|
Re: في هذا المنبر ، وفي السّودان ((عبيد أنجاس)) ، ((كفرة أعداء)) ، وكمان (( بنات مطلوقات)) (Re: لؤى)
|
ومع الدوش ..
حأسأل عن بلد رايح وافتّش عن بلد سايح واسأل عن امانينا اللّي ما بتدَّينا صوت صايِِح واسأل وين مخابينا اذا جانا الزمن.... لاِفح وأسأل عن بلد مجروح وعارف الجارحو ليه جارٍِح وأبكي على بلد ممدوح وعارف المادحو ما مادِح واحْلم بي حلم مسروق لا هو الليّله لا امبارِح
صديقي الجميل لؤي .. تحياتي يا زول يا زين .. وشكراً لكلماتك وهذه الثقة الكبيرة .. ليس هناك حوار في المنبر يا لؤي .. في طاخ ضربه رماه .. معارك في غير معترك .. مرات تحس إنو الزول البكتب معاك دا لو كنت قدامه .. يديك بنية طوالي في وشك .. الحقيقة غير ذلك .. هناك وطن رايح وطن يتمزق .. ضائع إنسانه .. تعرف يا صديقي المنبر دا خلق حاجات وهمية أو بيتوهمها أصاحبها .. إنه هنا المعركة تتواصل إلى أن يهرب صاحبها أو يهلك .. ودا كله بطولات كيبوردية يصبح بعدها الشخص مناضل وجسور ومسميات كثيرة .. إذا عدنا لقرءاة المنبر حالياً وما كان قبله نجد الفرق كبير في درجة الحوار .. لذلك آثر الكثيرون الإبتعاد عنه أو على الأقل الدخول في حوارات تفضي إلى مشكال شخصية .. ودا الغالب والبيحصل طوالي .. ولندع أي فكرة أو طرح تعبر عن صاحبها ولا نصادره هذا الحق .. كل يوم بكتشف فيك إنسان جميل يا لؤي .. وكل يوم بتعلم منك حاجات كثيرة .. أطرح ما يعبر عنك ولا تلتفت لمن يهاجمونك وأعتبرها نقطة عبور لما هو أفضل منه .. وليس هناك مقارنة على الاطلاق بما طرحته أنت الآن وتراه بعين الإنسان فيك .. المشكلة كبيرة يا لؤي والجرح عميق .. ولا تزال تسيطر علينا مفاهيم صعب أن نغيرها الآن .. ولكن دا ما بيلين من عزيمتنا .. وسنواصل في تغييرها طالما أن الحاجة دي تصب في صالح بلدنا وأهله ..
دائماً أسعد بالحوار معك يا لؤي .. وسأعود مجدداً ..
محبتي ..
| |
|
|
|
|
|
|
|