|
|
 Re: (4) امتداد الدرجة الثالثة ذلك الحي المتفرد (Re: طارق جبريل)
|
هكرز Hackers
يا شباب :
• انتو الفـهم شنـو لمـا يقـولـو ليـك العـربيـة ديـك هكـره.
• وبالله زح لينـا الهكـرة دي مـن هنـا.
• البيتـ هـكـرة.
• والزول داك هكرة
الكـلام ده بنتعـامل بيهـو مـن زمـان فى مصطلحاتنا بيـن الشبـاب.
يعني مصطلح الهكرز موجودين بينا من زمان .
بالمناسبة دي :
ممكن تورونا الهكرات المعانا فى المنبرعشان نعمل حسابنا من الفيروس ما يصيبنا.
| |
 
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
التحية خالصةلانشط الاعضاء:
• عبد الله كـع "شمـس الامتـداد التـي لا تغيـب"
• بابكر التوم .
• طارق جبريل.
• سارة محجوب .
• نسرين جمال.
• عمر ارباب.
يا جماعة الكساد العالمي اثر عليـكم ولا شنـو؟
ما هـذا الركـود؟
ما هـذا الصمت الـرهيب؟
• وين مجدي عبد الرحيم؟ ادوك عين ولا شنو؟
• وين اميقو؟
• وين عامر تيتاوي؟
• وين راشد جبريل؟
• وين عادل عوض بلال؟ "يومياً موجود لكن ما بشاركنا"
• اشرف الباقر "يومياً موجود لكن ما بشاركنا"
• وين فيصل خليل ؟
• عماد شمت؟
• وين ابراهيم موسي ؟
• وين راشد ابنعوف "يا كع خليه يرجع الباص ورد بتاعتنا وما عاوزين معاهو!".
• وين عوض كمبا "يومياً موجود لكن ما بشاركنا"
• وين بدر الدين يعقوب؟
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: • وين عوض كمبا "يومياً موجود لكن ما بشاركنا"
|
الاخ معاذ تحية طيبة ومشتاقين
والله تقصير في والتواجد من اجل المتابعة في والكسل للمشاركة في
ياخي ماترسل لي كيبورد عربي وريحني من لوحة المفاتيح وشوف بعد داك
المشاركات والنضمي بجي براه
مع خالص محبتي وتقديري ليك
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: Ashraf El Bagir)
|
ياشباب مشتااااااااااااااااقون
افتقدناكم بشدة
شكرا يامعاذ لحرصك
لكن صدقنى الناس دى كلها حريصة على التواجد
| Quote: الجهاز داتما مفتوح و login على سودانيز اون لاين بس فعليا ما بكون موجود |
وفى الغالب الاعم دا السبب وللاسف هو الجاب بلاوى التهكير دا
ارجو المحافظة على هذا النفاج بعمل خروج وعند الانتهاء عمل خروج
ـــــــــــــــــــــــــــــــــــــــــــ
كع انت اتهكرت ولا شنو
كامل تتضامننا مع راشد ابنعوف فى هكرتهوا 
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: راشد جبريل)
|
سلام ياحبان والله الشوق مطر ..والله يجازي الكان السبب منك وللسماء ياراشد اخو الريس
ابصلعة !! طبعا ياراشد كنت حايم بي غادي لقيت ليك الريس بتاعنا زعلان خلاس من شتيمة
الهكر لبكري ..ما هماه حنطور ولا غيره بس كلمة ابوصلعة !!!
انتو الريس بتاعنا بغسل راسة من النص ولي غادي والا شنو؟؟
اليوميين الفاتو غايتو جنس ضهب ..من ضل نت لي ضل نت ..والله مافضل لينا الا ضل ناس فاروق سعيد
الله لا كسبك ياهكر خليتنا نتلفت.. غايتو لو في كلمة مقلوبة استعدلوها واصلوا لي قدام..
يااخوانا تلفون عادل محمد حسين 8 وتلفون ابو اليسر الخير يديكم العافيه ...
لتسهيل مهمة متابعة طلب الباسوردللاخ مدثر قرجاج والاخت محاسن ارجو احضاره كرابط في كل صفحة
طبعا اليوميين ديل في شوية مخاوف من الهكار الحقار ده ..وبكري زاتو في تولا ما عارفنه وين
مدثي (بالسين يابدر)....؟؟
ياودالسر قلت لي شمس الامتداد الذي لا يغيب ...ما تنجهو لينا قول ماشاء الله 3مرات ...
الكع اعمل حسابك اليومين ديل امشي في ضل النت ماتجيك رصاصة طايشة ..نحن محتاجيين ليك
والا البوست بتاعنا ده يمشي مربع واحد حلة العورة..اه ديل كان اتعاوروا كمان ياهو ذي
ماقال الرشيد كسلا.. لا نتلاقي لا يلاقينا لا نتلم ....
انشاء الله نلقاكم متلاقيين ومتلميين ...بس قولوا امين
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
العمد ه كيفنك ياخي ..
| Quote: الكع اعمل حسابك اليومين ديل امشي في ضل النت ماتجيك رصاصة طايشة |
ما جات ولكان كان ..
صدقني من العصر اخوك زاكي الزول المهكرتي بوست ورا بوست
لمن اتشعبط فيني انا زاتي مسك الباص حقي وبقي يرد عني
يعني بقي في اتنين ... كع 1 ده انا زاتي .. وكع 2 ده المهكراتي
شكيتو علي الله ..
انشالله الليله ينوم القوووة
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الساعة 11:15 بتوقيت قطر المحلي.
صباح الخير للجميع :
• الاخ العزيز عماد تحياتي وعينا بارده على كع .
• ماشاء الله ، ماشاء الله ، ماشاء الله عينا بارده يا كع.
• يا مجدي مشيك للسودان إتاكد ولا لسه .
• يا بابكر التوم تحياتي منتظر زيارتك وعدتني بزيارة ، انا فى انتظارك "كان فى البيت ولا المكتب ".
• يا عادل عوض بلال تحياتي اسف جدا على عدم التواصل كان عندك تلفون لفائز احمد بلال رسله لي ضروري.
• يا نسرين صباح الخير ما كفاية للمشاركة، تحياتي لاخي وزميلي عادل جمال والاخ العزيز عمار بابكر.
