مواضيع توثقية متميزة

الشجرة... مدينتي التي احبها

مرحبا Guest
اخر زيارك لك: 04-19-2024, 11:59 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مواضيع توثقية متميزة
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
02-22-2008, 11:40 PM

ياسر عدوي
<aياسر عدوي
تاريخ التسجيل: 10-25-2007
مجموع المشاركات: 2255

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشجرة... مدينتي التي احبها (Re: ياسر عدوي)

    مرحب بالسيد الرئيس

    سلطان كيجاب

    في ارض الاخ سام



    ونسة مع رئيس مع سبق الإصرار والتأكد
    كيجاب: قلت للبشير أديني البلد دي شهر واحد أصلحها وارجعها ليك
    اللواءالزبيــــر دفعتي وعلمني الكتشينة
    * سلطان كيجاب رجل منحه الله بسطة في الجسم وخفة في الدم.. يدخل الى كل وسط فيثير فيه امواجاً من الضحك والإلفة.. سباح ماهر وقوي سبح ونجح وجرَّب السباحة في بحر السياسة فلم تعجبه النتيجة ولم يعترف بها.. جاءنا في نميري أحسن زول يحكم السودان!!
    كيجاب: كندا أدتني وسام والسودان لا!!
    * مرحب بيك يا كيجاب..
    - مرحب بيكم انتو.. لكن قول السلطان كيجاب رضى الله عنه.
    * انتو اصلاً سلاطين؟
    - لا انا اسمي عبد المجيد سلطان محمد صالح.
    * وكيجاب وين في الاسم ده؟
    - ده لقب عملوه الاتراك لي جدي.
    * جابوه من وين؟
    - كيجاب دي جاية من كجب والكجب في لغة الاتراك الزول الفتوة العنتيل.. وكجب بقت كيجاب.. ولا السلطان ولا كيجاب اسمي..
    * انتو دناقلة؟
    - انا من الشمالية الغابة.
    * اتولدت سنة كم؟
    - غايتو سنة كم واربعين.
    * لكن انت صدقت حكاية سلطان دي ولقيتها ماشه معاك حكمت اتحاد السباحة ومشيت لغاية ما داير تحكم الشعب السوداني؟
    - وقت الله أداني اسم وقدرة أحكم طيب مالي.. انا مرة كنت مع اللواء الزبير الله يرحمه مشيت معاه زيارة الجنوب، قام قال لي تلبس عسكري زينا كده في الرحلة دي وكلَّم الحرس قال ليهو جيبو لى كيجاب لبس.. قاموا جابوا لي لبس اللواء الزبير ذاته، الساعة 4 صباحاً ألقى ليك نفسي لابس لواء قلت والله ربنا لبسني لواء الساعة اربعة صباحاً ما ساكت عشان كده حقو ما امرقو كله كله (نضحك).
    * انت بتحب انك تكون عسكري؟
    - شوف ده بالله.. انا قدمت للكلية الحربية لكن ناس حمد النيل طردوني.
    * رغبتك تبقى ضابط جيش؟
    - ايوه كنت داير اكون جياشي عشان اقلبها.
    * كنت حتعمل اول انقلاب متين؟
    - بمجرد ما اصل لرتبة نقيب استلم البلد.
    * حتى لو كان الرئيس نميري في الوقت داك؟
    - لا لا ما بقلبها على نميري.. نميري ما الراجل البقلبوه.
    * لكن لو كان الرئيس الصادق المهدي مثلاً؟
    - اي زول غير نميري كنت ضربت بيهو الواطة.. معقول انا يكون عندي دبابات ومدفعية واكون نائم للصباح في بيتنا ما اعمل انقلاب.. ده كلام يا أخي؟ والله استلمها ستة صباحاً.
    * منو الرفضوا يقبلوك في الكلية ومتين كان الكلام ده؟
    - الكلام ده بعد اكتوبر يمكن سنة 1968، وكان حمد النيل ضيف الله القائد واللواء محمد ادريس عبد الله واللواء الخواض ديل الكانوا بعملوا المعاينات، بعد ما قبلوني آخر مقابلة ديل قالوا لى انت زول بتاع جوطة وفايلك من الثانوي وسخان وما بتنفع معانا لانك حتعمل لينا انقلابات.
    * منها مشيت جامعة القاهرة فرع الخرطوم؟
    - ايوه.. أها ناس الزبير محمد صالح ديل دفعتي.. بالله شوف بعد السنوات دي كلها اصحى يوم القى ليك لبس لواء قدامي يعني رتبتي ذاتها لو كنت دخلت الكلية.
