|
|
|
 Re: الانسانة ....نانسي عجاج .......وحفلة الشارقة ...بالصور اتفرجوا .... (Re: نعمات حمود)
|
Quote: الاستاذ تمبس ...شكرا لمرورك
لا افهم ثقافة الايقونات ولكن ارجو ان اكون قد ذهبت الى ما رميت اليه
ولك مني المحبة |
الأخت نعمات .. الأخ تمبس أو تمبس حاف وقعها اطيب بالنسبة لي ..
سلامات ..
لا عليك من ثقافة الايقونات .. لكن عادة استعمل هذا الرمز عندما لا اجد تفسير لبعض ما اقراه أو اكون بعيد عن امكانية التعبير ..
لا اعتقد ان المتابعة اللغوية والنحوية انا أحد اساطينها في هذا المكان .. دي عندها ناسة
أرجو انك تواصلي كتابتك ودعي لي دهشتي وايقوناتي ..
كل الود والمحبة ..
| |
 
|
|
|
|
|
|
|
 Re: الانسانة ....نانسي عجاج .......وحفلة الشارقة ...بالصور اتفرجوا .... (Re: نعمات حمود)
|
يا نعمات يعني كشحتي ما راحت في الهوا
بعدين انا اول زول جيت صنقرته في البوست بتاعك ده لكن فجأه لقيت نفسي واقع تحت 
طبعا انا مدافرت الصفوف دي ما بقدر عليها ...ناس تمبس ديل ناس المورده طبعا كرعينم طوال وبعرفو للصفوف والمكابسات
واحتلال البوستات باللتي هي احسن او بطرق اخري
ــــــــــــــــــــــــــــــــــ
هوي يا تمبس عليك الله ما تستهدفني الايام دي خليها شويه
قزقز بي بقال وتراجي الايام ديل قاعدين مقنطرين بس شوت ضفاري ونحن من خلفكم والله اكبر ولا نامت اعين الجبنا
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: نعمات حمود)
|
الاعزاء :
سبق الاعداد لحفل الشارقة الكثير من العوارض واولها الغاء حفلها الاول بامارة ابوظبي
والذي زاد من ضبابية وعتمة اعلام الحفل بالشارقة ولكن النجاح الكبير الذي حققه الا انني
اسررت في نفسي الحسرة لكثير من الاحبة الذين فاتت عليهم تلك الليلة الخرافية
نانسي لم تكن كعهدها الاول ...
كانت في كامل الاناقة والشياكة ...والميك البسيط الذي اضفى عليها مسحة من الجمال غير المعهود في الاوساط الفنية النسائية عندنا ....
كان المكان مبهرج ...صالة فندق ايوان ولكم ان تقدروا من الاسم (فهو فعلا فندق ملوك ايوان وكسرى )
كان الحضور انيق ومرتب لم اعهده رغم تجوالي في ليالي الامارات وخاصة السودانية ...جمهور مميز
خالي من الشماسة والرجرجة ان صح التعبير ....صفوة ....
غنت وغنت طربت واطربت كل الحضور ....
انها نانسي اميرة القلوب ....تمنح الغناء عافية التثني وتهب القلوب حقل التمني
فننتشئ...لنتنفس نحن عبق الصهيل ....
جاياكم بالتوثيق
| |
|
|
|
|
|
|
|
|
 Re: الانسانة ....نانسي عجاج .......وحفلة الشارقة ...بالصور اتفرجوا .... (Re: سفيان بشير نابرى)
|
الأخت نعمات لو سمحتي دقيقتين عايز ارد لي اخونا سفيان دا اصلو واحشني ولي منو فترة طويلة ..
Quote: ويا تمبس سردب
وشوف لي عمر الفاروق وين !
سفيان نابرى |
.. يا سيكــا
المسالة ما ليها علاقة بالغناء قاليك بتاكل الحـار الشطة والفلفل .. ولها عينان صغيرتان ترى بهم للمدى البعيد .. وبتلبس جينز وتمشي في الاسواق ..
