|
|
|
 Re: سيــــدا .. ونقبل تعازيكم هنـــــا ... (Re: Elsuhaili Magzoub)
|
| Quote: think Ricardo is very wise and he knows what he is doing |
يا السهيلي .. ريكــاردو راجــل فنــان ومدرب قدير جدا عارف امكانيات لعيبتو وبيعرف يوظفهم بشكل إيجابي .. وبيعرف متين يغير ويبدل وبيعرف متين يجيب القــون .. تجربة الهــلال مع المدربين البرازيلين ناجحة .. قبليهــو كان ناغويرا صنع فريق نجوم وصلوا لي أبعد حد .. وشرفونــا .. شكل الهــلال الحالي مطمن بي وجود ريكاردو .. بس ربنا يبعد عنــو الاقلام الملونــة ... الحــاقده البدت في مهاجمتو بي مجــرد ما أنو خاف على لعيبتو في نايجيريا .. ورفض يجازف بيهم بي إرهــاق وميدان زي الزفت .. وأهو كان خاتيهم لي يوم زي ده .. يرد فيهو الصاع مليون صاع
| |
 
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: Fadl Karrar)
|
Quote: ولا فى الشماتة الما كمل عمرها إسبوعين وإتخطفت يا عيني وهي صغيرة
مفروض يا تمبس بيت البكاء يكون بي هناك
ما بي جاي |
يا فضــل :
وحيات الخــوة زعلت لي الشمــات قبل حزني على النيجيريين .. على الأقل النيجيريين اتطقطقو وأخدو ليهم درس .. ما ح ينسوهو .. لكن الجمــاعة
بقت عليهم البقت .. فرحــة ما تمت .. وخوف من بكره .. نخليهم يجـو داخلين هنــا نوزع حلاوتنا ونضبح ضبايحنــا وشيتنا في السماء .. وهم يطلعوا من هنــا خشمم .. ملــح ... ملح حسع بقوا في طـور الهضربة طبعا .. ومسكو في الأهلي وبطلوا ناس اموكاشي .. الظاهر لي لقوهم حمام ميت ..
ورقصني يا قــدع
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: هاشم نوريت)
|
| Quote: وخوفى من الراكوبة تبرك بكرة |
يا هاشم والله ده حرقــان اعصاب وقرحــة ووجع قلب .. ومرارة وكلــووو .. لكن كمية الفـترح والنشوة دي ما بيعرف يجيبه لينــا إلا اولاد الهــلال ..
أماالجماعة أياهم فنحن احســن منهم طالما لابسين علم السودان ده في قلبهم .. بنشجعهم وبنقيف معاهم زي وقفتنا بتاعت الليلة دي .. لكن لما نتلاقى جوه هنــاك .. يشوفو ليهم طريقة مخارجة مننــا
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: ابوعسل السيد احمد)
|
Quote: النصر دا في عين الشيطان و عين كل حاقد
مع ذلك للأننا أسيادا و أكبر من أي زول |
ابو عســل يا جعيص .. في عينهم كلهم .. وعلشان نحن الكبــار فعلا واسيادا ح نوريهم العظمة والفنجرية .. وح نقيف معاهم ونتمنى ليهم من كل قلبنــا الفـوز عسى ولعل شوية الحقـد المالي قلوبهم ده .. يتفشى .. وياريتهم يقدروا يطلعوا الشارع ده ويفوروهو زي ما الجنيات ديل قلبو الدنيا كلها الليلة
ـــــــــــــــــــــــــــ
عايز اكرمك بي حاجة قديمة يا عســل .. اديني ثواني بس حسع في الفــرن لسه ما نجضت
| |
|
|
|
|
|
|
|
|
 Re: سيــــدا .. ونقبل تعازيكم هنـــــا ... (Re: tmbis)
|
مبرووووووووووك
مبرووووووووووك
مبرووووووووووك
مبرووووووووووك
مبرووووووووووك
مبرووووووووووك
مبرووووووووووك
مبرووووووووووك
