ود ابوسن، ودشيقوق، ود البوش، ود المنسي: انتو ناس سمحين

Quote: لم تخرج عن الحقيقة .....بل قصرت في حقكم..ونتمنى رجوعها سالما يوم الاربعاء 5 نوفمبر لتمسك الامانة والدفة وكمان نستمتع بتعليقاتها اللماحة الذكية ودمتم بالف خير وصحة وعافية

Quote: والله يا الحبان لا حفا لا جفا .. بس بتكتب النفس تصدقوا ؟ الشكية لي الله أكان مشوا مقطوعي الطارئ لي شيخ قوقل وعملوا لي كشحة ههه والله انا ايماني بشيخ قوقل قووووووووووووووي لانه صادق وامين ههههههههههه . الله يعلم مشتاقة ليكم نأمن مفضل .. بذات للبنات السمحات ديل الاميرة ورشا وبسمات البتشبه النسمات هههه . وللكلوس السمحين ههههه, اها هدو الجبنة جات تعالوا اشربوا معاي .....

Quote: الحبيبة \ الاميرة بت الامراء ,, سلام معطر بنكهة احلي الورود واصدق الحب يغشاك . ومشكووووووورة علي هذا الدعم المعنوي وكل هذا الكرم والقصة الكريمة فضلت خيركم يا وشوش الخير .. والله انتوا الاكرم وانتوا الاروع والاسمح . وربنا يجمعنا في ساعة خير وتامين ولامين وتجوني هنا عشان يتم فرحنا وتتحقق اماني مهما تكون بعيدة .. تسلموا كلكم بدون فرز .. ويدكم الفي مرادكم .

Quote: ود القرشي وود البوش وود الفاضلابي شان ذكروني باللسم مش وبقية الرهط حقت المسنوح الما بجيب اسمو ههههه لا حرم بباجح فيكم ساي اسعلو من ود شيقوق واضربولو الزول دة التكنو واحد عفصو. هسة يبقالي مادي بوزو شبرين ويقرا ويقرب يضحك ويمسك ضحكتو ويكشر وبقول والله ماني ضاحك ليهم المسانيح ديل البنوت عفصن كتر ووضاحة تجي ماشة فيني بي نمرة خمسة ورافعة قزازا هوي يا اللميرة حدثي البت دي وقولي ليها ود البوش شكرك مشكار وانبسط منك لامن قرب يقطع فيك مرباع وود البوش اخوي زولا ضكران ما بزعلو بنية

Quote: وكمان بتقول ان الذي ظلم سيدنا الحسن هي زوجته. فهي التي سقته السم فهل فعلا المعلومة دي صحيحة ولا صاحبتنا امتثال تكون لخبطت التاريخ بالموسيقى ودمتم بخير وصحة وعافية

Quote: اها قوم ابحث عن الحقيقة دي صاح ولا غلط عشان نلقى لينا سبب نغالطها بيها ..عشان بصراحة نحن بنغير منها ..ما عشان جمالها وبس لكنها وعلى الرغم من انها اصغر سنا مننا لكنها بصراحة ثقافتها عالية وذكائها حاد ولامة كل شئ من طرف(هههههههههههه) وبتقول ليك عندها معلومات اكثر من كده اذا انت عاوز المزيد......

Quote: ياجماعة ازيكم اختنا بسمات دي حرم مابندور تفوت مننا دحين ياخوانا تعالو كلنا بي ربطة المعلم نطالب الاخ بكري انو يديها باسويرد بسمات رسلي طلب بي بياناتك لي بكري والفيها خير ربنا يسيها

Quote: ود المنسي يا صاحب والله مقصر وبداري تقصيري بالشكل اخوك زول اصلنا ناس محبة زول نحبو وزول نريدو والبنوت زاتن بريدن ريدة اللخوات في بطن البيت

Quote: مافي سبب منطقي اصلا بسمات اختنا وتاج راسنا الناس الهنا كلهم بحترموها وبعزوها وعلي هذا الاساس طالبنا انو تكون معانا ومتاكد تماما وجودا هنا ماحيسبب ليها اي اشكالات لانو العايز المشاكل بعرف دربها واختنا ماليها في الحاجات دي

Quote: سلام يامك ـ وكل الحبايب إن جيت لى كلام العقل يامك ـ انا اتفق مع اميرة فى نصيحتها لبسمات ياخ فى ناس فى المنبر ده لايرقبون الا ولاذمة لا فى إمرأة ولا رجل. وعندك مثال ماتعرضت له بنتنا وضاحة بالامس القريب ,, وأخريات أميرة دى زاتها لما جات المنبر ده جات كلها حسن نية وانا كنت لما اشوفها تكتب فى بداياتها كنت اخشى عليها من السوقة والدهماء وشذاذ الافاق ـ لكن الحمد لله بسرعة قدرت تميز بين الغث والسمين ونأت بنفسها عن الوقوع فى دالات المنبر وبنتنا بسمات خرجت لتحقيق هدف هو نيل العلم ولا نريد ان يحبطها احدهم فيشغلها ولو ليوم واحد عن هدفها,, وده اقتراحى فى القضية يعنى.

