|
|
 *** رودا الحــــــــــــــــــاج ..
|
اليوم دعنا نتفق
لا فرق عندك أن بقينا أو مضيت
لا فرق عندك أن ضحكنا هكذا كذبا وإن وحدي
بكيت
فأنا تركت أحبتي ولديك أحباب
وبيت
وأنا هجرت مدينتي وإليك يا بعضي
اتيت
وأنا اعتذرت الناس والطرقات والدنيا
فما انفقت لي من أجل ان نبقي وماذا ..
قد جنيت
وانا وهبتك مهجتي جهرا فهل سرا
نويت
....
اليوم دعنا نتفق ..دعني أوقع عنك ميثاق الرحيل
مرني بشي مستحيل
قل لي شروطك كلها
إلا التي فيها
قضيت
إن قلت أو إن لم تقل ..انا قد مضيت
(عدل بواسطة tmbis on 11-29-2004, 10:55 PM)
(عدل بواسطة tmbis on 11-30-2004, 00:06 AM)
(عدل بواسطة tmbis on 12-20-2004, 10:12 PM)
|
|
 
|
|
|
|
|
|
|
|
Re: *** رودا الحــــــــــــــــــاج .. (Re: بحر سماحه)
|
بحر سماحة ..
تعرف انا لي فترة ببحث عن اي عمل صوتي لي استاذة روضة الحاج ..
ودائما حظي تعيس جدا
بدون مقدمات لقيت العمل ده قدامي علي التلفزيون وبالصدفة خزنتو في الحال وكنت سعيد جدا .. ومستمتع ..
هوفعلا اعلان انفصال .. لكن من النادر أنو يكون الانفصال بالطريقة الجميلة دي .. دي معناته انفصلت من الدنيا كلها.. الا هو..وبرغم الانفصال المعلن
| |
|
|
|
|
|
|
|
|
 Re: *** رودا الحــــــــــــــــــاج .. (Re: زول ساكت)
|
تمبس العزيز
روضة الحاج هي بنت مدينتنا كسلا ،،، ودفعة بالفرع
ورغم أنتمائها السياسي إلا انها شاعرة مكتملة تاخذك غصباً عنك الى تذوق معاني الكلمة
خذ مقطعاً منها اذا أحببت
أحتجت أن القاك ،،، حين تربع الشوق المسافر وأستــراح
وطفت أبحث عنك في مدن المنافي السافرات بلا جنــــــاح
كان إحتياجي أن تضمخ حولي الأرجاء ،،، يا عطراً يزاور في الصباح
أن تجيّ اليّ مسبحاً ،،، تخفف وطأة الترحال أن جاء الــــــــرواح
وعجبت عجبت (كيف يكون إرتحالي لربعٍ بعد ربعك ؟ في زمانٍ يا ربيـع العمـر لاح )
كيف إنعتاقي ؟ كيف يا وجع القصائد في دمي ؟ والصبر منذ الأن غــــــــــادرني وراح
إحتاجك الفرح الذي يغتال في توجسي ويمنحني بريقاً لونه لون الحياة وطعمه طعم النجاح
| |
|
|
|
|
|
|
|
|
 Re: *** رودا الحــــــــــــــــــاج .. (Re: tmbis)
|
اليوم دعنا نتفق
لا فرق عندك أن بقينا أو مضيت
[ لا فرق عندك أن ضحكنا هكذا كذبا وإن وحدي
بكيت ]
[ فأنا تركت أحبتي ولديك أحباب
وبيت ]
وأنا هجرت مدينتي وإليك يا بعضي
اتيت
وأنا اعتذرت الناس والطرقات والدنيا
فما انفقت لي من أجل ان نبقي وماذا ..
قد جنيت
[وانا وهبتك مهجتي جهرا فهل سرا
نويت ]
....