• وما زال السؤال مستمر عن الاخوان اميقو ، وبدر الدين يعقوب ، صديق حمتو.
• بقي عندنا شمس الامتداد التي لاتغيب عاوزينا مرشحه لنجمة الامتداد التي لاتغيب .
• يا اميقو الكورة ما بتدي حريف! ناس المريخ سجلوا واحد هكرة ب 3 مليون دولار امريكي ما يعادل 1.1 مليار ريال سعودي بالسوداني ما قدرة احسبها .
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الساعة 11:15 بتوقيت قطر المحلي.
صباح الخير للجميع :
• الاخ العزيز عماد تحياتي وعينا بارده على كع .
• ماشاء الله ، ماشاء الله ، ماشاء الله عينا بارده يا كع.
• يا مجدي مشيك للسودان إتاكد ولا لسه .
• يا بابكر التوم تحياتي منتظر زيارتك وعدتني بزيارة ، انا فى انتظارك "كان فى البيت ولا المكتب ".
• يا عادل عوض بلال تحياتي اسف جدا على عدم التواصل كان عندك تلفون لفائز احمد بلال رسله لي ضروري.
• يا نسرين صباح الخير ما كفاية للمشاركة، تحياتي لاخي وزميلي عادل جمال والاخ العزيز عمار بابكر.
• وما زال السؤال مستمر عن الاخوان اميقو ، وبدر الدين يعقوب ، صديق حمتو.
• بقي عندنا شمس الامتداد التي لاتغيب عاوزينا مرشحه لنجمة الامتداد التي لاتغيب .
• يا اميقو الكورة ما بتدي حريف! ناس المريخ سجلوا واحد هكرة ب 3 مليون دولار امريكي ما يعادل 1.1 مليار ريال سعودي بالسوداني ما قدرة احسبها .
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: فيصل محمد خليل)
|
حمدلله على السلامة
وبركه الماتهكرتو..
لكن يخوانا بستشعر كده وماتشتغلو بى استشعارى انو الهكر ده بتفرج اسع وقاعد معانا وله شنو ماعارفه
ياكع بقيت اتنين يعنى المحقق كونان هوى ياكع ماتشككنا فيك اصلو قاعدين على الهبشه
اكتبو بى كل زوق وادب يقوم يزعل من زول الهكر يدخلو مدرسة ويخلى عبرا للبورداب
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: فيصل محمد خليل)
|
ناس حلتنا
بركة اللقيناك طيبين وانتوا هم ناس
الامتداد البنعرفهم ...
بهناك الامور جايطة جوطة شديدة
بصراحة تانى اى واحد يدخل يجيب امارة توضح
انو من الامتداد
انا غايتوا متاكد من عماد شمت
ومعاذالسر
ـــــــــــــــــــــــــــــــــــــ
فيصل خليل
غايتوا كل اكتوبر وانت والثورات الماضية والقادمة
بالف خير ( بس فى شوية كاروشة كدا)
كع
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
o يا شباب انا شاكي فى راشد ابنعوف ،،،
o هو المتهم الاول ،،،
o من اخد العضوية وعيك ، هكرنا وهرب ،،،
o انا معاك يا سارة كع بقي يكتب من الشمال لليمين شوفي كاتب شنو: فيلصل سلام من قبل ومن بعد.
o مجدي بقي بتاع معلقات كتب لينا معلقة ومن ديك ما شوفناهو تاني.
o ونسرين شكلو الهكر حدد ليها كلمة "صباح الخير ياشباب " ما تزيد عنها ولا حرف.
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
ياكع شبه شنو
بقيت مشكوك فيك ( مهكر وله اصلى وضح )
فيصل بقى نازح وله متمرد وله شنو ماعارفه دخل الصحافة مربع 15
وكع بكتب زى ماقالو بالقلبه ونسرين مشفرة وطارق شكلو مشفر من الامتداد يخوانا نقطة نظام ( ..... ) بس خلاص عرفته الحصل تن ترن دى
موسيقى تصويريه عشان تتخيلو معاى كل زول من ناس الامتداد يدخل يورينا خيالو قال ليهو شنو وبوريكم بعد داك ؟؟؟؟؟؟
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: o انا معاك يا سارة كع بقي يكتب من الشمال لليمين شوفي كاتب شنو: فيلصل سلام من قبل ومن بعد.
|
معاذ سلام من قبل ومن بعد ..
انت الان اديت سارة الامان وانها ما الهكر .. بس فرزتها كيف ؟؟
انت زاتك ما معاذ .. اه رايك شنو !!!
راشد ابنعوف ركبو الجن وشتت بيهو ... خلاس
الدور علي الناس البتنطط في البوستات حقت الهكر نفسو !!!
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
يا شباب عاوزين نتواصل مع امتدادنا الحبيب بطريقه يوميه تكون هنالك نشرة يومية:
o اخبار النادي.
o اخبار رابطة الامتداد نتائج المباريات .
o الاخبار الاجتماعية افراح ، وفيات ، حفلات التخريج بجميع الجامعات وغيرها من النشاطات الاجتماعية.
o صورة من الامتداد .
o اخبار المغتربين من ابناء الامتداد نشاطاتهم.
o المساعدات التي يمكن ان يقدمها ابناء الامتداد من خلال الروابط فى الداخل والخارج
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote:
يا شباب عاوزين نتواصل مع امتدادنا الحبيب بطريقه يوميه تكون هنالك نشرة يومية:
o اخبار النادي.
o اخبار رابطة الامتداد نتائج المباريات .
o الاخبار الاجتماعية افراح ، وفيات ، حفلات التخريج بجميع الجامعات وغيرها من النشاطات الاجتماعية.
o صورة من الامتداد .
o اخبار المغتربين من ابناء الامتداد نشاطاتهم.
o المساعدات التي يمكن ان يقدمها ابناء الامتداد من خلال الروابط فى الداخل والخارج |
قسما بالله يا معاذ ده كلام صاح الصاح ...
