|
|
 مسدار الخرطوم
|
هديت مسداري لي بلدا منغنغ وجارف
وأكرم نادره خاصة مواسم السوق القضارف
محل قعدو الفحول واتباصروه العارف
هم بحر العباب وايش النقيص لي غارف
دهب كلمة الصريف
ليلا مرصع بالحنين يلمع دمع
وجه البنات والريح تتندل في الشمع
الطوف مطلوح موج بيفرد وينجمع
ليلا يصن فيو بلعة الريق تنسمع
ليل في خريف
تنقرش عصبي في النجمات تلوح ده صوابي
ملتهب الوجود تنفخ رماد أعصابي
غبيت في الرحيح دون ضيف فتحت ابوابي
دخلت فيها غيمةورحمنت أسبابي
مابعدم خريف
حافي عليها مشيت والحسكنيت سجاده
غيلان الالم جو وأكلتهم لباده
حفيان بت حضنتهاواتخلقت سعاده
حفنه من النعاس والغفوه بالجباده
شفت عيون خريف
..شفت عيون خريف
|
|
 
|
|
|
|
|
|
|
|
Re: مسدار الخرطوم (Re: محمد بهنس)
|
| Quote: ملتهب الوجود تنفخ رماد أعصابي |
بس ياهو ده بهنس البفتش ليه
ماخذلتنى
حاقعدهنا اشوف الناس شايفين الشايفاه ولا انا عاميانى المحبة
| |
|
|
|
|
|
|
|
|
|
Re: مسدار الخرطوم (Re: Tumadir)
|
]ياتماضر أنا بتهمك بانك نبيه..لكن بتدسي أشعارك من البورد
وأنا أطالب كل الاحبه بفرض الحصار الاحتبابي على تماضر حتى تنصاع لقوات الريده العالمية
وتنشر أشعارها في البورد..وانا جاييك زول نسى شخصيتو في ترابيزة ست شاي في الشهدا..
أها شنو ليك؟
| |
|
|
|
|
|
|
|
|
|
Re: مسدار الخرطوم (Re: معتصم الطاهر)
|
يا معتصم أيوه ركز معانا..أنحنا دايرين تماضر تهز السعن الجمالي الملوهو والدينها
(حاجه علويه وأستاذ شيخ الدين الله يرحمهم ويحسن اليهم).
ويا تماضر أنا جاهز لنزال الفاضلابي ذي زمان..لكن هو أصلو كدة زواغ..دوبيت شنو ليو هسي
هو لو رهجل خليهو يعمل(مسدار أوسلو)!!! وأنا دالحين راجيهو..أكان اترع بيره...
أنا بترع مريسه وفينى ريحةبصله كمان...أهه شنو ليهو!!!
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
يافاضلابي سائلك بالشعر وفنونو سودان لاين ده لا مينا وانكون في عونو في النت نحنا يوت بنحاحي نرعى الكمبيوتر يا جنى وبنصونوأوصف ليك ناس البورد كيف بيكونو؟
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
Quote: تنقرش عصبي في النجمات تلوح ده صوابي
ملتهب الوجود تنفخ رماد أعصابي
غبيت في الرحيح دون ضيف فتحت ابوابي
دخلت فيها غيمةورحمنت أسبابي
مابعدم خريف
|
معقولة بهنس
شوارع الخرطوم فارغة الا من حنينة
واصوات خطوات رفيقة تدندن في كل عام
كانت الاحلام تزين ليالينا الحزينة
مرحب بيك ...
ببهو الوجع والحنين
عالية
| |
|
|
|
|
|
|
|
|
|
Re: مسدار الخرطوم (Re: Alia awadelkareem)
|
يا بهنس حباب
طلتك مفرحة للحد الهناك ..
هنااااااك في اطن الخرتوم شرق ...
****
جيتك دمعي يوشل
والحزن شيخ قبة الأرواح
عليّ الكان تخوجل
تفوت وتودِّر المفتاح
بعد ما كُتْ مَدُوبِل
نسيمك وقَّف الكتّاح
واتْ ما زِلْ تَدُوعِل
جنى المعنى وتعطنو سماح
***
عندي خبرك .. قالو بقن البنات يتسرحوا في وشيك ..
ربنا يزيد ويبارك ..
ما ترجى فاضلابي ..
زي ما قلت ..زواغ
وود لزينة ... وماب يبقى خواجه..
ورينا كل جنونك .. ونحنا راجين .. ومن متين؟؟
لا حولااااا .. (من قبل الكاين الحي) .... حي
ما تتأخر ..
| |
|
|
|
|
|
|
|
|
|
Re: مسدار الخرطوم (Re: بدري الياس)
|
بهنس يا ملان...