اليوم دعنا نتفق ..دعني أوقع عنك ميثاق الرحيل
مرني بشي مستحيل
قل لي شروطك كلها
إلا التي فيها
قضيت
[إن قلت أو لم تقل ..انا قد مضيت ]
والله ده العزاب زاتووووووووووو
والجرسه
والشاكوووووووووووووووووش
| |
|
|
|
|
|
|
|
|
|
Re: *** رودا الحــــــــــــــــــاج .. (Re: abas)
|
يسعدني أن أتاح لنا المنبر الحر فرصة مطالعة هذه القصيدة الرائعة للشاعرة روضة الحاج..وزاد سعادتي متابعتي للإلقاء الذي تكرم "تمبس" بنقله صورة حية من برنامج تليفزيوني فيما يبدو. إنّ أكثر ما يشدني إلى شعر روضة -الذي أتابع مقتطفات منه هنا وهناك- مقدرتها اللغوية وامتلاكها لناصية العروض. صحيح أنّ بعض أصداء المحدثين من الشعراء العرب تطفو على كتابتهابين حين وآخر ‘ لكن منّا يدعي الإجادة والتفرد دون التزود من خبرة من سبقوه؟ كلنا رضعنا من معين من سبقونا وما نزال.
الشاعرة روضة الحاج من الأصوات القوية في الجملة الشعرية الجديدة في بلادنا. وقد لفتت انتباهي منذ أمد ليس بالقصير‘ وأحسب أنها سترفد الساحة بعطاء متفرد وجديد‘ لا يخالجني في ذلك أدنى شك.
موقعهافي الخارطة السياسية؟ لم أشغل نفسي كثيرأ بهذا الأمر وأنا أنتهز أي فرصة لأستمع أو أقرأ قصيدة لها‘ طالماأنني - حتى كتابة هذه السطور - لم أقرأ لها شيئاً تلبس فيه قناع المخبر السياسي أو المادح في بلاط الحاكم. ولو جاز لي أن أتوجه بنصح من أحب فيها هذا العطاء الراقي فإنني أقول لها: سخري غناءك لشعبك في عصرالشعوب‘ وما التقى الشاعر والسلطة إلا وكان جواد السلطة هو الرابح وكان الشاعر هو الخاسر الأكبر. كوني أنت في مملكتك ‘ فهذه أنظمة لا تستحق غير الصفع.
وإلى الإخوة والأخوات روّاد هذا المنبر: لا تحاكموا أياً كان بصبغته السياسية ما دام ذاك خياره وما دام يثري الساحة دون تغول على حق الآخرين أو محاولة عزلهم. تذهب الأيديولوجيا وتبقى الكلمة الحرة شامخة أبية. ويا روضة سجلي أنني من معجبي شعرك.
| |
|
|
|
|
|
|
|
|
|
Re: *** رودا الحــــــــــــــــــاج .. (Re: فضيلي جماع)
|
استاذي واستاذ الأجيال فضيلي جماع ..
جميل أن نلتقيك هنا في هذه المساحة .. ومن معك من اساتذه كنا نقرأهم حروف علي ورق نحلم ان نلتقيهم يوما حتي في الطرقات..
نقلت هذا اللقاء الحي للاستاذه روضة الحاج بمحض الصدفة ..وكنت اتابع من البعد تجربتها وتفردها عن من هم في الساحة برصين الكلام والاداء المتقن والحضور العالي ..
| Quote: وإلى الإخوة والأخوات روّاد هذا المنبر: لا تحاكموا أياً كان بصبغته السياسية ما دام ذاك خياره وما دام يثري الساحة دون تغول على حق الآخرين أو محاولة عزلهم. تذهب الأيديولوجيا وتبقى الكلمة الحرة شامخة أبية. ويا روضة سجلي أنني من معجبي شعرك. |
هذه رسالتك واضحة يا استاذنابما فيها من تواضع العلماء .. اتمني أن تكون ميثاق ينظم حتي نهج خلافاتنا .. واتمني أن نري روضة كما نتمني
شكرا استاذي مجددا لوجودك معنا
| |
|
|
|
|
|
|
|
|
|
Re: *** رودا الحــــــــــــــــــاج .. (Re: الصادق خليفة)
|
الصادق خليفـــة ..