يعني يا سفيان المقدمة دي ما اقنعتك ..؟
خارج نفسك من المكان دا يا سفيان علشان البوست دا ما يتعوج اصلك مكعوج ..
ابقى مارق مسردب كراع البقر جيابة ..
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: سفيان بشير نابرى)
|
نعمات حمود
وتمبس
وكمال
سفيان
انا كنت نايم وبعدين رسالي واحد من الشارقة رسالة الكلام دا من مدة وكمان في الرسالة مقطع لاغنية ياصديقي والمهم انا كنت عايز من الشباب في الشارقة بدل الكلام عن أكل نانسي ومعايير الجمال فيها الكتابة عن الحفل والحضور والانسجام بين نانسي والجمهور وبعض النقد لاداء الفرقه الموسيقيه في الحفل وكيف أنتهت والحماقات اللي وقعت من صغار السن!!!!!وبعدين وينا الصور ياناس
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: زهير عثمان حمد)
|
الاستاذ زهير ....
الكلام عن نانسي انا ابتدرته بعيدا عن الفن ...
اما الحفل فكان كما اسلفت بهيجا بمعنى البهجة
غنت بمتعة ....اسكرتنا حتى الثمالة .....وحتى هذه اللحظة ادندن وفي الخاطر صورة لتلك الزولة في تلك الليلة
الحضور لم يكن مرضي ولكن تاكد هناك عوامل متعددة ساهمت في ذلك ولا اريد الخوض فيها فلها اهل شانها وما كنت غير صديقة واخت ومتفرجة في تلك الليلة وااكد لك استمتعت حد المتعة
اما ان يكون الجمهور قليل او كثير فهذا لم يفسد ابدا تلك الليلة
وكذا العقبات التي صاحبت الحفل لم تفسد حلاوة اللقاء ولم تؤثر على (المطربة )..استمر الحفل حتى الثانية ليلا
وتفاعل الجمهور كان مختلفا فقد كان جمهورا ذواقا استمع في هدوء وثبات مع ترديد الاغاني كلمة كلمة
وربما لان الجمهور كان اغلبة من الاطباء وغيرهم فتفاعلوا في هدوء مرتب
الاستاذ زهير ...كانت حفلة ممتعة وبالتاكيد لدي تسجيل كامل لهاومازلت اشكر تلك اللحظة الجميلة
لك المحبة ونلتقي
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: نعمات حمود)
|
Quote: يا سيكــا
المسالة ما ليها علاقة بالغناء قاليك بتاكل الحـار الشطة والفلفل .. ولها عينان صغيرتان ترى بهم للمدى البعيد .. وبتلبس جينز وتمشي في الاسواق ..
يعني يا سفيان المقدمة دي ما اقنعتك ..؟
خارج نفسك من المكان دا يا سفيان علشان البوست دا ما يتعوج اصلك مكعوج ..
ابقى مارق مسردب كراع البقر جيابة .. |
تامبا
كان كده نتخارج
ونبقي ناس فرجه ساكت
علا كلام كمال ده
Quote: تعرف ياسفيان
غنا لما شعر جلدك يكش
من بيت الكلاوي |
داير ليهو (كيل) براهو
بي عبار يباري الغناء
حته حته
يا كمال الزين اخوي الزين
الموضوع بتاع غناء نانسي
ده لي زمن جابد لي فيهو
خيط كتابة براي وتحت تحت
لسه ما خلصتها وأنا سعيد
شديد أني حضرته ليها 4 حفلات
لايف العين تشوف العين والأضان
ســـــــــــــــامعه .
وطبعاً أنا لا متخصص ولا حاجة
وكلامي كلام مستمع بيعتبر نفسو
سميع خالص .
وح يجي زمنو قريب واقولو .
علي قول تمبس النبطل كعوجه
ونتخارج ساي ونبقي علي الصور .
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: سفيان بشير نابرى)
|
Quote: يا كمال الزين اخوي الزين
الموضوع بتاع غناء نانسي
ده لي زمن جابد لي فيهو
خيط كتابة براي وتحت تحت
لسه ما خلصتها وأنا سعيد
شديد أني حضرته ليها 4 حفلات
لايف العين تشوف العين والأضان
ســـــــــــــــامعه .