للهلالاااااااااب
وين البارد والشية والمرارة
والخروف المحشى يا تمبس
ولا ما بنستاهل
ام وضاح
تخريمة ::
لكن وين تاج السر فاقداهو الهلالابى الجسور
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: Sudnawi)
|
شــكرا يا اسعــد
ويا دكتــور ياسر أخونا سوداناوي جاب ليك الفرحة ماشه برجلينه .. امس الدنيا مقلوبه ومن ما انتهت الكورة مليون اتصال من قلب المعمعة والزغاريد .. والجبخانه الحية والدلوكـه .. ربنا يديم الأفراح .. وعينا على الكاس إن شاء الله
| |
|
|
|
|
|
|
|
|
 Re: سيــــدا .. ونقبل تعازيكم هنـــــا ... (Re: essam&amal)
|
Quote: وين البارد والشية والمرارة
والخروف المحشى يا تمبس
ولا ما بنستاهل |
يا أم وضــاح .. وحات الله .. ووحــات غلاوتك .. قاعد افرح ليك أول شئ قبل فرحي .. وكل مبارة لينــا بكون عامل حسابك لي ضبيحتك وشيتك .. من زمـــان هنــا عيشتينا أيام جميلة وفرحتينا .. بي انتصارات وأيام جميلة زي دي .. بختكم والدنيا مقلوبة بي هناك أخلصو لينا حقنــا وابتهجو لينــا ..
تاج الســر الليلة شرفنــا بي جاي 
.. كان ما جابو الفوز ده مافي حاجة تاني كانت بتجيبو علينا .. وإن شاء الله دائما هلالنــا في السماء
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: tmbis)
|
مافى حاجه يا ياسر غير الشوارع مقفوله...
تقول إنتفاضة أبريل المجيده...
....
ليه يا تمبس كده....ليه يا تمبس الحديث عن التعازى ونحن منتصرين...
ليه دايما نحن شعب يميل للنكد؟
ياخ خلونا نفرح...وخلو الجماعه فى حالهم
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: mekki)
|
Quote: ليه يا تمبس كده....ليه يا تمبس الحديث عن التعازى ونحن منتصرين...
ليه دايما نحن شعب يميل للنكد؟
ياخ خلونا نفرح...وخلو الجماعه فى حالهم |
يا دكتور مكي .. الف مبروك اولا . وعقبال الكاس والله نحن شعب بيحب الفرحة وبيعشق اللعبة الحلــوة .. عكس قلة مننا محشورة بيننا حشر بتعمل بي كل جهد اضعاف الآخــر على حساب مصلحته الذاتية .. من دون شعب العالم نحن الشعب الوحيد البتناسى حاجة اسمها وطنية .. ولو مارس الممارسة دي في غفلة من الزمن في ثواني بيرجع ويتنازل عنها بي اسواء ما يكن السوء .. ما كنت أحب ان اشير للسادة الزعلانين المغلوبين مع الفريق النيجيري .. لكن ياخدو درس علشان يصحوا ويعرفوا طعم الفرحة ده كان على لسان السودان كلو .. ما فرق بين اطفال ولا شيوخ ولا عجزة .. ومفترض من الان ولي قدام أي حد بيتطاول على الوطنية .. بي الجهل البيمارس فيهو هنا ده .. مفترض يدخل ليهو معهد فيهو التربية الوطنية منهج ثابت
ولما يخلونــا في حالنــا يا دكتور مكي .. والله ما نشتغل بيهم ولا نجيب خبرهم .. خليهم في الهم .. فيهو
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: الملك)
|
| Quote: عشان مريخابى وكده |
والله يا ملك حركتك ما لذيذة اصلو .. لكن كويس انك ما دسيته .. بلاي شفت الكيتة دي كيف ؟؟ وشفت ابو الهل ده قاعد يعمل شنو للشعب السوداني ده ..
