|
|
 تـسـلـط الـزووووجـات ........ إلـي مـتـييييييييي ؟؟؟
|
الذي دفعني للكتابة عن هذا الموضوع هو حادثة صغيرة حدثت عندي في المنزل , وأعتقد أن
هذه الحادثة قد تحدث في جميع المنازل ( التي بها أطفال ) .
يوم أمس فقط كانت إبنتي الكبري ( ثالثة متوسط ) تبحث عن شئي ما في المطبخ وصدفة
وقعت منها كباية وبالتاكيد ( إتكسرت حتة حتة ) وهنا علا صراخ زوجتي ( أم أحمد ) علي
بنتها كيف تكسر الكباية وقامت الدنيا ولم تقعد , حقيقة اثارني المنظر وبحكم محبتي
الغير محدود لابناتي , إنتفضت ووجهت حديثي لزوجتي يا شيخة حرام عليك هسع هي كسرت
ليها كباية ولا كسرت ليك يديك , وشئياً فشيئا تشجعت بنتي وقالت لامها يا ماما عليك الله
كم مرة كسرت كبابي وصحون في المطبخ إشمعنا نحنا لمن تتكسر مننا حاجة تزعلي وتصرخي
فينا زي ما تكون القيامة قامت .عنئذ أشتد غضب زوجتي واشتطاطت غيظاً وقالت لابنتها
وكمان بتردي علي يا قليلة الأدب ( تسلط مع سبق الإصرار والترصد ) وتدخلت للمرة
الثانية وقلت ليها هي الكباية عليك الله سعرها كم ؟ أنا بشتري ليك بدل الواحدة مائة
كباية وشعرت للمرة الأولي بحراجة الموقف وقالت لي انا كل يوم في المطبخ بغسل وبكنس
واتمر والمع شئي طبيعي لمن يقع مني صحن ولا كباية لكن ديل الواحدة فيهم مابهما
حاجة .
وإلي هنا أتوقف .... آمل تسليط الضوء علي ( تسلط اخر من الزوجات ) .
|
|
 
|
|
|
|
|
|
|
 Re: تـسـلـط الـزووووجـات ........ إلـي مـتـييييييييي ؟؟؟ (Re: عادل جبارة)
|
| Quote: والله يا هاشم الليلة أنا خايف يكسروا راسك .. خلينا بره الموضوع دا ؟؟؟ |
كده كده يا الترلا وين عضلاتكم يا عادل جبارة ؟؟ وبعدين نحنا محتاجين معالجة لمثل
هذه التصرفات التي تحدث من قبل زوجاتنا ( قرة أعيننا ) كما لا ننسي إهتمامهم
بنا وبصغارنا والضغط النفسي الكبير الذي يتعرضون له يوماتي  خليك شجاع
يا اخوي .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
زوجتك العزيزة عايزة تحافظ على حاجات بيتها و احساسها بالشى ده بيديها الحق فى زعلتها الشديدة دى و تنهر بتها هسع عشان فى المستقبل ما تكون مطرطشه .... باين عليك ما شفت التسلط بحق و حقيقة ... شفت كلمة تسلط افتكرت الوليه بتشيل منك كل الماهية و تديك السجائر بالحبة او تكون بتخليك تغسل عدة العشاء بعدين تنوم ... اذا مدامك بتقيف على حد التسلط فى كسير العده احمد ربك و قوم اتوضأ و صلى ركعتين شكر لله لنوعية التسلط التى تعانى منها ......لك كل الاحترام
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: Manar Mahsoub)
|
| Quote: اذا مدامك بتقيف على حد التسلط فى كسير العده احمد ربك و قوم اتوضأ و صلى ركعتين شكر لله لنوعية التسلط التى تعانى منها ......لك كل الاحترام |
العزيزة منار تحياتي والله إذا كان في تسلط اكتر من كده اخير لي اكون عزابي احسن
وبعدين الروح بتروح يعني شنو لو كباية إتكسرت ماياهو حالكم انتو يا الزوجات
وبعدين انا الحمد لله مبسوط من زوجتي ومقدر ليها كل تضحياتها لكن شوية الديمقراطية
دي مع الأطفال مطلوبة ... عشان التواصل يكون مستمر بدون ضغوط وكذب من جانب اطفالنا
دمتي يا اختي العزيزة وشكراً علي المداخلة .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: Muna Khugali)
|
Quote: هاشم
بيني وبينك والله سبقتني في موضوع التسلط دا .. تعرف اليومين ديل بسوي في شنو ؟؟
1- بجرد العدة
2- أي حاجة حركتها أرجعها مكانها
3- أي ورقة أو مفكرة كتبتها شلتها وختيتها في كيس في العربية لغاية ما نلقى ليها صرفة
4- عليك الله زكرني لو في حاجة تاني أكون نسيتها ؟؟ |
الليلة جاي بتعتذر بترجع ايامنا الزمان من وين إجيب ليك العذر ؟؟؟
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عادل جبارة)
|
عزيزي هاشم
تحياتي لك و لأم أحمد
الذي حدث من أم أحمد ليس تسلطا. و لكنه نوع من التنفيس للكوامن من الضغوط التي تحدث للأمهات اللائي يجلسن في المنزل و قلوبهن على الأزواج حتى يصلون للمنزل سالمين و على الأبناء و البنات و سلامتهم و هموم البيت و الطبخ و عشرات الهموم.
و أم أحمد أجابت على تساؤلك حين قالت
| Quote: انا كل يوم في المطبخ بغسل وبكنس اتمر والمع شئي طبيعي لمن يقع مني صحن ولا كباية لكن ديل الواحدة فيهم مابهما حاجة . |
أما التسلط الحقيقي يا هاشم أخوي فهو ذاك الذي يحدث من الزوجة التي تأمر و تنهى زوجها أمام الجميع و كأنه طفل. و تتلذذ بتسلطها و سطوتها عليه ( مهما كانت أسباب التسلط ).
أو تلك التي لا تقبل بأم و والد و أسرة زوجها في بيتها بينما يرتع أهلها في بيتها.
أو تلك التي طوال اليوم لافحة توبها و حايمة و تاركة الزوج يصارع مهامها و مهامه دون أن يستطيع أن يلومها مجرد لوم.
و أنا حقيقة لا أعرف كيف ترضى زوجة أن تكون زوجة لرجل تحتقره أمام الناس و الكل يعرف أنه معدوم الشخصية و القرار أمامها؟
التسلط إن دخل بيت الزوجية .. فمن الأحسن فض هذه الشراكة .. و أقصد التسلط من الزوج أو الزوجة .. لأن بيت تعشعش فيه سياط التسلط بيت لا دعائم له و إنهياره وارد في أي لحظة.
دمتم
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: ابو جهينة)
|
العزيز أبو جهينة لك مني التحية ودائما تعجبني كتاباتك ومداخلاتك ، اي زوجة سودانية بتكون خطتها الأولى هو كيف السيطرة على الزوج وإذا صاحبنا رخ خلاص الركبة الياها ، وعلى فكرة أغلب الزيجات السودانية بكون في واحد متسلط على التاني وإذا طلعوا متعادلين الطلاق بحصل، احيانا أشعر بحزن شديد لحال الزواج السوداني والله نسبة كبيرة منوا فاشلة بكل المقاييس وحياة بائسة وتعاسة ما ليها أول ولا آخر ، عشان كده لازم يحصل تثقيف للنساء والرجال ولازم يعرفوا أن الحياة الزوجية هي ما ندية بل هي مودة ورحمة وسكن . اللهم أصلح نسائنا.
