ما هو المعيار ؟

Quote: سلامات يا تيسير عشان الفهم يستقيم للمداخلات التي تلي انا رحاب لم اصنف كتابة منال بانها ادب او نص ادبي او لا، لانه في اعتقادي ان دوري ينحصر كمتلقية و ليس في مقدوري و حسب امكانياتي بالرغم من بعض المؤهلات الغير رسمية انا حي الله جبت لي معيار من المعايير الكتيرة الموجودة ووزنت، لشيء في نفسي ساوضحة في ردي علي مداخلة اخونا محمد الحسن الموجهة لي و بديت لي رد بخصوص تصنيفات منال بانها ضارة جندريا، من نفس باب المعايير و الموازيين، يثبت انه علي العكس، بس ماا لقيت لي وكت اتمه و بالمثل، حكاية ادب المراحيض دي ما تشبيهي ولا اعتقد ان كتابتها تشبه ادب المراحيض، عشان القاريء يميز

Quote: الما عاجبني حصر النقاش في انه كلام منال ما ادب و كلام اشراقة، مثلا، ادب و لو تم تعريف كلام منال بانه ادب، تبقي محلولة؟ طيب لاختصار السكة كان القصة كده ناقشو لينا هل كلام منال ادب ام لا، غايتو انا حسب معظم التعاريف اللقيتها، كلامها يعتبر ادب: a kind of representation that is purposive in itself and, though without an end, nevertheless promotes the cultivation of the mental powers for sociable communication. Kant, Critique of Judgment, Guyer translation, section 44

واللي ممكن نستخلص منو إنك بتعترضي على تصنيف كتابة إشراقة كأدب وكلام منال غير ذلك in other words يا رحاب كلامك دا معناهو - على الأقل بالنسبة لي - إنك بتميلي للراي القائل إنو كتابة منال أدب ودعمتي للراي دا بتعريف ماشي في نفس الخط، جميل جداً ومتفقة معاك، لكن في ناس غيرك في البداية كانوا بيقولوا نصوص منال حبيت أوضح إنها ما نصوص ممكن تكون نوع من الأدب لكن ليس نص أدبي ..
بعدين ما تتحسسي من حكاية أدب المراحيض دي ما في زول قال تشبيهك ولا أنا شبهت كتابة منال بكتابة المراحيض
جبتها ومعاها باقي أخواتا (كتابة في المركبات و كتابة في الحيط) لشرح وجهة النظر حول كلمة (أدب) في عضمتا وتوضيح لبعض أنواعو وأقول ليك جادة يا رحاب منال ممكن تكون هسي أسست لنوع جديد في الأدب ممكن نضموا لباقي الحاجات القلناها فوق دي