|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: شايف الاغلبيه مامصدقه إنو الحلم خلاص إتحقق وإنو تاني قطوعات مافي زمن إنقطاع الكهرباء خلاص ببح ، إنتهى ده وعد قطعتو الإنقاذ وهاهو الآن تحقق وأصبح واقعاً في هذه اللحظات يتم الإحتفال بوصول كهرباء مروي للخرطوم الحمد لله الذي جعلني أشهد هذا اليوم أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيها وتحدي لو تاني الكهرباء قطعت
|
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Hassan Makkawi)
|
أها يا ود المشرف.. ما جيتنا تاني لكن منتظرنك تعرف لينا الفرق بين البشرى,,الكذب..نقل الكذب..تحري الكذب.. وتعمل لينا مقارنة بينها وبين ما حاصل في الاربعة صفحات وبغض النظر عن بوستات فرعية انصرافية .. خاصة بالاسماك.. وكهرباء دنقلا.. وبوستات تانية جادة وتناقش القضية من ناحية علمية.. من قلب هذا البوست تعال وورينا واثبت لينا.. انو .. لم .. يكذب.. وما قطع حاجة من راسو (على حسب تعبيرك)
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: حواء سليمان ابراهيم)
|
Quote: الموضوع بستاهل علي الاقل في تقديري كاحد الذين تداخلوا في البوست شخصيا ليس المقصود محمد فرح وكذبه بل عدم وضوح المعلومة نفسها الزول ده جا قال محدد بمس حياة المواطن اليومي ما سكيناه في بوستاته البتخص الحركة الشعبية وحكومة الجنوب والتيارات الحايمة في البورد قال الكهربا من بكرة ما حتقطع من يومه القال كدة ما شفنا استقرار للتيار وهو حاول يدافع بمبررات لم تقنعنا نحن وحاول يصر علي موقفه بل قال انه اتصل بجهات معنية وكدت ليه انو الليلة يوم التلاتاء الموافق 22 ابريل الموضوع حيكون اتحلفي حينه التاريخ نفسه كاتبه غلط ولسة هو مصر وناس تانية بتشجعه في كلامه وتدعمه برفع بوستات انو دنقلا نورت وناس دنقلا يخشوا لي ود الباوقة يثبتو ليه انو دنقلا ما وصلتها الكهربا ببقي في اصرار علي التمادي في الكلام البدر منه
وصدقني انت لو في الخرطوم حتكون لاحظت انو معظم الشاركوا في البوست ده من الخرطوم والكهربا ورتنا الويل عديل. ما ممكن انت بتعاني المعاناة دي كلها وتلقي ليك بوست زي ده وتفوته. فليحب ويدافع محمد فرح عن حكومته والانجازات كما يشاء ولكن بعيدا عن معانتنا اليومية |
شكرا قمر بوبا
وشكرا مشرف
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Nader Abu Kadouk)
|
Quote: الموضوع اصلا لا يرقى لاتهام محمد فرح بالكذب .. هى بشري او بشارة لم تتم فى موعدها .. الشاهد ان هناك انجاز ضخم تحقق ببناء السد .. ونأمل جميعا ان يعود هذا الانجاز على الشعب السودانى بالخير الكثير ..
|
يا دوب لمحت كلامك يا ود المشرف
كذبة محمد فرح دي اسأل منها التوربينات يا مشرف والبشارة تسأل منها المهندس بشارة وخير الشعب السوداني...ثابت والدليل هجرة البلطي من الموردة الي مروي
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
محمد فرح شايفو فاتح بوست حب عايز يعمل لينا فيها مهكور عشان يجي يقول...
بشريات الكهرباء دي كانت من الهكر
ابدا...ما ممكن...لو بتدخل المنبر من عمود شعبة في كدباس...نحن ما شين علي الصفحة العشرين...ولما نصلها... لو صلحوا التوربينات الحا يقنع البولطي منو؟ دا رطب يا صاحب... وبرّد اضنيه من صوت المراكب والنواتية.. وصيجان الموردة...
بتكون كل بولطتين سكنن ناصية في توربينة
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: طبعاً زيي زيك ياوليد إستبشرت بي كهربة السد بل وكدت أطير فرحاً عند سماعي نبأ الإحتفال بوصول كهربة السد للخرطوم وواحد مهندس ربنا يديهو العافيه قاللي تاني أنسى حاجه إسمها قطع أها أخوك قال يبشر الناس الماسكه حبل الصبر دي بس للأسف الشغلانه مازبطت وإتضح فيما بعد إنو المسأله جايطه جوطه شديده مشاكل في التوربينات ومكاوي مختلف مع إدارة السد ووزارة الري ماده بوزها وقالت ماأشركوها يعني جوطه لايعلم بيها إلا الله الجماعه طبعاً ماصدقوا لقوا الفرصه واشبعوا الموضوع سخريه ونقد وانا بعتبر دي عدم موضوعيه ماأكتر عموماً أنا واثق إنو بكره حيكون أحلى وقريب جداً قطعة الكهرباء حتبقى من ذكريات الزمن الجميل إنت بس قول يامهون
مؤونة عام من الود |
محمد فرح (من بوست مجاور)
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
يا راجل اختشي.. في مداخلتك قلته إنو .. 1/ المسأله جايطه جوطه شديده 2/ مشاكل في التوربينات 3/ ومكاوي مختلف مع إدارة السد 4/ ووزارة الري ماده بوزها وقالت ماأشركوها
بالله عليك ده كلو ما هماك ولا هزه شعرة من راسك لكن المشكلة الكبيرة في ..
5/ الجماعه طبعاً ماصدقوا لقوا الفرصه واشبعوا الموضوع سخريه ونقد وانا بعتبر دي عدم موضوعيه ماأكتر
صحيح الاختشوا ماتو
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
الاخ صلاح سلام
Quote: الأخ مشرف, هل ترى ان إنقطاع الكهرباء ما بيستاهل؟
عن المصانع والمكاتب والبيوت؟
عن المستشفيات؟ لك الحق في تقدير الامر كما ترى
انا أرى ان الموضوع مستاهل ونص وخمسة
|
لا يا عزيزي دى قرايه غلط للكلام الكتبتو .. مطاردة كاتب البوست هو الموضوع المابستاهل اكثر من 400 مداخله وليس الكهرباء ..
