|
Re: (3) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
آآآهاااااا من هسه بدينا في العنصرية يا سارة !! أها لا مرحب ولا حاجة .
Quote: سؤال الحكومه في ولا مافي دايريين عيش حتي لو بالصفوف |
موجووووودة والريس بخير ورئيس مجلس الوزراء في إجتماعات متواصلة من أجل القبض على زعيم المعارضة الجديد ( مصطفى ) جهري ده . وصفوف شنو كمان العيش راااااقد .
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: نسرين جمال)
|
مربع 13 المربع الأجتماعي الرياضي الثقافي به نادي الصحراء ونادي الدينمو
ونحن ننادي بورداب المربع بأن يسطروا لنا زكريات هذا المربع الرقم هلم عادل
عوض بلال وعصام علي الحارس العملاق ولنا فيكم لاعبين نحن جزائر المربع القادم.
هذة الصفحة الــــــ 3 عشر وناااس خالد عشرات وعمر أبناء هذا المربع لهم تحية .
،،،،أبوقصى،،،،
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
يا شباب في واحدة من مداخلاتي السابقة قبل الحصول على العضوية ( لما كنا بنتفرج من الخارج ) وجهت تحذير شديد اللهجة للحكومة والمعارضة بي إنو أي منهم إذا ما وضعت للمغتربين القداما( ديل بيدخل من ضمنهم الطلبة الذين تلقوا تعليمهم خارج السودان ، وبعد كدة برضو جربو الغربة ، وهي الدراسة مش برضة غربة ولا أنا غلطان يا ناس عامر تيتاوي ، يعني مافي واحد يجي يقول يا دوب انا اغتربت من كم سنة برضو احسبو سنين القراية معاهم ) وخصـصـت ليهم وزارة سيادية راح نعمل معارضـة ما بنسميها معارضة ديمقراطية لأنو انا شايف المعارضة المسمية نفسها ديمقراطية لا تتمتع بالديمقراطية داخل المعارضة وهذا دليل للهيمنة ، بنسميها المعارضة الإمتدادية ، وأنا متأكد إنو في أخـوان وأخـوات كتيرين حينضمو للمعارضة الإمتدادية ، إذا لم يستجاب لهذه المطالب الشرعية ، لأنو ما ممكن يا جماعة حقنا يكون رايح على طول وكل الحكومات تمص في دم المغتربين منذ عهد عاد ( نميري) ولحدي اليوم ، ويجي الدكتور طارق وحكومتو وبرضو يهملونا ، وكمان المعارضة بقيادة مصطفى سري برضو عاملة طناش برغم إتفاقنا معهم في كثير من اطروحاتهم ، إلا أنو هذا لا يعني الإستكانة بل نطالب وبشدة بالعمل على دمقرططة العمل داخل المعارضـة .
الأحبة عبدالغفار محمد سعيد وعـامر تيتاوي ومجدي عبدالرحيم ( طبعا الترتيب دة حسب العمر ) مش اقدمية عضوية المنبر ، والله ليكم وحشة ، بعد مرات الواحد بيلقى نفسو شوية كدة فاضي بيجي يدي الاحبة طلة ويتواصل .. ويديكم العافية .
كل الود..
عبدالحليم حامد نعيم
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
النقابي العجوز خضر : واحشنا يا صديق با رائع معقول يا خضر ياخ !!!! إنت من الأوائل الشجعوني ودعموني للانضمام للمنبر نقوم لمن ننضم للمنبر نلقاك أختفيت !!! عد يا صديقي فنحن نحتاجك.
الأخ العزيز عبد الحليم "أبو خالد" لك الود والأشواق يا عزيزي وشايفك متجلي في بوست عن مصطفى سيد أحمد والانتفاضة
عزيزي عبد الغفار أحملك لك الكثير من سلام وأشواق أهل المسطبة – مستني تلفونك ياخ – عارفك مشغول بالأعباء الجديدة في الشركة ومزيدا من التقدم إنشاء الله.
الأخ الحبيب عامر تيتاوي كيفك يا عزيزي وكيف ألأسرة الصغيرة (الكبيرة أنا كنت معاهم سيبك منهم !! ههههها) يعني ما شايفك علقت على القصيدة النزلها بكري الخليفة بتاعت الشاعر الجهبوز "عاطف زكي" الإنت كنت بتحرضو علي وبتقول ليه صديق بيسرق قصائدك وبيقولها في المركز الثقافي الفرنسي ها ها (والله زماااااان يا عامر)
الأخ أبو قصي ياخ كل مرة أنسى أشكرك على إهتماك وسرعة استحابتك في تصغير الصورة إنت والحبيب عماد محمود – ليطكم التحية والود
الأخ عبد الله كع كيف أخبارك وأولادك والأسرة إنشاء كلكم بخير والله يا عبد الله الامتداد لذيذ خلاص والشباب ملمومين ومبرمجين إنت مضيع لي زمنك مع ناس الشبكة (براحة عبد الغفار ما يسمعني !!!).
العزيز مصطفى سري – زعيم المعارضة المزعومة – يا أخوي أحسن ليك: تعال شارك معانا ""ويا ود ألعب بوليتيكا زي ما قال المرحوم فيليب عباس غبوش""
بكري الخليفة وأمير الجمري جيتكم للمهم:
center>
الصورة دي يا بكري وأمير ألتقطت سنة 1983 في شاطئ النيل الأبيض بالشجرة في رحلة أقيمت لوداع الأخ عماد ميرغني الذي كان يستعد للسفر للباكستان للدراسة الجامعية والتي يظهر فيها الأخوة عماد ميرغني وبكري الخليفة والفاتح صالح وشخصي (الضعيف آنذاك) ههههههههها – والعجيب إنها ما كانت يوم جمعة ولا يوم عطلة بل كانت في منتصف الأسبوع ولو صبرتو علي شوية ممكن أجيب التاريخ باليوم والشهر كمان !!!(وياريت يا بكري لو نزلتها قبل سفري في الإجازة كنت حا أمتحن ليك بيها عماد ميرغني زاتو) وعلى ما أذكر الصورة تم تصويرها بواسطة الأخ عابدين على يوسف الذي أنضم للرحلة "قبل لحظات من انطلاقها"
أما الصورة التانية فأمير الجمري نكر وقال ده ما هو وأنا شخصيا مصدقو غايتو (لووووول)
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: ahmed khidir)
|
عماد محمود قال: (يا أبو قصي إنت الريس ده نعمل عليهو إنقلاب ولا شنو ؟!!!)