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: ابو جهينة)
|
Quote:
الذي حدث من أم أحمد ليس تسلطا. و لكنه نوع من التنفيس للكوامن من الضغوط التي تحدث للأمهات اللائي يجلسن في المنزل و قلوبهن على الأزواج حتى يصلون للمنزل سالمين و على الأبناء و البنات و سلامتهم و هموم البيت و الطبخ و عشرات الهموم.
======================
يســـلم فمك يـا استاذنا والله جبت المفيد وبيت القصيد
تحيـاتي هاشـم وضيوفك الكرام
صــلاح واســبه
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: إنتو لواحد فيكم لما يستعمل معجون الأسنان ده مابيرجع غطاه ليه عليه?
هاتنزلوا كيلو من وزنكم يعني لو قفلتوه?
ولا بس منتظريني أنا اجي اقفله?
طبعا..
ماأنا الجاريه الورثتوها ..
بتعب أنا في نظركم ولا يعني شايفين أهميه لتعبي?
وكمان عندكم نفس تتكلموا! |
يا مني اختي والله نحنا الرجال مقدرين إهتمامكم لكن مشلكتكم انتو دائماً
صوتكم عالي وما بتعرفو تتكلموا بالراحة وكل شئي عايزينو يكون حسب مزاجكم
وبتشركو لإبليس بالسبيبة , فكوها شوية كده ولا كيف ؟؟
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: صديق الموج)
|
Quote: يوم أمس فقط كانت إبنتي الكبري ( ثالثة متوسط ) تبحث عن شئي ما في المطبخ وصدفة
وقعت منها كباية وبالتاكيد ( إتكسرت حتة حتة ) وهنا علا صراخ زوجتي ( أم أحمد ) علي
بنتها كيف تكسر الكباية وقامت الدنيا ولم تقعد |
هاشم .. الظاهر انتا الكسرت الكباية .. مش قلت
الدنيا قامت ولم تقعد .. طيب كيف؟!! يا أخوي
مسامحنك طالما بدأت تفريغ الغضب خارج دائرة
الرقابة .. فالصدق أحيانا معجزة ..
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
| Quote: التسلط إن دخل بيت الزوجية .. فمن الأحسن فض هذه الشراكة .. و أقصد التسلط من الزوج أو الزوجة .. لأن بيت تعشعش فيه سياط التسلط بيت لا دعائم له و إنهياره وارد في أي لحظة. |
العزيز ابو جهينة والله كلامك سمح بالحيل وكلو درر ويا ريت لو كل الناس
تتعظ وتفهم , وكسير العدة ده ياخوانا والله شئي عادي جداً بس الزوجات
يهدوا لينا اللعب شوية .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: د.محمد حسن)
|
Quote: هاشم المنهور......هى وقفت عند هنا
عادل جبارة والله صاحبك بقى سكرو كعب ..بس يضرب ليه كاسين يجى
ينجضنا بى جاى ..الله يهديه..هسع ده كلام هاشم الواعى،،،، |
صديق الموج أنا عندي وقفت لحدي هنا لكن صاحبك عادل جبارة شوفو عليك
الله مالو والله جقلب جنس جقلبا والحالة حنانو لسه ما وصلت الرياض .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: هاشم .. الظاهر انتا الكسرت الكباية .. مش قلت
الدنيا قامت ولم تقعد .. طيب كيف؟!! يا أخوي
مسامحنك طالما بدأت تفريغ الغضب خارج دائرة
الرقابة .. فالصدق أحيانا معجزة .. |
اخوي محمد كيفنك ياخي والله أنا لو كسرت الكباية علي طول امشي أشتري
ليها دستة كبابي عشان ما تحمر لي عويناتها , والله القصد من حكايتي
دي انو الزوجات يشعرو شوية انو بناتهم او أولادهم عارفين غلطهم بس
شوية مساحة كده أحسن .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: Muna Khugali)
|
Quote: تختصر ام بناتي الموقف بعد كل تسلط ديكتاتوري منها يقابله صمت ( ثقيل) مني يتبعه احتضان واحدة من البنات كالاتي:
آي انا اشيل وش القباحة وانت الابو الحنين البتدلع
طيب
حد قال ليك ما تدلعي
ما زمان دلعوك |
كيف أخبارك يا دكتور نحنا عشان شعراء وبنحب الكلمة الرقيقة إرتباطنا
ببناتنا اكبر وبيني وبينك زوجاتنا بغيرو من بناتهم .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: د.محمد حسن)
|
العزيز / هاشم أبوأحمد
يازول بسيطه دي نحن في البيت 4أفراد
أنا وأم قصي والشغاله ونحن الأتنين شغالين
وقصي والشغاله دايمأ مع بعض الفترة الصباحية
وأنا القاعد أكسر العده لما أزعل بشيل كباية
أكسره وبنفس عن زعلي وأم قصي بتقول أنا علمته
الكسير عشان أبن الوز بقي عوام يزعل يجدع الفي
يدوا وهاك ياماعندك أخلاق ما زييييي....!
وبرضو حياتنا حلوه ودي يوميات منزل الزوجية بس
ما تصل حد التسلط دااااك والله يخلي ليك أم أحمد
والعيال ديل النعمه المهداه من رب العالمين
أبو قـ مجدي عبدالرحيم ـصى
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: مجدي عبدالرحيم فضل)
|
Quote: وأنا القاعد أكسر العده لما أزعل بشيل كباية
أكسره وبنفس عن زعلي وأم قصي بتقول أنا علمته
الكسير عشان أبن الوز بقي عوام يزعل يجدع الفي
يدوا وهاك ياماعندك أخلاق ما زييييي....!
وبرضو حياتنا حلوه ودي يوميات منزل الزوجية بس
ما تصل حد التسلط دااااك والله يخلي ليك أم أحمد
والعيال ديل النعمه المهداه من رب العالمين
أبو قـ مجدي عبدالرحيم ـصى |
ابو قصي كيفنك ياخي ربنا إنشاء الله يخلي ليك اولأدك
لكن في النهاية انت بتشتري الكبابي مش كده ما قلنا
الروح تروح ما مشكلة المشكلة هي عدم إتاحة الفرصة
الكافية للأبناء عن التعبير والدفاع عن أنفسمهم .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
الاخ/ هاشم لك الود
الكلام ده لاسمعتوا ولا جابو لي شوف عيني دي
كنا في زيارة لاحد الاشخاص في منزله وكان هو وزوجته لوحدهما وبعد التحية وجلوسنا لعدة دقائق فؤجئنا وبطريقة لافتة للنظر بالزوجة وهي تطلب من زوجهابلهجة بها نوع من عدم الاحترام وعلو الصوت(ياراجل ماتقوم تسوي للناس ديل شاي) متحججة بانها تعبانة وتشعر ببداية انفلونزا فقام الزوج يريد التوجه الى المطبخ ولكننا اعتزرنا نحن بحجة الاستعجال لانقاذ الموقف
كنت على علم بتسلط تلك المراءة ولكنني لم اتصور ان يصل الى هذا الحد فهنالك من النساء لا يكترث بوجود اخرين في المنزل بل يتعمدن ذلك في وجود الاخرين لابداء تسلطهن وعدم احترام ازواجهن وابراز عضلاتهن وما خفي اعظم فلذلك تسلط الزوجات على الابناء اخف وطاءة من اشياء اخرى تحدث (والمسكوت عنه كتيييييييير).
| |
|
|
|
|
|
|
|
|
 Re: تـسـلـط الـزووووجـات ........ إلـي مـتـييييييييي ؟؟؟ (Re: حافظ العشا)
|
هاشم !!!