Quote: الصراحة هو فعلا لا يد له في ما يحدث ولا يملك أحد ان يلومه عند إنقطاع التيار الكهربي
|
شكرا يا عزيزي .. هو اراد سبقا خبريا وبشاره بناءا على معلومات ومعطيات توافرت عنده .. هذا تحديدا ما فعله محمد فرح .. البحث عن دوافعه تكاد تكون معلومه .. نجى للمعطيات والمعلومات المتوافره للجميع ( تشغيل التوربينات والسد الخ ) وهى معلومات صحيحه وبالضروره تفضى لنفس ما بشر به محمد فرح ..
التوربينات قامت ما اشتغلت ( فساد .. سكندهاند .. صناعه صينيه درجه عاشره ) ليست مسؤولية محمد فرح .. الرجل لم يكذب .. فقط هو خلص لنتيجه بناء على معطيات صحيحه صدف لمشاكل تقنيه لا تخص المعطيات الاوليه اللا تفضى للنتيجه
Quote: ولكننا نلومه عن عدم تثبته من تلك المعطيات قبل ان يأتي و يبشرنا بيها ونلومه لتهربه من الإعتراف بإنه لا يملك أدنى فكرة عن موضوع البوست
فهو تارة يقولالكهرباء جات كتيرة ومرة يقول الآلات الجديدة ديدنها التعطل
ثم اتاه من يردفه ببشارة السمك إستخفافا بما يمسنا من ضرر
الاخ المشرف
هذا البوست معني بقيم الصدق والشفافية لا أكثر ان يصدق الأخ اخاه في الخبر
! |
نلومه ممكن .. والى حد ما كمان , اتهامه بالكذب مجحف جدا
عزيزى صلاح .. الصدق والشفافيه قيم جميله جدا .. ولا اظنها كانت الدافع وراء التشنيع بالرجل .. شخصيا لا اعرفه ونقف على طرفى نقيض فى مجمل رؤانا حسب متابعاتى القليله له فى المنبر .. ولكن الموضوع لا يستحق ( توقعاته التى لم تصدق لا الكهرباء )
......
الاخ م. صلاح ليون تحياتى واحترامى لوجهة نظرك للموضوع .. فقط التلميح بعدم عودتى للبوست غريب وما مبرر وشديد المخاتله وحمال اوجه .. كما وان تلقين الآخرين البديهيات انتقاص من قدراتهم .. والشوف مختلف
سلام
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد حيدر المشرف)
|
Quote: مطاردة كاتب البوست هو الموضوع المابستاهل اكثر من 400 مداخله وليس الكهرباء .. |
طيب كويس المطاردين ديل شايفين انو يستاهل ويستاهل كمان عشرة صفحات زيادة كدي نشوف مطاردتك انت لمطاردي كاتب البوست حدها وين..
Quote: البحث عن دوافعه تكاد تكون معلومه .. |
ابدا غير معلومة وانت لم تشق بطنه لتعلم ولكن لو جينا حسب المعطيات وكانت دوافعه سليمة كان من تاني يوم لما وجد ان الموضوع فيهو مشاكل لا حصر لها كان يعتذر بكل وضوح وصراحة.. مش يزيد في غيه وياتي بتبريرات (كهرباء زيادة) ثم كهرباء ناقصة وتوربين ماشغال وهكذا تباعاً لغاية ما تلفق (ده هو الكضب) .. مع مساعدات جانبية من ظهور بشريات اخرى دنقلا وسمك ..
أبداً لم نقل له انت مسؤول عن السد وعن الكهرباء وما قلنا ليهو تعال هنا انت ليه ما شغلته التوربين ده كويس .. وانت كاتب اكتر من سطر عن الحاجة دي .. ياخي الزول ده من تالت مداخلة ليهو علمنا جيدا انه لايدري حتى عن مصطلحات الكهرباء .. فارجو منك انت مراجعة البوست كله جيداً ولا تحاسبنا على ما لم نحاسب عليه صاحب البوست..
لا القن احدا شيئاً والكلام واضح للجميع الذين هم في كفة محمد فرح ولكن واحد منهم لم يستطع الدخول والكتابة والدفاع عن كذبه لانو واضح زي الشمس الحارة دي .. وانت جيت يلا تعال .. نشوفك بتقول شنو عن الكوتات التي اوردتها انا عاليه..
وهي عبارات نطقها هو بلسانه ولم ينقلها..
هذا هو ديدن الآلات .. والعبارة التانية بس كدي في الاول قول لينا ده كضب ولا ما كضب..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد حيدر المشرف)
|
Quote: كذبة محمد فرح دي اسأل منها التوربينات يا مشرف والبشارة تسأل منها المهندس بشارة وخير الشعب السوداني...ثابت والدليل هجرة البلطي من الموردة الي مروي |
نزار سلامات ..
حاولت تقييم مداخلتك ايجابيا .. اولا .. محمد فرح لم يكذب حسب قراءتى .. فمافى داعى امشى اسأل التوربينات .. ويصدف انى - للاسف - لا اعرف المهندس بشاره خير الشعب السودانى ثابت ؟! وبدليل هجره البلطى
سلام ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
الكهربجي صلاح
تحياتي؛؛؛
Quote: عذراً بس حتة ما في واحد جا ودافع عنو دي انا غلطان في واحد اسمو بشير احمد جا وعمل مداخلتين ومنها ..
|
اها ياحبة ادافع شنو ؟
الراجل توقع انو الكهرباء ماح تقطع (إن شاء الله )
والله ما أراد ذلك ؛عايزنا نجي نقول ليك شنو ؟
تجي تشبكوهو كضاب وما كضاب .