    * ليه داير تحكم البلد؟
    - عشان اصلحها يا أخي.. وانا اقولها للشعب السوداني مافي رئيس ممكن يصلح البلد دي غير سلطان كيجاب، انا عندي جماهير شعبية وعلاقات دولية.
    * يعني لو انت عسكري ممكن تقلبها على البشير؟
    - أقلبها عليه الساعة حداشر إلا عشرة صباحاً كمان.
    * لكن يا كيجاب مش ربنا ده بريدك كونه ما خلاك تحكمها؟
    - ليه؟
    * ما شايف المشاكل المتلتلة دي؟
    - ها.. دي رأسمالها قرار جمهوري واحد أجيب ليك عاليها سافلها أى زول يفتح خشمو يفوت.
    * خليها المشاكل السياسية دي.. مثلاً لو جاك وباء زي انفلونزا الطيور ده بنفع معاه قرارات ساكت كده؟
    - يا أخي دي عندنا من زمان وانحنا صغار كنا نصحى الصباح نلقى لينا صقر واقع ميت او جدادة مرمية ميتة.. زى السرطان ده انت قايلو ظهر هسه مع الانقاذ.. ده من زمان في، بس ما كانوا عارفنو.. يقولوا ليك جاتو لواية في بطنو ومات، ده السرطان ذاتو.
    * وانت في جامعة القاهرة الفرع طوالي خشيت البحر؟
    - ايوه شوف في حاجة الناس ما عارفاها.. انا كنت فنان بغني وبغني لفنان عظيم هو حسن عطية، ولاحظ بقيت سباح عظيم يعني انا الرئيس الوحيد في العالم البجمع رياضة وفن وسياسة بس ضاعت فرصة عظيمة على الشعب السوداني.
    * كيف يا أخي ريجان كان ممثل وكلنتون بعزف على الساكسفون؟
    - ايوه لكن ما عندهم فرقة زي أنا.. وانا محترف ما زيهم.
    * جربت الفن والرياضة والسياسة.. بتحب ياتا؟
    - السياسة سمحة.. مواتر قدامك وصفقة واستقبالات.. يا أخي أنا وقت كنت مترشح للرئاسة ما كنت بصدق نفسي ذاتها.
    * لكن هزيمتك كانت شنيعة؟
    - الانتخابات مزورة.. الترابي اعترف بأنو أنا الرئيس الفعلي وعمر البشير نال 15% فقط.
    * والكلام ده وصل للبشير؟
    - انا كلمت عمر البشير قلت ليه الترابي قال أنا الفائز.. عمر ضحك.. قال لى الترابي داير يعمل لينا فتنة.
    * وانت رأيك شنو؟
    - انا قلت لعمر دي الحاجة الوحيدة الصدق فيها الترابي.. شوف انا لو نزل معاي أي زول انا واثق حأكون الرئيس.. جيلنا ده لازم يحكم بلاش عواجيز.
    *..............؟
    - السودان ده مافيه ديمقراطية ومافيه ديكتاتورية.
    * كيف دي يا كيجاب؟
    - اوريك السودان اتحكم بى ديمقراطيتين وثلاث حكومات عسكرية وقت اتحكم السودان بالديمقراطية قول لي اميركا وبريطانيا قدموا ليه شنو، وقت الصادق المهدي رئيس ديمقراطي جون قرنق دخل الكرمك وين أمريكا وبريطانيا ليه ما ساعدونا في الوقت داك لأنها ديمقراطية اذن مافي ديمقراطية حتى في الدول ديك.
    * عشان كده بنقول مافي ديمقراطية؟
    - ايوه.
    * وبرضو قلت مافي دكتاتورية؟
    - مافي دكتاتورية.. عبود عسكري وما كان دكتاتور يا اخي في دكتاتور يكون واقف في بلكونة في القصر الجمهوري يسأل حسن بشير عن المظاهرات القدامو يقول ليه ديل ما دايرنك يقول ليه خلاص نخليها.. نميري ما دكتاتوري.. البشير ده ذاتو ما دكتاتور، لعلمك والدليل اهو هسه انا بتكلم عنهم.. لو الكلام البنقولوا عن الحكومة دي لو قلناه في اي بلد غير السودان عن حكومة غير حكومة السودان والله يقطعو لسانا ورأسنا ذاتو.. يا أخي أنا مرة في العراق قلت لبتاع التاكسي بعد ما شفت صورة صدام معلقة انو ده راجل بطل تعرف وقف التاكسي ونزلني وخاف قال لي ما بدي منك شئ خليني اربي عيالي.. تصدق..