وطبعاً أنا لا متخصص ولا حاجة
وكلامي كلام مستمع بيعتبر نفسو
سميع خالص .
وح يجي زمنو قريب واقولو .
|
العزيز/ سفيان
المسألة مسألة ذوق وتنوع ..
أنا شخصياً مابقدر أسمع من الأصوات النسائية
غير (البلابل ) و(حنان النيل) و(نانسي)
وده أبداً مابنفي إنو في غيرهم فنانات ممتازات ..
زي (أسرار) مثلاً ..
غناية لا خلاف لكن ماهضمت (غناها)
لإختلاف الأذواق ده ..
أها (نانسي) عندنا (ممتازة)
وعند غيرنا(جيدة)
وغيرنا خالص
بشوفوا أنها لا ممتازة ولا جيدة
ولا بسمعوها ..
(ود إختلاف ) لا ينقص منها شيئاً ..
محبتي ..
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: كمال علي الزين)
|
Quote: uote: وبرضو رأيكم فيها ما بيزيدها شيئ ...!
صح ؟؟؟
وإنتا زعلان كده يابا مالك؟
بزيدا ..
وهي أصلاً ماشا زايدة ..
وكلامكم ده (بندق في بحر)
وكلامكم ده ما بأثر فيها لأنو مانقد حقيقي
(عنقلة) ساي ..
تعالو قولوا لينا ما عاجباكم ليه ؟
يا موسييقين ياكبار ؟ |
الحبيب كمال ..
أسي الزعلان منو يا كيمو ؟؟؟!
وبعدين من وين ليك أن تعرف رأينا فيها وكمان تقوم بتقييمه بأنه ليس بنقد ..وإنما ( عنقلة ) ساي ..؟!
رأينا ياتو يا كيمو ؟؟؟
جيب لي رأي واحد سلبي ولا إيحابي ...!
وبعدين عندنا مقولة معروفة بتقول فاقد الشيئ لا يعطيه ...
يعني لو رأينا ده نقد ولا عنقلة ده بحسموه وبيعرفوه ناس بفهموا في الموسيقى والأصوات ..
زي ناس الدكتور الموصلي وكده ..
ده طبعاً بعد ما نقول رأينا ....
ما تستفزونا ساكت ..!
ونحن موسيقيين كبار ولا فخر ..
لو عجبك ولا ما عجب نانسي بتاعتك ...!
شفت يا كيمو يا دووووووبك زعلتني ...!
عالم تزعل الما بيزعل ...
ده شنو ده ياخ ....!
| |
|
|
|
|
|
|
|
|
 Re: الانسانة ....نانسي عجاج .......وحفلة الشارقة ...بالصور اتفرجوا .... (Re: حنين للبلد)
|
| Quote: راوية...اوووووعك تسمعي كلام كمال ده ، صدقته قبل كدة وقلت رأيي واداني الفيها النصيب وانا مثله وكانت كما بررها "خشونة خفيفة" |
وبعدين مش حلو عشاني
يقولوا راوية واقفة للناس في حلوقهم
معدماهم النفس
بس صراحة انا الاستاذة نعمات بقرا ليها كتير تقريبا اي شي كتبته في البورد وملاحظة ليها كلامها منمق ومرتب وجميل وعندو معنى
الا في المقدمة دي ماعارفة الحصل شنو؟
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: Rawia)
|
الاستاذه راوية ....لك معزتي ...
كنت دايما اكتب عن احوالي واحوال قلبي ...
هنا :
كنت بعيدة عن الوطن زمانا رغم المامي الفني باهل الفن واشباههم ...سمعت عن نانسي ...ضجيجا وصخبا
الزملاء من الصحف السودانية ...نقاد وفنانين المهم لم اكترث او اقف عندها ..واصدقيني لم اسمعها الامباشرة بعد حضورها الى داخل داري ..او العربة في الطريق ...تغنت لنا ...دون الات ...