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: اهلا ناس الإمتداد كيف حالكم
كيفكم عاملين مع الهكر ..الجاتكم في بوستاتكم سامحتكم
عساكم بخير
طارق { ابوريم } جيتكم داخل بباسورد قديم بعد محاولات مريرة استمرت ساعات طويلة ، والجديد راح في حق الله
ياهكر يامقطوع الطارئ ..شكيتك لي الله ، ادينا عرض اكتافك |
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: omer abdelsalam)
|
أنا لسه في مربع 14 والمعلق كتير بس أن شاء الله أنتو لامين وطيبين
الحجز أتهكر يامعاذ مافي ولا إفراج مؤقت ولا يحزنون من قطر كيف قلت لي بالسوداني ماقدرت تحسبه ياحليل كورة الشراب
تحياتي لحسن عتر .
الباقين سالمين متين العوده ياحلوين.
أنالما لقيت عمر عبدالسلام قلت أنافطيت الأمتداد دخلت مربع 16 توش نا ود أبوسن!
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
سلام للجميع....
كلامك صاح الصاح اخى معاز عاوزين نشرات يوميااو
كل فترة عن الامتداد وعن ناس الامتداد الفى الخارج
او توزع على ناس البوست الفى الامتداد يجيب اخبار الامتداد
وتوكل على شخص من ناس البوست يكون من الداخل
ومن الخارج يكون هناك فى شخص يتكلم عن اخبار الناس المعاهم
وهكزا ونخلى سارة ونسرين للشمار الامتداد ولا رايك شنو يا كع..
تسلم عماد شميت ومسالة الوضو دى لازم تسال الريس واكيد الوضو عندو مكلف
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
يا كع موضوع المتابعة اليومية مهم جداً ، فى ناس كتيرة طولت من الامتداد الحبيب صعب عليها تواكب الحاصل فى الامتداد.
اخر مرة مشيت فيها السودان كان فى ديسمبر-2007 كان امنيتي احضر مباراة فى الرابطة لكن الله غالب ما في نشاط ، مامون حميدة شال نص الرابطة.
مشيت النادي المساحة المتاحة للنشاط اليومي بالنادي اصبح صغيرة جداً ، ميدان الكرة الطائرة اصبح غير موجود .
هنالك ظاهرة خطيرة انتشرت بين الشباب "المخدرات" زمان كنا بنسمع ان فلان الفلاني بشرب بتقو ودي كانت حالات بسيطة ، الان اصبحت بيع عديل بالتالي زادت نسبة المدمنيين فى الاحياء ، اصبح فى الحلة الواحدة اكثر من مروج يعني الوضع فى الامتداد اصبح خطير جداً وربنا يستر
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
يا شباب عاوزين نكون اكثر جدية خاصة فى القضايا المصيرية التي لها تاثير فى مستقبل ابناءنا واخوانا الصغار.
عكس الحالة السيئة التي وصلت اليها المدارس المراكز الصحية بالامتداد ، وكيفية المساعدة فى رفعها من جديد.
تقديم يد المساعدة من قبل المستطيعين من ابناء المنطقة فى الداخل والخارج .
هنالك بعض الاشخاص من ابناء المنطقة يعملون مع شيوخ وامراء لهم اسهامات خيرية يمكن لفت نظرهم لهذه المشاكل.
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: سلام ياحبان والله الشوق مطر ..والله يجازي الكان السبب منك وللسماء ياراشد اخو الريس
ابصلعة !! طبعا ياراشد كنت حايم بي غادي لقيت ليك الريس بتاعنا زعلان خلاس من شتيمة
الهكر لبكري ..ما هماه حنطور ولا غيره بس كلمة ابوصلعة !!!
|
يا عويس كيفنك
ياخي انا رفع عني مسح الراس في الوضوء
زي ما قال ود التوم اي زول يدخل يوصف لينا حاجة في مربعهم
عشان نعرفه من الامتداد
انا غايتو متذكر غنماية ناس السر كاوندة كانت مجننا لينا الشجر جن
عمر عبد السلام حمدا لله على سلامة الباصوورد (دة طبعا لو كنت انت عمر) ههههههه
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: فيصل محمد خليل)
|
ابوخليل
Quote: غايتو الزول السوى الحاجة دي ما ظرييييييييييييف.. ثم تاني زاتو يعني سواها كيف.؟
اسال مني عزيزة ام شاهر و الصيني وصديقي اللدود عمر عبدالسلام |
ياخى ماخلى موبايل وكمل سكرنا زاتواااااااا
ـــــــــــــــــــــــــــــــــــــــــــــــــــــــــــــ
اقول ليك حاجة خلينا فى واحة الامتداد دى احسن
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: فيصل محمد خليل)
|
سلام لكل الأحباب بالداخل وقبلهم ناااس الخارج فرداً فرد بنزكر أيام حلوة خالص قضينا سوياً والآن معاي ناصر جبريل صديقي الجميل في الماسنجر وماقادر يدخل مع أني إديتو اللينك الأنا الآن بكتب بيهو ما عارف الحاصا شنو وبقينا نفقد أقلام كثيرة جداً بالذات ناااس الداخل ونهم صديقي الجميل أبو وعد
معاذ الجميل والله الأفكار دي دايره تحول جديد زمان المشاكل كانت بسيطه وعملنا ليهو التحول الإجتماعي الثقافي وكانت جمعية كالبرلمان وقوية بعناصر لها الثقل الرائع من أباؤنا وأخونا المثقفين والرواد من رعيل السياسة السودانية وبدانا بالجانب الأجتماعي وكان نظافة الثلاثة شوارع المنطلقه منها الفكره وعمل التشجير وأصحاح البيئة وصيانة المدارس وجمعية نسوية تهتم بالملمات الأجتماعية وكانت السكرتيرة أختنا المغفور لها صُفرة بكري عثمان مروي (خدم الله) وعديدين ومن ثم أنطلق الفكر لكثير من المناطق وأذكر منها الجريف والصحافة أربعين (شرق) وكان العمل وقتها بالمجهود الذاتي وكانت الأنارة والكورسات الصيفية وتتمة النقص في معلمي المدارس يالها من أيام ليتها تعود.
بنعود ليكم برواقه وفكرة يامعاذ نقف معك بكل خبراتنا وعملنا الأجتماعي مروراً باللجان الشعبية ولجان العيش وقتها وأنا أعمل في كلا المخبزين الآلي والمحسن والأمتداد لي منو عشرة سنوات إلا أيام وعلي ما أزكر أربعة أيام وأتم العشرة كامله لكم مودتي والتفاعل مطلوب من أجل إمتداد وصل الحال به كما حال البلد بالكامل وبالسواعد المخلصة تكون المعاول البانية لمستقبل صحي لأولادنا جميعا وللكبار منا أن يجمعوا لنا الحال بالداخل من جميع النواحي ويضعوا الأولويات وما يطلب مننا نحققه بالقدر المطلوب أن شاء الله مودتي .
