|
|
 Re: السودانيون في عُمان.. منهم.. وإليهم (صور) (Re: الطيب شيقوق)
|
وتريات المهجر
00000
فى البداية اود ان استميحكم عذرا فى تاخير انزال مشاركتى الاولى وذلك بسبب ظروف العمل
والتى سوف تكون تحت عنوان ( حكاية من الواقع ) لهذا الاسبوع
(حكاية من الواقع) وان كانت واقعا معاشا لدى الكثيرين منا الا انها تجربة ذاتية فرضت نفسها على فى ظروف خاصة
ومن ثم اصبحت هى الافراز الاول لى فى مجال الكتابة على هذا النهج الذى لا اعرف تحت اى تصنيف اضعه سوى انه محاولة..
هى حكاية طويلة سوف اقوم بانزال الجزء الاول منها الآن ، والجزء الثانى الاسبوع القادم باذن الله .. او حسب رغبة القراء ولكم التحية والتقدير جميعا
حكاية من الواقع..
الزمان في شهر مايو2001. ألا جازه السنوية. المكان قريتي الصغيرة الكائنة في قلب الجزيرة وسط الجروف والبحر والحواشات الكتيره . كنت زي كل مره وزي كل الناس بفرح بالا جازه . امشي السوق واتبضع والملم في الهدايا لي الأهل العزاز, والجيران, والأصحاب , وباقي الأحباب . استف شنطي قبال شهرين وامكن تلاته, و اقعد احسب في الأيام تمشي تمر زي سلحفاة يمر يوم ويرجع ورا أسبوع , النوم يطير من الفرحة , بعد الناس تنوم اقعد احسب في باقي الأيام الجايه, أتخيل في يوم الوداع من ما يجوني صاحباتي واشيل ليهم الحاجات, والجوابات , و لازم اتذ كر الصاحبات عشان اخلي ليهم مساحة في الشنيطات ..واسرح بعــــــــــيد أتخيل يوم السفر من الصباح حتى الغيار البلبسو يوم السفر بتخيلو . ما دا بكون اشتريتو قبال ما أفكر في السفر .
لانو بذ كرني بي السفر و يوم السفر , ويوم اللقاء المنتظر, اصحا بدار لا باكل ولا بشرب شاي الصباح. ولا رأسي اليوم داك بحس بالصداع , ما الفرحة اكبر من كل الظروف , حتى التعب من السهر براه بروح , امشي المطار زي الصغار, اضحك أتبسم وعلى البشوفو كلو اسلم . استنا في صف العفش والناس دافسه دفس . كل الشنط مردومة ردم , وناس كتيره اكتر من الشنط الفي المطار, تخاف تقول ديل كيف شايلم المطار. ولا الكلام الطيارة ! يا جماعه ديل كلهم ماشين معانا ؟ لكن وللاسف ما كلهم حا يضوقو السفر . ولا شمة نفس الاهل .. فيهم الليهو سنين ما قادر يسافر , ولا حتى بقدر على حق التذاكر, الله كريم عليهم... من جور الزمن عليهم .. ما في زول ما بدور السفر وشوفة الأهل , لكن الظروف القاهرة نعالجا كيف ؟ المهم أصحابنا ديل عندهم الجوابات , دايرين يرسلوها ومعاها حبة قروش وشوية حاجات , يجوك يستأذنوك, لو ممكن تشيل يا زول ؟ . فيهم البتضارا من الناس ويتصرصر , الله لا وراكم لا بساعد ولا وجها صبوح منو يعتزر . أهلنا مجبورين يمشو لي أتنين تلاته , محمد المسكين ليه من اهلو عشرة سنين.. والزيو كتير مشهد بسيط لى المتل محمد المجدوع فى بلد الغربه ليه سنين .. وبفرح لما يلم ليه حبات قروش ويحسب متين يلقى ليه زول مسافر البلد. ولامن يغلبو الشوق والانتظار يجى المطار وزى الطيره الضايعه يقعد يتلفت لى زولا يعصر سلامو ووصيتو ويوصلا البلد والاهل بى شوقو الطول .. يمشى لى كم زول ، مرورق الدمعات من الجفا مره والاعتذار مرات .. يضارى دمعتو ورا شوقو لى اهلو وفرحت الناس المسافره الماشه لى داره . شايل العشم فى كفة والخوف من كسر الخاتر فى كفة تانية ..