|
Re: حيوها معي : فراشة تحلق بالجميع !!. (Re: خضر عطا المنان)
|
سلااااااااااام اهلى الطيبين عذرا للغياب الما بى الليد ولا بالخاطر .. التكنلوجيا العجيبه حالت بينى وبينكم طيلة هذة المده.. التى احسها سنين غبراء فى عتمة صحراء الغربه اللئيمه.. لكن لم تستطع تلك التكنولجيا المتعجرفه ان تحول بينى وجدانى واحساسى بكم ايها الاهل الغبش .. وكنت سعيده باخضرار جروفى بنسمات كلامكم المن رحيق البلد .. حينما تطوف بخيالى كلمات اخوى خضر .. والحبيبه بيان .. والاخ نصار والحنين لؤى والشفيف المتواضع د/ المعز وعمدتنا الركازه قرشو .. واخوى السمؤل..وود الشايقى .. وطارق سيد احمد وكثيرووووووووووون .. كم انت سعيده يا سوما بت الجنيد ؟
احبتى لكم العتبى حتى ترضوا فى هذا الغياب الذى طرا لعطل مفاجىء فى الشبكه .. والحمد لله عدت لكم واسال الله ان تكونوا فى سعاده وعافيه ..آمين ..
مرة شفتك وانتي ماشة جاية تقدلي زي فراشة زي صباح طلانا شايل من نسيم النيل دعاشة
اخوى خضر التحايا والموده.. عارف الابيات الكتبتا فوق دى .. ذكرتنى قصيده كتبتها قبل مده برضو .. وان شاء الله تسمعا ملحنه من اخونا الحنين مصطفى السنى .. القصيده اسمها طيف** بتقول ... . طيف ......... مره شفتك.. وتانى شفتك شفت صورتك .. فى كلامك وفى سكونك فى ملامحك و فى عيونك فى طيـــــــــوفك وفى خضرة قطوفك وفى شرفات قيوفك فى المياه الجاريه من بستان حروفك شايله من لون السماء وخاطفة من لون المساء شاربة من طين البحر من حنان دافر كسر من غيوم رويانه بى موية المطر وبينى بينك سكه عابرة وكم ممر وبرضو شفتك ونحن فى ضل الشدر وتانى شفتك بينى بينك .. المسافات والعذر والغنيوات والذكر والنجيمات الفجر والنسيمات العصر وتانى شفتك نحن بناجىالبدر شاتلين حنين ناضميين درر فارشين ورود لوحات تسر وتانى شفتك ونحن فى اجمل عمر وبرضو شفتك يا نجمه بتغازل القمر سومـــــا اسماء الجنيد مسقط ...... عمان
اخى خضر التحيه ليك جرف اخضر..
***** دكتورنا وشاعرنا العتيق المعتق المعز .. الله يعزك ويعز مقدارك يا فخر بلادى قرأت لك واستمعت واستمتعت كثيرا بحروفك التى تحلق فى فضاء وعالم آخر غير عالمنا هذا .. وحضرت لك جلسه مع الاخت امدرمانيه فى احدى غرف البالتولك .. وكنت سعيده للغاية حقيقة .. ووعتدك حينها ان ارسل لك بعض من كتاباتى المتواضعه .. ولكن ظروف حالت دون ذلك .. وانا الخسرانه اكيد .. ولكن سوف اعوض تلك الخساره بالكتابه لك قريبا جدا .. د/ المعز حقيقة اسعدتنى طلتك اليوم .. واسعدتنى عباراتك الانيقه يا كثيف العباره .. وهذا ان دل على شىء انما يدل على طيبة قلبك وقمة فهمك وبساطتك وتواضعك الباين فى ملامحك .. الشكر والتقدير لك اخى الكريم ممتد بمساحة قلوب اهل بلدى وطيبتهم ومحنتهم .. وتسلم يا ود القبايل .. **** الحنينه بيــــــــــان بت الخلاوى والذكر والحجاوى والفكر التحيه ليك انتى يا غيمه مطريه .. طايفه ضهريه .. تروى من طرف .. و تبرد جوفنا من حر الغربه وسمومها.. تسلمى انتى بت امى انا ويسلم قلمك يا خيه فى زمن الهجير.. الحبيبه بيـــــان الشكر ليك حجاوى حنينه ..
**** السمؤل تسلم يا ود القبايل .. من اصالتك وطبعك يعلم الله الله يعلى مراتبك ويديك الفى مرادك وشكرا على الطله من تانى يا ود بلدى ...
