|
Re: من بكره ... تاني مافي كهرباء بتقطع في الخرطوم إن شاءالله (Re: هاشم نوريت)
|
وذكر..Quote: الكذب وهو: مخالفة القول للواقع . وهو من أبشع العيوب والجرائم، ومصدر الآثام الشرور، وداعية الفضيحة والسقوط. لذلك حرمته الشريعة الإسلامية، ونعت على المتصفين به، توعدتهم في الكتاب والسنة:
قال تعالى :((إن الله لا يهدي من هو مسرف كذاب))(غافر: 28).
وقال تعالى: ((ويل لكل أفاك أثيم))(الجاثية:7).
وقال تعالى: ((إنما يفتري الكذب الذين لا يؤمنون بآيات الله، وأولئك هم الكاذبون ))(النحل: 105).
وقال الباقر (عليه السلام): (إن الله جعل للشر أقفالا، وجعل تلك الأقفال الشراب، والكذب شر من الشراب)(1الكافي).
وقال (عليه السلام): (كان علي بن الحسين يقول لولده: اتقوا الكذب، الصغير منه والكبير، في كل جد وهزل، فإن الرجل إذا كذب في الصغير، اجترأ على الكبير، أما علمتم أن رسول الله (صلى الله عليه وآله) قال: ما يزال العبد يصدق حتى يكتبه الله صديقا، وما يزال العبد يكذب حتى يكتبه الله كذابا)(1 الكافي).
وقال الباقر (عليه السلام): (إن الكذب هو خراب الإيمان)(2 الكافي).
وقال أمير المؤمنين (عليه السلام): ( اعتياد الكذب يورث الفقر)(3 الخصال للصدوق).
وقال عيسى بن مريم(عليه السلام): (من كثر كذبه ذهب بهاؤه)(4 الكافي).
وقال رسول الله (صلى الله عليه وآله) في حجة الوداع: (قد كثرت علي الكذابة وستكثر،فمن كذب علي متعمدا، فليتبوأ مقعده من النار، فإذا أتاكم الحديث فاعرضوه على كتاب الله وسنتي، فما وافق كتاب الله فخذوا به، وما خالف كتاب الله وسنتي فلا تأخذوا به)(5 احتجاج الطبرسي) |
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
الملخص .. بواسطة صلاح الدين من الصفحة السابقة لزوار الصفحة الرابعة وإلى لقاء في بوستات أخرى..
Quote: بدت كدهQuote: من بكره ... تاني مافي كهرباء بتقطع في الخرطوم إن شاءالله المره دي مازي سابقاتها المره دي الجواب نهائي وتاني الولايه حتستمتع بتيار مستمر بدون تردد أو إنقطاع إن شاءالله Quote: هذه بشارة مفرحة وستتواصل بشائر النصر بعون الله
Quote: انا زاتي هنا الكهرباء قطعت زي 10 دقائق وجات بس بإذن الله من بكره حتستمتع وكل سكان الولايه بإمداد كهربائي مستمر بعون الله وبرغم التقارير Quote: من بكره تاني التيار مستمرررررر إلى مالانهايه دي الاكيده ياحبيب من بكره حتشتهوا قطعة الكهرباء بالليل ولمة الحوش بالبطاطير والشاي البالقرقوش وبرغم مزيد من التقارير Quote: شايف الاغلبيه مامصدقه إنو الحلم خلاص إتحقق وإنو تاني قطوعات مافي زمن إنقطاع الكهرباء خلاص ببح ، إنتهى ده وعد قطعتو الإنقاذ وهاهو الآن تحقق وأصبح واقعاً في هذه اللحظات يتم الإحتفال بوصول كهرباء مروي للخرطوم الحمد لله الذي جعلني أشهد هذا اليوم أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيها وتحدي لو تاني الكهرباء قطعت وبعد ضغط شديد و لياقة Quote: لاأدري إن كان حسن طالع أم سوء المهم أنا واثق إنو من بكره تحديداً تاني مافي كهرباء بتقطع ولمن يريدون تبخيس هذا الإنجاز عليهم أن يقارنوا واقعنا الحالي بواقعنا السابق عندما كانت الكهرباء تقطع بالتلاته والاربعه يوم اها قام جا واحد شاكلنا ليك
Quote: أها ياجماعة الكهرباء بت (قطع) والماسورة بت(نقط) المطلوب اثباته شنو؟ غايتو اهو كلو مناتله ؛بس الكيزان قاعدين . شوفوا لينا حاجة عليها القيمة ؛نشيل بيها الجماعة ديل ؛بدل الملاوه دي. نشكر كل مراسلي الولايات لمدهم لنا بتقارير الامداد الكهربائي بمناطقهم. وناس الكهرباء طلعوا كضابين ؛ اها البعدو
