|
|
|
 Re: الـلـوتـري 2009 .. مـرحـبا بالجـمـيع. (Re: ناذر محمد الخليفة)
|
هـلا وغـلا... ابو النيز بجـايي.. اكاد لا اصـدع
تعرف يا ابو النيز الواحـد نفسـو تكـون معانا بجـاي
جـد والله بورداب الخرطـوم ديل بقينا نغير منهم عـدييييل كدا
فيا ابا النـيز اجـدعنا بصورة في الايميل مشفوعة بكامل البيانات
واخوك بجـاي تب ما بقصـر .... اها شــن قــولك يالبشـير  
| |
 
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: الخير محمد عوض)
|
سلامات يا الخير
أرجو الإفادة أولاً هل لو قدمت بإعتباري عازب ووقعت
لي القرعة ممكن أغير الماريتال ستيتس بتاعتي لأني
أنا وزوجتي فينا واحد كاجي التاني يعني عايزين نقدم
أي زول براهو في طلب منفصل كما أرجو إرسال إيميلك
عشان نقدر نرسل الصور والبيانات ..
ولك الشكر مقدماً
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: بكري اسماعيل)
|
الاخ بكري
سلامات
Quote: أرجو الإفادة أولاً هل لو قدمت بإعتباري عازب ووقعت
لي القرعة ممكن أغير الماريتال ستيتس بتاعتي لأني
أنا وزوجتي فينا واحد كاجي التاني يعني عايزين نقدم
أي زول براهو في طلب منفصل |
مـافي كج يا عمـنا... انت بس بتكون ما بتجـر السبحـة صاح 
لا انصحك بفعل ذلك لانه يذيد التعقيد وربما احتمال رفض المتقدم في حال
فوزه...ودي لو حصلت بكون دا الكج الصحي صحي... يعني تفوز وما يدوك فيزا
فيا عمي انسى الفكرة وقدم عادي طلب لزوجتك وانت معاها وطلب ليك وهي معاك
وهي برضو فرصتين....دعواتي لك اخي الكريم وكل الامنيات.
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: الخير محمد عوض)
|
نحن فوزنا بالررروتري السنة دي ورسلنا الورق لمركز التأشيرات في كنتاكي شهر 6 ولحدي هسع ما جانا رد ولا خطابات فيما يتعلق بتحديد موعد للمعاينة والفحص الطبي والتفاصيل التانية دي... هل لنا أن نتصل ونتابع ولا غير مسموح وحيضربونا لو اتصلنا؟ الرررروتري بتاع 2008 أوكي. يرجى الإفادة وجزاك الله خير
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: Ammir Mohamed)
|
الاخ ammir
| Quote: نحن فوزنا بالررروتري السنة دي ورسلنا الورق لمركز التأشيرات في كنتاكي شهر 6 ولحدي هسع ما جانا رد ولا خطابات فيما يتعلق بتحديد موعد للمعاينة والفحص الطبي والتفاصيل التانية دي... هل لنا أن نتصل ونتابع ولا غير مسموح وحيضربونا لو اتصلنا؟ الرررروتري بتاع 2008 أوكي. يرجى الإفادة وجزاك الله خير |
ورد نفس سؤالك هذا وقد قام الاخ ناصر بالرد عليه..احيلك لرد الاخ ناصر
موسي وستجد به المعلومة الكافية في هـذا الامر...تقبل احترامي.
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: الخير محمد عوض)
|
شكراQuote: الاخ الخير
راعي البوست بعد الاذن نرد على الرجل ده حسب علمي البسيط في هذه الجذئية .