لســع .. ومعاها معليش كبيرة جدا .. بكره ان شاء الله كل شي تمام ..اتصل علي الصباح ضروووووري جدا في تفاصيل ناقصة ..
وبعدين مسالة البرنامج دي محلولة مع انو مفترض يشتغل معاك طوالي الملف لانو الميديا بلير ده اسهل برنامج لانو بنزل ليك علي الوندوز طوالي .. بس حاول اعمل ابديت ..
يا كمان اديها طلة .. اديك البرنامج بيريحك شديد ..
| |
|
|
|
|
|
|
|
|
|
Re: *** رودا الحــــــــــــــــــاج .. (Re: tmbis)
|
تمبس يا فنان يا ذواق... يديك العافية
ملاحظة بالنسبة للنص... في آخر سطر:
باقي لي زي أشتر شوية كدا من ناحية موسيقى... وعلى الرغم من إني ما عارف النص الصحيح شنو لكن يتخيل ناقص ليهو (إن) ... شفت إن دي،،، تجيب ليك كثافة الموسيقى طوالي.. وكدي جرب أقراها بالطريقة دي بالله:
إن قلت أو (إن) لم تقل .... أنا قد مضيت..
لي قدام
| |
|
|
|
|
|
|
|
|
 Re: *** رودا الحــــــــــــــــــاج .. (Re: Mahmoud Mustafa Mahmoud)
|
Mahmoud Mustafa Mahmoud
اهلين يا محمود..
فعلا اشتر شديد جدا .. طبعا انا اعتمدت علي السمع من القصيدة .. وكتبتها بره ونسقتها وفي التنسيق ده الظاهر لي قامت الـ ( إن ) راحت فيها .. ليك العتبه وللاستاذه روضة ..
اها شوفه بعد التعديل ..
والشي التاني ..
مرحبيك شديد .. في البورد...
تشرب حاجه والا نخليها المرة الجاية ؟؟
| |
|
|
|
|
|
|
|
|
|
Re: *** رودا الحــــــــــــــــــاج .. (Re: Mahmoud Mustafa Mahmoud)
|
تمبس يا مصيبة
هسة عليك الله قصايد روضة الحاج دي كلها ما لقيت واحدة تجيبها غير دي
يعني دة أعتبرو تضامن مع البنت... الحريقة
انا شامي ريحة مناخ الاراضي المنخفضة في البوست المصيبة دة
خلاس ما مشكلة و أنكأ عميقات الجراح كلها
انشاء الله ما بِرت ياخ
و اليوم دعنا نتفق يا تمبس
الحصل حصل
وانا مقيّل في البوست دة ممكن تكون نورة في نص الدرب
جواة الحروف برضو مقيّلة و بايتة
| |
|
|
|
|
|
|
|
|
|
Re: *** رودا الحــــــــــــــــــاج .. (Re: حبيب نورة)
|
روضة الحاج
صوت شاعري جميل وإذاعية متمكنة أرجو ألا يهزمها الإنتماء و تغطيها شمس الظلال عند الغروب.
لتبق يا روضة امرأة تمنح المطر عافية السحاب وتهب الأرض حدائق الأصيل والعبق..
شكراً تمبس على منحنا مناخ الأراضي المنخفضة كما قال الحبيب «حبيب نورة» وهو حافي الجراح ومثقل بالنوى.. والعمق.. والصباح ........
| |
|
|
|
|
|
|
|
|
|
Re: *** رودا الحــــــــــــــــــاج .. (Re: Dr. Moiz Bakhiet)
|
Quote: صوت شاعري جميل وإذاعية متمكنة أرجو ألا يهزمها الإنتماء و تغطيها شمس الظلال عند الغروب.
لتبق يا روضة امرأة تمنح المطر عافية السحاب وتهب الأرض حدائق الأصيل والعبق.. |
دكـــتور المعز ..