كيفنك ,,,
والله خلعتني جنس خلعة لمن قريت تسلط الزوجات قلت يا أخواني هشومي دة شاعر رقيق وحساس حاكمنو لشنو
ألقاها كباية مكسورة ؟؟ بيني وبينك معاها حق عاد هبشتوها في اللحم الحي إنت عارف النسوان جنهن
وجن عدتن يعني زي ما بقولو أخوانا المصريين عض ألبي ولا تعض رغيفي ,, يعني مدامكم دي كان إنكسر
أي شي تاني ما كان زعلت لكن كباية حلووووووووة وعاجباها مشت فتشتهافتيش وعزلت من وسط الكبابي
تقومو تكسروها ليها وكمان تحتجوا على كواريكها فيكم أمانة مااتلومتو أنا غايتو لو زرتوني وقام
شافع من شفعكم كسر لي كباية طوالي بدق ليكم خروج بدون عودة عشان كدي لمن تجو ابوظبي جيبو معاكم
كبابيكم وصحانتكم وكمان لو جبتو الملايات والبطاطين يكون كويس ,, شكرا هاشم على البوست اللطيف .
| |
|
|
|
|
|
|
|
|
 Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
ألأخ/هاشم المنهور الحبيب عبدالهادى
المنهور دى من صديق الموج الحبيب منى وعبدالهادى دلالة على إتخاذك للأمور دائمآ بهداوة...
أخى لما إتصلت بى وقلت لى موضوع تسلط الزوجات إلى متى؟؟؟؟؟ لم أتوقع بأن ألأمر كله بأن أم أحمد جاطت فى يسرى وقومت الدنيا وقعدتها......وأنا بقتكر ده تسلط أزواج..
أولآ:البيت مملكة المرأة وخاصة المطبخ(تابع لها جغرافيآ إذا تعديته تكون دخلت الحدود ألأقليمية له)
ثانيآ:التصرف طبيعى جدآ جدآ وده الشائع ,ورد فعل لفعل المقصود به يابت أعملى حسابك,,,ولكن ده لو كان أحمد كان بنجد ليه العذر لآنه ولد وليس لصيق بأدوات المطبخ والتعامل معها.
بعدين ياهاشم نهرتها بس فى واحدات بضربن عديل ...
سلام
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: الليلة والليللللللللة ..
في جنس كشف حال هنا ..
ترللللللللللم ترللللللللللللم ..
والله يا هاشم أخوي دي ما كانت كسرة كباية .. |
يا معتصم اخوي احسن ليك اطلع منها , نحنا المتزوجين عرفنا منهم شنو
عشان يجينا واحد عزابي زيك ؟؟؟ لمن تعمل زوجة بعد داك إنشاء الله .....
بس كده يا مولع النيران 
QUOTE]الليلة والليللللللللة ..
في جنس كشف حال هنا ..
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
الاخ/ هاشم لك الود
الكلام ده لاسمعتوا ولا جابو لي شوف عيني دي
كنا في زيارة لاحد الاشخاص في منزله وكان هو وزوجته لوحدهما وبعد التحية وجلوسنا لعدة دقائق فؤجئنا وبطريقة لافتة للنظر بالزوجة وهي تطلب من زوجهابلهجة بها نوع من عدم الاحترام وعلو الصوت(ياراجل ماتقوم تسوي للناس ديل شاي) متحججة بانها تعبانة وتشعر ببداية انفلونزا فقام الزوج يريد التوجه الى المطبخ ولكننا اعتزرنا نحن بحجة الاستعجال لانقاذ الموقف
كنت على علم بتسلط تلك المراءة ولكنني لم اتصور ان يصل الى هذا الحد فهنالك من النساء لا يكترث بوجود اخرين في المنزل بل يتعمدن ذلك في وجود الاخرين لابداء تسلطهن وعدم احترام ازواجهن وابراز عضلاتهن وما خفي اعظم فلذلك تسلط الزوجات على الابناء اخف وطاءة من اشياء اخرى تحدث (والمسكوت عنه كتيييييييير).
الأخ حافظ طبعاً انا مش متاكد وبس لكن واثق جداً ان هناك حالات تبكي عديل كده
لكن تفتكر نوعية زولك ده تاني انا بمشي ليهو والله لو بقي قبلة عديل كده
مشكور كتير علي المرور ومنكم نستفيد .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
خلعتني جنس خلعة لمن قريت تسلط الزوجات قلت يا أخواني هشومي دة شاعر رقيق وحساس حاكمنو لشنو
ألقاها كباية مكسورة ؟؟ بيني وبينك معاها حق عاد هبشتوها في اللحم الحي إنت عارف النسوان جنهن
وجن عدتن يعني زي ما بقولو أخوانا المصريين عض ألبي ولا تعض رغيفي ,, يعني مدامكم دي كان إنكسر
أي شي تاني ما كان زعلت لكن كباية حلووووووووة وعاجباها مشت فتشتهافتيش وعزلت من وسط الكبابي
تقومو تكسروها ليها وكمان تحتجوا على كواريكها فيكم أمانة مااتلومتو أنا غايتو لو زرتوني وقام
شافع من شفعكم كسر لي كباية طوالي بدق ليكم خروج بدون عودة عشان كدي لمن تجو ابوظبي جيبو معاكم
كبابيكم وصحانتكم وكمان لو جبتو الملايات والبطاطين يكون كويس ,, شكرا هاشم على البوست اللطيف .
مشكورة كتير يا عطوفة ومنكم نستفيد انا ما محتج علي الكباية اللي اتكسرت لكن يا عواطف
الروح بتروح وأنتو دائماً وابداً حاجات المطبخ دي عندكم مقدسة لكن لمتين , عموماً مشكورة
علي المداخلة وربنا ما يوريك مكروه في كباية ليكم .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: حافظ العشا)
|
Quote: أولآ:البيت مملكة المرأة وخاصة المطبخ(تابع لها جغرافيآ إذا تعديته تكون دخلت الحدود ألأقليمية له)
ثانيآ:التصرف طبيعى جدآ جدآ وده الشائع ,ورد فعل لفعل المقصود به يابت أعملى حسابك,,,ولكن ده لو كان أحمد كان بنجد ليه العذر لآنه ولد وليس لصيق بأدوات المطبخ والتعامل معها.
بعدين ياهاشم نهرتها بس فى واحدات بضربن عديل ... |
يا ابو السباع انت ابو البنات كلامك علي العين وعلي الراس لكن بنقول الديمقراطية مطلب
شعبي للتعامل مع الأطفال في المنازل ونحنا عايزين لينا شوية تفكر في الحتة دي بكل صدق
وشفافية , مشكور علي المرور وشايفك كده زي صاحبي عادل جبارة اولادك قربو يصلو للسعودية .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
كنا في زيارة لاحد الاشخاص في منزله وكان هو وزوجته لوحدهما وبعد التحية وجلوسنا لعدة دقائق فؤجئنا وبطريقة لافتة للنظر بالزوجة وهي تطلب من زوجهابلهجة بها نوع من عدم الاحترام وعلو الصوت(ياراجل ماتقوم تسوي للناس ديل شاي) متحججة بانها تعبانة وتشعر ببداية انفلونزا فقام الزوج يريد التوجه الى المطبخ ولكننا اعتزرنا نحن بحجة الاستعجال لانقاذ الموقف
كنت على علم بتسلط تلك المراءة ولكنني لم اتصور ان يصل الى هذا الحد فهنالك من النساء لا يكترث بوجود اخرين في المنزل بل يتعمدن ذلك في وجود الاخرين لابداء تسلطهن وعدم احترام ازواجهن وابراز عضلاتهن وما خفي اعظم فلذلك تسلط الزوجات على الابناء اخف وطاءة من اشياء اخرى تحدث (والمسكوت عنه كتيييييييير).