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
سلام نضيف..
كتب راشد نبر (1) في الايام الخوالي..
ازيك يا خينا ..
Quote: وهكزا ونخلى سارة ونسرين للشمار الامتداد ولا رايك شنو يا كع..
|
ده كلام تمام والنشوف الجندره بالجد .. ما حندرة دافوري وحنك بيش 
ـــــــــــــــــــــــ
بس اظنهن في تعداد الناس مهكر ..
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
بالله شوف الناس الهكر ديل قالو شنو !!
ابو قصي ..
| Quote: أنالما لقيت عمر عبدالسلام قلت أنافطيت الأمتداد دخلت مربع 16 توش نا ود أبوسن |
الحمدلله قبضوك في مربع 16 ..
(هكر طاشم ..)
ساره كرودي ..:
Quote: بس خلاص عرفته الحصل تن ترن دى
موسيقى تصويريه عشان تتخيلو معاى كل زول من ناس الامتداد يدخل يورينا خيالو قال ليهو شنو وبوريكم بعد داك ؟؟؟؟؟؟ |
(هكره بتاعت افلام ودرامات )
عماد شمت (عويس ):
| Quote: اليوميين الفاتو غايتو جنس ضهب ..من ضل نت لي ضل نت ..والله مافضل لينا الا ضل ناس فاروق سعي |
(هكر ركلسه وضلله ساااكت )
راشد نبر(1)
| Quote: تسلم عماد شميت ومسالة الوضو دى لازم تسال الريس واكيد الوضو عندو مكلف |
فهمات شويه ... والحاله ما هكر
معاذ السر
| Quote: ، اصبح فى الحلة الواحدة اكثر من مروج يعني الوضع فى الامتداد اصبح خطير جداً وربنا يست |
معقولة للدرجه .. مستحيل انا السنه الفاتت كنت في السودان . الحمدلله شوفته بعيني الشباب زي الورد
60% منهم بصلو الاوقات في المسجد .. لقيت الكلام البتقال في عزعبلات .. انا معاك في حاجات غريبه وما كانت
عندنا. لكن اي حاجه موجوده البفتش ليها بلقاها زي الهم علي القلب ..
( هكر من نوع تاني )
الريس هكرو مخالف ..
| Quote: انا غايتو متذكر غنماية ناس السر كاوندة كانت مجننا لينا الشجر جن |
(هكرالغنم ) ..
امارتي يا قدرة العربيه الموريس المركونه جم النيمه ..
عمر عبدالسلام .. مساءالورد
| Quote: واحتك يابوريم ..دا انا شخصيا ماني { هكر } |
(هكر امازيغي )
فيصل قال ليك ..
الزول العمل الحاجه دي ما ظريييييييف ثم تاني زاتوووووو سواها كيف ؟
بابكر قدره ..
| Quote: ناس بابكر الجخس حلة الامراء |
(هكر يمني نفسه )..
يا حبا العالم كلو عارفه ما حلة الامراء!!!
الهكر الكبير فوفو :
| Quote: انا الهكر........... والبعاتي ذاتي |
(ده هكر تقليدي ..)
عماد محمود ..
Quote: ياشباب بصراحة كده أنا ما عماد ، وأعملوا حسابكم أيميلاتكم بعرفها والماسنجرات محفوظة ... ديروا بالكم ......
الهكر ........ |
(هكر من الهلال الخصيب )
كع : ما مهكر بس حركه كدا :
| Quote: ما عارفين السايق الباص منو |
(هكر كومسنجي ..)
اما الناس الماظهرت ..
مهكرين وفاقدين اتجاهات
ــــــــــــــــــــــــــ
نصبر ونشوف اول هكر بجي حنكو حيكون شنو وكيف !!
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
جمعة مباركة ياشباب
معاذ السر وكع وعماد
انتشار هذة الافات وسط الشباب واشياء اخرى اخطر
هى افراز طبيعى للحالة الاقتصادية وتردى المجتمع
فى السودان كلوا وليس حكر على الامتداد فقط .
انعل ابوا الكان السبب وكفى.
وهى حالة استفحلت واستعصت ولكن بتكاتف الجميع
يمكن ان تحد من خطورتها قليلا لانو فى جيل
يكاد يكون خلاص شبة لايمكن السيطرة علية انتهت
تربية الشارع التى كانت فى السابق واختفى ود الحلة
القلبوا حار الذى كان حريص على اخوانة من اولاد وبنات
الحلة واصبح الشارع هو الذى ياتى بهذة القزارة .
وانعل ابوا الغربة.
ونتمنى التواصل فى هذا الخيط المهم لانقاذ مايمكن انقاذة
وان لا ندفن رؤسنا فى الرمل والبنقو اهون من شياء اخرى وماخفى
كان اعظم
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: بابكر التوم)
|
الأحباء بالدرجة الثالثة مربع مربع زاوية زاوية فسحه فسحه عمود عمود ركن ركن والأندية مع أنها بسيطه ولكن تفعل ما لايفعله المنزل الذي أمسي يسعي إلي سلة الخضار وربع اللحمه والرغيفة ونسوا الرعاية والتي هي التي تجلب تلك السلة وافيه وكافية وعلي نادي الأمتداد أن يشعل شعلة الإجتماعي بقدر أكبر من الرياضي لأن المسألة هي تربية وأن تقوم المناشط من تاني وتتعدد عشان تُنار العقول وتثمر الشجرة وكلنا يعلم الحال ويمكن مازكره معاذ في معاهو جزء ذي ما قال بابكر التوم مخفي قد تجده في مجتمع سائقي الركشات والأمجاد ولا ننسي أن هناك سياسة خفيه تعمل علي تدمير الشباب ولو لم نكن علي قدر من الوعي حتي المغتربين سوف يفاجئوا بأبنائهم ضحايا لتلك الأفكار التي تقود هذة السياسة التدميرية للعقول وكلنا يعلم أن سياسة التجويع والتخويف والتهجير كلها روابط تصّب عند تلك القوة المستتره في ظلام الفئات التي وراها شبكات لتسوق لهذا الأمر ،وأهم مانفقده ياشباب هو عامل التواصل (تواصل الأجيال وتوريث الجوانب الأبوية والأخوية بين أفراد مجتمع الدرجة الثالثة وهذا ماتعلمناه من عديدين ومن مدارس متفرقه ) بس يبدوا أنو حجم الفجوة أصبح هوة سحيقه جداً نسأل الله السلامة وفعلا الحالة تستوجب تظافر جهود الجميع الخارج والداخل المسئولية أكبر علي عواتقهم ونحن كما قلنا التفاكر بالصوت العالِ له محاسنه والتشاور يجمع الرأي الأصوب ونحن مع كل ما يقدم للمنطقة روح وتعاون يثمر بالأنسان أولاً ثم تترتب بقية المعائش وقد سرني هذا الوعي منكم كثيراً أخوتي وأن كنا ننشغل عنكم قليلاً ولكن الوجدان تسكنوه أنتم وأفكاركم النيرة مودة بحدود 14 مربع للكل .