يللا انبهل بى مهجك
وعطر لينا -زوق -وش الاثير بى وهجك
اصلو العامرة ما بتنطاق بلا دوباى..ياهو سامر بهجك
وشفت جنون فنونك ..كان فرحتك كان زهجك
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
يا بهنس نسيت ولا الزمن جاب وزرو
قايل أوسلو ما فيها البيهبر شعرو
البنوت هبطرش و القلم بي حبرو
وعارف من زمان أسد الرضيمة بنترو
أجهز يا ظريف
عايش في البلاد وحداني
هذي العتمة رامية عليا شي يوطاني
ما شكاي وشكوى رفاقي يوت في أضاني
شايل الشايلو دونما أختارو ماردات الهموم حاباني
وما سكت النزيف
يا بهنس حقيقة الشوق بقالي مكيدة
الشارع طويل والضو نقاطو بعيدة
والخرطوم حليلا الأطعمتني بأيدا
والبكتني والربتني والأدتني سر الريدة
و الحزن الخفيف
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
في الليل حين يكون الليل كتابة وخمرة
بقدل في الجراح اللا بتطيب لا بتبرة
و أعصر روحي من هم البلود البرة
أكتب باليمين وشمالي قابض الجمرة
والشوق ما بيقيف
الخرطوم تجيني وتملا كل أفكاري
أقدل فيها بالركشات وبالأمجاد وساي كداري
وبالحافلة التزهج أشاكل الكمساري
والجامعة وبناتا مظاهراتا دياري
و شاهيها الرهيف
يا بهنس فتحت الباب و قايلو إنسدا
المرض القبيل الليلة تاني أشتدا
يا ليل ما بتتوب بالنار عملت مخدة
وقلبي القايلو أسلم تاني هسي أرتده
تاني رجع رهيف
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
Quote: حافي عليها مشيت والحسكنيت سجاده
غيلان الالم جو وأكلتهم لباده
حفيان بت حضنتهاواتخلقت سعاده
حفنه من النعاس والغفوه بالجباده
شفت عيون خريف
|
اها دي كيف بس يابهنس
ازيك ياخي
سؤال ياخي انت مش القلت
اطفال الكمبو بعيشو متين؟
رائع واصل واصل
| |
|
|
|
|
|
|
|
|
|
Re: مسدار الخرطوم (Re: خضر حسين خليل)
|
تسلمي يا تماضر يابلد ياوارفه والفاضلابي الا الليله شوف ليك صارفه ود ودالياس/خضر/والحمزه تسلمو كافه علي الفاضلابي شاني الخوه قطعا جافا
| |
|
|
|
|
|
|
|
|
|
عرضة (Re: محمد بهنس)
|
هيييييييييييييييييع
طق طق طق طق
دق دق
دي نطه صقرية عالية
ومعاها بشرة
وكت ما بنعرف تكتب شعر
نعرض
| |
|
|
|
|
|
|
|
|
|
Re: عرضة (Re: محمد بهنس)
|
أهه...تلاقط نار دغش لا بي صفيح لا ماشه /الفن فيك قرضم بس معاها بشاشه/أصلك ود غشيم من قمت روحك طاشه/أنفك فوق وناس الحله كلهم شايفم شماشه
| |
|
|
|
|
|
|
|
|
|
Re: عرضة (Re: محمد بهنس)
|
ود ساقرتا باره وسودري وقيسان
وشندي انقسنا طوكر مروي وأمدرمان
شوك سنار وييي القربه مارنجان
هيا ورفاعه كاس قنب كتم امضوبان
ومن كوستي الرديف
| |
|
|
|
|
|
|
|
|
|
Re: عرضة (Re: محمد بهنس)
|
مدت لي لوح ظنيتو من هجليج
ونترت فيو بزور طقطيقاوحدو هجيج
أخد لفه وتعال قالت بنبره بهيج
أخدت اللفه للآن..حسره شوق ولهيج
يسليني الخريف
يسليني الخريف
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
يا بهنس ختيت والبادي دايما أظلم
الليلة النهار يا صاحبي ليك بيضلم
أكتب في الدرر قادر وما بتقرضم
وما بتنفع ردودك لو بديت أتكلم
بس أركز وأقيف
أوسلو بعيدة و الزول حين يفوتا ديارو
بتقسى عليهو عيشتو وتنسلب أفكارو
إلا تراني راكز للبعاد و أوزارو
والراجل النجيض مابهمو بردو ونارو
وما بقول يالطيف
| |
|
|
|
|
|
|
|
|
|
أهه... (Re: وليد محمد المبارك)
|
حميشنا الأخير فيك طمر واترافق / واصل وصف غربه وفيني وصف اتافق / في الغربه الحمام هاجر صفيحو اطافق / فرحان انو بقراك وال شعر يدافق / والغربه التطير
| |
|
|
|
|
|
|
|
|
|
Re: أهه... (Re: محمد بهنس)
|
الناس حرشونى وقالو ادخل ادافر
