هزليـــــات فرنكش – ود الحلــه

مرحبا Guest
اخر زيارك لك: 03-28-2024, 12:01 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة علاء يونس(tmbis)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
11-16-2002, 02:40 PM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
هزليـــــات فرنكش – ود الحلــه

    هزليـــــات فرنكش – ود الحلــه
    وين يا .... لزززيززززز يا عسوله ... وا حلاتي يا ناسي .. شنو فاتح لينا كده؟؟؟
    هكذا تبدا هزليات احمد ( فرنكش ) من مكانه المعروف الذي أفترضه لنفسه .. ( لستك ) قديم مزروع علي الناصيه عند مدخل الحله .. بحيث يستطيع من مكانه مراقبة الماره وأصطياد عباس في تحركاته المريبة .. وبأمكانه زرع البهجه في نفوس الجميع من خلال تداخلاته .. دواخله المحتشدة بمسرح داخلي يستطيع وحده التحكم في العملية الإخراجيه وكل العمليات الفنيه .. حتي أدمن ( اللستك ) نسيج خيوط الرداء المهترية .. واعتادت أرضية المكان الصلبه علي خطوط حزائه ومخلفاته المزاجيه دون ملل – اصبح معلم بارز .. دليل للوصف .. أصحاب (الرقشات) يستغلون تواجد فرنكش في المنطقه المعنيه لإفتراس الزبائن المتسكعه حوالين فرنكش ( فرنكش ) يعرف كيف إرضاء معجبيه كلا حسب هواه .. نساء الحله عند مرورهن بالسوق يحرصن علي خدمات التوصيل المجاني التي يذودهم بها فرنكش دونما مقابل أطفال المدارس في علاقه حميمه معه لاينسي عملية توصيلهم إلي باب المدرسة حسب جدولة أسبوعيه أفترضها ..
    فرنكش دفع به المظروف (الكاكي) اللون إلي هذا المنفي الإختياري .. أصبح غير قادر علي العمل بأي مصلحة حكومية أخري . بكالريوس الجامعة أكتفي بأن يحتفظ بنفسه داخل الشنطة الحديدية المغلغة بأحكام .. الأعمال التجارية هو ليس من روادها .. الكثير من له علاقه بهم أختصروا المسافات – هاجروا بلا عودة .. أحتفظ بزكرياتهم الجميلة في دواخله العزيه دون التفكير ولو مرة باللحاق بهم ..
    سكرة : عليك الله كباية نص قهوة في نص شاي بس ما تحركي السكر.
    .......
    فرنكش يا ولدي الله يباركك كان تلحقني علبة صلصة من دكان الفوراوي
    .............

    سلامات يا فرنكش ...
    اهلين يا توحه .. وينك ما ظاهر
    ( بِسس ..) الكريه ده .. إنته غير العطالة وقاعد اللستك ده .. ومشاغلة البنات ماعندك شغله تقضاها .. عما اا..
    - انتي غير شناتك .. ومساختك دي مافي حاجه حامياك العرس .. عامله راسك القاطعاهو من راسك ده.
    ..................
    - - يافرنتش التفر بتاعنا طار لينا في راس الدراش بتاع ناس عمي حسين ، والتلب بتاعم سعران .. تعال جيبو لينا ..
    - طيب تعال انا بدق ليك شنكل وانته اطلع جيبو ..
    ............
    - يا ريكس ... يا جوكس ... شنو الفنايل العفنه دي .. ؟ !!! جنصصــــــــه
    ............
    عباس في تحركاته داخل عوالمه الملئة بالنصب والإحتيال وفي التعامل مع ضحاياه من الشخصيات اللأمعه يستغل كل فرصة للكسب المادي ، كمية من الكروت الشخصية بأسماء والوان مختلفة دفاتر شيكات وهميه بناطلين وفنايل من آخر بيوتات الموضة لاتتوافق مع عمره المتقدم .. يتحول لون الشعر اسبوعيا إلي الأسود الداكن بفعل الأصباغ .. يتواجد عباس عند الأماكن الراقية وعند العودة يحرص أن لايمر عند ذلك اللستك متحاشيا فرنكش الذي أعتاد علي مزاحمته وكشف قناعه المستعار . عباس يعرف أن المرور عبر الشهرة وأرتفاع الأسهم لايمر الأ من خلال فرنكش .. عباس لا يغادر المنزل صباحا الأ عند التاكد من غياب فرنكش ، متعمدا مصادفة طالبات الثانوي عند المحطة الرئيسية وهو أكثر تشبسا بالحياة .