وقد قصدت بهذا البوست ان اعرف الذي لا اعرفه من غيري اا كان
لك ان تكتبي ما ترينه فهذه امانة القلم ...ولك من معزتي مالن تشوبه شايبة
لك الود
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: lana mahdi)
|
Quote: حنّو دي أنا حيطة الدفاع بتاعتها في المنبر دة
خلو بالكم..أرعو بي قيدكم |
*خشمك يايمة فيه الشهد والعسل
انتي والله ياكي بت المصارين البيض..
لاتفوتي ولاتموتي ياربي..ويخليك لي..
شفتي عليك الله ياحبيبة عشان لاقيني مسكينة دايرين يستفردوا بي..ماعارفين وانا زاتي ماعارفة انه ضهري مسنود..
انا والله من قبييييييييييل طلعت برة، لكن كمال ده شايفة يشيل ويطرد فيني زي التقول شريط وعلق...
وست البوست ده هدية ورضية،بس الراعي الرسمي للحفل ده البطرد في الناس اليتخارج هو برة يديها فرصةعاد ياكمال ياولدي سويتها شينة لو اتكتبت أنناس ام هله هله تمسكك الحالة لسه الصور مااتلصقت وكمال عامل ستين مداخلة في البوست.
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: lana mahdi)
|
الاخت/ مساء الخير،،،
بمجرد قراءة النص المقتبس ادناه، سالت نفسي
so what? هنا جات ايقونات تمبس و عبرت و لو جزئيا عن بعض ما دار في خلدي...
التحية له و الاماني الطيبة لها في مشوارها الفني...
Quote: انسانة ...
بسيطة :في الملبس والماكل والمشرب
تلبس الجينز ...
وتشرب عصير المانجو
وتاكل الحار (الفلفل او الشطة الحارة ...والماكولات البحرية
متواضعة حد التعب والغرابة |
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: نعمات حمود)
|
| Quote: سفيان دق لي شنكل وقطع لي حبل افكاري |
تامبا يا معلم
قلته لي شنكل آآآ
ياخ قالو صور
أجي اشنكلك انا ؟
تمرق وين ؟
انتظر الصور ياخ
Quote: في الغناء الملفات الصوتية أكثر إقناعاً من الصور.
|
افرز يا حسين قصدك الغناء الغناء والصوت الصوت ؟
Quote: العزيز/ سفيان
المسألة مسألة ذوق وتنوع ..
أنا شخصياً مابقدر أسمع من الأصوات النسائية
غير (البلابل ) و(حنان النيل) و(نانسي)
وده أبداً مابنفي إنو في غيرهم فنانات ممتازات ..
زي (أسرار) مثلاً ..
غناية لا خلاف لكن ماهضمت (غناها)
لإختلاف الأذواق ده ..
أها (نانسي) عندنا (ممتازة)
وعند غيرنا(جيدة)
وغيرنا خالص
بشوفوا أنها لا ممتازة ولا جيدة
ولا بسمعوها ..
(ود إختلاف ) لا ينقص منها شيئاً ..
|
الزين الزين
متفقين تب
والبوست واضح انو بوست صور
ونحنا منتظرين نشوف
عِلا حسب افادتك الفوق دي
ايوة صح لكن برضو عادة لما
نقول الزول ده او الزولة دى
اصواتهم ممتازة أو ما ممتازة
بنعدد الاسباب من وجهة نظرنا
وفهمنا وسمعنا والكلامو منطقي
بينعرف من الما منطقي والا كيف ؟
تامبا تانى
Quote: يا سيكا ..
أغرف لينا عليك الله معاك انا عارفك حريف جدا .. واحتمال نتلاقى في نفس الاتو
|
بطل حركات الناس قالو صور ياخ وانت ذاتك قلته لي كده
اما موضوع الغرف فأنت سيد العارفين يومو قريب
وبطل سلبطه شوف الاتو بتاعك وين أو خليك حريف ياحريف بوِش
كمال الزين برضو تاني
Quote: كانت ليلة جميلة ..