وانا شن عندى غير الروح تراها تعافر
ما بقدر على شلالكم المهبوش وجرفو الطافر
وما بلفا البكاكم نوحو اجعد وكافر
قلبى صبح رهيف
| |
|
|
|
|
|
|
|
|
|
Re: أهه... (Re: محمد بهنس)
|
الغربه القطا الوقعت حلال بي سوره / سيحوا في الأرض والغربه تب مقدوره / جهجهة الفؤاد ليل والأنام محضوره / أعمش عين أرض بي فوق تلوح بطيورا / والغربه التطير
| |
|
|
|
|
|
|
|
|
|
Re: مسدار الخرطوم (Re: ود شاموق)
|
لزانا الوطن فى هاوية ما معروفة
بقينا نزازى متل الساقية من شادوفه
لا لامين طيور فى مغربية خوفا
ولا باقيين براكين ...هادرة محروق جوفة
وفاجأنا الخريف
| |
|
|
|
|
|
|
|
|
|
Re: مسدار الخرطوم (Re: ود شاموق)
|
حبابك يا تماضر مبدعه وفنانه / الفاضلابي داك وأنا نحني ليكي غنانا / كلنا في الجراح صابون وروحنا ملانه / أهديك روح لي فكتوريا وروح لي تانا / وأشواقنا النزيف
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
بهنس يا جميل شرفت كل الحتة
والفاضلابى "اسلو" ..من همى شايل حتة
وجدانكم ندي ..طازج...وما شال عتة
قلبى على البلد ... كان هوززوه بتحتا
جف من النزيف
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
أهه البلد اللقتنا بحر بلا بستله / غابنين منو بالحيل غايتو لكن والا / لو بتهون شوارع يا تماضر وحله / كنا نقول بلدنا لقينا في كرتلا / واستغفر الله العظيم
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
أها انا ماش يا تماضر ساكي لي في شغله / بعدين تاني برجع دون غثاثه وثقله / شاهدا برهك رجيت فاضلابي غايب دغله / هو راكب اللوفتهانزا واني راكب بغله / ولي بعدين نضيف
| |
|
|
|
|
|
|
|
|
|
تاني معاكم (Re: محمد بهنس)
|
الشعر انبهل والكلام اتفرا
والفهم اكتمل والصديق انسرا
بهنس يا عجيب شايف لسانك حره
امين يا تماضر اشاء الله ما تجيك ضره
ويالفاضربي جيب من جوه وفك الصُره
شغلكم نضيف
| |
|
|
|
|
|
|
|
|
|
Re: تاني معاكم (Re: Tumadir)
|
فيهو جنس سحابات ياتماضرهانيه / أبو الشهيق ملازمو وأم دلادم حانيه / أكل البوش ومشي السيسبانه الرانيه / هم اتنين تلاته وأربعات في التانيه / وطنا والله كييييييف!!
| |
|
|
|
|
|
|
|
|
|
ولد ده (Re: محمد بهنس)
|
يا بهنس فريق الثورة فرحان بيك
شباب الخامسة متجدع ضمانو عليك
دحين هافانا خليناها وعشانا كجيك
يزغردو ليك بنات الثورة من جامسكا حدي الليك
ابشر يا ظريف
| |
|
|
|
|
|
|
|
|
|
Re: ولد ده (Re: Tumadir)
|
بيوت أم در بيوت من الحنين مضفورة / والله الكديس في أم در عليهو نضوره / كيف لأ وهي بتعشيو وبتدي فطورا / أم درمان كلام المويه للماسوره / وجم بيت الخليف
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
هوووووووي يا شباب.... ازيكم
والله انا دايخ من البوست ودخلت اسلم عليكم
وطالع بسرعة
عشان ما بعرف أربِّع
سلام يا الفاضلابي
ويا تماضر (طبعاً السلام ده للارشيف ما حسع)
ويا بهنس
ووليد
وبقية المتداخلين
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
الناس التعافر في البلاد البره
ممكونين حنين لهذي البلد بالمرة
يديكم مرادكم في العلم والسترة
وتعودم جميع لاصرة لا بوليس يقيف يتحري
ونشوفكم نقيف
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
يا ليل وين مقبل عني دايما صارف
خاليني ف حنين دمعي اليقطر ذارف
والبنوت أبني حليلو قلبي النازف
الروح كان تروح هسع يمين ما خايف
برجى نكير و أقيف
يا بهنس تماضر زولة زي الغنية
قاصدة تكون جميلة جمال تماضر عنية
وإن جيت للفنون يا زول تماضر دنيا
يا ريت البنات لو زي تماضر منية