و بتخيل وبتمنى اللحظه دى ويصحا من حلمو ويرجع يفتش تانى مكسور خاتر .. وغيره كتيرين جايين مودعين وما مسافرين . وفيهم البجى يتبرك بى الجو راجعين من البلد وفيهم غبشة اهلنا وريحتهم . محمد مر على كل الجموع دى عاصر الحنين جوة ويبلع فى العبرات من الضيم و غربة الشوم .. ويشحد فى الله يلقى مراده .. ويرتاح باله .. الله كريم .. في النهايه وقبل مواعيد الاقلاع بى زمن بسيط . يشوف ليه حاجه جايه , يقول احسن لى الحاجه الكبيره دى . . وكلامو صاح تلاقيه الحاجة تتبسم وتتلعثم في الكلام , وبالأحضان بتسلم , اهلا حبابك آعشاي
كيفنك يمه .. خلاس مسافره ؟ آى يا ود حشاى الليله ماشه تب . كان الله هون وراجعه لي وليداتي , جيت لي ولدي العشاى دا , طولت منو بالحيل .. اتو آولادى مالكم بتنقطعوا مننا كدى .. والله يا الوالده الحالة هنا صعبه لكن الله غالب .. اتدعى لينا الله يسهلا لينا ونرجع ليكم قريب ان شاء الله .. تخت الحاجه كيسها الشيلاه فى قدامها وتهجروا بى كرعيها وترفع يديها لى رب العباد .. شاحده الله ورسول مكه يا اولا دى يجيبكم لينا سالمين تامين غانمين بركة رب العالمين ..قولوا آمين ..آميــــــــن ... آميـــــن يمة ... اها يا حاجه بس اديك الجوابات ديل لي أهلي, بتصلو بيك وبجوك في بيتك , من مكانك ما تتحركي. سمح يا ود حشاى لكن اكتب العلوان. وصاحبنا يتنفس نفس طويل سمح يمه .. ويتحزم يساعد أخوه ود الحاجة في العفش , لما ينتهوا من الوزن يقيف مع المسافرين , لما يدخلوا الصاله .. والحاجه تمشي يجيها بي الأحضان يودعا كأنه بعرفا من سنين , ونمشي الصالة , وهاك يا لخمه وإزعاج , كل واحد يصلح في الأكياس ا لشايلا , كل واحد فرحان زي يوم العيد, وتجي الطيارة , والجميع يتشابا يشوف الطيارة , زي أول يوم يشوفا.و بعد التعب وزحمة الناس , وركوب الطيارة..
يبدا المشوار. العالم جايطه والأطفال تتجارا, كأنهم في حارة ما في طياره. والباين عليه التعب, شويه يتقلب, ويتقلب, وهاك يانومه. والبقرا في جريده, والبشوف في مجلة لا فيها قصه ولا قصيده, بس تكسير زمن ..
رحله طويـــــله , ومن فوق يلوح لينا غبار بلدنا, والطوب الأحمر المجدع في الشوارع , والشجيرات , والعربات السمحة والمكسرات , وكيمان كيمان العمارات , قلبى يقول تح... تح.... اها وصلنا يا ناس . ديك الخرطوم , وامدرمان, وديك شمبات والجريفات ، أدور أطير من الكرسي واجرى أخلى القاعدين. اقعد اضحك براى من الفرحة, واتمتم بى كلمات بس ما فاهمه شئ . ولا المعاى سامعنى كل زول في حالو. ولما تقيف الطيارة , نتزاحم اكتر من أول..زي الماشين كلنا بيت واحد, وزى الخايفين نرجع للغربة الجينا منها هسه .. بنتسابق على الطريق نشيل ونخمخم في الشنط والا كياس الشايلنها في أيدينا. التوب يتكرفس, والوليدات يتصايحو من الفرحة .الكل فرحان , كبير, صغير, مافى فرق في اللحظة ديك من كبير ولا صغير. وجوه المطار هاك يا انتظار . اصعب انتظار, طياره طيارتين قدامك ,ما دا زمن ألا جازه. اقعد بعيد واتفرج شديد. لما العفش يجيك ، وأعمامنا الكبار الشغالين في المطار، متلهفين زينا لي رزقم من بخشيش , أكان دولار, أكان ريال، ما هم برضو بحسبو لي ألا جازه وجية المغتربين لي اهلم .. ولما نكون خلصنا من التفتيش ولم العفش، والشنط زاتا ما بتشيل كل العفش ,التقول ما كان فيها ده كلو . نحن ما كنا دافسنها دفس... ومتين نخلص من العفش, نمشى لي الناس الحنان المستنينا من زمان , في الحر والغبار. ليهم ساعات طوال ...