فعلا الكيس نمبر مهم جدا ومرات كتير بدي صاحبو الافضلية خاصة لمن الرقم يكون صغير بتكون فرصة الشخص اكبر لتكمل اجراءاته وقبل ثلاثة سنوات كان اخر رقم بدخل المعاينات لا يتجاوز كم وثلاثين الف واكثر من ذلك لا نصيب لهم حتى في المعاينات يعني نظام الكت نمبر ( cut Nomber )
ولكن في الثلاثة سنوات الاخيرة بقى لمن يجي شهر تمانية وتسعة بيتعاملو عن طريق الكرينت نمبر( current Nomber ) يعني الجاهز ممكن يكون عندو فرصة للمعاينة بغض النظر عن كم رقمو
|
بس الأخ ناصر ما جاوب على سؤالي فأنا لا اسأل عن فرصتي في الحصول على التأشيرة
السؤال!!:
هل هنالك وسيلة محددة لمتابعة الحالة يعني هل يمكننا الاتصال لنسأل عن وضع "الكيس" بتاعنا ولا ما مسموح بذلك؟
الإجابة:
....................................ز
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: الخير محمد عوض)
|
الأخ الخير
معليش راجع الإيميل تاني
لأنو أسمي ( خالد عبد الله محمود على )
يعني بالترتيب الجديد حيبقي:
على خالد عبد الله محمود
بعدين مافي محمد من الاساس جدي أسموا محمود مش محمد ( طبعاً دي مشكلتي الأزلية في كل أوراقي الثبوتية )
معليش نتعبك شوية
خالد
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: صلاح الفكي)
|
عشرة ايام ولياليها ويتنهي الامـر
ارجو ان ينتبه الاخوة المتقدمين لحقيقة ان سيرفر مكتب الهـجرة
بكون عليهو ضغط شديد في الايام الاخيرة (مثل هـذه الايام)...فيجب
علي المتقدم ان يصبر قليلا بعد ان يضغط علي زر الارسال حتي تاتيه
نتيجة استلام الفورم فكثير من الناس وبدافع الاستعجال يضغطون علي
زر الارسال اكثر من مرة وهذا يعني انهم قدمو مرتين ويكونون بسبب
الضغطة الثانية هذه قد اضاعوا علي انفسهم فرصة التقديم لهـذا العام
عليه نرجو الانتباه جيدا لهذه النقطة.
ودي.
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: محمد الكاب)
|
اخي محمـد الكاب
سلامـات
بالنسبة لسؤالك:
| Quote: في اي يوم من الايام يتم الاعلان النتيجة؟ |
لم تحدد ادارة الهجرة الامريكية يوما بعينه لاعلان النتيجة ولكنهم يعلنون عنها
في شكل دفعات ابتداءا من شهر مايو 2008 واليك التفاصيل:
| Quote: سيجري الإعلان عن نتائج قرعة هذا العام، في شهري ماي ويونيو ويوليوز من العام المقبل، مبرزة أن الدائرة المختصة في الهجرة، تقوم بإرسال رسائل بريدية خلال الأشهر المذكورة للفائزين، وبعدها تصدر تأشيرات »الجرين كارد« لمستحقيها، بعد إكمال الإجراءات، اعتبارا من الأول من أكتوبر العام المقبل، وحتى الثلاثين من شتنبر 2009 |
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: الخير محمد عوض)
|
سلامات يا سيف النصر ...
| Quote: ليك مده ما بنتا**** يا ناذر وين انتا |
أنا فاكرك معايا وإنت مع المظاهر 
يا الخير ..
عندي سؤال مهم جدا ..
لو فرضنا الزول جاهو اللوتري هل هو بيختار أي ولاية يمشي ليها ولا مفروض يمشي ولاية معينة عشان يخلص منها إجراءاتو ؟!!
الحاجة التانية ...
إذا ما وصلت أمريكا ... واجبات وزارة الهجرة تجاهي شنو ؟!! هل حا تقدم لي أي معينات زي السكن أو البحث عن وظيفة وكدة ! ولا حا أكون ملطوع في الشارع ولافي ساكت لحدي ما ربنا يفرجا ؟!!
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: بكري اسماعيل)
|
كيفك يا بكري ...
والله دينق دا صحبي وكان وصلت أصلو ما بيقصر معاي حتى بالإمارة رسل لي قبل كم يوم إيميل كتب لي فيهو (إنت بس تعال أمريكا عشان أوريك الشي الما بتعرفو) !!
وأنا طوالي جات في راسي إنو داير يوريني مدينة ديزني لاند لأني فعلا ما بعرفا والله أعلم ..