يلا سوقوا البوست ده للصفحة مية .
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: بشير أحمد)
|
السلام عليكم بشير احمد ياخي بالله انت متابع.. شايف اول ما اسمك جا جيت ناطي السيناريو مرة اخرى حسب رؤيتك.. الراجل توقع وقال انشاء الله ولظروف ماسمحت .. يجي هو ويقول انا اسف واعتذر ولا اسباب لا اعلمها كان من المفترض انو الكهرباء تجي و.................... وينتهي الموضوع..
هسه دي صعبة ..
ونحنا لم نتهمه بالكذب إلا لما جا تاني يوم وبدا في القول انها لم تقطع وبدات البلاغات وبدا يزيد في تبريراته التي تحتاج إلى تبريرات واتهامات لنا اولا وللتوربينات ثانيا وانبثق منها اسماك.. وبعد ده حتى بدات فكرة نسوق البوست لي (بالمناسبة عشرة بس ما مية)
وانا في انتظار ود المشرف ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد حيدر المشرف)
|
Quote: لا يا عزيزي دى قرايه غلط للكلام الكتبتو .. مطاردة كاتب البوست هو الموضوع المابستاهل اكثر من 400 مداخله وليس الكهرباء
|
الاخ مشرف
مطاردتي لصاحب البوست (رد الله غربته) أجد لها سببا قويا هو ما دفعني ويدفعني للوصول لهذا البوست للصفحة رقم 50 : أصراره الفج في عدم الإعتراف بعدم جديته في التثبت من أخباره (هذا الخبر على الأقل) بالنسبة لي وانا المتضرر (كغيري) من عنتريات الحكومة وإستخفافها بالمواطن الذي يتكلف فوق طاقته عناء أرضاء رغباتها فإن قاصمة الظهر أن يأتي كائن من كان يتغنى بأخبار كاذبه ثم لايجد في نفسه حرج من ترديدها برغم ثبوت زيفها
مرة اخرى
اجد الأمر يستاهل و نص وخمسة
Quote: عزيزى صلاح .. الصدق والشفافيه قيم جميله جدا .. ولا اظنها كانت الدافع وراء التشنيع بالرجل |
شققت صدري؟ علمت ما بداخله؟ لم يسبق لي التداخل مع محمد فرح, وأظنها تكون الأخيرة - مالم يمسنا منه جديد زيف- فلست أحفل بأغلب ما يسوق من أخبار
لو أردت التشنيع به لطاردته في كل بوست يكتبه و كل خبر يورده, و لتتبعت امر بشرياته باحثا عن هفواته
الأخ المشرف
ماضر محمدفرح لو كان إعتذر؟ بدلا عن قول ان الكهرباء أكثر مما نحتاج لو قال أخطأت تقدير مصدري حق قدره عوضا عن وسم الآلات بديدن العطب
محمد فرح بسلوكه هذا يكاد يكون موظفا في أحد تلك المرافق الحكومية التي أخر همها أن تصدق مواطنيها
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
الصديق محمد المشرّف
Quote: شكرا يا عزيزي .. هو اراد سبقا خبريا وبشاره بناءا على معلومات ومعطيات توافرت عنده .. هذا تحديدا ما فعله محمد فرح .. البحث عن دوافعه تكاد تكون معلومه .. |
المتابع لبوستات محمد فرح لا يخفى عليه باستمرار ترويجه لأقوال لم يتم التثبّت منها، تحديداً ما يدعم معتقداته ومن يؤيدهم. كما أنه متخصص في كل أخبار الإقليم الجنوبي التي لم يتم التثبت منها أيضاً. شخصياً قد لا أتفق مع إطلاق صفة الكذب عليه، ولكنه بالتأكيد (ملقوف).
تحياتي.
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: واخالف صلاح الدين في الراي ..
بعد ان تشعب البوست واصابنا منه اتهامات ب (المغرضين واليائسين و..و..) فانا لا اطالب بالاعتذار عن ((من بكره تاني مافي كهرباء انشاء الله)) بل اطالبه بالاعتذار عن.. الاتهامات اعلاه.. كذبه الصريح.. اللف والدوران. |
الأخ صلاح
نحن فعلا مختلفين
فأنا لا اطالب محمد فرح بأي إعتذار
إتيحت لمحمد فرح فرصة جيدة ليخاطبنا بالتي هي أعقل, إلا انه إستنكف و فضل لغة الإستعلاء الإنقاذي
على وزن Quote: حالياً نحنا مشكلتنا إنو الكهرباء بقت أكتر من اللازم |
و Quote: توقفا عن العمل وهذا هو ديدن الآلات ياأخوانا |
بل وزاد ما تعلمه ويعلمه كل متابع لهذا البوست
لا أستطيع ان ألوم محمد فرح على إنقطاع الأمداد الكهربائي (وبالتالي المياه أيضا) وما يترتب عله من فوات للمنافع
ولكني أعيب عليه تفويته لفرصة أن يحاورنا - كزملاء له في هذا البورد- بالعقل والمنطق
وكما قلت من قبل
يبدو لي كموظف يؤدي مهامه بآلية مبرمجة سلفا, ويقيني أن تلك البرمجة لا تشمل الإعتذار او نقد الذات
سأظل أكتب في هذا البوست حتى يملني صاحبه وحتى يملني الجميع, بل وحتى أمل انا نفسي
--------------------------------------------------------- الأخوان صلاح, قمر و أبوالريش
شكرا للسؤال فقدت الباسوورد (والصورة) في حادث هاكري ولكننا عدنا والحمد لله
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: تصدق يا نعيم لو قلت ليك واقفين لغاية الساعة 11:00 نسقي |
أصدق يا صلاح... هو انا غير (اصدق) دي في شنو ازيني..؟؟ المؤمن (صديق)..(شان) كده زعلان من ناس الكهرباء.. بستغلوا (صديقنا) - بكسر الصاد- ويعوقوا (مشاعرنا)..