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
بابكر كيفنك
Quote: ابراهيم بحكم علاقتك بصاحب الحوش شوف باقى الناس
الماقدرين يدخلوا واظن منهم سارة كرودى واحتمال
فى ناس اخرين ارجوا وضع ايميلك هنا لمساعدة الشباب |
يا ابو خليل ... بحكم الجيره ..
عليك شوف لينا بكري ده اكيد في ناس اتلحس الباص حقها
عشان البوست ما يبقي سلحفائي اكتر من كدي ..
يا كمباء
باص راشد ابنعوف ده تجاري ..!!
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
يا دكتور طارق جبريل ..
وين رعايك ..؟؟؟؟
ربنا بسالك منهم والله العظيم ..
عندك ناس جرفهم الفيضان ..
انت عارف يا دكتور
( علي عبدالله صالح مطلع 20 مليار ريال عشان ابو يمن البلعتو المطره )
ـــــــــــــــــــــــــ
وناسنا لحسهم الهكر شوف ليك شويه دعم
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: Sara Mahgoub)
|
سرورة الجاتك في باسورديك سامحتك
والله يجبر خاطرك
| Quote: ياعمده مابتفقدنى فى التيم انت ونسرين مادايره اشمت الاعداء فينا |
معقوووول بس ياسارة ما نفقدك بس ، عاد بس كيفن دي تجي ، المشكلة كلنا في الهواء سواء نظام التشفير ( هي قصدي التهكير ) الله لا يرحمك ياهكوري ... خليتنا نمشي ونتلفت ونلخبط ساااااكت ، غايتو جنس رجفه هي لكن ... بس بي صراحة كده حاااااسي بأن الهكر ده واحد أول حرفه ( عبد الله كع ) عايز يفرتق لينا الفريق وكده علشان فريقهم الكركعوبة دااااك ماجاهز ....  
( الا رميت الهكر عاملالى تمزق ) غايتو دي باااالغتي فيها عدييييييل كده ...
غايتو نسرين دي يتخيل لي لليلي دي مهكرة .....
وكل سنة وانتم غير مهكرين .... وجاهزين للتمرين ....
كابتن الفريق
عماد محمود علي
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
حمد الله على سلامة
المهكرين/ات
عادل محمود وجومو ( الاخضر الابراهيمى ) الحاصل شنو حتى الان فى الاقامة الجبرية ولا شنو
الحاصل عشان يلحقوكم
ــــــــــــــــــــــــــــــــــــــــــــــــــ
كع
| Quote: لماذا ننظر الي الجانب المظلم ؟؟ |
خلينا فى الدافورى احسن
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
ابو محمد سلام واحترام
Quote: Quote: تاني افتح ليك بوست ترحيب طوووووووووويل زي داك !!!
عشان المره دي القيامه تقووووووم عديل كدي
|
قدر ما قلنا ليهو تعال بي جاي وتعال هنا .. شابكنا عندي ضيوف بي هناك
لحدي الجن ما قشط ليك كف خلاهو يفقد اتجاه !!!!!!
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: سرورة الجاتك في باسورديك سامحتك
والله يجبر خاطرك
Quote: ياعمده مابتفقدنى فى التيم انت ونسرين مادايره اشمت الاعداء فينا
معقوووول بس ياسارة ما نفقدك بس ، عاد بس كيفن دي تجي ، المشكلة كلنا في الهواء سواء نظام التشفير ( هي قصدي التهكير ) الله لا يرحمك ياهكوري ... خليتنا نمشي ونتلفت ونلخبط ساااااكت ، غايتو جنس رجفه هي لكن ... بس بي صراحة كده حاااااسي بأن الهكر ده واحد أول حرفه ( عبد الله كع ) عايز يفرتق لينا الفريق وكده علشان فريقهم الكركعوبة دااااك ماجاهز ....
( الا رميت الهكر عاملالى تمزق ) غايتو دي باااالغتي فيها عدييييييل كده ...
غايتو نسرين دي يتخيل لي لليلي دي مهكرة .....
وكل سنة وانتم غير مهكرين .... وجاهزين للتمرين ....
كابتن الفريق
عماد محمود عل |
انت يا كابتن .. ماداخله قدر دي حاشره كدا مالك ... يالبتشبه بكري ابو بكر وطارق جبريل ....
هو وينو الفريق الدير فرتيق يا حبا؟؟!! ... يعلم الله فريقكم ده مش حمام ميت ده منتهي عديل كدا
يا كركعوبه ........
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: طارق جبريل)
|
الاخوة الاعزاء تحية واحنرام ،،،
(الـوقـــــــت كالســـــــــــــيف)
o يا اخوانا الونسه حلوووووووووووووووووووووووووووووووووووووووووووووه شددددددددددددددددددددددددددددديد ، لكن بجد كسرتنا وعطلتنا عشرات السنيين!
o عاوزين نستفيد استفادة قصوي من الزمن البنتواجد فيهو مع بعض فى اكتساب اشياء جديدة فى كافة المجالات مع العلم ان هذا الرابط يجمع بين الناس فى اعمار سنية مختلفة ، يملكون خبرات كبيرة اكتسبوها من ثقافات متعددة.
o كيف نوظف هذه الخبرات المكتسبة فى خدمة الامتداد.
o الونسة ملحوقه؟؟؟؟؟؟؟؟؟؟.
