|
Re: لـو دايـر تـسـيـبـنـا ... جــرب وانـتـا ســـيــدنـا (Re: Moawia Mohammed)
|
Quote: يا هاشم هو غرامك عارفو غرام محراب و راهب غرامك اخترتو مذهب من أسمي المذاهب ينور ليك طريقك ويفتح ليك مواهب تشوف أملك في جزيرة وحبك ليهو قارب |
هو غرامك عارفو غرام محراب و راهب غرامك اخترتو مذهب من أسمي المذاهب ينور ليك طريقك ويفتح ليك مواهب تشوف أملك في جزيرة وحبك ليهو قارب
يا سلام عليك يا معاوية يا ود الصحافة الرائع , كل سنة وانت طيب ياخي طولنا من طلتك البهية إنشاء الله المانع خير , مشكور علي المرور ..
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: الطيب شيقوق)
|
Quote: لو داير تسيبنا... في ستين داهية.....هيع
انت عارف يا هشومي اخونا سجيمان ده متاثر بمدرسة اسماعيل حسن المتعارضة مع مذهب الشاعر بازرعة
فالاول يقول جيت تائب يا حليلك والفؤاد ملكوهو غيرك في حين يقول بازرعة (مهما قسيت على قلبك كلوابيض وكلك حسن نية)
فشتان ما بين المدرستين يا هشومى
لك عميق مودتي
اخوك
شيقوق
حبيب الكل ود شيقوق ياخي الدنيا دي جميلة جداً وفيها فوارق عجيبة وانا بقول ما بعاتبك لو جفيتي واصطفيتي سواي احبة ماهواك ساكن دواخلي والآلم باقيهو لسه !!!!
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: سجيمان)
|
قال الشاعر ود عشا البايتات:-
نحن ان بكينا نجعر
وان ابتلينا نصبر
وان ازنقنا حاشا ما بنهـ.......
سجيمان والله انتا تحير عديل كده حتي مداخلاتك تحير , الناس بتدخل في نهاية البوست وانتا داخل في نص البوست , انا ما إتعودت أتجاهل إي مداخلة وهسع مداخلتك دي شوفتها بس بالصدفة , بس ماشاء الله عليك شايفك بقيت تقول أشعار وأقوال مآثورة
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: عادل جبارة)
|
هاشم
سلام
مالك يا زول؟
Quote: لـو حبيبـك فـات نساكـا خلـي بـاب الريـد متاكـا |
لو من الأول عملت بدل الباب متاريس و بدل النوافذ سيخ حديد .. ما كان الحبيب قدر يمرق.
تنويه : المتاريس و السيخ مصنوعات من المحبة و الريدة و العشق و الوله و التودد و الرقة و التحنان. شايف الخلطة دي .. أقوى من الفولاذ و الكونكريد
دمتم
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: ابو جهينة)
|
هاشم
سلام
مالك يا زول؟
Quote: لـو حبيبـك فـات نساكـا خلـي بـاب الريـد متاكـا
لو من الأول عملت بدل الباب متاريس و بدل النوافذ سيخ حديد .. ما كان الحبيب قدر يمرق.
تنويه : المتاريس و السيخ مصنوعات من المحبة و الريدة و العشق و الوله و التودد و الرقة و التحنان. شايف الخلطة دي .. أقوى من الفولاذ و الكونكريد
انتا عارف ياريس أجمل حاجة في المنبر ده إنك تلاقي معظم الناس يشاركو معاك ! اكان بكيت ولا شكيت اكان زعلتا ولا ابيت اكان شاكلتا او خليت اكان حبوك او حبيت اكان مرضتا ورقدت في البيت اكان عرستا وطرتا هناك حد الغيم , ياخي ناس سودانيز اون لاين ديل ناس متميزين جداً جداً ... مشكورين يا جماعة خلاس خفيت ومن آلأمي إنتهيت .