نجم آخر في سماء حقيقة روضة .. لتمنحنا مزيدا من الصحو ..وكل الحقيقة ..
نورت الروضة يا د.
| |
|
|
|
|
|
|
|
|
 Re: *** رودا الحــــــــــــــــــاج .. (Re: حبيب نورة)
|
حبيب الغالية ..
والله تتخيل أنو دي القصيدة الوحيده القاعد افتش ليها من سنين .. ولي حظك العامل كده زي حظي ده تقوم تقع فيك ..
يعني متفقين مقدما.. وفي شوية تضامن ..بس من غير بيعه معلنه..
وبعدين داير اقولليك حاجه ..
الاراضي المنخفضة ديك ياحليلة .. بقت مزروعة ( ضريسه ) مرات مرات بيغشاها همبريب ..بس ما قاعد اعتمد عليهو شديد..
طبعا عارف اخوك عامل كيف .. مش كده؟؟
| |
|
|
|
|
|
|
|
|
|
Re: *** رودا الحــــــــــــــــــاج .. (Re: tmbis)
|
Quote: سخري غناءك لشعبك في عصرالشعوب‘ وما التقى الشاعر والسلطة إلا وكان جواد السلطة
هوالرابح وكان الشاعر هو الخاسر الأكبر. كوني أنت في مملكتك ‘ فهذه أنظمة لا تستحق غيرالصفع.
|
شكرا يا استاذ فضيلي علي كلماتك القوية.
شكرا يا تمبس علي اتاحة الفرصة للسمع.
| |
|
|
|
|
|
|
|
|
|
Re: *** رودا الحــــــــــــــــــاج .. (Re: AlRa7mabi)
|
| Quote: روضة .. شاعرة ملهمة .. يتدفق الكلم الرطب من بين ثناياها نثراً ونظماً .. هيناً .. ليناً .. ناعماً .. هامساً .. ينفذ الي حيث مبتغاه .. |
منور ياسيد الاسم ..
وزاهية الروضة بي طلتك البقينا نشوفه في السنة مرة
| |
|
|
|
|
|
|
|
|
|
Re: *** رودا الحــــــــــــــــــاج .. (Re: tmbis)
|
رائعة أنت يا روضة ،،، رائعة في كلماتك وفي حروفك وفي القاءك ،،، رائعة أنت في أي أنواع والوان الطيف السياسي ،،، رائعة أنت يا روضة . لا يهمنا شئ ،،، سواء أنك رائعــــــــــــــة
ورائع أنت يا تمبــــــــــــس ،،، يا جالب الروائع ،،،
| |
|
|
|
|
|
|
|
|
 Re: *** رودا الحــــــــــــــــــاج .. (Re: حبيب نورة)
|
الحبيب تمبس
سلام يافردة وكل الشوق
ودائما مبدع
تحياتي للاخت الاستاذة روضة الحاج وشكرا للرائع دوما الاستاذ فضيلي جماع
Quote: مدينة في خاطري ..وإن لم ازورها.. جادت بالحلنقي ومن بساتينها بروضة الحــاج ..
دعنا نتفق معها كلمات نقيه صادقة .. ونختلف في الانتماء بنفس النقاء.. |
ويافردة ظبطت ليك اسطوانة اثيوبي حلوة جدا انشالله تعجبك
| |
|
|
|
|
|
|
|
|
|
Re: *** رودا الحــــــــــــــــــاج .. (Re: تولوس)
|
تولوس ؟؟؟
مشتاقين اول حاجه ..
انت ما عايز تجي مش ؟؟
| Quote: ويافردة ظبطت ليك اسطوانة اثيوبي حلوة جدا انشالله تعجبك |
جيب الحاجات دي معاك وما تنسي لي محمد البدري ..
وتعال بكره الصباح عازمك حاجة حلوة
| |
|
|
|
|
|
|
|
|
|
Re: *** رودا الحــــــــــــــــــاج .. (Re: tmbis)
|
Quote: خــال فاطنه..