    صباح الخير يا شباب ..
    اهلين يا حبه ... شنو مضيقه كده يا منقه ؟؟؟
    اهلا يا احمد كيف أخبار الوالد والوالده ( عباس اكتر جديه )
    علي وين الليله كده يا وجيه .. كدي تعال جيب سجاره من البينسون بتاع المرتاحين ده وكان ساعدتها بي واحده تانيه تكون بالغته .. الليله القاعه فيها شنو؟؟؟ ما زي مشينا وكده .. جيبك كيف؟؟؟
    عباس تمر دقائقه بصعوبه بالغه في مواجهة فرنكش المتلزز بتعزيب عباس .. فرنكش يستغل لحظه ضعف عباس وتوتره ويتمادي في قفشاته .. بنات الثانوي عند المحطة الرئيسية اكثر اعجابا بفرنكش .. هو يعرف ذلك ....
    حنــــــــــان هي كل العذاب وســــــــــــــــــــر الألم
    اذيك يا فرنكش ...
    اهلين يا حن...ا.ن كيفك كده ؟؟
    كويسه والله الحمد لله انته كيف عامل
    قلته ليك .. د###### أقول ليك شنو...؟ عايني..انت أمير بسافر متين ؟؟؟
    امير ؟؟؟!! امير يا فرنكش ليهو سنتين في الهند انته في الحفله بتاعتو ما كنته ماسك البيبسي والعشاء .. بتاع الفنانيين تسالني منو حسع دي ؟؟ مالك يا فرنكش بتتهوزز كده الحاصل ليك شنو؟؟؟؟
    لالا بس الحاجات جاطت لي في راسي ..
    بس انا كنته د###### اقول ليك شنو ؟
    خلاص يا فرنكش لانو انا ماشا المعهد .إتاخرته
    طيب اوصلك ؟؟ لالا انا ماشا مع هدي منتظراني .. اها اشوفك متين تاني
    حنان تلاحظ الربكه في مفردات فرنكش وتتعمد استعراض انوثتها بحقاره بالغه معتمده علي مكانتها المميزة داخله .. هي تخفي اعجابها به .. فرنكش لايقوي علي المواجهه عباس ركس لو عرف نقطة ضعفه ..... لكان .....
    مساء شتوي كئيب .. تجمعت كل الرقشات حول البيت بعد رحلة بحث مضنيه .. الأعداد الهائله من البشر المتجمعه حوالين النيل لاتنسي من تضخيم الحدث ..بإضافات خياليه... اطفال الحي اعلنو عزوفهم عن الطعام .. وعن الطابور الصباحي في غياب فرنكش المفاجي .. امه لاتقوي علي شئ ... حنان اكتفت بالصمت ... الصمت .. الصمت .
    عباس اكثر الوانا ... واكثر احتيالا وخيلا ... يختلط صوته احيانا مع صوت ماكينات عد النقد .. مع اصوات الباعه المتجولين .. اصوات مكبرات الصوت في الحفلات .. عباس في سوق ليبيا امدرمان يمارس مهنته المعهوده تبديل العملات الأجنبيه .. عباس يدخل ويخرج .. رزمه من اوراق البنكنوت .. شنطه .. مسبحه .. جلابية سكروته ..
    وييييييييييين يا قندولـــي يا مرطب .. والله مشتاق ليك شوق .. انته قايل قدر كيف؟؟؟
    منو ( فرنشك ) ؟؟ كرنشف ؟؟ فرنكش .. احمد ده شنو انته مش مته قبل كده؟؟؟؟؟؟؟؟؟؟
    انا اموت وين يا حبه .. افوتك ... كده بس ... دي بتجي ...