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: عبد الدائم سيد أحمد)
|
Quote: شكرا" للصباحية يا هاشم بس عاوز اسألك انت ومنى خوجلى مالكم الايام دى الحاصل ليكم شنو البال رايق |
Quote: صديقي النضيف كضباً كاضب .. منى خوجلي بريئة .. بريئة .. بريئة هشومي لغاية الآن ما اتصلت علي ولا حنستني ... الظاهر عليك بعد البوست ده إنت برضو ح تسيبنا |
البوست ده ولا داك يا عدولي؟
يا سلام عليك يا عبدالدائم انت قطعا من ابناء يعقوب اسمع كلام عادل ده..شوف نحن أربعه كده ظهروا منهم تلاته في البوست ده فاهمين ودافننو سوا موش يا عدولي وكان ما ممصدق أسال هشومي وكان قال ليك لآ..جيب اضانك أوريك
والعايز يبكي ويتنح يجي بوستاتنا للتنيح..
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: Muna Khugali)
|
QuoteQuote: : شكرا" للصباحية يا هاشم بس عاوز اسألك انت ومنى خوجلى مالكم الايام دى الحاصل ليكم شنو البال رايق
Quote: صديقي النضيف كضباً كاضب .. منى خوجلي بريئة .. بريئة .. بريئة هشومي لغاية الآن ما اتصلت علي ولا حنستني ... الظاهر عليك بعد البوست ده إنت برضو ح تسيبنا
البوست ده ولا داك يا عدولي؟
يا سلام عليك يا عبدالدائم انت قطعا من ابناء يعقوب اسمع كلام عادل ده..شوف نحن أربعه كده ظهروا منهم تلاته في البوست ده فاهمين ودافننو سوا موش يا عدولي وكان ما ممصدق أسال هشومي وكان قال ليك لآ..جيب اضانك أوريك
والعايز يبكي ويتنح يجي بوستاتنا للتنيح.. |
منوية اختي السمحة كيفنك مشتاقين كتير والله
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: هاشم أحمد خلف الله)
|
احلى سلام لاحلى ناس
Quote: : لو داير تسيبنا... في ستين داهية.....هيع
انت عارف يا هشومي اخونا سجيمان ده متاثر بمدرسة اسماعيل حسن المتعارضة مع مذهب الشاعر بازرعة |
انا غايتو بتفق مع سجيمان للاخر و ما تنسى يا هاشو مذهب الفنان الطيب عبدالله ... ياخى دا بكاى بكا لووووووووول
نحن مع ترباس
(لو مكتوب على احب..........بحب انسان يكون تانى)
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: sama7)
|
احلى سلام لاحلى ناس
Quote: : لو داير تسيبنا... في ستين داهية.....هيع
انت عارف يا هشومي اخونا سجيمان ده متاثر بمدرسة اسماعيل حسن المتعارضة مع مذهب الشاعر بازرعة
انا غايتو بتفق مع سجيمان للاخر و ما تنسى يا هاشو مذهب الفنان الطيب عبدالله ... ياخى دا بكاى بكا لووووووووول
نحن مع ترباس
(لو مكتوب على احب..........بحب انسان يكون تانى)
انتا عارف المثل بيقول شنو ؟ الطيور علي اشكالها تقع وانا امانة ما وقعوا معاي ناس كتار في البوست ده , كسير شديد ياsama7 وخلاس اضفناك معانا في قائمة البكائن في البورد اما صاحبك سجيمان ده خليهو في الدردقة بتاعتو دي لمن يتكسر حتة حتة .
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: sama7)
|
Quote: لالا نحن البكا دا غااااااااادى منه هاهاها شنو يعنى الواحد يتجرس يوم يومين لكن النسيان دا نعمة لو الواحد عايز ينسى بس كعبين الدايرين يبكو وما ينسو ديل بعدين اهو عندك سجيمان كل يوم جرسة شكل ... اى نعم بكاى لكن المبكينه كتار لووووووووووول
تحياتى |
انا ماعارف انتا رابط نفسك بـ سجيمان كده ليه ؟؟ ابكي لكن ما زي بكي سجيمان !! خلي الدموع تغسل أحزانك لو كان هناك أحزان او إتنخج لو كان هناك توهان !! ما تقول لي سجيمان ؟؟؟ مشكور علي المرور .إلا قول لي إسمك منو والله ما عرفت اقراهو كويس هل هو سما؟ ام هو سماء ؟ ومعذرة لعدم القدرة علي النطق السليم لكني والله حبيتك .
