|
|
 الى جكس المنبر... والبنيات الطيبات..... الرجال يطيروا فى السماء
|
الى جكس المنبر بعد فوزى الساحق بانتخابات الخال فى منطقة الرياض
(ودواهيها) ودواهيها دى عشان حمزاوى ودكين وحمد وعماد عبد الله ومن لف
لفهم يفهموا...وبعد الفراغ الدستورى الذى خلفه سفر ود قاسم اعلن
ترشيحى خال عموم المنبر..فرع الانسات والسيدات..اما بقية رجال المنبر
فارجوا الانتظار حتى اخلص من طلبات البنيات واعلن لكم عن برنامجى الانتخابى
لاب توبين وفستان لكل بنت اخت توازر ترشيحى.. كرسى جابر لكل رقبة
عريس جاهز تسليم مفتاح...شيلة فاخرة...مركب لكل بوردابيات الخرطوم
قالوا المطر كان داير يلحقن امات طه..اورنيك لوترى بتوصية خاصة
جهاز تخسيس عند الطلب(باقى هن قايمات فى موضة التخسيس)وزى ما قالت
حبوبة طيبة والله التخسيس ده برا ضعفن وعولقن البنات ديل ما سوالن شىْء
انتخبوا خالكم...الرمز: قلب مطعون بى سهم،،،
BOLD
|
|
 
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
الخال ود الموج :
طبعاً عروضك دي وبما إنها تخاطب الجكس فاقترح إنك تنزل انتخابات في الخرطوم ولا الامارات لانو الرياض مافيها جكس ..
كلهم ناس ابو محمد وابو حيدر وابو اريج وابو هديل وابو القدح ...
كرسي جابر في الرياض والله إلا تلبسوا لي دكين !!!
العريس تسليم مفتاح ممكن يطلع لينا بوردابيت من الرياض مدسيات ..
اقترح ان تدعم حملتك الإنتخابية بأغنية تصير شعار لحملتك الإنتخابية :
راجل المرا .. حلو حلا ..
سر ونحن من خلفك ..
ريد بووووووووووووووووووووووول بيعطيك جواااااااااااااااااااااااانح ..
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: Gafar Bashir)
|
Quote: لاب توبين وفستان لكل بنت اخت توازر ترشيحى.. كرسى جابر لكل رقبة
عريس جاهز تسليم مفتاح...شيلة فاخرة...مركب لكل بوردابيات الخرطوم
قالوا المطر كان داير يلحقن امات طه..اورنيك لوترى بتوصية خاصة
جهاز تخسيس عند الطلب |
و نحن عايز تشترينا بالشعيرية و الزلابيا!!!! ما حرام عليك
لا للإلتفاف على الشرعية
و نطالب الريس بكري بتدخل فوري و إرسال قوة حفظ سلام من قوات البورد ( لكن يكونوا بوردابيات و سمحات).
خالد
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
عندما إنهار صديق الموج وأعلن سقوطه الذريع ولم يجد من يناصره ويقف معه من الضكور والجنس الناعم اخواتي الكريمات . . وتم تثبيتي في منصب الخال وأصبحنا خال لبورداب الرياض أصبح يولول ويصيح واستعان بالسيدات الأنسات الجميلات الرقيقات بنيات اخواتي اللائي يقفن مع خالهم الشرعي وقال ايه جكس ( حسن إلفاظك يا اخي )
قال جكس المنبر . . يا اخوي انت قايل نفسك راكب في بص دقست ولا حافلة ودنوباوي
كرسي جابر دا شنو يا اخوي . . دا شعراً انت ما عندك ليه رقبة
خليك في شارع غبيرا العام واشتري ليك نعلات
أعـــــــــــلان هــــام وعـــــــــاجل
لبورداب الرياض وماجاورها
وكوستاوي وتراجي سيصل نصيبكم بالــ D H L
بمناسبة تثبيتنا في منصب الخال لبورداب الرياض وسقوط وفشل وانهيار (انهيار عصبي) المدعو صديق الموج .