هاشم مش قلت ليك احمد ربك وصلى ركعتين ان تسلطكم فى كباية كعب نوع النموذج الفوق ده مسكين تلاقيه بيمسوه بعلقة و يصبحوه باتنين .
تسلط الرجل شىء معروف منذ نشئة الخليقة و فى امور كثيرة مساعده الجماعة على هذا التسلط و نحن راضين بالهم و بالعين الشغلانية باندروس و بكل الادوية الهاضمة خاصة لو الشغلانية فيها عيال دائما بندى الاولوية لى سعادتهم و بنمشى امورنا .. لكن النوعية البتنهرراجلها قدام الناس دى و ما خفى كان اعظم بعد داك الراجل احساسه شنو بيقدر يواصل.... و يقعد كده مع الرجال ام المسكين تلاقيه يفضل يورق الخدره ؟؟
| |
|
|
|
|
|
|
|
|
 Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: وأنا القاعد أكسر العده لما أزعل بشيل كباية
أكسره وبنفس عن زعلي وأم قصي بتقول أنا علمته
الكسير عشان أبن الوز بقي عوام يزعل يجدع الفي
|
 لووووووووووووووووووووووول!!!
والله يا هاشم عفيت منك... أمااااااااني بحت لينا جنس حكاوي!!!
أنا غايتو أحمممممممد الله برررررررررررة...
لكن جيت متاوق يعني لزوم الدروس وكدي!!
ودي طبعاً بي تنفعنا لي أيامنا النواضر الجاية... لو ربنا حبس العوارض وسهل على خير!!!
يعني بالدارجي كدي يا عادل جبارة كان ست ريدك قالت ليك الليلة أنا مصدعة ما قادرة أطبخ... تتوكل علي الله وتقطع بصلك براك وتشد حلَّتك عاااااادي يعني ما فيها حاجة؟؟!!
كميات مودتي... وبجيكم راجع بي أُغنية بابا يغسل العدة بس أصبرو علي شوية..
أبو الحســــــين...
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: أبو الحسين)
|
| Quote: يعني بالدارجي كدي يا عادل جبارة كان ست ريدك قالت ليك الليلة أنا مصدعة ما قادرة أطبخ... تتوكل علي الله وتقطع بصلك براك وتشد حلَّتك عاااااادي يعني ما فيها حاجة؟؟!! |
أب الحسين
المشكلة أنو ما عندها صداع ولا حاجة .. و ما قالت لي بالدارجي قالت لي بالعربي الفصيح كده .. عليك الله أنا جاية من السودان والنسوان ح يجو يسلموا علي والحنة دي مكلفة مبلغ وقدره عليك الله غسل لي العدة دي لمدة اسبوع بس 00 دي فيها حاجة ؟؟؟؟
أبو الحسين اسمعني .. بعدين انت حنتك حقت عرسان ح تغسل العدة شهررررر كامل !!!!
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عادل جبارة)
|
| Quote: هاشم مش قلت ليك احمد ربك وصلى ركعتين ان تسلطكم فى كباية كعب نوع النموذج الفوق ده مسكين تلاقيه بيمسوه بعلقة و يصبحوه باتنين . |
الأخت العزيز منار مشكورة كتير ورسالتك وصلت وبالبونط العريض كمان والقصة
الحكيتيها عبارة عن مسلسل يتكرر وبإستمرار في حياتنا العامة والحمد لله
عملت بنصيحتك وصليت اربعة ركعات مش إثنين بس ( 2 ركعة لمداخلتك الأول + 2 ركعة
للمداخلة الثانية , ما عدمناك يا منار .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عادل جبارة)
|
Quote: منى خوجلي
شوفي مشيت غطست وجبت ليك صورة ود جيرانكم .. شوفي متسلطين عليهو كيفن ؟؟ |
لأ في دي ظالمينك وحاة سيدي الحسن!
الزول ده أب حنين بالحيل وبالإماره..
هذه الصوره الحنانيه..
سامحهم أخوي..هي مافي مشكله..
إن خليتو التدخين ونفض السجاير في اي حته..
ولمن تقعدوا ماترموا نفسكم كده في الكراسي تقصروا عمرهم..
السعوط ده بس لزومو شنو?
الواحد فيكم لما ياخد حمام ليه ماينشف المويه العملها?
ويرجع بشكيره في مكانه الصحيح?
مشكله كان رجع فردة السفنجة لا مؤاخذه مكانها?
ولا عليق الملابس في مكانها حرام?
وبعدين ورقك الكتير المشتت ده ..ماتلمه في صندوق?
كواريكك وجوطتك المابتنتهي بسبب لمليم ورقك ..ماتختصر الموضوع وتلمه!
قال حنان قال..
وينها حنيتك لما يجيبوا ليك الشاي لغاية عندك ويصبوه ليك..
وبعد داك تشرب وتخت الكبايه في الأرض لما الشفع الحاضنهم ديل يجوا يشوتوها وتتكسر..
وكان ما عورتهم هم..تعور يد أمهم وهي بتلم في القزاز?
وبعد ده المسكينه تنظف مكانها...
تشتكوا?
انتو عندكم نفس.تشتكوا?
الواحد يطلبوا منو يشتري صابون ايريال..يغيب يومين حتي يجيب صابون وكمان مختلف..ولما
يسألوه سؤال بريء.. وين الإيريال يجـوط!
وتبدا النقه وتقول..انتي عايزه تقصري عمري!
إيدي فترت عادل اخوي والنقه والشكوي ما انتهت..
لكن برجعلكم..أصبروا..
صـوره سمحه ومعبره
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
تعرف يا أخ هاشم.. أمي الله يديها العافية كانت بتعمل كده.. لكن والدي كان بكاويها طوالي.. لما تشاكلنا بقوم بسكت ما بقول شي وبلبد ليها، لما تقوم تكسر شي هي، يقوم يقول ليها، حسي ده كان واحد من الاولاد كان جننتي...
لكن هي معاها حق، كانت تقول ليه، انا بكسره وبنظفه الحته كويس.. وبكون شايله هم انه واحد فيكم يتجرح.. لما واحد من الاولاد يكسره، ما بنظفه انا بنظفه.. ومسكينه هي بتكون تعبانه أساساً في البيت، ما بتكون دايره زيادة شغل..
بس يا أخ هاشم، انت عملته غلطه صغيرونه هنا.. ما صاح تشاكل زوجتك قدام بنتك.. يعني كونه البنت ترد على امها بالصورة دي، عشان انت قوّيتها عليها.. كان ممكن تنتظر لحدي ما البت تمشي وبعداك تتكلم معاها.. يعني عشان ما تخت زوجتك في موقف دفاعي.. وعشان ما تحس البنت انكم مختلفين في الراي...
تحياتي.. وشكرا على القصة اللطيفة
بنت الحسين
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: مريم بنت الحسين)
|
Quote: والله يا هاشم عفيت منك... أمااااااااني بحت لينا جنس حكاوي!!!
أنا غايتو أحمممممممد الله برررررررررررة...
لكن جيت متاوق يعني لزوم الدروس وكدي!!