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: sama7)
|
Quote: بالغت زاتا شوية عليك
اسمى سماح
زمان كان فى واحد ما قادر ينطقه زيك كدا بس كان قايلها السما السابعة هاهاهاها لكن عليك الله مش اخير من يفتكرنى ولد
بعدين شكلها مداخلاتى عندك زر اسمى لوووووووووول (انا ما من انصار البكا اساسا) انا مع سجيمان فى الستين داهية
ويديك العافية |
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: عبدالأله زمراوي)
|
Quote: هاشم والله ما قدرت!
وانت انت بتتقدر؟ شايفك تعيش هذه الأيام أرهاصات وجد. جعل الله أيامك كلها سعيدة وخطواتك زاهية.. رعاك الله. |
شاعرنا الجميل الأنيق عبد الآله زمراوي الرجل المشبع بحب الوطن والله يا زمراوي وبدون مجاملة وبدون رتوش انا إكتشفت ان الرطانة النوبيون ديل عندهم درجة إحساس عالية جداً ومتفردة وحتي شملت كلامي هذا للخال ابوبكر الرطاني لدرجة عايز افتح بوست بذلك ياخي والله بحبكم بعمق شديد , وبشكرك علي المرور وإلقاء التحية .
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: Muna Khugali)
|
Quote: هشومي..
خلاص امشي رحله روق فيها في مكان الصوره السمح ده.. وبعدين تعال باقتراحات زي الفي الأغنيه المتسامحه الحلوه دي..
مشتاقين..ليك يومين غايب انت وقبيلة الشعراء ..الشي شنو؟ |
منوية مش إتفقنا نمشي معاك الرحلة المقترحة من جانبك واديناك الضؤ الأحمر وبعدين رحلة من دونك مش حاتكون لذيذة !!! اما انا فموجود بكثرة بس ساعات العمل بكون غائب اكل عيش وكده .
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: أبوذر بابكر)
|
Quote: اسيبك كيف نخليك كيف ما أنت البسمه إنت النسمه فى عز الصيف
نسيت والله يا هاشم مين بيغنى الأغنية دى
أعتقد إنه على السقيد، أو فتاح السقيد أخوه
طالت المدة
المهم
هى بتتكلم عنك إنت يا هاشم
يا أحلى نسمه فى صيف الدنيا |
ابو ذر الشفيف شوف مرورك جاب معاهو شنو ؟؟ يا رجل يا مطر الدميرة مشكور علي المرور .
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: ismeil abbas)
|
Quote: أخوى هاشم/
أنا أقترح ...كان من ألأفضل ان يسبق البوست هذا بوست....يكون بعنوان..
لو تعرف يا ظالم بحبك قدر أيه......أنا بقول مثلآ يا ها هاشم وما تتضايق....
وبعدين الصورة فى بداية البوست ده زكرتنى أغنية بأديها بادى محمد الطيب........
.............عيونك علمن عينى بكاء الخنساء............. |
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: هاشم أحمد خلف الله)
|
تتخيلى يا منى كلامك صحى الدمعة دى من قطرة..لآن طعمها ما مالح...
ما تقولى لى ضقتها كيف...إحساس..يس..
وكيفك يامنى ..وصحتك..وإشتقنا ليك بجد....يعنى إلا نشرك ليك بى بوستات هاشم ..
مودتى ليك ولى هاشم والمتداخلين الحلوين....
البوست ده نهايتو البطل بموت ..حسب خبرتى المتواضعة ..الله يستر من الخيانة الفى الفيلم ده..
إسماعيل محمد احمد عباس.......
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: ismeil abbas)
|
Quote: تتخيلى يا منى كلامك صحى الدمعة دى من قطرة..لآن طعمها ما مالح...
ما تقولى لى ضقتها كيف...إحساس..يس..
وكيفك يامنى ..وصحتك..وإشتقنا ليك بجد....يعنى إلا نشرك ليك بى بوستات هاشم ..