أنتم مدعون لتناول طعام العشاء وحضور الحفل الساهر التي تحييها المطربة الواعدة هاجر جبره اليوم الاربعاء 16/8/2006م باستراحة النخيل بحي العزيزية شارع حائر جوار الثلاجات .
الرجاء الحرص على الحضور والهجيج والجبجبه حتى الصباح
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
..
.
Quote: ترشيحى خال عموم المنبر..فرع الانسات والسيدات..اما بقية رجال المنبر
فارجوا الانتظار حتى اخلص من طلبات البنيات |
لكن ما ضيعت الشباب وركزت على الصبايا يا ولى العهد
وبرنامجكـ الإنتخابي الفيهو عرسان وكرسي جابر دا..
لو منح الشمولية فى الفكرة والتنفيذ لعموم الصبايا الأتسفيريات
سوف تحكم المنبر طوال ما هناكـ شهيق وزفير ..
تسلم أيها الخال الجديد
ناس كسير التلج ما عندهم مميزات ..
دمتم؛
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
اخوى صديق
انت متأكد من كلامك دة؟
Quote: Quote: اخوى صديق
جابر دة منو الاخترع الكرسى العجيب البعلقوه فى الرقبة!!!
جابر بن حيان شيخ صياغ المعرة من قضاء البصرة من اعمال العراق،،، |
ود الذين غشانى وقال لى دة جابر أل صباح.. وقال انو ما كان بيعرف الكراسى (دة قبل اختراع الكراسى) وجاهو هندى عمل ليهو نقشة بالدهب عجبتو قام سأل الهندى ودة نسميهو شنو؟ فاجاب الهندى: هزرات رفيق سلطان موعزام كرتاهى أشا بهوت كورسيكاجابر أل سباه.. ومعناه بلفظ الهند: حضرة الرفيق السلطان المعظم الجالس او المكنكش على عنقريب كالكرسى جابر أل صباح.. فصاح جابر: اشا.. اشا ساب نسميهو: كرسى جابر.. فسار الاسم كرسى جابر ومن هناك وصل الينا.. الله لا كسب الهندى.. يا صديق جكس.. نكلم معانا جكسا.. يكون معانا فى السيرة
نورالدين منان
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: doma)
|
ود الموج
تهانينابالفوز الساحق ومزيد من ترسيخ لفكر الخؤولة الناضج
والحقيقة ذكرتني ببانت شرق وغرب والموردة وحي الضباط وفريق فنقر واب كدوك
وتلك الشخصيات الجميلة..صدقني مشتاق لصاعوط صابر وباسطة حسين إمام وسمعت انو اصبح مستشار وزاري في قطر..يا حليل سارع الاربعين الذي كان هقلة يجوبه ليلا ونهارا وهناك الدامة سلافة, وهل انسي صبري الذي اخافني بسحره وجعلني اجري جري الوحوش حين قال لي سي انادي الثعابين بتاعتي..ثم ماذا عن جكس الصبا..يا ود الموج السودان الجديد الموجود في المناطق دي لو وزعوه علي السودان لكفاه من شر تخريجات الطيب مصطفي التي اغضبتك..
وكمان ان شاء الله مذكر عبدالحي بتاع المواتر وعازف عثمان حسين وبتاع الساوندات..ويا حليل ناس غندور صلاح وهاشم والرشيد وكمان هناك ناس سوميت مجدي وفايز والمدرسة العريقة وهاشم صديق وسعد يوسف وتلك الايام التي استقبلت فيها بانت محمد الامين وعركي وعبدالقادر سالم وفرقة الاصدقاء ناس محمد نعيم سعد والذين شردوا من البيت المسكون بعدا ان عادوا من المسرحية ووجدوا ملابسهم المبعثرة مغسلة ومكوية ومستفة في الدولاب وتلاجتم الفاضية مليانة لحم ورطب وتين وزبيب ومما يشتهون..شفت كيف الذكريات دي..ولو جيت للاستاد والذي كان من المفترض ان العب فيه لولا جنوني بالصحافة وتركي لرابطة العباسية فهناك للذكريات عبقها مع مدثر والصياد واحمد اب كدوك وضربا والصبابي وحسن حامد وعبدالنور..ونواصل عن البنيات الطيبات التي عافرنا معاهن في الحب..
