|
|
|
 Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: jini)
|
جني إنت متأكد 3 أعوام?
لأنه ده معناته بنتك دي فنانة ما عندها أي حل .. لو داير دكتورة ألدي ليك واحدة تانية .. دي بتنا نحنا الفنانين ديل
لو عاوز تشوف علامات النبوغ .. لاحظ لفصلها بين الكتل و تحليلها للكتلة .. عادة الجسم عند الأطفال في سنها بيخلطوه بالرأس
و اليد ما بيفصلوا
بين ذراع و كف و أصابعين بالطريقة المتطورة دي
غير إنه النسب قريبة للصحة بصورة تخوف
جني يا أخوي بخرها ساي البت دي سابقة سنها
| |
 
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: حيدر حسن ميرغني)
|
Quote:
بالطبع الرسوم معبرة وتكاد تكون ناطقة بالعالم الذى تدور حوله (المدرسة،الشارع)
وفيها نوع من الامان
حفظها الله لك |
تعرف يا حيدر هى طبعا لسة ما دخلت روضة وبتجهز الشنطة حقنك والحذاء والشرابات (لوقلت ليها البامبرز بتزعل) من باليل وتختهم جنب شنط اخوانها والصباح ديك يا الشكلة ما خمج كيف ما نخليها تركب البص! وقت المذاكرة تجى تنجعص معاهم وتقول هى عندها هوم وورك حق ماث والراجل يحركها من مكانكها!
غايتو الله يديها العافية
جنى
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: عصام علي أحمد)
|
جني لا نملك الا ان نقول ماشاء الله تبارك الله
وبعد فاضلابي في كلام....
Quote: جني إنت متأكد 3 أعوام?
لأنه ده معناته بنتك دي فنانة ما عندها أي حل .. لو داير دكتورة ألدي ليك واحدة تانية .. دي بتنا نحنا الفنانين ديل
لو عاوز تشوف علامات النبوغ .. لاحظ لفصلها بين الكتل و تحليلها للكتلة .. عادة الجسم عند الأطفال في سنها بيخلطوه بالرأس
و اليد ما بيفصلوا
بين ذراع و كف و أصابعين بالطريقة المتطورة دي
غير إنه النسب قريبة للصحة بصورة تخوف
جني يا أخوي بخرها ساي البت دي سابقة سنها |
اذا كان هذا راي الخبراء
نحن نقول شنو غير مشاءا الله تبارك الله ربنا يحفظه وارجو رعاية موهبتها في الرسم.
| |
|
|
|
|
|
|
|
|
 Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: jini)
|
تعرف يا جني...أنا متخصصة أحلل رسومات أولادي...
لأنو الرسومات دي أساسية عشان تتفهم نفسية الطفل و تتعرف طريقة تفكيرو...تعرف بيها الحاجات البتعجبو..الحاجات البتخوفو..الحاجات المتعقد منها..إلخ..
عشان كدا و لغاية ما يجيكم ملاسي...أسمحو لي أحلل ليكم اللوحة/ الرسمة دي..
طفلتك - ما شاء الله عليها - طفلة سعيدة و إجتماعية...و دا ظاهر من كترة الأشخاص الفي الرسمة..
يبدو أنو التلاتة الفي يمين الرسمة هم....إنتَ و أمها و هي...
ثم يبدو آخرين على شمال الرسمة..و الراجح إنهم أشقاءها أو أصدقاءها...
طفلتك شديدة الإعجاب بوالدتها..عشان كدا رسمتها جميلة و إهتمت بتفاصيل زي الشعر الطويل و الحنة و الروج...و لم تنسى أن تصبغ نفس الأوصاف على نفسها- ما عدا الحنة- لو لاحظتو!
يبدو إنها كمان معجبة بعلاقتكم الحلوة...عيني باااردة...عشان كدا رسمتكم متماسكين باليدين..
لكنها لم تنسى أن تُنافس والدتها في حُبك...فإلتصقت هي بك..بينما وضعت والدتها أبعد شوية..
(( البت...ضرٌة أمها ))..و (( كل بنت بأبيها مُعجبة )) و كدا!
الحاجات الفي النص ما قدرت أفهمها..لكن في حاجة زي الهلال...إحتمال تكون بتقصد إنك ماشي الجامع...أو إنو في جامع جنب بيتكم...