بعد السلام والمطايبه, نفكر نجرى لي الناس الكبار , المابقدرو لي جية المطار , والزينا شوقو بيطول .. ما نحن ما من امبده , ولا السجانة, ولا المحلات القريبة.. نحن من الجزيرة , ساعة ولا أتنين بالكتير ونصل الحلة . بعد ما نمر بي حلال أهلنا من سوبا , والمسعوديه , الأجمل من السعودية ،والتي و المسيد وأبو عشر, لمن نصل البحر . وهناك يجينا نسيم أهلنا والطين , والجبنه , واللمه ,ولمن نصل تكتمل اللوحة بالسلام , والدموع , والابتسامات , وصياح الأطفال والجيران.بى طيبتهم ومحنتهم وغبشتهم
اها الجماعة وصلو ؟ آي وصلو , ألف حمد الله على السلامة ، الله يسلمكم يا أخوانا ،العمات , الخالات , الجارات , الصاحبات ,كلهن يجن جاريات , بعد السلام واللمه الكبيرة ,نشوف المهم من أحوال الديره , نمشى نعزى في هوايد الليل قبال الصباح , ما ناس عشه بكاهم حار وما بتخلى لي الصباح ,والباقي من أخبار الحلة لي الصباح , قبال شراب الشاي...
وناس البيت في عقاب الليل يتقسموا في الحاجات , دى حقتى ، ودى حقتك ,والبيت كلو يقيس ويعبر في الحاجات , وتجيك ريحة الهبهان , والصابون, والمعجون , وتمشى تنووووووووم . بعد سهره طويلة , لا فيها تعب , ولا مرض . وكمان من الصباح اول زول تلقاك صاحى وفرحان , مشتاق لي شاي اللبن المغنن , وموية الزير بى عكرها ونقاعها تحت يضاحكك من الصباح بى شوقنا الطول.. و ديكا صاح من الصباح للصلاة وفتيش الرزق الحلال للكبار والعيال وقفة ملاح
وتبدأ أحلي أجازه مع الأهل .سلام بالأحضان من أول الحلة لي آخر الحلة ,الصغار , الكبار , أسبوع سلام الناس داخله ومارقه أفواج, أفواج , منهم من شايل عامود أكل , ومنهم قهوة ضهر ,والعروس بالليل تجيك تكوس .
ولما ألا جازه تنقضي يجوك مودعين تانى بالعشيات , والونسات , والضحكات ,وأنت سارح هناك تتذكر نهاية اجمل اللحظات . وتودعم على أمل اللقاء بهم في ألا جازه الجايه بأذن الله .تفارقم وقلبك معصور ألم , مع نغمات الوداع الحنينه , الحزينة , ترن في مسامعك . ودعتك لي الله والرسول , وداعتاً تغطيك وتحفظك وترجعك بالسلامة , ودعناكم الله والرسول , ودعناكم لى أمين الوداعة البختا البلا والساعة.. . وداع وأمنيات جميلة تصبر وتجرس في آن واحد ,,, يتبع ....
