانت كل حيواتهم ممتعة ياخ
نفسي ألقى الزولة دي عشان اديها صورة امها ياخ
| |
|
|
|
|
|
|
|
|
|
Re: ابحث عن صاحبة الصورة دي (Re: طارق جبريل)
|
الاخ طارق ود جبريل
كيف حالك ياخي
الحلب ديل برضو كانوا بنزلوا غندنا في الشمالية منطقة العبيدية
ودائما ينزلوا محازاة النيل منطقة كلها اشجار وعموما ناس مسالمين جدا جدا
وزى ما قلت ناس بحبوا الشغل جدا واظن كانوا بمارسوا التجارة ووالعمل لفترة معينة ويقوموا يرحلوا لمكان تاني
النسوان بتاعنهم فعلا كانوا بتجاروا في الريحة والتياب الكلها الوان ديك .. اما الرجال والشباب فمعظمهم كانوا يمارسوا حلاقة ( الحمــــير) .. غايتو عندنا جدنا
عندوا حمـــار أعلى من الحصان زاتو , بمشى عليهم ياخى بظبطوا ليك ليهو حلاقة مبالغة (زى حلاقة مايكل جاكسون في التمانينات ) ويجى من عندهم هناك مبسوط .. وشايل ليهو كم منجل مسنون من عندهم ..
والناس ديل زى العندهم ارتباط بالغجر يا طارق ... سمحين شديد ونسوانهم تلفى فيهن الداقة شلوفتها أو عمل وشم باللون الاخضر تلاثة حبات كده في الحنك ... غايتو عالمهم جميل .
.......
بس المافهمتو يا طارق .. انت ما قلت البت دى وصلت لحدى عندكم ؟؟؟ اها الصور دى ما شافتها يعنى ؟ ولا شافت صورة واحدة وما شافت باقى الصور ؟؟؟
كدى ورينا يا معلم ..
| |
|
|
|
|
|
|
|
|
|
Re: ابحث عن صاحبة الصورة دي (Re: معتصم محمد عبدالرحمن)
|
ود الخالة الحبيب كيفنك ياخ ، وعيدك مبارك،،
أحمد أخوي في الأبيض سامع أنو جاب معاه واحد من الجماعة ديل يشتغل معاه في الأبيض (مزرعة) ، ويخيل إلي أنه واحد من آل موسى الحلبي،،
تلفونه معاك ،، يمكن يفيدك،،
أنا مابضرب لي زول في السودان ساي كدا مني ولي في الأيام دي ، يقوم يتلعبث فيني ،،
عندك خيم وطلمبات شفط ودواء بلهارسيا ،، إتصل ،،،
ماعندك ، العليك عملتو !!!
خلي طلحة يتصرف//
| |
|
|
|
|
|
|
|
|
|
Re: ابحث عن صاحبة الصورة دي (Re: عبد اللطيف بكري أحمد)
|
Quote: ود الخالة الحبيب كيفنك ياخ ، وعيدك مبارك،،
أحمد أخوي في الأبيض سامع أنو جاب معاه واحد من الجماعة ديل يشتغل معاه في الأبيض (مزرعة) ، ويخيل إلي أنه واحد من آل موسى الحلبي،،
تلفونه معاك ،، يمكن يفيدك،،
أنا مابضرب لي زول في السودان ساي كدا مني ولي في الأيام دي ، يقوم يتلعبث فيني ،،
عندك خيم وطلمبات شفط ودواء بلهارسيا ،، إتصل ،،،
ماعندك ، العليك عملتو !!!
خلي طلحة يتصرف//
|
سمح يا ود الخالة
نشوف لينا كم بطانية في الأول وبعديها نضرب تليفون
| |
|
|
|
|
|
|
|
|
|
Re: ابحث عن صاحبة الصورة دي (Re: معتصم محمد عبدالرحمن)
|
Quote: الاخ طارق ود جبريل
كيف حالك ياخي
الحلب ديل برضو كانوا بنزلوا غندنا في الشمالية منطقة العبيدية
ودائما ينزلوا محازاة النيل منطقة كلها اشجار وعموما ناس مسالمين جدا جدا
وزى ما قلت ناس بحبوا الشغل جدا واظن كانوا بمارسوا التجارة ووالعمل لفترة معينة ويقوموا يرحلوا لمكان تاني
النسوان بتاعنهم فعلا كانوا بتجاروا في الريحة والتياب الكلها الوان ديك .. اما الرجال والشباب فمعظمهم كانوا يمارسوا حلاقة ( الحمــــير) .. غايتو عندنا جدنا
عندوا حمـــار أعلى من الحصان زاتو , بمشى عليهم ياخى بظبطوا ليك ليهو حلاقة مبالغة (زى حلاقة مايكل جاكسون في التمانينات ) ويجى من عندهم هناك مبسوط .. وشايل ليهو كم منجل مسنون من عندهم ..