غايتو النشوفو حا يوريني شنو في أمريكا وأنا ما عندي مانع أصلو
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: ناذر محمد الخليفة)
|
ابو النيز
سلامات
| Quote: لو فرضنا الزول جاهو اللوتري هل هو بيختار أي ولاية يمشي ليها ولا مفروض يمشي ولاية معينة عشان يخلص منها إجراءاتو ؟!! |
من حق الفائز ان يقيم باي ولاية يرغب الاقامة بها وله كامل الحرية في التنقل بين الولايات الامريكية
| Quote: إذا ما وصلت أمريكا ... واجبات وزارة الهجرة تجاهي شنو ؟!! هل حا تقدم لي أي معينات زي السكن أو البحث عن وظيفة وكدة ! ولا حا أكون ملطوع في الشارع ولافي ساكت لحدي ما ربنا يفرجا ؟!! |
ادارة الهجرة لا تقدم للفائز حين وصوله لامريكا اي مساعدات مالية اوسكن او توفير عمل...بعد ظهور
نتيجة القرعة السفارة التي ستجري معاينة القبول مع الفائز بتطلب منو انو يجيب حاجة اسمها
affidavid of support ودي شهادة بتاعة ضمان مالي بيعملها ليك زول في الغالب بيكون مقيم بامريكا
( ودي من اسي يا ابو النيز علي انا بس لما تجي هنا الحساب ولد
لك وللجميع اطيب الامنيات
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: الخير محمد عوض)
|
جدا يا الخير .....
Quote: بتطلب منو انو يجيب حاجة اسمها
affidavid of support ودي شهادة بتاعة ضمان مالي بيعملها ليك زول في الغالب بيكون مقيم بامريكا
( ودي من اسي يا ابو النيز علي انا بس لما تجي هنا الحساب ولد |
يعني إنت من هسي حا تتكفل بي إقامتي و شغلي ومصاريفي ؟!!!!
تشكر يا حبيب والحساب ولد
صنفرة :
حتى لو دينق قصدو الفسرتو برضي ما عندي ما نع !!
إحتمال يعيني في السي أي أيه أو ال إف بي أي أو حتى في الـ W W F !!
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: Zain alAbdin El idrissi)
|
Quote: الأخ الخير أولا نشكرك جزيل الشكر على إهتمامك بمساعدة من يريد التقديم
قمت بإرسال بياناتي مع الصورة عن طريق الإيميل بتاعك وفي إنتظار ردك لو في أي ملاحظات أو تعديلات |
اخي زين العابدين
تحياتي
قمت لتوي بمعاينة الصورة وهي صورة جيدة فقط قمت بتعديل مقاساتها وفقا لمتطلبات
التقديم وكما قمت ايضا بالتقديم لك في لوتري هـذا العام...امنياتي لك بحظ وافر
كما وارسلت لك (اتاشمنت) لرسالة استلام طلبك.
ودي.
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: الخير محمد عوض)
|
...
تضامنا مع الرجل الخير ( الخير )
أنا على إستعداد لتعديل وتصصيح الصورة لتكون مطابقة
للمواصفات المطلوبة ..
مع مراعاة حجم إنشغالي الكبير وسأحاول جل وسعي
القيام بذلك ما أستطعت ..
يمكن إرسال الصور الى العنوان التالي
[email protected]
علما بأنني سأرفع الصور بعد التعديل الى
هذا البوست لصعوبة تاتقصي لمعرفة أصحابها
كما أنني سأزيلها بعد تلقى إخطار بأخذها
أعاننا الله على إعانتكم
وشكرنا الجزيل للأخ الخير
مع عاطر الود
..
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: صلاح شكوكو)
|
Quote: أنا على إستعداد لتعديل وتصصيح الصورة لتكون مطابقة
للمواصفات المطلوبة ..
مع مراعاة حجم إنشغالي الكبير وسأحاول جل وسعي
القيام بذلك ما أستطعت .. |
تسلم كتير يا صلاح
فعلا احتاج ليد العون في هذا الامر.... كثرت علي صور الاخوة والاخوات
المتقدمين وخصوصا في هذين الاسبوعين الاخيرين غايتو انا بعمل البقدرو
وبرسل ليك انت كمان تجهز لي بعض الصور وربنا يعيننا ونقدر نساعد كل
من يحتاج المساعدة للتقديم لهذا العام....لك ودي يا اصيل.