مودتى ليك ولى هاشم والمتداخلين الحلوين....
البوست ده نهايتو البطل بموت ..حسب خبرتى المتواضعة ..الله يستر من الخيانة الفى الفيلم ده..
إسماعيل محمد احمد عباس....... |
شوفت كيف اسماعيل الجرسه باقيه والدمعه المزيفه نازله؟ وطبعا البطل هايموت..لكن هايموت في نظر زول معين..
ويبقي السؤال باتو بطل فيهم الماشي يموت؟ علما بأن أي قصة تنيحه شديده بتكون بين بطلين سريعا ما يبطل مفعلهما..
يللا شد حيلك في التفكير وخلي للرب التدبير
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: هاشم أحمد خلف الله)
|
عبدالأله زمراوي
.
تاريخ التسجيل: 22-05-2003 مجموع المشاركات: 1304 Re: لـو دايـر تـسـيـبـنـا ... جــرب وانـتـا ســـيــدنـا (Re: ismeil abbas)
بالله يا هاشم سؤال:
كل الناس ديل بريدوك؟؟؟
عيني باردة صلاة النبي! بالجد كل الناس بتريدوا وفى ناس بتحبوا وناس بتعزوا.....
لآنو قليوا رهيف وما بحمل على الهبباى فى عز الصيف..
مودتى أخوى زمراوى..
إسماعيل محمد احمد عباس..............
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: ابوبكر يوسف إبراهيم)
|
Quote: الحبيب هاشم
سلامٌ على روحك الطيبة
سلام على هذا الإهداء الذي يروي عطش النفوس .. صوت شجي وكلمات زاخرة بالشجن.. والله لا جاب يوم فرقة.. أحرضك على ما ساقه الطيب شيقوق فابحث في كنوز أميرة البادية وملكة شعره .. تحياتي لك وللطيب الطيب وللأميرة بنت الكرام الأكرمين.
|
حبيب الكل دكتور ابوبكر تجدنا دائماً حاضرين لكل طلباتكم .
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: هاشم أحمد خلف الله)
|
والله ياهاشم ياخوى انا كنت خايف من البوست دا وقاعد ازوزى بى جنبو، وماكنت عاوز ادخلو .. والسبب انى كنت بساهر يومياً مع الاغنية دى لشهور طويلة ، وكانت بتتعبنى جداً.. فالذاكرة مازالت ندية بالجروح ، لكن اسوى شنو .. اتوكلت على الحى القيوم ودخلت. وزيماقالو (موت الجماعة ، عرس).. اها ياخوى البمرقنى شنو من هنا!! انا فرشت !! ... لو حنيت لقربى أو جافيت مزارى او فارقت دربى ، هواك فى دماى جارى
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: bushra suleiman)
|
هاشم الحبيب خذ من المجانين العجب حين يعجبون ويطربون.. هذا ما جنته يداك!! .. شكراً لروعة الإختيار ورحم الله إبراهيم عوض الغائب الحاضر، الغائب بجسده الحاضر بروحه ورائعاته:
ابراهيم عوض: العصفور على الشجرة. وهو على خط الاستواء يتقلى من شدّة الدفء القادم من صوتك في الهمس والتجلي.
في مجرى هذا اللحن أرمي بمراكبي الإفتراضية وأذهب غريقاً كنحلة
وأنا أستمع لهذا الصوت أكون حالماً أعيش حالة من الخدر الرومانسي، عند سماعي ، حتى أحلامي قد تستغرق في النوم فيما أنا بلا نوم أعيشه!!
كلّ الليالي.. وثمة ليلةٌ لم تلدها المصابيحُ بعد عندما تحلق مع هكذا لحن في جوف السحر والناس نيام وأنت تناجي الأنجم. ( ناموا الناس خلوني والأنجم ما نسوني)!!
القمرُ بخارُ عطركِ، هذه الكلمات.. تزرعُ الأوجَ في الأعشاش. (قطارو اتحرك شوية شوية من بعيد بإيدو شفتو لوّح ليّ)
إن المغني أوالشاعر:
كلانا في قارب الحب ، ونتشرد في بحر الحبر لنسطر مشاعرنا بعدها تغنى لتكتب الذكريات (غاية الآمال)!!!!