أكون سعيدة لو سألتها ليا من الحاجات الفي النص...عشان أجي أتم ليك التحليل.
بره الموضوع:
حق الفيزيتا و الإستشارة.....جيب بيهو شوكولاتة للبت الحلوة الفناااانة دي.
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: jini)
|
ما شاء الله تبارك الله.. ربنا يحفظها ليكم آمين..
طبعا الفنانين أفتوا.. وليهم الشكر الجزيل على المعلومات الكابسولية
عن تناسب الكتل.. وفعلا ندي العيش لخبازه.. وهنا أعني الأخ الفنان فاضلابي
وبرضو أعرج على الأخت ممكونة والتي أقنعنا تحليلها للرسومات..
ولكن لتسمح لي القاماتان في أن أدلو بدلوي في الموضوع كثقافة عامة..
وحسب فهمي أن علوما أخرى كالجراحة والتشريح أيضا تحتاج لموهبة في
الإحساس بالنسبة والتناسب بين الكتل الجسمية..
يعني ممكن البنية برضو تعرج على أحد تلك التخصصات التي تبدو جامدة
ولكنها ضرب من ضروب الفن الغير مرغوب ربما..لأنهاأحادية اللون..
لذلك يمكن أن تعرج البنية على هكذا علوم..
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: نادية عثمان)
|
سلامات
وعوافي
يا جني ..
انا عندي احساس نبوي تجاه الفن التشكيلي ..مرات كتيرة بحس بي انو بصيرة التشكيلي ابلغ من "راي الحكيم"..
يعني الرسومات العادية والممكن تكون بسيطة من حيث المواد المستخدمة وما الي ذلك مرات بتكون "لاطشة" مليون فرحة وخالطة "مليون دمعة" ومرات تصحح "عترة" وتجندل "صمت هزيل" ...
اللوحة الاولي "ماشاء الله" يا جني والله العظيم اذا جا زول وقال لي اللوحة دي اتعرضت في الشانزليزيه ما بكذبوا تب والحالة لو قال حقت الفنان العالمي "فلان الفلاني" ..
الرسم دا اول حاجة بيعملا "بيطلع الكوامن التي عجز عنها اللسان واستعصت علي الحرف وعجز عن تأويلهاالعقل"..واظنه اللغة الوحيدة التي تعتمد علي "الروح" كايقونة رئيسية لحالة الانفعال الابداعي واقصد بـ"الروح" هنا المزج بين العاطفة الوجدانية المدعومة بقبول العقل... واي رسام بيكون شايف حسن من الحواليهو وواعي بكل التفاصيل المتعلقة بالبيئة المحيطة عشان الرسم دا هو استحلاب للمشاهد والذاكرة البصيرة في حالات رسوم الامورة وفي حالات "الابستراكت" بيكون الفنان في اعلي درجات الشفافية وبتكون رؤاهو كاشفة لكل جزيئية في العالم البينتمي ليهو .."عند الصوفية بيقولو ليها الترجمة"..
الرسم هو "اللغة الوحيدة" التي لا يجيدها الا القليلين والقليلين جدا جدا ..
علي العموم دي وجهة نظري يعني يمكن ان تكون صحيحا ويمكن ان تكون خاطئة تماما ..
ونصيحة يا جني : قبل ما تشتري للبنية دي علبة الوان وطد علاقتا بالقراية"اي شكل من اشكال القراية مدرسية كانت او اطلاعية عامة " فالقراية بتفتح ليها افاق مهولة لدخول هذا العالم بوعي صادق وذهنية نضيفة ..
بقول بسم الله ماشاء الله واسال الله ان يجعلها قرة عين لكما انت ووالدتها وان يجعلها من بنات الوطن العفيفات الطاهرات الناجحات النابهات النافذات الناهضات الناشئات علي الفضيلة النابغات الحافظات لعروضهن الراشدات الباحثات عن الحق في ملكوت الله الناسكات الساعيات بالفضيلة بين خلق الله العابدات ..
آمين..
وتخريمة:
انت وكنت عندك الامورة دي "المجننك شنو" ؟..
هاهاها
ربنا يحفظكم جميعا يارب
وماشاء الله ..
..