    * ولا نظام نميري؟
    - يا أخي بتبالغ هو ده اكتر نظام طلعت ضدو مظاهرات معقول نظام دكتاوري تطلع ضدو مظاهرات؟ يا أخي بعد نميري راح اتشكلت 54 لجنة لمحاسبة نظام نميري لقوا شنو اتقدموا 4 اشخاص بس للمحاكمة لكن شوف نميري ده عين 454 وزيرا و238 وزيرا اتحاديا و133 وزير دولة و33 بدرجة وزير حاكموا خالد وزين العابدين وابو القاسم قاموا بي انقلاب وبهاء الدين انو عمل تجاوزات.
    * لو قلتا ليك اختار لينا رئيس للبلد دي من واحد في الاثنين ديل.. الصادق المهدي، أو الميرغني؟
    - ولا واحد فيهم.
    * طيب لو قلنا ليك اختار لينا رئيس غير كيجاب؟
    - جعفر نميري.. نميري ده لو رجع والله قرار جمهوري واحد السودان ده يرجع زى ما كانت ثورة مايو.
    * انت علاقتك مع الزبير -الله يرحمه- قوية؟
    - ايوه الناس مفتكرين انا عرفت الزبير بعد الثورة لا.. نحنا دفعة أنا بعرفه من سنة 1959 ولعلمك الزبير -الله يرحمه- هو العلمنا لعبة (الوست) بتاعة الكوتشينة دي، وقت يجي في الاجازة من وادي سيدنا جابا لينا في الغابة.. وما كنا عارفين معناها شنو.
    * معناها شنو؟
    - الوست معناها السكوت وهى لعبة اكتشفوها في اسكتلندا وسموها كده لأنها بتحتاج للسكوت والزبير كان صديق لي كل اولاد الغابة.. وبعد ما بقى في الحكومة كان بسمع كلامي.
    * زي شنو؟
    - كنت بقول ليه ما تدخلوا الطلبة السجون عشان ما تكتروا اعداءكم برضو قلت ليه فكوا الجرايد لانو الانقاذ والسودان الحديث جرايد ما قدر البلد.. وكان بسمع كلامي.
    * في بيتك ديمقراطي أم دكتاتوري؟
    - أنا في بيتنا معتدل.. يعني مرة ديمقراطي ومرة دكتاتوري.
    * متين بتكون دكتاتوري؟
    - اذا الحاجة ما عجبتني بكون طوالي دكتاتوري بحسمها وحتى وانا في اتحاد السباحة بكون ديمقراطي وقت الونسة والضحك والهزار بمجرد ما نخش في الجد ببقى حازم ودكتاتور.. 90% ديمقراطي.
    * شنو السبب في تدهور السباحة في البلد؟
    - الحكومة دي الظاهر انها ما دايره سباحة.. باعت الاحواض وما دعمتنا.. ولي علمك السباحة دي هي الرياضة الوحيدة الرفعت توزيع صحيفة «الايام» من 60 ألفاً الى 120 ألفاً.
    * كيف؟
    - يوم فزت بسباق جبل أولياء.. وكان رحمي سليمان رئيس التحرير والساعة ستة صباحاً ما بتلقى جريدة، ياتو حدث رياضي برفع ليك التوزيع للدرجة دي.
    * علاقتك كانت كيف مع يوسف عبد الفتاح؟
    - كان راجل اخونا.. وانا بتذكر انو وقت كنا في الفرع كان يوسف عبد الفتاح واللواء محمد عثمان محمد سعيد الكان والي الخرطوم وعبد العال محمود جوني شفع صغار يا دوب دخلوا سنة اولى في الجامعة وانا كنت امبراطور الجامعة.. قاموا ناس نميري اختاروا 30 طالباً من الفرع ودوهم الكلية الحربية قاموا اختاروا الثلاثة ديل معاهم والوقت داك الفرع كان بجوها مشاهير البلد لأنهم خاطبين من الفرع.
    * مثلاً؟
    - زوجة التجاني آدم الطاهر كانت معانا، وزوجة جكسا، وزوجة علي قاقارين، وبرضو محمد عثمان محمد سعيد، ويوسف عبد الفتاح، وبعد مسكوا البلد ما نسونا.. أما مصطفى عثمان اسماعيل فده درسو اخوي محمد سلطان كيجاب والآن هو في المجلس التشريعي للشمالية.
