|
Re: ((25 مايو)) أغنيات وصُور وذكريات ((بعيداً عن السّياسة)) (Re: لؤى)
|
الأخ العزيز لؤي
تحية طيبة
وشكرا على التوثيق الهام لأغاني الحقبة المايوية التي قيلت في مدح مايو ونميري.. وخسارة مايو التي بدأت تقدمية انتهت رجعية بصورة محزنة ومؤسفة..
أرجو أن يتجه التوثيق لأناشيد طلائع مايو الذين كانوا وقتها أطفالا صغارا وغنوا لمايو أناشيد بديعة رائعة..
الأخت منى عبد الرحيم زوجة الأخ الفاتح محمد خير كانت من المشاركات في أداء أناشيد طلائع مايو وهي الآن أم لولدين جميلين وتعيش هنا في ألمانيا.. كنت قد استمعت منها إلى بعض تلك الأناشيد وأحب أن أسجل بعضها هنا كتابة كمساهمة منها في التوثيق وأرجو أن يتم توثيق بالصوت أيضا..
نشيد وحاة الله
أنحنا الليلة جاينَّك نعاهدك من صغار هسي قبل نكبر عشان تهدينا للمشعل عشان تبقالنا مستقبل وحاة الله
جينا الليلة لي مايو ومايو العمرو ما قصَّر جينا الليلة لي مايو ومايو العمرو ما اتأخَّر مايو الفوق قلوبنا أخدر ما ياهو القطن فتَّح ما ياهو القمح صفَّر البدورنا عيشة عز واليابانا موت أحمر وحاة الله
جايين من عيون النيل بطون الريف مع البندر جايين من جوبا وملكال جنوب الوادي بكل أمل واو يامبيو وجونقلي جينا نعاهد الثوار نعاهد الأحرار عهد الحر لا يُقهر وحاة الله
ولمَّن جينا في القبة وقلنا المولى فوق جعفر الله عليك يا بلدي يحفظك ربي يا أم صابحة أم الفارس الأسمر وحاة الله عشان نكبر نبني قاعتنا ونكبر نصنع السكر
هناك أجزاء ناقصة أرجو أن تكتمل ومرحبا بالمساعدة من الحافظين والحافظات..
وشكرا
ياسر
| |
|
|
|
|
|
|
Re: ((25 مايو)) أغنيات وصُور وذكريات ((بعيداً عن السّياسة)) (Re: لؤى)
|
مع الفرقة بتاعتي دي اناوالجماعة ديل ، انت مالك ومالنا..؟! المسماه دي فرقة تتتتررررووووووتسسسسكككككيييي، واسي سحرتنا لمن كشينا... . ماروحتو ايميلك لكن كدي حاول اتصل مره على شوف لو مالقيتني في المواصلات من الجري الشديد بس ماقاعد اتذكرك بى مسج مالك نكرتو ولا ده ما معدود معانا في عداد الشوق. .
اها الصورة دي دليل الشوق وقعت ليك ولا لسه ؟. اتذكر ياهرم انت ؟ المهم خليها في سرك واكلها في حنانك، بس ماتنسى الحفلة الجيتار والكمان علي وانت عليك المصيبة اللامة كل شى دي.. وعليك دينك خفف الشعاع التليباثي بتاعك ده شوية عشان الواحد مايقعد يتذكرك في اى مكان ويضحك حتى لو في بيت بكاء..
بشوف لي شى تانى وبيجك اصلو مرات قلة الشغلة بتعمل اكتر من كده..وماتهرش عشان اصغر منك..
| |
|
|
|
|
|
|
Re: ((25 مايو)) أغنيات وصُور وذكريات ((بعيداً عن السّياسة)) (Re: لؤى)
|
أخي الشقيق صابر عبد الهادي
وين انت؟
اخي لؤي أول مرة أعرف انو الاغنية دي اسمها "يقظة شعب"
غنينا هذه الاغنية سنة كم وتمانين , عندها كنا تلاميذ بالمرحلة الابتدائية,,
وبعد تدريبات شاقة استمرت لشهور, غنينا " اوبريت النيل", أو كما عرفناها
حينها, غنيناها, احتفالا باكتمال مراحل التعليم بكنانة, أمام حاكم الاقليم
الاوسط "عبد الرحيم محمود" ووزير الصناعة حينها " محمد بشير الوقيع" , وفي
تلك الامسية غنت حنان النيل ,وشدى بشير عباس "القمر في كنانة"
على كل حال أعتقد انو الاغنية دي المفروض يكون اسمها "اوبريت النيل", أحسن
من " يقظة شعب" , وذلك لاعتبارات لا تخفى عليكم!
يا لؤي "بعيدا عن السياسة" كان من الاجدر ان تشير الى انو الاغنية دي ما عندها علاقة بي مايو!
(عدل بواسطة Marouf Sanad on 06-09-2008, 07:11 AM)
| |
|
|
|
|
|
|
|