Quote: وصلت البيت لقيت ليك ناس البيت منتظرين الموية تجي
|
اثبتت الدراسات الاجتماعيه ان سهر الاسره (ولا نوموا) في انتظار (المويه جات) يقوي ويدعم الاواصر الاسريه خاصة بعد غياب (صينية الغداء) اعتقد انه الحركه دي مقصوده (لتزكية المجتمع) وكده
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: ود الباوقة)
|
Quote: الكهرباء جاية جاية ولو كره اهل الظلام ... |
كلها خريف خريفين وتكبر وتبقى حلاتا.. فى ذمتك أهلك فى الباوقه عايشين كيف?قبل عشرين سنه وهسع?فضل فيها كم نفر?كم نفر خلى زراعتو وسكن فى أطراف الخرطوم وشغال أى حاجه?بعد كان منتج..وين المنقه والقريب?وأخبار (الطرفه) والحشائش الضاره شنو?الباوقه فاضل فيها كم (متره)وكم جنينه منتجه?بعد ده كلو جاى تبرر لحكومه زى دى?
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: naeem ali)
|
Quote: المؤمن (صديق)..(شان) كده زعلان من ناس الكهرباء. |
الزعل البجد جد ما عشان القطوعات المبرمجة ولا عشان الفجوة الحاصلة
ما ياهو حالنا من زماااااان
الزعل على ( سرية البرمجة) يعني لو ورونا الناس بتعمل حسابا و تكيف روحا على الأساس ده
لكن لأ
لازم تفهمها براك
وأول ما تفتكر انك فهمت البرمجة بيلخبطوها ليك تاني
ف واحد صاحبنا قال:
ناس الحكومة ديل في إجتماعاتهم بيقولو
اها الشعب مرتاح وين؟ بيشرب شاي؟ زيدو سعر السكر وتاني مرتاح وين؟ المواصلات؟ زيدو سعر البنزين
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: الزعل على ( سرية البرمجة) يعني لو ورونا الناس بتعمل حسابا و تكيف روحا على الأساس ده
|
كلام (تكيف روحا) ده اظنه طالع من العقل الباطن يا صلاح (انت بديت تتكلم من بطنك يعني).. بعدين في داعي للاحباط..؟؟ انا عامل زي عشرين (متواليه) ومتنيله من قبيل قايل نفسي عرفت (سر البرمجه) يعني بعد التضريبات دي كلها ممكن تطلع برمجه تانيه..؟؟؟ غايتو الشغاله دي كالاتي يوم كهرباء بالنهار مافي (يعني من الصباح) كده وتجي باليل (مع امكانيه القطع) في اي لحظه ويوم بتكون بالصباح في لحدي العصر كده وتقطع (ودي مابسألوا بتجي متين) غالبا ما تكون في دوريات لملء البراميل والازيار (والاباريق) ولو نامت الدوريه...... اييييييييييييييييك
____________ ملحوظه : البرمجه اعلاه قابله للذياده او النقصان تسري حتي تغيير البرمجه (عدا السهو والخطاء) او مايراه (الخذان) مفيدا
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: حسين نوباتيا)
|
الأخ / محمد أبو العزائمQuote: المتابع لبوستات محمد فرح لا يخفى عليه باستمرار ترويجه لأقوال لم يتم التثبّت منها، |
كفى به إثماً .. وتثبت هذه الاقوال كانت بسيطة وبالعقل.. ولكنه زيادة على الترويج أتى بتحليلات من عنده تنافي الواقع.. يعني ليس كل ماقاله عبارة عن نقل.. الظاهر علينا كسودانيين محتاجين تعريف جديد للكذب..
وكمان حضر ود الباوقة..
متوقعين زيارة قريبة لي ود فرح..
.......
صلاح الدين حمدلله بالسلامة..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: هشام الطيب)
|
Quote: سد مروي وكهرباء سد مروي كانجاز ليس حكرا على حكومة ما .. او نظام ما كلنا كسودانيين شاركنا فيه .. ضرائب وزكوات ليست من الدين بشى وجبايات كثيره .. واهو يرجع لينا جزء مما دفعناه كارهين خيرا من ذهابه كله للارصده البنكيه لاهل الانقاذ
.. شكرا محمد فرح واتمنى ان تعم الكهرباء مدن وقري السودان .. هذا الحلم بات قريبا اكثر من اى وقت مضى |
أخي محمد حيدر المشرف أولا :- لم يبخس أحـد المتداخلين من الســدأو تكلم عن السـد برغـم رأي الكثيرون ورفضـهم لما مورس في حــق أهــل المنطقة وبرضو في البوسـت لم يتطرق أحـد لذلك , لكن كان كل المداخلات عن كذبة محمـد فـرح أو قل مزايدته ثانيا :- لم يشـيد الســد مما دفعـناه ( فما أقتلع منا له مصارف أخرى ليس من بينها التنمية ) ولكـن مما سـتدفعه الأجيال القادمة فالسـد فيـه تمـويل خارجي ضخـم ( وهي ديـن على أجيال قادمة )
ثالثا :- لا أعتقـد أن أحـد المتداخلين لا يريد الخير لأهـله , فكلنــا نتمنـى أن تعــم الكهـرباء جميع مـدن و قـرى الســودان بـل ويعـم كل الخيـر من ( تعليم , صحـة ........الخ ) , بس بـدون مــن أو أذى أو تكســب ســياسـي , فهـذا واجــب الحكومة وعليها القيام بـه ولكـن لما صـار العجـز هـو ديـدن ( مستعارة من محمد فرح ) الحكومات أصبح أداء واجبهـا انجـاز وإعجـاز ورد ..