عارف نفسي مسيخ وبايخ لكن المصلحة العامة تتطلب ساعات من الجد ولحظات من الهزل؟
بالمناسبة انا بحب الونسة الضحك يعني ما رابط وش كلب
معاذ السر
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: طارق جبريل)
|
كيف نفكر وماهي الاولويات خلال اليوم:
• ما هي الاعمال التى قمت بانجازها خلال اليوم؟
• الاعمال التي تم انجازها هل تمت بالسرعة القصوي؟
• ما هي الاجندة اليومية الواجب تنفيذها واداوءها خلال يوم غداً؟
• هل قمت بتتحديد المشاكل وقمت بوضع الحلول لها؟
• هل هنالك مشاكل تواجهك لم تجد لها الحلول؟
• هل قمت بسؤال شخص اخر للمساعدة؟
• ما هو تخطيطتك للمستقبل من الناحية :
1. العملية "هل تفكر فى تطوير قدرات الشخصية "اتقان اللغة الانجليزية او اللغات الاخري ، اكتساب تقنيات جديدة" حتي تتمكن من الحصول على وظيفة جديدة براتب اعلي؟.
2. المهنية هل تعلمت صنعة جديدة ؟
3. الاكاديمية "هل فكرة فى اكمال دراساتك العليا؟
4. الاسرية "كيف تنظر لمستقبل اولادك؟
• هنالك كثير من الاسئلة اليومية يجب علينا الاجابة عليها.
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
يا شباب يجب ان نكون قدوة لاخوتنا الصغار وابنائنا :
• خلال مرحلت المراهقة والتي صادفت دخولنا المرحلة المتوسطة ، لم نكن ندري باهمية الزمن وعلاقته بالمستقبل فى تلك الفترة والتي تتكون من خلالها ملامح مستقبل ، للاسف لم يكن للكثير منا شخص يدله على الطريق الصحيح :
o هناك من سلك الطريق الصحيح حيث المستقبل المشرق بناءاً على وجود قدوه حسنه فى الاسرة تدله على الطريق الصحيح .
o وهناك من ضل الطريق لفترة من الزمن ، بسبب الاهمال لفترة بسيطة من قبل الاسرة ، ولكنه وجد اخيراً من يدله على الطريق الصحيح .
o ، وهناك من ضل الطريق الى يومنا هذا خرج ولم يعد ، وهذا الفشل له اسبابه الكثيرة والتي يجب ان ناخذها فى الاعتبار حتي لايقع فيها اخواننا الصغار وابنائنا فى المستقبل .
• فى معهد صلاح درسنا استاذ عبدالرحمن استاذ اللغة العربية ربنا يطراه بالخير ، كانت له امنية وحيده هي ان يمسح كلمة "ساكت " او ساي من لغتنا العامية لانها كلمة ليست لها مدلول او معني او فائدة.
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: العزيز طارق جبريل
الفاتح وديدى ذلك المشوار الرائع من الابداع والثقافه والانسانيه والزوق السليم قيثارة ظلت تعطى الامتداد الوان شتى من الاندهاشات ادب رفيع ولسان مصون وايادى لاتعرف سوى العطاء الغير محدود، نكرانا للنفس وحب للاخرين لاتجد له مثيل ، لايدخر وسعا ان ينسى كل مايخصه فى سبيل الاخرين فهم ممن اختصهم الله لقضاء حوائج الناس فى نبل قلما تجده فى زمن الحيره والتشتت والانانية العمياء.
كل الامتداديون لا يعلمون متى عرفوا الفاتح ولايعرفون ان كان هو صديق طفوله او دراسه، الكل يحس انه ولد وهو يعرفه، ليست هناك تواريخ عند الناس فهو ضارب فى اعماق كل من عرفه، فالذين عرفوه قبل اشهر هم كالذين عرفوه منذ سنوات، فهو يتغلغل داخل النفس ويسكنها فى بضع ايام فقط بضع ايام كى تدرك كم هو مسكونا بالابداع وتدرك انسانيته الفياضه وتدرك انه صديقا صدوق صادق الوعد استثنائى فى كل شى.
عرفناه عبر مشواره الكروى فكنا نجتمع فى ميدان الدينمو وفى رابطة الامتداد كى نشاهده يطوع الكره ، فتارة عن يمينه والاخرى عن شماله فى مهارة يحسد عليها وفى ايام الدافورى وعند العزله نسمع اسمه ولانراه، عندها يعترض الناس انه غير موجود ولايجوز اختياره، ولكن لا نلبث ونسمع صرخه مجلجله من الذين اختاروه وهم يضحكون ويشرون خلفنا وعندما نلتفت نراه يركض فى اتجاه الملعب فيحتفى الذين اختاروه قبل ان يبدأ الدافورى فعندما تغتنى لاعب مثله لاشك انك قطعت اكثر من نصف المشوار الى النصر فكان اختياره للعب بمثابة تسخينه لكل من فى الملعب تسمع معها همهمات الغضب للذين خسروه وصيحات الاستحسان لمن كسبوه
عرفناه عبر مشواره الابداعى الكبير كاتب كبير يجود الحروف ويطوعها كما الكره رسام وخطاط وكل مفاتيح الابداع بحوزته وعندما يدندن بالغناء يصمت الكل كى يستمعوا له مثقف من طراز فريد يتحدث فيصيب ويصمت فتحس فى صمته الانيق بمعانى كبيره ،لم نطل يوما فى دور ثقافة او منتديات ابداع او حفل ساهر الا وتجده فى الصفوف الاماميه ينظم ويخطط وينثر الافراح عرفناه هنا عبر هذا البوست الامتدادى الجميل فكان من الرواد الاوائل، احسسناه عبر كتاباته الهادفه فى مجلة الخرطوم الجديده وعبر مجلة اوراق،، مع وديدى عرفنا كيف نجلس مع النجوم فالتقينا بالهرم عثمان حسين وجالسنا وردى وتجازبنا اطراف الحديث مع الحلنقى جلسنا فى صالون عبد القادر الكتيابى وتناولنا العشاء مع الصادق الرضى وداعبنا محجوب شريف واستمعنا الى الحاج وراق وتزوقنا طعم الصادق الياس صفقنا لأزهرى محمد على ووثقنا مع القدال كل هؤلاء وغيرهم التقيناهم فى حضرة الفاتح وديدى لاغيره............................................................................. عرفناه عبر مشوار انسانى لا مجال للخوض فيه لانه ودون شك سيجف مدادى وتتسارع انفاسى ويصيبنى الاعياء لو حاولت الخوض فيه يكفى ان اقول ان كل الناس كانت توده بقدر حبه للجميع وتواصله مع كل الناس كبيرهم وصغيرهم، لم يدخر وسعا فى العمل العام فكنا نشتم رائحة عرقه فى كل الاعمال الخيريه التى تمد يد العون لكل الناس ..