Quote: خالد محجوب سليمان القرشي عبد العزيز ود الفاضلاب تحيات وتقدير وسلام في الحقيقة لم اجد في هذا الفضاء الاسفيري الا كلةتقدير واحترام في هذه الفترة القصيرة واظن كذلك ان بت مصطفى ايضا لم تجد الا كل تقدير واحترام لكن اسبابها لم تكن من تلك الشاكلة وربما ود الفاضلاب قد قربىمن نصف الحقيقة ولكن الحقيقة الكاملة نخليها لصاحبة الراي تجي تشرحها ليكم بالتفصيل يوم الاربعاء ان شاء الله.. وبالمناسبة انا ما قريت حصل شنو للدكتورة..وروني في الخاص ودمتم بالف خير وصحة وعافية

Quote: انتو في ردود بتحشروها بين الردود القديمة ولا كيف المسعلة

Quote: قولوا لي كيف ؟ اسع تيا دي زرت ناس عزاز بالحيل واوفيت بوعدي زرت الزميل الجميل محمد عبدالقادر ضرار في بطن بيتو يا سلااااااااااااااااااااااااااااااااااااااااااااااام رغم ان الزمن كان ضيق والوقت متأخر ولكنها جلسة كان قلت ليكم بقدر اوصفا كضبت عليكم عمتي فاطنة بت محمود ود ضرار والدة اخونا محمد يا سلام ام عمار وعمار يا سلام اسرة جميلة تستحق الزيارة وكانت لحظات من اجمل اللحظات التي لاتنسى

Quote: المك الفاضلابي ود اب سن اخوى السمح قلبوا المك ود المنسي وبسمات الجميلة والله مشتاقة ليكم ووالله انا ما رافعة القزاز ولا بعرف ارفعوا في حد بتغى على روحوا ودموا انتوا اخوانى واحبابي بس انا حزينة وقلبي مشروخ وبنزف وبقيت ما بعرف اكتب بقيت كل ما احاول اخش بوست اتردد واكتب وامسح يمكن عشرة مرات انا زولة بسيطة وقلبي نقي وفى قلبى على الكي بورد واكتشفت كده ما بنفع لزم اتغير واكون انسان تانى وما قادرة فان فى صراع مع نفسي ارجو ان تعزرونى منكم السماح والعفوا

Quote: مثلا كلمة (كنان) التي كررتها كثيرا مع هذه المجموعة دون ان يدرك مقاصدي احد هنا فهي قد وردت في القران الكريم في قوله تعالى ( وَجَعَلْنَا عَلَى قُلُوبِهِمْ أَكِنَّةً أَنْ يَفْقَهُوهُ وَفِي آذَانِهِمْ وَقْرًا وَإِذَا ذَكَرْتَ رَبَّكَ فِي الْقُرْآنِ وَحْدَهُ وَلَّوْا عَلَى أَدْبَارِهِمْ نُفُورًا) والكنان عند العرب هو ربط خصيتي ذكر الحيوان ضان او ماعز او غيرهما حتى لا يستطيع عشار الاناث ولاهل البادية مذاهبهم ومدارسهم في عملية الكنان ولكل مدرسة توقيتها المكاني والزماني . الاكنة باختصار هي الاقفال زى الطبل يعني .

Quote: الحبيب عبد الله ود البوش عليك الله كان ما وصفت لينا. جلستكم مع الزميل الجميل محمد عبد القادر ضرار

Quote: كنت صادقا جدا حين قلت كان قلت ليكم بوصف الشفتو في بيت ود ضرار اكون كضبت عليكم لكن معزة ليك يا بت عبدالرحيم معزة في القلب لله عالم بيها بحاول بقدر ما استطيع من تطويع حرف ضعيف امام منظر يعجر عنه المخرج البقول انا انا والله كان جن ما اقدر اوصلو يا بت هوووووووي نحن ناس الله واتلاقينا ساهي كدي في شان الله يا بت عبدالرحيم عمتي فاطنة بت محمود تسلم وتقبل لغادي اتاريها تضاري في دموعا ,,, فرح مخلوط بملاح الدهشة وزوجة ود ضرار قلت ليها اسمك منو يا بنية قات لي اسمي شاهيناز قت ليها شاهي شنو ؟ قت لي شاهي لبن ولك ان تتخيلي الضحك من القلب للقلب بساطة ..... طيبة ..... الفة ومحنة وود ضرار زول الله استقبلنا هاشي باشي فرحا باللقاء ,,,, وودعنا صامتا عجز لسانه وعبر قلبه ولوح مودعا