ودي طبعاً بي تنفعنا لي أيامنا النواضر الجاية... لو ربنا حبس العوارض وسهل على خير!!! |
ابو الحسين الرجل الحبيب الشفيف ربنا إنشاء الله يكمل ليك علي خير ويسعدك ببنت الحلال
ويبعد منك الزوجة المتسلطة القوية .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: أب الحسين
المشكلة أنو ما عندها صداع ولا حاجة .. و ما قالت لي بالدارجي قالت لي بالعربي الفصيح كده .. عليك الله أنا جاية من السودان والنسوان ح يجو يسلموا علي والحنة دي مكلفة مبلغ وقدره عليك الله غسل لي العدة دي لمدة اسبوع بس 00 دي فيها حاجة ؟؟؟؟
أبو الحسين اسمعني .. بعدين انت حنتك حقت عرسان ح تغسل العدة شهررررر كامل !!!! |
هـــسسسسسسع دي أنا قلت حاجة ....... الحق ياصديق الموج صحبك فقد المنطق عديل كده ؟؟؟
يا منار رايك شنو في الزول ده ؟؟؟
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: منى خوجلي
شوفي مشيت غطست وجبت ليك صورة ود جيرانكم .. شوفي متسلطين عليهو كيفن ؟؟ |
والله العظيم لو جبتا صورة البشير برضو ما بيحلك , يازول انت حالتك بقت متاخرة شديد
خلاص الله يجيب ليك حبيب نورة بجاي عشان يوريك قرودو بتاعت .....
وبعدين يعني قائل نفسك خلاص رشيت مني خوجلي بصورك دي . ما عايز اخرك علي شغل البيت
قصدي غسيل العدة وما خفي كان أعظم .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: بس يا أخ هاشم، انت عملته غلطه صغيرونه هنا.. ما صاح تشاكل زوجتك قدام بنتك.. يعني كونه البنت ترد على امها بالصورة دي، عشان انت قوّيتها عليها.. كان ممكن تنتظر لحدي ما البت تمشي وبعداك تتكلم معاها.. يعني عشان ما تخت زوجتك في موقف دفاعي.. وعشان ما تحس البنت انكم مختلفين في الراي...
|
هاشم الكلام القالته بت الحسين ده ما غريب عليَ .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
| Quote: بس يا أخ هاشم، انت عملته غلطه صغيرونه هنا.. ما صاح تشاكل زوجتك قدام بنتك.. يعني كونه البنت ترد على امها بالصورة دي، عشان انت قوّيتها عليها.. كان ممكن تنتظر لحدي ما البت تمشي وبعداك تتكلم معاها.. يعني عشان ما تخت زوجتك في موقف دفاعي.. وعشان ما تحس البنت انكم مختلفين في الراي... |
مريم بت الحسين
إت صدقتي ؟؟ مافي شكلة ولا حاجة !!!
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عادل جبارة)
|
| Quote: تعرف يا أخ هاشم.. أمي الله يديها العافية كانت بتعمل كده.. لكن والدي كان بكاويها طوالي.. لما تشاكلنا بقوم بسكت ما بقول شي وبلبد ليها، لما تقوم تكسر شي هي، يقوم يقول ليها، حسي ده كان واحد من الاولاد كان جننتي... |
( وشهد شاهد من اهلها ) وبعدين يا بت الحسين انا ما عملت مشكلة مع زوجتي
ولا حاجة كان بس كلام ممنطق وإنشاء الله الناس تفهم المقصود من الموضوع ده
كويس وبعدين التسلط خشم بيوت , الله لا وراكي .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عادل جبارة)
|
منى خوجلي .. النقه ما عندك !!
| Quote: الحمد لله آية ما طالعة ليك .. ما بتنقنق .. وكمان محجبة !! ( وجه من البتعمليهم ديك وما بعرف أعملهم أنا) |
ايه بنقنق بسيط بالانجليزي!
آيه مابتنقنق لأنه زوجها بيشتغل معاها في البيت..
بيطبخ زيها..
وبينضف البيت زيها ويدخل الملابس في الغساله...
اليوم داك كان عندها نزله..
حلاتو ولدي ..جه من شغله ودخل المطبخ طوالي وعمل ليها شوربه.. وبعداك نظف البيت..
وكمان محجب زيها
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: خالدة البدوي)
|
شووووف
يعني أعتبرني سلمت عليك وحق الله بق الله
النسوان ديل حسب التصنيف النوراني
انا بعتبرن أساس السلطوية في العالم
صاحبي أفلاطون و قريبي أرسطو
قعدوا يتجابدوا فوقن لحدي ما شخبطوا الكراريس كلها نضمي
لدرجة أنو ما فضلت محلة لي تصحيح الاستاذ
المرة وقت يجنها صاحباتها
تخلي ليك البيت دة واقف علي فد كراع
وجيبوا وجيبوا
لكن لو كانت الزيارة دي لي أبو الوليدات
تقول بِس !! رجال فاضيين شغلة
وعندهن الغريزة الأنانية
وحب النفس و والتياب الدهب حتي لو كان علي وزن أبومرين
ودق اليمني بالنسبة لي ناس البترودولار!!
غايتو ربنا يعينكم يا جماعة
أنا أخير لي أفضل أحب في نورة دي و كدي أنشوف آخرتا!
انا غايتوا ما أتنفضت فيهن لي هسة
خايف عليك يا هشومي من الأجراءات في البيت
والله لو نضمت علي اليمين يشكلوا ليك جلسة عقوبات أنطرارية عاجلة
وهاك يا وريق خدرة!!! 
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: Sana Khalid)
|
| Quote: العزيز أبو جهينة لك مني التحية ودائما تعجبني كتاباتك ومداخلاتك ، اي زوجة سودانية بتكون خطتها الأولى هو كيف السيطرة على الزوج وإذا صاحبنا رخ خلاص الركبة الياها ، وعلى فكرة أغلب الزيجات السودانية بكون في واحد متسلط على التاني وإذا طلعوا متعادلين الطلاق بحصل، احيانا أشعر بحزن شديد لحال الزواج السوداني والله نسبة كبيرة منوا فاشلة بكل المقاييس وحياة بائسة وتعاسة ما ليها أول ولا آخر ، عشان كده لازم يحصل تثقيف للنساء والرجال ولازم يعرفوا أن الحياة الزوجية هي ما ندية بل هي مودة ورحمة وسكن . اللهم أصلح نسائنا. |
العزيز شوقي شكراً كتير علي المرور
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: الذي حدث من أم أحمد ليس تسلطا. و لكنه نوع من التنفيس للكوامن من الضغوط التي تحدث للأمهات اللائي يجلسن في المنزل و قلوبهن على الأزواج حتى يصلون للمنزل سالمين و على الأبناء و البنات و سلامتهم و هموم البيت و الطبخ و عشرات الهموم.
======================
يســـلم فمك يـا استاذنا والله جبت المفيد وبيت القصيد
تحيـاتي هاشـم وضيوفك الكرام
صــلاح واســبه |
مشكور علي المرور يا استاذ صلاح
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: هاشم أخوي .. ما تنضاري ساكت ..
ما فيها حاجه..
كلنا عملناها وختيناها في العيال ..
أسأل (مجرب) من كترت (الهرش )....