تقديري وامتناني
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: ابوبكر يوسف إبراهيم)
|
Quote: هاشم الحبيب خذ من المجانين العجب حين يعجبون ويطربون.. هذا ما جنته يداك!! .. شكراً لروعة الإختيار ورحم الله إبراهيم عوض الغائب الحاضر، الغائب بجسده الحاضر بروحه ورائعاته:
ابراهيم عوض: العصفور على الشجرة. وهو على خط الاستواء يتقلى من شدّة الدفء القادم من صوتك في الهمس والتجلي.
في مجرى هذا اللحن أرمي بمراكبي الإفتراضية وأذهب غريقاً كنحلة
وأنا أستمع لهذا الصوت أكون حالماً أعيش حالة من الخدر الرومانسي، عند سماعي ، حتى أحلامي قد تستغرق في النوم فيما أنا بلا نوم أعيشه!!
كلّ الليالي.. وثمة ليلةٌ لم تلدها المصابيحُ بعد عندما تحلق مع هكذا لحن في جوف السحر والناس نيام وأنت تناجي الأنجم. ( ناموا الناس خلوني والأنجم ما نسوني)!!
القمرُ بخارُ عطركِ، هذه الكلمات.. تزرعُ الأوجَ في الأعشاش. (قطارو اتحرك شوية شوية من بعيد بإيدو شفتو لوّح ليّ)
إن المغني أوالشاعر:
كلانا في قارب الحب ، ونتشرد في بحر الحبر لنسطر مشاعرنا بعدها تغنى لتكتب الذكريات (غاية الآمال)!!!!
تقديري وامتناني |
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: bushra suleiman)
|
Quote: والله ياهاشم ياخوى انا كنت خايف من البوست دا وقاعد ازوزى بى جنبو، وماكنت عاوز ادخلو .. والسبب انى كنت بساهر يومياً مع الاغنية دى لشهور طويلة ، وكانت بتتعبنى جداً.. فالذاكرة مازالت ندية بالجروح ، لكن اسوى شنو .. اتوكلت على الحى القيوم ودخلت. وزيماقالو (موت الجماعة ، عرس).. اها ياخوى البمرقنى شنو من هنا!! انا فرشت !! ... لو حنيت لقربى أو جافيت مزارى او فارقت دربى ، هواك فى دماى جارى |
والله يا بشري اخوي انا زاتي ما عارف اتفكا من البوست ده ظاتو ياخي مني خوجلي وإسماعيل عباس فتروني عديل كده وبعدين ولا يهمك ياخوي افرش ونوم كمان الظاهر الرحلة دي طويلة .....
تخريمة :-
يا مني خوجلي عليك الله بطلتي حركاتك دي والبوست ده في ناس قوم ليها نفسها اما انا والله العظيم عايز لي عنبر عديل كده / المعذرة اخي بشري لهذه التخريمة الظاهر عليها كانت لفة جامدة .
