|
|
|
 Re: سلمى التجاني .. علامات استفهام .. (Re: salma altijani)
|
لا والله يااستاذة سلمى
بس عارفه انو الحيطان ليها ( ودان ) وكتير جدا
مواضيع واسماء بتكون متداولة هنا اصبحت تدخل البيوتات باسرع طريقة
يعني من اسهل طرق انتقال المعلومة
وابطال كتيرين هنا فردو العضلات
وفي النهاية طلعو
هبوب ساكت ..
عبارة عن تجارب احلام ( ظلوطية )
نفخان وتمجيد ذاتي
بطولات وهمية
زيف
نفاق
..
.
| |
 
|
|
|
|
|
|
|
 Re: سلمى التجاني .. علامات استفهام .. (Re: salma altijani)
|
| Quote: انت قاصد السؤال القلتة عاوز تسألني ليهو امبارح؟ |
ذكرتني يا تمبس امين ود عمي و صاحبو خليل .
يوم كنتا ماري كدا و لقيت خليل و امين وافقين؛
وقفتا و سلمتا عليهم؛ اها امين انشغل ليهو في حاجة؛
لامن انتبه لقى خليل ماخدني على جنب و بيتكلم معاي بانهماك شديد؛
فقال امين متعجباًو باستياء واضح:
- خليل دا عندو موضوع على جنب مع أي زول؛
و الغريبة انا اكتر واحد صاحبو و ما عندو معاي أي موضوع على جنب.
| |
|
|
|
|
|
|
|
|
 Re: سلمى التجاني .. علامات استفهام .. (Re: tmbis)
|
يا تأمبا كيفك ..
يظهر صاحبك اليومين ديل قائم عليهو الضرس " دي عاديتني بيها إنت " ..
كنت شديد ونصيح أها من ديك بقيت هراش خلاس أقوم مخلوع من النوم يجيني ليك صوت ..
جاك الموت يا تارك الصلاة ..
وحاتك برميل موية ما يكفيني أشوف ليك الغرفة دي كبيرة إستاد الهلال بس ..
وعشان اللون الأحمر البقيت تكتب بيهو دا وصاحبك أبورزقه والمريخاب برضو ما يزعلو قدر إستاد المريخ السمح ..
تقوم تجي علينا حاجة تانية ..
صراعات ..
حروب ..
حكيومات تجي وحيكومات تروح ..
الدجل الكجور ..
وحاجات تانية حامياني ..
والعوة ضاربة للسماء ..
والناس جائطة ..
والمواصلات زحمة ..
تسال ليك واحد فيهم ..
الحاصل شنو يا أخوي ..
يرد عليك بدون أن يلتفت تجاهك ..
ما عارف ..
تجيك نفس الحالة " برضو ما عارف .. وإنت ماشي وسارح ..
بس أعمل حسابك ماتطقك عربية منتفخة الأوداح والكرش كبيرة تكاد تنفجر من التخمة ..
ودا كلو في النوم يا صاحبي " أبوالكباس " وهم كبير ..
نصحية أخوية ..
لما تنوم أتغطى كويس وما تفكر في الحاجات البفكر فيها أنا اليومين ديل ..
التحية للأخت سلمى التيجاني ..
وأقول ليها ..
سيظل القلم والكلمة أمانة نحملها فوق أعناقنا ..
وفي النهاية لن يصح إلا الصحيح ..
| |
|
|
|
|
|
|
|
|
|
Re: سلمى التجاني .. علامات استفهام .. (Re: معتصم دفع الله)
|
معتصم
والله العظيم حالتك متأخرة خالص
تعرف
انت واقف في النص ، بين مسارين حسب المعطيات القدامك والتطورات الجديدة بتاعت اليومين دي
انت شكلك كنت طمعان ليك في وزارة ( ياخائن )
عايز تمشي تخم من ورانا؟؟
والله بحسدك يامعتصم علي الحس الجواني البينادي فيك ده
الهم البيصحيك مخلوع .. والناس بتتقاسم وتبيع وتشتري فينا ولا هاميهم .. يكتلوا يسرقوا ينهبوا يبيعوا يشتروا ..
غايتو كان مصمم
شد حيلك
.
