ما هو المعيار ؟

Quote: نقلت هذه المداخلة من الصفحة الأولى لمراعاة الترتيب ________________________________________________ Quote: طيب قبل ما نمشي لقدام عاوز افهم بعض الحاجات وتفسيرك ليها عشان نمشي وانحنا عارفين بعض بنقول في شنو . (كما شرحتي ما هو النص) البخلي النص ينجو من الرفض وعدم القبول وفيه ما فيه من تلميحات او تصريحات قد تتجاوز بمراحل كثيرة ما قد يأتي في اشكال اخري مثل التي لا تعتبريها نصا , خذي مثلا , اذا كتبت منال حديث (الكدايس) المشار اليه علي انه قصة قصيرة او بشكل اهزوجة مثل ( التي يغنيها منير ) هل تصبح مقبولة رغم وجود نفس الايحاءت فيها والتلميحات ؟ (1) سأقبلها في (سياقها) كنص ادبي ولا اعتبرها فوق النقد (2) الكاتب: تاريخه، اعماله، مدرسته، منهجه (3) تروق لذائقتي: يمكن أيوة ويمكن لأ (4) أحاكم الكاتب أخلاقيا: لأ Quote: وهنا ملحوظة مهمة جدا ( البعض ومنهم تبارك علي سبيل المثال يعتبر كتابة منال نصا ) النقطة دي مهمة جدا الاجاة عليها لانه حقيقي مشكلة عندي اشكالية كبيرة في فهم موقفكن . تبارك ده منو؟ ناقد؟ كاتب؟ اكاديمي؟ معلق رياضي؟ اسألوا هو من معيارو صنفها كتابة ليه، ما تسألني أنا ... انت بتحاكمني انا بتهمة التناقض خليك مركز معاي ... Quote: وبعد الاجابة علي ذلك , فانا قد اوردت لك المثال الذي تطلبيه في البوست السابق ( المعيار) ومقولتك ان المراة انسان تعليقا علي نص اشراقة الذي وصف بانه فاضحا ساعتها وقامت حوله مناقشات معترضة ومقولتك ان المراة انسان تحمل في طياتها تمريرا واضحا بقبول مافي النص وتبريرا للكاتب ان من حقه ان يوحي ويصرح بما جاء في النص من امور راها البعض فاضحة . مثال (انسان) ده ما متماسك ولا حجة ضدي بالتناقض، أولا النص الاساسي لدكتورة اشراقة هنا: http://مابين {سروال الحديد} وكمنجات الجسد تصدح بلاد ياروزمين!!! أقراه قلبة و عدلة، اقرى عليهو سورة (الضحى) و (ياسين) انا ما اتداخلت لا إيجاب ولا سلب.... حلو الكلام؟ لو شكرت، لو اطريت، من حقك تقول ما قلته اعلاه ما دمت قارب بين النصين – معليش يا اشراقة الجاتك في نصوصك سامحتك – تعليقي بـ (انسان) كان في بوست منفصل افترعته د. اشراقة ردا على مداخلة العضو EXORCIST7 وخاطبت فيه اشراقة بـ (الانسان) ودفوعاتي مشروحة .. مسكت انسان دي ليه؟ انا قلت منال شجرة نيم؟ هنا الرابط للبوست لمداخلتي في بوست الرد على EXORCIST7 : http://Re: {فحول البورد} .... السيد EXORCIST7 نموذجا انا خاطبتها بالانسان ... تأكيد لحقها في الكتابة (الادبية) كانسان من غير محاسبة اخلاقية للنص او للكاتب (راجع النقطة 4 اعلاه) و وبينت فيما تلاها رأي عديييييييييل في الكتابة النسوية ... سايبين الشقة و قاعدين في اوضة ليه؟ ما تقرأ باقي الكلام ؟ براك قصيت قماش و خيتها و لبستها سديري و بقيتها تمريرا واضحا و هنايات .... وين عدم الاتساق و التناقض؟ و من الآخر يا اساسي، انا ما باحب النصوص الفيها تصوير حسي صريح، بتضرسني بس ما بستهون بيها أبدا في سياقها الأدبي ومآلاته في هز الثوات و الطوطم..بس أحب نص ... أكرهو، استسيغ آخر ما بيعني أحاكم الكاتب أخلاقيا ... اتمنى اكون وفقت في التوضيح ...