قبضتك ..
بركه في الشوفه..
Quote: بالتلاته
وتلاتة وتليتين مني لي رودا الحــاج ..الجابتك |
يعني اسديت .. حقك .. تذكر .. بوست .. أغنية .. متألم معاك .. للخالدي ( في سودانيات العملاقة)..
عملت ليك مصيدة ... بالخالدي .. والحين تردها لي بروضه ..
يا حلـــــــــ ـــــــــو...
| |
|
|
|
|
|
|
|
|
 Re: *** رودا الحــــــــــــــــــاج .. (Re: خال فاطمة)
|
Quote: يعني اسديت .. حقك .. تذكر .. بوست .. أغنية .. متألم معاك .. للخالدي ( في سودانيات العملاقة)..
عملت ليك مصيدة ... بالخالدي .. والحين تردها لي بروضه ..
|
لســه يا خال فاطنه .. تاني ملف ( بمبان )من روضة حتي بعدداك افكك
| |
|
|
|
|
|
|
|
|
|
Re: *** رودا الحــــــــــــــــــاج .. (Re: مريم بنت الحسين)
|
مريم ..
ياخ في رئيسة بتبكي ..
طبعا قريت ردك الأول ..قبل التعديل ..ورديت لي رد وجيت لقيتك عدلتيهو ..
والله عايز اقول ليك راسك فيهو كم ( غرزة )
..
لكن بي صراحة انا ما ماثرة معاي .. كلامه ده كلو ما حارقني ولا حاجه
لكن لما اجي ادخل البوست ده ..قاعد اقفل الصووووووت شان ما اسمع
| |
|
|
|
|
|
|
|
|
|
Re: *** رودا الحــــــــــــــــــاج .. (Re: مريم بنت الحسين)
|
مريــــم..
غايتو انت كان خليتيهو من غير تعديل كان كويس ..
لكن براك اتحسستي وجبتي الهوا..
لكن بي صراحة
امس بالليل سمعت الملف ده بالليل خالص .. وعملت ليهو مؤثرات صوتية .. واتضح لي جليــاانك ....
كنت بتسمعي كويس في القصيدة من فوق بس بدت ورطتك من .. انا كم أخاف عليك من لون الدماء والكلام الجاي تحت.. ..
| |
|
|
|
|
|
|
|
|
|
Re: *** رودا الحــــــــــــــــــاج .. (Re: tmbis)
|
تمبس يا قريبي
وذو الشوق القديم وإن تعزى *** مشوق حين يلقى العاشقينا
روضة الحاج
مملوكك لكني ... سلطان العشاق
أعترف أن كلماتك تلسعني في العصب الحي
أعترف أن حروفك تختلط بأنسجتي
تخترق النخاع وتضيء الدواخل
السكتة عندك دوزنة
والقحة منك دندنة
أشهد أن لا إله إلا الله
وأشهد أن محمداً رسول الله ( ص )
وأشهد أنك شاعرة
تمبس أخوي
الوجع دا ما تدينا لنك حفظه
والكاتل الله والبحيي الله
وفي أمان الله
والليلة نومنا على الله
| |
|
|
|
|
|
|
|
|
|
Re: *** رودا الحــــــــــــــــــاج .. (Re: singawi)
|
ود عمي سنجـــاوي ..
سلامات
وكل سنة وانت طيب .. معليش .. فقدت رقم تلفونك في الهاتف القديم ..
Quote: أعترف أن كلماتك تلسعني في العصب الحي
أعترف أن حروفك تختلط بأنسجتي
تخترق النخاع وتضيء الدواخل
السكتة عندك دوزنة
والقحة منك دندنة |
ما خليت حاجه ياسنجاوي ..
امس انا بعيد من الشبكة ..لقيت خبر نومك ده الليلة الصباح ..
اها اوعه يكون السهر البعرفو ..