Quote: هى الفكره انو الزول ده كضاب ؟.. يعنى بوست يمتد لاربعه صفحات لاثبات كذبه ما ؟.. جاكم قبل اسبوع او اكتر وقال ليكم الكهرباء ما حتقطع من بكره .. وبكره والاسبوع الذى يليها زادت فيه حتى قطوعات الكهرباء قالها بناءا على معطيات لم تتحقق .. وفسر ذلك لاخطاء مكانيكيه او تقنيه وتوربينات لم تعمل بالشكل المطلوب والمتوقع .. ثم ما هى حدود مسؤوليته تجاه ما حدث .. شفقان ومتسرع لدعايه اعلاميه للحكومه ؟.. امكن بس انو تعمد الكذب .. وألف ليهو شي قطعو من راسو .. لا اعتقد واصلا الموضوع ما بستاهل عموما تحياتي لكما |
الموضوع ليس في المعطيات ولماذا لم تتحـقق , وليس في ديدن الماكينات برغم علمنا أن المعطيات ( مدخلات ) لها نتائج ( مخرجات) , والكلام هنا ليس عن مدخلات انتاج الكهرباء ولكـن عـن مخرجات محمـد فـرح التي يعلم وحده مدخلاتها فهـل كان كلام محمد نبـوءة ؟ علما بأنني قـد كتبت في هذا البوست من قبل أنه وبعـد دخول كهرباءالسـد ومحطة كوستي وقـري 4 , حيظل هناك قطوعات وحتظل شـوارعنا مظلمـة وقرانا كذلك لأن كل الانتاج دا ما بيغطي الحاجة الفعلية , فكيف لن تقطع الكهرباء , المشـكلة أخي محمد حيدر أن الكذبـة أصــلا تهـدف للمزايـدة والتكسـب السـياسي وفـق برنامج إعلامي يســتخف بعقـول الناس وهـذا ما رفضـه المتداخلون , فمن حـق محمـد فـرح ومن خلفـه المؤتمـر الوطني أن يفرحوا بما يرونه انجاز ولكـن ليس من حقهـم أن يصوروا لنـا كل ما يقومون بـه باعتباره غايـة المنى وقـد تحقق , يا أخي الدول تقـوم بمـا هـو اكبر من إنشاء ســـــد ولم تزايــد لأنها ترى أن واجبهـا أن تنجـز فلماذا عنـدنا كل عمـل هـو انجـاز لم يسـبق له مثيل (يا أخي دا أسلوب الخـم والضحك على البسـطاء )
أما عن حدود مسـئوليته فيما حدث , فلا أحـد من المتداخلين حمـله مسـئولية ما حدث من عطـل أو انقطاع الكهرباء ولكنـهم قـالوا له ( يا محمــد ما تكذب علينا , لأننا نعيش واقـع قطوعات كهرائية متزايدة فلتقل خيرا أو لتصمـت فقـد كذبت )
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: عبدالله احيمر)
|
الاخ صلاح الدين..Quote: سأظل أكتب في هذا البوست حتى يملني صاحبه وحتى يملني الجميع, بل وحتى أمل انا نفسي |
وانا كمان بس وبي كل بروود يعني من غير انفعال..
الاخ عبدالله احيمر: مداخلة جميلة وثرة وصادقة ..Quote: الكذبـة أصــلا تهـدف للمزايـدة والتكسـب السـياسي وفـق برنامج إعلامي يســتخف بعقـول الناس وهـذا ما رفضـه المتداخلون , فمن حـق محمـد فـرح ومن خلفـه المؤتمـر الوطني أن يفرحوا بما يرونه انجاز ولكـن ليس من حقهـم أن يصوروا لنـا كل ما يقومون بـه باعتباره غايـة المنى وقـد تحقق , يا أخي الدول تقـوم بمـا هـو اكبر من إنشاء ســـــد ولم تزايــد لأنها ترى أن واجبهـا أن تنجـز فلماذا عنـدنا كل عمـل هـو انجـاز لم يسـبق له مثيل (يا أخي دا أسلوب الخـم والضحك على البسـطاء )
أما عن حدود مسـئوليته فيما حدث , فلا أحـد من المتداخلين حمـله مسـئولية ما حدث من عطـل أو انقطاع الكهرباء ولكنـهم قـالوا له ( يا محمــد ما تكذب علينا , لأننا نعيش واقـع قطوعات كهرائية متزايدة فلتقل خيرا أو لتصمـت فقـد كذبت ) |
ولا أراك إلا وقد زدت الوضوح وضاحةً تحياتي..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
عبدالله الاحمر...اخوي
ناس الكهرباء ادوك قروشك والله لسة المهندسة ما جات؟
وبعدين المهندسة تجي لي شنو؟ مش قروشك في الخزنة والصراف كل يوم موجود؟؟؟؟
الحكاية ببساطة الصراف دا قبض قروش كهرباء ما ادوك ليها مش مفروض يرجعها ليك؟ وليش هو عندو صلاحية يقبض وما يدي؟
(مش اليد العليا خير من السفلي) ليش مخلين يدو سفلي طواااالي وليش هو يرضي بالسفلية دي؟ انتظر الصراف يجي راجع من صلاة الضهر وكب ليه حصة دين...امكن ضميروا يصحي يديك قروشك
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: بشير أحمد)
|
الاخ بشير احمد:Quote: وانه قد قررت إنشاء شركة كهرباء خاصة جديدة |
جديد والله .. هل هذا يعني شبكة جديدة ومحطات جديدة وأعمدة جديدة (مما سيعني عشرة سنين تجهيز) أم سيقومون بتأجير خط من خطوط الكهرباء التلاتة بتاعة الهيئة ويخلو الأرضي مشترك .. لو صح هذا الكلام فإن اللسان يعجز عن الوصف .. وعلى أية حال فليس لدي تعليق غير الدعابة أعلاه .. وإذا في جديد في الموضوع أعلاه .. فإنشاء الله بنمشي البوست المعني وندلي بدلونا..
هنا خلينا في كذب محمد فرح.. واللعب على الدقون ..