أم دما خفيف
بهنس داير أقول فيك بي ألواني
داير أرسم جموحك لونو أحمر قاني
أرسم جنك المن يوم عرفتك جاني
وباقي اللوحة أحلب فيها حبة أغاني
ولون أخضر شفيف
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
حليل عصرية في شمبات وشاي عصرية
حليل الحي طيورو ونورو صبح وعشية
وفرحة تجيك فاردة الروح قصادك حية
من خليتا شعري صبح نواح وأسية
ودمعي نزل خريف
| |
|
|
|
|
|
|
|
|
|
ما تشوفونا (Re: محمد بهنس)
|
" عشقتك سريتي في دماي
سرى الخوف معاك"
مليان بالكلام والغربه ذادت فيك
ترسم وتكتب اشعار الا الغنا المابيك
لو ترجع تعود خلينا نفرح بيك
بلدك منتظر والله محتاج ليك
فاضلابي العفيف
| |
|
|
|
|
|
|
|
|
|
ورده وبس (Re: محمد بهنس)
|
ما بقدر اقول فيكي الكلام القدرك
سبقوني الرجال وصفهو سامق قدرك
محظوظ البضوق جغمة لبن من قدرك
يسكر من كلام موزون مرق من حجرك
تماضر انت كيف
| |
|
|
|
|
|
|
|
|
|
هاهاهاهاهاها (Re: محمد بهنس)
|
عشيتا يا وهم
والله الشوق محيط ما بحر
وبعدين دي بتي التانية قبليها في ولد
وخلاص كبرت وسويت لي كرش
فضل لي الحج وعمليت العيون واموت
اديني خبرك مقطوع مننا
| |
|
|
|
|
|
|
|
|
|
Re: هاهاهاهاهاها (Re: وليد محمد المبارك)
|
تلفوني في البروفايل
لا حولاااا يا وليد هسع بقيتنا كبار يعني
إتنين
ماشاء الله تبارك الله
سلم على المسكينة الغشيتا دي وقول ليها الفاضلابي قال ليك كفارة ضل راجل ولا ضل حيطة
يا سلام ياخ والله مشتاقين يا ول
ياي إزيك
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
يا فاضلابي
شايف البوست بتاع بهنس
استلمتوهو انت و وتماضر ووليد.. بهنس وينو...؟؟ وديتوهو وين؟؟
يا بهنس
....
وبدري الياس قطع موية ونور
وبشرى الطيب...
لكن ما تقولو لي.. الشعر مبالغة...
المفروض تتسجل
تحياتي للجميع
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
bahnas
هديت مسداري لي بلدا منغنغ وجارف
وأكرم نادره خاصة مواسم السوق القضارف
محل قعدو الفحول واتباصروه العارف
هم بحر العباب وايش النقيص لي غارف
دهب كلمة الصريف
ليلا مرصع بالحنين يلمع دمع
وجه البنات والريح تتندل في الشمع
الطوف مطلوح موج بيفرد وينجمع
ليلا يصن فيو بلعة الريق تنسمع
ليل في خريف
تنقرش عصبي في النجمات تلوح ده صوابي
ملتهب الوجود تنفخ رماد أعصابي
غبيت في الرحيح دون ضيف فتحت ابوابي
دخلت فيها غيمةورحمنت أسبابي
مابعدم خريف
حافي عليها مشيت والحسكنيت سجاده
غيلان الالم جو وأكلتهم لباده
حفيان بت حضنتهاواتخلقت سعاده
حفنه من النعاس والغفوه بالجباده
شفت عيون خريف
..شفت عيون خريف
عوات الرياح عوات الرياح فوق للخرابه الفانيه
مزاجي سقط لقط فوق رجلو خالف التانيه
واتزكرت يا فاضلابي جية ألمانيا
روحي اتشلهتت لا ويكه لا شمبانيا
يافاضلابي سائلك بالشعر وفنونو
سودان لاين ده لا مينا وانكون في عونو
في النت نحنا يوت بنحاحي نرعى الكمبيوتر يا جنى وبنصونو
أوصف ليك ناس البورد كيف بيكونو؟
ناس البورد ديل خشم الطباع وبيوت
فيهم من بيوزن تبر وفي الهبوت
فيهم مبدعين جد للضمير بعهود
وفيهم لسه من قايل الرئيس عبود
badri
جيتك دمعي يوشل
والحزن شيخ قبة الأرواح
عليّ الكان تخوجل
تفوت وتودِّر المفتاح
بعد ما كُتْ مَدُوبِل
نسيمك وقَّف الكتّاح
واتْ ما زِلْ تَدُوعِل
جنى المعنى وتعطنو سماح
tumadir
بهنس يا ملان...يللا انبهل بى مهجك
وعطر لينا -زوق -وش الاثير بى وهجك
اصلو العامرة ما بتنطاق بلا دوباى..ياهو سامر بهجك
وشفت جنون فنونك ..كان فرحتك كان زهجك
fadlabi
يا بهنس نسيت ولا الزمن جاب وزرو
قايل أوسلو ما فيها البيهبر شعرو