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: محمد سنى دفع الله)
|
أخوي ود الموج
تحياتي ،،
حيث أنني أحد المشار إليهم أعلاه بـ (يطيروا في السماء) .. وحيث أنني كنت طاير في السماء امبارح الجمعة (بسودانطير)من الخرتوم وركيت في الرياض ، ودخلت حوش البكري قبل أن أدخل حوش بيتنا ، ولقيت الكبسيبة بتاعت الانتخابات ، وجاني كرسي جابر طاير وضربني فوق جبيني ووقع جوه جيبي ، وحمدت بيهو الله ، أصلي راجع من الاجازة مقشط ومعلِّم الله .. فشكرا ليك . وللحديث بقية ؟!
وخالتك (مهله) من ود رملي بتسلم عليك وبتقول ليك مبروك عليك الفوز وعاوزاك ترسل ليها برضو كرسي جابر بدل (البنبر) هولا اللي تهتكت حبالو .. وحيث أن الوصية في الذمة ، اللهم قد بلغت فاشهد .
( ليمو )
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
Quote: الخال صديق الموج
الله يجازي محنك ...
غايتو كان بقيت الايام الجاية دي من بنيات الرياض بصوت ليك ...
غايتو تراجي دي لا جكس ولا بنيات .... وبي منصة دي تقول لي
رايس تري بعيد.. |
انعام حيمورة..كيفك
يابت اختى صوتك من اى مكان وصل وكم نتمنى ان تكونى من بنيات الرياض
وبعدين تراجى دى بتعمل لى فى الدعاية الانتخابية بتاعتى ما شايفاها
متحمس كيف لى خالها..الله يحفظها،،
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
Quote: Quote:
اعلن ترشيحى خال عموم المنبر..فرع الانسات والسيدات.
خالو خالو مافي مثالو
عاد ياخالو برنامجك الانتخابي ماحصل
.....
Quote:
جهاز تخسيس عند الطلب
كدا حتفوز وبالاجماع وعلي بكري ابوبكر ظاتوو |
عنيدة الشديدة ..كيف حالك
والفاجاة الكبرى
الجلطة السرية (ودى على وزن الخلطة السرية)
كريم بوهلى+بوتنفيت+ديانا+كريسيدا+كريم كلى+
بعدين ديانا دى حا امشى وسط الالغام واجيبها من لبنان عديل كده
وكلو فى سبيل بنات اختى يهون..
يسقط حمزاوى،،،،،،
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
Quote: الجلطة السرية (ودى على وزن الخلطة السرية)
كريم بوهلى+بوتنفيت+ديانا+كريسيدا+كريم كلى+
بعدين ديانا دى حا امشى وسط الالغام واجيبها من لبنان عديل كده
وكلو فى سبيل بنات اختى يهون..
يسقط حمزاوى،،،،،، |
شوف يا خالي صديق..
انت خالنا بي هنوك
هنا الحكاية باظت..
كان ختيت وصيتك قبال تروح الإجازة
وبما إنو .. وصار .. وكان.. ولا بد..وقد حصل
فخالنا المنتخب حتى يلحق بي ود قاسم فهو البتعرفو..
الخال همزاوي..
الحقنا بي صحن شعيرية.. وحفله بي الحوقلو. عشان تسحب البساط من تحت بلدينا..
