ما فعلته الشرطة السودانية لعارضين الازياء السودانيين غير مقبول وغير مبرر
... نحن السودانيين مصيبتنا مصيبة ، حياتنا بقت مليانة تناقضات كبيرة .. حتى بقينا ما عارفين الصح من الغلط .. هسي لو عرض الازياء دا كان برعاية النظام الحاكم ، ما كان حصلت اي مشكلة ، نهائي .. عرض بريء حسب اعتقادي ما فيه اي شائبة ، عرض فيه ناس بذلت مجهود وابدعت وطورت افكارها بشكل معقول .. عاوزين العالم الخارجي يعاملنا معاملة محترمة وفيها تقدير لينا ، ونحن ما عارفين نقدر روحنا ؟ ما قادرين نحترم بعض ولا نحترم افكار غيرنا ؟ فيها شنو لو حصل عرض ازياء ، مشترك وما مشترك؟ فيها شنو لو حصل ارتقاء بالذوق السوداني العام ، طبعا حتقول لي نحن السودانيين ما محتاجين نتعلم نلبس ولا نبقى قيافة ..؟ والله محتاجين ، نادر ما تلقى سوداني او سودانية انيقة .. نادر جدا .. والاناقة دي بالمناسبة مهمة شديد في كل العصور وخاصة عصرنا دا .. لما واحد يظهر في التلفزيون ، او اي قناة فضائية ويكون لابس بدلة ما مقاسه ، دا اسمه شنو ؟ لما واحد فنان كبير الناس تنتقد طريقة لبسه ولا ينتقدوا فنانة او ممثلة او مذيعة عشان ما بتعرف تلبس دا يبقى شنو ؟ مفروض طالما نحن عاوزين نظهر ونبقى زينا وزي العالم ، مفروض يكون عندنا عروض ازياء .. كثيفة وبرعاية الدولة كمان ! نحن اتعودنا اننا نكون انطباعين ، وعندنا وهم كدا ما بعرف جاينا من وين ؟؟ اننا مكملين اي حاجة وما ناقصنا اي حاجة .. اخلاقنا عالية ، ومهذبين ..؟ ما دا المهم .. المهم انه بصيرتنا تكون مضيئة وننظر للامور بعين غير عيون جدودنا زمان .. محتاجين نعرف الصاح صاح ليه ، والغلط غلط ليه ؟ الشرطة السودانية القبضت العارضين ديل ، كان مبررها شنو ؟ الصور ؟ الصور دي صور كانت في الكواليس ، وطبيعي طالما هم عارضين .. يتعمل ليهم ميك آب .. هسي ممثلين هوليوود القاعدين نحضر افلاهم ، ما كلهم قاعدين يعملوا ميكـ آب .. ؟ طيب قلتو شكلهم غير مقبول ، دا بالنسبة للرجال ، يعني مزودينها حبة .. هل دا من شاننا ..؟ سلوكيات العارضين ديل دي حاجة بتخصهم .. هم ! الشرطة لما قبضت عليهم قبضتهم بعد نهاية الحفل .. ؟! رغم انه الحفل كان مصدق به ، يعني عندهم تصريح .. وكان في منسوبين من الشرطة لحفظ الامن .. يبقى الناس دي كانت ماشة صاح . الحصل انه واحد انطباعي من الحضور شاف العارضين اتصل بالشرطة ،وحصل الحصل .. او مجرد مكايدة ضد منظمي الحفل .. يا عالم حرام عليكم وكفاية خلاص ، التعدي على حقوق الخلق .... الاضطهاد الحاصل علينا من العالم دا بسبب نظرتنا السالبة للاشياء ، فيها تناقضات كبيرة وشاسعة جدا .. مفروض نكسر طوق الافكار البالية المعششة فوق روؤسنا ..مفروض .. نفكر بشكل تاني .. نفكر كيف يشوفنا العالم ، بالعين العاوزينها نحن .. ! نفكر كيف نطور افكارنا ومواهبنا ، وندعم الابداع .. لو عندنا اي نقد تجاه عرض الازياء دا مثلا او اي شيء مشابه .. ننقد بموضوعية وبدون اساءات او تجريح لاي انسان ... مفروض نشكر العارضين ديل في الاول ، على المجهود القاموا بيهم .. وبعد داك نقول راينا ليهم .. دي تجربة بالنسبة ليهم .. وهم شباب واعد ومحتاج اراء وانتقادات بناءة عشان يجودا عملهم .. مووش طوالي نكسر ليهم المجداف ، ونرميهم وسط البحر للحيتان .. ! ياخي حرام والله .. (عدل بواسطة سمرية on 06-28-2010, 08:02 AM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]