نزار جننته البلطي جن.. انا خايفو يهاجر من البلد .. ويجي الخليج..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: تقول مجالس الخرطوم أن قيادة المؤتمر الوطنى ممثلة فى إدارة سد مروى قد قررت
أن لاتدخل كهرباء سد مروى ضمن الشبكة العامة لكهرباء السودان
وانه قد قررت إنشاء شركة كهرباء خاصة جديدة
و يقال انه بالفعل بداء الإعلان عن وظائف فى شركة كهرباء جديدة
وان هناك عدد من مهندسى الكهرباء الذين كانوا يعملون ضمن طاقم هيئة
الكهرباء فد تقدموا للوظائف المعلنة فى الشركة الجديده!!
من يستطيع تأكيد هذا الخبر أو نفيه؟ |
أخـي بشــير أحمـد الكـلام دا ما نجــر , لأن وحــدة الســدود فعــلا عاوزة تكـون شــركة توليـد كهـرباء تقـوم ببيــع ما نتنجـه من تيار للهيئة العامة للكهـرباء لتقـوم بالتوزيـع ( أي تبيـع للمســتهلك ) أما عملية نقـل التيار فقـد تنشـأ لهـا شـركة ثالثة مهمتها نقـل التيار من ناس السـد وتسـليمه لناس التوزيع وقـد تتبع لوحدة السـدود أو الهيئة القومية للكهرباء , حتى الآن ما معروف يحصل شــنو . عشــان كـدا ( مكاوي ) مديـر الكهـرباء لمـا سـئل عـن العطـل الذي حدث في التوربينات أجـاب بأنـه لا يدري وفعـلا لا يدري فالتوليد في خـزان مروي لايتبع له وذلك عكس الخزاناات الأخـرى ,لذلك شـركة الكهـرباء الجديدة قـد تحتاج مهندسـين لذلك صــدق من اورد ما تتناقله مجالس الخرطوم لأن وحدة السـدود حتكون شـركة كهـرباء لوحدها بس من غير توزيـع , توليــد فقــط .
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: عبدالله احيمر)
|
Quote: الكـلام دا ما نجــر , لأن وحــدة الســدود فعــلا عاوزة تكـون شــركة توليـد كهـرباء تقـوم ببيــع ما نتنجـه من تيار للهيئة العامة للكهـرباء لتقـوم بالتوزيـع ( أي تبيـع للمســتهلك ) أما عملية نقـل التيار فقـد تنشـأ لهـا شـركة ثالثة مهمتها نقـل التيار من ناس السـد وتسـليمه لناس التوزيع وقـد تتبع لوحدة السـدود أو الهيئة القومية للكهرباء , حتى الآن ما معروف يحصل شــنو . عشــان كـدا ( مكاوي ) مديـر الكهـرباء لمـا سـئل عـن العطـل الذي حدث في التوربينات أجـاب بأنـه لا يدري وفعـلا لا يدري فالتوليد في خـزان مروي لايتبع له وذلك عكس الخزاناات الأخـرى ,لذلك شـركة الكهـرباء الجديدة قـد تحتاج مهندسـين لذلك صــدق من اورد ما تتناقله مجالس الخرطوم لأن وحدة السـدود حتكون شـركة كهـرباء لوحدها بس من غير توزيـع , توليــد فقــط . |
انت جادي في الكلام ده يا عبدالله.. وهل له سبب في إنو كهربة السد ما تصل الخرطوم.. يعني السيناريو بتاع صلاح الدين كان صح بس بعد ما فتحو البلف الفي مروي قامو الجماعة اتشاكلو بهناك ما بين وحدة سد ومولدين كهرباء وموزع الكهرباء قام في النهاية قال ليهو ياخي اقفل البلف ده وخلينا نحل الحكاية دي..
على العموم يظل هذا كله ليس موضوع البوست ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: انت جادي في الكلام ده يا عبدالله.. وهل له سبب في إنو كهربة السد ما تصل الخرطوم.. |
أخـي صــلاح
[B ] 1 / لا أعتقـد أن هنالك عـلاقة بين الصراع الدائر حول تبعية كهرباء السـدوعـدم وصول الكهـرباء للخرطوم و تبقى المفارقة في أن التوليـد في جميع الســدود القديمـة ( الرصيرص , ســنار , القربة ) يتــبع للهيئة القومية للكهرباء , أما التخزين و تصريف الماء فيتبع للري , و هنالك تنسـيق دائـم بينهما( ناس الري يحددوا كمية الماء المطلوب تصريفهـا وناس الكهرباء وبناء على ارتفاع المنسـوب وكمية التصريف يقومون بحسـاب ما يمكن توليده وإذا زادوا في التصريف عن الكيمة المحددة بسـبب حوجتهم لتوليد إضافي فيتـم خصم هـذه الزيادة من حصـة الفترة القادمة , والتفاصيل كتيرة في ذلك ) أما خـزان جبل أولياء فلا علم لي تحديدا وإن كنت أعتقـد أنه يتبع نفس الطريقة ( التوليد فيه حديث ) , وفي ســد مروي الوضــع مختلف , التوليد لآسـامة عبدالله وهـذا الوضـع غيـر مرضى لمكاوي وبرضــو الماء المخـزون من المفترض أن يتبع للري ,لكـن يبـدو أن سـيتبع لأسـامة لذلك كتبت للأخ بشـير أن حديت مجالس الخرطوم ما نجــر بـل حقيقــة يرضاها البعض ويرفضهااالبعض ...... 2 / سـافرت من السـودان والوضع كما هـو , ولســان حالي ويا يـوم بكـرة ( الخميس ) ما تسـرع عشـان نعـرف هل رجـعوا المبلغ أم لا , وهـل رجعوه كهرباء قاطعـة أم نقــد
أخي صـلاح أعتذر في الخروج عن الموضوع الأساسي للبوســـت ولكن عــذرنا كـلو عنــد الســودانيين كهــرباء قاطعـــة
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
يا جماعة .. العيش لو ما كفى أهل البيت يحرم على الجيران ..