وهذه فرصة لتحية الأحباب :
محمد حسبو
نهال كرار
رانيا قاسم
ريل
سمؤال أبوسن
والقرضابي
ودي مناسبة لتهنئتو بمناسبة
دخول إبنته (الروضة)
وعزالدين
وثابت
|
سلامى للناس ديل كلهم
ويهمنى هنا تحديداً
رآي محمد حسبو
وبيني وبينك في حالة
نانسي دي أنا متاكد
أنو رايو مهم خالص
لينا وليها وليكم
Quote: وأنا كمان عندي وجهة نظر فيها والله
لكن تقولي شنو؟؟ |
ياراوية رايك مهم برضو
لكن كدي اصبري لما الكلام نفتحو في الغناء
لانى عايز اقول راي الشخصي في غناء نانسي
ويهمنى وقتها اسمع رايك واخرين .
Quote: حقيقة ما خليتي لنانسي شي!
لنا |
لنا مهدي الوليد نام ؟
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: lana mahdi)
|
بي صراحة يا اخوانا
نانسي دي اضافت للاغنية السودانية الضلع الرابع
اذا كانت الاغنية مكونة من مثلث ( شاعر وملحن ومطرب)
فبكل تأكيد أن نانسي اضافت الضلع الرابع وهو الاحساس الحقيقي بالكلمة حرف حرف لمن تحس انك بقيت جزء من الاغنية
ومرات تحس انك بتسمع براك ومافي زول معاك
ياخوانا نانسي دي غيرت سمعنا وثقفتنا سمعيا وبالذات نحن ناس (من الامس ) ديل
الله يديها الصحة والعافية
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: نعمات حمود)
|
Quote: تعرف يا(سفيان) إمكن لأني أنا بحبها جداً
رأيي بكون فيهو شوية تحيز وشهادتي بتكون مجروحة
بعدين أنا كمان علاقتي بالموسيقى والغناء
زي علاقتي بالطب ..
ومابقدر أقول رأي غير را] المستمع العادي ..
ورأي كمستع إنها فنانتي المفضلة ..
أها قصة (الملودي ) و(التون) و(القرار) و(الآتو)
و(الديناري) دي ..
حلتي فيها حرقانة تب |
ود الزين يا خوى لو المسألة مسألة حب
فأنت معفي تماماً وما بكون شوية تحيز
بيكون تحيز كااااامل
ورايك كمستمع عادى برضو راي
لكن تتفق معاي انو في مستمع عادى (زيك كده )
ومستمع حريف (زى تامبا وود الفاروق ) ؟؟
غايتو نحنا حلتنا مرات بتحرق برضو
لكن طوالي عندنا سلك يا صاحبي
ملحوظة :-
يا لنا سلمى لي علي جاكوب
الليلة شايفو سادى الخدمة
تمام التمام وطاااالق يدك
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: محمد البشرى الخضر)
|
الاخوة والاخوات الاعزاء :
نانسي :
انها جوهرة الغناء السوداني
اعذب الترانيم في ظل غصن الشجن
جوهرتنا ....
اطلالة فنية بعمق الماضي العذب الاصيل
تلوح لنا من بين ثنايا الكثبان
نفحة الموج
درة الغواص
ياللاااااه....
انها
اشجان النهام
صوت الغروب والدان
همس اللؤلؤ والمحار
تغرودة قوافي (شلة بوادي )
ترنيمة حكمة ومثل
وخروفة ليل
ممزوجة بلون الذهب
منحوتة في قلب الماضي
وعشق الحاضر
كلها مجتمعة ...في جوهرتنا ...الاميرة نانسي
الهم هذا قسمي فيما املك ...فلا تعتبوا ايها الاعزاء ....ولولا اختلاف ....لبارت .....
الاخ سفيان :
تكفي طلتك بعد هذه الغيبة الطويلة ....احبك ....ولك ان تقول ما تشاء وعلي السمع والطاعة ......
الاخت حنين ...ولك طن محبة في قلبي ونيف .....صراحك دون النظر في امري ....لك ماتشاءئن...
الاخت لنا وتمبس وجني وفيصل وكل المارين ...
لكم العتبى والمحبة
اما بخصوص الصور سوف افرد لها مكان اخر حتى اتمكن من انزالها واسهل على المتصفحين
الاخ ملاسي اشواقنا
وانت برضو عندك صور خاصة انتظر لك معزتي
كمال الزين ....