Quote: كنت صادقا جدا حين قلت كان قلت ليكم بوصف الشفتو في بيت ود ضرار اكون كضبت عليكم لكن معزة ليك يا بت عبدالرحيم معزة في القلب لله عالم بيها بحاول بقدر ما استطيع من تطويع حرف ضعيف امام منظر يعجر عنه المخرج البقول انا انا والله كان جن ما اقدر اوصلو يا بت هوووووووي نحن ناس الله واتلاقينا ساهي كدي في شان الله يا بت عبدالرحيم عمتي فاطنة بت محمود تسلم وتقبل لغادي اتاريها تضاري في دموعا ,,, فرح مخلوط بملاح الدهشة وزوجة ود ضرار قلت ليها اسمك منو يا بنية قات لي اسمي شاهيناز قت ليها شاهي شنو ؟ قت لي شاهي لبن ولك ان تتخيلي الضحك من القلب للقلب بساطة ..... طيبة ..... الفة ومحنة وود ضرار زول الله استقبلنا هاشي باشي فرحا باللقاء ,,,, وودعنا صامتا عجز لسانه وعبر قلبه ولوح مودعا

Quote: وشايفاك اختصرت الجلسة شديد ..وان شاء الله تكون دي حلقة اولى

Quote: م يا شيخ العرب مولانا ود شيقوق سلام وسلام على أخوانك شركاء هذا البوست الطاعم وسلام على الأخت الأميرة أميرة والله شديد جنس شدة يا مولانا فعلا اللغة الأصلية في أي بلاد نجدها في البوادي والأرياف، ,فأهل السودان فصيحي اللسان ولهجنهم أقرب للفصحى من أهل أي بلاد عربية أخرى ذكر العلامة البروف عبدالله الطيب رحمه الله أن أهل السودان يستخدمون مفردات عربية فصحى لا يعرفها غيرهم من أهل اللغة العربية في أي بلاد عربية أخرى وضرب مثالا لذلك بكلمتي "الرحط" و"التيراب"، وذكر أنه سأل كثير من الأخوان المثقفين الضالعين في اللغة العربية من بلاد مختلفة عن معنى كلمتي " الرحط" والتيراب، فلم يعرف معناهما أحد، بل لم يسمعوا بهما من قبل، فوضح لهما معناهما واستدل على ذلك بأبيات من الشعر الجاهلي. . فالسودانيون لاينكرون أفريقيتهم ويفتخرون بها، إلا أنهم فصيحي اللسان العربي.

Quote: مرحبا بالعودة الغانمة ..وان شاء الله تكون زرت في زيارتك دي حديقة الدندر او البسموها ناس امريكا Dindir Safari ..تلقاك وانت من المنطقة ديك لهسع ما زرت حديقة الدندر المشهورة عالميا..لاننا ما بنقدر نروج ونسوق للسياحة في بلدنا .. واذا انت زرتها صحي ورينا الدخول بكم ؟والناس بتسكن وين جنب الحديقة؟ امتحان صعب..مش كده!!

Quote: وضاحة يا شمس المشارق يا سمرا يا واضحة

Quote: لاخ اسحاق ود اللمين كيفك والله مشتاقين ان شاء الله الغياب في خير اخر الانباء مولانا الطاهر الدرديري مغادر السلطنة نهائيا ليستقر بقرية فداسي

Quote: حسب ظنى ناس ودالمنسى ديل زمان اهلن كان برسلوهن يدقِقوا العيش فى الطاحونة ـ وكانوا بركَبو الحـ مـير والواحد تلقيهو راكب فوق الدقيق الساخن بلا لِبدَة وده اسعلى منه ودالبوش والمسنوح عن اعراضو الجانبية ـ وناس ودالمنسى يكتبوا فوق حيطان الطاحونة تِزكار (ودايما يكتبوها بالـ زاء) من أخوكن ودالمنسي اوشيقوق الخ التقول تانى ما حايرسلوهم الطاحونة.

Quote: طبعاً يامك بسمات دى بت السودنة ـ ديل ناس الفرن الالى الطاحونة دى بتكون فاكراها الطوطحانية ـ