و ف الأخر طلع السبب Quote: حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه . حالياً نحنا مشكلتنا إنو الكهرباء بقت أكتر من اللازم
|
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
الساده الكرام رواد البوست آثرت عدم الرد على ردود بعض المغرضين ممن يريدون تبخيس جهود المخلصين من أبناء هذا الوطن الذين يعملون ليل نهار غير آبهين بأصوات اليائسين العاجزين المحبطين ، يعملون لأجل غد أفضل لنا ولأبناءنا ، غد مضيء ، أخضر وأفضل . حسب إستطلاعاتي في هذا الامر الذي بحثت فيه كثيراً وهاتفت جل من أعلم أنهم يعملون في هذا المرفق الحيوي الهام فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي فالبدايات في كل مكان بالارض تكون متعثرةً بعض الشيء ثم لايلبث العود أن يشتد ويستقيم كل شيء ، خروج التوربينين من الخدمه هو ماأدى لهذه القطوعات حيث إضطرت الهيئه لتشغيل كل وحدات التوليد المتاحه بأقصى طاقه ممكنه لتغطية العجز وكما علمت فإنه إبتداءً من يوم 22 ابريل الذي يوافق الثلاثاء القادم سيعود التوربينين للعمل مجدداً وعندها ستقل القطوعات كثيراً وربما تنعدم نهائياً إن شاءالله . وسيكون عودة التوربينين للعمل وإستقرار الكهرباء صفعةً قويه لكل المغرضين الذين لايريدون خيراً وإستقراراً ورفعةً لوطننا العزيز الشامخ الابي .
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: حسب إستطلاعاتي في هذا الامر الذي بحثت فيه كثيراً وهاتفت جل من أعلم أنهم يعملون في هذا المرفق الحيوي الهام فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل |
عشان كدا هو من البداية قال ليكم ان شاء الله لانو في استطلاعاتو بكون المهندسين قالو ليه ان شاء الله التروبينات دي تسترنا وما تتوقف عن العمل اصلو التوربينات الجديدة لنج بتتوقف عن العمل في نفس يوم تدشينا .. الا في حالات شاذة تعمل لسنين .. فيا جماعة لا تكونو كذابين افاكين حاقدين يائسين محبطين بل كونو انقاذيين ...
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: داليا حافظ)
|
وكما علمت فإنه إبتداءً من يوم 22 ابريل الذي يوافق الثلاثاء القادم سيعود التوربينين للعمل مجدداً وعندها ستقل القطوعات كثيراً وربما تنعدم نهائياً إن شاءالله .
اخي محمد فرح ..
نحن ننظر الى ابعد من يوم 22- 4 . ننظر الى دخول كل التوربينات للخدمة لنكتفى من الكهرباء نهائيا ..
مؤونة عام بمقدار ما يتم استخراجه من الثروة السمكية من بجيرة السد ...
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: ود الباوقة)
|
Quote: وسيكون عودة التوربينين للعمل وإستقرار الكهرباء صفعةً قويه لكل المغرضين الذين لايريدون خيراً وإستقراراً ورفعةً لوطننا العزيز الشامخ الابي . |
تصدق يا مؤمن؟؟
أول مرة فى حياتى، أنتظر و أتمنى "صفعة قوية" زى دى،،
حد لاقى؟؟؟ إيدنا على كتفك(م)،،،
الليون، و لا يهمك يا راجل، كلنا ذلك (الرجل)،،
أنا بس المحيرنى، (طبعا بصدق أى شى، بما إنو المؤمن صديق)،،، قبل السد، الكهرباء كانت معتدلة (نسبيا)، بعد التوربينات (الله يسامحها) فشلت تدخل الشبكة، نتبهدل كدة؟؟؟
طب إزاى؟؟؟
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Hala Hassan)
|
Quote: وحالياخليتو الكهرباء وقبلتو علي السمك
|
ياأخ نزار... من أمبارح قبلو على الشريعة والدين وخلوا السدود والكهرباء، فقد شاهدتُ البارحة البشير يرقص أمام حشد من ممن يسممون الطرق الصوفية ويجعّر ويقول نحن مستهدفون لأننا نطبق الشريعة والرد الرد شريعة وكد!
والله فاقوا مسيلمة الكذّاب بالأمس سدود واليوم شريعة!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Hassan Makkawi)
|
كتبت انا ..
