|
|
|
 Re: تهانينا أيمن تابر.................. توجد صور (Re: طارق أحمد خالد)
|
طارق
سلامات يا هندسه
مشتاقين شديد
كيفك وكيف عمتي فاطمه بلغه سؤالي الشديد وشوقي ليها .
يالله يا طارق
الواحد فاتته حاجات كثيره عايز يحتفل بيها معاكم ،رصيد افراح واحزان قدر سنين الغربه المره لكن دايما جوانا امل انو قريب نتلمه وترجع كل الايام الطاعمه .
اتذكرته الاوضه والجيتار والرسم والمذاكره وبحري الحكوميه وايام طويله قضيناها مع بعض .. اتعلمته فيها منك الكثير الكثير يا طارق ... مكتبتك لسه عامره زي ما خليته ؟؟
مشتاق ليكم فردا فرد وشايلكم جواي لمن اجيكم تاني
| |
 
|
|
|
|
|
|
|
 Re: تهانينا أيمن تابر.................. توجد صور (Re: wadah taber)
|
لا املك الاّ أن اصفق لك وانت تتتجاوز وتتفوق ، في كل المناحي ، دراسيا وثقافيا وإنسانيا ، فيكون هذا دأبك وسعيك.
مبروك
مبروك مبروك
مبروك مبروك مبروك
مبروك مبروك مبروك مبروك
مبروك مبروك مبروك مبروك مبروك
مبروك مبروك مبروك مبروك مبروك مبروك
مبروك مبروك مبروك مبروك مبروك مبروك مبروك
مبروك مبروك مبروك مبروك مبروك مبروك مبروك مبروك
at this time ihave not arabic system
good done Iyman
Diya
| |
|
|
|
|
|
|
|
|
|
Re: تهانينا أيمن تابر.................. توجد صور (Re: tmbis)
|
علاء (تمبس)
صديقي
المفخره لي كانت كلماتك ومعرفتك التي اسعدتني .. وانا كمان فرحان جدا ومنتشيه سماوات عشقي بيكم وبي كلماتكم وبي جيتكم ، يارب اشوف كلكم دايما بخير ومبسوطين ..
شكرا وبس ياعلاء
-----------
تمبس
على الجنبه كده دكتور مصطفى مدثر سماهو بيت العرس ، وبعدين اخوك ما ربط اي فنان اتفاجا بي المساله كلها ، ما تشوفوا لينا غنوه ولا حاجه انشاءالله فنان حيره 
| |
|
|
|
|
|
|
|
|
|
Re: تهانينا أيمن تابر.................. توجد صور (Re: بدرالدين عبدالتام)
|
العم الغالي
المناضل الصبور / بدرالدين عبد التام
لا ادري ما اقول ولكن وجودك هنا جعل لهذا العرس طعم آخر ، اعاد الي بهجة الشيء المفتقد وازال قليل من شوقي لعم السر واحبته من النقابيين والعمال المهره ، جيش المسحقوين الصابرين الفرحين دوما بصدق والمحزونون دوما بنبل وجساره ..
لك تقديري وحبي واحترامي
ودمت
| |
|
|
|
|
|
|
|
|
|
Re: تهانينا أيمن تابر.................. توجد صور (Re: wadah taber)
|
أعزائي أيمن-و ضاح
تحياتي القلبية
تقبل يا أيمن تهاني الوالدة و المدام التي سمعت عنك الكثير و لم تشاهد سوى صورتك و بعض مقالاتك في البورد.
Quote:
الواحد فاتته حاجات كثيره عايز يحتفل بيها معاكم ،رصيد افراح واحزان قدر سنين الغربه المره لكن دايما جوانا امل انو قريب نتلمه وترجع كل الايام الطاعمه .
|
فاتك الكثير المثير. و الله يا أيمن مرت بينا لحظات الواحد كان داير كل الحبايب معاهو لكن الجايات أحلى.
Quote:
اتذكرته الاوضه والجيتار والرسم والمذاكره وبحري الحكوميه وايام طويله قضيناها مع بعض .. اتعلمته فيها منك الكثير الكثير يا طارق ... مكتبتك لسه عامره زي ما خليته ؟؟
|
المكتبة بقيت أكبر و أعمر. المواضيع أصبحت مختلفة و متشعبة ما بين الفلسفة و السياسة و الأدب و الكمبيوتر و القادم الجديد في المكتبة هو إدارة المشروعات (تخصصي الحالي) أخوك بقى عضو في معهد إدارة المشروعات الأمريكي و كمان بقيت Certified منو. الجيتار موجود و جبتا واحد جديد أيام شهر العسل.
يا وضاح الأيام دي أنا قابض الجو بعد تشغيل المقاصة الإلكترونية و ال ATMs. تلفزيون و جرايد و إذاعة.
طارق
| |
|
|
|
|
|
|
|
|
|
Re: تهانينا أيمن تابر.................. توجد صور (Re: امبدويات)
|
عادل الوسيله (امبدويات)
ازيك يا زميل
شوق الشوق للشوف يا اخي ..
طال الزمن والاولاد بكونوا مشوا المدرسه من زمن شفناكم .. انها الدوامه اللعينه يا عادل ولا اسفا على الحاضر ، النيه واصله وفي الخاطر ..دوما ومشتاقين ، ان الله مد في الاعمار شهور الابيض تخلص تب نحنا معاكم ..