اين الفاتح وديدى؟ الكل هنا يفتقدونه وبشده نريد منه ان يعود لمواصلة المشوار او نسترجعه نحن فمثله لايمضى لحال سبيله ككل الناس سنناشده ونراسله ونلح فى السوال ولن نكل اونتراخى حتى نراه يطل من جديد عل الاقل عبر هذه المساحه سنجعل من الفراغ الذى تركه فى الامتداد منطقة لصدى الاصوات نأتى اليها فى كل يوم ونصرخ باسمه وننشده العوده وعندها ستردد كل الجدران معنا (يامشوار يارائع كون اول بدون اخر ....معالم لانهائيه حنان دفاق حنين دافق).
مدثر قرجاج
مربع14
|
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: اين الفاتح وديدى؟ الكل هنا يفتقدونه وبشده نريد منه ان يعود لمواصلة المشوار او نسترجعه نحن فمثله لايمضى لحال سبيله ككل الناس سنناشده ونراسله ونلح فى السوال ولن نكل اونتراخى حتى نراه يطل من جديد عل الاقل عبر هذه المساحه سنجعل من الفراغ الذى تركه فى الامتداد منطقة لصدى الاصوات نأتى اليها فى كل يوم ونصرخ باسمه وننشده العوده وعندها ستردد كل الجدران معنا (يامشوار يارائع كون اول بدون اخر ....معالم لانهائيه حنان دفاق حنين دافق).
|
اتساءل معاك اخى مدثر قرجاج
اين الفاتح وديدى ننتظر عودتك
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: المربع 14 آخر مربعات الدرجة المتفرده ومنها ننتقل لخمسة عشر الصحافة غرب شكلي كده ياسارة نسلمك الراية ومعاكي عمك فيصل مستشار ،وكع حكم ومن الحكام في مربع 14 المغفور له محمد عبدالغيوم حارس مرمي الجزائر في عهده ومنها أنتقل للتحكيم له الرحمة ولأسرته الحاجة فاطمة الشايقية وبناتها أم فرح وشقيقتها شادية ونادية عبدالغيوم سلام والجار العزيز أبوالزهور إسماعيل قسم فضل المولي والكوتس عيسي محمد صالح وممدوح أبنه حارس الدينمو فيما بعد وسحر والكوتش ناهد أم ممدوح نسأل منهم وهم أنتقلوا مننا وباقين في البال طبعاً المربع بيبدأ ببيت ناااس العم سري سليمان الخالة عائشة سري (عصام رحمة الله علية )مصطفي ،بهاء ،سليمان الأخوات إيمان ،أميمة ثاني بيت العم إبراهيم قرافي (بدرية ،نزار ،أمير ،لؤي نزاز بالشرقية السعودية أمير لؤي بأمريكا ) المنزل رقم 3 منزل العم إبراهيم محمد حامد (مؤمن ،سيف دنقل ،أحمد دنقل ، سكينة ،آمنة) منزلنا العامر عبدالرحيم فضل محمد (سمير ومجدي ،عزيزة ،سلوي ،إبتسام ،سهام الوالده الحاجة آمنة المنزل رقم 5 العم المرحوم سيد عثمان الطيب جد الدكتور إيهاب كمال أحمد الصغير والحاجة نفيسة بت السوكي حبوبة إيهاب وخالة عبدالمنعم. رقم 6 قديماً العم جمعة طيب الله ثراه (متوكل ،زيدان ،معاوية ،نصرالدين جكسا ) بعدهم العم عبدالماجد وخلفهم مؤخراً الأستاذ الصحفي المثقف الرائع عبدالله آدم خاطر أبن كبكابية له التحية والشوق الكبير ، العم المرحوم سيدأحمد قنديل والد تاج السر التيمان بدرالدين ،عصام ،حاتم ،شاكر ،وأخواتهم نفيسة ،ناهد وبعدهم العم المرحوم النيل بخيت الطاهر ،حيدر (سعد حداد ) ونادي الجابرية الككر وأستاذ عزالدين (الأمتداد2 الأبتدائية رياضيات) وعصمت النيلوذي الفغار وأحمد و الأخوات فاطمةوعرفه وأمل وأماني وبعدهم العم عثمان محمد طه أبناؤه عصام وهشام ،وبعدهم العم المرحوم الشيخ حمدناالله ،جنابوا ،حسن ،عادل ، سعدية أم هاني عبدالله وثم بيت نااس محمد وبابكر ثم ناااس شرف وحسن محمد عثمان والفاتح الريشة لاعب الجزائر والهلال فيما بعد ثم عقبهم محمد ملك صاحب الفرن المحسن بسوق الندي ثم العم عباس محمد خير عيساوي والحاجة ست البنات (فرحات ،أبومدين ،المقداد ، الحافظ ، أبنعوف، عكرمة ، محمد خير ،أبنة أختهم سمية سياد والأخوات ، ثم منزل محمد موسي محمد (موسي ،أبوخليل ،فرح ،مجتبئ، فاطمة ،أفراح ،التومات والبقيات يتمهم أبوخليل ثم منزل محمد أحمد جلود معتصم ،الفاتح ،أستاذ أمير ، وداد ، نجاة ،بلقيس، الحاجة نفيسة ،منزل ناااس بول بانيوتي كرياسيس سابقاً والباشمهندس صلاح عبدون وآخيرأ آل سبيتي صلاح ، ............، الفاتح ثم العم محمد موسي الصادق تشتش ـعبدالرحمن والحاجة فاطمة ثم العم يعقوب (محمد يعقوب كتلي اللآعب الفنان في زمنوا (شكري السمكري ،فاطمة يعقوب (وأبناؤها،عايدة) ثم الحاجة نساء العازف الموسيقار حمزه ومن ثم العم عبدالرحمن علي ،الصادق ،عمر علي وأنجالهم عادل الصادق وأخواته وأبناء عبدالرحمن عاصم وأخواته ثم منزل العم الطاهر رحمه رحمة الله علية والحاجةنفيسة ( صلاح الزوحي،كمال ،نصر الدين، الأخوات .....