عليك الله الشقيه المرقتها دي .. إنت قلت ليها أنا بسف ؟ |
ود الملك تحية خاصة لك ولزوجتك الهارشاك هو عليك الله في زوجة في الدنيا مابتهرش
عيالها اسف قصدي زوجها يا خوي ديل الواحدة فيهن بتفتش ليها اي سبب عشان تعلي صوتها
وتعمل ليك فيها زعلانة ونحنا بالليل نقعد نحنس ونصالح شئي بالكلام وشئي هدايا , حكم
القوي علي الضعيف ( يقول ليك المثل المرة ضعيفة ) .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: أنا أخير لي أفضل أحب في نورة دي و كدي أنشوف آخرتا!
انا غايتوا ما أتنفضت فيهن لي هسة
خايف عليك يا هشومي من الأجراءات في البيت
والله لو نضمت علي اليمين يشكلوا ليك جلسة عقوبات أنطرارية عاجلة
وهاك يا وريق خدرة!!! |
الحبيب حبيب نورة أنا ما خائف من الآجراءات الفي البيت لكن كده شوف صاحبك عادل جبارة ده
والله حالتو تصعب علي الكافر وقع لي مرته في ا , وينك يا شيخ طولت الغيبة إشتقنا
لمناوشاتك وسردك الجميل الرائع عايزين نستمتع معاك لانو البورد بعد مرات بيكون دمه بقري .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
| Quote: ما حدث الآن أنك عبأت ابنتك و قويت عينها على أمها..و عبأت زوجتك بالإحساس بالقهر منك و من ابنتها!! |
كلام نظري لكن عملياً صعب !! مع احترامي ليك أخت سناء خالد ... شوفي المقطع المكرر يومياً ده :
الفصل الأول :
المكان : البيت
الزمان : وقت المغربية
المشهد : الأم قاعده في السرير وشايلة المشط والفرشة .. وزيت أملا
البت قاعده في الواطه وشعرها منكش وصارة وشها
أخوها الصغير يلعب في البلايستيشن ... حلاتو
أنا ماسك الرموت وبتفرج في التلفزيون بي عين والعين التانية في المشط
الأم : يابت ماتتعدلي وتقعدي لي كويس ؟
البت : يا أمي يعني أقعد ليك كيف ما قاعده أها !!
الأم : أقعدي كده كده أها بتعرفي والا أديك هسه بالفرشة دي أطرشق ليك راسك الغليد ده ؟
البت : يا أمي عليك براحة !!
الأم : براحة يعني أنا هسة عملت ليك شنو ؟؟ أنا زاتي لسه ما بديت !!
البت : أأأأأخ خ خ خ يمه واي إييييييييي ( بكاء ودموع وعصبية )
الأم : الله يلعنك يالكريهة جننتيني وطلعت عيني والله حقو أخليك تقعدي كده عشان الضيوف يجو يلقوك منكشة وقبيحة !!
البت : أي خليني .. بس .. ما دايرة .. بقعد كده
يبدأ ضرب ولبع في الضهر .. وصراخ
أنا : يابت الحلال ما معقول .. عليك الله براحة ما كده !!
الأم ترمي الفرشة والمشط وتشيل قزازة زيت أملا وتقوم ..
أها خلي أبوك اليجي يسرحك زي ما عايزة .. خليتو ليكم !!
أنا : يابت الحلال هسه عليك الله ده كلام ؟
الأم : والله هي بث بتتدلع عشان شافتك اتكلمت .. هسه لو بسرحها براي ما تنطق كلمة .. كريهة بس منك !!
أنا  بنصف ابتسامة ) كرية دي ليها هي والا لي أنا ؟
الأم : إنت داير ليك موضوع ساكت هسه أنا جبت سيرتك ؟
أنا : لا أحسن تعالي أضربيني بالفرشة دي كمان !! والله ياهو الفضل ..
الفصل الثاني :
بواسطة من خوجلي .... مع السلامة ...
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
المشكلة ياخوي هاشم مابقت في تسلط الأزواج فحسب ... لكن كمان في اولاد الزمن ده ..الله يهديهم .. امس جاء نى صديق لى شايل الهم على راسو .. قال ايه.. ولدو المفعوص الماكمل خمس سنوات كان عاوز يفركش البيت..علشان طلب من امه الصعود للرف لجلب بسكويت وامه رفضت ذلك .. ولكن العفريت المفعوص لم يرض هذا الرفض .. فالتفت الى ابيه وبكل خبث قال له: طلقها...تصور !!! تصور
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: omer abdelsalam)
|
Quote: الفصل الثاني :
بواسطة مني خوجلي .... مع السلامة ... |
هو أصلو الزول بياخد منك شنو غير الترقد كده فوق الكنب ولا السراير والغتاته!
دي تاني مره الليله بس ومن رجعت من الشغل تحاول تغلطني قدام الشفع..
أسه البدخلك بيني وبين بتي شنو؟
قاعد تسرحها؟
بتحميها؟
بتلبسها؟
دروسها دي قاعد تراجعها معاها؟
ما ياها فلاحتك بس تجينا ولما نطلب منك حاجه تقول جاي من الشغل وكفايه أنا تعبي هناك؟
تعب شنو؟
ولا بس عشان بتجيب القروش للبيت قايل خلاص ماعليك شي تاني؟
أنا ما عندي نفس شهادتك دي ماكان ممكن أشتغل.. لكن بس خلاص قسمتي أولد وأأكل وأغسل ,أنضف..
برتاح أنا ولا برتاح ?
من النجمه أنا فوق كرعيني ديل تمرقوا كلكم وأنا بس قاعده أستعد لراحة أقواه وأرانب!
قلت شنو؟
لأ سمعني علشان أنا ماسمعت!
قلت أسطوانه؟
آي اسطوانه هو حياتي معاكم دي بشكلها ده في غيرها؟
سمح وقت شايفها اسطوانه ومكرره وممله ماتحاول تشوف ليك تغيير شويه..
ولا انت قايل نفسك ما اسطوانه؟
أقول ليك كلام؟
انت ده الاسطوانه..
واسطوانه مشروخه كمان..
وانشرخ زي ما داير.. بس اوعك تاني تتدخل بيني وبين أولادي..
انتي يابت انتي كمان استعدلي وبطلي البكا ده ولا أسه أجيب المقص أجزليك شعرك ده وأريحك منه
أنشوف أبوكي ده ماشي يسوي شنو!
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
اخى هاشم تحياتى لك
:Quote: هاشم .. الظاهر انتا الكسرت الكباية .. مش قلت
الدنيا قامت ولم تقعد .. طيب كيف؟!! يا أخوي
مسامحنك طالما بدأت تفريغ الغضب خارج دائرة
الرقابة .. فالصدق أحيانا معجزة |
انا غايتو شايفه الكلام الفوق ده هو الحقيقى وشايفه برضو انو القال الكلام الفوق ده عندو تجارب كتيرة من النوع الذى ده وبعد كله احمدو انتوبرضو ربكم انكم ماقعدين هنا علشان تشوفو التسلط مع القدرة
سلام ليكم وللمتسلطين عليكم عافيه منهم
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
الأخ عادل جبارة..تحياتي و احترامي..
و الله القصة ما تنظير, و الحمدلله وصفة عملية مجربة و ناجحة طيلة التسع سنوات الفاتت..!
يمكن القواعد الصاح للتعامل بين الإتنين لما تتخت من الأول بتكون تطبيقها (ثم الإستمرار فيها) أسهل بكثير..
لأنو في الأول بكونوا الإتنين براهم ..همومهم ..مشاكلهم..و تعبهم أقل..
لكن برضو مجهود مضاعف عشان الناس تصحح طريقتها مع بعض..أفضل من انو تستمر الحال على ما هو عليه..