والناس ديل زى العندهم ارتباط بالغجر يا طارق ... سمحين شديد ونسوانهم تلفى فيهن الداقة شلوفتها أو عمل وشم باللون الاخضر تلاثة حبات كده في الحنك ... غايتو عالمهم جميل .
.......
بس المافهمتو يا طارق .. انت ما قلت البت دى وصلت لحدى عندكم ؟؟؟ اها الصور دى ما شافتها يعنى ؟ ولا شافت صورة واحدة وما شافت باقى الصور ؟؟؟
كدى ورينا يا معلم .. |
معتصم كيفنك
حسب المعلومة العندي انه زول كلم البت دي وقال ليها صورة امك نزلت في مجلة المجلة
والزول النزل الصورة دي من شبا
وهي جات وسالت ووصلت لي خالتي ستنور والزمن طال
ونحن المعلومة وصلتنا متاخرة ديد بحكم الغربة
فعايزين نصل الزولة دي نديها الافلام والصورة
| |
|
|
|
|
|
|
|
|
|
Re: ابحث عن صاحبة الصورة دي (Re: طارق جبريل)
|
ولدت وترعرعت قرب حلة الحلب ، الحلب عندنا في الشعديناب اغلبهم مستقرون لعبنا مع أولادهم ولعبوا معنا ، ويسافر بعضهم في المواسم
وتنحصر حركتهم من منطقة الرباطاب شمالا إلى ريفي ود حامد جنوبا وفي مناسباتهم يأتيهم الحلب من كل حدب وصوت وربما أكون رأيت
صاحبة الصورة وربما لا ( لطول المدة )
وأتنمنى يتعرف أحد الزملاء على صاحبة الصورة.
التحية لكل حلب الشعديناب
| |
|
|
|
|
|
|
|
|
|
Re: ابحث عن صاحبة الصورة دي (Re: حسين ديقول)
|
Quote: ولدت وترعرعت قرب حلة الحلب ، الحلب عندنا في الشعديناب اغلبهم مستقرون لعبنا مع أولادهم ولعبوا معنا ، ويسافر بعضهم في المواسم
وتنحصر حركتهم من منطقة الرباطاب شمالا إلى ريفي ود حامد جنوبا وفي مناسباتهم يأتيهم الحلب من كل حدب وصوت وربما أكون رأيت
صاحبة الصورة وربما لا ( لطول المدة )
وأتنمنى يتعرف أحد الزملاء على صاحبة الصورة.
التحية لكل حلب الشعديناب |
تسلم يا حسن
| |
|
|
|
|
|
|
|
|
|
Re: ابحث عن صاحبة الصورة دي (Re: طارق جبريل)
|
Quote: Abdelazim Mekki · الأكثر تعليقا · TU Berlin
الغجر شعب لغز
رد · أعجبني · متابعة المنشور · 22 أغسطس، الساعة 06:48 مساءً
عصام دقداق · متابعة · Khartoum, Sudan · 135 من المشتركين
هؤلا موقع تجمعهم مدينة الدبة بالشمالية وربما تجد لهم اثر هنالك
|
تسلموا يا شباب
| |
|
|
|
|
|
|
|
|
|
Re: ابحث عن صاحبة الصورة دي (Re: طارق جبريل)
|
Quote:
سلام وليد جبرين قلنا نرفع البوست ونكفر لود الباهى ده زنقه كامب الغجر باثر رجعى |
طارق جبريل سلام تاني رجعت ارفع البوست وبالمرة كدة اقول لاخونا سامي امشي يا حاقد 
لكن بيني وبينك الهبيش وراء الغجر ما حبابو
| |
|
|
|
|
|
|
| |
طارق جبريل
shaheen shaheen
معتصم محمد عبدالرحمن
عادل الباهي عبدالرازق
سامى عبد المطلب
حسين ديقول
فيس بوك
تويتر
انستقرام
يوتيوب
بنتيريست