زالرئيس المخلوع اتخلع خلعة عدوك وهضرب طوالي : (ماد كدي قول بسم الله الحاصل شنو الدولة ماشة زي الورد)
فيصل هليل وتيتاوي وابوقصي وراشد تعالوا نعمل حكومة نوبية ، ممكن نجيب عصمت البربري محافظ للبنك الامتدادي المركزي ، واخوه محمد البربري وزير المواصلات - اصلوا جنو عربات- وسمير عبدالرحيم وزير الشباب والرياضة وممكن يستعين بمدرب اجنبي من اليونان - ممكن بالولا- وصديق حمدتو اذا اعلن اوبته ممكن وزير التعليم العالي والبحث العلمي وان رفض سفير في فرنسا طبعا هليل وراشد وابوقصي وتيتاوي اذا اصبح شاهد ملك في محاكمة المخلوع وابوقصي يشكلون مجلس الثورة - بالنص - كع عليه ان يشاور كمبا لانه هو الذي حدثني بانه توسط له من قبل ، غايتو كع يحب الوساطة من كان في الروضة - حسب كلام كمبا - بقية الوزراء سنعلن عنهم لاننا الان نؤمن طريق الثورة - بالنص - وبكري الخليفة سفيرنا المتجول - وظل معنا في كومشتات وترافولو وووويككك
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: فيصل محمد خليل)
|
ياريس مصطفي سري عزف علي وتر نوبي عميق يظهر كده بنخش في مشاورات ومناورة من برج عاجي يطل علي رافد نيلي عظيم
بعدين شيخ مربعنا هليل بيوزع في بسماتوا شكلوا كده النبوبية العزف عليها درش مست الدواخل وحلوه وملعوبه خرخرت كع دي وساطه
عميق الأغوار .
ياريس عرضك شنو؟؟؟
عشان نعقد المقارنه والفائده المرتجاه من الناحية الأقتصادية والضمانات الإجتماعية بتحدد الأتجاه ............
التحية لعصمت أحمد محمد عبدالرحمن البربري وصديقنا محمد أحمد محمد عبدالرحمن البربري وبالأمس كان لنا أتصال عبر شقيقي سمير مع السوداني
الأغريقي بول بانيوتي كريازيس القامة الأمتدادية العريقة عراقة الحضارة اليونانية وتحية لكل من زكرت من أبناء المتفرده
والصورة ياأبوأحميد للأخ الفاضل محمد سابل الرجل الرائع الذي جمعني معه العمل العام بنادي الأمتداد في إدارة واحده ومعنا الأستاذ عبدالغفار محمد
سعيد وعديدين من الأخوة الأعزاء الوٌد موصول لهم وميرغني أبوقيقه الطرفه التي تمشي علي قدمين .
،،،،أبوقصى،،،،
،،،،أبوقصى،،،،
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
خبر تلقيته الآن أليم ومحزن ولا نملك إلا أن نتضرع للمولي عز وجل أن يتقبله قبول حسنٌ
أنتقل إلي ربه منذ لحظات الريس جعفر عبدون القامة الأمتدادية السامقه وهم الآن بمقابر الصحافة يواري مثواه الآخير أن لله وأن إلية راجعون
اللهم اغفر له وأرحمه
وعافه واعف عنه.. واكرم نزله ..
ووسع مدخله.. واغسله بالماء والثلج والبرد..
ونقه من الذنوب والخطايا كما ينقى الثوب الأبيض..
اللهم جازه بالحسنات إحسانا.. وبالسيئات عفواً وغفرانا..
اللهم أنزل على قبره الضياء والنور.. والفسحة والفرح والسرور..
اللهم أنزل عليه بردا وسلاما..
اللهم انقله برحمتك من ضيق اللحود والقبور..
إلى سعة الدور والقصور.. في سدر مخضود..
وطلح منضود.. وظل ممدود.. وماء مسكوب..
وفاكهة كثيرة.. لا مقطوعة ولا ممنوعة.. وفرش مرفوعة ..
اللهم لا تحرمنا اجره ولا تفتنا بعده واغفر لنا وله ....
اللهم اجعل قبره روضة من رياض الجنة ..
اللهم بيض وجهه.. ويمّن كتابه.. ويسر حسابه..
وليّن ترابه.. وطيب ثراه.. وثبته على الصراط..
اللهم اجعله يمر على الصراط كالبرق الخاطف..
اللهم اظله تحت ظل عرشك..
يوم لاظل إلاّ ظلك ولا باقٍ إلاّ وجهك..
ولا تحرمه النظر إلى وجهك الكريم.. والشوق إلى لقائك..
اللهم احشره تحت لواء نبيك محمد صلى الله عليه وسلم..
واسقه من يده الشريفة الطاهرة.. شربة هنيئة مريئة..
لايظمأ بعدها أبدا.. وبلغه شفاعة الحبيب المصطفى..
اللهم اجعل القرآن العظيم شفيعا له في قبره..
وشاهدا له في الآخرة.. وحجة له يا رب العالمين..
اللهم اجعله من السبعين ألفا الذين يدخلون الجنة بغير حساب..
اللهم اسكنه في الفردوس الأعلى من الجنة مع نبينا
و حبيبنا محمد صلى الله عليه وسلم..
اللهم اسكنه في قصورها.. واسقه من أنهارها.. وأطعمه من ثمارها..
اللهم اخرجه من ذنوبه كيوم ولدتها أمه.. واعتق رقبته من النار..
اللهم اقض عنه كل دين..
اللهم أبدله دارا خيرا من داره ..
وصحبا خير من صحبه .. ..
واجعل له من بعده صدقة جارية .. وعلم ينتفع به ..
واجمعنا به في الفردوس الأعلى من الجنة ..
برحمتك يا أرحم الراحمين ..
يا أرحم الراحمين .. يا أرحم الراحمين ..
وصلى الله وسلم على سيدنا محمد خاتم النبيين والمرسلين
وانا لله وانا اليه راجعون,,,,
عزاؤنا إلي أسرته ولشقيقه فتاح عبدون والأمتداد قاطبة.
،،،،أبوقصى،،،،
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عبدالحليم حامد النعيم)
|
الهم ارحم الاب الامتدادى والرياضى الكبير
الذى قدم للحى الكثير فى كل المجالات
خالص التعازى لكل اهلة وناس الامتداد ومربع واحد تحديدا
اللهم اغفر له وأرحمه
وعافه واعف عنه.. واكرم نزله ..
ووسع مدخله.. واغسله بالماء والثلج والبرد..