تحياتي ليك وللاولاد وامهم الكريمه
شكرا يا عادل وليك في القلب مكان
ابقى بخير
| |
|
|
|
|
|
|
|
|
|
Re: تهانينا أيمن تابر.................. توجد صور (Re: عبد المنعم سيد احمد)
|
صديقي الشاعر الانسان عبد المنعم
اين الشعر يا عبد المنعم ؟
هذا مخلي الى عوالم انسانيتك ورقيك يارفيق
سمعت عن ياسر عن كتاباتك ولم اقرا لك .. انا منتسب للمهنه لذا لا امل ان اقرا لمن يكتبون فاكتب نقرا ..
سعدت بوجودك هنا ايما سعاده فالبشر النقيون دوما يجلبون الخير ويضاعفون البركات اينما حلوا ..
كيف الاولاد علهم بخير والبلد اكرمت مقدمهم ..
كن بخير دوما
| |
|
|
|
|
|
|
|
|
|
Re: تهانينا أيمن تابر.................. توجد صور (Re: طارق أحمد خالد)
|
طارق احمد خالد
ابن عمتي الغالي
| Quote: تقبل يا أيمن تهاني الوالدة و المدام التي سمعت عنك الكثير و لم تشاهد سوى صورتك و بعض مقالاتك في البورد. |
بالله يا طارق تاني سلم على عمتي شديد وبلغها شوقي ليها واملي في اني اشوفه قريب جدا .. اما المدام يا عزيزي الغالي فلها مني كل الود والتبريكات والتحايا لشخصها الجسور اذ استطاعت اخيرا ان تاثر (قلب الاسد) وتدخله قفص السعاده الزوجيه ، لها ودي وتقديري ..
عارف يا طارق بمناسبة الفات نفس الحاجه مت بالواحد لحظات اشتهى انو يلقى فيها زول يسمع ليهو او يشاركه لحظه خاصه ، لكن يا طارق دي الضريبه البدينا ندفع فيها من اول يوم غادرنا مطار الخرطوم فاصبحت انتقام الذات من الذات في بعض الاحيان علها عله ولا ادري ، فكلما تزيد الاوجاع تقول النفس ( هل من مزيد)؟ وفي مدلاولات اخرى هي نغمة الاختيار.
عارف يا طارق
واحده من سلبيات الجهجهه الفيها نحنا انو الواحد فقد صبره على الكتب يعني من القاهره وانت جاي القرايه بقت في تلتله وعشان تبدا كتاب وتتمه الا تبدا ثلاثه مرات ، فاتني اقول ليك انو واحده من مميزات الة الراسماليه الوقحه انها بتجيد تماما امتصاص الجسد وقتل خلايا المخ فيصبح كلاهما حكرا للراسمالي اذ يتفنن جدا في استلاب الوعي وتسطيح الجمجمه فلا تفرق الا بين العمله ومثيلاتها من السلع الاستهلاكيه وقياس معدلات التضخم (قبيل ما قلنا نوبه) والتسوي كريت تلقى في البلاد البارده دي ..
سعيد لانك عامر بالمعرفه كما كنت .. جهز شاي النعناع الكارب وقعده من القعدات الزمان وكتب في كل مكان عسى ان يصلح الدهر ما افسده قوم البشير ..
اما عن الاي تي ام او المغاصه كما ذكرت .. فسوداتل مازالت ابعد من درجات تخيلي وموبايل علويه وابن ادريس وتلفون فخريخه ومحمد مازالوا يصارعون ذاكرة تلفون بيتكم الفي الباسكيت والذي انتظرت لسنوات ان تعود اليه الحراره حاله حال تلفون ناس حسن التوم .. ومازلت احاول رسم صوره واقعيه لحجم التغيرات ولكن ثقتي انه طالما توجد عقول كامثالك في السودان فالقفز فوق حواجز الحلم ممكن ومستطاع وكما قال العم ساندرا (مفروض) لا مبروك .
اما ادارة المشاريع فثقتي ان لا حدود لحلمك دوما وابدا
اشتاقك جدا وكن بخير
ود خالك
| |
|
|
|
|
|
|
|
|
|
Re: تهانينا أيمن تابر.................. توجد صور (Re: wadah taber)
|
وااااااخجلتي يا ايمون،،
أنا لي زمممممممن ما شفت الإيميل داك،،
و الليلة شفتوو،،، و شفت الصوووور
و يا ايمن دي افرح حاجة كويسة من مدددة،،
الصور صبووحة و حلوة و مليانة نجاح،،
تلفوني بيصلك،، و المامشتاق مشتاق ليك اجد من جدنك دي،، كذاااااااااب،،
أو كما كان يقول بسطاوي زمان،،
| |
|
|
|
|
|
|
| |
هاجر سيد احمد
Aymen Tabir
نيازي عبدالله مرحوم احمد
Ehab Eltayeb
NAZIM IBRAHIM ALI
الجندرية
Kostawi
طارق أحمد خالد
Adil Osman
نصار
معتصم دفع الله
عاطف عمر
altahir_2
tmbis
Yassir Tayfour
عبد المنعم سيد احمد
امبدويات
Soumeta
فيس بوك
تويتر
انستقرام
يوتيوب
بنتيريست