.
بس اعمل حساب انك بعد تغرق ماتجي حانف وشك ..
Quote: نصحية أخوية ..
لما تنوم أتغطى كويس وما تفكر في الحاجات البفكر فيها أنا اليومين ديل .. |
هو القاعد ينوم منو ؟؟
Quote: وأقول ليها ..
سيظل القلم والكلمة أمانة نحملها فوق أعناقنا ..
وفي النهاية لن يصح إلا الصحيح .. |
| |
|
|
|
|
|
|
|
|
|
Re: سلمى التجاني .. علامات استفهام .. (Re: waleedi399)
|
الشمار كاتلك يا waleedi399
وبيني وبينك كلنا كاتلنا؟
أنا براي من امس.. منتظر السؤال دا.. كأنو موجهنو لي.
عموما يا سلمى
سؤال تمبس مهما كان
أخير من أسئلة (الجماعة)
أو الجماعات، فأنتي جربتي أسئلة المخابرات
وأسئلة الحركات (المتمردة)
يعني حا يغلبك سؤال تمبس دا..!!
التوقيع:
شلة المتشمرين
عنهم waleedi399
| |
|
|
|
|
|
|
|
|
 Re: سلمى التجاني .. علامات استفهام .. (Re: magdi elmahi)
|
مجدي الماحي
كيفك
| Quote: ياتمبس انت اتصالحت مع الجماعة ولا هدنة ؟؟؟؟؟؟ |
ياتو جماعة في الجماعات ؟؟
والله يامجدي ما فارقه معاي كتير ..
الحكومة .. وشكوها ووزعوها من جديد وقسموها بيناتهم
وكتيرين طلعو بي قد القفه .. والمنتظرنو من زمان قطعو لينا في راسنا
يعني القصة يامجدي الواحد يسن سكينو ، ويشوف ليهو حته سمينه يقطع منها
الشبك ملحوقة
.
.
(الاسبوتنق) يامجدي قدامك للاسئلة بتاعت الامتحان
المسالة ما محتاجة مذاكرة .. واجتهاد
تحياتي وابقى اظهر..
| |
|
|
|
|
|
|
|
|
 Re: سلمى التجاني .. علامات استفهام .. (Re: Abdulla Ageed)
|
العزيز عبد الله عقيد
صباح الخيرات
ومالك قاطع الحس ؟؟
Quote: فأنتي جربتي أسئلة المخابرات
وأسئلة الحركات (المتمردة) |
احتمال تكون لخصت لي حاجات كتيرة .. وكلامك موضوعي خالص ..
ومن مركزك الاعلامي ده يا عبد الله والتقنية المتطورة قدامك في حاجات اكيد ما غافله عنك في سير تتبع الاخبار والتفاصيل الدقيقة جدا وتواتر الاحداث
تحري الصدق صعب ياعبد الله ، صياغة الاخبار المفبركة سهل جدا ، الاشاعة الفرقعة الصحفية
بس في شي مهم
في فرق بين المراسل الميداني والمكتبي
بالرغم من انو الاتنين بيخدموا نفس الغرض
لكن الميداني دائما بيكون شايل قلبو وقلمو وكمرتو وروحو في ايدو
ومتوقع ومتعرض لي اي ظرف ..
المكتبي ممكن يكون اكتر اطمئنان ..
طبعا بتجمع بيناتهم عدة عوامل مشتركة
الخبر
المصداقية إن توفرت
وفي الدول ( الفاشية ) سياسات الاعتقال والمصادرة والارهاب واحيانا التصفية المباشرة.
اكيد يا عبد الله سؤالي يكون وصل اضان استاذة سلمى وفاته بي غادي
وفي انتظاره
| |
|
|
|
|
|
|
|
|
|
Re: سلمى التجاني .. علامات استفهام .. (Re: waleedi399)
|
وليــد 399
اسمع
.
.
أنت بتفرفر مالك كدا ؟؟ قضي الامر من بدري انا وحاة الخوه يا وليد بجمع في الحاجات زي دم الحجامه .. وانت عايز يكبوها ليك هنا طوالي ؟؟
اقعد ياخ في الكنبه الوراء واخلف رجل في رجل وما تشيل هــم
انت عينك في الفيل تطعن في ضلو ؟؟
| |
|
|
|
|
|
|
|
|
|
Re: سلمى التجاني .. علامات استفهام .. (Re: tmbis)
|
هوي يا ناس في شنو !!؟؟
ركبونا !!
