بوست لقراء سودانيز أون لاين

Quote: العزيز طارق ود جبريل تحية لك ولكل أفراد سودانيزاونلاين كنت اطالب بسقوط النظام لكن اخيرا اصبحت انادي بسقوط سودانيز اون لاين حيث اصبح المنبر ساحة للخصومات وانت زولي انا بكسر ليك تلج وبقيف معاك انت كوز انا ضدك انت شيوعي انا بردمك انت سني انا بهبتك انت شيعي بطير فيك جوز اصبح الاعضاء لا ينظرون الى ما هو مكتوب بل ينظرون الى من كتب الموضوع وتكون الردود والمشاركات علي الاساس ده . هناك من يحمل العضوية وهو لا يستحقها وحتى لا يستحق ان يكون من قراء المنبر من منازلهم في مواضيع تخليك تمعط شعر راسك وتتمحن وتجيك جلطة تلجنك وتنتهي منك . بعض الاعضاء لديه قدرة كبيرة علي التحليل والردود المنطقية ويجبرك على متابعة ما يكتب وديل البخلونا نخش المنبر ونقرأ ونتابع ولو ما ديل يمين الله كان بكري بدينا بالدولار ما نخش الحوش حقو ده . الاعضاء المميزين : محمد حيدر المشرف ,بله موسى ,عادل عبد العاطي , معاوية عبيد , قيقراوي , محمد عبد الماجد الصائم ,محمدعلي ابراهيم ,عاطف عمر ,كوستاوي وليد محمد المبارك ,عبد الوهاب علي الحاج ,اسمارت انا , معاوية المدير , تيسير عووضة (قلم مميز جدا) ,وليد التلب ,عاطف مكاوي , ياسر طيفور (مبروك المولود عمار تستاهل يا ملك ) ,جمال محمود ,كبر والقائمة تطووووول الاعضاء الغير مميزين : 1- فايز ود القاضي ده عندو 7 او 9 كلمات برصهن وبمرق تاني يخربوا ما حصل شفتو كاتب ليو موضوع كده جاضم وبنقاش فيو وكمان عامل فيها ظريف . 2- ود الباوقة ده والله رايح ساي ما فارز اي شي وكمان عامل فيها مؤتمر وطني . 3- محمد البشرى الخضر ده فاكيها في روحو علي شنو ما عارف وكمان بقابض ساي وما بكون ناقش ابو النوم ولا يختلف كثيرا عن فايز ود القاضي . 4- زهير محمد عثمان ده لمن اقرأ ليو بوست يومي كلو بكون زي الزفت والفترة الاخيرة جاني مصران اشك انو زهير هو السبب. 5- وضـــــاحـــة دي دكتورة كمان انا والله ندمان اني ما قريت طب دي مفروض بكري ابو بكر يتعمل ليو مجلس محاسبة كيف اداها عضوية . 6- عباس الفحل ده دايش تب ورايح ليو الدرب في المويه ويسال عنو بكري ابو بكر كيف تم منحه عضوية . 7- حسين ملاسي فرماتلوا كلمتين تلاتة مسيخات وجهاز الاسكنر تاني ما عندو التكتح . 8_ ابو حسين بالانجليزي الراجل ده قدر ما قلته اديو فرصة فشل لايوووق لياقه يا كافي البلا لا عندو فكر ولا منهج شغال مشاكل بس . 9- الطاهر ابو روضة جنو مقابضة وشكلو زول عكليتة مع انو برلوم لسه . لسه انا ما انتهيت برجع ليكم بالمهله ان شاء الله خالد حسن‎