همزاوي مسكاقنا.. (انق كوجتنقلكا امنتر ارابنفتيسكا)
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
منصور المفتاح
| Quote: الموج ياخ ما تشوف ليك مديده والله حاجه تنزل فى حلقك ياخ الجكس دا عندك ليهو سنون |
إذا قال منصور فصدقوه وخير القول ما قاله عبدالفتاح
سجيمان
| Quote: انت من يومك خال... |
انا صوت الشينين اصلي ما دايرو . . خليك في الحصاحيصا
عادل جبارة
| Quote: يعيش الخال حمزاوي ،،، بالمناسبة رابطة الصحافة كلها وراك ياجمزاوي |
عادل شيل النقطة في جمزاوي ولا اكلم ليك ماما
انت عندك ماما يا صديق الموج
Doma
| Quote: اها وجلكينه المنبر الوحيده كيف معاك |
يطرشني لو فهمت حاجة . . اختي ايزابيلا ممكن تشرح لي كلمة جلكينه
| Quote: والله يا الموج عمري ما لبست دهب اها صوتي بي عشره اصوات كان البس كرسي جابر دا يوم واحد بس واهديه لي شابه من الشابات . |
أمل أبليس في الجنة
صلاح شعيب
| Quote: والحقيقة ذكرتني ببانت شرق وغرب والموردة وحي الضباط وفريق فنقر واب كدوك |
يا الأخو أنت شغال سواق ركشا
محمد السني دفع الله
| Quote: يابتاع الجكس ياشيطان |
أعوذ بالله من الشيطان الرجيم
عبدالحليم التلب
| Quote: وخالتك (مهله) من ود رملي بتسلم عليك وبتقول ليك مبروك عليك الفوز وعاوزاك ترسل ليها برضو كرسي جابر بدل (البنبر) هولا اللي تهتكت حبالو |
ست الطعمية مهله ما بقت غنية وخلت مهنة آل الموج . . يسقط صديق الموج الطعميجي
انعام حيمورة
| Quote: غايتو كان بقيت الايام الجاية دي من بنيات الرياض بصوت ليك ... |
أحلمي ذي ما انت عايزة بس ما عندك طريقة تجي الرياض مغتربين الرياض كلهم متزوجين وما في طريقة يأخذوا التانية . . لو حتوافقي على العجوز المهضرب صديق الموج بطريقتك انتي .
عنيده
| Quote: عاد ياخالو برنامجك الانتخابي ماحصل |
انت الظاهر عليكي سمينه وعايزة تعملي تخسيس . . ولا الحكاية معانده
شوقي ادريس
| Quote: همزاوي مسكاقنا.. (انق كوجتنقلكا امنتر ارابنفتيسكا) |
أتحداك لو فهمت دي يا صديق الموج
khaleel
| Quote: لكن لم نعهدك تلجا للاساليب الفاسدة للانتخابات |
هو دا اسلوبه وطريقتو . . وشهد شاهد من اهله . . فاسد فاسد صديق الموج
Emad Abdulla
| Quote: ويسوون ليك الشطة ........... |
لا حول ولا قوة . . يا صديق الموج انا غايتو ما قادر اتخيل منظرك وانت مسوين ليك الشطة .. والله ما يثبتوك ولا في جوبا .
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
ما تقول كدة من بدرى يا شيه (شيخ)!!!