    * انت قعدت كتير في جامعة القاهرة الفرع؟
    - أيوه.. كنت ولوف لدرجة الجامعة ذاتها سموها جامعة كيجاب.. وكان عويطة مدير الجامعة وقت يكون ماشي القاهرة يناديني ويقول لى يا كيجاب انا مسافر مصر 15 يوم، الجامعة في ذمتك.. أنا كنت بحرِّك الجامعة بصات وكارنيهات ورحلات وكله.
    * دفعتك منو؟
    - أنا دفعتي حسبت منها 36 وزيراً.. وأذكر أول حكومة للانقاذ أذاعو منها 9 وزراء من الفرع..
    * لو الحكومة دي دايره تعينك وزير بتقبل؟
    - إلا اذا عينوني وزير رياضة لاني جاى بى نظرية جديدة للرياضة.. أدي العيش لي خبازو وما بتكون في مشكلة.
    * حترفد شداد؟
    - كذاب من يقول ليك شداد فاشل.. وانا احكي ليك واقعة كانت في مشكلة بين شداد ويوسف عبد الفتاح، يوسف قال لا يمكن الجمع بين منصبين لأنه شداد كان رئيس الاتحاد واللجنة الاولمبية، انا اخدت ميرغني ابو شنب ومشينا للواء الزبير وشرحنا ليه المشكلة، الزبير كان عاقل قال يا أخوانا انا من زمن كنت طالب في وادي سيدنا بسمع انو شداد ده مدير الفريق القومي بفهم الكورة احسن مني ومنكم ومن يوسف عبد الفتاح، ونحنا جبناه في المجلس عشان السبب ده كلموه يشتكي وحيكسب القضية وفعلاً ده الحصل.
    *................؟
    - أنا قلت ليهم يا جماعة الجمع بين منصبين موجود مثلاً ممكن تتزوَّج زوجتين وممكن اربعة ده مش جمع.. طيب الجمع في الصلاة في السفر.. اما التعيين برضو موجود في القرآن وقت سيدنا موسى طلب من ربنا يعينوا بأخوه هارون.. وقت سيدنا يوسف طلب يعينوه على خزائن الارض.. طيب عمر البشير رئيس الجمهورية والقائد العام ورئيس المؤتمر الوطني ونميري برضو.
    * الرياضة الجماهيرية كانت السبب في تدهورنا؟
    - ده كلام ساكت.. هى الرياضة الجماهيرية كلها كانت 7 شهور بس ورجع الهلال ناقص لاعبين فقط والمريخ مكتمل.. الانجازات الاتحققت بعدها كبيرة جداً المريخ جاب 3 كؤوس والهلال وصل نهائي افريقيا ومنتخب الناشئين وصل ايطاليا.. ده كلام ساكت برموه في الرياضة الجماهيرية.. يا أخي خلينا نقول أنحنا بدينا الكورة بعد الرياضة الجماهيرية وهى دي 29 سنة بالله مش كافية توصلنا كأس العالم.
    * مشكلة الكورة شنو بالتحديد كده؟
    - امسك، ناس الهلال والمريخ الادارات.. كلامهم أكثر من عملهم.. يا أخي الفيفا كلها طلَّعت نشرة من اربع ورقات، الليلة في السودان بتصدر يومياً 76 صفحة رياضية أين الرياضة التي يكتب عنها في 76 صفحة.. عليك الله شوف صور الاداريين.
    * السودان بيستاهل كم صحيفة رياضية؟
    - والله مجاملة كده واحدة بس.. ودي مجاملة يا أخي المانيا فيها 9 ملايين رياضي فيها اربع صحف رياضية ودي دولة وصلت كأس العالم اكثر من 5 مرات.
    * لكن في نهضة في ألعاب القوى.. ماعدا السباحة؟
    - أنا هنا ألوم عمر البشير.. زار كل الاتحادات الرياضية إلا السباحة تصدق انو ما زارنا في اتحاد السباحة.. نميري كان بركب الرفاس ويتابعنا في السباقات.. اسماعيل الازهري بجينا.
    * وانت طلعت من البحر وخليت السباحة لكن ما زلت مرتبطاً بالبحر في السمك البتبيعو مشوي ومحمر؟
    - ده زاتو قفلتو.. اللافتة بتاعتو كانت مكتوبة: كيجاب من رئاسة الجمهورية للفول والطعمية وبرضو ما نجحنا فيها وقفلناه.. يا أخي خلينا في موضوع شداد بالله ليه صلاح ادريس يقول داير يشيل شداد.. انت زول رئيس نادي كيف تقول كده.. شداد ده عالم وعمل في المجال ده.. شداد ده راجل جبل.. صلاح ادريس حقو يمسك في فنه وتجارته.