|
|
 
|
|
|
|
|
| العنوان |
الكاتب |
Date |
| السودانيون في مسقط .. منهم.. وإليهم (صور) | محمد أحمد الخضر | 04-05-09, 10:21 AM |
| Re: السودانيون في مسقط .. منهم.. وإليهم (صور) | الزاكى عبد الحميد | 04-05-09, 10:37 AM |
| Re: السودانيون في مسقط .. منهم.. وإليهم (صور) | الطيب شيقوق | 04-05-09, 10:47 AM |
| Re: السودانيون في مسقط .. منهم.. وإليهم (صور) | عمر الفاروق عبد الله الشيخ | 04-05-09, 11:01 AM |
| Re: السودانيون في مسقط .. منهم.. وإليهم (صور) | حيدر امين | 04-05-09, 11:01 AM |
| Re: السودانيون في مسقط .. منهم.. وإليهم (صور) | حيدر امين | 04-05-09, 11:19 AM |
| Re: السودانيون في مسقط .. منهم.. وإليهم (صور) | MOHAMMED ELSHEIKH | 04-05-09, 11:55 AM |
| Re: السودانيون في مسقط .. منهم.. وإليهم (صور) | الزاكى عبد الحميد | 04-05-09, 12:08 PM |
| Re: السودانيون في مسقط .. منهم.. وإليهم (صور) | محمد المرتضى حامد | 04-05-09, 12:06 PM |
| Re: السودانيون في مسقط .. منهم.. وإليهم (صور) | اسامة الكاشف | 04-05-09, 12:20 PM |
| Re: السودانيون في عُمان.. منهم.. وإليهم (صور) | محمد أبوالعزائم أبوالريش | 04-05-09, 12:32 PM |
| Re: السودانيون في عُمان.. منهم.. وإليهم (صور) | الفاتح شلبي | 04-05-09, 12:48 PM |
| Re: السودانيون في عُمان.. منهم.. وإليهم (صور) | حسن طه محمد | 04-05-09, 12:59 PM |
| Re: السودانيون في عُمان.. منهم.. وإليهم (صور) | حيدر امين | 04-05-09, 01:42 PM |
| Re: السودانيون في عُمان.. منهم.. وإليهم (صور) | حيدر امين | 04-05-09, 03:37 PM |
| Re: السودانيون في عُمان.. منهم.. وإليهم (صور) | أبوبكر أبوالقاسم | 04-05-09, 03:55 PM |
| Re: السودانيون في عُمان.. منهم.. وإليهم (صور) | محمد أحمد الخضر | 04-05-09, 05:35 PM |
| Re: السودانيون في عُمان.. منهم.. وإليهم (صور) | سيف الدولة كامل | 04-05-09, 05:44 PM |
| Re: السودانيون في عُمان.. منهم.. وإليهم (صور) | الطيب شيقوق | 04-05-09, 08:08 PM |
| Re: السودانيون في عُمان.. منهم.. وإليهم (صور) | محمد أحمد الخضر | 04-05-09, 08:13 PM |
| Re: السودانيون في عُمان.. منهم.. وإليهم (صور) | محمد أحمد الخضر | 04-05-09, 08:26 PM |
| Re: السودانيون في عُمان.. منهم.. وإليهم (صور) | عماد الشبلي | 04-05-09, 08:57 PM |
| Re: السودانيون في عُمان.. منهم.. وإليهم (صور) | محمد المرتضى حامد | 04-05-09, 09:40 PM |
| Re: السودانيون في عُمان.. منهم.. وإليهم (صور) | سيف الدولة كامل | 04-05-09, 09:04 PM |
| Re: السودانيون في عُمان.. منهم.. وإليهم (صور) | محمد أحمد الخضر | 04-05-09, 09:14 PM |
| Re: السودانيون في عُمان.. منهم.. وإليهم (صور) | محمد أحمد الخضر | 04-05-09, 09:23 PM |
| Re: السودانيون في عُمان.. منهم.. وإليهم (صور) | الطيب شيقوق | 04-05-09, 09:30 PM |
| Re: السودانيون في عُمان.. منهم.. وإليهم (صور) | سيف الدولة كامل | 04-05-09, 09:43 PM |
| Re: السودانيون في عُمان.. منهم.. وإليهم (صور) | الطيب شيقوق | 04-05-09, 10:31 PM |
| Re: السودانيون في عُمان.. منهم.. وإليهم (صور) | حيدر امين | 04-05-09, 10:35 PM |
| Re: السودانيون في عُمان.. منهم.. وإليهم (صور) | حيدر امين | 04-05-09, 10:36 PM |
| Re: السودانيون في عُمان.. منهم.. وإليهم (صور) | حيدر امين | 04-05-09, 10:39 PM |