Quote: خصوصاُ قالوا العطل في الخزان ( التوربينات اتركبت غلط - ماموزونة مع بعضها)
عاملة خلل فى انتاج الكهرباء .... |
وكتب محمد فرح ..
Quote: حسب إستطلاعاتي في هذا الامر الذي بحثت فيه كثيراً وهاتفت جل من أعلم أنهم يعملون في هذا المرفق الحيوي الهام فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل |
ماكان في داعى يامحمد ياأخوى تستطلع وتبحث وتهاتف قدر دة ... الكلام دة قلناه ليك في الصفحة الفاتت .. نحن ديل المكويين بالنار عشان كدة بنجيب الكلام من امو...
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: كتو)
|
Quote: ليون
تاني مافي كهرباء بتقطع في الخرطوم
ربما تنعدم نهائيا |
شير محير يازول.. الضمير المستتر في تنعدم يرجع ل.. الكهرباء ... أم .. إنقطاعها
اقترح بامتعاض مد البوست اربعة صفحات أخرى أو.. يكون حده يوم الثلاثاء 22 /4 المذكور اعلاه .. والغريب هنا كذبة أخرى افتكر 22/4 ده ما بيقع (الثلاثاء)Quote: علمت فإنه إبتداءً من يوم 22 ابريل الذي يوافق الثلاثاء القادم |
الزول ده كتب مداخلته دي وهو بيرجف عشان كده بيزيد في الطين بِله..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: المبدع سيد كضوبات ورائعتهم: كهربني بلا سمك أحجذ تزكرتطك الأن |
مباااالغة..
كلنا حاجزين ..
انا يوماتي بفتح البوست ده ذي الNight comedy show
و باخد My daily fix
التحية لمحققي السايبر و كاشفي اكاذيب الانقاذ.. صلاح ليون متعهد بوستات الامداد الكهرومرويات . صلاح الدين نارد مخترع سبل الامداد بين مواقع الانتاج والاستهلاك نزار حسين مكتشف استنباط الطاقة من زعانف البلطي ابوالعزائم المراجع العام لتضارب التقارير الكهرمائية و كتو مراسل المجموعة من عتمة المواقع..
غايتو محمد فرح و ود الباوقة قبل ما يكتبوا ليهم سطر في المنبر ده عليهم مراجعة المجموعة اعلاه..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: يا محمد يا أبو العزائم الكلام ده للكل أم لي ناس وناس.. |
يازول سمك مروي ده مافي أخطر منو .. خليكم إنتو في البياض والبلطي والقرقور والوهم التعبان بتاعكم ده ..
مروي بقى فيها ساردين وتونا وكافيار ... وحاجات كده لسة ما حفظت أساميها.
الناس كسحت يا عمّك.
بعدين بي (عضمة لسان) محمد فرح، قال ليك الكافيار ده أحسن مزّة .... وما بيخلي (الحاجات ديك) تغلِّت عليك
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
بلطيات من الموردة طلبن الهجرة الي السد... سألوهن ليه: فايتات معقل الوطنية..
قالن: بري...هنا يقبضوك والصاج وحالا يخلوك زي صورة الاشعة وهناك...ان قبضوك...الصاج يولعوه بي حجار؟؟؟
يا (بلطة) (دي علي وزن يا فردة) ديك القمرة الفوووق ديك فاكرنها كهرباء ما بتقطع...ويشيلوا ويبشروا في خلق الله..
ومن صباحات الله يفتشوا في كلام الله ...لي عذرا يحجيهم من غياب القمرة...
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
((قالن: بري...هنا يقبضوك والصاج وحالا يخلوك زي صورة الاشعة وهناك...ان قبضوك...الصاج يولعوه بي حجار؟؟؟ يا (بلطة) (دي علي وزن يا فردة) ديك القمرة الفوووق ديك فاكرنها كهرباء ما بتقطع...ويشيلوا ويبشروا في خلق الله..))
معليش الفوق ده اقتباس من مداخلة نزار نسبة لتوقيف الاقتباسات والذي منو .. والما عندو السيكيورتي هاي احسن ليهو يعلي .. السوق اليومين ديل مكشوف والسلوك عريانة على قول نزار ..
ثم ماذا بعد السمك يا ود(فرح+باوقة) طين البحر كيف .. ده ما علاج عديل كده ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: انت يا صلاح الجنريترات الشغالة وتصم الآذان دي ما من فصيلة الآلات التي ديدنها الما عارف شنو.. |
يا أبوصلاح انا بتكلم عن عن بنوك وشركات و مواطنين , ديل بيشترو آلات من CAT و Perkins و Volvo جنس الماركات أبو الرخا ال ديدنها انها تدور و تزعج و ما توقف إزعاج.