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: الخير محمد عوض)
|
أخونا الخير...
ياخ انا أصلو ما حصل إختبرت حظي ده لا في مسابقة لا في لوتري ..
أها دحين جاتني الفرصة فعشان كده حقو أقدم ليك اوراقي دي وإنت ترسلا والنشوف حظي معاك حا يكون كيف..
انا غايتو عايز اللوتري عشان الكاتشب والمايونيز وعشان أشيل لي مسجل كبيير واكون لابس برمودة ..
اها أرسل إسمي والصور بس ولا معاهو حاجة تانية؟
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: عمر الفاروق)
|
Quote: ياخ انا أصلو ما حصل إختبرت حظي ده لا في مسابقة لا في لوتري ..
أها دحين جاتني الفرصة فعشان كده حقو أقدم ليك اوراقي دي وإنت ترسلا والنشوف حظي معاك حا يكون كيف..
انا غايتو عايز اللوتري عشان الكاتشب والمايونيز وعشان أشيل لي مسجل كبيير واكون لابس برمودة ..
اها أرسل إسمي والصور بس ولا معاهو حاجة تانية؟ |
يا عمر وما تنسى التاتو...لازم تاتو( بس قد الاضنين ما معانا طبعا) اها وشورتات يا عمك في الصيف
وتكون متحاوم نظام بتفسح في الكلب وكـدا واهم حاجة النظارات السودا البعد الضلام... ..قشرة
في شكل ضباب ..لووووووووووووووووووووووووووول...المهم...نكون جادين شوية...تمشي من دربك دا وتسويلك
صورة وطوالي تعمل ليها اسكانر وترسلا لي علي الايميل بتاعي الخاتيهو هنا دا...الصورة لازم تكون مجهبظة و(فخيمة)...بنفس مواصفات الصور الختيناها هنا كنماذج للصور الصحيحة...كببببببب انتهينا
من الصورة....تقوم في نفس الايميل البترسل لي فيهو الصورة ترسل لي فيهو بياناتك الاسم الاول والتاني
واسم العائلة (الجـد) وتراريخ الميلاد اليوم الشهر السنة المدينة الاتولدت فيها المؤهل الاكاديمي
والبلد التي تقيم بها الان ولازم برضو ترسل لي بيانات الاسرة وصورهم عشان يكون عندك فرصتين واحدة ليك
وزوجتك معاك والتانية لزوجتك وانت معاها...المهم يا عمك انا جد جادي وحا اكون منتظر ردك علي ايميلي.
لك ودي اطنانا ووحدانا
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: الخير محمد عوض)
|
الاخ الخير لك التحية والود
عزيزي اجد صعوبة في الحصول على صور جديدة بالاضافة لضيق الوقت فارجو لو سمحت ظروفك ان تقوم بسمكرة ما يمكن سمكرته والباقي على الله
والله لايضيع اجر من احسن عملا
ملاحظة
دائما ابحث عن الرابط ولا اجده
ارجو من الاخوة جعل هذا الرابط في الاعلى خاصة هذه الايام القلائل من التصويت
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: Badreldin)
|
| Quote: عزيزي اجد صعوبة في الحصول على صور جديدة بالاضافة لضيق الوقت فارجو لو سمحت ظروفك ان تقوم بسمكرة ما يمكن سمكرته والباقي على الله |
الاخ العزيز بدر الدين
يا اخي يبدو رغم اجتهادي في اصلاح هذه الصور الا انها غير مطابقة لكتير جدا من شروط
التقديم ولعلمي التام بانه سوف لن يتم قبولها اطلاقا لم اتوفق في التقديم لك
فانا لا استطيع ان اتيك بحقيقة غير هذه للاسف...ولو راجعت متطلبات الصورة الجيدة والتي
وضعت لها نماذج هنا سوف تتاكد من ما قلته لك. ولكن وعدي لك ما زال قائما ان قمت بارسال صورة صحيحة حتى قبل مواعيد اغلاق باب التقديم بنصف ساعة ساحاول.لك خالص الامنيات.