ونقه من الذنوب والخطايا كما ينقى الثوب الأبيض..
اللهم جازه بالحسنات إحسانا.. وبالسيئات عفواً وغفرانا..
اللهم أنزل على قبره الضياء والنور.. والفسحة والفرح والسرور..
اللهم أنزل عليه بردا وسلاما..
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
سلامات يا ناس الامتداد
شنو يا جماعة الحكومة الحاصل فيها شنو
الواحد ليهو زمن خارج الشبكة
ويا عماد الحصل عليك شنو الظاهر الجماعة
هرشوك ابوقصي ليك وحشة والله
دخلنا الشبكة خلاص يا عمدي نهي انقلابات كي هي
خارج النص
طارق اخوي في واحدة قريبتنا شديد جدا
قالت ليك النبي فوقك تكمل قصة عوض
وح ترسل ليك ايمل اوكي
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: ناصر جبريل)
|
Quote: ويا عماد الحصل عليك شنو الظاهر الجماعة هرشوك |
الاشارة مفهومة ياريس .. الظل متحرك ... والشمس ح تغيب والقمر سيظهر بعد حين ....
مرحبتين بلدنا حبابا أهلاً بالقائد المغوار ، أهلاً بالزعيم والريس القادم . سير سيدي ونحن من خلفك نسير .... Quote: دخلنا الشبكة خلاص يا عمدي نهي انقلابات كي هي |
مفهووووم يا ريس ، العصفور دخل العش والشرك قبض ... مودتي عماد زوغان :مالك يا تيتاوي بتحمر لي كده ... مش كاسترو مشى وولى الخلافة لأخوه ... أها نحن ذي كولمبيا كده زعيمنا كبر ومرضه كتر وقررنا نجيب أخوه .
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بابكر التوم)
|
*قدرة عاد القدور مقاسات ياأخوي !!
نحن فرحنا ليكم بالداية والولاده أم أربعه بس كما النجوم دي متلآلاءه بأمر أفريقي عظيم وقطعا هي الأكثر تألقا مبروووكين كل الهلالاب الأحباب من أستاذ عبدالغفار محمد سعيد مرورا بك وأحمد وتيتاوي اللذيذ وشايف غناك دلوكتوا ضاربه وكع وكل هلالي أمتدادي بالداخل والخارج ومزيد من الأفراح الرياضية ونهدي هذا الأنتصار لروح فقيد الرياضة جعفر عبدون الذي تعلمنا منه العمل الرياضي بالرابطة ثم أنتقلنا سويا إلي الصرح الكبير نادي الأمتداد ولن ننسي بأنك أهديتنا أجمل الأيام تلك وفتحت لنا قلبك وبيتك وكان العهد بك أنك إمتدادي كبير الآ رحمه الله رحمة واسع ووسع مرقده وظلل جنته بعبير الوفاء .
،،،،أبوقصى،،،،
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بابكر التوم)
|
Quote: طبعا انتوا فردا فردا عشان بتتعدوا بالاصابع وكدا |
حاقد ، نسيت كمان أبو قصي ، د. حاتم و .... ، أكمل ولا مافي داعي .
قال سيد البلد قال ، يسد نفسك يا حاقد سيادها بي وين ؟!!! جبتوا ليها شنو علشان تتسيدوها . إنتو كاس برينجي ما جبتوهوا ليها كمان بتتفاصح .
مودتي لك يا هلالابي يا فشنك .
عماد
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بابكر التوم)
|
الحبيب قايدنا العمدة Quote: مالك يا تيتاوي بتحمر لي كده ... مش كاسترو مشى وولى الخلافة لأخوه ... أها نحن ذي كولمبيا كده زعيمنا كبر ومرضه كتر وقررنا نجيب أخوه . |
سلامة العودة للعزيز ناصر جبريل بعد طول غياب ياعماد محمود كاسترو ما فكا الرئاسة الا بعد دقة الدلجة ووقع فى الواطة عديل قدام الناس دحين ياخوى الريس طارق لسه بخيرو وشباب بس المكنة خفت شوية
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عامر تيتاوى)
|
الهم ارحم الاب الامتدادى والرياضى الكبير
الذى قدم للحى الكثير فى كل المجالات
خالص التعازى لكل اهلة وناس الامتداد
اللهم اغفر له وأرحمه
وعافه واعف عنه.. واكرم نزله ..
ووسع مدخله.. واغسله بالماء والثلج والبرد..
ونقه من الذنوب والخطايا كما ينقى الثوب الأبيض..
اللهم جازه بالحسنات إحسانا.. وبالسيئات عفواً وغفرانا..
اللهم أنزل على قبره الضياء والنور.. والفسحة والفرح والسرور..
اللهم أنزل عليه بردا وسلاما..
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عامر تيتاوى)
|
تيتايا جمييييييل كيفك .
Quote: كاسترو ما فكا الرئاسة الا بعد دقة الدلجة ووقع فى الواطة عديل قدام الناس |
أها الوريس ده أكثر من كده يدق الوااااطة كيفن يعني يدخل تحتها ولا شنو ؟! Quote: سلامة العودة للعزيز ناصر جبريل بعد طول غياب |
أها أساله كان وييييييين !!!
Quote: دحين ياخوى الريس طارق لسه بخيرو وشباب بس المكنة خفت شوية |
أها وشهد شاهد من أهلها . شفت كيف أها قلنا ولطالما المكنة خفت وحفاظاً على وحدة الجيش وسلامة الحكومة وقبل ما مكنته تجيب زيييت أها النغيرة بي أخوه علشان يكون برضه زيتنا في بيتنا . أها كده كيف .
مودتي يا عسل
الفريق ركن
عماد الدين محمود علي
القائد العام لقوات شعب الامتداد المسلحة .
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
Quote: دحين ياخوى الريس طارق لسه بخيرو وشباب بس المكنة خفت شوية |
حبيبنا تيتاوي وحاتك المكنة بتاعة قندران بس لكن عايزة نغير ليها المغنيتا
بعد ما تبوظ لي حبينا وقائدنا عماد خطته هو بس عايز يعرف الطابور الخامس وين عشان يحسمهم
بعدين ياخي سري دة ما فاضي لي معارضة الراجل ماسك البزازة لي بتنا ربيكا الله يجفظها شفت كيف يا حبيب
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
تحياتي واشواقي للاخ الحبيب
محمد صالح البربري مربع 4 (جوار ميدان الردستار)
ضربنا وانطربنابي فته فول (بوش) كاربة انا وعاطف قباني.طبعا عاطف احسن من يدنكل
صحن الفته ...