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: omer abdelsalam)
|
الجميل والرائع الاخ هشومي
الفنان إبراهيم عوض هو ظاهرة فريدة فى عالم الاغنية السودانية وقد شكل ظهوره فى العام 1953م حدثاً مهماً فى الساحة الفنية إذ تزامن ظهوره مع إتفاقية الحكم الذاتى ، واستطاع أن يعبّر عن هذه المرحلة بذكاء فقدم أغنية (أبسمى ياأيامى ) للشاعر عبد الرحمن الريح والتى عبرت عن الزمان الجديد ، وأصبح بالتالى أبراهيم عوض هو صوت الزمان الجديد ، ووأصل مشواره الفنى بنفس الذكاء والحدس الذى بدأ به مسيرتة فغنى للفرح ، وغنى للحزن ، وغنى للوطن .. وأستطاع أن يكون فناناً للشيب والشباب على السواء بفضل أغنياته التى تلائم كل الأذواق . بهذه الكلمات إبتدر المؤلفان الدكتور عبد اللطيف البونى ، والأستاذ طارق شريفالناقد الفنى كتابهما المشترك عن الفنان إبراهيم عوض ، والذى دفعا به الى المكتبة السودانية مضيقين توثيقاً جديداً لسيرة الفنانين السودانيين . والكتاب الذى حمل عنوان ( أبراهيم عوض ? خمسون عاماً من الغناء العذب ) يرصد بشئ من الدقة مسيرة فنان أثرى مسيرة الأغنية السودانية ، وجاء ميلاده فى مدينة أم درمان التى خرج منها الى العالم الفسيح ، والى منصة الأحداث .. ولم ينس الكتاب فى بحثه الأصول والجذور والمكونات التى شكلت مسيرة ذلك الفنان ، ومجموعة شعرائه الذين ذودوه بالمفردات الشعرية الأنيقة أمثال الشاعر عبد الرحمن الريح ، وسيف الدين الدسوقى ، والطاهر ابراهيم ، ولم يتجاوز الكتاب أسماء شكلت مسيرة اللحن ، والغناء العذب ، التى شكلتها مجموعة أخرى من الشعراء الذين مدّوا جسور التواصل مع ابراهيم عوض . كما قدّم الكتاب شهادات للتاريخ بأقلا كوكبة من مبدعى السودان الأفذاذ حيث كتب الإعلامى الكبير ذوالنون بشرى مقالة بعنوان ( ابراهيم عوض نصف قرن من الإبداع ) ولم يغب التحليل الفنى إذ سطر الدكتور الماحى سليمان ، وأنس العاقب تحليلاً نقدياً عن أغنياته فى دليل على جودة ماقدمه من إبداع غنائى ، مشيرين الى أن ابراهيم عوض كان سفيراً الفن السودانى . وفى قصة ابراهيم عوض نموذج للفنان العصامى الذى نشأ فى أسرة متوسطة الحال ، وكان والده يتمنى أن يراه صاحب ورشة كبيرة ، وكثيراً ماكان يحدثه عن مستقبل الصناعة فى السودان ويروى له قصصاً كثيرة عن ثراء أصحاب الورش . ولكن ابراهيم عوض كان حلمه يتجه الى المجد والشهرة فى دنيا الغناء والطرب . ألحقه والده بالعمل فى ورشة الأسطى ناصر بشير ، وتعلم على يديه مهنة البرادة ، وكان الأسطى ناصر يترك له حرية الحضور والإنصراف من الورشة . أخذ ابراهيم عوض فى تلك الفترة يداوم على الإستماع لأغنيات الفنانيين أحمد\ المصطفى ، وابراهيم الكاشف ، وحسن عطية من خلال الإذاعة ، فكان يهرب من العمل ويسرع الى أقرب راديو ليستمع الى هؤلاء الفنانيين ، وحفظ مجموعة من هذه الأغانى وأخذ يرددها فى مكان عمله ، وساعده ضجيج الماكينات على تربية صوته وصقله وتدريب حنجرته على الأداء القوى . وعندما شعر بأن الفن يجرى فعلاً فى دمه قرر الإشتغال بالفن وشجعه المحيطون به ، وفى هذه الفترة إشترى عوداً بمبلغ (75) قرشاً وأخفاه فى منزله خوفاً من أن يراه والده ، وتعرف على شاب يقطن معه فى نفس الحى يدعى على سالم علمه أصول العزف على العود ، وأخذ يصحبه فى الحفلات ومنازل الأفراح يعزف له العود وإبراهيم يغنى . وساعده على الإنطلاق