أول حاجة ناس مروي ...
نبارك ليهم السمك .. و من ثم الكهرباء ..
بعدين ناس الخرتوم دورهم بيجي بعد..
ولا زم الكهرباء تدخل تدريجياً عشان ما تحصل صدمة حضارية ..
معقولة فجأة كده الواحد كل يوم يرجع البيت يلقى الكهرباء شغالة ..
يمشي السوق ولا الورشة ولا المكتب يلقاها شغالة ؟؟؟
دي في حد زاتا مشكلة ...
..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: سأظل أكتب في هذا البوست حتى يملني صاحبه وحتى يملني الجميع, بل وحتى أمل انا نفسي
|
يا حبيب اكتب و اتونس، غايتو قطعة الكهربة دى كان فيها حاجة كويسه
بتكون لمة الناس فى الحوش و ونستهم سوا ! و اسه نحنا كهربتنا قاطعة و حوشنا اسفيرى
و ونستنا جاااااره لحدى ما يجبو الكهربا !!! يالله يجبوها قبل معياد المسلسل
اسخف حاجة يقطعوها ليك فى الحلقة الاخيرة ! او فى مبارة المريخ و الهلال
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: برنابا تيموثاوس)
|
صلاح ليون سلامات وكيف الحال ..
ياخى انا قصة الاقتباسات ما بميل ليها .. ببساطه لانها تبعيض تداخلت بمداخله غير موجهه .. وجد ابدا ما دار بذهنى انها قد تكون موضوع نقاش ده رأئي وقلتو وحسبما اري وخلاص .. وبحريه مطلقه .. مطلقه
ردة فعلك تجاه ما طرحت مكفوله ليك وكيفما تشتهى .. التجاوزات ضمنتها انا( فى سياق ادبيات المنبر) ومافى مشكله ..
مارست نوع من الوصايه والتعالى الفوقى وقعدت تعلمنا بديهيات تجاوزناها .. وما فى مشكله
اصلا مافى صراع حقيقي .. واهو بنكتب غلط الصاح مظبوط وعلى قدر لحاف شوفنا بنشوف
ده كلو كويس .. نجى لى كلامك ده واتمنى ان يكون تبعيضا مخلا
Quote: يا محمد حيدر خلاص عرفنا حدك |
طيب لو تكرمت تورينى حدى ده وينو وكيف ؟.. يعنى بقيف وبحرن كالحمار فى ياتو حته ..
فى فهمى القاصر لانماط الصراع فى المنبر .. ولا الواقعيه السياسيه ( مفهوم خاص ) ولا ملفات الفساد .. ولا مفاهيم المقاطعه الاجتماعيه للكيزان .. ولا القدره على المهاتره ولا عدم ولائي للدوغمائيه المنبريه المعارضه ولا افتقاري لادوات النقاش الجاد ولا ضعف الخلفيات الفكريه ولا المقاربات الخاطئه للمواضيع ولا فقدان بوصلة القرايه والاستقراء والتحليل ولا جهلى البائن بينونه كبري فى الربط بين النتيجه والاسباب ولا بخاف من زول ولا ياتو حد انا محدود بيهو يا صلاح ..
فياخى .. ده كلام لا يليق ان يكون بيننا .. ماهية الخلاف تكمن فى المقاربه , وحريتك حدها السما الاحمر وفايتاهو بى غادى تبقى اسقاطات مداخلاتك معى حدها عدم الاساءه .. سواء مواربه او صريحه
لست معنيا بخلفياتك وصاحب البوست وما دار وكيف اساء اليك وكيف اسئته.. ولا خلفياتو السياسيه ولا خلفياتك انت محل انتباهى كى تؤطرنى بآراء مسبقه عند ولوجى للموضوع تجاهيكما ..
قدرتك على استقراء ما اكتب ليست معيارا لما اقول والكلام عام .. اكتب ما اراه حجم المسأله .. تكتب انت ما تراه للصفحه الخمسين .. رأئي سيكون ان الموضوع لا يستحق 400 مداخله وان الرجل لم يكذب وانما اخطأ فى التقدير .. رأئك انه يستحق لما فيه من ترويج للانظمه الشموليه او الاسلامويه او الديكتاتوريه .. ولما فيه من تمرير للاكاذيب العريضه وبيع الاوهام وارتهان الوطن برفدها بالوعى الزائف
ارجو ان يكون مدخلى هنا واضحا .. ان لم يكن فتجاوزه
شكرا
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: برنابا تيموثاوس)
|
الصديق ابو الريش سلامات
Quote: المتابع لبوستات محمد فرح لا يخفى عليه باستمرار ترويجه لأقوال لم يتم التثبّت منها، تحديداً ما يدعم معتقداته ومن يؤيدهم. كما أنه متخصص في كل أخبار الإقليم الجنوبي التي لم يتم التثبت منها أيضاً. شخصياً قد لا أتفق مع إطلاق صفة الكذب عليه، ولكنه بالتأكيد (ملقوف).
تحياتي. |
قلنا دوافعه تكاد تكون معلومه .. قالوا لينا ( شقيت بطنو ؟) !!! تصور ..
..
قلنا ما اورده لا يرقى اتهامه بالكذب .. لم يتمهل وشفقان ادونا حصه فى توصيف الكذب !! تصور !..
