|
|
 samsung galaxy
|
الحبيبين كيفنكم..
جابولي سامسونغ جلاكسي في الشغل..
وحاتكم من اصبحت ابعبص فيهو ما فرزتلو شي..
وقدر ما فتشت علي الزر اللحمر واللخدر ما لقيتن..
والخرابة تهبشو كدي ولا تخت اصبعك فوقو يقول كدي يرجف وينزلق من يدي
التقول قاعد اكلكل فيهو..
لا عرفت ادخل الاسامي فيهو لا عرفت محل الرسائل..
بس يسكت يرجف في يدي التقول ود الزومة حكالو نكتة..
وفوق دة ود ان مررت صباعك فوقو تقول كدي الشاشة تبعرلك حاجات ماهن متل الاولانيات..
وان كان للنغمات وحات سيدي الحسن اصلو ضومة ضومة يخجلن..
شي صفير شي نحنيح.. ماهن ألات رجال شي..
وحاتكم يا الحبيبين الشي علي الداندورمة..
الخرابة يتملص مني بي هني وبي هني التقول ايدي مجلبطة ملاحا اخدر..
وحات سيدي الحسن الموبايلات ديل بقن قلة ادب.. ياخي تهبشو كدي يقعد يتراجف التقول عريس مودنوا الفندق..
العريس تراهو يتهوزز بي سببو وشفقان... لكن الخرابة دة الا تكون جواهو في جكسوية بكلكلو فيها..
وبس تتبنو كدي الشي يتهوزز علي الماسكاهو ام فريحانة..
ختيتو قدامي بقى يفرفر علي البُلاطاييي المارقنها من البحر..
انا خايف يوم اكون خاتي في جيب البنطلون يقوم يصورني كمان ويرسل الصور لي خلق الله نبقى في الاستحراج كمان..
الشي يسكت يطفي ويولع زي التكنو يشاغلو في بت في ميدان ابو جنزير ويغمزلها..
الخرابة دة كمان طلعت عنده خترات بتولع من ورا كدي...
لا تبقى ألات اشعة كمان نبقى في الفضايح ويقوم يصورلنا مخروقتنا ..
الشي دة ماهو ياهو ياخي زي القلة ادب قلة ادب كدي..
وليهو لدايات بالجنبات كدي بس تهبشن يقعد يوجوج فوقك..
دي وكرة شنو دي الوقعت فيها انا دي..
مالو nokia 33.. سمح ومااااااهل وتقييييل..
|
|
 
|
|
|
|
|
|
|
 Re: samsung galaxy (Re: طارق جبريل)
|
Quote: انا خايف يوم اكون خاتي في جيب البنطلون يقوم يصورني كمان ويرسل الصور لي خلق الله نبقى في الاستحراج كمان..
الشي يسكت يطفي ويولع زي التكنو يشاغلو في بت في ميدان ابو جنزير ويغمزلها.. |
يجازي محنك ياااخ
| |
|
|
|
|
|
|
|
|
|
Re: samsung galaxy (Re: ابراهيم عبدالناصر)
|
والعجب ان بقيت بدور تكتبلك رسالة ...ياخد ضحوتك (تب) ...تقعد تفتش فى الحروف
زى البتنضف ليك فى لوبا ...ياطارق ياخوى الشغلة الميته ماتبراها ...اقع النوكيا ..
انت غير تتصل وتتستقبل داير شنو ؟...الباقى سويهو فى الفيس بوك ...(ضمه )
مامقصر فى الفيس ...واخرتها كمان بقيت تنضم كتر فى الفيس ... ....
| |
|
|
|
|
|
|
|
|
|
Re: samsung galaxy (Re: محمد عبدالرحمن)
|
Quote: والعجب ان بقيت بدور تكتبلك رسالة ...ياخد ضحوتك (تب) ...تقعد تفتش فى الحروف
زى البتنضف ليك فى لوبا ...ياطارق ياخوى الشغلة الميته ماتبراها ...اقع النوكيا ..
انت غير تتصل وتتستقبل داير شنو ؟...الباقى سويهو فى الفيس بوك ...(ضمه )
مامقصر فى الفيس ...واخرتها كمان بقيت تنضم كتر فى الفيس ... ....