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: jini)
|
جنى صباح الخير ، غايتو يخيل لى من فترة انك عازب مش عارف ليه .... المهم ربنا يزيد ويبارك ، لو تذكر من اسبوع انزلت صورة اصغر عضوة فى المنتديات ... امورة زي العسل عروستك دى ... والمهم تانى نحن سوف نعطى الجنونه الصغيرة برضو مساحة وعضوة فى قسم الاطفال بس امشى سجل ليها فى قسم الاطفال .... منتديات سودانى للأبد ... اها اسع يجى محمد السنى يقول بت جنى نحن عايزنها تكون معانا .
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: عامر تيتاوى)
|
Quote: Quote: بتك يا جنى عندها الموهبة..ربى يحفظها..
بس حاولوا تشجعوها وتتعهدوها بالرعاية
وتشتروا ليها ألوان وورق..ولوازم الرسم
حتى لا تهمل موهبتها..
فمن يهمل موهبته تهمله.
أتمنى أن تصبح من فنانات الوطن الباهرات.
|
شكرى وامتنانى للكلمات الطيبة والاماتى الحلوة والدتها تشجعها منذ ان كانت فى سن الثانية ترسم له اوجه وتطلب منها وضع العيون والانف وتطلب منها رسم الدوائر وتقليد الاشكال والتمرير على النقاط نحاول ان نساعدها فى تنمية موهبتها وهى ايضا ترسم باستعمال الرسام فى الكمبيوتر
هؤلاء الاطفال اذا تركنا انانينتنا ومنحناهم من وقتنا المهدر فسيفعلون الاعاجيب
عموما هى تملك مرسما صغبر مجهز بكل ما تحتاجه ورق والوان وسبورة رسم انا احاول ان اكفر عن ذنبي بسبب ابقاءهم فى بيئة لا تتيح لهم تنمية مهاراتهم !
شكرا مرة اخرى امنة
جنى |
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: jini)
|
في الصورة دي..ما شاء الله..تبارك الله..حاولت أمورتنا تحكي عن يوم جميل قضتو في منتزه أو حديقة..
..ربنا يحلٌي أيامك دايماً يا فنانة يا موهوبة.
و نلاحظ الحكاية دي من الزول البيلعب كورة (( جايز تكون إنت يا جني ))....و البت البتفرش مفرش في الجنينة (( أو بتنط الحبل )).. الإضاءة و اللمبات.. الآيس كريم أو الفُشار في يدها..و كمية الأطفال الرمزت ليهم بأشكال صغيرة و بمقاسات مختلفة..
كانت سعيدة جداً لذلك إمتلأت الرسمة بالفراشات...حتى فستان والدتها رسمت عليهو فراشة!
يا ريت تسألها يا جني عن الحاجة الجنب والدتها..ما قدرت أحدد هي شنو..
...
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: jini)
|
يا جني
اللمسة الفنية قوية وتعبر عن التفكير العميق..
أولاً من الرسومات يتضح أنك تتحدث بصوت جهوري جداً وأحياناً يطغى حديثك على بقية الأفكار التي تتجمع في مخيلة الطفلة الضغيرة..
أما إذا كانت تعبر عن نفسها بالرسمة في أقصى اليسار فهي تنظر إليكم من خلف جدار ، أو أنها تحتمي خلف هذا الجدار من الأسلوب الحياتي المزدحم حول المنطقة أو حول السكن..
من هذه اللوحة يتضح التعبير القوي عن الفكرة وعكس الواقع بصور متعددة..
طبعاً ده تحليل هاوي ..
ربنا يحفظها واخواتها
| |
|
|
|
|
|
|
|
|
 Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: jini)
|
ما شاء الله ربنا يحفظ ويصون
مقارنة بعمرها الرسومات دي متقنة جداً
لأنو في العمر دا الطفل بيكون صعب عليهو التحكم في القلم
و العضلات الدقيقة بتاعت اليدين بتكون لسه ما إكتملت ..
وزي ما قالوا الناس ديل رعاية الموهبة بتنمّيها أكتر ..
تعليق فاضلابي وممكونة لذيذ ..
طبعاً يا جنو حاجزين الأمورة دي لمهيار أخوي
وخلينا نبيع غادة دي 
مش الأقربون أولى؟
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: jini)
|
كل الناس سلام
وجنى ابو فنانتنا القادمة الف سلام وللبطن الجابتها مليون نجمة محبة
وبعد...