| Re: السودانيون في عُمان.. منهم.. وإليهم (صور) | حيدر امين | 04-05-09, 10:46 PM |
| Re: السودانيون في عُمان.. منهم.. وإليهم (صور) | حيدر امين | 04-05-09, 10:50 PM |
| Re: السودانيون في عُمان.. منهم.. وإليهم (صور) | حيدر امين | 04-05-09, 10:58 PM |
| Re: السودانيون في عُمان.. منهم.. وإليهم (صور) | سيف الدولة كامل | 04-05-09, 10:45 PM |
| Re: السودانيون في عُمان.. منهم.. وإليهم (صور) | سيف الدولة كامل | 04-05-09, 10:54 PM |
| Re: السودانيون في عُمان.. منهم.. وإليهم (صور) | الطيب شيقوق | 04-05-09, 11:00 PM |
| Re: السودانيون في عُمان.. منهم.. وإليهم (صور) | سيف الدولة كامل | 04-05-09, 11:22 PM |
| Re: السودانيون في عُمان.. منهم.. وإليهم (صور) | الطيب شيقوق | 04-05-09, 11:28 PM |
| Re: السودانيون في عُمان.. منهم.. وإليهم (صور) | سيف الدولة كامل | 04-05-09, 11:40 PM |
| Re: السودانيون في عُمان.. منهم.. وإليهم (صور) | الطيب شيقوق | 04-06-09, 05:21 AM |
| Re: السودانيون في عُمان.. منهم.. وإليهم (صور) | الزاكى عبد الحميد | 04-06-09, 07:51 AM |
| Re: السودانيون في عُمان.. منهم.. وإليهم (صور) | عبد الرحمن الطقي | 04-06-09, 08:10 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-06-09, 07:53 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-06-09, 08:00 AM |
| Re: السودانيون في عُمان.. منهم.. وإليهم (صور) | أبوبكر أبوالقاسم | 04-06-09, 08:13 AM |
| Re: السودانيون في عُمان.. منهم.. وإليهم (صور) | الزاكى عبد الحميد | 04-06-09, 08:40 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-06-09, 08:59 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-06-09, 09:17 AM |
| Re: السودانيون في عُمان.. منهم.. وإليهم (صور) | سيف الدوله محمد أحمد | 04-06-09, 09:34 AM |
| Re: السودانيون في عُمان.. منهم.. وإليهم (صور) | محمد أبوالعزائم أبوالريش | 04-06-09, 09:50 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-06-09, 09:46 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-06-09, 09:55 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-06-09, 10:08 AM |
| Re: السودانيون في عُمان.. منهم.. وإليهم (صور) | MOHAMMED ELSHEIKH | 04-06-09, 10:57 AM |
| Re: السودانيون في عُمان.. منهم.. وإليهم (صور) | سيف الدوله محمد أحمد | 04-06-09, 11:06 AM |
| Re: السودانيون في عُمان.. منهم.. وإليهم (صور) | عمار زكي | 04-06-09, 11:25 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-06-09, 11:30 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-06-09, 11:32 AM |
| Re: السودانيون في عُمان.. منهم.. وإليهم (صور) | سيف الدولة كامل | 04-06-09, 01:36 PM |
| Re: السودانيون في عُمان.. منهم.. وإليهم (صور) | محمد ابراهيم قرض | 04-06-09, 01:59 PM |
| Re: السودانيون في عُمان.. منهم.. وإليهم (صور) | حيدر امين | 04-06-09, 02:05 PM |
| Re: السودانيون في عُمان.. منهم.. وإليهم (صور) | الطيب شيقوق | 04-06-09, 02:08 PM |
| Re: السودانيون في عُمان.. منهم.. وإليهم (صور) | سيف الدولة كامل | 04-06-09, 02:17 PM |
| Re: السودانيون في عُمان.. منهم.. وإليهم (صور) | محمد أحمد الخضر | 04-06-09, 05:20 PM |
| Re: السودانيون في عُمان.. منهم.. وإليهم (صور) | محمد أحمد الخضر | 04-06-09, 05:23 PM |