بعدين انا (أجريت) إتصالات بخصوص توربينات السد, ياخ لا في عطل لا حاجة, بس صبي الميكانيكي لما جا يقفل التوربين ما ربط جلب البلالي كويس, بس. حسع المعلم بيجي يفك التوربين و يظبط الشغلة.
إنت بس لاحظ للتقسيمة
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: يا أبوصلاح انا بتكلم عن عن بنوك وشركات و مواطنين , ديل بيشترو آلات من CAT و Perkins و Volvo |
كان كدي الحكومة ليها الله.. أها الجديد شنو يا ناس عايزين مفاجأة سد مروي الجديدة قلنا ليكم لسه في حاجات ما اكتشفت.. 1/ طين البحر.. 2/ التماسيح .. ثروة جلدية.. 3/ ممكن يجي لؤلؤ .. الدنيا ما معروفة. 4/ .... 5/ ....
ادونا اقتراحات عشان ما نتفاجأ
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
بــلاغ أول / بحـري المغتربين الكهــرباء قاطعــة ..... بلاغ تاني الشــأكي :- ناس الكهرباء ما عاوزين يرجعـوا لينا قروشــنا المتحـري :- الحاصـل شـنو يازول ؟قروش شـنو ؟ كدي روق واحكي لينا الشـاكي :- يا جنابـو في يـوم 3 / 4 مشــيت اشـتريت 150 كيلو كهربة و دخلتها في العـداد , يوم 8 / 4 , لاحظت أنو العـداد من ما الدنيا تسـخن شــوية يديني القراية صـفـــــر ولغاية المسـاء تكون صـفر في الصباح تكـون في قــراية , خفت تكون القراية ما صاح مشــيت دفعت 150 جنية واشـتريت كهرباء زيادة , لما جيت أدخلها في العـداد ما قبـــل معاي ( كلما ادوس رقــم ما يظهـر ) , رجعت عملت بــلاغ , في اليوم التاني في العصـر جوا ناس الكهرباء أديتـم الورقة الفيها الـ 150 جنية , لكن ما قدروا يدخـلوا القراية قامـوا شـالو العداد وركبوا واحـد جديــد , قلت ليهم طيب عـدادي الشـيلتوه دا عندي فيهـو لســه 68 متر ( كيلووات ) , قالو لي ( الله يعوضك فيهــا ) دي تاني مابترجع ليك , بس عدادنا دا فيهـو 30 كيلو , قلت ليهـم طيب الله يعوضنا , طيب دخلوا الـ 150 الجديدة ردوا علي ( دي ما ممكن تدخل ليك في العداد الجديد , لازم تمشـي تشــتري كهـرباء تاني , الله , وطيب الـ 150 جنية دي بترجـع لي كيف قالوا لي ( دي ما بترجع ليك قروش , تمشي بعـد يومين للمهندس يرحلها للعداد الجديد ) ومن يوم 13/ 4 وانايوميا براجع في المهندس ( في الحقية طلعت مهندسـة ) , عشــان ترحل لي الكهرباء أهـــا يا جنـابـو لليلة ما رجعـوا لي قروشي ولا رحلوها للعداد الجديد المتحـري :- انت قابلت المهندســة الشــاكي :- أيــوة يا جنـابـو المتحـري : قالت ليـك شـــنو؟ الشــأكي :- كل يوم تجيني بي عــذر , اول يوم ما جات المكتب عندها اجتماع ( احتمال كانت بتوصل البشـريات لمحمـد فـرح ), تاني يـوم قالت ما مشــت الرئاسـة عشــان تفـرمت العدادات وكل يوم عذر في عـذر ...................الخ المتحـري :- خلاص يا خينا أصبــر شــوية لما الكهـرباء تجي من الســد برجعـوا ليك قروشـك ....... يا شــباب آســف للخروج عن النص لكن البلاغ التاني حارقني ومزعلني شــديد وما باليد حيلة ( ارجو أن تجدوا لي العذر ) , الكهرباء قاطعـة وندفع فيهـا مقـدم , والقروش البتدخل على ناس الكهرباء تاني ما بتطلع ................. جات الكهرباء ولا ما جات يا محمـد فـرح أنــا عاوز قروشــي ( كاش ولا كيلوهات )
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: عبدالله احيمر)
|
Quote: خلاص يا خينا أصبــر شــوية لما الكهـرباء تجي من الســد برجعـوا ليك قروشـك |