وهاك ياياامتداد دخلنا شارع شارع وبقينا نتذكر في الطرائف ...
بالله ياابوقصي شوف لينا جومو ده مشي وين؟؟؟؟
حمدالله علي السلامة ياناصر ليك مده ما بنت ونحن في اشتياق لي طلتك..
لكم كل الحب ارقدوا عافيه
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
تحيه من القلب الي كل اهلنا في الامتداد الحبيب
دعوه عامه
تسر لجنة تسيير رابطه ابناء امتداد الدرجه الثالثة بالمهجر (فرع المملكة العربية السعودية
الي كل الامتدادب بالرياض وجميع مدن المملكة وكل الاشخاص الذين لهم صله من قريب او من بعيد
بالامتداد لحضور اليوم (الاسري ) المقام يوم الخميس الموافق 1/5/2008 م
المكان استراحة( شهد ) بالشفاء , وعلي الجميع الحرص علي الحضور
يحي الحفل الفنان المبدع الرشيد البراري وكوكبه من الفنانين
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بكرى الخليفة الكتيابى)
|
كع
Quote: قال سيد البلد قال ، يسد نفسك يا حاقد سيادها بي وين ؟!!! جبتوا ليها شنو علشان تتسيدوها . إنتو كاس برينجي ما جبتوهوا ليها كمان بتتفاصح .
مودتي لك يا هلالابي يا فشنك .
|
طلعت صهيونى كبير والله ما قاليك كدا
بالجد ما خايلة عليك .
يازول ها البلد كلنا اسيادها
تعيشوا وتجيبوا كاسات ال(....) بتاعتكم ديك اصلها ما لازمانها
ياكاس بالجدد يا بلاش
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
يقدرة سلامات يا حبا ابسنينه يضحك علي لبسنينتين انتو كاساتكم اليها اكتر من 20 سنه كرهتونا بيها..(عاملة زي عدة الصيني ) رجعوها من محل ما جبتوها لانها فقدت بريقاو خلااااااااااااص عليك النبي احسي لو مافي واحد سالك الكاسات دي جبتوها متين حتقول ليهو شنو؟؟؟ يا خي حرام عليكم....... بس رايك؟؟؟؟؟
بي الحبوبة دي ح نسمع بعد شويه كدا... اغنية في العرضه رجعو يعزبونا
ــــــــــــــــــــ
انت عارف سندباد ده هلالابي.ولا ما عارف؟؟؟؟
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عامر تيتاوى)
|
ا
تيتا!! أنت الهلالاب ديل مالم مخلوعين حتي بعد الأنتصار كع أنزل محطة البراميل فاتت تاني أركب زلط عشان تقاصد المركز الصحي وبتلاقي صلاح مليشيا والسندباد (الباقر).
الله لي هلالي مالو ماظهر الليلة ياربي السنتين ديل بكاسات سهر الجداد ولا كيف؟؟؟؟ كع بكرة الليلة الأمتدادية وثقوها سي دي ونسختي بدري تجني بالدي أتش ال
مودتي الخالصة لكل القبيلة 14 مربع.
،،،،أبوقصى،،،،
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
العمده ود شمت عماد الحبيب
سلام ياصحبي وتفقدك للأحباب أفضي عليً بأتصال لا أحسبه شوق فقط بل شريان من الجمال الأمتدادي العتيق وطرفه قامة أمتدادية غاية في الروعة وبل شلال عشق متدفق إجتماعيا (هو من سألت عنه بالأمس جومو الرياضي الأجتماعي ومنه ننهل ثقافة اللعبه الحلوه). هذا الصوت الذي أرجعني بالأمتداد أيام زمان ومكانه الجمال وعطره ربوع مربعاته العظام لك ودي وشوقي وجزيل شكري علي مهاتفتك التي صابحتني وعليها يوما سرمديا أحسبه نهر من لؤلؤة منثور فصوص عشقه ردحا من الأزمنه وجماله المكان الذي جمعنا كواكب تتفرد كل ماشتلوها بأرض المهاجر تجتر الزكري وأياما لا يخبؤ ضياء البريق عندها وتقف شاهده لمساحة من صافي الوٌد والوصال شكرا الأخ الجميل أحمد جمعه (جومو) وعبرك نرسل أذهار الشوق لأرض الأمتداد وكل الأحباب الذين فقدنا رحيقهم زمنا طويلا ونسأل الله أن يرد غربتنا ونسعد بقرب الأحباب بالوطن الأمتداد . ومن عظمة المحادثه أسترجعتٌ شريط للزكري لاينقطع سلسبيله العذب وهو ممسك بطرف الخيط الذي يجمعنا محبه ،كن بخير الدنيا ونعيمها أخي أحمد جمعه. وأكيد سوف نتواصل معا عبر كل الوسائل المتاحه من الأتصال وكفاني بصوتك اليوم زكري وزكري.
،،،،أبوقصى،،،،
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
.. . صباح بنكهة الموز ان شاء الله يا ايها الامتداديون .. دوما سالمون .. آمنون .. ومبسوطون .. عبور فى سبيل تقديم فروض الولاء والطاعة والشكر الجميل
__________________
الزول ابوعيون كحيلة ما جا ماري بهنا !؟؟ ( ابتسامة تشبه تلك المرسومة على وجه امتدادى اراه كل صباح )
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: Tabaldina)
|
Quote: صباح بنكهة الموز ان شاء الله يا ايها الامتداديون .. دوما سالمون .. آمنون .. ومبسوطون .. عبور فى سبيل تقديم فروض الولاء والطاعة والشكر الجميل |
تبلدينا ياعزيز يا غالي ،،، صباحك بنكهة القهوة وطعم الفراولة ...
مشرف ومآنس ، وزارتنا البركة وحلت بحينا البشاير ... كون دوماً معنا ياحبيب .
تمريرة : ياريس طارق أنا بشوف عقد إجتماع طارئ كده لضم تبلدينا ده في حكومتنا الرشيدة قبل أن تخطفه أيادي المعارضة السوداء ، اصله شايف ود الجمري خاشي معاه إيميلات وماسنجرات سااااكت ، أها عجل يا ريس .