| Quote: همزاوي مسكاقنا.. (انق كوجتنقلكا امنتر ارابنفتيسكا) |
كلمنا ليك اوبرا وينفرى عشان تعمل ليك دعاية .. وعشان تبقى (خال) بنات ناجح وإلا فان مصيرك سيكون النفى الى الربع الـ(خالى) او تثبت انك (خالى) طرف من المسؤولية.. يا حمزاى الموج ده بيطالب بسقوطك .. لآنو عندو جيكس فوبيااو ربما جيكسوفرانيا مستعصية.. قال الرجال يطيروا فى السماء .. وهو ناسى انو الجيكس هو ذاتو البلوم البطير... او كما قال الشاعر (طار البلوم ورك فى بص الديوم).. يسقط (صديقاوى حمزالموج)
منان
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
Quote: ود الموج
تهانينابالفوز الساحق ومزيد من ترسيخ لفكر الخؤولة الناضج
والحقيقة ذكرتني ببانت شرق وغرب والموردة وحي الضباط وفريق فنقر واب كدوك
وتلك الشخصيات الجميلة..صدقني مشتاق لصاعوط صابر
وباسطة حسين إمام |
صلاح شعيب
ابن اختى الذى اعترف بى قبل تسليم اوراق اعتمادى خالا رسميا تحياتى
شكرا شديدا..وثانيا والله ليمون صابر لو ما قعدت فى ا########## ما تاخد
منه جغمة..لاحولا..صلاح مواضع كثيرة وقفنا عندها نضحك اخالها الان
تخرج لنا لسانها تضحك علينا..كنا نمشى نسرق الفول من البحر
بالقرب من بر ابو البتول(مجلس الشغب حاليا) مش اسمه مجلس الشغب
ونلاقى خروف سمين لنمارس بعض الشقاوة لننال سكة حلوة..العباسية
وحوة كلاب..هذا بعض نزق...دار الارقم ومحمد الباقر وابراهيم رعاهم الله
محمد الامين وعركى عندما قدموا للخرطوم اوائل الستينات سكنوا خلف
استديو فينوس بانت شرق بالقرب من منزل حاج جابر..حامد وبرعى
عمك قدور وعابدين عوض..رائدات الموردة..وعووووووووك..اه يا زمان النزوح
صلاح صرنا الشتات فى الارض..ومازال العسكر يدوسون بابواتهم على
كل مقدراتنا..الله يحلنا ..لك الشكر على المرور،،
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: كبسيبة)
|
سلامات
انا كنت عيانة و جيت لقيت البوست .. فاتني .. بس ما يكونا العرسان كملوا بي.......
اصلكم يا ناس البورد ما بتسالوا من الزول الا يجيب بكري اللون الاسود و النعي الاليم و الاية ...
كرسي جابر عافية ليك ادخل بيهو الحملة الجاية ما بحب الذهب اصلا و خاصة الكرور الكبار منو ...
اها نبقي علي العريس و لازم يكون في الرياض............ و الشيلة من
الرياض .........عشان السنة الجاية اكون معاكم و اشيل الخلخلة منك .... خليك ديمقراطي حينها و
اقبل بالتغيير و التحالفات و ما تعمل زي الجماعة!
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
Quote: يا ( خال ) ..
ما بسعلك ..
فيشان جعلي ساكت ..
شايل سكينك في ضراعك ..
و عمتك متل زرزور الظابط ..
أها .. مبروكات عليك ..
وإن شا الله من هنا ولي قدام ..
يلايقن ليك الويكة ..
و يسوون ليك الشطة ........... |
عماد انا يكفينى يا خال الفوق دى!!
اما عقوقك فاصبر ريثما الاقى( ريسة)
وبعدين ان شاء الله يسون لى الشطة محل ما قال سالم ..بس ابقى
خالن والباقى هين..لك الود
اين انت..معقول يا عماد تجى الرياض وما تسال منى..ليك يوم
يا ابن اختى،،،
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
Quote: ما تقول كدة من بدرى يا شيه (شيخ)!!!
Quote: همزاوي مسكاقنا.. (انق كوجتنقلكا امنتر ارابنفتيسكا)
كلمنا ليك اوبرا وينفرى عشان تعمل ليك دعاية .. وعشان تبقى (خال) بنات ناجح وإلا فان مصيرك سيكون النفى الى الربع الـ(خالى) او تثبت انك (خالى) طرف من المسؤولية.. يا حمزاى الموج ده بيطالب بسقوطك .. لآنو عندو جيكس فوبيااو ربما جيكسوفرانيا مستعصية.. قال الرجال يطيروا فى السماء .. وهو ناسى انو الجيكس هو ذاتو البلوم البطير... او كما قال الشاعر (طار البلوم ورك فى بص الديوم).. يسقط (صديقاوى حمزالموج)
منان |
منان هسع بعد كلامك الدشيتو ده كلو..انت معانا والا مع الخيانا0
عشان الموضوع ده فيه مصالح،،،
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
Quote: ود الموج : أزيك يا خال
(بس ربنا نجاك وما خشيت معاك انتخابات الخال دي)
خاسة إنو الرياض كلها جكس وكده يعني
مبروك التاج يا خال وخلي بالك من الجكس |
كبسيبة ود اخت حمزاوى..