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: صلاح شكوكو)
|
تحياتي لكم جميعا
من الواضح ان في استلامي او ارسالي لبعض الردود او الرسائل ان هنالك مشكلة في عدم
التمكن من قراءة الرسائل المكتوبة باللغة العربية (تبدو كلغة اللاوندي) وقد
اشرت لذلك في احدى المداخلات هنا. يبدو انني قد تفيرست اجاركم المولى
* الاخ انس حسن ارسلت لك رسالة في ايميلك تفيد باني قد قدمت لك وارسلت لك
ايضا صورة من خطاب قبول التقديم .... راجع ايميلك.
* الاخ معاوية الطيب ارسلت لك رسالة في ايميلك تفيد باني قد قدمت لك وارسلت لك
ايضا صورة من خطاب قبول التقديم .... راجع ايميلك
* الاخ عبد الرحمن حسن موسى ارسلت لك رسالة في ايميلك تفيد باني قد قدمت لك وارسلت لك
ايضا صورة من خطاب قبول التقديم .... راجع ايميلك
*الاخ حامد برقو ارسلت لك رسالة في ايميلك تفيد باني قد قدمت لك وارسلت لك
ايضا صورة من خطاب قبول التقديم .... راجع ايميلك
*الاخ محمد ادم الامين (ايمو) ارسلت لك رسالة في ايميلك تفيد بان الصورة التي قمت بارسالها
لي غير مطابقة للمواصفات المطلوبة ( ترتدي ابيض ولون الخلفية ابيض ايضا).. راجع ايميلك
*الاخ WOW ارسلت لك رسالة تفيد باني قد قدمت لموسى
خالص الامنيات للجميع
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: الخير محمد عوض)
|
Quote: تحياتي لكم جميعا
من الواضح ان في استلامي او ارسالي لبعض الردود او الرسائل ان هنالك مشكلة في عدم
التمكن من قراءة الرسائل المكتوبة باللغة العربية (تبدو كلغة اللاوندي) وقد
اشرت لذلك في احدى المداخلات هنا. يبدو انني قد تفيرست اجاركم المولى
* الاخ انس حسن ارسلت لك رسالة في ايميلك تفيد باني قد قدمت لك وارسلت لك
ايضا صورة من خطاب قبول التقديم .... راجع ايميلك.
* الاخ معاوية الطيب ارسلت لك رسالة في ايميلك تفيد باني قد قدمت لك وارسلت لك
ايضا صورة من خطاب قبول التقديم .... راجع ايميلك
* الاخ عبد الرحمن حسن موسى ارسلت لك رسالة في ايميلك تفيد باني قد قدمت لك وارسلت لك
ايضا صورة من خطاب قبول التقديم .... راجع ايميلك
*الاخ حامد برقو ارسلت لك رسالة في ايميلك تفيد باني قد قدمت لك وارسلت لك
ايضا صورة من خطاب قبول التقديم .... راجع ايميلك
*الاخ محمد ادم الامين (ايمو) ارسلت لك رسالة في ايميلك تفيد بان الصورة التي قمت بارسالها
لي غير مطابقة للمواصفات المطلوبة ( ترتدي ابيض ولون الخلفية ابيض ايضا).. راجع ايميلك
*الاخ WOW ارسلت لك رسالة تفيد باني قد قدمت لموسى
خالص الامنيات للجميع |
ياه يالخير
الله يديك العافية
على كل هذا المجهود الضخم
واقتصاص الكثير من زمنك الغالي
وحسن تعاملك ورغبتك الصادقة في مساعدة الجميع
راجع ايميلك
واود التذكير بانه لم يتبقى سوى ساعات ويقفل باب التقديم في 2 ديسمبر
امنياتي للجميع بالحظ السعيد
وشكرا
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: waw)
|
الاخ / الخير
الاخوة " شاكر حامد ابوزيد ( عضو في البورد) ، وعادل الصادق "
كانوا قد ارسلوا لك ردا على امر حالتهم الاجتماعية "اتوكلوا على الله وطلقوا الحريم " ولم يصل منك الرد ؟!
كذلك انا ارسلت لك بيانات وصور اخوات كريمات من ايميلي [email protected] يوم امس الجمعة 30 نوفمبر فما ادري هل وصلتك ام لا لان الوقت ضايق .