    مشيت ناس عمتي في الأبيض .. خريف مبالغه .. مطر ألف .. رطبته لي شهرين .. كدي تعال حاسب خالتك دي ... وادينا سجاره .. وجيب حق الرقشه ... الليله القاعه فيها شنو؟؟؟؟
    طيب يا فرنكش مافي مشكلة انا بعمل ليك الحاجات دي كلها بس عليك الله تاني لما تلاقيني ما تقول لي كلامك المقلبن ده لاني ما قاعد افهمو ... وكمان لما تلاقيني قدام بنات ما تقول لي عباس ريكس دي .. قول لي يا عباس ... يا سيد عباس ....
    انته ما بتعمل ليك حاجه .. وانا كمان بتريحني
                  

العنوان الكاتب Date
هزليـــــات فرنكش – ود الحلــه tmbis11-16-02, 02:40 PM
  Re: هزليـــــات فرنكش – ود الحلــه Elkhawad11-16-02, 06:02 PM
    Re: هزليـــــات فرنكش – ود الحلــه ايهاب11-16-02, 06:34 PM
      Re: هزليـــــات فرنكش – ود الحلــه tmbis11-17-02, 07:25 AM
    Re: هزليـــــات فرنكش – ود الحلــه tmbis11-17-02, 07:09 AM
  Re: هزليـــــات فرنكش – ود الحلــه celecon11-17-02, 06:34 AM
    Re: هزليـــــات فرنكش – ود الحلــه tmbis11-18-02, 07:08 AM
  Re: هزليـــــات فرنكش – ود الحلــه Mandingoo11-17-02, 12:01 PM
    Re: هزليـــــات فرنكش – ود الحلــه tmbis11-18-02, 07:14 AM
  Re: هزليـــــات فرنكش – ود الحلــه noha_g11-18-02, 12:56 PM
  Re: هزليـــــات فرنكش – ود الحلــه Dafi01-08-03, 10:51 AM
    Re: هزليـــــات فرنكش – ود الحلــه قرشـــو01-08-03, 01:10 PM
      Re: هزليـــــات فرنكش – ود الحلــه tmbis01-08-03, 03:06 PM
        Re: هزليـــــات فرنكش – ود الحلــه garjah01-08-03, 04:03 PM
          Re: هزليـــــات فرنكش – ود الحلــه tmbis01-08-03, 04:10 PM
            Re: هزليـــــات فرنكش – ود الحلــه garjah01-08-03, 04:25 PM
              Re: هزليـــــات فرنكش – ود الحلــه tmbis01-08-03, 04:34 PM
                Re: هزليـــــات فرنكش – ود الحلــه garjah01-08-03, 04:48 PM
                  Re: هزليـــــات فرنكش – ود الحلــه ودالجزيرة01-08-03, 05:06 PM
                    Re: هزليـــــات فرنكش – ود الحلــه tmbis01-08-03, 06:28 PM
                  Re: هزليـــــات فرنكش – ود الحلــه tmbis01-08-03, 05:09 PM
                    Re: هزليـــــات فرنكش – ود الحلــه garjah01-08-03, 05:16 PM
                      Re: هزليـــــات فرنكش – ود الحلــه tmbis01-08-03, 05:26 PM
                        Re: هزليـــــات فرنكش – ود الحلــه ba7ar01-09-03, 03:40 AM
                          Re: هزليـــــات فرنكش – ود الحلــه قرشـــو01-09-03, 07:22 AM
                            Re: هزليـــــات فرنكش – ود الحلــه garjah01-09-03, 08:29 AM
                              Re: هزليـــــات فرنكش – ود الحلــه shiry01-09-03, 10:13 AM
  Re: هزليـــــات فرنكش – ود الحلــه Kabar01-09-03, 11:40 PM
    Re: هزليـــــات فرنكش – ود الحلــه tmbis01-18-03, 05:25 PM
  Re: هزليـــــات فرنكش – ود الحلــه كحلوش01-15-03, 04:51 PM
    Re: هزليـــــات فرنكش – ود الحلــه tmbis01-18-03, 05:27 PM
      Re: هزليـــــات فرنكش – ود الحلــه Donkey khot01-18-03, 05:45 PM
        Re: هزليـــــات فرنكش – ود الحلــه tmbis01-18-03, 06:21 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de