بلاي تاني يا ناجي لما تكون في مناسبات عظيمة زي دي .. حقو تشيل ليك كاميرا فيديو عديل كدا .. ي من الأيامات البسيطة جدا البتتكرر في الدنيا دي ..
| |
|
|
|
|
|
|
|
|
 Re: سيــــدا .. ونقبل تعازيكم هنـــــا ... (Re: محمد سنى دفع الله)
|
الليله عندى مزاج ادخل بوست الزول الأسمو تمبس ده .. عييييييييييك زعل ليهو فترة طويله، اليله شعرت انى نسيتو خالص .. الحركه برضو تعطلت فى مصر .. طبعا نحنا كسودانيين خرجنا منتصرين من دار السودان وعشان الأهلى انتصر وكانوا بيسالونا الهلال عمل ايه؟ وقلنا ليهم الهلال انتصر.. قالوا معقوله بعد هزيمة 3/ صفر، ده فريق جامد (اوى) .. المصريون اصبحوا يعرفوا فى السودان فريق سودانى الهلال ويعملوا ليهو الف حساب!!
طبعا الأهلاويه أحبابنا، لكن امنيتهم ما يلاقو الهلال !!
Quote: ام وضاح يا ست الجمال والذوق عشانك اصالح (تمبس) واحبو، رغم انى كنت زعلان منه شديد، وحتى كان ما صالحنى مصالحو والعفو والعافيه.
الله يخليك لينا ولى وضاح ولى اخوانو واخواتو وللهلال .. |
شكرا يا ام وضاح خليتنى أصالح نفسى ، أقصد تمبس (بس)!!
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: tmbis)
|
تخيل كيف الحال..
لو ماكنت هلال..
و ناس العزة ديل أهلي..
قلت لي شواطين سوا شنو في الجماعة؟
قون سيف براهو تعليمة..و الداير يتعلم يمشي هناك..
لكن برضو كمال عبد الوهاب حريف و دكتور كمان..
ابوبكر الشريف يستاهل نجومية المباراة..
و عقبال لأخوانا ناس المريخ..و تبقى البهجة بهجتين..و لو قدروا تموهن تلاتة يكون كويس(الكلام الأخير لأخونا كوستاوي تحديدا)..
كبر
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: tmbis)
|
الف مبروووووووووووووووك هلال السودان
والف مبروك لكل هلالابي
وكل زول فرح بهذا النصر المستحق (رجالة عديل)
ونفول هاردلك لكل من كان مرجف ومشكك في تاهل الهلال
ومن غيرنا يعطي لهذا الشعب معني ان يعيش وينتصر؟؟؟
منو غيرو؟؟؟؟؟
وفوق فوق هلالنا فوق
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: tmbis)
|
وهاك حلاوة الفرح الازرق يا تمبس
حلاوة زي دي ما بشوفوها الجماعة الا مع الهلال
اما دي فاكيد طعم كل حبة منها بي باص او قون او صد بلنتي او تاهل هلالي مع انو كل حاجة في ديل احلي من التانية
وعشان اشرح اكتر اقول الهلال دا يا ناسي فرحنابيهو قدييم لانو عتيق واصيل زي العلبة دي
وحتي الهلال الحالي ما مختلف عن داك زي العلبة دي
ما الاسم واحد
والطعم واحد
والتميز واحد
والبلد واحد (اللي هو سيدا)
سيد البلد يا هلال
| |
|
|
|
|
|
|
|
|
|
سيــــدا .. ونقبل تعازيكم هنـــــا ... (Re: tmbis)
|
تمبس يا فنان
سلام واحترام ،،،
مبرووووووووووك فوز الزعيم
وهذا هو الهلال صانع الفرح
التحية للمدرب القدير ريكاردو
التحية لجنود الهلال صناع الفرح
والتحية خاصة للحارس العملاق أبو بكر الشريف
والتحية لمجلس الإدارة
والتحية اولاً واخيراً للجمهور الوفي
ومبرووووووووووووووووووووك
أبو كريم
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: محمد علي ياسين)
|
علاء الدين ، ، ،،
ألف مليون مبروك النصر المبهر لهلال الملاييين . وعقبال الصهاينة .
يا شعباً لهب ثوريتك
 يا هلالي يا الهليت وسط النيجيرين ضويت كانت إتغلبت كنت جنيت وقفلت باب الريد .. ريدتك قسم يا هلال .... التهنئة موصولة لكل الهلالابين في مشارق الأرض ومغاربها ولكل سوداني غيور للوطن . وتهنئة خاصة لأخوي السماني .