    * عندنا مشكلة لعيبة؟
    - أيوه.. مشكلة كبيرة.. شوف نحنا شفنا اللعيبة المتميزين زمان وخلاص انتهوا العباقرة ظهروا في وقت واحد امسك عندك جكسا وقاقارين والدحيش وكسلا وشاويش ديل كانوا في خط هجوم الهلال في وقت واحد دي رؤوس نووية يا ريت لو ظهروا واحد وراء التاني.
    * يعني اخدنا كوتتنا في وقت واحد؟
    - ايوه.. منو الحارس البشبه سبت دودو.
    * منو اللاعب البعجبك هسه؟
    - العجب فنان بلعب بي راسو ورجليه الاتنين ومن اعظم لاعبي الكورة في افريقيا وانا سعيت اوديهو نادي النصر في السعودية.
    * هيثم مصطفى؟
    - لاعب فنان ما فيه كلام.. لكن لازم يكون عندك في الفريق لاعب فنان في أي منطقة يعني واحد في الدفاع وواحد هجوم وواحد وسط، مثلاً زمان بتلقى في الهلال في الدفاع امين زكي في النص كوارتي قدام جكسا.. شوف التلاتة ديل.. لو جيت للمريخ بتلقى حسنين وراء ابراهومة في النص تلقى ماجد قادم.. هسه التلاتة ديل ما بتلقاهم في فرقنا دي.
    * انت عشت في اميركا؟
    - من سنة 69 ودانا نميري نتدرب وعشت هناك كتير وأدوني جواز إكرامي كندي وادوني وسام كندي، تصدِّق حكومة كندا أدتني وسام وحكومة السودان ما ادتني وسام.
    * ما بتحب تقعد في اميركا وكندا؟
    - بحب السودان ممكن اسافر اقعد شهر واجي.
    * واولادك ما بقولوا ليك دايرين نسافر؟
    - هم صغار لسه عندي ابو هيف ده عمرو 7 سنوات وسميتو على السباح المصري ابو هيف وطوالي بطلع الاول والبت برضو بقت الاولى.
    * اسمها منو البت؟
    - سميتها بثينة على زوجة نميري حضرت السماية بتاعتها.. اما الصغيرة اسمها نازك اتولدت يوم حادثة بص المريخ امها قالت لى اختار لينا اسم ليها انا كتبت 10 اسماء وقلت لى امها ومعاها اختي ونحنا في مستشفى الشرطة انا بقرأ ليكم الاسماء وانتو اختاروا.
    * وقريت العشرة اسماء؟
    - لما وصلت اسم نازك الملائكة امها قالت لى البت دي فتحت عيونها وابتسمت قالت لى اختارت اسمها وطوالي سميناها نازك الملائكة.
    * ابو هيف بحب السباحة؟
    - لا ده طالع حارس مرمى.. بقيف في الشباك وبشوتوا ليه الكورة في الشباك.. احسن ليه المرمى لأنه جوه الميدان ممكن يضربوه.
    * زوجتك قريبتك؟
    - مشاعر دي مننا ابوها وزير الخدمات في حكومة عبد الله احمد عبد الله في الشمالية ايام نميري، وجدها الشيخ ساتي ماجد نشر الاسلام في اميركا وعندو هناك مقبرتان وجامع في اميركا والهلال الاخضر ده اتعمل بي طلب منه هو ومعاه أتراك والسبب كان وقت غرقت تايتنك وفيها مسلمين قاموا قدموا طلب يعملوا الهلال الاخضر عشان ينقذوا بيه المسلمين.. والشيخ ساتي ماجد ده قعد 40 سنة نشر الاسلام في اميركا وهو السبب في اسلام ناس محمد علي كلاي ومحمد اليجا والمسلمين في اميركا بلبسوا صورته في ملابسهم زول سنة 1904 في اميركا ناظر ليه يهودي وهزم اليهودي قام اليهودي طعنه مشوا المحكمة هناك عفا عنه المحكمة اندهشت قال ليهم ده الدين بتاعنا كده.
    * شغال شنو؟
    - ما شغال حاجة.. سياسي محترف ومن دون أعباء.
    * وبدون حزب؟
    - لا يا أخي انا مع نميري.
    * رغم إنك ما معترف بالأحزاب؟
    - انا ما معترف بي دور الاحزاب التقليدية لكن التحالف الوطني ده حزب حديث.