|
ود عيد الرحمن
هسي «الحبيب» بيكون عنده الخرابة دة موش
| |
|
|
|
|
|
|
|
|
 Re: samsung galaxy (Re: طارق جبريل)
|
Quote:
انا خايف يوم اكون خاتي في جيب البنطلون يقوم يصورني
كمان ويرسل الصور لي خلق الله نبقى في الاستحراج كمان.. |
هههههههههههههههههههههههههههه،
هو أكِنوا لي هسّع ما سواها ؟؟؟،
وانأ أقول صورة النصيبة البلآ رغيفة
الكوكتيل الجاتني في موبايلي دي شِنِي كمان ؟؟؟
| |
|
|
|
|
|
|
|
|
|
Re: samsung galaxy (Re: معاوية المدير)
|
Quote: هههههههههههههههههههههههههههه،
هو أكِنوا لي هسّع ما سواها ؟؟؟،
وانأ أقول صورة النصيبة البلآ رغيفة
الكوكتيل الجاتني في موبايلي دي شِنِي كمان ؟؟؟
|
النبي فيك يا ود المدير فضحني الخرابة دة
اها الصورة جاتك ملياني شي ولا فاضي
| |
|
|
|
|
|
|
|
|
|
Re: samsung galaxy (Re: طارق جبريل)
|
يا ود جبرين يجازى محنك
انت لساك فى البر وكتين تغوص فى العميق حتقول القيامة قامت
من صورتك دى الخربانة اليلك جلاكسى نوت باين
يمين الله وكلامى يمكن ما تصدقوا لين ما تجربها براك
الجلاكسى نوت دا ما محتاج تكتب فيه شئ عشان تبحث
قرب خشمك من المكرفون اللى فى قوقل دا ونادى على اى شئ انت داير تكوسو
تلقى الخربانة فر فر فر يكوسلك الشئ ويجيب يختها ليك قدامك فى الشاشة
عندك شكل بتاع مكرفون تانى فى التطبيقات .. قرب خشمك منه وكورك فيها
صحينى الساعة 10 .. يقولك حاضر بالتنقليزى ..يمين الله الساعة 10 تلقى المخروبة تنقز
فيك زى الزول المؤجر لا تحتاج ضبط منبه ولا تضبط ساعتك ولا شئ ..
والله صحى
| |
|
|
|
|
|
|
|
|
|
Re: samsung galaxy (Re: هشام عباس)
|
Quote: يا ود جبرين يجازى محنك
انت لساك فى البر وكتين تغوص فى العميق حتقول القيامة قامت
من صورتك دى الخربانة اليلك جلاكسى نوت باين
يمين الله وكلامى يمكن ما تصدقوا لين ما تجربها براك
الجلاكسى نوت دا ما محتاج تكتب فيه شئ عشان تبحث
قرب خشمك من المكرفون اللى فى قوقل دا ونادى على اى شئ انت داير تكوسو
تلقى الخربانة فر فر فر يكوسلك الشئ ويجيب يختها ليك قدامك فى الشاشة
عندك شكل بتاع مكرفون تانى فى التطبيقات .. قرب خشمك منه وكورك فيها
صحينى الساعة 10 .. يقولك حاضر بالتنقليزى ..يمين الله الساعة 10 تلقى المخروبة تنقز
فيك زى الزول المؤجر لا تحتاج ضبط منبه ولا تضبط ساعتك ولا شئ ..
والله صحى
|
يا ود عباس الشي دة لا يبقى شيطان وانا ماني فارزو
نسعل الله السلامة
نان فضلو شنو لامن يبقى ود الحسن مؤذن الجامع أليلنا
باقي كنا مسمنوا المنبه
| |
|
|
|
|
|
|
|
|
|
Re: samsung galaxy (Re: معاوية المدير)
|
يا طارق خلي السناحة ياخي..
فضحتنا..
أدي الجهاز فرصة..وحا تتعود عليهو وتحبو..والله جد..
عريس الفندق دي عندنا فيها قصة بتاعة واحد قريبنا..
طبعاً مع إرهاق الحنة والسيرة والحفلات الصباحي..
بقت عندو فروقات نوم رهيبة.. الساعة القال كدي اتكامل لك الفندق..
وهاك يا نومة.. ما كمان الزول مرهق منتهي مرة واحدة..
قال جاتني صحية كدي ..عاينت بطرف عيني..أشوف ليك جنبي واحدة فاكة شعرها
وراقدة بالفستان ونايمة.. قال والله انخلعت لما نطيت هنااااااااك وقلبي
قررررب يقيف من الخلعة...بعد مسااااااافة حتى اتذكرتا إنه دي العروس
وأنا العريس..ودا الفندق..
ياخ نحن شعب مجوبك خلاص..
هههههههههه
بوست لطيف جداً...
..