البنوت هبطرش و القلم بي حبرو
وعارف من زمان أسد الرضيمة بنترو
أجهز يا ظريف
عايش في البلاد وحداني
هذي العتمة رامية عليا شي يوطاني
ما شكاي وشكوى رفاقي يوت في أضاني
شايل الشايلو دونما أختارو ماردات الهموم حاباني
وما سكت النزيف
يا بهنس حقيقة الشوق بقالي مكيدة
الشارع طويل والضو نقاطو بعيدة
والخرطوم حليلا الأطعمتني بأيدا
والبكتني والربتني والأدتني سر الريدة
و الحزن الخفيف
في الليل حين يكون الليل كتابة وخمرة
بقدل في الجراح اللا بتطيب لا بتبرة
و أعصر روحي من هم البلود البرة
أكتب باليمين وشمالي قابض الجمرة
والشوق ما بيقيف
الخرطوم تجيني وتملا كل أفكاري
أقدل فيها بالركشات وبالأمجاد وساي كداري
وبالحافلة التزهج أشاكل الكمساري
والجامعة وبناتا مظاهراتا دياري
و شاهيها الرهيف
يا بهنس فتحت الباب و قايلو إنسدا
المرض القبيل الليلة تاني أشتدا
يا ليل ما بتتوب بالنار عملت مخدة
وقلبي القايلو أسلم تاني هسي أرتده
تاني رجع رهيف
bahnas
أها آالفاضلابي جيتك انت وين يا لورد
داقشك بي قوافي بكاسي هوستن فورد
الليله الشعر هزاز سيوف البورد
تشوت ربعيه أرسلها ليك بالباكورد
تسلمي يا تماضر يابلد ياوارفه
والفاضلابي الا الليله شوف ليك صارفه
ود ودالياس/خضر/والحمزه تسلمو كافه
علي الفاضلابي شاني الخوه قطعا جافا
أهه...تلاقط نار دغش لا بي صفيح لا ماشه
الفن فيك قرضم بس معاها بشاشه
أصلك ود غشيم من قمت روحك طاشه
أنفك فوق وناس الحله كلهم شايفم شماشه
ود ساقرتا باره وسودري وقيسان
وشندي انقسنا طوكر مروي وأمدرمان
شوك سنار وييي القربه مارنجان
هيا ورفاعه كاس قنب كتم امضوبان
ومن كوستي الرديف
مدت لي لوح ظنيتو من هجليج
ونترت فيو بزور طقطيقاوحدو هجيج
أخد لفه وتعال قالت بنبره بهيج
أخدت اللفه للآن..حسره شوق ولهيج
يسليني الخريف
fadlabi
يا بهنس ختيت والبادي دايما أظلم
الليلة النهار يا صاحبي ليك بيضلم
أكتب في الدرر قادر وما بتقرضم
وما بتنفع ردودك لو بديت أتكلم
بس أركز وأقيف
أوسلو بعيدة و الزول حين يفوتا ديارو
بتقسى عليهو عيشتو وتنسلب أفكارو
إلا تراني راكز للبعاد و أوزارو
والراجل النجيض مابهمو بردو ونارو
وما بقول يالطيف
walid
شبابنا البره شرد وخلى بلدنا خاويه عروشا
وناس بي جوه فارغه عقولا مليانه كروشا
قليل علما بسيط فهما كتير طينا و قروشا
وتاس لا لامة جاي لا جاي وهي المدروشة
bahnas
حميشنا الأخير فيك طمر واترافق
واصل وصف غربه وفيني وصف اتافق
في الغربه الحمام هاجر صفيحو اطافق
فرحان انو بقراك وال شعر يدافق
والغربه التطير
tumadir
الناس حرشونى وقالو ادخل ادافر
وانا شن عندى غير الروح تراها تعافر
ما بقدر على شلالكم المهبوش وجرفو الطافر
وما بلفا البكاكم نوحو اجعد وكافر
قلبى صبح رهيف
bahnas
الغربه القطا الوقعت حلال بي سوره
سيحوا في الأرض والغربه تب مقدوره
جهجهة الفؤاد ليل والأنام محضوره
أعمش عين أرض بي فوق تلوح بطيورا
والغربه التطير
tumadir
لزانا الوطن فى هاوية ما معروفة
بقينا نزازى متل الساقية من شادوفه
لا لامين طيور فى مغربية خوفا
ولا باقيين براكين ...هادرة محروق جوفة
وفاجأنا الخريف
bahnas
حبابك يا تماضر مبدعه وفنانه
الفاضلابي داك وأنا نحني ليكي غنانا
كلنا في الجراح صابون وروحنا ملانه
أهديك روح لي فكتوريا وروح لي تانا
وأشواقنا النزيف
tumadir
بهنس يا جميل شرفت كل الحتة
والفاضلابى "اسلو" ..من همى شايل حتة
وجدانكم ندي ..طازج...وما شال عتة
قلبى على البلد ... كان هوززوه بتحتا
جف من النزيف
bahnas
أهه البلد اللقتنا بحر بلا بستله
غابنين منو بالحيل غايتو لكن والا