العمر مش بعزقة على رأي شمال الوادي!
و القاعدة بسيطة..لو كل واحد عامل التاني كما يحب لنفسه أن يعامل..ما كان أخونا أبو أحمد (مع احترامي له) غنى (ظلموني)..!!
هسه في المثل اللي انت حكيتو هنا..انت كنت متخيل الموقف حيصل وين ..بدليل انو عينك كانت على المشط..
لكن فضلت انك تتدخل متأخر..عشان تصل لنتيجة انت واضعها سلفاً و ما حابب تبذل مجهود عشان تغيرها..انو زوجتك زولة متسلطة ..و بتشاكل (دبان) وشها!!
رأيك شنو تتخيل معاي لو انت اتدخلت من هنا..
Quote: البت : يا أمي يعني أقعد ليك كيف ما قاعده أها !!
|
الأب: غلط يا (مي..مثلاً) تتكلمي مع أمك كده..و أقعدي كويس عشان تخلصي بسرعة!
في رأيي انك كدة بتمتص غضب الأم و تخليها تبرد نفسها شوية مع البت..و سينتهي المشهد باكراً جداً!
لكن نجي برضو للأم..القسوة على الطفل بكلام مثل (كريهة ..قبيحة..أكسر ليك رأسك) دي ما طريقة تربية!!
الأطفال زي المراية..تصرفاتهم و كلامهم..بيكون انعكاس كامل لتصرفاتنا نحن و كلامنا..معاهم أو قدامهم!
....
منى..
لا حولاااااا..بركة الغيّرت وش القرد..غايتو بصورتك دي..كل اللي يجي منك حلو..(والله دي خوفة ..بث)
أخبار بودي شنو؟ يا عيني عليك يا ابني (سمايلي زاتو خاف و أبى يجي)!
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
الأخ عادل جبارة..تحياتي و احترامي..
و الله القصة ما تنظير, و الحمدلله وصفة عملية مجربة و ناجحة طيلة التسع سنوات الفاتت..!
يمكن القواعد الصاح للتعامل بين الإتنين لما تتخت من الأول بتكون تطبيقها (ثم الإستمرار فيها) أسهل بكثير..
لأنو في الأول بكونوا الإتنين براهم ..همومهم ..مشاكلهم..و تعبهم أقل..
لكن برضو مجهود مضاعف عشان الناس تصحح طريقتها مع بعض..أفضل من انو تستمر الحال على ما هو عليه..
العمر مش بعزقة على رأي شمال الوادي!
و القاعدة بسيطة..لو كل واحد عامل التاني كما يحب لنفسه أن يعامل..ما كان أخونا أبو أحمد (مع احترامي له) غنى (ظلموني)..!!
هسه في المثل اللي انت حكيتو هنا..انت كنت متخيل الموقف حيصل وين ..بدليل انو عينك كانت على المشط..
لكن فضلت انك تتدخل متأخر..عشان تصل لنتيجة انت واضعها سلفاً و ما حابب تبذل مجهود عشان تغيرها..انو زوجتك زولة متسلطة ..و بتشاكل (دبان) وشها!!
رأيك شنو تتخيل معاي لو انت اتدخلت من هنا..
Quote: البت : يا أمي يعني أقعد ليك كيف ما قاعده أها !!
|
الأب: غلط يا (مي..مثلاً) تتكلمي مع أمك كده..و أقعدي كويس عشان تخلصي بسرعة!
في رأيي انك كدة بتمتص غضب الأم و تخليها تبرد نفسها شوية مع البت..و سينتهي المشهد باكراً جداً!
لكن نجي برضو للأم..القسوة على الطفل بكلام مثل (كريهة ..قبيحة..أكسر ليك رأسك) دي ما طريقة تربية!!
الأطفال زي المراية..تصرفاتهم و كلامهم..بيكون انعكاس كامل لتصرفاتنا نحن و كلامنا..معاهم أو قدامهم!
....
منى..
لا حولاااااا..بركة الغيّرت وش القرد..غايتو بصورتك دي..كل اللي يجي منك حلو..(والله دي خوفة ..بث)
أخبار بودي شنو؟ يا عيني عليك يا ابني (سمايلي زاتو خاف و أبى يجي)!
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
| Quote: المشكلة ياخوي هاشم مابقت في تسلط الأزواج فحسب ... لكن كمان في اولاد الزمن ده ..الله يهديهم .. امس جاء نى صديق لى شايل الهم على راسو .. قال ايه.. ولدو المفعوص الماكمل خمس سنوات كان عاوز يفركش البيت..علشان طلب من امه الصعود للرف لجلب بسكويت وامه رفضت ذلك .. ولكن العفريت المفعوص لم يرض هذا الرفض .. فالتفت الى ابيه وبكل خبث قال له: طلقها...تصور !!! تصور |
يااااااا عمر ظهر اخيراً وينك يا أستاذ والله مشتاقين ليك كتير خالص اخبارك
شنو بالله والأهل إنشاء الله كلهم كويسين .
انت عارف يا عمر أخوي الزمن ده بقي غريب خلاص يعني الشافع المفعوص ده العرفو
بحكاية الطلاق دي شنو ؟؟؟ أكيد المسلسلات والسبب امو لانها اليوم كلو قاعدة
تتفرج علي المسلسلات ما سيباليها قناة إلأ وهي وراها .
عمر بالله ما تقطع الزيارات وخلينا نشوفك دائماً .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
الأخ / هاشم
اعذرني ولكن انا مابسميه تسلط كما انت بتطلق عليه المسمي دة
هذه الزوجة تريد ان تجعل اسرتها الأكثر سعادة في العالم
فهي تتعب وترهق نفسها بالعمل طوال النهار وبالنهاية تقتحمون عليها مملكتها لتفسدو كل تعبها فهل عليها ان تقابل كل هذا بالابتسام والتصفيق ...كما انت اب فهي ام وزوجة انها كائن ضعيف فالرحمة مطلوبة اعتقد والمراعاة مطلوبة وهذا ليس بالكثير مقابل ماتقدمه هي لكم بالمقابل
ام ان الرجال هذه الايام نسو ان المرأة كائن بشري ايضا
تحياتي للجميع
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: AMNA BAGRAB)
|
Quote: الأخ هاشم ..
تحياتي..لك و لزوجتك و أتمنى أن تتقبل حديثي!
هناك قاعدة .. رسخت لي في فهمي..تساعدني على (كشف) كثير من الرجال..!!