الفريق ركن عماد الدين محمود علي وزير الدفاع والطيران والمفتش العام والقائد العام لقوات الشعب الامتدادية المسحلة
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
تبلدينا صباحك كما تشتهي ... ياحبا
Quote: صباح بنكهة الموز ان شاء الله يا ايها الامتداديون .. دوما سالمون .. آمنون .. ومبسوطون .. عبور فى سبيل تقديم فروض الولاء والطاعة والشكر الجميل |
يا خي زارتنا الملائكه يا مان ـــــــــــــــــ ماتغيب يا حبا
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
Quote: صباح بنكهة الموز ان شاء الله يا ايها الامتداديون .. دوما سالمون .. آمنون .. ومبسوطون .. عبور فى سبيل تقديم فروض الولاء والطاعة والشكر الجميل
__________________
الزول ابوعيون كحيلة ما جا ماري بهنا !؟؟ ( ابتسامة تشبه تلك المرسومة على وجه امتدادى اراه كل صباح ) |
حبيبنا تبلدينا ياخي انت لسة ما عايز تعرس
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
سلام لكل الاحباب
تعودنا دائما اذا كان هنالك عمل جاد يخدم مصلحة الامتداد كل الناس تغض عنه البصر
واذا كان هنالك ونسه وحكومه وركن جحا تلقي كل الناس تدافعة اليه من كل صوب
اكيد نحنا غلطانين في طرحنا تجاه الامتداد الوطن ,,,,,,, وهذا الموقع بمثابة ماسنجر للونسه
والهظار ليس للعمل الجاد ولا لخدمة الامتداد .
لقد اعلنا هنالك يوم اسري تقيمه رابطة الامتداد بالمملكه العربية السعودية ولا حد عبرنا
وقال لنا ماهو هدفكم من تكوين الرابطه ومامعنا ان تقام ايام اسرية .
* هدفنا من تكوين الرابطه وقيام الايام الاسريه ,,, توحيد صف الاسره الواحده وجمع اكبر عدد من كمية
الاسر والشباب الموجوده داخل المملكه .
* هدفنا من تكوين الرابطه بعد ان تكتمل العضوية وتاسيس الرابطه خدمه اهل الامتداد
* هدفنا في تكوين الرابطه هو عمل صندوق خيري للاسر المحتاجه في الامتداد
* هدفنا من تكوين الرابطه هو عمل مشاريع خيريه في منطقة الامتداد
* هدفنا في تكوين الرابطه هو النهوض بتيم الامتداد الي ان يصل الممتاز
كان بامكاننا ان نعلن ان هنالك يوم مفتوح ونفتح له بوست خاص في المنير العام, لكن راينا ان
كل شي يخص الامتداد مفروض ان يكتب هنا في بوست الامتداد , وراينا ان يكون طرحنا هذا ملك لكل امتدادي
وكل غيور علي مصلحة الامتداد لكي تكون المشاركات والمساهمات ليس اختصار علي اهل الامتداد المتواجدون
في المملكه بل علي كل امتدادي تهمه مصلحه الامتداد واهله .
هذا راي شخصي , واختلاف الاراء لايفسد للود قضية , وشخصيا اكن لكل الامتدادب وكل شخص ينتمي للامتداد
كل التقدير والاحترام , ولكم مني جميعا العتيه حتي ترضو .
ياتيتا انا مالي ومال الهم ده اخير اشوف سبيل القصيم حقي ده وانوم معاه نوم (بلا رابطه بلا هم )
(عدل بواسطة بدرالدين يعقوب on 04-30-2008, 03:01 PM)
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
يدرالدين يعقوب
Quote: ياتيتا انا مالي ومال الهم ده اخير اشوف سبيل القصيم حقي ده وانوم معاه نوم (بلا رابطه بلا هم ) |
يا بدر الدين طول بالك شويه يا مان اكيد الناس دي مشغولة شويه بعدين يافردة ناس الرياض هم قايمين بالموضع اما الناس الخارج المملكه لهم عزرهم لو ماشاركو براهم يازول انت الظاهر عليك القصيم دي عملت فيك عمايل قوم اتفكفك
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عبدالله كع)
|
Quote: كل شي يخص الامتداد مفروض ان يكتب هنا في بوست الامتداد , وراينا ان يكون طرحنا هذا ملك لكل امتدادي
وكل غيور علي مصلحة الامتداد لكي تكون المشاركات والمساهمات ليس اختصار علي اهل الامتداد المتواجدون
في المملكه بل علي كل امتدادي تهمه مصلحه الامتداد واهله .
هذا راي شخصي , واختلاف الاراء لايفسد للود قضية , وشخصيا اكن لكل الامتدادب وكل شخص ينتمي للامتداد
كل التقدير والاحترام |
ده كلام مافيهو أي عوجه يدك العافية أخوي بدر الدين بس كمان العمل العام له مايتطلبه من سعه في النفس الطويل وكل ماهو جميل باق أن شاء الله وكل جاد حبابوا ألف وألفين وسيروا ونحن أهل جده من خلف هذا الكيان الوطن المتفرد بك وبأمثالك من الحلوين دوما تجدنا دعم وسند وعضد لكل شبر تخطه خطاكم ،،،،أبوقصى،،،،
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عبدالله كع)
|
Quote: يا بدر الدين طول بالك شويه يا مان اكيد الناس دي مشغولة شويه بعدين يافردة ناس الرياض هم قايمين بالموضع اما الناس الخارج المملكه لهم عزرهم لو ماشاركو براهم يازول انت الظاهر عليك القصيم دي عملت فيك عمايل قوم اتفكفك |
الحبيب كع ياخ اصحي للون وبطل الدقسه ياحبا , مثل ماقال ليك بابكر قدره العتب علي النظر يامان
ارقد عافيه وبطل الدقسه يافرده
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: محمد عبد الماجد الصايم)
|
بدر الدين يعقوب
Quote: اكيد نحنا غلطانين في طرحنا تجاه الامتداد الوطن ,,,,,,, وهذا الموقع بمثابة ماسنجر للونسه
والهظار ليس للعمل الجاد ولا لخدمة الامتداد .
|
اكيد ما غلطان فى الطرح ولكن كما نعلم بانة لديكم لجنة تنفيذية ولديها
برنامجها وانتم لجنة وليدة بدات باسنانها ونحن لجد نفتخر بكم وبشفافيتكم
العالية وبدايتكم موفقة جدا وبالذات فى مجال العمل الاجتماعى الذى هو اساس
النجاح وفقكم الله وثق بان الجميع خلفكم ولا ازيد على ابوقصى واتفق معة تماما
كع
العتب على النظر الظاهر النظارة محتاجة تكون قعر كباية
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بابكر التوم)
|
الاعزاء مجدي وقدره
انتم مابرضكم حبايبنا والحنان الفي قلوبنا اصلو نابع من عيونكم والمحبه الانتو لو مافيها
ماكانت محبه كل اشواقنا ومشاعرناواحاسيسنا النبيله انتم الاهديتوها لينا كيف نضيع احلي ما
اهديتو ياغالين .