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: haleem)
|
مليون مبروك يا علاء
مليون مبروك لجميع الهلالاب
ومااتوقعناغير النصر والله العظيم
وبنعشق الهلال مش عشان فريق كرة القدم وبس
بنعشق الهلال لأنه وطن وهوية وغناء ومدائح وطرب ونمة
وتعويذة ودوبيت وتاريخ وجغرافيا وماضي وحاضر ومستقبل
وفال جميل وأمل وحلم..
مرات كتيرة بكلم نفسي (يا جماعة أنا لو ما هلالابي أكون شنو؟
طوالي بقوم بقول بسم الله الرحمن الرحيم،
ألله يلعنك يا الشيطان..
الحمد لله على نصر الهلال
والحمد لله على إني هلالابي..
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: Nasruddin Al Basheer)
|
يا هلال سدد سهامك
وفرح الكل بحنانك
وأبقي وأعي لخصومك
وأبقي درقة تحمي قونك
خطةالتكتيك تحير لخصومك
لعبة حرة لعبة ثابتة ما مهم
المهم تهزم خصومك
وتسعد الكل بفنونك
الجماهير الليلة هلت
وبحماسها ليك صلت
والشجر أغصانو حنت
والطيور هامت بفنك
والفرح كان في عيونا
غصب عني وغصب عنك
يا هلال الحب حبابك
والنصر الليلة دقا بابك
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: tmbis)
|
تمبس
الجميل
ألففففففففففففففففففففففففففففففففففففففففففففففف مبرووووووووووووووووووووووك
نحن أسياده ومقددنها..........الله يديم الفرح للأزرق والسودان........
وين إنت ياراجل.........إسماعيل محمد أحمد عباس...................
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: انعام عبد الحفيظ)
|
البركه فيكم ياتمبس
والله بوستك في محلو
فعلا بيت عزاء
لانو حتقابلوا
الاهلي القاهري، الترجي........والباقين عارفنهم واشتهروا لديكم بالخمسات والأربعات لكن طالما الفريق التعبان النيجري (ناص وراء) غلبكم ثلاثة في نيجريا اكيد المره الجايه حنشوف ثمانية وتسعات وعشرات ابس اركزو
التحية ليك ياخي
ومبروك عليكم في بيت البكاء الإنتصار
ابومصطفى
| |
|
|
|
|
|
|
|
|
|
Re: سيــــدا .. ونقبل تعازيكم هنـــــا ... (Re: tmbis)
|
مهما النجمة سطعت فى سما الخرطوم
برضو هلالنا غامر بى ضياهو الكون
** **
معروف الهلال سيد الملاعب اصلو
كم ضاقت نجومكم من حرارة فصلو
تاريخ مابهون دايماً مواصل وصلو
** **
ما نيجيريا بس ، كل الافارقة بعرفو
انو هلالنا دايما ًقايد جحافل زحفو
فى الدور النهائى شوفو قدرو واعرفو
وانتو اقعدو فى دورى المظالم ، لِفّو!!
| |
|
|
|
|
|
|
| |
tmbis
ASAAD IBRAHIM
Elsuhaili Magzoub
Moawia Mohammed
محمد المرتضى حامد
ابوعسل السيد احمد
هاشم نوريت
Fadl Karrar
essam&amal
Kostawi
شهاب الفاتح عثمان
mekki
معتصم دفع الله
الملك
محمد سنى دفع الله
Kabar
Ahmed Mohammed Osman
بهاء بكري
يحى الشريف
ابوبكر الامين يوسف
الفاتح خليل الفكي
ملكة سبأ
abuguta
خالدة البدوي
الصادق صديق سلمان
محمد علي ياسين
Nasruddin Al Basheer
هاشم أحمد خلف الله
Gaafar Ismail
ismeil abbas
انعام عبد الحفيظ
keiga2000
bushra suleiman
فيس بوك
تويتر
انستقرام
يوتيوب
بنتيريست