طبعا حترجع ليك سمك (بلطي وبياض وكده..) ف ال 150 جنيه دي حتجيب ليك 150 كيلو (والعهدة على ود الباوقة) قوم امشي بيع الكيلو في الخرطوم الغالية دي بي نقول 4 جنيهات ياخي ده انت ربحك حيكون مضاعف اربعة مرات وتمتلك ثروة سمكية .. مبروك..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: بــلاغ أول / بحـري المغتربين الكهــرباء قاطعــة ..... بلاغ تاني الشــأكي :- ناس الكهرباء ما عاوزين يرجعـوا لينا قروشــنا المتحـري :- الحاصـل شـنو يازول ؟قروش شـنو ؟ كدي روق واحكي لينا الشـاكي :- يا جنابـو في يـوم 3 / 4 مشــيت اشـتريت 150 كيلو كهربة و دخلتها في العـداد , يوم 8 / 4 , لاحظت أنو العـداد من ما الدنيا تسـخن شــوية يديني القراية صـفـــــر ولغاية المسـاء تكون صـفر في الصباح تكـون في قــراية , خفت تكون القراية ما صاح مشــيت دفعت 150 جنية واشـتريت كهرباء زيادة , لما جيت أدخلها في العـداد ما قبـــل معاي ( كلما ادوس رقــم ما يظهـر ) , رجعت عملت بــلاغ , في اليوم التاني في العصـر جوا ناس الكهرباء أديتـم الورقة الفيها الـ 150 جنية , لكن ما قدروا يدخـلوا القراية قامـوا شـالو العداد وركبوا واحـد جديــد , قلت ليهم طيب عـدادي الشـيلتوه دا عندي فيهـو لســه 68 متر ( كيلووات ) , قالو لي ( الله يعوضك فيهــا ) دي تاني مابترجع ليك , بس عدادنا دا فيهـو 30 كيلو , قلت ليهـم طيب الله يعوضنا , طيب دخلوا الـ 150 الجديدة ردوا علي ( دي ما ممكن تدخل ليك في العداد الجديد , لازم تمشـي تشــتري كهـرباء تاني , الله , وطيب الـ 150 جنية دي بترجـع لي كيف قالوا لي ( دي ما بترجع ليك قروش , تمشي بعـد يومين للمهندس يرحلها للعداد الجديد ) ومن يوم 13/ 4 وانايوميا براجع في المهندس ( في الحقية طلعت مهندسـة ) , عشــان ترحل لي الكهرباء أهـــا يا جنـابـو لليلة ما رجعـوا لي قروشي ولا رحلوها للعداد الجديد المتحـري :- انت قابلت المهندســة الشــاكي :- أيــوة يا جنـابـو المتحـري : قالت ليـك شـــنو؟ الشــأكي :- كل يوم تجيني بي عــذر , اول يوم ما جات المكتب عندها اجتماع ( احتمال كانت بتوصل البشـريات لمحمـد فـرح ), تاني يـوم قالت ما مشــت الرئاسـة عشــان تفـرمت العدادات وكل يوم عذر في عـذر ...................الخ المتحـري :- خلاص يا خينا أصبــر شــوية لما الكهـرباء تجي من الســد برجعـوا ليك قروشـك ....... يا شــباب آســف للخروج عن النص لكن البلاغ التاني حارقني ومزعلني شــديد وما باليد حيلة ( ارجو أن تجدوا لي العذر ) , الكهرباء قاطعـة وندفع فيهـا مقـدم , والقروش البتدخل على ناس الكهرباء تاني ما بتطلع ................. جات الكهرباء ولا ما جات يا محمـد فـرح أنــا عاوز قروشــي ( كاش ولا كيلوهات )
|
يا عبدالله اللحمر...الكلام دا جد والله سيناريو اليابسة؟
عشان نعرف ندخل ليه من ياتو باب...
باب البلطي والله باب شريف؟
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
صلاح الدين .. من مداخلة محمد فرح مرة أخرى:
Quote: فقدعلمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي فالبدايات في كل مكان بالارض تكون متعثرةً بعض الشيء ثم لايلبث العود أن يشتد ويستقيم كل شيء ، خروج التوربينين من الخدمه هو ماأدى لهذه القطوعات حيث إضطرت الهيئه لتشغيل كل وحدات التوليد المتاحه بأقصى طاقه ممكنه لتغطية العجز وكما علمت فإنه إبتداءً من يوم 22 ابريل الذي يوافق الثلاثاء القادم سيعود التوربينين للعمل مجددا . |
فقط للتذكرة وبعدين عاجباني شديد حكاية ... هذا هو ديدن الآلات يا أخوانا ...