**** العمده الاصيل ود قبايل النيل.. يا ضهر الشيل .. والبسند الحيل تسلم عمدتنا المضرضر ومعطر بى نفس اهلنا الغبش.. ويديك العفيه يا رب .. ما بقدر اقول فيك اكتر من القلتو فينى .. وده وسام وتاج راس والله يا اهل البضربو نحاس .. يعظم شأنك ان شاء الله يا دخرى الحوبات .. عمدتنا العزيز .. الشكر ليك مطر دغش نازل غزير مليان برد....
*****
اخوى ود الشايقى .. ود النخيل والتمر .. والحنين والوتر.. والكلام المو كتر.. الساقيه والجروف .. وناس المعروف .. وناس البكرمو ضيوف .. التحيه ليك قدر حنانهم وطيبتهم وكلامهم المروى من رحيق الجدود .. ود الشايقى شكرا بعظمة نخيل بلادى .. يا ود الشمال العتيق..
***** الاخ الكريم طارق سيد احمد .. ما اروعك .. وما اروع حروفك .. اهديك الدهشه وانت عطرت دارنا بعبق كلامك يا مبدع.. اخى طارق رجاء اتحفنا بكل ما تملك من تحف رائعه يا مبدع من بلادى .. اخى طارق شكرا غنوة من البلد .. ***** نصـــــــــــــــار ذكرتنى نكته ظريفه جدا .. حصلت لى اخونا بدر الدين شنا .. الله يطراه بالخير طبعا ود اهلنا ومن منطقتنا فى الجزيره .. كل ما يمشى الاجازه بمشى لى ناس البيت فى الجنيد .. وفى آخر اجازتو ضربتو ليك فلسه ظريفه .. لوووول وكان ناوى يمشى الجنيد .. اها صاحبنا بقى كل ما يقعد يقول يا ربى تسهل لى مشية الجنيد .. مره فجأة كده وقدام حبوبتا لينا حنينه .. كانت راقده وهو فاكرها نايمه .. قال والله يا جماعه حقو الزول يعرس .. هههههههههههه .. حبوبتنا قامت على حيلها وادتو ليك نهره .. قالت ليه كدى القى ليك قروش امشى بيهن الجنيد .. كمان داير تعرس تانى ؟ ههههههههه
اها انت يا نصار دحن يا خوى .. لما تلقى ليك عديله تانيه بعدين اتفاصح لووول .. وبينى وبينك وتضامنا مع عزيزتى المرأة . مافى ليك عديله تانى تب لا تتجوعل ولا تتروبط .. على وزن رباطابى لوول تسلم كتير والتحايا للمدام الحنينه .. والله يديكم العافيه يا رب..
لؤى الحنين .. العفو يا اخو البنيات .. والله انت الكل فى الكل .. وانت الساس وانت الراس وانت الديمه شايل الكاس .. انا خيتك يا ود القبايل يا لؤى سيد الفضايل.. وبهديك ام الزين يا الحنين . ..
*** أم الزين ***
ضلاله بي طرقه مشروره في حيطة متكوله بي مرقه رقراقا بيتاوق بيناغم ألفرقه حداها أم الزين لابساها نص فتقه بلامه في وجيها ملتوقه بي لفقه شايلالا خماره في حليلة متحرقة وقودا في اليدين حازماه بي بتقه جهالا بي غادي تشابا في شفقه تغنى وتهاتي لصغيره بي رقه تحجي يوماتى خايفالو من شرقه مقسومة في العينين ما بتعرف ألمرقه معيشة زى همين تبداها بي طرقه وحليلة في منقد بصلاتها متفرقة قفيفه مقدوده مرقوعه بي ورقه تتناول الفندك تنادى للرفقة كريمه أم الزين بتقسم ألنبقه حنينه للمسكين تسقيه بالبقة دمعاتها جوه العين فرحانة مى حرقه تلولى في الكرعين ما بتعرف النقه تحجي بالوالدين لا صرخة لادقه السمحة نواره مرسومة ألخلقه تتفقد ألجاره بالنية مي زرقة
اسماء الجنيد مسقط 26/3/2004 سيد البيت والدار كريم المقدار .. اخوى خدر ابقى عشرة على الضيوف والعقاب .. وتسلم يا عشاى .. فتك بى عافيه .. وبجيكم تانى باذن الله تسلموا يا اهلى ..