أو ...
نزلونا!!
وبعدين يا تمبس ..
مالو ضل الفيل .. كبير ؟!!
علي الأقل ستصيبه الطعنة بدل الطعنات الكاذبة التي ظللنا نطعنها في أشباح بلا أرواح ..
وكمان أفضل من ضل الحكومة ..
يا وزارة بقروش .. بكرة بإنقسام ..
مجدداً لا تحلموا بعالم سعيد ..
فخلف كل قيصر يموت يولد وزير "مخابرات" جديد ..
ومع وزارات "المخابرات" يصبح "السؤال أكثر إنسانية من الإجابة"..
لماذا تظل سلمي محصورة في "الإجابة"، ألا يحق لها السؤال وهي بحكم المهنة تعتاش منه؟!!
آسف يا تمبس فاتتني فرصة التحية والتعارف ..
لكن السؤال ..
هل يتاح لنا في الأصل التعارف ؟!
سلام ..
| |
|
|
|
|
|
|
|
|
|
Re: سلمى التجاني .. علامات استفهام .. (Re: أحمد يونس مكنات)
|
استاذ أحمد يوسف مكنات
تحياتي واحترامي ..
ومرحب بك وانت تحاول جهدا طعن الفيل وليس الظل ..
تابعت الكثير الكثير من مداخلاتك
والبعض منها ينتمي لنفس فكرة هذا البوست
ومحاولة لتفادي ( الطعنات ) .. الغير مباشرة اتسال مثلك
لماذا لا يحق لهذه السلمى التساؤل ..؟؟
ولماذا كلما نتحسس اماكن نستخلص منها طريق للحقائق ..نتفاجأ بالمتاريس والسياسات التخويفية والقمعية بكل الطرق ..
.
.
استاذ مكنات ..
احس انك منتابع معى كل ما يدور خلف الكواليس ..
وفي انتظار السيناريوهات ان تكتمل
والحبكات الأخرى
اتمنى أن اراك مجددا
في كل المساحات .. وفي ( فيل ) آخر
والف شكر لمرورك
| |
|
|
|
|
|
|
|
|
|
Re: سلمى التجاني .. علامات استفهام .. (Re: tmbis)
|
لو يحكمنا المؤتمر الوطني
باقي عميرنا الفاضل
يبقى العمر سعيد
وأصلو الحاصل ، حاصل
لو يحكمنا المؤتمر الوطني
تاني سنيناً زي الفاتت
يبقى العمر طويل
وأصلها جاطت ، جاطت
لو يحكمنا المؤتمر الوطني
ويزيدو علينا حراق الروح
يحرق فوقنا مدن وبوادي
وريحة الشية تفوح ، وتفوح
لو يحكمنا المؤتمر الوطني
ونبقى نصّوت عميانين
وتبقى حكومة الزيف محمية
وتحكم فينا سنين ، وسنين
| |
|
|
|
|
|
|
|
|
|
Re: سلمى التجاني .. علامات استفهام .. (Re: ودقاسم)
|
| Quote: وأصلها جاطت ، جاطت |
سلام ياخــال ..
ومنو القاليك جاطت ؟؟
كدا يادووبك ..اترتبت تمام .. زي ما كان مفصل ليها من الأول
جري ولهث وطيران ،، وناس تلطع فشوش
وناس يشتروا عملته عمارات
وناس بتبيع في الذمم بارخص الاتمان ..
.
.
وناس قسمو الحاجات وكسرو ف ياضانهم قشة ..
لكن اقول ليك حاجة ياخال:
انت في الغزل العفيف .. لسانك اطعم من كــدا
| |
|
|
|
|
|
|
| |
tmbis
عبداللطيف خليل محمد على
Hussein Mallasi
waleedi399
معتصم دفع الله
Abdulla Ageed
ودقاسم
فيس بوك
تويتر
انستقرام
يوتيوب
بنتيريست