.. كما وتم ضمنا لكفة الميزان البغيضه
تحياتى ومشتاقين
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد حيدر المشرف)
|
اخى عبدالله الاحمر سلام
لا خلاف فالسد حقنا ما حقهم فالثمن دفعناه او ستدفعه اجيالنا القادمه والنتيجه واحده .. لا خلاف على ان الموضوع يدخل فى باب الدعايه السياسيه وقلنا ان دوافع الرجل تكاد تكون معلومه .. الخلاف حول التمييز الدقيق او التقييم لموضوع البوست لا اراها اكذوبه حاكها باهمال وغباء .. ( من بكره ... تاني مافي كهرباء بتقطع في الخرطوم إن شاءالله ) اري انه او حدسى يقول بانه كان صادقا والمرء يصدف كثيرا ان يصدق اكذوبة ما
تحياتى ووافر الاحترام
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: برنابا تيموثاوس)
|
ياجماعه أنا بفتكر الموضوع يتجاوز محمد فرح وود الباوقه وكل الابواق الهنا !! الذى يكذب علينا ليس محمد فرح , الذى يكذب علينا ويستغفلنا هو النظام الحاكم ,, ألم تروا كيف أنهم إستثمروا كهرباء السد فى كسب تعاطف المواطنين يوم أن خدعوا حتى رئيس الجمهوريه وأوحوا له قبل يوم من صدور مذكرة أوكامبو الشهيره بأن كهرباء السد جاهزه للإفتتاح , وحشدوا له الآلاف من الصابرين من أبناء الوطن وهم يعلمون تماما بأن كهرباء السد لم تكن جاهزه للتشغيل فى ذلك اليوم , فقط كانوا محتاجين لتلك الحشود لتهتف ( الرد الرد السد السد ) ولم يكن يهمهم بعدها أن يكون وعد الرئيس المخدوع للجماهير التى هتفت له حقيقيا, ولا ردة فعلهم عندما تكتشف تلك الجماهير بأن ذلك المايك الذى كان يتحدث به الرئيس من داخل السد كانت كهربته من مولد يعمل من موقع الحفل . وأستمر النظام يكذب على الناس حينما أعلن عن تدشين المحطات فى العاصمه وجاء هذه المره نائب الرئيس ودشن الموقعيين الذين رأيناهم فى التلفزيون ووعد الجماهير فى نفس لحظة التدشين بأنهم من اليوم سوف ينعمون بتيار لا ينقطع . وكان للأسف منقطعا فى نفس اللحظه وأبنائنا داخل فصول أشبه بالفرن وهم يؤدون فى إمتحان الشهاده السودانيه . نعم سوف يأتى اليوم الذى يعمل فيه السد وربما أيضا لاتنقطع الكهرباء مرة أخرى , وربما نصدرها لدول الجوار ,, هذا كله وارد . لكننا نريد إعتذارا وتوضيحا وتفسيرا لكل ماجرى ليس من محمد فرح ولا من وحدة السدود ولا من هيئة الكهرباء بل ولا حتى من وزير الطاقه . نريد إعتذارا وتوضيحا من الرئيس ونائبه على الاقل ليردوا الاعتبار لأنفسهم أولا وللجماهير الصابره والمكتويه بالعذاب فى كل شئ وليس الكهرباء فقط , الجماهير التى هتفت للرئيس وناصرته فى محنته ضد المحكمه الجنائيه , الجماهير التى كانت مخدوعه فى ذلك اليوم وهى تهتف ( الرد الرد السد السد ) , وقد ردت ولكنها لم تجد سدا . بعد ذلك على نظام المؤتمر الوطنى أن يكف عن إسلوب التضليل وإستجداء عطف الناس وإستغلال أجهزة إعلام الوطن كله لمكاسبه الحزبيه . وإذا كان حزب المؤتمر الوطنى مازال وبعد عشرين عاما من قبضته الحديديه على مفاصل الوطن والمواطنين مازال يكذب ويضلل حتى يلتف حوله الناس , فيجب أن نقول لهم هذا يكفى ونرجو المحاوله بطرق أخرى . أنا متفائل للغايه وعندى إحساس قوى بان الرئيس سوف يفعلها ويأتى ويعتذر تحديدا فى موضوع الكهرباء ,, لأنه كان مخدوع مثلنا !!!!!!!
محمد فرح وود الباوقه ,, لا عليكم ,, الحكايه خربانه من كبارها ,,
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد حيدر المشرف)
|
ملخص سريع لكل مداخلات محمد فرح في الصفحات الخمس الأولى لاننا على وشك الدخول للسادسة وعشان البيجو متأخرين ويعتمدوا على الدواخل بس عشان يعرفوا الحاصل والكذب الصريح ده.. بدأت طبعا من هنا :Quote: من بكره ... تاني مافي كهرباء بتقطع في الخرطوم إن شاءالله |
والتأكيد هنا:Quote: بس بإذن الله من بكره حتستمتع وكل سكان الولايه بإمداد كهربائي مستمر بعون الله |
وشوية خفة دم هنا:Quote: من بكره حتشتهوا قطعة الكهرباء بالليل ولمة الحوش بالبطاطير والشاي البالقرقوش |
ده ماعارفو كان لي شنو:Quote: شايف الاغلبيه مامصدقه إنو الحلم خلاص إتحقق وإنو تاني قطوعات مافي زمن إنقطاع الكهرباء خلاص ببح ، إنتهى ده وعد قطعتو الإنقاذ وهاهو الآن تحقق وأصبح واقعاً |
التحدي هنا:Quote: أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيها وتحدي لو تاني الكهرباء قطعت |
زيادة في الغي هنا:Quote: ولمن يريدون تبخيس هذا الإنجاز عليهم أن يقارنوا واقعنا الحالي بواقعنا السابق عندما كانت الكهرباء تقطع بالتلاته والاربعه يوم . ياأخوانا الطفره الحصلت في الكهرباء دي أصلها ماعاديه وخصوصاً بعد دخول كهرباء السد للشبكه |
وبدأت التبريرات :Quote: طبعاً الكهرباء يادووووب وصلت الليله |
Quote: حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه . |
وبدأ الكذب:Quote: فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي |
والاتهامات:Quote: آثرت عدم الرد على ردود بعض المغرضين ممن يريدون تبخيس جهود المخلصين من أبناء هذا الوطن الذين يعملون ليل نهار غير آبهين بأصوات اليائسين العاجزين المحبطين |
كل هذا مع استبعاد المؤثرات الجانبية الصوتية من سمك ودنقلا وقري..
| |
|
|
|
|
|
|
| |