|
|
|
|
|
|
|
العنوان |
الكاتب |
Date |
حيوها معي : فراشة تحلق بالجميع !!. | خضر عطا المنان | 09-14-04, 09:31 AM |
Re: حيوها معي : فراشة تحلق بالجميع !!. | samwal ebrahiem | 09-15-04, 02:11 AM |
Re: حيوها معي : فراشة تحلق بالجميع !!. | خضر عطا المنان | 09-15-04, 06:02 AM |
Re: حيوها معي : فراشة تحلق بالجميع !!. | نصار | 09-15-04, 02:20 AM |
Re: حيوها معي : فراشة تحلق بالجميع !!. | خضر عطا المنان | 09-15-04, 06:07 AM |
Re: حيوها معي : فراشة تحلق بالجميع !!. | soma | 09-16-04, 01:42 AM |
Re: حيوها معي : فراشة تحلق بالجميع !!. | خضر عطا المنان | 09-16-04, 08:39 AM |
Re: حيوها معي : فراشة تحلق بالجميع !!. | نصار | 09-16-04, 11:48 AM |
Re: حيوها معي : فراشة تحلق بالجميع !!. | خضر عطا المنان | 09-16-04, 02:03 PM |
Re: حيوها معي : فراشة تحلق بالجميع !!. | soma | 09-16-04, 10:39 PM |
Re: حيوها معي : فراشة تحلق بالجميع !!. | خضر عطا المنان | 09-17-04, 02:06 PM |
Re: حيوها معي : فراشة تحلق بالجميع !!. | Dr. Moiz Bakhiet | 09-17-04, 03:45 PM |
Re: حيوها معي : فراشة تحلق بالجميع !!. | bayan | 09-17-04, 07:25 PM |
Re: حيوها معي : فراشة تحلق بالجميع !!. | خضر عطا المنان | 09-18-04, 00:33 AM |
Re: حيوها معي : فراشة تحلق بالجميع !!. | خضر عطا المنان | 09-18-04, 00:47 AM |
Re: حيوها معي : فراشة تحلق بالجميع !!. | samwal ebrahiem | 09-17-04, 08:52 PM |
Re: حيوها معي : فراشة تحلق بالجميع !!. | خضر عطا المنان | 09-18-04, 00:53 AM |
Re: حيوها معي : فراشة تحلق بالجميع !!. | قرشـــو | 09-17-04, 10:43 PM |
Re: حيوها معي : فراشة تحلق بالجميع !!. | خضر عطا المنان | 09-18-04, 01:00 AM |
Re: حيوها معي : فراشة تحلق بالجميع !!. | أحمد الشايقي | 09-18-04, 00:43 AM |
Re: حيوها معي : فراشة تحلق بالجميع !!. | خضر عطا المنان | 09-18-04, 01:07 AM |
Re: حيوها معي : فراشة تحلق بالجميع !!. | Tarig Sidahmed | 09-18-04, 03:43 AM |
Re: حيوها معي : فراشة تحلق بالجميع !!. | خضر عطا المنان | 09-18-04, 08:16 AM |
Re: حيوها معي : فراشة تحلق بالجميع !!. | نصار | 09-18-04, 04:18 AM |
Re: حيوها معي : فراشة تحلق بالجميع !!. | خضر عطا المنان | 09-19-04, 06:21 AM |
Re: حيوها معي : فراشة تحلق بالجميع !!. | لؤى | 09-18-04, 12:25 PM |
Re: حيوها معي : فراشة تحلق بالجميع !!. | خضر عطا المنان | 09-19-04, 06:31 AM |
Re: حيوها معي : فراشة تحلق بالجميع !!. | خضر عطا المنان | 09-19-04, 11:38 AM |
Re: حيوها معي : فراشة تحلق بالجميع !!. | soma | 09-19-04, 12:33 PM |
Re: حيوها معي : فراشة تحلق بالجميع !!. | bayan | 09-19-04, 05:27 PM |
Re: حيوها معي : فراشة تحلق بالجميع !!. | لؤى | 09-20-04, 00:21 AM |
Re: حيوها معي : فراشة تحلق بالجميع !!. | خضر عطا المنان | 09-20-04, 06:21 AM |
Re: حيوها معي : فراشة تحلق بالجميع !!. | لؤى | 09-23-04, 03:03 AM |
Re: حيوها معي : فراشة تحلق بالجميع !!. | خضر عطا المنان | 09-23-04, 08:42 AM |
|
|
|