|
|
 Re: ترضية لدولة قطر ارادوا تمثيل السودان فمثلو به (Re: عبد المنعم سيد احمد)
|
رسالة من لاعب سودانى ( موجوع ) فى قطر!!!
اليوم 06:26 PM
كتب / طارق أحمد المصطفى
الميداليات جات بالصدفة .. زي البعثة لافيهو علم ولاإسم وإتلخيطت ألوانه مع أول غسلة .. الشنط إتشرطت من مطار الخرطوم .. مراسلة يشرف على سكن البعثة .. رؤساء إتحادات غير مشاركة حضروا للدوحة .. الدول كانت تلعب مع السودان وهى ضامنة للفوز لأننا حمام ميت
وصلتنى هذه الرسالة عبر الإيميل من لاعب سودانى موجوع ( نتحفظ على نشر إسمه ) حتى لايصاب بالضرر من ديناصورات الرياضة فى السودان ويفقد مستقبله الرياضى , هذا اللاعب موجود الآن فى قطر مشاركا مع منتخبه فى الدورة العربية أرسل هذه الرسالة يعكس من خلالها الحال الغير مشرف لبعثتنا فى قطر ساردا تفاصيل عايشها كمتابع عن قرب ونحن ننشرها فى هذه المساحة كما جاءت ودون تدخل ودون إدخال مساحيق تجميل عليها
الاخ طارق سلام
ما عارف اقول شنو كنت عارف اننا متخلفين في الرياضه لكن ما كنت متصور اننا ممكن نكون للدرجه دي .ما عارف ابدا من وين , خليك من الاعداد و المعسكرات و التغذيه و الكلام الكبار دا لاننا اصلا نحن كرياضين سودانين ما بنعرفو لكن قرينا عنو و سمعنا قالو الدول التانيه عندهم حاجات زي دي بس خلينا نقيف في سفرية الدوحه دي . نبدا من اللبس الاصلا ما معروف مصنوع وين و ماركتو شنو ومن اول غسله نزل و الاحمر اتلخبت مع الابيض و ما فيهو لا علم لا اسم السودان . نمشي علي الشنط الاتشرطت من مطار الخرطوم مما دعا اللاعبين لتغليفها بالبلاستيك و لا تعليق . نمشي للميداليات حتي اليوم الثامن ما عندنا و لا ذهبيه و احده . و لو راجعنا الميداليات الجات بنلقي كتير من الميداليات جات بالصدفه و القرعه او المنافسه اصلا فيها 3 لاعبين و نحن جينا الثالث و احرزنا برونزيه عشان الوزن اصلا فيهو 3. نمشي علي الاداره و نشوف الفوضي الاداريه الحاصله ابتداءا من السكن و التنظيم و الذي تم ترك امره لاحد الاشخاص الذين يعملون (مراسله) في اللجنه الاولمبيه علي الرغم من اجتهاده و لكن نتساءل اين الجيش الجرار من الادارين المصاحب و الغريبه عدد كبير من روؤسا اتحادات ما مشاركه اصلا في الدوره جو مثلا الهوكي , الجمباز , الكونغفو نفسي اعرف بيعملو في شنو . لا اريد انا اشخص اي من الرياضات و لكن اعتقد ان اي دولة لها مباراة مع السودان في اي منشط قد ضمنت الفوز لاننا معبر سهل يعني بالعربي حمام و حمام ميت كمان . نجي نتكلم عن المعدات الشاركنا بيها و التي اتضح ان اغلب الدول قد توقفت عن استخدامها ( قوس - بندقيه , مسدس , لبس , مراكب ) و جزا الله الاتحادات القطريه التي حفظت ماء وجه كثير من الاتحادات السودانيه . عن ماذا نحكي و عن ماذا نتكلم لدي سؤال كم عدد الادارين في كل منشط لهم سابق تاريخ رياضي ؟ و سؤال اخر ثم ماذا بعد هذه الفضائح في كل المناشط بلا استثناء كلها ؟ وسؤال و سؤال و سؤال . حتي تتم الاجابه علي اسئلتنا نحن كرياضين لن نسكت حتي نقتلع كل متطفل علي و كل صاحب مصلحه و نعيد للرياضه اهليتها و اهلها و هيبتها . الان لن نستطيع ان نرفع راسنا امام اي من الدول المشاركه نعم الفوز و الخساره و ارده في الرياضه و لكن عدم الكفاءه و الهزيمه المذله مؤلمه لنا كاصحاب وجعه .
**لاعب سودانى مشارك فى قطر
كفر ووتر
|
|
 
|
|
|
|
|
| العنوان |
الكاتب |
Date |
| ترضية لدولة قطر ارادوا تمثيل السودان فمثلو به | عبد المنعم سيد احمد | 12-17-11, 01:50 AM |
| Re: ترضية لدولة قطر ارادوا تمثيل السودان فمثلو به | عبد المنعم سيد احمد | 12-17-11, 01:53 AM |
| Re: ترضية لدولة قطر ارادوا تمثيل السودان فمثلو به | عبد المنعم سيد احمد | 12-17-11, 01:59 AM |
| Re: ترضية لدولة قطر ارادوا تمثيل السودان فمثلو به | عبد المنعم سيد احمد | 12-17-11, 02:09 AM |
| Re: ترضية لدولة قطر ارادوا تمثيل السودان فمثلو به | عبد المنعم سيد احمد | 12-17-11, 02:21 AM |
| Re: ترضية لدولة قطر ارادوا تمثيل السودان فمثلو به | عبد المنعم سيد احمد | 12-17-11, 04:33 PM |
| Re: ترضية لدولة قطر ارادوا تمثيل السودان فمثلو به | عبد المنعم سيد احمد | 12-17-11, 04:56 PM |
| Re: ترضية لدولة قطر ارادوا تمثيل السودان فمثلو به | عبد المنعم سيد احمد | 12-18-11, 04:35 PM |
| Re: ترضية لدولة قطر ارادوا تمثيل السودان فمثلو به | عبد المنعم سيد احمد | 12-18-11, 04:36 PM |
| Re: ترضية لدولة قطر ارادوا تمثيل السودان فمثلو به | عبد المنعم سيد احمد | 12-18-11, 04:51 PM |
| Re: ترضية لدولة قطر ارادوا تمثيل السودان فمثلو به | عزام حسن فرح | 12-18-11, 04:57 PM |
| Re: ترضية لدولة قطر ارادوا تمثيل السودان فمثلو به | عبد المنعم سيد احمد | 12-18-11, 05:09 PM |
|
| |
عبد المنعم سيد احمد
فيس بوك
تويتر
انستقرام
يوتيوب
بنتيريست