    * حل مشكلة البلد شنو؟
    - عمر الشير يحل الحكومة وتتعين حكومة قومية ما يدخل فيها أي زول كان وزير او وزير دولة في أي حكومة سابقة.. الاحزاب دي كذابة بدرجة امتياز.. تتكون حكومة جديدة لا مع المهدي ولا مع الميرغني لا الاخوان المسلمين لا الجبهة ولا الشيطان زاتو.. جيل جديد والبلد دي فيها شهادات عليا ما تتصورها تحكم عشرين بلد.. نميري ده جاب اعظم وزراء.. الوزير زى باص دنقلا.
    * يعني شنو زى باص دنقلا؟
    - وزير جهامة.. باص دنقلا كان هيبة بالقرب، ظاهر من بعيد وبالبوري.. الوزير في زمن نميري لو جاء يشيل الفاتحة البكا كله يقيف والنسوان يسكتن.. شوف ناس زى منصور خالد وعمر الحاج موسى واللواء الباقر، وابيل الير، وبروفيسور محمد عبد الله نوري، وبروفيسور على التوم، اسماء ذاتها تخوِّفك.. وقت يغير وزير يجيب اخطر من الفات ولعلمك نميري عمل 17 تغييراً وزارياً.
    * بتسمع منو من الشباب؟
    - تمتام فنان ممتاز شوف زول قلد الحبش ده زول تمام ما يكون فيه كلام.. فرفور برضو كويس.
    * انت ماشي اميركا بعد شهر لو قابلت بوش حتقول ليه شنو؟
    - ح أسلم عليه بالاحضان واقول ليه اسحب ناسك من العراق واوعك من السودان، وح أحكي ليه قصة غردون معانا.. بالمناسبة انا في اميركا كنت بلقى الزنوج بلبسوا صورة المهدي سألتهم قالوا لأنه ده الزنجي الوحيد الإنتصر على الابيض لأنه قطع رأس غردون وده معناه انهم حينتصروا برضو زي الرجل الاسود المهدي.
    * رأيك شنو في الهجمة على الترابي؟
    - اولاً حرام تكفروا الترابي.. ده جدل اعتبروه اخطأ في كلامو يناقشوه فقط دون تكفير ويجادلوه.
    * لكن ممكن تصلي وراء إمام امرأة؟
    - لا ما ممكن شرعاً يا أخي.
    * ما زلت تحكم السودان؟
    - نعم لغاية أموت حيظل ده حلمي وأنا بالمناسبة قلت للبشير أديني ليها شهر اصلحها وارجعها ليك.


    منقول

    (عدل بواسطة ياسر عدوي on 02-25-2008, 00:31 AM)
                  

العنوان الكاتب Date
الشجرة... مدينتي التي احبها نزار عبد الماجد08-25-07, 08:59 AM
  Re: الشجرة... مدينتي التي احبها fadlabi08-25-07, 09:04 AM
    Re: الشجرة... مدينتي التي احبها نزار عبد الماجد08-25-07, 09:22 AM
    Re: الشجرة... مدينتي التي احبها abdelmonim bakhit01-09-08, 04:21 AM
      Re: الشجرة... مدينتي التي احبها نزار عبد الماجد01-09-08, 09:00 AM
        Re: الشجرة... مدينتي التي احبها نزار عبد الماجد01-09-08, 09:16 AM
  Re: الشجرة... مدينتي التي احبها Salah Waspa08-25-07, 09:12 AM
    Re: الشجرة... مدينتي التي احبها نزار عبد الماجد08-25-07, 09:25 AM
  Re: الشجرة... مدينتي التي احبها DKEEN08-25-07, 09:44 AM
    Re: الشجرة... مدينتي التي احبها Gafar Bashir08-25-07, 10:15 AM
    Re: الشجرة... مدينتي التي احبها حسين يوسف احمد09-25-07, 03:06 PM
  Re: الشجرة... مدينتي التي احبها ياسر الامير ابوجكة08-25-07, 11:12 AM
    Re: الشجرة... مدينتي التي احبها الزبير صالح الزبير08-25-07, 12:27 PM
      Re: الشجرة... مدينتي التي احبها نزار عبد الماجد08-25-07, 12:45 PM
        Re: الشجرة... مدينتي التي احبها حسين يوسف احمد09-25-07, 03:15 PM
      Re: الشجرة... مدينتي التي احبها ياسر عدوي10-28-07, 03:20 PM
  Re: الشجرة... مدينتي التي احبها haleem08-25-07, 01:25 PM
  Re: الشجرة... مدينتي التي احبها صالح عبده08-25-07, 02:49 PM
  Re: الشجرة... مدينتي التي احبها عبد السلام أبوشنب08-25-07, 03:16 PM
    Re: الشجرة... مدينتي التي احبها Nesta08-25-07, 03:49 PM
      Re: الشجرة... مدينتي التي احبها نزار عبد الماجد08-25-07, 04:05 PM
        Re: الشجرة... مدينتي التي احبها Nesta08-25-07, 04:32 PM