غايتو ياسنجاوي روضه دي فتشت لينا الناس جنس تفتيش
امسك لنك الحفظ ..بس ما تكتر علي السمع .. خوفي عليك من الادمان .. والبلد دي ما بيدو فيها ( فاليوم ) بالساهل ..
Save @ PC
| |
|
|
|
|
|
|
|
|
 Re: *** رودا الحــــــــــــــــــاج .. (Re: tmbis)
|
تعرف يا تامبا
في نفس اليوم دا أنا فتحت التليفزيون ..
وكنت متابع لبرامجه من غير العادة ..
فجاءة أطلت روضة الحاج بحضورها الجميل ..
ولشدة فرحتي على طول ضغطت على ذر التسجيل دون أن أعرف ما تنوي أن تقوله ..
فكانت هذه القصيدة الرائعة روعة روضة الحاج ..
متعها الله بالصحة والعافية ..
ولك كل الشكر يا مفجر الروائع ..
| |
|
|
|
|
|
|
|
|
|
Re: *** رودا الحــــــــــــــــــاج .. (Re: معتصم دفع الله)
|
معتصـــــــــم
..
الحظ اول مره يعمل لي كده والواحد تاني كان عارف بيحصل الحاجات الحلوة دي .. بيزوغ من الشغل بدري ..
بالمناسبة
بوست روضه ده جاب لي حاجات كتيرة في الطريق من السودان لي روضه
احجز نسختك من بدري ..
نعيما
انتو بقيتو تحلقو من وراي والا شنو ؟؟؟
| |
|
|
|
|
|
|
|
|
|
Re: *** رودا الحــــــــــــــــــاج .. (Re: tmbis)
|
براااااااااااااااااي نكته بهد ما غتس.. معليش يا جماعه... العفو والعافية
حتـــــــى جعــــــلتك معلماً.... فبغيـــــره لا أُستــــــدل!!!!!
ان قلـــــــــــــت أو لم تــــــــقل.... أنا قد مضيت!!!
يمين بالله الزوله دي شاعره!
بنت الحسين
| |
|
|
|
|
|
|
|
|
|
فروضة..تمتلك جياد الكلمات,,,, (Re: مريم بنت الحسين)
|
تمبس:
ان الابحار في عوالم روضة الحاج امر يحتاج
الي الكثير من الصبر والجلد..
فروضة شاعرة تمتلك جياد الكلمات..
وتقف علي صهوتها..
لها منا آلاف التحايا..وكل الود
وفي إنتظار اي اصدارة لها..
وكان عندك مزيدا من التسجيلات الصوتيه فالحقنا بها
شكرا تمبس لهذا الابداع
| |
|
|
|
|
|
|
|
|
|
Re: فروضة..تمتلك جياد الكلمات,,,, (Re: Ehab Eltayeb)
|
ايهـــاب العزيز ..
Quote: ان الابحار في عوالم روضة الحاج امر يحتاج
الي الكثير من الصبر والجلد..
فروضة شاعرة تمتلك جياد الكلمات..
وتقف علي صهوتها.. |
دايما براهن عليك في مسالة القصائد دي ..
ودايما الكلمات الصادقه ..بتصل إلي ابعد مكان في الروح ..
روضة تمتلك ناصية الكلمة الصادقة .. وامكانيات اخراجها والتعبير عنها بصورة جيدة .. الكلمة منها تاثرك وتقصد اماكن الحواس .. وتمتلك حتي احساسك وتجبرك ..علي معايشة الحالة لدرجة توقعك لي انها ممكن تقول شنو تاني ..
موعود ياايهاب بكثير من الاعمال للاستاذة روضة .. واكيد ما ببخل بيها علي محبي روضة وهذه المدرسة المتفردة ..
| |
|
|
|
|
|
|
|
|
|
Re: *** رودا الحــــــــــــــــــاج .. (Re: tmbis)
|
هذا ما ينقص الكثيرات من الشاعرات
الالقاء الجيد..
بعد الشعر الجميل
لكن اننى اتساءل: هل هناك رجلا واحدا يستحق "كل هذا العناء"؟؟
مجرد تساؤل!!