اسمح لى جنى انزل لوحة لمرافىء بتى أهدتها لى قبل ايام/ هى بتلون وبتحب التلوين شديد لمن كنت فى السودان عملت الشغل ده واهدتنى ليهو لمن رجعت ... اها فى انتظار آل الفن فاضلابى والمحللة ممكونة التى اثق فى تحليلها,,, وعزرا للاقتحام ياجنى لكن ممكن البنات يتصاحبن...
* انا غايتو ملاسى شنف ما شنف الوان بتى وعاجبانى مش كل ام بابنتها معجبة
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: Ishraga Mustafa)
|
العزيز جني
التحايا والود
بتك ماشاء الله عليها
بس انا عاوز اقول ما هو موضوع الرسمه دي ؟
الرسمه ماخوذه من كليب نانسي عجرم حق الاطفال المعروف ( بشاطر شاطر )
لاحظ للفراشة في يد البت المرسومة كما انها حاولت اكثر من مره ان ترسمها
وهي في حالة طيران ..
ابني مرهف متيم بهذا الكليب لذلك حضرته اكثر من مره واللوحه تحشد كل تفاصيل الكليب
بداخلها على ما اظن ولك الود
وبالمناسبه ابني مرهف يرسل التحايا للاموره ( وجه غامز ) عمرو 4 سنوات بتاع دراما ذي ابوه
معتصم سيد احمد
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: jini)
|
الرسمة دي ح أحاول أنٌظِر فيها..أو بالأحرى..أنجر ساااااكت..
و عليك الله يا جني...correct me if i am wrong .
بفتكر إنو في الرسمة دي ..فيها رسامتنا مع أختها الكبيرة..
و بفتكر إنو العلاقة البينهم علاقة تنافسية ندٌيٌة..و فيها الكثير من الغيرة المُتبادلة..
معظم الإختلافات بتحوم حول (( أنا أكبر منك )) (( أنا أحلى منك )) (( أنا شعري أطول من شعرك )) (( أنا فستاني أحلى من فستانك ))...إلخ..
لكن و على الرغم من الإختلافات دي...لكن رسامتنا ما قدرت تخفي إعجابها الشديد بأختها الكبيرة..لذلك إهتمت بتلوين ملابسها و تهذيب شعرها..و تحديد حذاءها!
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: mamkouna)
|
يا سلااااااااااااااااام يا مرافيء...
لوحة مليانة بالحياة..
ألوان صاخبة..توزيع رائع و مُتوازن لكل لون و مُشتقاته..
الرسمة فيها شخوص كتيرة و رموز عديدة..يمكن لصخب الإسبوع العشتوهو في السودان في إجازتكم الفاتت..
و كلها شقاوة و خفة دم زي ستٌها...اللي يبدو من وقفتها للصورة الفوتوغرافية إنها بتاعت ربٌات و مقالب و راس هَوَس عديييييل كدا .
يا ريت توريني يا إشراقة رسمة عادية بخطوط عادية و من غير ألوان..عشان أقدر أميز!
العتب على النظر يا بت أمي.
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: jini)
|
الأيام دى انا مزرور زرة كلب فى طاحونة ولو ما كدى كنت رديت ليكم بدون فرز عشان ردودكم فرحتنى وطولتنى شبرين!
لاكين لازم اكمل بعض الالتزامات قبل العيد والكريسماس واجازات االطويلة الجاية
والله يا شراقة بتك ما هينة والوانة حية اطلس الوان عديل الله يخليها
اهاه انا بتى الصغيرة ما اظنى الحق قريشاتها لاكين ان انزنقت بتى الكبيرة بتقلد زى القرد بخليها تزور لى الورق ام خمسمية ريال عشان انا مستعجل !
اها يا ممكونة شوفى رسمة بنينى الصغيرة دى ورايكط شنوا لانو تحليلك تقول ساكنة معانا لان الغيرة بين بناتى زى ما قلتى بالضبط!
,
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: jini)
|
كيفك يا جني و كيف البنوتات الحلوات و أمهن الأحلى..
ما شاء الله ..تبارك الله ...ربنا يحفظهن.
بالنسبة للرسمة الفوق دي...بفتكر إنها عن حفل زواج شافتو..
فيهو العروس و العريس فرحانين ..تحفٌهم الفراشات و الورود و محط أنظار الجميع...العروس فستانها و ماكياجها مميز و كذلك تسريحتها..و العريس أكمام بدلتو مميزة برضو...(( بس الظاهر عندو شوية لين عظام ))!