      Re: الشجرة... مدينتي التي احبها ياسر عدوي10-26-07, 01:30 AM
  Re: الشجرة... مدينتي التي احبها abcde08-25-07, 05:41 PM
    Re: الشجرة... مدينتي التي احبها Salah Waspa08-26-07, 09:30 AM
      Re: الشجرة... مدينتي التي احبها نزار عبد الماجد08-26-07, 10:14 AM
        Re: الشجرة... مدينتي التي احبها ياسر عدوي10-30-07, 11:20 PM
    Re: الشجرة... مدينتي التي احبها ياسر عدوي11-07-07, 04:07 AM
  Re: الشجرة... مدينتي التي احبها صديق حمدتو08-26-07, 12:05 PM
    Re: الشجرة... مدينتي التي احبها Safia Mohamed08-26-07, 12:39 PM
  Re: الشجرة... مدينتي التي احبها صديق حمدتو08-26-07, 01:11 PM
    Re: الشجرة... مدينتي التي احبها نزار عبد الماجد08-26-07, 01:27 PM
      Re: الشجرة... مدينتي التي احبها ياسر عدوي10-28-07, 02:14 PM
  Re: الشجرة... مدينتي التي احبها abcde08-26-07, 01:52 PM
  Re: الشجرة... مدينتي التي احبها abcde08-26-07, 02:23 PM
  Re: الشجرة... مدينتي التي احبها abcde08-26-07, 02:38 PM
    Re: الشجرة... مدينتي التي احبها نزار عبد الماجد08-26-07, 02:46 PM
  Re: الشجرة... مدينتي التي احبها abcde08-26-07, 02:43 PM
  Re: الشجرة... مدينتي التي احبها abcde08-26-07, 02:51 PM
  Re: الشجرة... مدينتي التي احبها abcde08-26-07, 03:09 PM
  Re: الشجرة... مدينتي التي احبها abcde08-26-07, 03:15 PM
  Re: الشجرة... مدينتي التي احبها ابراهيم عدلان08-26-07, 03:22 PM
    Re: الشجرة... مدينتي التي احبها نزار عبد الماجد08-26-07, 03:31 PM
      Re: الشجرة... مدينتي التي احبها نزار عبد الماجد08-26-07, 05:13 PM
        Re: الشجرة... مدينتي التي احبها نزار عبد الماجد08-26-07, 07:08 PM
          Re: الشجرة... مدينتي التي احبها نزار عبد الماجد08-27-07, 08:17 AM
            Re: الشجرة... مدينتي التي احبها نزار عبد الماجد08-27-07, 10:44 AM
              Re: الشجرة... مدينتي التي احبها عمار عبدالله عبدالرحمن08-27-07, 12:21 PM
                Re: الشجرة... مدينتي التي احبها جمال سالم08-27-07, 01:25 PM
                  Re: الشجرة... مدينتي التي احبها نزار عبد الماجد08-27-07, 02:12 PM
                    Re: الشجرة... مدينتي التي احبها نزار عبد الماجد08-27-07, 02:17 PM
  Re: الشجرة... مدينتي التي احبها abcde08-27-07, 03:53 PM
    Re: الشجرة... مدينتي التي احبها نزار عبد الماجد08-27-07, 04:48 PM
  Re: الشجرة... مدينتي التي احبها Ahmed Alim08-27-07, 07:04 PM
    Re: الشجرة... مدينتي التي احبها نزار عبد الماجد08-27-07, 09:14 PM
      Re: الشجرة... مدينتي التي احبها نزار عبد الماجد08-28-07, 02:05 PM
        Re: الشجرة... مدينتي التي احبها نزار عبد الماجد08-28-07, 08:58 PM
          Re: الشجرة... مدينتي التي احبها عمار عبدالله عبدالرحمن08-29-07, 09:05 AM
  Re: الشجرة... مدينتي التي احبها صالح عبده08-29-07, 09:28 AM
    Re: الشجرة... مدينتي التي احبها عمار عبدالله عبدالرحمن08-29-07, 11:38 AM
  Re: الشجرة... مدينتي التي احبها abcde08-29-07, 11:53 AM
  Re: الشجرة... مدينتي التي احبها عبد السلام أبوشنب08-29-07, 12:00 PM
    Re: الشجرة... مدينتي التي احبها نزار عبد الماجد08-29-07, 04:25 PM
  Re: الشجرة... مدينتي التي احبها abcde08-30-07, 11:19 AM
    Re: الشجرة... مدينتي التي احبها نزار عبد الماجد08-30-07, 07:29 PM
      Re: الشجرة... مدينتي التي احبها dabeep08-31-07, 00:30 AM
        Re: الشجرة... مدينتي التي احبها dabeep08-31-07, 00:38 AM
          Re: الشجرة... مدينتي التي احبها dabeep08-31-07, 00:44 AM
            Re: الشجرة... مدينتي التي احبها dabeep08-31-07, 01:18 AM