ويا تمبس انتو بتحفظوا لنكات الفيديو دى كيف ونحن صورة ما بنقدر ننزلها؟؟
| |
|
|
|
|
|
|
|
|
|
Re: *** رودا الحــــــــــــــــــاج .. (Re: Tumadir)
|
تعرفي ياتماضر ..
في اتنين ..
روضة الحاج .. وزولة اسمها ( سعــادة عبد الرحمن ) وبالمناسبة انا دايخ علشانه وبوعدك بيها هنا ده في البورد .. ( كاش ) زي ما قال قرمبوز ..
سعادة وروضة لحدي الان اكتر اتنين مقتنع انهن بيوصلو فكرة القصيدة بي كل ابعاده ( وبيورطوك ) في مكان الانسجام ( والتغمص ) .. يعني ممكن تحسي القصيدة وتعايشيها اكتر من ( ستات ) الحق زاتو .. او ( ستات ) الوجعه.. ده حسع ما موت عديل الكلام ده
لاحظي معاي ..
في زول علي ايدك الشمال في الفيديو مدنقر وخاتي ايدو في راسو .. ( متغمص ) مش كده ؟؟
لاحظ شد الانتباه في ملامح الناس دي ..
كدي لاحظي لي انا زاتي .. ( حبيب نوره وبت الحسين)
...
| Quote: لكن اننى اتساءل: هل هناك رجلا واحدا يستحق "كل هذا العناء"؟؟ |
فـــي ....
| Quote: ويا تمبس انتو بتحفظوا لنكات الفيديو دى كيف ونحن صورة ما بنقدر ننزلها؟؟ |
بقيتي مستنكحه بشكل
| |
|
|
|
|
|
|
|
|
|
Re: *** رودا الحــــــــــــــــــاج .. (Re: tmbis)
|
تمبس:
شكرا ليك يا حبيب.. ودوما انت سر للابداع..
تخرج لنا نفيس الدرر.. من الاعماق..
ومن طرف الشنط ...وطرف الشنطه دا بجهجه الناس صاحبي حبيب نوره
عرفناه هو معترف
لكن نحنا في الرئيس بت الحسين الناكرهLoooooooooL
Quote: بوست روضه ده جاب لي حاجات كتيرة في الطريق
من السودان لي روضه ...احجز نسختك من بدري |
اها طبعا انا حاجز نسخي من هسه
تحايتي ,,,
| |
|
|
|
|
|
|
|
|
|
Re: *** رودا الحــــــــــــــــــاج .. (Re: tmbis)
|
| Quote: لكن نحنا في الرئيس بت الحسين الناكرهLoooooooooL |
إيهاب الطيب.. وانا أقول إنت العاقل فيهم... انا ما خلصت من تمبس جيتني إنت...
ياخ الابداع ده إلا الزول يكون مشكوش!؟؟
والله ناطور في الدمازين ما تلقاها في فترة ولايتي...
بنت الحسين
| |
|
|
|
|
|
|
|
|
|
Re: *** رودا الحــــــــــــــــــاج .. (Re: مريم بنت الحسين)
|
ايهــاب الطيب ..
انا في قائمة الانتظار لمجموعة من الاعمال للاستاذة روضة ..
ليك نصيب الاسد .. وبعناية خاصة..
وايضا محبتي ..