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
جديد لنج من بوست : اليــكم ماحدث ... مدير الاعلام بوحدة السدود : لا كهـــر...ء قبل يـــوليو (!!!) والمصدر حق البوست : http://alakhbar.sd/sd/index.php?option=com_content&task...w&id=5389&Itemid=289
Quote: إدارة السدود:لا كهرباء قبل يوليو وحدة السدود: خروج سد مروي من الشبكة القومية بسبب الاختبارات قطعت إدارة وحدة تنفيذ السدود بأن كهرباء سد مروي لن تصل الشبكة القومية للكهرباء بصورة دائمة إلا بحلول شهر يوليو القادم بعد استلام التوربينات في منتصف يونيو. وأكد مدير الإعلام بوحدة السدود خالد عثمان في تصريح لـ(الأخبار) أنه فور وصول كهرباء السد للشبكة ستمدها بـ 500 ميغاواط. وشدد على أن كهرباء السد ظلت تمد الشبكة منذ 3 مارس بشكل غير دائم، وعزا خروج وحدتي التوليد بمحطة سد مروي من الشبكة القومية الى الاختبارات الفنية، مؤكداً أن تلك الاختبارات سوف تستمر حتى 15 مايو. وقال:" إن السد ظل يضخ كهرباء لتغذية الشبكة منذ مارس الماضي في شكل اختبارات فنية، يستمر خلالها الإمداد للشبكة ثم ينقطع". ووصف هذه المرحلة بمرحلة التشغيل التجريبي والتي تمد الشبكة بمقدار 250 ميغاواط، موكداً ان ذلك يتم بموجب عقد موقع مع المقاول والإستشاري. ونفى عثمان بشدة الإشارات بانعدام التنسيق بين الهيئة القومية للكهرباء وإدارة السد، مشيراً لوجود تصاديق فنية بينهما لمدة تجاوزت العامين، وفقاً للجنة القومية المكونة لهذا الغرض. |
مطلوب التعليق على حتة ((وحدة تنفيذ السدود)) و ((استلام التوربينات))
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد فرح)
|
Quote: وسيكون عودة التوربينين للعمل وإستقرار الكهرباء صفعةً قويه لكل المغرضين الذين لايريدون خيراً وإستقراراً ورفعةً لوطننا العزيز الشامخ الابي . |
اليوم 22 أبريل والقطع مستمر منذ بواكير الصباح ( الثورة الحارة التامنة نموذجا ) .. انا اريد الخير والاستقرار لرفعة الوطن وايضا اريد ( الصفعة القوية ) بعودة التوربينات للعمل ...
بخاري عثمان المغرض
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد الأمين موسى)
|
نزار والشباب
إن كنت تبحث عن طريق السلامة والتنعم بالكهرباء المستدامة فقرط على العيشة فى المنامة وإلا فسوف تطرب لأغنية الندامة
وذلك لأن كهرباء الخزان دربهاطويل والعاملون عليها بالهم سلبة عديل إستعجلوا الإفتتاح بالزمر والتطبيل وتبادلوالتهانى بالأحضان والتقبيل
اما المواطن الموعود المسكين والذى بنى الآمال بالمونة والطين فقد نزلت علية القطوعات كالسكين وأهل ناس عز يبحثون عن التوطين
______________________
إلى ان أعود اقول عن السمكات:
من نارو و الزباين فى إنتظارو
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Hisham Ibrahim)
|
Quote: لا حول ولا قوة الا بالله - حسبنا الله ونعم الوكيل |
قاطعة في المستشفى عديل كده .. كان قريت البوست كويس كان عرفته السبب.. وكان عرفته انو بكرة إنشاء الله بتجي.. لا لا معليش مش بكرة يوم الاربعاء 22/4 حتنتظم.. لكن بعد ما يستلمو التوربين منتصف يونيو القادم.. ولكن يا عزيزي.. التوربين (وهو من فصيلة الآلات) فله ديدن على حسب ما ورد وديدنه التوقف عند أول تشغيل له..
يصبح النتيجة..Quote: لا حول ولا قوة الا بالله - حسبنا الله ونعم الوكيل |
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: برسيم ومعاه شوية امل في بكرة
قولك بنجح؟
|
املك في (بكرة) بنجح لانه (بكرة أحلي) اما البرسيم..........