              Re: الشجرة... مدينتي التي احبها dabeep08-31-07, 01:23 AM
                Re: الشجرة... مدينتي التي احبها نزار عبد الماجد09-01-07, 06:06 PM
                  Re: الشجرة... مدينتي التي احبها Salah Waspa09-01-07, 08:09 PM
                    Re: الشجرة... مدينتي التي احبها نزار عبد الماجد09-03-07, 09:22 AM
                      Re: الشجرة... مدينتي التي احبها نزار عبد الماجد09-03-07, 09:25 AM
                        Re: الشجرة... مدينتي التي احبها يسرى صلاح09-03-07, 12:13 PM
                          Re: الشجرة... مدينتي التي احبها نزار عبد الماجد09-04-07, 10:26 AM
                            Re: الشجرة... مدينتي التي احبها نزار عبد الماجد09-04-07, 04:09 PM
                              Re: الشجرة... مدينتي التي احبها dabeep09-04-07, 04:25 PM
                              Re: الشجرة... مدينتي التي احبها dabeep09-04-07, 04:33 PM
                                Re: الشجرة... مدينتي التي احبها نزار عبد الماجد09-04-07, 04:46 PM
                                  Re: الشجرة... مدينتي التي احبها dabeep09-04-07, 05:36 PM
                                    Re: الشجرة... مدينتي التي احبها dabeep09-04-07, 05:42 PM
                                      Re: الشجرة... مدينتي التي احبها نزار عبد الماجد09-04-07, 08:47 PM
                                        Re: الشجرة... مدينتي التي احبها نزار عبد الماجد09-05-07, 07:47 AM
                                          Re: الشجرة... مدينتي التي احبها نزار عبد الماجد09-05-07, 12:49 PM
                                            Re: الشجرة... مدينتي التي احبها نزار عبد الماجد09-05-07, 03:16 PM
                                              Re: الشجرة... مدينتي التي احبها نزار عبد الماجد09-05-07, 09:20 PM
                                                Re: الشجرة... مدينتي التي احبها KOSTA09-05-07, 10:51 PM
                                                  Re: الشجرة... مدينتي التي احبها نزار عبد الماجد09-06-07, 07:09 AM
                                                    Re: الشجرة... مدينتي التي احبها نزار عبد الماجد09-06-07, 12:44 PM
                                                      Re: الشجرة... مدينتي التي احبها نزار عبد الماجد09-06-07, 01:44 PM
                                                      Re: الشجرة... مدينتي التي احبها نزار عبد الماجد09-06-07, 03:00 PM
                                                        Re: الشجرة... مدينتي التي احبها نزار عبد الماجد09-06-07, 08:57 PM
                                                          Re: الشجرة... مدينتي التي احبها نزار عبد الماجد09-07-07, 07:50 AM
                                                            Re: الشجرة... مدينتي التي احبها نزار عبد الماجد09-07-07, 03:35 PM
                                Re: الشجرة... مدينتي التي احبها ياسر عدوي10-30-07, 10:47 PM
  Re: الشجرة... مدينتي التي احبها صالح عبده09-07-07, 03:47 PM
    Re: الشجرة... مدينتي التي احبها نزار عبد الماجد09-07-07, 03:53 PM
    Re: الشجرة... مدينتي التي احبها dabeep09-07-07, 03:56 PM
      Re: الشجرة... مدينتي التي احبها نزار عبد الماجد09-07-07, 04:56 PM
        Re: الشجرة... مدينتي التي احبها نزار عبد الماجد09-07-07, 10:06 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de