مريم .. انا بعيد من النت لي كم يوم اول ما دخلت الليلة كان في بالي اول شي اعملو اعلق ليك البوست ده فوووق .. اها لقيت زيكوو سبقني
| |
|
|
|
|
|
|
|
|
|
Re: *** رودا الحــــــــــــــــــاج .. (Re: Elnadeef)
|
العزيز تمبس
الاعزاء المتداخلين
شكراََ لكم جميعاً, وبخاصة الاخ تمبس صاحب البوست,,,,
حقاَ روضة من الاصوات الجديدة, في المشهد الإبداعي والشعري بخاصة, في السودان, ولقد استمعت لها عدة مرات, في الفضائية السودانية,,,, ولكن ما يدهشني هو كيف يستقيم, لشاعرة بكل هذه القدرات, إن تؤسس لنفسها علاقة مع السلطة, بهذا الشكل, حتي كادت ان تصبح, عند الكثيرين, بشاعرة الإنقاذ بحق,,,وهي عندي لا تختلف من حيث الموقع, من علاقات الجبهة, لا تختلف عن قيقم وشنان, وهم من مغنيي الانقاذ الاشاوس والاصلاء. والفكرة واحدة, هي هي..
الاستاذ فضيلي اشار الي طرف الموضوع بشكل ما, وهو شكل فيه من الود والظرف الكثير, وقد صدر فعلاَ من استاذ له حب خاص عندي, وهو والذي يستطيع بقدراته الفذة ان يميز ما بين الكتابة الشعرية, وكتابة السلطة,,,, فقد قال الاستاذ فضيلي انه لا يعرف عن خلفيتها السياسية, ولم يسمع عنها, لكني اقول للاستاذ فضيلي:
ان روضة تتغني للسلطة, وقد كانت اول مشاهدة لي لها, كانت في مشاركتها, في واحدة من مهرجانات ( الحكومة), بليبيا, قبل أكثر من عامين. وقد كان بحق فعلاَ احمق, وشعراَ ركيكاَ( يعني شعر حكومات),,,, وهو نفس الموقف ونفس الحالة التي ساقت فراج الطيب (عليه الرحمة), بان يتغني بالبشير(أنت ياعمرو ....تلك القصيدة الشهيرة).. قبل وفاته بقليل, وبهذا ومنذ تلك اللحظة, ولانها(اي اللحظة), هي لحظة مواجهتي الاولي لشعرها, واستماعي لها, وانت تعرف مدى تاثير استماعك الاول, ودهشتك الاولي, من موقف ما, وما لذلك الموقف من حضور في مجمل ذاكرتك السمعية, منذ تلك اللحظة, فقد اعتبرتها عندي, بشاعرة البلاط الاولي, وياليته من بلاط...
لا أعرف كيف يتغني هؤلاء الشعراء للحكومات, اي حكومات كانت؟
ولا اريد ان افتح حواراَ نظرياَ طويلاَ, في موضوع علاقة المبدع او المثقف بالسلطة, فهذا ليس, موضوعي الرئيسي هنا علي اية حال. وإن كان ذلك يتقاطع مع ما كتبته.
عذراَ إن كان كان بعض كلامي قاسياً, ولكنها الحقيقة, والتي تقبل عندي الحوار بكل تأكيد.
شكراَ تمبس, علي مساهماتك, والتي دائما , تسعدني واجد فيها ما يفيد
شكراَ للجميع
عثمان
| |
|
|
|
|
|
|
|
|
|
Re: *** رودا الحــــــــــــــــــاج .. (Re: tmbis)
|
| Quote: مريم .. انا بعيد من النت لي كم يوم اول ما دخلت الليلة كان في بالي اول شي اعملو اعلق ليك البوست ده فوووق .. اها لقيت زيكوو سبقني |
عاملين علي لوبي حضراتكم؟؟
حسي الله بسألكم، نكتوهو من ياتو بير البوست ده؟
بنت الحسين
| |
|
|
|
|
|
|
| |
tmbis
ابو جهينة
زول ساكت
Sidig Rahama Elnour
abas
فضيلي جماع
الصادق خليفة
Mahmoud Mustafa Mahmoud
حبيب نورة
Dr. Moiz Bakhiet
AlRa7mabi
ولياب
خال فاطمة
تولوس
هاشم نوريت
مريم بنت الحسين
معتصم دفع الله
Ehab Eltayeb
Tumadir
Osman Hamid
المكاشفي الخضر الطاهر
وليد محمد المبارك
فيس بوك
تويتر
انستقرام
يوتيوب
بنتيريست