لو بتهون شوارع يا تماضر وحله
كنا نقول بلدنا لقينا في كرتلا
واستغفر الله العظيم
أها انا ماش يا تماضر ساكي لي في شغله
بعدين تاني برجع دون غثاثه وثقله
شاهدا برهك رجيت فاضلابي غايب دغله
هو راكب اللوفتهانزا واني راكب بغله
ولي بعدين نضيف
tumadir
دايره ليا منه سندوتش سحابة
معاها قزازة موية نيل ..وتحلية غابة
ودبوس فى الشعر من سلكة الربابة
واتكحل بى ليلو ..لمن تقوم عترابة
وتيويقة صريف
elmusafir
بشوف ريرة جمت وجمامة لم
وحتحات البرم لملم بهم
حمحمت هم فوق كوم وهم
وهميت نضم كرضوم مبلم
من التلافيف
waleed
يا بهنس فريق الثورة فرحان بيك
شباب الخامسة متجدع ضمانو عليك
دحين هافانا خليناها وعشانا كجيك
يزغردو ليك بنات الثورة من جامسكا حدي الليك
ابشر يا ظريف
tumadir
دايره ليا جواب حب ,على جناح عصفورة
وجاره تمد نهار..من طاقة ...حلبة ف كورة
نعسانة الكديسة ..والتياب مشرورة
ومغرب فى بيوت جاييها...مجلس شورة
والدنيا التقيف
bushra
الناس التعافر في البلاد البره
ممكونين حنين لهذي البلد بالمرة
يديكم مرادكم في العلم والسترة
وتعودم جميع لاصرة لا بوليس يقيف يتحري
ونشوفكم نقيف
fadlabi
يا ليل وين مقبل عني دايما صارف
خاليني ف حنين دمعي اليقطر ذارف
والبنوت أبني حليلو قلبي النازف
الروح كان تروح هسع يمين ما خايف
برجى نكير و أقيف
يا بهنس تماضر زولة زي الغنية
قاصدة تكون جميلة جمال تماضر عنية
وإن جيت للفنون يا زول تماضر دنيا
يا ريت البنات لو زي تماضر منية
أم دما خفيف
بهنس داير أقول فيك بي ألواني
داير أرسم جموحك لونو أحمر قاني
أرسم جنك المن يوم عرفتك جاني
وباقي اللوحة أحلب فيها حبة أغاني
ولون أخضر شفيف
حليل عصرية في شمبات وشاي عصرية
حليل الحي طيورو ونورو صبح وعشية
وفرحة تجيك فاردة الروح قصادك حية
من خليتا شعري صبح نواح وأسية
ودمعي نزل خريف
waleed mubarak
مليان بالكلام والغربه ذادت فيك
ترسم وتكتب اشعار الا الغنا المابيك
لو ترجع تعود خلينا نفرح بيك
بلدك منتظر والله محتاج ليك
فاضلابي العفيف
ما بقدر اقول فيكي الكلام القدرك
سبقوني الرجال وصفهو سامق قدرك
محظوظ البضوق جغمة لبن من قدرك
يسكر من كلام موزون مرق من حجرك
تماضر انت كيف
| |
|
|
|
|
|
|
|
|
|
Re: مسدار الخرطوم (Re: mohammed alfadla)
|
ود الثورة أخوك يا صاحبي بالنص سكني / كنت بليد..نعم لكن حقيقي ووطني / أكان راجي الأوائل ياني ضايع زمني / أخير في الطيش محبة وزوق أروق لي لحني / )كان في الرياضيات فضل لي 96 وأقفلها..جبت أربة فقط...والله ياخوانا فقط دي مزعلاني أكتر من الأربعه(
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
الأسوار قبيحه وماها شي يتشكر / الا السور بحركنا بنقوم نتزكر / يات من كان يبحلق فيهو قام واتعكر / السور برضو تاوق وحلمي بابو مسكر /والسور هو الصريف
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
زمن داك الصعود ليو قيمتو في الراس كيف / ومن سادسه بنثف..في العالي شلعي نضيف / وزارة التربية الزادت عقلنا جليف / هي في وادي وتلاميذها الهديم في قيف / /أهه ومعاكم سلامه لي باكر...لقيت روحي بغني براي دي البيت الناصيه و أصلا مافي جنبو أي بيت.
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
بتغني براك شنو يا بهنس ؟
الناس دي كلها واقفه وراك طابور ..
البورداب الأعزاء ..
" بهنس " مثقف وفنان مبدع ..
هو إضافة حقيقية لهذا البورد .
صاحب طاقات مذهلة ..
وبما إني على باب الله في حكاية المسادير دي نسبة لظروف عائلية , فإنني
أكتفي هنا بالترحيب ببهنس ..
وإعترافي بمحبته .
...