سكنه فى حى العرب الذى كان يعجّ بالنجوم فى مختلف ضروب الإبداع ، فقد كان الحى يضم أساطين الفن أمثال سيد عبد العزيز ? عبد الرحمن الريح ? عبيد عبد الرحمن ? على ابو الجود ? ميرغنى المأمون ? احمد حسن جمعة ? التاج مصطفى ? والجابرى وغيرهم .. يرجع الفضل الأول فى دخول الإذاعة السودانية الى الشاعر الكبير عبد الرحمن الريح الذى شجعه ورعاه ، وألف ثلاثة أغنيات دفعة واحدة وكانت من ألحانه . فى العام 1953م خضع لإختبار اللجنة الممتحنة لدخول الإذاعة وغنى ابراهيم عوض أغنياته الثلاث لتجيز اللجنة صوته ضمن فنانيين أخرين هما سيد خليفة ، وصلاح محمد عيسى لتبدأ مسيرته الحقيقية .. وحرك بعدها ابراهيم عوض الساحة الفنية بأغنيات من إنتاجه الخاص ، فألتف حوله الشباب ، وأصبح ظاهرة فنية جديدة من خلال غنائة ، وزيه الذى كان منتهى الأناقة ، وتسريحة شعره ، وسنّ الذهب التى كان يضعها على أسنانه . وأطلقت عليه الصحافة لقب الفنان الذرى لسرعة إنتشاره التى لم يستطع أى فنان ان يجاريها فيه . وأدخل نمطاً جديداً على الأغنية السودانية حيث كان النمط السائد حينها الأغنية الكبيرة المصحوبة فى نهايتها بأغنية خفيفة تسمى ( الكسرة ) ولكن رأى البعض ان يتم الفصل بين الأغنية الخفيفة لتصير أغنية قائمة بذاتها ليلقى هذا الإتجاه معارضة شديدة ، ولكنه أصبح واقعاً فى النهاية ، ليجئ دور ابراهيم عوض بأغانيه الخفيفة التى سرت فى كل إتجاه ونموذجاً لها ( أبيت الناس ) و(حبيبى جننى ) و ( لوبعدى برضيه ) لتصبح الأغنية الخفيفة نقطة تحول فى مسيرة ابراهيم عوض الغنائية ليرددها الشعب السودانى بأسره . وظل بعدها ابراهيم عوض حريصاً على التجديد والتجويد فى كل شئ وخاصة فى الألحان ، والآلات الموسيقية الحديثة المتطورة على الأوركسترا السودانية ، ويعتبر من أوائل الفنانين الذين أدخلوا آلة (البنقز ) فى فرقته الموسيقية على يد الموسيقار خميس جوهر الذى درس الموسيقى فى القاهرة . كما ادخل ابراهيم عوض آلة الاكورديون عبر الموسيقار عبد اللطيف خضر ، وهوجم ابراهيم عوض وأتهمته الصحافة بانه يريد أن يحول الأغنية السودانية الى أغنية جاز ، لكنه صمد حتى النهاية بل وتواصل تحديثه بإدخال آلتى الجيتار والأورغ . وسافر ابراهيم عوض الى القاهرة فى اول زيارة له ليشارك فى فيلم ( إسماعيل يس طرزان ) وذلك بأغنية ( إظهر وبان عليك الأمان ) ، وفى عام 1958 م الف له الشاعر الغنائى المصرى فتحى قورة أغنية بعنوان ( على موج البحر ) وأرادت إذاعة ركن السودان غنتاج هذه الأغنية لتكون نواة للتكامل الفنى لوادى النيل ، وتصادف وجود ابراهيم عوض بالقاهرة فتحمس للأغنية ورشحوا له الفنانة سعاد مكاوى لتصاحبه بالغناء ، وأسند تلحين الأغنية للموسيقار الملحن محمود الشريف الذى صاغ لها لحناً جميلاً معبراً ن وهكذا كانت هذه أول أغنية تكامل بين السودان ومصر والتى فتحت الباب لعشرات الأغانى المشتركة بعد ذلك . شارك ابراهيم عوض باغنياته فى كل الأحداث الوطنية التى مرت على السودان ن ولعل أغنيته الشهيرة من كلمات الشاعر سيف الدين الدسوقى من أخلد الأغنيات التى تغنت بها الأجيال وهى أغنية ( احب مكان .. وطنى السودان ) . إن القارئ لكتاب ابراهيم عوض ? خمسون عاماً من الغناء العذب يشعر بعد الفراغ من قراءته ان الفنان ابراهيم عوض إستطاع أن يكون عنواناً مشرقاً للفن ، ومرآة عكست وجهاً ناصع البياض للوطن .
