|
|
 انا كرهت السنى دفع الله جنس كره....خطاب برسم المحبة اليه واليها؟؟؟؟؟؟
|
السنى اللطيف احكى ليك حكاية..وعشان تقع ليك.(الجاية دى معلومة خليها فى الهامش
بتنفعك فى مستقبل السرد)..انا ومحمد نعيم سعد دفعة فى مدرسة المشاه
الابتدائية..يعنى كده عرفت العمر..ومرة ونحن فى بيت الامانة الوسطى
وعاملين بنحب والوكت داك انتو طالعين فى الكفر ...وفى بنية نص المدرسة
كل زول مفتكر هى بتحبو ولا اخفيك سرا(انا احد هولاء الداقسين) والبنية
تلاقى اى واحد من الطلبة توزع ليه نضم بكميات تجارية..وكمان
اجوادة تعطى بسمتها من يشتهيا والجماعة يجو يحكو وكان ذلك يورقنى. ولاننى كنت افتكر
نفسى مجنون ليلى تلك لانها تزيدنى منهم بان كانت تنفحنى بعض خطابات ووحاتك
مرات بكون محضر الرد قبل ان يصل الخطاب(الله يخلى مؤلف كتاب كيف تكتب
خطابا.فكم الف به قلوبا)....والى الان انا ممتن للبنانيين الكانوا بكتبوا مثل تلك
الكتب ،حتى فى محنتهم الاخيرة انا متعاطف معاهم عشان كتابهم داك.
المهم نحن جنب مدرسة بيت الامانة وجيتو مارين انت ومصطفى وعميرى وعبد الحكيم الطاهر
وكنت انا محضر بسمتى وشعورى وخطاب للبنية سهرت فيه الليالى وكتبته بى( 3)الوان
ويشهد الله كم عانيت فى الحصول على ذلك القلم الذى كلما ضغطت على زر يعطيك
لونا مختلفا ونقلت الخطاب اكثر من اربعة مرات وحشدت فيه جنس ورد وجنس قلوب
والله جزار ما يكون عندو قلوب قدر ديك..وتجى البنية واخوك قلبوا يضرب وبتخيل
كيف حا يكون وقع الخطاب عليها..وعندما ظهرتم انتم ..اسمع ليك البنية تكلم
احد صويحباتها(الله يجازى صويحبات يوسف) وتقول ليها داك السنى كان يوم الخميس
فى عرس بت خالتنا وسلمنا عليه والله ظريف خلاص واتونس معاناوضحكنا ضحك ..قامت صاحبتها
قالت ليها ياتو فيهم؟..قالت ليها الوسيم اللابس قميص بلو كاروهات ..قالت وسيم
قالت!!رددتها بين نفسى زى خمسمائة مرة وانا حانق..وحاتك يا السنى ساعتها كنت شايف
ود ام بعلو جنبك فيه الهوادة قالت الوسيم داك!..وقاموا اسرعو الخطى نحوكم ولما لم تعيروهم قليل اهتمام قاموا قالوا ليكم ازيكم..ورد احدكم بتواضع اهلا مرحب احسسته مصطنع وزايف وكان الامر لايعنيكم(والله ماعارف الرد فيكم منو ..هو انا الساعة ديك بشوف ماالحمد لله السمعت)..ورجعت بخيبتى وخطابى داك وقطعتوا فى حنانى وانا اردد مع نفسى حا اوريك ليها بت اللزينة وسامة الزول السمين ابو شلاضيم ده..قالت الوسيم ابوكاروهات بلو
قالت!! والله دى وسامة ودى كاروهات..واخوك قافل منها كم يوم كده قامت يوم تعمدت
او (تخيلتها هكذا) انتظارى وقالت لى مالك انت فى شنو؟ وقمت قلت ليها انت ماعارفة
يعنى؟ قالت لى ماعارفة؟..قلت ليها تذكرى يوم ناس محطة التلفزيون الاهلية؟ قالت
لى فيها شنو كان سلمنا عليهم؟قلت ليها السلام هين انت ما متذكرة قلتى لى صاحبتك
شنو عن الزول المتختخ الاسمو القشرى ده؟..قالت لى ديل ما ممثلين ساكت ..وحاالاقيهم وين تانى وهسع لوانا قلت ليك معجبة بمحمود يسن او نور الشريف انت تقوم تزعل؟ ..قمت قلت ليها وينو نور الشريف ووينو محمود يسن ؟السمين الزى الدب ده زى نور الشريف؟(بينى وبينك لماقالت لى ديل ما ممثلين ساكت وزى اختصرتكم كده الحكاية دى زى ريحتنى شوية)ولكنها لم تشفى غليلى..قامت قالت لى والله لو تانى جابوه فى التلفزيون انا مااعاين ليه
الاسمو السنى ده (كضب السواد)..اها دى زودت الراحة عندى حبتين..وبعد داك سالتنى
عن الخطاب..قمت قلت ليها شرطتو..خلى السنى يكتب ليك..وهى تحنس فينى وانا مصر على ان الخطاب كان قريب الان فى كوشة الجبل والبنية تتوسل وانا ازيد عناد (والحكاية
دى كانت مرضية غرورى تماما) قالت لى ياخى ما تفكنا من حكاية الزفت الاسمو القشرى
ده..لانى انا مستعجلة وماشة جيب الخطاب او ما حا تشوفنى تانى قمت خفت لما احسست فى حديثها الاخير من اصرار بالغ. قلت ياولدالسنى يطير فى السماء ماهى قبيل قالت ليك حا اشوفو وين تانى يعنى بت خالتها حا يعرسوها تانى؟..قام اخوك زى الضب جرجرالخطاب من جيبو ودساهوفى يد البنية مع ضغطة حارة فى يدها..(لا اخفيك سر كانت من نوع الضغطات التى توشك ان توجب الغسل)..ومن يومها يا السنى السمح داير الاقيك واقول ليك..وما لاقى فيك كده... البركة فى النت الذى جعل ذلك ممكنا.