| Re: السودانيون في عُمان.. منهم.. وإليهم (صور) | الطيب شيقوق | 04-06-09, 06:31 PM |
| Re: السودانيون في عُمان.. منهم.. وإليهم (صور) | الطيب شيقوق | 04-06-09, 08:20 PM |
| Re: السودانيون في عُمان.. منهم.. وإليهم (صور) | محمد المرتضى حامد | 04-06-09, 09:44 PM |
| Re: السودانيون في عُمان.. منهم.. وإليهم (صور) | حيدر امين | 04-06-09, 10:45 PM |
| Re: السودانيون في عُمان.. منهم.. وإليهم (صور) | حيدر امين | 04-06-09, 11:17 PM |
| Re: السودانيون في عُمان.. منهم.. وإليهم (صور) | سيف الدوله محمد أحمد | 04-07-09, 05:27 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-07-09, 08:19 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-07-09, 08:27 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-07-09, 08:35 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-07-09, 08:37 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-07-09, 08:54 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-07-09, 08:56 AM |
| Re: السودانيون في عُمان.. منهم.. وإليهم (صور) | الرشيد شلال | 04-07-09, 09:12 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-07-09, 09:36 AM |
| Re: السودانيون في عُمان.. منهم.. وإليهم (صور) | أيمن دياب | 04-07-09, 09:43 AM |
| Re: السودانيون في عُمان.. منهم.. وإليهم (صور) | محمد أحمد الخضر | 04-07-09, 09:53 AM |
| Re: السودانيون في عُمان.. منهم.. وإليهم (صور) | الزاكى عبد الحميد | 04-07-09, 10:07 AM |
| Re: السودانيون في عُمان.. منهم.. وإليهم (صور) | عمار زكي | 04-07-09, 11:19 AM |
| Re: السودانيون في عُمان.. منهم.. وإليهم (صور) | الزاكى عبد الحميد | 04-07-09, 11:46 AM |
| Re: السودانيون في عُمان.. منهم.. وإليهم (صور) | حيدر امين | 04-07-09, 12:13 PM |
| Re: السودانيون في عُمان.. منهم.. وإليهم (صور) | Osama Mirghani | 04-07-09, 12:12 PM |
| Re: السودانيون في عُمان.. منهم.. وإليهم (صور) | abubakr | 04-07-09, 01:04 PM |
| Re: السودانيون في عُمان.. منهم.. وإليهم (صور) | أيمن دياب | 04-07-09, 03:44 PM |
| Re: السودانيون في عُمان.. منهم.. وإليهم (صور) | dardiri satti | 04-07-09, 05:04 PM |
| Re: السودانيون في عُمان.. منهم.. وإليهم (صور) | الطيب شيقوق | 04-07-09, 05:31 PM |
| Re: السودانيون في عُمان.. منهم.. وإليهم (صور) | الطيب شيقوق | 04-07-09, 05:45 PM |
| Re: السودانيون في عُمان.. منهم.. وإليهم (صور) | الطيب شيقوق | 04-07-09, 06:10 PM |
| Re: السودانيون في عُمان.. منهم.. وإليهم (صور) | حيدر امين | 04-07-09, 07:14 PM |
| Re: السودانيون في عُمان.. منهم.. وإليهم (صور) | حيدر امين | 04-07-09, 07:21 PM |
| Re: السودانيون في عُمان.. منهم.. وإليهم (صور) | حيدر امين | 04-07-09, 07:27 PM |
| Re: السودانيون في عُمان.. منهم.. وإليهم (صور) | حيدر امين | 04-07-09, 07:31 PM |
| Re: السودانيون في عُمان.. منهم.. وإليهم (صور) | محمد أحمد الخضر | 04-07-09, 07:47 PM |
| Re: السودانيون في عُمان.. منهم.. وإليهم (صور) | محمد أحمد الخضر | 04-07-09, 07:53 PM |
| Re: السودانيون في عُمان.. منهم.. وإليهم (صور) | sourketti | 04-09-09, 03:37 PM |
|
| |
فيس بوك
تويتر
انستقرام
يوتيوب
بنتيريست