مشكورين علي تفهمكم موقفنا وشفافيتنا التي لم ولن نوجها تجاه شخص بعينه انما هي في المقام
الاول لمصلحة ومساعدة اهلنا في ربوع الامتداد الحبيب .
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بدرالدين يعقوب)
|
ناس الامتداد الحلوين سلام بدرالدين شنو يالحبيب روق ده العمل العام كدة واللة يابدر الايام دي شغال16 ساعه في اليوم لكن برضو برجع ا دخل النت عشان اسعد بي طلتكم واعرف اخباركم الحبيب الغالي امير شنو بخلت علي الامتداد بكتاباتك الرايعه معي انو انت اكرم من مشي علي الارض بدر زي ماقال الريس حدد لينا وتجدنا تحت الامر
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
ودالخليفة واحشنا موت
ده نحنا البنسعد بطلتك ياجميل لمن نشوف كتاباتك ونسمع عنك كل خير
نتعلم ونستفيد منكم لا تبخلو علينا بما هو مفيد
رد الله غربتك وجعلك موفور الصحه بين اهلك وعشيرك
دي المحريه فيكم وانني علي يقين بانكم اهل لكل ماهو فيه خير للامتداد
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
Quote: اكيد نحنا غلطانين في طرحنا تجاه الامتداد الوطن ,,,,,,, وهذا الموقع بمثابة ماسنجر للونسه
والهظار ليس للعمل الجاد ولا لخدمة الامتداد .
|
الاخ بدر الدين
ايه الكلام الكبير دا انت يادوب في بداية تكوين الرابطة
خلي بالك طويل وشيل الصبر وانشاء الله ما يحصل الا كل خير
وزي ما قال الاخ طارق انت حدد التزامات الرابطة شنو وانشاء الله
ناس الامتداد كلهم بكونوا جاهزين وحاضرين.
ومن علي البعد بنتمنا ليكم يوم اسري سعيد وانشاء الجميع يكونوا حاضرين
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: نسرين جمال)
|
بدرينا سلامات ياحبيب ياقلب نحنا معاكم من على البعد وننظر الى عملكم بتقدير كبير ومحبة بل نتمنى ان لو كنا فى رياضكم العامرة حتى ننعم بمثل اللقاءات الجميلة والمؤنسة التى تقيمونها ونفرح بها ويابدور واصل كفاحك ونحن تحت الامر والطلب لو تعبت اقيف واشرب من سبيل سبعة وتلتين
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: نسرين جمال)
|
بنتنا نسرين جمال
Quote: ايه الكلام الكبير دا انت يادوب في بداية تكوين الرابطة
خلي بالك طويل وشيل الصبر وانشاء الله ما يحصل الا كل خير
وزي ما قال الاخ طارق انت حدد التزامات الرابطة شنو وانشاء الله
ناس الامتداد كلهم بكونوا جاهزين وحاضرين. |
لا كبير ولا حاجه ونحنا في قامسنا لا شي يعلو فوق مصلحة الامتداد
نحنا ماعايزين طارق لوحده يقول نحنا عايز ناس الامتداد كلهم يقولو
مشكوره علي المشاركة وناس ياسر وعاطف مامقصرين
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
بدر البدور صباحك كما تحب
Quote: دائما رابطة ابناء الامتداد في المهجر فرع الرياض , يعني عشان ماتكبو الزوقة من المساهمات التي تكون للدعم في المنطقة . |
اولا ياعزيزي ..الرابطة دي تحمل اسم الامتداد اذن المصلحه الاولي للامتداد الحي من 1- 14 ثانيا يا حبا .. الرابطة في الرياض وبكل اصراحه ناس الرياض هم ح يسفيدوامنها قبل الناس الموجودة في اي مكان في الدنياوذلك من خلال الايام المفتوحه والجمعيات (الصندوق) واللمه حقت الناس في الفراح والاتراح . ثالثا يا مان و ده الاهم وصدقني يابدر في ناس من حبهم للامتداد بتمنوا ان يكون فيه مقابر......فهمتها اكيد وعشان اوريك في ناس بتعشق الحي المتفرد .. عمك المرحوم عوض حامد الجمري ازكر تماما رحل اركويت الي حين يكتمل منزلة في الحي الراقي ويرجع الي احضان اهلة وعشيرته الامتداديه وكان بامكانه ان يعمر في اي مكان راقي في الخرطوم. ايضا من مربع 8 العم المرحوم عبد العزيز ابوشامه الامتداد الغيور شيد فيلاته في الامتداد حبا فيه وكان بامكانه ان يعمرها في اي مكان تجاري في الخرطوم ولكن حبه للمنطقه وناسها . والكلام ده انا سمعته منه شخصيا وقبل يومين كلامني سيف الاسلام من مربع 14 ليهو اكتر من عشرين سنه خارج السودان وبي نفس الفهم حق عبدالعزيز ابوشامه شيد فيلا راقيه وهذا ليس للحصر يا مان ...... اكيد في ناس عملو اشياء للامتداد كلو بكل تجرد ونكران ذات ... يعني يا بدر البدرو مافي زول من ناس الامتدادح يكبر اللفه. لايبخل عليك براي اوافكرة اواي نوع امن انواع الدعم يا حبا. اقرب مثال ليك الناس دي اول ما قلته لمه و رابطة جوك جري يا مان والناس الماوصلتهم الدعوة زعلانين لانهم حرمو من المشاركة لرفعة الامتداد. تقولي شنو وتقولي منو.... يا بشنب
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
Quote: بدرينا سلامات ياحبيب ياقلب نحنا معاكم من على البعد وننظر الى عملكم بتقدير كبير ومحبة بل نتمنى ان لو كنا فى رياضكم العامرة حتى ننعم بمثل اللقاءات الجميلة والمؤنسة التى تقيمونها ونفرح بها ويابدور واصل كفاحك ونحن تحت الامر والطلب لو تعبت اقيف واشرب من سبيل سبعة وتلتين |
تسلم ياعمري ياغالي , نحنا الماعندنا حظ لرحيلكم عن الرياض قبل قدومنا اليها
انتم الساس وانتم الراس ياقامه امتداديه شامخة , منكم وبكم ننهل ونستفيد
ياراجل انت واسرتكم الطيبه الكرم بحاله , عطاكم مقدر للامتداد واهله