___________________________________ صلاح البلد دي ربنا مديها (نهر من انهار الجنه) وارض خصبه (عدم المؤاخذه يعني) لو تفيت فيها تقوم ليك نجيله وبعد ده كله (البلد راسها كابس) في البترول ومدينة جياد الصناعيه برسيم شنو البتزرعه ياخ...!!!!!!!!!!! انا قايلك زارع (بنقو)
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: naeem ali)
|
Quote: اما البرسيم.......... |
البرسيم ده يا حبيب لو الله أراد ليه ما ينجح .. ياكم تاني تشوفوني في اليوتويب وسط قواتي محاصرا وزارتي الزراعة وللا الكهرباء ولما قوات الحكومة الباسلة (تدحرنا) زي ناس الحاج بلطي و سيد كضوبات يجي يقولو مرتزقة و أجانب
ويقولو : مرتزقة بدل ما يزرعو دخلو الغابة
على الأقل انت ح تكون عارف القصة الحقيقية
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
سلام للجميع ..
الموضوع اصلا لا يرقى لاتهام محمد فرح بالكذب .. هى بشري او بشارة لم تتم فى موعدها .. الشاهد ان هناك انجاز ضخم تحقق ببناء السد .. ونأمل جميعا ان يعود هذا الانجاز على الشعب السودانى بالخير الكثير ..
..
سد مروي وكهرباء سد مروي كانجاز ليس حكرا على حكومة ما .. او نظام ما كلنا كسودانيين شاركنا فيه .. ضرائب وزكوات ليست من الدين بشى وجبايات كثيره .. واهو يرجع لينا جزء مما دفعناه كارهين خيرا من ذهابه كله للارصده البنكيه لاهل الانقاذ
.. شكرا محمد فرح واتمنى ان تعم الكهرباء مدن وقري السودان .. هذا الحلم بات قريبا اكثر من اى وقت مضى ..
تحياتى
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
هاك يا المشرف ديل بس حقاتو هو يعني لا نقل بشرى ولا نقل بحري.. :Quote: المهم أنا واثق إنو من بكره تحديداً تاني مافي كهرباء بتقطع |
Quote: وهذا هو ديدن الآلات ياأخوانا وهو أمر طبيعي |
يعني زول بيقول ليك الآلات طبيعتها انها تتوقف عن العمل عند تشغيلها لاول مرة زي ده تقول عليهو شنو ، وانا بلم ليك في الباقي .. واتمنى لو قاعد تقرا عشان ما تتعبنا ساكت .. تجي وتدينامثال لرجل يكذب .. وتعرف لينا الكذب يعني شنو (لغة واصطلاحا)
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
ما اظنك تجي تاني لكن نجيب تعريف الكذب نحنا ..
Quote: هو الإخبار عن الشيء على خلاف ما هو عليه ، ولا يشترط فيه التعمد ، نعم التعمد شرط لكونه إثما كما ذكره في شرح مسلم وقال إنه مذهب أهل السنة ، وحكاه عنه في الآداب ولم يخالفه بل قال فلعل ظاهره لا يحرم لعدم تعمد الكذب ولم يذكر رواية أبي داود المذكورة وهي قوله { كفى بالمرء إثما أن يحدث بكل ما سمع } فظاهرها يأثم مع عدم تعمد الكذب لكنه لما علم أنه يسمع الكذب والصدق وجب عليه التحري والله أعلم ، ولهذا يقول أصحابنا في اليمين الغموس : هي التي [ ص: 143 ] يحلف بها كاذبا عالما بكذبه . |
ده من موقع اسلام ويب
والتعريف ده يهمك انت كمان يا المشرف..
وهاك تعريف تاني: Quote: تعريف الكذب : مخالفة القول للواقع و هو رذيلة من الرذائل الاخلاقية تنبئ عن فساد نفس صاحبها و ضعف ايمانه . |
Quote: المهم أنا واثق إنو من بكره تحديداً تاني مافي كهرباء بتقطع
وهذا هو ديدن الآلات ياأخوانا وهو أمر طبيعي
|
قارن التعريفين ديل باقوال صحبك وكان ما اقتنعته بنجيب البشرى وتعريفها..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
أخـي نزار حســين القصــة حقيقية وحدثت معي شــخصيا( ما حكاها لي زول ) بس ما مشــيت للشـرطة ( أحذف كلام المتحـري وأقــرأ ما حدث لي ) وما زلت حتى اليــوم منتظــر ان يحولوا المبلغ للعداد الجديد وآخــر وعــد ( أمس ) قالوا لي ( انتظـر لحدي يوم الخميس بنحــل الموضوع ) طبعا الخميس المقصـود هـو 23 / 4 / 2009 م وأزيـدك من الشــعر بيت قبل ما امشـي وأبلغهـم أخبرت أحـد الأخوة بالأمر , وقلت ليهو ( خايف الكهرباء تقطع بســبب عطل العـداد ) قال لي ( الكهـرباء ما حتقطـع ما دام العداد عطـلان , لكن لو اكتشفوا الأمر حيعملوا ليك مطاولات وغرامات وتقديرات جزافية خــرافيـة ) ....... شــايف كيف فالحين في حقــهم
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
الاخوان صلاح وصلاح ..