فالرجل الذي يشكو تسلط زوجته عليه (بصوت عال) ..يكون غالباً هو المتسلط..و لكنه يرغب في نيل بعض التعاطف من الناس ليريحه من تعذيب الضمير..فيلجأ للشكوى من زوجته..!! |
الأخت العزيزة جداً جداً سناء عجبني تحيزك التام لبنات جلدتك وده شئي طبيعي
لكن كمان لازم تعرفوا حاجة معينة ( إنتو كلكم ما بتعرفو تتكلموا بصوت واطي)
ومخاطبتكم مع أولادكم ماخدة نفس الطباع وساعات كتيرة بنتكوي منكم ومن صريخكم
والأخ عادل جبارة جزاءه الله الف خير ما قصر في المداخلة معاك مع انو مثال حي
للزوج المتعاون مع زوجته ( بيغسل العدة عشان مرته جايا من السودان وحنتها
لسة جديدة ودافعة فيها كوم قروش ) الشئي اللي بدعو ليهو أنا عايزين شوية
مساحة لينا ولاطفالنا من صوتكم العالي ده بس دي كل الحكاية .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: اخى هاشم تحياتى لك
:
Quote: هاشم .. الظاهر انتا الكسرت الكباية .. مش قلت
الدنيا قامت ولم تقعد .. طيب كيف؟!! يا أخوي
مسامحنك طالما بدأت تفريغ الغضب خارج دائرة
الرقابة .. فالصدق أحيانا معجزة
انا غايتو شايفه الكلام الفوق ده هو الحقيقى وشايفه برضو انو القال الكلام الفوق ده عندو تجارب كتيرة من النوع الذى ده وبعد كله احمدو انتوبرضو ربكم انكم ماقعدين هنا علشان تشوفو التسلط مع القدرة
سلام ليكم وللمتسلطين عليكم عافيه منهم |
اولاً زارتنا السعادة مشكورة يا بت خوجلي , يالله ورينا التسلط كيفنو مع القدرة ؟؟؟
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
لا حول ولا قوة إلا بالله .. بالله نفسي قايم بعد ما جيت من الشكلة العاملها تمبس مع طه جعفر الخليفة بي هناك .. أها النشوف المرة دي آخرها شنو والنتم الناقصة معاها كمان :
Quote: انتي يابت انتي كمان استعدلي وبطلي البكا ده ولا أسه أجيب المقص أجزليك شعرك ده وأريحك منه
أنشوف أبوكي ده ماشي يسوي شنو! |
ماشي أسوي شنو ؟؟؟
البسويهو ح تعرفيهو كويس بس ما يبقى ليك حار بعدين ؟ أصلك كده ما عندك غير النكد والنقة الكتيرة .. حياة تقرف !! والله يابتي أعمل ليك شنو ما ياها أمك عاد ح أجيب ليك أم تاني من وين ؟؟؟ الواحدة أصلوا مايتكلمو معاها ولا يقولوا ليها حاجة تقوم تتهَيَّجْ زي الشيطان .. ما تشوفي هسه ناس عواطف ديل سمعتي يوم حسها ؟ ما عندها خمسة بنات لي ما بتسوي زي عمايلك دي ؟؟ الواحد زهج من قعدة البيت معاك .. دي ما طريقة !!
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عادل جبارة)
|
امنه كيفنك قبل كل شئي خليتي الناس كلهم منتظرينك وجايا بجاي سمح خلينا
نشوف عندك شنو في الآول .
Quote: الأخ / هاشم
اعذرني ولكن انا مابسميه تسلط كما انت بتطلق عليه المسمي دة
هذه الزوجة تريد ان تجعل اسرتها الأكثر سعادة في العالم
فهي تتعب وترهق نفسها بالعمل طوال النهار وبالنهاية تقتحمون عليها مملكتها لتفسدو كل تعبها فهل عليها ان تقابل كل هذا بالابتسام والتصفيق ...كما انت اب فهي ام وزوجة انها كائن ضعيف فالرحمة مطلوبة اعتقد والمراعاة مطلوبة وهذا ليس بالكثير مقابل ماتقدمه هي لكم بالمقابل
ام ان الرجال هذه الايام نسو ان المرأة كائن بشري ايضا
تحياتي للجميع |
والله الرجال عمرهم ما حاينسوا ولا مرة انو الزوجة كائن بشري , بل بالعكس
نحنا والله بنحبكم وبنموت فيكم كمان لكن انتو ادونا شوية مساحة للتفكير
وشوية مساحة لطلباتكم الما بتنتهي دي والنقة الكتيرة , يعني الواحدة
فيكن لو باب المطبخ بس خرب تنق كان الباب ده بس هو البسوي ليها الأكل
ويا ريت كل ده بصوت معقول داخلة تنق طالعة تنق وهلم جرا .... يا ود الملك
الحقني النسوان ديل جننوني خلاص ما بقدر أكمل كفاية الراجيني بعدين في البيت .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عادل جبارة)
|
كضاب..بس ياها فلاحتك..فلانه أحسن منك وفلانه مابتسوي!
أها وكت جبت المقارنه استعد
امشي كدي شوف الرضي أب طلعة بهيه ".."
شـوفه رايق كيف مع مرته وأولاده?
يفسحهم علي الأقل مره في الإسبوع في المكان الدايرنه هم..
شـفته وقت ينزل من العربيه بيفتح الأبواب لأولاده وهو مبتسم كيف?
مغصتي أنا الماعندي راجـل بيقدرنا زيه...
اقول ليك كلام?
تهديدك ده ما بخوفني..
ماش تعمل شنو كمان..بس!
ثم تمتمت بكلام كثير بصوت خافض ووجه غاضب وقفلت باب الغرفه عليها في غضب!
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عادل جبارة)
|
أخي وصديقي هاشم
صباحك زين ، ،،،،
(| Quote: تسلط مع سبق الإصرار والترصد ) |
والله يا هشومة غايتو التسلط ده موجود في كل بيت ، هم يكسروا ويوسخوا ولهم ( غفورُ رحيم ) بس إنت لو كرفست الملايا ساكت ( شديد العقاب ) ، غايتو بس ما يكونوا كمان بيعملوا ليك ذي صاحبنا داك ( أطلع أمشي نوم ) ، دي بقى أسأل منها عادل جبارة ، غايتو تسطلت جماعة صاحبي دي زيها مافي ، ولا رأيك شنو ياود جبارة . ، أنا غايتو العندي دي مسكينة وماعندها تلسط خالص ..... مرتااااااح على الآخر . بس شوف صاحبك .
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عماد محمود علي)
|
| Quote: ثم تمتمت بكلام كثير بصوت خافض ووجه غاضب وقفلت باب الغرفه عليها في غضب! |
أييي الباب ده كسريهو وجيبي خشبوا أضربيني بيهو كمان في راسي ده .. شوف المرة دي بالله ؟؟ رضينا بالْهَمْ والهَمْ ما راضي بينا !!! كمان دايره تخليني إشتغل بواب أفتح ليك باب العربية ؟؟ ياها دي الرجالة في نظرك ؟؟ يعني البسوي ليك فيهو ده كلوا ما عجبك ؟؟ والله صدق المثل والحديث ناكرات عُشرة وجميل .. أمشي .. أمشي يالا .. في ستين داهية ..
| |
|
|
|
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عادل جبارة)
|
| Quote: والله يا هشومة غايتو التسلط ده موجود في كل بيت ، هم يكسروا ويوسخوا ولهم ( غفورُ رحيم ) بس إنت لو كرفست الملايا ساكت ( شديد العقاب ) |
عماد محمود
هم لما يكونوا مارقين بره البيت ليه بيهتموا بي شَدَّ الملايات كدي ؟؟
بعدين صاحبنا الأنا وإنت عارفينوا كويس اليومين دي شغلت العلاقات العامة دي براها ح تجيب ليهو الهوا !! خليهو في حالوا أحسن ..
| |
|
|
|
|
|
|
| |
هاشم أحمد خلف الله
Muna Khugali
ابو جهينة
Shawgi Sulaiman
Salah Waspa
محمد على طه الملك
محمد عكاشة
صديق الموج
Mohamed Abdelgaleel
د.محمد حسن
مجدي عبدالرحيم فضل
معتصم دفع الله
عواطف ادريس اسماعيل
ismeil abbas
أبو الحسين
مريم بنت الحسين
خالدة البدوي
حبيب نورة
omer abdelsalam
ماجدة عوض خوجلى
AMNA BAGRAB
فيس بوك
تويتر
انستقرام
يوتيوب
بنتيريست