، .....، حنان ،مني ،إيمان ثم منزل ناااس كلشوب (أسماعيل ـ بهاء ،هاشم الأطرش ،عباس ) ثم حالياً ناااس تميم ثم منزل العم قسم فضل المولي رحمة الله علية أبو الزهور ،مهندس إبراهيم وأخواتهم ،آمال ،أستاذ عائشة ، هاجر وبنات عبدالمنعم زوجة آما ل و الحاجة غالية لهم مليون سلام ثم منزل العم عبدالغيوم وعائشة الشايقية زكرتهم ،ثم منزل ناااس سميرة المصرية سابقاً إسماعيل وثم ناااس الريح ُم آخيراً ناااس العم رشوان ،طارق ،خالد ، ثم منزل الرمز السماني عبدالله سكرتير نادي الهلال العاصمي في مجده وطلال السماني وخالد ثم الأستاذ مصطفي داؤد سامي ،وأسامة ُم منزل ناااس ود العوض ثم ناااس خالد فار الجزيرة وفيصل وحاتم حسن وحنان حسن ثم منزل ناااس حمزة وشرف والبحاري ثم العم نسيم والجهة الأخري من الشارع ناااس خالد وأسعد ثم منزل حسب الرسول الضابط سابقاً نااس المعيلق هيثم وأدهم وأستاذ أسماء والدتهم وآخيرأً ناااس عواطف محمد إبراهيم أم مازن شقيقة التيمان حسن وحسين جلودي وثم منزل العم محمد سعيد التهامي أستاذ الفاتح ،جمال ،أستاذة سهام رحمة الله عليها ،سودنه ،أنعام ،ختام أستاذ محمد التهامي ،خالد بحر وناااس عارف محي الدين ،ثم منزل ناااس العم حسين الكن ،حاتم ،عمار ، ثم العم عباس عبد الرحمن ،أميمة ،أخلاص ،أحسان ،عبدالرحمن عباس شقيقهم بالرياض حاليأ ثم منزل العم بكري عثمان مروي (حجازي ،خدم الله يرحمها الله ،وأشرف توفيق وأماني ونااس جنابوا وليد محي الدين ،د.تيسير ،عثمان الموسيقار ،عمار الشاعر زميل المنبر وهكذا نسير بالمربع حتي نصل ناااس حاتم والفاتح وديدي مروراً عصام علي فيصل خليل ؛ منصور جاه النبي ،أنتيكا ،محسن ،مؤمن ، صلاح سيله والمربع به من الرموز النسائية الكثير ومن أعلامة عبدالعزيز أشبيلية ،السر أبو بكر ،حسن طه ،صالح محجوب (عاطف صالح صديقي) الرشيد محمد سعيد ناااس زمبه وناااس طارق وياسر إدريس ،والمرحوم مدثر إدريس مضوي وناااس روضة ماما آمال وناااس المرحوم عادل حسين وعاطف وناااس محمد إبراهيم دستاوي وناااس أذهري محمد موسي وعاطف وناااس محمد سعيد عزالدين ومبارك وسمير ، والحاجة طيبة والحاجة آسيا وناااس عمر وعبدالمنعم أشقاؤها ونااس عبدوا توتو وعماد وناااس عبدالخالق عطاء وناااس سامي دي لمحة عن هذا المربع وكان فيه مع الشارع الكبير حقنا مولد جمعية التحول الثقافية الأجتماعية ورموزها عديدين سوف نأتي لتوثيق لها لاحقاً .والكورة في ملعب فيصل خليل عصام علي أنور الشيخ، مصطفي سري ،أبوخليل ،الفاتح وديدي ومدثر عمر قرجاج من الداخل للأستزاده.
،،،،أبوقصي،،،، |
ياآآآآآآآه دا لسة انت فآآآآآآآكر يا بوقصى!
90% من هذه الاسماء اسما ورسما اذكرها!
رعى الله تلك الايام الجميلة
لكن نسيت بيتين بيت ناس بادية ومهدى صقراب وهم اصدقاء العمر!
على حسب علمى قاطمة الشايقية والدة المرحوم محمد عبدالقيوم توفت الى رحمة مولاها
ونسيت بيت اعمامنا ابودية ومبارك شمس الدين
مربع 14 مربع حبيب الى النفس ولى صداقات عظيمة لا تنسى
فيصل خليل
تحياتى الى حبيبنا عصام خليل
جنى
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: jini)
|
عبداللة كع
تواعدت مع بكري ابوبكر علي اللقاء خلال الايام
المقبلة نسبة لانشغال الكل باسباب عملية وعموما
اخد فكرة عن سبب اللقاء
ولكل البورداب في امتدادنا الحبيب بخلي ليكم الايميل البريدي
بتاعي و الرجاء ذكر كل اسم يرغب في نيل العضوية وحينما التقي
ببكري سوف اعرض لة ماجاء من ذكر الاسماء وعلي الاخوة و الاخوات الذين رشحت
اسماؤهم التحلي بالصبر وسوف الاحق بكري الي ان يتم التوفيق
علي ان يتم وضع كل بريد الكتروني للمرشحين حين ارسال رسالة الي عنوني ادناة
ابوخليل
[email protected]
| |
|
|
|
|
|
|
| |
moaz elsir
omar arbab
عبدالله كع
AWAD MAHMOUD OSMAN
Ashraf El Bagir
بابكر التوم
عماد شمت
فيصل محمد خليل
omer abdelsalam
مجدي عبدالرحيم فضل
طارق جبريل
ابراهيم محمد موسي
Rashid Ali
عامر تيتاوى
jini
فيس بوك
تويتر
انستقرام
يوتيوب
بنتيريست