هى الفكره انو الزول ده كضاب ؟.. يعنى بوست يمتد لاربعه صفحات لاثبات كذبه ما ؟.. جاكم قبل اسبوع او اكتر وقال ليكم الكهرباء ما حتقطع من بكره .. وبكره والاسبوع الذى يليها زادت فيه حتى قطوعات الكهرباء قالها بناءا على معطيات لم تتحقق .. وفسر ذلك لاخطاء مكانيكيه او تقنيه وتوربينات لم تعمل بالشكل المطلوب والمتوقع .. ثم ما هى حدود مسؤوليته تجاه ما حدث .. شفقان ومتسرع لدعايه اعلاميه للحكومه ؟.. امكن بس انو تعمد الكذب .. وألف ليهو شي قطعو من راسو .. لا اعتقد واصلا الموضوع ما بستاهل عموما تحياتى لكما
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد حيدر المشرف)
|
Quote: هى الفكره انو الزول ده كضاب ؟.. |
ايوه يا محمد حيدر الفكرة لم نثبت عليهو الكذبة .. ونخليها تبقى اربعة اوخمسة او حتى ما معرف كم صفحة وخلي الناس كلها تعرف لانو حيكون بعد كده كل الناس النقل منهم بداية من .. اول البوست.. النائب .. والوالي.. ومدير المشروع.. ورئيس السد.. وبتاع الهيئة القومية للكهرباء والمهندس الصغير البتصل بيهو تلفون ده..
ديل كلهم مالهم .. بل حكومة الانقاذ كلها مالها..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: واصلا الموضوع ما بستاهل
|
الاخ المشرف الموضوع بستاهل علي الاقل في تقديري كاحد الذين تداخلوا في البوست شخصيا ليس المقصود محمد فرح وكذبه بل عدم وضوح المعلومة نفسها الزول ده جا قال محدد بمس حياة المواطن اليومي ما سكيناه في بوستاته البتخص الحركة الشعبية وحكومة الجنوب والتيارات الحايمة في البورد قال الكهربا من بكرة ما حتقطع من يومه القال كدة ما شفنا استقرار للتيار وهو حاول يدافع بمبررات لم تقنعنا نحن وحاول يصر علي موقفه بل قال انه اتصل بجهات معنية وكدت ليه انو الليلة يوم التلاتاء الموافق 22 ابريل الموضوع حيكون اتحلفي حينه التاريخ نفسه كاتبه غلط ولسة هو مصر وناس تانية بتشجعه في كلامه وتدعمه برفع بوستات انو دنقلا نورت وناس دنقلا يخشوا لي ود الباوقة يثبتو ليه انو دنقلا ما وصلتها الكهربا ببقي في اصرار علي التمادي في الكلام البدر منه
وصدقني انت لو في الخرطوم حتكون لاحظت انو معظم الشاركوا في البوست ده من الخرطوم والكهربا ورتنا الويل عديل. ما ممكن انت بتعاني المعاناة دي كلها وتلقي ليك بوست زي ده وتفوته. فليحب ويدافع محمد فرح عن حكومته والانجازات كما يشاء ولكن بعيدا عن معانتنا اليومية
شكرا اخونا المشرف
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد حيدر المشرف)
|
Quote: واصلا الموضوع ما بستاهل |
الأخ مشرف, هل ترى ان إنقطاع الكهرباء ما بيستاهل؟
عن المصانع والمكاتب والبيوت؟
عن المستشفيات؟ لك الحق في تقدير الامر كما ترى
انا أرى ان الموضوع مستاهل ونص وخمسة
Quote: ثم ما هى حدود مسؤوليته تجاه ما حدث |
الصراحة هو فعلا لا يد له في ما يحدث ولا يملك أحد ان يلومه عند إنقطاع التيار الكهربي
ولكننا نلومه عن عدم تثبته من تلك المعطيات قبل ان يأتي و يبشرنا بيها ونلومه لتهربه من الإعتراف بإنه لا يملك أدنى فكرة عن موضوع البوست
فهو تارة يقولالكهرباء جات كتيرة ومرة يقول الآلات الجديدة ديدنها التعطل
ثم اتاه من يردفه ببشارة السمك إستخفافا بما يمسنا من ضرر
الاخ المشرف
هذا البوست معني بقيم الصدق والشفافية لا أكثر ان يصدق الأخ اخاه في الخبر
!
| |
|
|
|
|
|
|
|