..
| |
|
|
|
|
|
|
|
|
|
Re: samsung galaxy (Re: محمد عبد الله الامين)
|
طيعاً اتخيلتك بصورتك العجيبة ديكـ
العراقي كيف والطاقية مشنقها .... الخ الخ
المهم خلاص نضيفك على القروب آآآآآآآزول؟
مبرووووووك للمرة التانية
وكده خلاص انت بقى عندك بيت ملك في النت
بيتك في حي اسمه ا الفيسبوك ويفتح على شارعين التويتر وسودانيز
يعلم الله تاني جنس ازعاج يا طارق اخوي وخصوصا للزيك اتا دا
الاصحابك كتااااار ديل ... يمين الليل دا كلو يعقد يكورك واااك وااااك
| |
|
|
|
|
|
|
|
|
|
Re: samsung galaxy (Re: الامين موسى البشاري)
|
| Quote: وفوق دة ود ان مررت صباعك فوقو تقول كدي الشاشة تبعرلك حاجات ماهن متل الاولانيات |
الله يجازي محنك يا طارق _ إبداع
يمكن لي قريب 20 سنة لا سمعته ولا قريت (تبعرلك)
| |
|
|
|
|
|
|
|
|
|
Re: samsung galaxy (Re: حبيب نورة)
|
والله ما خاطي عليه يا ود جبريل اصلا.....
اها انت ىخير الجيته من عالم(النوكيا) تعال شوف عباطي انا الجيته من عالم (الايفون) مبالغه يا اخي.
حقيقي الايفون راكز ومحترم الا القلاقسي ده جنس نعومه ولاياقه فيها وجنس محن خليها ساي.
الحروف لو جيت تطبع صباعك يمشي للجنبه.... وين جنس حاله....الا نسوي شنو قالوا الانترنت فيه اسرع من الاي فون!
وصحيح صوته في الاسكايب افضل
و العجب زي ما قالوا لك لو نزلته ا( لفايبر) و الوت ساب) و (التانقو) غايتو ام العيال حتطلع مظاهرات تدين وتشجب وتستنكر!!هههههههه وصدقني حيكون ليها حق!
غايتو النبي فيك
كان ما فتشتني بالاسكايب وفرجتني المغرب باكاميرة القلاقسي اللاليك!!
الف مبروك
وغايتو انا كرهاناهو وفكرته ارجع للاي فون جاده.....الا مدبسه في عقد شركه ظالمه.
ما بنصح زول عنده فرصة اختيار بين الاي فون و القلاقسي يختار القلاقسي جهاز ناعم وسجمان و رمدان و الله اعلم وقت الصيانه شروطهم شنو؟!
| |
|
|
|
|
|
|
|
|
|
Re: samsung galaxy (Re: Tragie Mustafa)
|
Quote: والله ما خاطي عليه يا ود جبريل اصلا.....
اها انت ىخير الجيته من عالم(النوكيا) تعال شوف عباطي انا الجيته من عالم (الايفون) مبالغه يا اخي.
حقيقي الايفون راكز ومحترم الا القلاقسي ده جنس نعومه ولاياقه فيها وجنس محن خليها ساي.
الحروف لو جيت تطبع صباعك يمشي للجنبه.... وين جنس حاله....الا نسوي شنو قالوا الانترنت فيه اسرع من الاي فون!
وصحيح صوته في الاسكايب افضل
و العجب زي ما قالوا لك لو نزلته ا( لفايبر) و الوت ساب) و (التانقو) غايتو ام العيال حتطلع مظاهرات تدين وتشجب وتستنكر!!هههههههه وصدقني حيكون ليها حق!
غايتو النبي فيك
كان ما فتشتني بالاسكايب وفرجتني المغرب باكاميرة القلاقسي اللاليك!!
الف مبروك
وغايتو انا كرهاناهو وفكرته ارجع للاي فون جاده.....الا مدبسه في عقد شركه ظالمه.
ما بنصح زول عنده فرصة اختيار بين الاي فون و القلاقسي يختار القلاقسي جهاز ناعم وسجمان و رمدان و الله اعلم وقت الصيانه شروطهم شنو؟!
|
الله لا كسبك يا تراجي
ماكي نصيحي شي
بري بري يا اختي انا بعد دة آآبقدر علي دق المقشاشة
لا بنزلي فايبر لا واتس اب
المحسي ألتي بتقوم علي
| |
|
|
|
|
|
|
|
|
|
Re: samsung galaxy (Re: حامد بدري)
|
ود جبرين
الفتنة لزوما شنو هسي صاحبي الورطة يقرأة البوست بتاعك دي
يقوللي, رسلي اي فون فايف.
عارفوا اصلا هو ما امتلك 3 او 4 . شايللو قدح مونة في جيبه.
شكلك حريف سعيتك غلاسكي, يسابق الاي فون بمراحل. اديهو لمحمد ولا البنية
واقعد فراجة وتعلم منهم. عشان ما تبقي عليك رجفة ونظره
| |
|
|
|
|
|
|
|
|
|
Re: samsung galaxy (Re: الفاضل يسن عثمان)
|
Quote: ود جبرين
الفتنة لزوما شنو هسي صاحبي الورطة يقرأة البوست بتاعك دي
يقوللي, رسلي اي فون فايف.
عارفوا اصلا هو ما امتلك 3 او 4 . شايللو قدح مونة في جيبه.