الشباين أو الوصايف برضو قاشرين و ماكياجهم تقيل....(( و رسامتنا إحداهن أو تمنت أن تكون إحداهن ))...
رسامتنا في ركن بعيد بترقب الحاصل..لكنها لم تنسى أن تتمنى لنفسها ما للعروس...فرسمت نفسها في أبهى حلٌة و بنفس الماكياج ...و جعلت نفسها محط لأنظار الكل (( العروس و العريس و الوصيفة ))....لكنها نست العريس..!
في سنها دي العرس = فستان الزفاف و الماكياج و الحفلة و الهيصة...و ما ضروري يكون في عريس ...بالذات لمن العريس يكون مزعمط و رجلينو الإتنين يمين كما يبدو في الصورة  !!!!
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: mamkouna)
|
الـعزيزة مـمكونة مـشكورة كـتير عـلى ردك وكـنت فـعلاً مـتشوق كـتير لـسماعه.
سـبحان الله وماشـاء الله عـلى مـقدرتك المـدهشة جـداً فـي الـتحليل والوصف،
يـعني عـرفتي كـل حـاجة عـنها وهـي فـعلاً Half-Caste وبـتاخد دروس فـي الـرسم وبـتحب الـقصص وكـمان عـاجباها روحه  يـعني كلام بالـمسطرة بـس.
ومامـمكن تقـنعيني انك هـاوية بـس وبترجمي رسومات اولادك ربنا يحفظهم ليك ويخليك ليهم.
قرايتك لكل الرسومات بالبوست شـغل بروفيـشنال. واكان عـملتي فـيها قـارئة فـنجان وكـدة والله قـروشك الاّ يـشيلوها لـيك بالقفف الـكبار
شـــــكرا لـيك كـتير، والله يـخليك لاولادك. واكـيد حـاحـتفظ بـتحليلك الـرائع دا للبت مـاريا.
مـاريا بـتقول ليك شـكراً.
جـني حـلال عـليك السـمسرة بـس انـت ادفع ديـونك وبـتلقاني جـاهز
عـميق مـودتي واحـترامي
| |
|
|
|
|
|
|
|
|
|
Re: هذه الرسومات لطفلتى ذات الثلاثة اعوام عليك الله يا ملاسى تشنفهموا ليها!! (Re: مامون أحمد إبراهيم)
|
الأخ جني
سلام
أولا : التحية للأمورة الفنانة بنتك.. وربنا يحفظها..
اتفق مع رأي الزميل الفاضلابي وتحليلات الأخت ممكونة الشيقة..
هذه الرسومات تدل على ثبات اليد وتمكنها من القلم.. أي أن حركة اليد متحكم فيها
بعبقريتها الناشئة وهي من الأساسيات التي المتطلبة في الرسم والتلوين..
ومن يمتلك الزاد يمكنه أن يواصل الرحلة بوجود الدليل الجيد..
(عناية البيت والمدرسة)..
وزاد الموهبة هذه يحتاج لمستهلكات من ألوان, ورق وخلافه.. ارجو أن لا تتجاهلوها..
توجيه الطفل دون ضغط لرسم مواضيع معينة يكون في صالحه لبناء موهبته وفق
نقده الذاتي لنفسه وهو يقارن عمله الفني بموضوع رسمه..
التحية للأمورة الفنانة
عبدالعزيز
| |
|
|
|
|
|
|
| |
jini
AMNA MUKHTAR
محمد على طه الملك
fadlabi
حيدر حسن ميرغني
غادة عبدالعزيز خالد
عصام علي أحمد
سلمى الشيخ سلامة
Tragie Mustafa
ismeil abbas
Rawia
Omer Abdalla
Muna Khugali
Elawad
AnwarKing
Hussein Mallasi
kamalabas
mamkouna
Rihab Khalifa
Kamal Karrar
محمد سنى دفع الله
ودرملية
هجو الأقرع
HOPEFUL
عامر تيتاوى
يازولyazoalيازول
Siham Elmugammar
هشام المجمر
المسافر
humida
أبوالزفت
رأفت ميلاد
Ishraga Mustafa
معتصم ود الجمام
طارق جبريل
Ahmed Alim
مامون أحمد إبراهيم
Abdlaziz Eisa
شهاب الفاتح عثمان
فيس بوك
تويتر
انستقرام
يوتيوب
بنتيريست