قصة الناقد سعيــد بوكرامي ...

Quote: Quote: بالمناسبة يا حيدر .. موقفكـ هو أسوأ موقف في البوست دا .. وكل ما تتمادى وتلولو فيهو ماشي في غير صالحكـ! ليه يا ود الصايم اديني نبذة بس .. قريت كلام بوب وتبلدينا قبل شوية عشان اجي ارد عليهو لقيتك برضو كتبت المداخلة دي .. السبب والدافع لفتح البوست دا انا كتبتو في واحدة من الصفحات ردا علي هشام ادم وليه فتحتو ممكن افتشو واعيدو ما عندي هدف تصفية حساب مع زول واتكلمت قبلاً وقت الناس بتقول لي ليه سكت الفترة دي كلها اولا لانه ما كنت امتلك غير شهادة هشام ادم السماعية واعترافو لي بعضمة لسانه وانه الموضوع كان في الاول ليهو عبث بس المفاجاة الحققها كانت علي غير ما اتوقع .. جليت الفكرة .. كررها تاني .. وبعد فترة كلمني انه قرر يفت الموضوع بالاتفاق مع وليد الخير الانا عرفتهم علي بعض .. ووراني منبر نيو سودان الفيهو الكلام دا - للوقت داك انا ماسجلت بنيو سودان - صراحة علاقتي بسودانيز اونلاين وهشام ادم جديدة الوقت داك فرغم اني مسجل عام نهاية عام 2007م لكن ما عندي فوق المية مشاركة يمكن وقرايتي بسيطة .. تابعت بعدها المنبر وفهمت الحاصل من هشام .. لا اعرف احد من بورداب الشرقية الا خضر حسين وكان خرج السودان نهائي عندها .. رسلت لمحمد الحسن سليمان وجلا القصة .. المطلوب هسع من معظم الاخوة الفوق هو وجود اثبات حقيقي مني بانه شخصية وليد الخير حقيقية .. صاح؟! دا الحايتم .. التاخير لانه خذلوني اتنين في السودان فقدت الاتصال بيهم اليومين الفاتت .. دا واحد النقطة التانية مع شباب من بورداب الشرقية حا نمشي محل اشتغل فيهو وليد الخير قبل كدة وضربهم قروش وزاغ .. وبرضو يقابلو ناس كان بيجي يكشتن ويتعشي معاهم .. دا حاليا الممكن يتوفر من جانبي لغاية ما نتفكّ من الحكاية دي دا رد لبوب وتبلدينا والشباب البيسألوا برضو .. النقطة التانية عامل شفت من الشركة لمقر آخر عشان كدة ما تجاهل للناس ولا عدم اهتمام بالموضوع لكن الكركبة حاصلة في المكتب وترتيب ملفات وغيرو دا كل الوضع .. تحياتي