ياخ بكري الخليفة اي سبيل في الخرطوم شربنا منه واخر سبيل كان سبيل طحنون
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
كعكوعي الجميل
Quote: اولا ياعزيزي ..الرابطة دي تحمل اسم الامتداد اذن المصلحه الاولي للامتداد الحي من 1- 14 ثانيا يا حبا .. الرابطة في الرياض وبكل اصراحه ناس الرياض هم ح يسفيدوامنها قبل الناس الموجودة في اي مكان في الدنياوذلك من خلال الايام المفتوحه والجمعيات (الصندوق) واللمه حقت الناس في الفراح والاتراح . ثالثا يا مان و ده الاهم وصدقني يابدر في ناس من حبهم للامتداد بتمنوا ان يكون فيه مقابر |
كع ياحبا لكين ده ماعزاب ,,,,,,,, مقدر ومتفهم حبكم وعطايكم الذي لا تحده حدود للامتداد
شكرا لابهاتنا وامهاتنا تغمدهم الله بواسع رحمته وجعلهم مع الصديقين والشهداء ,, لحبهم
وغرسهم فينا حب الامتداد. ( شوف المان ده ياقدره )
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
سلام احبائي ,, اهل الحي المتفرد
واعذروني للغياب الطويل وذلك لظروف كتيرة ومنها العمل الميداني
كما اتقدم بالتعزية لكل من فقد عزيز (( اللهم اجعلهم في جناتك العليا ))
كما ارحب بكل بالأعضاء الجدد وعلي رأسهم الزعيم مولانا بكري الخليفة ,, شوق شديد يابكري
نجي لاخونا بدر الدين
طول بالك ذي ما قالو الأخوان ,, كل عمل كبير بيبدأ بصعوبات لكن مع العزيمة كل شي بتحقق ,,
بس المهم الإستمرار حتي ولو بلقاءات غير رسمية بتدفع العمل لقدام ,, مع تنوع البرامج والأماكن,,
من برامج رياضيه, لبرماج ثقافيه, لبرامج اسريه ,,, المهم نحن من خلفكم وجاهزين لخدمة الحي الوطن
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: حاتم حمدتو رجب)
|
ياحاتم
مرحب العودة ...والعود أحمد ان شاءالله
صدقني غنيننا (يالرحت طولت الغياب ) للكثير وانت منهم كذلك الايام الحلوة....
كن بخير ياحاتم ومرة مرة تاوق .... زينا كدة
لا النّفس ولا اللياقة ولا العمل بخلينا ..نجاري..
زي ما قال المدرب رمضان مرحوم (رحمةالله عليه)
نص شوط ..و وشقة من الوسط وشووتة في العارضة
وانت في الكشف كل موسم وبعيد من الشطب.
يالا ادينا شقة من شقات او واحدة من شوتاتك ( الزكريات معين لاينضب)
التحية ليك والاسرة
معتصم العربي
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: حاتم حمدتو رجب)
|
بدر الدين يعقوب
كما قال الكبير فيصل(كبر مقام )
Quote: يا جماعة ساعدوا بدر الدين يعقوب
لتكريب العمل
و يابدر الين الشغل الجيد عاوز وقت و عزيمة
المشوار صعب و لكن يمكن تحقيقة |
طبعا المال هو الركيزة لانجاح العمل الذى نصبوا الية اتمنى تفعيل اقتراح الاخ
طارق جبريل ويكون فى صندوق خيرى مقرة بالسعودية والرياض بالتحديد لوجود تنظيم
موجود(الرابطة كنواة) ومنفصل عن عن مالية الرابطة وميزانية نشاطاطتها المحلية
ولكن يدار من خلال لجنتها لانهم اقرب وسهولة التوصيل للسودان عبر الاليات المعروفة
واقترح بدفع مبلغ من الجميع فى البدء كمساهمة لاتقل عن 50 ولاتزيد عن 100 دولار
لعمل الميزانية بالصندوق وثم يكون مبلغ 5 دولار شهرى يجمع من كل الافراد كل فى بلدة
وترسل مجتمعة كل 3 أو 6شهور . واتمنى مناقشة الامر ومحاولة تفعيلة بسرعة
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
دكتور حاتم
Quote: نجي لاخونا بدر الدين
طول بالك ذي ما قالو الأخوان ,, كل عمل كبير بيبدأ بصعوبات لكن مع العزيمة كل شي بتحقق ,,
بس المهم الإستمرار حتي ولو بلقاءات غير رسمية بتدفع العمل لقدام ,, مع تنوع البرامج والأماكن,,
من برامج رياضيه, لبرماج ثقافيه, لبرامج اسريه ,,, المهم نحن من خلفكم وجاهزين لخدمة الحي الوط |
مرحب بالعزيز واخو الاخوان حاتم حمدتو انتو ما اهل الحاره وانتم مايكم الاصل وانتم مايكم اهل
الوجعة, نحن ضيف عندكم منك نستمد القوة و الدرايه والمعرفه ياشرف اهل الامتداد وعزها ومفخرتها
عرفنكم شيالين تقيله وما بتقصرو يديكم العافيه .
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بدرالدين يعقوب)
|
مليون سلام الاخوان كع, بابكر التوم عينى باردة قمة النشاط بدرالدين يعقوب اقتراح بابكر التوم اقتراح عملى يعنى مشاركة الناس معاكم من خارج السعودية وفى انتظاركم.
معتصم العربى بركة الطلة.... ابقى ظاهر... وماتختفى فى انتظار صاحبنا اليومين ديل.
بكرى الخليفة رجعتة الجمعية التاسيسية تانى شغال ترفع فى البوست منتظرين كتاباتك .
احمــد خضــر
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بكرى الخليفة الكتيابى)
|
يوم عظيم فعلا ياود جبرين ناس الامتداد الحلوين كبار وصغار متلمين معتصم العربى دكتور حاتم بكرى الخليفة وبدر الدين وبابكر وود خدر وكعكوعى الجميل وكل الامتداداب الطيبين ياسلللللللللللام عليكم تصدق يادكتور حاتم انتا وبكرى الخليفة شهيتونى فى الجمعة دى جلسة تحت شجرتكم النيمة الوريفة اشواقى كتيييييييرة لكل اهلى الامتداداب الطيبين وجمعة مباركة ويارب تامين ولامين دائما
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
Quote: لو تعبت اقيف واشرب من سبيل سبعة وتلتين |
قصدك (ثبعة وتلتين) يا عامر؟!