يعلم الله تتشابهوا شبه القردة ..لاعند السنينات الزى حقات ابو الرقيع ديل
امسك يا حمزاوى واحد صوت بختك..
يا اخوى انت الرجال يطيروا دى ما قريتها..انا كتبتها عشانك انت بالذات
اختانى كدى صوت لى خالك حمزاوى ما يزعل منك..
الخال شريك الوالد يا ابو الكبوس ...وما تفتكرنى بزعل منك..سمح،،،
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
Quote: سلامات
انا كنت عيانة و جيت لقيت البوست .. فاتني .. بس ما يكونا العرسان كملوا بي.......
اصلكم يا ناس البورد ما بتسالوا من الزول الا يجيب بكري اللون الاسود و النعي الاليم و الاية ... |
سودانية 2000 الشى كامرى.........ان شاء الله عدوينك والبكرهوك
وانا والله كان سمعت بى مرضك ده انشاء الله اسقط من الدور العاشر زى ما سقط
حمزاوى فى الانتخابات...والله يكسرنى حتة حتة حتة حتة حتة يطرشنى
وانا قايلك بتجهزى فى مويات رمضان كالعادة (ان شاء الله فى ميزان حسناتك)
انت وبت الاحفاد البريدها وهى مكجننانى ديك..وبعدين عرسان شنو الكملوا
ان شاء الله كان ما لقيت ليك فيهم واحد بالقرضة التعدمهم طفاى النار
ووحاتك يا بت اختى انتى بس تاشرى والعرسان فى الرياض اكتر من الهم على القلب
لكن الله لا يبتليك بالمغتربين ديل..ما تشوفى الساعات والقمصان وبدل السكن
البجى يبعزقوه فشخرة ساكت ده..حالهم حال السواد..الرقاد بلا مخده والبفطر ما بتغدى
وانا بعد صوتك ده ما داير تصويت كفاى صواتة.
فتك بى عافية،،،
| |
|
|
|
|
|
|
|
|
|
Re: الى جكس المنبر... والبنيات الطيبات..... الرجال يطيروا فى السماء (Re: صديق الموج)
|
خال البنات صديق الموج
شنو يعنى الفاولات دى؟
Quote:
منان هسع بعد كلامك الدشيتو ده كلو..انت معانا والا مع الخيانا0
عشان الموضوع ده فيه مصالح،،، |
دة كلام "زول ماعندو هديدة" يا ابو الامواج
عاوز تعرف انا مع منو ليه؟...انا" معانا"..(بالحلفاوى يا حمزاى) لحدى ما الرجال الطايرين يقعوا.. وتتلقفهم الامواج.. وتنفرد بمنصب كبير "الخيلان" ومشرف عموم الجكس الحسان.. فى شبه جزيرة العربان..
منان
| |
|
|
|
|
|
|
| |
صديق الموج
أحمد الشايقي
Tragie Mustafa
abubakr
humida
عمر الفاروق
خالد عبد الله محمود
Kostawi
Mannan
المسافر
ابوحراز
Mohamed Abdelgaleel
Ahmed Mohammed Osman
ترهاقا
munswor almophtah
سجيمان
doma
صلاح شعيب
محمد سنى دفع الله
عبدالحليم خالد التلب
انعام حيمورة
عنيده
showgi idriss
khaleel
Emad Abdulla
Tumadir
فيس بوك
تويتر
انستقرام
يوتيوب
بنتيريست