شكرا لمعزتك لنانسي ووفائك الجميل في زمن الغدر وتعدد الوجوه ...يكفي ان يكون وجهك واحد وجميل
شكرا لكم جميعا ولي عودة
محبتي
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: نعمات حمود)
|
الاعزاء :
راوية
الوليد والصادق ...شكرا لمروركم ومشاركتكم ...
السنوسي طن محبة وباذن الله بعد ايام سوف تشرفنا مرة اخرى نانسي ومن الان لك مقعد امامي ...
الاخ ود البشرى ...
يا انت ..اشواقنا وكدا ..الزيك لا يهمش قلنايكون البث مباشر .....
شكرا لكل المتداخلين والعتبى لمن ازعجتهم كلماتي في حق نانسي او اصابهم شئ في نفوسهم من ....او لم يوافق كلامي اهوائهم
وعفوا جميلا لاهل اللغة على الغلطات النحوية ....وشكرا لاصحاب عين الرضاء ...
لكم محبتي
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: نعمات حمود)
|
Quote: الاخ سفيان :
تكفي طلتك بعد هذه الغيبة الطويلة ....احبك ....ولك ان تقول ما تشاء وعلي السمع والطاعة ...... |
يا ناس ملكتنى وادتني السراح
من يحبني فقد ملكني خصوصاً إذا
كانت محبة دون أن التقيه
يا نعمات شكراً للمحبة شكراً
والبقولو شنو هو ؟!
وشكراً برضو لاطلاق السراح في أن
أقول الذي اعتزم في الاصل قولهِ
أما قبل وبعد يا نعمات
في كلام لازم يكون محدد
وما ينقال ساي علي
عواهنهِ :-
| Quote: انها جوهرة الغناء السوداني |
ده كلام بتاع وجهات نظر ساي وسمع وشوف
ولما يمشي علي مكان التقييم الحقيقي والعلمي
اظن ما ح يصمد والدليل اهو أنتي طوالي لحقتي نفسك
| Quote: الهم هذا قسمي فيما املك ...فلا تعتبوا ايها الاعزاء ....ولولا اختلاف ....لبارت ..... |
Quote: كمال الزين ....
شكرا لمعزتك لنانسي ووفائك الجميل في زمن الغدر وتعدد الوجوه ...يكفي ان يكون وجهك واحد وجميل
|
يا ستى نعمات اذا كان المسألة زي ما بتقولي تفاوت نسب واذواق بتاعت استماع فمافي داعي للكلام
الفوق ده فالوجوه البتعتبريها متعدده وغداره برضو ده من حقها وبرضو هي واحده وامينه علي سمعه
واعتقاداتها .
سفيان
| |
|
|
|
|
|
|
|
|
|
Re: الانسانة ....نانسي عجاج .......وحفلة الشارقة ...بالصور اتفرجوا .... (Re: جمال السنوسي)
|
Quote: شفتو كيف (الطن) ده
خلاني كررت المداخلة
عليك الله يا كمال الزين وباقي الحساد
زحو بعيد من الطن ده
لانه حقي براي
جرام منه ما بديكم
بطلوا الحسادة
ان الله يرزق من يشاء بغير حساب |
مساء الخير يا(جيمي)
كلنا إتكبكنا وكررنا المداخلات
لكن بخصوص (طن) المحبة بتاع نعمات ده
فما زاحين ليك ولا حاجة ..
ما تخليك طماع كمان ..
__________________________-
يانعمات .. خلاص بعتيني ..
| |
|
|
|
|
|
|
| |
نعمات حمود
tmbis
Faisal Elrasheed
كمال علي الزين
Zomrawi Alweli
محمد البشرى الخضر
سفيان بشير نابرى
زهير عثمان حمد
Hussein Mallasi
EMU إيمو
Rawia
jini
lana mahdi
Al-Sadig Yahya Abdall
جمال السنوسي
عبدالمجيد صالح
فيس بوك
تويتر
انستقرام
يوتيوب
بنتيريست