شكلك حريف سعيتك غلاسكي, يسابق الاي فون بمراحل. اديهو لمحمد ولا البنية
واقعد فراجة وتعلم منهم. عشان ما تبقي عليك رجفة ونظره |
اوووووه ود بحري
ياخي انا يا دوبي اولادي علموني الايباد
وصحبك الورطة شايلو تليفون فيهو كركاسة
| |
|
|
|
|
|
|
|
|
|
Re: samsung galaxy (Re: حامد بدري)
|
Quote: جربتا تكتب بيو يالمسخوووووت زي كااااااااااك
السحالييييي
كيفنك تروووق مساء الجلكسي كدي جرب خت كضمك في الشاشه التو كان
ماشنبك نطا
|
امرق من هني يا فقر
| |
|
|
|
|
|
|
|
|
|
Re: samsung galaxy (Re: الطاهر عثمان)
|
Quote: الله يجازي محنك يا طارق _ إبداع
يمكن لي قريب 20 سنة لا سمعته ولا قريت (تبعرلك)
|
نان هو بعير يا الطاهر
وحات ود الكرسني العَزْ (المعزة) انا بقى ضاربها اسهال ما تسوي متل دة
| |
|
|
|
|
|
|
|
|
|
Re: samsung galaxy (Re: الامين موسى البشاري)
|
Quote: طيعاً اتخيلتك بصورتك العجيبة ديكـ
العراقي كيف والطاقية مشنقها .... الخ الخ
المهم خلاص نضيفك على القروب آآآآآآآزول؟
مبرووووووك للمرة التانية
وكده خلاص انت بقى عندك بيت ملك في النت
بيتك في حي اسمه ا الفيسبوك ويفتح على شارعين التويتر وسودانيز
يعلم الله تاني جنس ازعاج يا طارق اخوي وخصوصا للزيك اتا دا
الاصحابك كتااااار ديل ... يمين الليل دا كلو يعقد يكورك واااك وااااك
|
هوي يا ود البشاري
انا ماني معاكم تاني
الشي دة قالوا فيهو قلة ادب
وماني قادر علي المقشاشة انا
| |
|
|
|
|
|
|
|
|
|
Re: samsung galaxy (Re: Mahmoud Mustafa Mahmoud)
|
Quote: يا طارق خلي السناحة ياخي..
فضحتنا..
أدي الجهاز فرصة..وحا تتعود عليهو وتحبو..والله جد..
عريس الفندق دي عندنا فيها قصة بتاعة واحد قريبنا..
طبعاً مع إرهاق الحنة والسيرة والحفلات الصباحي..
بقت عندو فروقات نوم رهيبة.. الساعة القال كدي اتكامل لك الفندق..
وهاك يا نومة.. ما كمان الزول مرهق منتهي مرة واحدة..
قال جاتني صحية كدي ..عاينت بطرف عيني..أشوف ليك جنبي واحدة فاكة شعرها
وراقدة بالفستان ونايمة.. قال والله انخلعت لما نطيت هنااااااااك وقلبي
قررررب يقيف من الخلعة...بعد مسااااااافة حتى اتذكرتا إنه دي العروس
وأنا العريس..ودا الفندق..
ياخ نحن شعب مجوبك خلاص..
هههههههههه
بوست لطيف جداً...
|
الله لا كسبك
| |
|
|
|
|
|
|
|
|
|
Re: samsung galaxy (Re: طارق جبريل)
|
Quote: Shams Khalifa · ود جبرين شنو البيرع شبا تاني
الزول ده مرق من هناك ووسيلة التواصل كانت الصايح
اسي شوف جنس نضميوه الكتر ده
كان مشي هناك تاني وبي عدتو دي الا ينفضوا وبفكو وراه الشفع |
اي شبا شنو مع الشي المتل ضنب الضب دة
انت بي صحك
| |
|
|
|
|
|
|
|
|
|
Re: samsung galaxy (Re: طارق جبريل)
|
مبروك عليك التلفون
يآطارق
ان شاء الله يربي في عزك
| Quote: انا خايف يوم اكون خاتي في جيب البنطلون يقوم يصورني كمان ويرسل الصور لي خلق الله نبقى في الاستحراج كمان.. |
| |
|
|
|
|
|
|
| |
طارق جبريل
معروف حمدين
أمير محمد ادريس
ابراهيم عبدالناصر
محمد عبدالرحمن
محمد المرتضى حامد
معاوية المدير
هشام عباس
Mahmoud Mustafa Mahmoud
saidahmed shami
الامين موسى البشاري
الطاهر عثمان
حامد بدري
حبيب نورة
Tragie Mustafa
الفاضل يسن عثمان
شهاب الفاتح عثمان
ناصر فراج
حامد الغبشاوي
فيس بوك
تويتر
انستقرام
يوتيوب
بنتيريست