اسفين على تعبك ولك خالص الشكر .
عبدالرحمن
| |
|
|
|
|
|
|
|
|
|
Re. (Re: Alsa7afa_30)
|
:
الـلـوتـري 2009 .. مـرحـبا بالجـمـيع
شكرا الاخ الخير ..............
ربنا يوفق الجميع .............
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: Alsa7afa_30)
|
نعـم انتهى الامــر
انتهـى قبل سـويعات قليلـة التقديم لقـرعـة هـذا العـام
وكان كسـبي كبيرا وامـنياتي اكـبر لكل مـتقدم يصـبو بعين املة
في الحضـور لبلاد العـم سـام... انتهى التقديـم وبدأت اشراعات
واشـراقات اخـرى لاناس جمعنـي بهم هـذا الخيـط الذي لـو لاه لما
يسـر لي امر لقاياهـم وهم في اصقاع متفرقة من الارض...قضيت هنا
ايام اقدم فيها يد العون في حـدود معـرفتي لكل الذين سعـوا في
ادخال معلوملتهم وصورهم الجميلة لتطويها جنبات الوب سايد الامريكي
وهي محملة بطمـوح وامـل الهجـرة التي اصبحت مخرجـا لبؤس معاناة
وضنك عيش يعيشــه الكثير من اهـل بلادي المغـلوب علي امـرهم...
وكانما اغلف امنياتي في كـل طبق اقدمـه لمعنيي الامـر والنفس يحدوها
امـل ان تقرا امنياتي قبل ورقة التقديم...هكـذا احبكـم.
 " target="_blank">[/URL]
شكري غير محدود لكم جميعا...شكري لك من ساهم في الشرح وساعد في امر التقديم
شكري لكل من ساهم في جعل ذلك ممكننا.... وحبي الجزيل.
| |
|
|
|
|
|
|
|
|
|
Re: الـلـوتـري 2009 .. مـرحـبا بالجـمـيع. (Re: منتصر الامين)
|
Quote: نعـم انتهى الامــر
انتهـى قبل سـويعات قليلـة التقديم لقـرعـة هـذا العـام
وكان كسـبي كبيرا وامـنياتي اكـبر لكل مـتقدم يصـبو بعين املة
في الحضـور لبلاد العـم سـام... انتهى التقديـم وبدأت اشراعات
واشـراقات اخـرى لاناس جمعنـي بهم هـذا الخيـط الذي لـو لاه لما
يسـر لي امر لقاياهـم وهم في اصقاع متفرقة من الارض...قضيت هنا
ايام اقدم فيها يد العون في حـدود معـرفتي لكل الذين سعـوا في
ادخال معلوملتهم وصورهم الجميلة لتطويها جنبات الوب سايد الامريكي
وهي محملة بطمـوح وامـل الهجـرة التي اصبحت مخرجـا لبؤس معاناة
وضنك عيش يعيشــه الكثير من اهـل بلادي المغـلوب علي امـرهم...
وكانما اغلف امنياتي في كـل طبق اقدمـه لمعنيي الامـر والنفس يحدوها
امـل ان تقرا امنياتي قبل ورقة التقديم...هكـذا احبكـم |
خير الناس انفعهم للناس
الله اسأله ان يجزيك عن كل حرف كتبته لاجل مساعدة الاخرين
وان يجعل لك نصيبا في الاجر عن اي عمل طيب قام به من ساعدتهم (في السنوات الماضية) من مساعدة و كفالة لاهليهم- او صدقة لمحتاج
قيام:..........
السلام الجمهوري:........
جلوس:........
| |
|
|
|
|
|
|
| |
بركات بشير نجار بشير
(
الخير محمد عوض
ناذر محمد الخليفة
خالد عبد الله محمود
anas hassan
محمد الكاب
-1.jpg)
معاوية الطيب
صلاح شكوكو
عمر الفاروق
ودالعباسية
EMU إيمو
معتصم ود الجمام
ايوب عبدالرحيم
Alsa7afa_30
منتصر الامين
فيس بوك
تويتر
انستقرام
يوتيوب
بنتيريست