السنى تلك وايم الحق كنا ايام سمحات خلاص وكان ذلك منسجما مع منطق الاشياء يومذاك..وكان ده سبب الزعل وسبب الرضا بين الناس قبل ما نجرب الزعل من الحيكومات
والكفلاء وما اليهم..وبتناالشتات فى الارض نشكو من ظلم الغربة وذوى القربى..
وياحليل كان والتى صارت مما يوجع القلب كلما اتينا على ذكرعهودالسودان النواضر...
لك الود اضعاف ما كرهت وسامتك وقمصانك الكاروهات ايام زمان،،
|
|
 
|
|
|
|
|
| العنوان |
الكاتب |
Date |
| انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-23-06, 10:24 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | تولوس | 08-23-06, 10:51 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-23-06, 11:22 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-23-06, 03:24 PM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | محمد سنى دفع الله | 08-23-06, 04:18 PM |
 Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | munswor almophtah | 08-23-06, 04:38 PM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | محمد سنى دفع الله | 08-24-06, 00:42 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | بدرالدين شنا | 08-24-06, 02:59 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | حمزاوي | 08-24-06, 03:14 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | Hussein Mallasi | 08-24-06, 03:32 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | خدر | 08-24-06, 04:43 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | حيدر حسن ميرغني | 08-24-06, 06:44 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | Mohamed Abdelgaleel | 08-24-06, 07:50 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | حيدر حسن ميرغني | 08-25-06, 05:25 PM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | محمد سنى دفع الله | 08-26-06, 01:38 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-27-06, 09:39 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-27-06, 10:06 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | munswor almophtah | 08-27-06, 12:28 PM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-27-06, 11:57 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-28-06, 06:53 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | محمد سنى دفع الله | 08-28-06, 07:08 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-28-06, 07:14 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-28-06, 07:24 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-28-06, 07:41 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-28-06, 07:48 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-28-06, 08:38 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-28-06, 08:40 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 08-28-06, 08:55 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | munswor almophtah | 08-28-06, 03:55 PM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | munswor almophtah | 08-28-06, 04:07 PM |
 Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | Ali Amer | 08-29-06, 09:51 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 09-02-06, 07:01 AM |
| Re: انا كرهت السنى دفع الله جنس كره....خطاب برسم المحبة اليه واليها؟؟؟؟؟؟ | صديق الموج | 09-02-06, 07:22 AM |
|
| |
صديق الموج
فيس بوك
تويتر
انستقرام
يوتيوب
بنتيريست