لك حبي
شيقوق
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: omer abdelsalam)
|
Quote: Quote: البوست دة يقوم نفس الواحد
اخوي / هاشم كلام طارق ده صاح تخيل انا وأخوي الكاشف ، عادل جبارة جاكين علشان نحصل الشباب ..لكن أنا وصلت بصعوبة ...ولكن الكاشف باين حايصل بكرة |
عمر عبدالسلام كل سنة وانت طيب يا اخي وحمداً لله علي سلامتك طولت الغيبة والله !! الظاهر يا عمر اخوي عامل السن آثارو بدت تظهر ؟؟ والأحسن بدل الجكة دي امشي بي ؟ ولا كيف ؟
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: salma subhi)
|
Quote: البوست ده ولا داك يا عدولي؟
يا سلام عليك يا عبدالدائم انت قطعا من ابناء يعقوب اسمع كلام عادل ده..شوف نحن أربعه كده ظهروا منهم تلاته في البوست ده فاهمين ودافننو سوا موش يا عدولي وكان ما ممصدق أسال هشومي وكان قال ليك لآ..جيب اضانك أوريك
والعايز يبكي ويتنح يجي بوستاتنا للتنيح.. |
منوية !! كيف حالك .. والله أنا غايتو مستغرب الرابع ده عامل طناش لحدي الآن ليه ؟ ياربي الحكاية بقت جد جد والله شنو ؟
منى خوجلي .. أحسن أنا أبعد لأنو هشومي ذاتو ممكن بعد شوية يسيبنا .. بفعل فاعل طبعا !!
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: عادل جبارة)
|
Quote: تخيل انا وأخوي الكاشف ، عادل جبارة جاكين علشان نحصل الشباب ..لكن أنا وصلت بصعوبة ...ولكن الكاشف باين حايصل بكرة |
الجنرال عمر ياخوي أنا بقى إسمي ( عدولي ) .. شوف ليك واحد تاني يجك معاك يا عم عمر .. بس دا ما موضوعنا هسه .. الموضوع الأهم ( البكاء ) الفتحوا لينا أخونا الكبير هاشم خلف الله .. رأيك شنو في بكاء هاشم !!!
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: هاشم أحمد خلف الله)
|
عنوان بيت البكا اهداء الى كل البكايات والباكيين والمكسرات والمكسرين والشمشاراى والشمشارين ولكل العابرين الذين نرى اثار مرورهم الذى تجاوز الالف واهدا خاص الى كبير البكايين هاشم والى كل من تكرر مروره واهداء خاص جدا الى من اعترف بانضمامة المبكر جدا ولكن من خلف ستار الى لم يعد للصبر عنده مكان والى زول انا بعرفو براى وبعض من غاب ولكنى اتوقع حضورهم واخير الى الجميع
| |
|
|
|
|
|
|
Re: لـو دايـر تـسـيـبـنـا ... جــرب وانـتـا ســـيــدنـا (Re: ماجدة عوض خوجلى)
|
Quote: عنوان بيت البكا اهداء الى كل البكايات والباكيين والمكسرات والمكسرين والشمشاراى والشمشارين ولكل العابرين الذين نرى اثار مرورهم الذى تجاوز الالف واهدا خاص الى كبير البكايين هاشم والى كل من تكرر مروره واهداء خاص جدا الى من اعترف بانضمامة المبكر جدا ولكن من خلف ستار الى لم يعد للصبر عنده مكان والى زول انا بعرفو براى وبعض من غاب ولكنى اتوقع حضورهم واخير الى الجميع |
ماجدة آهـ آهـ آهـ لكن ما بتبالغي عديل كده , هسع انا قلتا عادل جبارة ده ما حاارد علي مداخلتو عشان عايز ارفع الفراش تجي انتي بكل بساطة تفتقي لينا الجرح اللي ما عاوز يندمل لحد الأن !!! أحييييييييييي انا منك يا ماجدة أتاريك لابتا لينا ونحنا واقعين كسير ساكت الله يسامحك اكان كده يا بشري سليمان ياخوي جدد نزولك في البوست ده
| |
|
|
|
|
|
|
|