طلال
| |
|
|
|
|
|
|
|
|
|
Re: مسدار الخرطوم (Re: طلال عفيفي)
|
يا ود عفيفي.. عليك السلام ياخ.. انت قايل ظروفي العائليه دي ما فيها الجميل العم العبقري صلاح جاهين.. غايتو انحنا جاهين لي جاي. .المحبه لوج يا أبو الطل
| |
|
|
|
|
|
|
|
|
|
ما تفهموني غلط (Re: محمد بهنس)
|
السودان كبير للمحترف والهاوي
بوسع للجميع شيوعي او جبهاوي
بفقه التعصب سقتونا جرفاً هاوي
والعقد انفرط كل زول صبح قرضاوي (1)
عامل خبير عِرِيف
يا اهل السياسة من كل حزب وكون
نحنا ناس ساكت لا اتجاه لا لون
وحزبنا الوطن الارضو بالمليون
يطربنا وردي بغني او تنقا جاب القون
والمشترينا يقيف
ـــــــــــــــــ
قرضاوي : الشيخ القرضاوي
| |
|
|
|
|
|
|
|
|
|
Re: ما تفهموني غلط (Re: المسافر)
|
يامبارك ويامسافر كلامكم صاح / عندي شي محيرني وبزيدني جماح / أخت في الضو ضلام ألقاهو عتم وضاح / أحوم بالليل وأخت تحت المخده صباح /
| |
|
|
|
|
|
|
|
|
|
هاهاهاها (Re: محمد بهنس)
|
بهنس اخوي بشويش علينا شوش
التركيز حواقه والفهم هبيش
ما تسرح تعوم ما براك الطيش
مره نفهمو قصدك ومرات فهمنايطيش
زي بص الجريف
| |
|
|
|
|
|
|
|
|
|
Re: هاهاهاها (Re: وليد محمد المبارك)
|
هاهاهاهاهاهاهاها
ياود المبارك بهنس كلامو عديل
الليل والصباح زى شاى ولبنو تقيل
ملعقة من لبن ..بتضوى ..جردل ليل
جغمة من الامل ..تخفى الحزن كان "فيل"
وماجابت جريف.
| |
|
|
|
|
|
|
|
|
|
Re: هاهاهاها (Re: Tumadir)
|
بهنس يا تماضر ما بقدر اجاري كلامو
كتاب كتابة الجن وفات الجن سرح قدامو
مسكون بالشعر... عايش بالشعر ايامو
داسي الصباح في وساده وشيطان الشعر خدامو
مابتدي الحريف
| |
|
|
|
|
|
|
|
|
|
Re: مسدار الخرطوم (Re: Abu Mariam)
|
يا طير يا مسافر أسمع كلامي شوية
إن صادفت نيلا سحري بالعصرية
أقريه السلام قول وأحكي ليه البيا
عطشان جغمة منو ترم عضاي النية
والقلب الضعيف
| |
|
|
|
|
|
|
|
|
|
Re: مسدار الخرطوم (Re: mohammed alfadla)
|
بهنس قال:
زمن داك الصعود ليو قيمتو في الراس كيف
ومن سادسه بنثف..في العالي شلعي نضيف
وزارة التربية الزادت عقلنا جليف
هي في وادي وتلاميذها الهديم في قيف
ما شربنا الكتبتو.. لكن سكرنا قراية
لي شعر الفحول.. فاتحين عقولنا اندايه
نسكر بالقوافي شعر.. غنا .. ودوبايه
مشتاق المجند.. نص التمام ..ضلاية
وتعظيم للعريف
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
نقلنا الكمبيوتر باظ علي الماسنج * / وتهجين العناصر لا عرب لا زنج / دواخلنا البتطفح وهل غطس اسفنج؟ / تراب الجردقه الباير نبت لارنج" / * كنايه عن الماسنجر والله أعلم
"برتكان اللارنجه الحلو تاكلو في الخرطوم تلاقي طعمو في سنجه.برتكان مطلوق
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
متابع.. صامت.. ومعجب بيكم كلكم.. فاضلابي وبهنس.. وليد وتماضر، والجميع..
بهنس.. تتذكر الشريط داك الكان من أدائك وألحانك و"إنتاجي"؟.. في استديو السابعة تتذكر؟.. أنا هنا غايتو بي جاي حاولت أعمل ليهو دعاية، لقيت روحي في النهاية المستمع الوحيد والمعجب الشبه وحيد.. سمعتو كان لي ناس تماضر.. وفي ناس تانين (ما تماضر) قالو كلام كده ما متأكد فهمت معناهو شنو.. قالو لي (صاحبك ده بغني ولا بتونس؟).. على العموم يا بطل ولا يهمك "واسقين" منك..
ولو كان في طريقة كان عزفت ليك في البورد ده (redemption songs) ترحيبا بيك.. لكن بس الظروف "جد جد عائلية".. جيتاري ما معاي الأيامات دي..