Quote: عمك المرحوم عوض حامد الجمري ازكر تمامارحل اركويت الى حين ان يكتمل منلة في الحي الراقي |
كعاكيعو .. والله مرات كنا بنصحى الصباح نلقاهو مافيش نسأل عنو يقولو طلع بي جاي قبييييل ولمن نجي الامتداد نلقاهو قاعد مع العمال ويقول جيت بي كرعي .. وبعد ده كلو جينا نحن بعنا البيت ورحلنا جبرة .. هل تصدق ؟؟؟؟؟؟؟؟؟؟؟!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟.
امير الجمري (الامتداد سابقاً) و (رابطة اصدقاء الامتداد حالياً)
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: امير عوض الجمري)
|
افو يابدرالدين ..نحن في بداية طريقنا ليه تقول لي مستحيل ,,,,
مافي مستحيل مع العمل العام لان الجهود بتتضافر ..بس دائما في وقفات وعترات عشان تصلح
المشي ..ذي ماقلت ليك يابدر العمل العام شاق وممكن تلاقي اشياء كتيرة تعترك وتعكرك
لكن في النهاية ما يصح الا الصحيح ,,
انا ما عارف انتوا عندكم لجنة ام لا ..؟؟
وهل وزعتم المهام في ما بينكم علي حسب الموقع الجغرافي للاعضاء ...؟؟
بالنسبة للماليه يفترض فتح حساب في اي من البنوك علي شرط ان يكون البنك سهل التعامل
مع كل الاعضاء في كل بقاع الارض,,
طريقة الصرف علي الاقل بأمضاء 2 من الاعضاء امين المال والريئس مثلا ,,
الرئيس,شرفي . امين عام الرابطه ..المسؤل الاعلامي ..امين المال ..بعد ذلك مسؤل المرأة
(مفروض تكون من النساء)
ممكن عمل لجان في مناطق مختلفه لتسيير العمل و تسهيل عمل الرابطة ..
واقترح تخفيض المبلغ ذي ماقال الريس من 5 لـ10 دولارات شهريا كبداية, وفتح باب التبرعات
بدر ياهميم خلي نفسك بارد ..
بكري الخليفه خفت من حسين ماكس !!!!
لكم حبي وكل ودادي
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عماد شمت)
|
حضور كبير بقامات عالية وسرني هذا التفاعل الضخم من أخوانا الكبار ورواد في العمل العام والرياضي والأجتماعي
فيصل خليل، د.حاتم حمتو، معتصم عبدالرحيم العربي، أحمد خضر ،بكري الخليفة ، بابكر التوم، عماد عويس، د.طارق جبريل ،أمير الجمري،بدرالدين يعقوب، عبدالله كع، وأختنا نسرين تواجد مستمر وهمه عالية بشؤن الأمتداد الله يديكم العافية . ونحن مع كل الأفكار التي تصَب في الحي الأربعتاشري الرائع وجيوبنا قبل عقولنا في كل مايحسن من البيئة الأمتدادية الحبيبة وكما أورد يجب أن تكون هناك صندوقان صندوق للعمل بالداخل ونقترح أن يكون حساب الأخ عبدالغفار محمد سعيد محوره وصندوق آخر لعمل اللجنة بالرياض وتكون محركة أشتراكات العضوية هناك للعمل الأجتماعي والثقافي وكل منطقة فيها تجمع كبير تعمل لها أيضا آلية لقاء حتي لو كل 3شهور وتطرح فيها مواضيع تهم الأمتداد ثقافيا وإجتماعيا ورياضيا وأهم مافي الأمر اللجنة بالداخل بقيادة الأركان الهامه جومو ،وقيادة المسطبه آل تيتاوي صلاح وكمال ،وعوض عمر والفاضل سابل وبقية الكوكبه وعمل برامج كامل بأولويات حسب الأحتياج ولكم مودتي وحضور كامل في حضرة الأمتداد.
،،،،أبوقصى،،،،
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
الحبيب عماد عويس
Quote: افو يابدرالدين ..نحن في بداية طريقنا ليه تقول لي مستحيل ,,,,
مافي مستحيل مع العمل العام لان الجهود بتتضافر ..بس دائما في وقفات وعترات عشان تصلح
المشي ..ذي ماقلت ليك يابدر العمل العام شاق وممكن تلاقي اشياء كتيرة تعترك وتعكرك
لكن في النهاية ما يصح الا الصحيح ,,
انا ما عارف انتوا عندكم لجنة ام لا ..؟؟ |
فعلا مافي مستحيل معاكم انتو يااهلنا وياحبيبنا, لقد اخجلتم تواضعي وكنتم عند الموعد بكم رجال
وشباب لا تبخلون بالمال والنصح لنا لرفعة وشان هذا الحي المتفرد دمتم ودام حبكم وتواضعكم .
ياعويس ياراجل ياروعة وزززززززززززززززززز
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
قصدك (ثبعة وتلتين) يا عامر؟!
Quote: Quote: عمك المرحوم عوض حامد الجمري ازكر تمامارحل اركويت الى حين ان يكتمل منلة في الحي الراقي
كعاكيعو .. والله مرات كنا بنصحى الصباح نلقاهو مافيش نسأل عنو يقولو طلع بي جاي قبييييل ولمن نجي الامتداد نلقاهو قاعد مع العمال ويقول جيت بي كرعي .. وبعد ده كلو جينا نحن بعنا البيت ورحلنا جبرة .. هل تصدق ؟؟؟؟؟؟؟؟؟؟؟!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟.
امير الجمري (الامتداد سابقاً) و (رابطة اصدقاء الامتداد حالياً) |
الف رحمة ونور تنزل علي والدنا ووالد ابناء الامتداد جميعا , المرحوم عوض حامد الجمري ( طيب الله ثراه )
خلي الطبق مستور ( ماقلنا نحنا خلاص اصبحنا تابعين لسبيل القصيم ) ذي ماتحب ان انطقها( ثبيل)
ياراجل ماتقول كده انت الامتداد باصله وفصله ولنا الشرف ان تكون انت واهلك جميعا من من نتشرف
بهم وننتمي اليهم نحنا في الامتداد.
ونتشرف بك انت امير الجمري والاخ عبد الغفار لتكرمكم, انشاء فكرة رابطة ابناء الامتداد بالمملكة العربية السعودية وانتم اول من قام باول يوم اسري في رمضان الماضي ومن هذا اليوم انطلقت الرابطة
* فعلا الاخ عماد عويس تم تكوين لجنة تسيير للرابطة من مناديب المربعات من 1 الي 14 يعني الرابطه
تضم كل الاعضاء لكل الامتداد.
| |
|
|
|
|
|
|
|