جد مشتاق..
| |
|
|
|
|
|
|
|
|
|
Re: مسدار الخرطوم (Re: Yaho_Zato)
|
اييييييييييك محمد ود عشه زى ما بتقول امى النعمه لكن ما بتكمل قروشك والصافى زاتتوووو مفلس
بتذكرك فى العيد انتا والصافى فى بيتنا مكمل الشياكه ولى فى المسالمه غزال يا ابرماى
| |
|
|
|
|
|
|
|
|
|
Re: مسدار الخرطوم (Re: فرح)
|
الليلة الزيفة من تالا الحويش اللاصق
خلت مشي زحيح والقدم كيف لاصق
يا راجي الخبر ان كنت من خباري واثق
اياني جايب التاج ياسليمان قبل ما توافق
| |
|
|
|
|
|
|
|
|
|
Re: مسدار الخرطوم (Re: Tumadir)
|
احى يارويحتى ..الشحتفك مافى
دمعك باقى غيمة والجرح شافى
كر من حالى نوح..قلب الوطن جافى
لا قرت عيونك.. ولا الخليل وافى
حاميانى الظروف
| |
|
|
|
|
|
|
|
|
|
Re: مسدار الخرطوم (Re: Tumadir)
|
الدنيا الغريرة..زايلة ام بنايا قش
بدلت الزمن.... الزاهى بى اغبش
ختت فى محل البهجة.. يوم اطرش
والخيبات مراويد فى القلوب تنقش
والقول كلو زيف
| |
|
|
|
|
|
|
|
|
|
Re: مسدار الخرطوم (Re: Tumadir)
|
مالك يا الوحيح ناهشنى كان فى شنو
نوم العين خزاز......والجروح دشنو
كل ما نقول.. نسمح احلامنا هم بشنو
ناس ناعم زمانا وناس تشوف خشنو
الطف يا لطيف
| |
|
|
|
|
|
|
|
|
|
Re: مسدار الخرطوم (Re: Tumadir)
|
تلقيو في المغارب والحمار شهاقي / في البلدات حريف ماهو الوظف وفاقي / دايما باشي ليك متعود الاطراقي / لابس الستره فركه والحنين عراقي / زي هو غريب وضيف /
| |
|
|
|
|
|
|
|
|
|
Re: مسدار الخرطوم (Re: Shinteer)
|
حبابك يا خوي..وانت كان عندك مشكله في الكيبورد انحنا اولاد الكرم نقلب ليك الكي بورد دوبيت بتاعنا أهه: IF YOU COME TO US ALWAYS ANIHNA /HINAKA AT NIGHT AT THE MIDAY ALL THE TIME BAY WARAKASUDAN IS BEATIFUL أكان بس الكنداكا WELLCOME ALSO SHANTEER في كرري أو في التاكاوالانجليزي انشالله يلغووه
| |
|
|
|
|
|
|
|
|
|
Re: مسدار الخرطوم (Re: Shinteer)
|
من خشمك ولى باب السما الفوق سابع
وطن محجوب شريف فيه نازل طالع
وطن فيه النسا الشامخات فى الشارع
فيه طفلا سعيد..وشباب مفكر ومانع
وبوليس ما مخيف
| |
|
|
|
|
|
|
|
|
|
Re: مسدار الخرطوم (Re: Tumadir)
|
وطن محجوب شريف بقا ياتماضر عازل / فيهو المافي من الرجرجه وفي مهازل / الناس يرفعوهو وهوالبيهم اصلا نازل / وطن محبوب شفيف لي برضو فيهو منازل*
*عشان ما تفهموني غلط:منازل جمع نزله
| |
|
|
|
|
|
|
|
|
|
Re: مسدار الخرطوم (Re: محمد بهنس)
|
إتغربت ما اتغربت وإتعلمت ياما دروس
الشوق إن ملك جواك يبدا يحوس
يدخل في الدماغ جواه يبدا يعوس
وما تعرف خلاص لو كست حدما تكوس
الشوق جد مخيف
| |
|
|
|
|
|
|
|
|
|
Re: مسدار الخرطوم (Re: mohammed alfadla)
|
B]نها ر الجمعه ده قعاد والسبت وقافي / والاتنين تلاته أحد خميس زي مافي / والأربع خلاس اسبوعي قدمو الحافي / صنقر في الزمن لا بان ولا هو الخافي / أهه يس كيف دي كيف
| |
|
|
|
|
|
|
| |
Tumadir
mohammed alfadla
معتصم الطاهر
Dia eldin khalil
HAMZA SULIMAN
خضر حسين خليل
وليد محمد المبارك
ود شاموق
المسافر
مأمون التلب
بشري الطيب
طلال عفيفي
Abu Mariam
Yaho_Zato
فرح
Shinteer
فيس بوك
تويتر
انستقرام
يوتيوب
بنتيريست